მთავარი

სასწრაფოდ იყიდება "მერსედესი" "ჟიგულის" ნაწილებით!

გაზიარება
[სიმონ ჯანაშია. 17:18 23-06-2010]

განათლების ცნობილი მკვლევარი და თეორეტიკოსი ჯონ დიუი თავის ცნობილ წიგნში "დემოკრატია და განათლება" აღნიშნავს, რომ განათლების სისტემის წარმატებულად ფუნქციონირებისთვის საჭიროა, ის მკაფიოდ გამოხატული მიზნებით მოქმედებდეს.

დიუის აზრით, როდესაც მიზნების შემუშავება განათლების პროცესში გარედან ხდება, მაშინ მთავარი, რაც პროცესში ჩართულ ადამიანებს ამოძრავებთ, ინსტრუქციების შესრულებაა და არა - კარგი შედეგის მიღების სურვილი.

მეორე მნიშვნელოვანი პრობლემა კი ის არის, რომ გარედან თავსმოხვეული მიზნები ჩვეულებრივ ხისტია და პროცესში ჩართულ ადამიანებს მათი შეცვლის უფლება არ აქვთ. შესაბამისად, დიუის აზრით, ამ მიზნების მიღწევის არა მხოლოდ შესაძლებლობა, არამედ სურვილიც, გარედან ჩართული ადამიანების გარდა, რეალურად არავის აქვს.

2004 წელს, როდესაც განათლების სისტემის რეფორმის მნიშვნელოვანი ეტაპი დაიწყო, სახელმწიფო შეეცადა, საზოგადოებისთვის დაებრუნებინა ძალაუფლების ის მნიშვნელოვანი ნაწილი, რაც მრავალი ათწლეულის განმავლობაში თვითონ ჰქონდა მითვისებული.

ამ ახლად შემუშავებულ მიზნებში იყო ბევრი რამ, რისკენ სვლაც სახელმწიფოს ზეწოლისგან გაათავისუფლებდა ყველას: სკოლებს, სახელმძღვანელოების გამომცემლებს, მასწავლებლების მომზადებასა და კვალიფიკაციის ამაღლებაში ჩართულ ინსტიტუციებს, არასამთავრობო და პროფესიულ ორგანიზაციებს და, რაც მთავარია, მშობლებს, მოსწავლეებსა და მასწავლებლებს. ამ მიზნების მიხედვით, ისინი განათლების პროცესის სრულფასოვან წევრებად უნდა ქცეულიყვნენ და უნდა ჩართულიყვნენ საკუთარი მომავლის დაგეგმვისა და განხორციელების პროცესში.

მაშინ სახელმწიფომ არჩია, თვითონ პროცესის გარეთ დარჩენილიყო არა როგორც პასუხისმგებლობების არმქონე მოთამაშე, არამედ როგორც დამხმარე, მედიატორი, როგორც - რესურსების განაწილებაში თამაშის წესების დაცვის მთავარი ინსტრუმენტი.

სამწუხაროდ, 2009 წლის ბოლოდან და განსაკუთრებით კი ბოლო 2010 წლის პირველი ხუთი თვის განმავლობაში მთელი ენერგია, რომელიც აღნიშნული მიდგომის დანერგვას მოხმარდა, ფუჭად გამოცხადდა.

განათლების მინისტრის, ბატონი დიმიტრი შაშკინის დანიშვნის შემდეგ, პრაქტიკულად, ყოველი ახალი ცვლილებით გეგმაზომიერად იზღუდება შემდეგი: განათლების სისტემაში ადამიანების თავისუფლება და ამის თანმდევი პასუხისმგებლობა, რომ თვითონ, სახელმწიფო ბიუროკრატიის მინიმალური ჩარევით განსაზღვრონ საკუთარი ბედი, იზრუნონ განათლების ხარისხის ამაღლებაზე, შეაფასონ საკუთარი მოსწავლეების საჭიროებები და გამოიყენონ ხელსაყრელი სწავლების მიდგომები.

გამოდის, რომ ახლა განათლების სამინისტრო, იმის ნაცვლად, რომ მუშაობდეს სასკოლო ინიციატივების განვითარებაზე, სახელმწიფოსა და სკოლას შორის ურთიერთდახმარებაზე, ნდობასა და გაზიარებულ პასუხისმგებლობებზე დაფუძნებული განათლების სისტემის შექმნაზე, ეს უწყება ძალიან სწრაფად აშენებს ათწლეულების მანძილზე არაეფექტურად გამოცხადებულ სისტემას, რომელიც ამავე დროს არადემოკრატიული, მკაცრად ადმინისტრაციულ-ბრძანებლური და არაშემოქმედებითია. ეს არის სისტემა, რომელიც განვითარების შეჩერებასა და პასუხისმგებლობების ვერტიკალურ განაწილებაზეა დაფუძნებული.

ცხრილში შეგიძლიათ, გაეცნოთ ამ მიმართულებით გადადგმული ნაბიჯების ნაწილს. თითოეული ეს ინიციატივა არაერთ სერიოზულ პრობლემას და მცდარ მიდგომას შეიცავს, რაც საერთაშორისო და ადგილობრივი გამოცდილების, განათლების კვლევების შედეგების, სახელმწიფოს ეკონომიკური და სოციალური პოლიტიკის გაცხადებული პრიორიტეტების გაუთვალისწინებლობის შედეგია.

წყალში იყრება საქართველოს, როგორც პოსტსაბჭოთა ქვეყნებს შორის ყველაზე ინოვაციური, დემოკრატიული, განვითარებასა და შედეგზე ორიენტირებული განათლების სისტემის მქონე ქვეყნის, რეპუტაცია. ამ სახელს არ ქმნიან მინისტრები, რომლებიც მედიის, მასწავლებლების ან დონორების წინაშე ცდილობენ საკუთარი მოქმედების დასაბუთებას. ამ სახელს არ ქმნიან არც მრჩეველთა საბჭოები, საზოგადოებრივი დარბაზები ან არასამთავრობო ორგანიზაციების კლუბები. განათლების სფეროს სპეციალისტებისთვის ჩვენი ქვეყნის მიზნებსა და ამბიციებზე გაცილებით უფრო კარგად მეტყველებს განათლების სისტემის და მისი კონკრეტული ინსტრუმენტების პასუხისმგებლობებისა და თავისუფლებების სქემების აღწერა, ვიდრე რიტორიკული გამოსვლები ან მასწავლებლებთან თუ დირექტორებთან შეხვედრის დაწყების წინ დაწერილი პრეს-რელიზები, რომლებიც წინასწარ გვამცნობს, რომ შეხვედრის ყველა მონაწილე მზად არის, მუხლჩაუხრელად და კმაყოფილებით იმუშაოს საბჭოთა კავშირის აღდგენაზე მინისტრის მოსაზრებებისა და მიზნების გაზიარებით.

განათლების რეფორმის განხორციელებისა და ნგრევის პროცესი შემდეგს ჰგავს: ქართველები ვცდილობდით მაღალი კლასის ავტომობილის (მაგ. "მერსედესის") აწყობას. ამიტომ შევისწავლეთ "მერსედესის" ტექნოლოგია, მუშაობის პრინციპები, ვიშოვეთ მისი ნაწილები, მოვარგეთ ადგილობრივ საჭიროებებს და ავაწყვეთ პირველი მანქანაც. გამოვცადეთ ეს მანქანა ქართველ მძღოლებთან, დავიწყეთ ხელოსნების კვალიფიკაციის გაზრდა. რაც მთავარია, აწყობილი მანქანები ხალხს გადავეცით და ნელ-ნელა დავიწყეთ იმის სწავლება, რომ მათი მოვლა-პატრონობა და განვითარება მომავალში თვითონ შეძლებოდათ. ეკონომიკურად ღარიბ ოჯახში აწყობილი "მერსედესი" შტუტგარტის ქარხანაში აწყობილის დონის არ არის. ხან რაღაცის შეერთება დაავიწყდებათ, ხან კი გზაში რაღაც დეტალის დამატება იქნება საჭირო, მაგრამ მაინც "მერსედესია", რომლითაც უსაფრთხოდ, ეკონომიურად, ეფექტურად და კომფორტულად მიხვალ დანიშნულების ადგილამდე. ავტომობილის მფლობელები ნელ-ნელა ახალი, გაუმჯობესებული მოდელის შექმნაზე ორიენტირებულ ერთობად ყალიბდებოდნენ.

აი, ბოლო ნახევარი წლის განმავლობაში კი "მანქანათმშენებლობის სამინისტრო" დეტალებს აცლის ამ მანქანას და "ჟიგულის" ნაწილებით ანაცვლებს. "ჟიგული" მაინც უფრო ნაცნობია ადგილობრივი ხელოსნებისთვის, მარტივი დეტალებითაა აგებული. მართალია, ხშირად ფუჭდება, მაგრამ შეკეთება ყველა მძღოლმა იცის. თან გაუგებარი ელექტრონიკის ნაწილებით არ არის შექმნილი, რომელსაც თავს და ბოლოს ვერ გაუგებ. აღარც იმის შესაძლებლობა გექნება, რომ სიჩქარეს გადააჭარბო და კისერი მოიტეხო. საჯაროდ გაცხადებული მიზანი კვლავაც "მერსედესის" შექმნა რჩება და ეს ცვლილებები ისე კეთდება, რომ გარედან საბჭოთა მანქანის დაჟანგული დეტალები გამაღიზიანებლად არ ჩანდეს. ავტომობილის მფლობელებს მუდმივი გაუმჯობესების შესახებ მოგვითხრობენ, და ცდილობენ, დაგვარწმუნონ, რომ "ჟიგულიც" უსაფრთხო, ეკონომიკურად გამართლებული, განვითარებაზე ორიენტირებული და ეფექტური იქნება. მთავარია, მკაცრი და დეტალური ინსტრუქციები მისცე მძღოლს, კარგად დააპროგრამო წინასწარ და ხშირი შემოწმებები ჩაატარო.

არადა, ჩვენ ხომ თითქოს 20 წლის წინათ მივხვდით, რომ "ჟიგულებით" შორს, სწრაფად და კომფორტულად ვერ წავიდოდით. ამიტომ გირჩევთ, რომ ვისაც გინდათ, ისევ "მერსედესის" აწყობას მივუბრუნდეთ, თანაც ისეთის, რომელიც ჩვენი მონაწილეობით იხვეწება და ვითარდება, ცოტა მეტი მოვთხოვოთ ჩვენს სახელმწიფოს, ვიდრე ხელფასების გაზრდა, მანქანაში გამათბობლის დაყენება და გაუმართავი ავტომობილების მართვით გამოწვეული ჯარიმების გაუქმებაა.

სკოლების თვითმმართველობა/პასუხისმგებლობა ადმინისტრირების მიმართულებით

ლიბერალი

სამეგრელო: ახალაიების სამართალი ასე ჭრის...

გაზიარება
[17:18 23-06-2010]

პოლიციის შენობის წინ ხალხმრავალი აქცია გაიმართა დღეს ჩხოროწყუს რაიონში. ქუჩაში გამოსული ორასამდე ადამიანი სამართალდამცავ უწყებას უმოქმედობაში ადანაშაულებდა. საქმე ეხება 2009 წლის აპრილში პოლიციის უმცროსი ინსპექტორის დათო სიჭინავას მიერ, სოფელ კირცხში 29 წლის ელგუჯა ახალაიას მკვლელობას. როგორც მოკლულის ოჯახის წევრები ამბობენ, ძალოვანები საქმის გამოძიების პროცესს შეგნებულად, თანამშრომლის დაცვის მიზნით აჭიანურებენ. ახალაიას მეუღლემ ნატო კემულარიამ „ახალ 7 დღეს“ უთხრა, რომ დამნაშავე დაკითხულიც კი არ არის, მისი მტკიცებით პოლიციამ მკვლელობის თვითმხილველებიც დააშინა.

„10 თვის წინ ელგუჯა ჩვენს თანასოფლელებთან ერთად მდინარე „ხობისწყალთან“ იმყოფებოდა. მათ ახლდა პოლიციის თანამშრომელი დათო სიჭინავა, რომელმაც ჩემს ქმარს გაურკვეველი მიზეზით კისრის არეში ჭრილომა მიაყენა, როგორც მოწმეებმა გვითხრეს, ელგუჯამ გონება დაკარგა და თავი რიყის ქვას დაარტყა. ის ადგილზე გარდაიცვალა. ცხედარი დათო სიჭინავამ წყალში შეაცურა და იქ მყოფ ბიჭებს სასტიკად აუკრძალა მომხდარზე საუბარი. მიუხედავად ამისა ჩვენ მაინც გვიამბეს ყველაფერი. რამოდენიმესაათიანი ძებნის შემდეგ ცხედარი მდინარემ გამორიყა. სამედიცინო ექსპეტიზის დასკვნით, ჩემი ქმარი წყალში არ დამხრჩვალა, როგორც ამას პოლიცია ამბობს...

ვითხოვთ, დაიკითხოს ლევან კვეკვესკირი, რომლიც ადასტურებს პოლიციელის მიერ ჩადენილ დანაშაულს, მაგრამ რაიონული და სამხარეო პოლიცია რატომღაც საეჭვოდ პასიურობენ...

ვეძებთ სამართალს, გვინდა, დაისაჯოს დამნაშავე. ჩატარდეს ობიექტური გამოძიება და იზეიმოს სამართალმა.

ძალიან ცუდ მდგომარეობაში აღმოვჩნდით – 3 მცირეწლოვანი ბავშვის აღზრდა დამაწვა კისერზე, მატერიალურად გვიჭირს, ამათ კი მკვლელის დაკავება არ უნდათ. არ გავჩერდებით და ვიბრძოლებთ ბოლომდე“.

მოკლული ელგუჯა ახალაიას მამა გამოძიების კვლავ გაჭიანურების შემთხვევაში მართლმსაჯულების აღსრულებას საკუთარი ძალებით გეგმავს.

თამუშა ახალაია: „გამცენ პასუხი, რატომ მოკლეს ჩემი შვილი, და რატომ არ დააკავეს დამნაშავე. თუ პოლიცია არ დაასრულებს გამოძიებას, გადავწვავ მათ შენობას და დამნაშავის სახლს. 10 თვეა, წინ და უკან დავდივარ ნორმალური პასუხი არავინ გამცა, რაიონულ პოლიციაში რომ მივალ, სამხარეოში მაგზავნიან, ისინი კიდევ თბილისში გენპროკურატურაში. აღარ შემიძლია. უკიდურესი ზომების მიღებისკენ მიბიძგებენ. ჩვენს ქვეყანაში არ არსებობს სამართალი“.

აქციას საზოგადოებრივი მოძრაობა „დაიცავი საქართველოს“ წევრები ესწრებოდნენ. უფლებადამცველებმა ახალაიებს თანადგომა აღუთქვეს და სამართალდამცავ უწყებას გამოძიების შეფერხების მიზეზების დასახელება მოსთხოვეს, საპასუხოდ კი ირონია და დაცინვა მიიღეს.

კახა მიქაია: „დაიცავი საქართველო“ ჭირისუფალთან ერთად აპროტესტებს ამ უპრეცედენტო უკანონობის ფაქტს. პოლიციის თანამშრომელმა ადამიანი მოკლა, შემდეგ მდინარეში გადააგდო და ამის გამო ის არათუ დააპატიმრეს, არამედ არც კი დაუკითხავთ. თითქმის 1 წელი გავიდა მომხდარიდან, იმ პერიოდში პოლიციის უფროსი იყო გია ლემონჯავა, რომელიც არის საოლქო პროკურორის, როლანდ ახალაიას, ახლო ნათესავი. როგორც ხედავთ, ახალაიების კლანი მოდებულია მთელს სამეგრელოს და რასაც უნდათ იმას აკეთებენ. თქვენ წარმოიდგინეთ, ადამიანი მოკლეს, მდინარეში გადააგდეს და ამაზე პასუხი არავინ აგო... საქმეც კი არ აღძრეს. როლანდ ახალაიას კლანს შეუძლია ხალხი დახოცოს და ამაზე პასუხს არავინ მოსთხოვს. მე არ ვიცი, ეს ყველაფერი რამდენ ხანს გაგრძელდება, ფაქტი არის ერთი, ამ მკვლელობის შემდეგ ლემონჯავა დააწინაურეს და საკრებულოს თავმჯდომარედ დაინიშნა.

მე მაქვს იმედი, რომ სამეგრელო მალე ამოიღებს ხმას და საკადრის პასუხს გასცემს სააკაშვილი–მერაბიშვილი–ახალაის მკვლელთა დაჯგუფებას“.

რეგიონში გამეფებული შიშის სინდრომის მიუხედავად, ჩხოროწყუს ცენტრში გამოსული მოსახლეობა აქციების გაგრძელებით იმუქრება, ისინი სამეგრელო–ზემო სვანეთის სამხარეო პოლიციის შემდეგ პროტესტის გამოხატვას დედაქალაქში, მთავრობის სასახლესთან, გეგმავენ. აღსანიშნავია, რომ „ვარდების რევოლუციის“ შემდეგ ეს პირველი მასშტაბური საპროტესტო გამოსვლაა, რომელიც ჩხოროწყუელებმა გამართეს. ადგილობრივებმა „ახალ 7 დღეს“ შესჩივლეს, რომ ქალაქში ჟურნალისტებისა და უფლებადამცველების არარსებობის გამო პროტესტის გამოხატვის ეშინიათ. დღევანდელი დღე ის იშვიათი გამონაკლისი აღმოჩნდა, როდესაც რაიონში აქციის გასაშუქებლად ჟურნალისტები, ხოლო ჭირისუფლის მხარდასაჭერად საზოგადოებრივი მოძრაობის წევრები ჩავიდნენ.

ზაირა თოდუა, აქციის მონაწილე: „ვითხოვ სამართლიანობის აღდგენას. მოხდა ისე, რომ წელიწადი სრულდება და დღემდე ბურუსით არის მოცული ელგუჯა ახალაიას მკვლელობა. გაუბედურებული დარჩნენ ელგუჯა ახალაიას მოხუცი მამა, 27 წლის მეუღლე და 3 მცირეწლოვანი შვილი. ის უბედურება, რაც ამ ხალხს თავს დაატყდა, ყველა ქართველის ტკივილი უნდა იყოს.

გვჯერა, რომ თქვენი მეშვეობით ამ ამბავს შინაგან საქმეთა მინისტრი ვანო მერაბიშვილი გაიგებს და მოახდენს შესაბამის რეაგირებას. მე არ მინდა, დავიჯერო რომ საქართველოში კიდევ ერთხელ იზეიმებს უსამართლობა...

ოჯახმა გასული თვეების განმავლობაში მოიძია დოკუმენტაცია, ესაუბრა მოწმეებს და იციან, თუ როგორ მოხდა ელგუჯას მკვლელობა.

მომავალდანგრეული და გაუბედურებული ბავშვები ამბობენ: ჩვენ რომ გავიზრდებით მამის მკვლელს საკუთარი ძალებით გავუსწორდებითო... მე არ მინდა, რომ მკვლელები შეემატონ საქართველოს...

პედაგოგი გახლავართ. სოფელ კირცხის სკოლაში ვმუშაობ. ვიცი, რა შედეგები შეიძლება მოჰყვეს აქციაზე ჩემს ყოფნას, მაგრამ უკანონობაზე თვალის დახუჭვა არ შემიძლია...“

"ახალი 7 დღე"

ჩვენს მეტი ვინ ავა ხეზე?!

გაზიარება
[17:13 23-06-2010]

დღეს, დილის 11 საათზე, ზუგდიდის ცენტრში შეკრებილი მოსახლეობის ყურადღება ერთმა მეტად საინტერესო სანახაობამ მიიპყრო. საზოგადოებრივი მოძრაობა „დაიცავი საქართველოს“ ერთ–ერთმა ლიდერმა კახა მიქაიამ ქალაქის ცენტრში, ისტორიულ ბულვარში, ორ ყველაზე მაღალ ხეზე გაბმულ ჰამაკში შიმშილობის აქცია დაიწყო. მიქაიამ და მისმა მეგობრებმა ცოტა ხნით ადრე რაიონის მუნიციპალიტეტის გამგეობის შენობასთან საპროტესტო მანიფესტაცია გამართეს და მთავრობას ქალაქში 2 თვის წინ დაწყებული ხეების მასობრივი გაჩეხვის შეწყვეტა მოსთხოვეს.

როგორც კახა მიქაიამ „ახალ 7 დღეს“ განუცხადა, შიმშილობის აქციის დაწყების მიზეზი გამგეობის მიერ მიღებული გადაწყვეტილება გახდა ბულვარის გაჩეხვის თაობაზე. მისი თქმით, გამწვანების სამსახური უძველესი ხეების გაკაფვას და მის ადგილას იტალიიდან ჩამოტანილი ჯუჯა ჯიშის ნერგების დარგვას გეგმავს...

„ეს არის პროტესტის მშვიდობიანი ფორმა. როგორც ჩვენთვის ცნობილი გახდა, ხელისუფლება აპირებს ჭადრების ხეივნის განადგურებას. „დაიცავი საქართველო“ აპროტესტებს ამ ყოველივეს. დღეს გამოვაცხადე 1–დღიანი გამაფრთხილებელი შიმშილობა. მთელი ზუგდიდი უნდა დადგეს ფეხზე – მთავრობას ამის საშუალება არ უნდა მივცეთ. გვაქვს ინფორმაცია, რომ იგეგმება დადიანისეული სასახლის ტერიტორიაზე არსებული ბოტანიკური ბაღის გაყიდვაც,“ – ამბობს მიქაია.

ქალაქის ცენტრში გამგეობას რიგითი მოქალაქეებიც დაუპირისპირდნენ. იმ შემთხვევაში, თუ საზოგადოებრივი მოძრაობის მოთხოვნა არ დაკმაყოფილდება, ზუგდიდელები მასშტაბური საპროტესტო აქციებით იმუქრებიან.

დალი ლატარია, ზუგდიდის მკვიდრი: „ვუერთდები „დაიცავი საქართველოს“. დღეიდან თუ კიდევ ერთი ძირი ხე მოიჭრება, არ ვაპატიებთ გამწვანების სამსახურს. შემაშფოთებელი რამ ხდება ზუგდიდში. უძველესი ხეები გაჩეხეს და დარგეს სამარცხვინო ნერგები. ღმერთმა მიუტევოთ ეს დიდი ცოდვა... ყველა ქართველს მოვუწოდებ, ამოიღოს ხმა და შეაჩეროს ეს ვანდალიზმი. ეს ალიკა ქობალია, ზუგდიდის გამგებელი, მთლად ნორმალური არ არის! აბა საღად მოაზროვნე პიროვნება ასეთ გადაწყვეტილებას მიიღებს?!“

კლარა აბრამია, ზუგდიდის მკვირდი: „ეს ხეები ზუგდიდის ფილტვებია. თუკი გაბედავს ხელისუფლება და უკვე ბულვარის გაჩეხვასაც დაიწყებს, ხალხი უნდა აჯანყდეს. ადგილობრივი მთავრობა არის უსუსური და უუნარო, ისინი ასრულებენ ცენტრალური ხელისუფლების დავალებას...“

ქალაქის გალამაზება განსაკუთრებული მონდომებით ლევან II დადიანის კარზე დაიწყო, სწორედ, დადიანთა სამეგრელოში მოღვაწეობის პერიოდს უკავშირდება ზუგდიდის გამწვანება. მთავრებმა ქალაქის იერსახის გაუმჯობესების მიზნით ქუჩებში იშვიათი ჯიშის ხეებით დარგეს. სამეგრელოს დედოფლის ეკატერინე ჭავჭავაძის ძალისხმევით ზუგდიდში საფრანგეთიდან ჩამოტანილი ნერგებით გააშენეს უმშვენიერესი ბაღი, რომელიც დღემდე ადგილობრივების სიამაყედ ითვლება.

დადიანისეული სასახლის ტერიტორიაზე არსებული ათობით ასწლოვანი ხე დაახლოებით ორი წლის წინ მუნიციპალიტეტის გამგეობის ბრძანებით გაიჩეხა, მათ ნაცვლად უცხოეთიდან ჩამოტანილი ნერგები დარგეს.

ზუგდიდის გამგეობაში ბრალდებებზე კომენტარს არ აკეთებენ. რაიონის მუნიციპალიტეტის პარტნიორი, გამწვანების კომპანია შპს „კოლხი პეიზაჟის“ დირექტორი ბესიკ ჭითანავა კი „დაიცავი საქართველოს“ ინფორმაციას „ჭორს“ უწოდებს.

„ყველა ჭორს არ დაუჯეროთ! ბულვარის გაჩეხვას არავინ აპირებს. მეგრელებისთვის ღირებულებას წარმოადგენს ბულვარი და ბოტანიკური ბაღი. თუ ეს ტერიტორია გავჩეხეთ, მაშინ რაღას დავტოვებთ ქალაქში?!

სამუშაოები უკვე დასრულებულია. კეთილმოწყობის სამსახურმა მოკვეთა დაზიანებული ხეები და დავრგეთ იტალიური ნერგები,“ – ამბობს ჭითანავა.

რომიდან ჩამოტანილი მარადმწვანე მუხის ერთი ნერგი სახელმწიფოს 350 ევრო, ბუჩქები 32 ევრო, ხოლო ფიჭვი 45 ევრო უჯდება. ზუგდიდის რაიონის ბიუჯეტიდან ქალაქის გამწვანებისთვის გამოყოფილია წელიწადში 191 000 ლარი, სახელმწიფო ბიუჯეტიდან კი 197 000 ლარი.

"ახალი 7 დღე"

READ MORE - ჩვენს მეტი ვინ ავა ხეზე?!

სამ აზერბაიჯანელ ჯარისკაცს ერთფეროვნება მობეზრდა და... ქვედანაყოფი გააუპატიურეს

აზერბაიჯანის არმიაში მთელი ქვედანაყოფი გააუპატიურეს, მისი მეთაურები კი, დახოცეს.

გაზიარება
[16:25 23-06-2010]

აზერბაიჯანული სააგენტო “აპას” ცნობით, აზერბაიჯანის არმიის ჯარისკაცები ემინ რაგიმოვი, თოღრულ ბაგიროვი და იუსუფ იუსუფოვი გაბეზრდნენ სამსახურის ერთფეროვნებით და თანამომსამსახურეების გაუპატიურება დაიწყეს და ფაქტობრივად, მთელი ქვედანაყოფი ჰარემად გადააქციეს.

ხელშეუხებელნი მხოლოდ ქვედანაყოფის მეთაური და მისი მოადგილე დარჩნენ, რომლებიც მომხდარს არ იმჩნევდნენ. თუმცა, ხელმძღვანელობამ მათ საქმეში გარკვევა მოსთხოვა. გამოძიება ქვედანაყოფის უფროსმა ელშან თაგიევმა დაიწყო.

რაგიმოვმა, ბაგიროვმა და იუსუფოვმა “სექსუალური უფლების” ხელყოფა ვერ აიტანეს და ელშან თაგიევისა და მისი მოადგილის რამალ ემრახოვის მოკვლა გადაწყვიტეს. ჯარისკაცებმა ავტომატები გაიტაცეს, ემრახოვი საქვაბეში, თაგიევი კი, სამზარეულოში მოკლეს. ამის შემდეგ, ჯარისკაცები გაიქცნენ, თუმცა, ისინი მალე დააკავეს.

ბაქოს სამხედრო სასამართლომ “განზრახ მკვლელობისა” და “არაერთგზის განმეორებითი ჯგუფური სექსუალური ძალადობის” მუხლებით რაგიმოვსა და ბაგიროვს სამუდამო, იუსუფოვს კი, 15 წლით თავისუფლების აღკვეთა მიუსაჯა.

სასამართლოს დაზარალებულის სტატუსით 28 ადამიანი ესწრებოდა.

როდის აღარ იქნება “ვისოლი” მონოპოლისტი?

გაზიარება
[რუსიკო მუმლაძე. 16:17 23-06-2010]

პარლამენტში ახალ საგადასახადო კოდექსთან დაკავშირებით, ფინანსთა მინისტრი გაწურეს. მინისტრს “ვისოლის” წარმომადგენელი წამოეშველა. მონოპოლიზაციის შესახებ კანონში ცვლილებები როდის იგეგმება, რომ ისეთი კომპანია, როგორიც “ვისოლია” პრივილეგირებული არ იყოსო, მრავალმნიშვნელოვნად იკითხა ერთ-ერთმა რედაქტორმა.

პარლამენტის ერთ-ერთი დარბაზი უჩვეულოდ იყო გადაჭედილი, რადგან საკანონმდებლო ორგანომ ბოლოსდაბოლოს, ახალი საგადასახადო კოდექსის განხილვა დაიწყო. კოდექსი, რომელიც არჩევნების შემდეგ მთავრობისა და ბიზნესის განხილვის აქტიური თემაა, დეპუტატებსა და სხვადასხვა სექტორის მოწვეულ სტუმრებს თავად ფინანსთა მინისტრმა, კახა ბაინდურაშვილმა წარუდგინა.

როგორც ვიცერ-სპიკერმა, ლევან ვეფხვაძემ აღნიშნა დარბაზში არ იყვნენ, მხოლოდ “პარიკმახერები” და მესაათეები. ამ დროს ვეფხვაძემ “სერიოზული შენიშვნაც მიიღო “ნაციონალ” ზურაბ მელიქიშვილისგან - “პარიკმახერები კი არა – დალაქები” ჰქვიათო.

ამ სხდომაზე აშკარად გამოჩნდა, რომ ყველა სფეროს თავისი თავისტკივილი აქვს და ეს ახალი კოდექსიც ბოლომდე არ ითვალისწინებს მათ მოთხოვნებს. თუმცა, ფინანსთა მინისტრის თქმისა არ იყოს, მაშინ გადასახადები საერთოდ არ უნდა დაწესდეს. თუმცა, ვიცე-სპიკერიც მართალია, როცა ამბობს, რომ კოდექსმა ღარიბისა და მდიდარის გარჩევა უნდა მოახერხოს უფრო უკეთესად, მიუხედავად იმისა, რომ ფეხსაცმელის გამყიდველები აღარ დაიბეგრებიან, მაგრამ სპირტიანი სასმელების შემომტანი კომპანიებისთვის იზრდება გადასახადები.

ვეფხვაძე-ბაინდურაშვილის დავა ძირითადად, სასწავლებელების დაბეგვრის თემას ეხებოდა. ვეფხვაძე იძახდა, რომ შეიძლება, ბენდუქიძის კერძო უმაღლესი სასწავლებელი დაიბეგროს, სადაც, როგორც წესი, შეძლებული “მამიკოების” შვილები სწავლობენ. თუმცა, ის კატეგორიულად აყენებდა საკითხს, რომ სახელმწიფო უნივერსიტეტებში, სადაც სახელმწიფო სტუდენტთა მხოლოდ 30%-ს უხდის სწავლის საფასურს, ეს დაბეგვრები არ უნდა შეეხოთ, რადგან ამ სასწავლო დაწესებულებებში ისეთები სწავლობენ, რომელთა მშობლები საშუალო ფენის წარმომადგენლებიც შეიძლება, არ იყვნენ.

მისივე თქმით, ახალი გადასახადი გააძვირებს სწავლას სამუსიკო სკოლებში, სპორდარბაზებში, სადაც დღეს თუ 20 ლარია გადასახადი, ხვალ 40 გახდება და იქაც ვეღარ შეძლებს საშუალო ფენაც კი, ატაროს შვილები.

დარბაზში ვეფხვაძემ და ბაინდურაშვილმა ბევრი იდავეს, თუმცა, სხდომის დასრულების შემდეგ ფინანსთა მინისტრმა პრესა.გე-ს თანდასწრებით ვეფხვაძე უთხრა: “ბენდუქიძეს რას ერჩით კაცო. ეგ თემები გავიაროთ, კი ბატონო. პარლამენტში არ უნდა შემოგვეტანა? ბუნებრივია, ნაწილს აქ დაამატებთ რაღაცას. სწორი კრიტიკაა, გავიზიარებთ და გამოვა კარგი დოკუმენტი”.

- “ძალიან კარგი, მზად ვართ თანამშრომლობისთვის”, - უპასუხა ვეფხვაძემ.

რა ფორმით უნდა მოხდეს მდიდრებისა და ღარიბების სასწავლო დაწესებულებების დიფერენცირება ერთმანეთისგან, ჩვენს ამ კითხვაზე საკუთარი მოსაზრება არ აქვს ვეფხვაძეს. თუმცა, ის ამბობს, რომ მთავრობა იმისთვისაა, ეს ფორმა მოიფიქროს. ვნახოთ, რა შედეგს მოიტანს მინისტრისა და დეპუტატის პარლამენტის ჰოლში გასაუბრება…

ორი დღის წინ ბენდუქიძემ ბიზნესმენებისა და პრემიერ გილაურის მთავარ მრჩეველთან შეხვედრის დროს ამ თემაზე განაცხადა, რომ ის საერთოდ არ არის მომხრე გადასახადების შემცირების, მაგრამ სასწავლებლების დაბეგვრის დროს რაღაც ნიუანსების გათვალისწინება მთავრობას შეეძლო. გარდა ამისა, მან დაადასტურა, რომ მათ ხარჯვით ნაწილს აუცილებლად დაეტყობა ახალი გადასახადი.

ეს კი, თავისთავად აისახება სტუდენტების სწავლის საფასურზეც. თუმცა, ამ ნაწილში ფინანსთა მინისტრი მართალია, როცა ამბობს, რომ გადასახადებისგანაც თავისუფალი იყო ეს სფერო, მაგრამ სწავლის საფასურმა მაინც მოიმატა. თანაც, მისი თქმით, მთავრობა შეეცადა, რომ დამატებითი ღირებულების გადასახადი დაეკისრებინა ისეთი ბიზნესებისთვის, რომლებიც მილიონებს ატრიალებენ. ასეთებად მთავრობა მობილური კომპანიებსა და კერძო უმაღლესებს თვლის.

საერთოდ კი, ბაინდურაშვილის თქმით, დროა, მდიდრებმა მეტი გადაიხადონ და გადასახადების რაოდენობის ზოგადი მაჩვენებლის საშუალო დონემდე მაინც ავიდნენ. თუმცა, იმედია, ხელისუფლება ღარიბებსაც არ დაივიწყებს, რადგან მათთვის გაძვირებული გადასახადი, უმეტეს შემთხვევაში, განათლებასთან დამშვიდობებასაც ნიშნავს.

სულ ცოტა, სახელმწიფომ უნდა დაწიოს ზღვარი იმ სტუდენტებისთვის, რომლებიც სახელმწიფო დაფინანსებაში მაღალი ქულების მიუხედავად, მაინც ვერ ხვდებიან. ეს ბარიერი შარშან უფრო მაღალი იყო, ვიდრე 2008 წელს. ანუ, სახელმწიფოს მხრიდან მაინც უნდა გაიზარდოს იმ სტუდენტთა დაფინანსება, რომლებიც უმაღლესებში აბარებენ, მაგრამ ზედმეტად მაღალი ბარიერის გამო ვერ ხვდებიან ამ დაფინანსებაში.

თავად მინისტრი პარლამენტში თითქმის სამსაათიანი დებატების შემდეგ სწორედ რომ ყოფილი სახელმწიფო მინისტრის, კახა ბენდუქიძის კერძო სასწავლებელში მიდიოდა შეხვედრაზე. ბენდუქიძესთან შეხვედრამდე კი, ფინანსთა მინისტრმა, ბაინდურაშვილმა პრესა.გე-თან ასეთი კომენტარი გააკეთა:

- “არ მივდივარ ბენდუქიძესთან მხოლოდ განათლების საკითხებზე სასაუბროდ. ყველაფერზე ვისაუბრებთ. ბენდუქიძე ნამდვილად არ გახლავთ ის ადამიანი, რომელსაც მხოლოდ რაღაცა კონკრეტულზე უნდა ესაუბრო. ის არის ადამიანი, რომელიც ყველაზე უფრო წარმატებული ეკონომისტი და ბიზნესმენია ქვეყანაში. დარწმუნებული ვარ, მისგან ძალიან ბევრი საინტერესო წინადადება იქნება.

კახა ბენდუქიძეც და სხვა მსხვილი ბიზნესმენებიც ბიუჯეტის ხარჯვითი ნაწილის შემცირებისკენ მოგიწოდებენ. გაითვალისწინებთ მათ შენიშვნას?

- ვფიქრობ, რომ საქართველოს დღეს გააჩნია ისეთი ბიუჯეტი, როგორიც უნდა ჰქონდეს…

ერთ წელიწადში შესაძლებელია ბიუჯეტი 3%-იან დეფიციტზე დაიყვანოთ?

- ერთ წელიწადში, არა. თქვენ იცით, რომ ჩვენ ეს დაგეგმილი გვაქვს 2013 წლისთვის”.

2013 წლისთვის კი, საპარალმენტო არჩევნებიც ჩატარებული იქნება და საპრეზიდენტოც. ეს კი იმას ნიშნავს, რომ მთავრობა მანამდე “მოწყალებას გაიღებს” და ამომრჩევლებს გზებს დაუგებს “საჩუქრად”, როგორც ამას მათი საპარლამენტო მდივანი ხუროშვილი აცხადებს. ამავდროულად, ბევრ საგარეო ვალებსაც აიღებს, რადგან საქართველოს ბიუჯეტი ამდენ გზებს და შეღებილ ფასადებს ვერ გაუძლებს.

ხოლო, როცა ხელისუფლებაში ყოფნის პოლიტიკური გარანტია ექნებათ “ნაციონალებს” და არჩევნების წაგების საშიშროება გაივლის, ევროსტანდარტების შესაბამისად, ბიუჯეტის დეფიციტს 6%-დან სამამდე ჩამოიყვანენ. ანუ, გაბერილი ბიუჯეტისთვის აუტანელ ხარჯებსაც აღარ გაიღებენ, გზებსაც აღარ დააგებენ და ამომრჩევლებსაც მომდევნო 4 წლით დაივიწყებენ.

ბიზნესასოციაციის პრეზიდენტი გიორგი ჭირაქაძე ჩვენთან ინტერვიუში ამბობდა, რომ ხელისუფლებამ უნდა შეწყვიტოს საგარეო ვალების აღება, რათა საბერძნეთის ბედში არ აღმოვჩნდეთ და შევინარჩუნოთ ეკონომიკური პარამეტრები. ამავდროულად კი, როგორც ჭირაქაძე ამბობს, გზების კეთებასაც უნდა დაანებოს მთავრობამ თავი, რადგან დღევანდელ ბიუჯეტს ამის საშუალება არ აქვს.

- “როცა ფული არ გაქვს, თვითმფრინავს არ ყიდულობ, ხო? ჩვენ თუ მოვინდომეთ, ერთ წელიწადში გვაქვს რესურსები, დეფიციტი 3%-მდე ჩამოვიყვანოთ”, - აცხადებს ჭირაქაძე.

სხვათა შორის, მისი ასოციაციის წევრი და საწვავის უმსხვილესი კომპანია “ვისოლი” დღეს მედიის კრიტიკის ობიექტი გახდა პარლამენტში. როცა სასწავლებლების დღგ-ით დაბეგვრის გამო ბაინდურაშვილი გაწურეს, მას “ვისოლის” წარმომადგენელი წამოეშველა და განაცხადა, რომ მთავრობის ახალი საგადასახადო კოდექსი რევოლუციურია, ვინც ადრე აკეთებდა ბიზნესს, მან იცის, რამხელა შეღავათები ექნება ამ ახალი კოდექსითო და ა.შ.

“ვისოლის” წარმომადგენელმა გამოსვლა რომ დაამთავრა, “რეზონანსის” მთავარმა რედაქტორმა, ლაშა ტუღუშმა იკითხა, მონოპოლიზაციის შესახებ კანონში ცვლილებები როდის იგეგმება, რომ ისეთი კომპანია, როგორიც “ვისოლია” პრივილეგირებული არ იყოსო. დარბაზს სიცილმა გადაუარა. ბაინდურაშვილმა კი უპასუხა: “ჩვენ ახლა ამ თემას არ ვიხილავთ”.

არადა, ეს ისეთი თემაა, რომელზეც მარტო მედია წერს, ხელისუფლება კი, არ ლაპარაკობს. ანუ, როგორც ამბობენ, თავის ბიზნესმენებს ხელისუფლება ისე უქმნის მონოპოლურ სიტუაციებს, რომ ამით ორივე მხარე კმაყოფილია და ერთმანეთის საწინააღმდეგო არაფერი აქვთ. საწინააღმდეგო ვისაც აქვს, იმდენად ღარიბია, მისი ხმა არც ამ ბიზნესმენებამდე მიდის და არც ხელისუფლებამდე.

იქამდე არც მედიის ხმა აღწევს და არც ევროკავშირის. ევროკავშირი დიდი ხანია ითხოვს ისეთი ლიბერალური გარემოს შექმნას, სადაც ერთ კომპანიას არ ექნება მონოპოლური უფლება, მაგალითად, შაქარი შემოიტანოს, ან საწვავი და როგორც უნდა, ისე არ ზარდოს ფასები.

- “ერთი კომპანიაა, რომელსაც შაქარი შემოაქვს საქართველოში. თუ ბიჭი ხარ, შენ შემოიტანე საზღვარზე საწვავი, ან შაქარი. ეგრევე გადაგიყრიან საბაჟოზევე. მიდი მერე და უფლებებზე ილაპარაკე”, - აცხადებს ვეფხვაძე.

არადა, რეალური ფუნქციების მქონე ანტიმონოპოლიური სამსახური და ასეთივე რეალური არამონოპოლიური გარემო რომ შეიქმნას ჩვენთან, მაშინ ევროპასთან თავისუფალ ვაჭრობასაც მივაღწევთ და ამით ღარიბებიც ისარგებლებენ...

სამაგიეროდ, დაზარალდებიან მონოპოლსტები, რადგან სხვა კონკურენტი ფირმები გამოჩნდებიან, რომლებიც აქ ახალ სამუშაო ადგილებს შექმნიან, პროდუქციის ფასებს დაწევენ და ჩვენი მილიონერების მოგებას გაანახევრებენ. ეს მონოპოლისტი ბიზნესმენები კი, მათი ასოციაციის პრეზიდენტ ჭირაქაძის თქმით, “დიახაც რომ მთავრობის მომხრეები არიან”.

presa.ge

პოლონეთი - კაჩინსკების ერის დასასრული ახლოვდება

გაზიარება
[ლევან ნასრაშვილი.16:10 23-06-2010]

ლეხ კაჩინკის ტრაგიკული სიკვდილის შემდეგ პოლონეთის პოლიტელიტა იმ აზრამდე მივიდა, რომ კაჩინკის საგარეო პოლიტიკა გადახედვას საჭიროებდა. დისიდენტი პრეზიდენტის პოლიტიკით პოლონეთი დაუპირისპირდა რუსეთს, ევროკავშირსა და ნატოში კაჩინსკი გამოირჩეოდა მუდმივი წინააღმდეგობებით, რითაც უპირისპირდებოდა ამ ორგანიზაციების დამფუძნებელ ქვეყნებს. საქართველოსა და უკრაინის მუდმივი ლობირება, ხშირ შემთხვევაში, აზიანებდა პოლონეთის ეროვნულ ინტერესებს. სწორედ, ამ პოლიტიკის გამო კაჩინკის პარტიამ, „კანონი და სამართლიანობა“, წააგო საპარლამენტო არჩევნები. ანალიტიკოსები ვარაუდობდნენ, რომ 2010 წლის ოქტომბერში, როცა კაჩინკის უმთავრდებოდა 5-წლიანი საპრეზიდენტო ვადა, მას პოლონელი ხალხი აღარ აირჩევდა. თუმცა, მოვლენები სხვა სცენარით განვითარდა. 10 აპრილს სმოლენსკში დატრიალებული ტრაგედიის გამო არჩევნების თარიღმა სამი თვით უკან გადმოიწია და გუშინ, 20 ივნისს, ჩატარდა.

პრეზიდენტის მოვალეობის შემსრულებელმა, ბრონისლავ კომოროვსკიმ, ხმათა 41.22% მიიღო. მისმა მთავარმა კონკურენტმა, გარდაცვლილი პრეზიდენტის ძმამ, იაროსლავ კაჩინსკიმ კი - 36.74%. 13.68%-ით მესამე ადგილზე გავიდა მემარცხენე დემოკრატიული ალიანსის კანდიდატი გჟეგოჟ ნაპიერალსკი. პოლონეთის ცენტრალური საარჩევნო კომისია საბოლოო შედეგებს რამდენიმე დღეში გამოაქვეყნებს, თუმცა აშკარაა, რომ ვერცერთი კანდიდატი ხმების 50%-ს ვერ მოიპოვებს, აქედან გამომდინარე, საჭირო გახდება მეორე ტურის დანიშნვა, რომელიც, სავარაუდოდ, 4 ივლისს გაიმართება.

ბრონისლავ კომოროვსკი მმართველი პარტიის, „სამოქალაქო პლატფორმის“, ლიდერია. პოლონეთის ისტორიაში პირველად გამართულ პრაიმერიში მან საგარეო საქმეთა მინისტრი, რადეკ სიკორსკი, დაამარცხა. ანალიტიკოსები ვარაუდობდნენ, რომ სწორედ კომოროვსკი დაამარცხებდა ლეხ კაჩინსკის ოქტომბერში ჩასატარებელ არჩევნებში, კაჩინკის, რომელსაც საკუთარ ქვეყანაში ერთ-ერთი დაბალი რეიტინგი ჰქონდა აღმოსავლეთ ევროპის ქვეყნების სხვა ლიდერებს შორის. როგორც ჩანს, კომოროვსკის ისევ კაჩინკის, თუმცა იაროსლავ კაჩინკის დამარცხება მოუწევს.

იაროსლავ კაჩინკის 2006 და 2007 წლებში, პრემიერმინისტრობის დროს, ძმაზე ბევრად უარესი რეიტინგი ჰქონდა. იგი ითვლებოდა პოლიტიკოსად, რომელსაც მოსახლეობაში ერთ-ერთი ყველაზე დაბალი ნდობის მაჩვენებელი ჰქონდა.მაგრამ ახლა იგი აცხადებს, რომ ძმის სიკვდილის შემდეგ ტრანსფორმაცია განიცადა. თუმცა, იაროსლავ კაჩინკის პოლიტიკური ტრანსფორმაცია არა რეალურ, არამედ მიზნის მიღწევის მცდელობას უფრო ჰგავს. მიზანი კი ნათელია - არჩევნებში გამარჯვება. პრემიერმინისტრობის დროს კომუნისტებს მოღალატეებად აცხადებდა, გერმანიას ისტორიის „გადაწერაში“ ადანაშაულებდა, ხოლო რუსეთს იპერიალისტური ტენდენციებისთვის უპირისისპირდებოდა, თუმცა ახლა ის ამბობს, რომ „ომი: პოლონელები პოლონელების წინააღმდეგ უნდა დასრულდეს“ და თბილი ურთიერთობა უნდა ჩამოყალიბდეს მეზობლებთან. როგორც ჩანს, იაროსლავ კაჩინსკის პოლიტიკური ტრანსფორმაციისა პოლონელ ამომრჩეველთა 35%-მა ირწმუნა, მაგრამ აღსანიშნავია, რომ მის რეიტინგზე სმოლენსკის ტრაგედიამ მნიშვნელოვნად იმოქმედა. კაჩინკის საარჩევნო კამპანიას ლაიტმოტივად გასდევდა 10 აპრილს დაღუპული ძმის ხსოვნა. შეიძლება ითქვას, რომ პოლონელ ამომრჩევლების მხრიდან სიბრალულის გამოწვევაც სურდა.

როგორც ჩანს, პოლონეთის არჩევნების შედეგები გავლენას იქონიებს პოლონეთ-ამერიკის ურთიერთობაზეც. იაროსლავ კაჩინკი პროამერიკელი პოლიტიკოსია, მას სურს, ბალანსი დაიცვას, ერთის მხრივ ევროკავშირთან და მეორე მხრივ, ამერიკის შეერთებულ შტატებთან მჭიდრო პარტნიორობას შორის. კაჩინსკის პოლიტიკური ტრანსფორმაცია ამ საკითხშიც აშკარაა. იგი ძმის მსგავსად „ევროსკეპტიციზმით“ გამოირჩეოდა. ლეხ კაჩინსკის მსგავსად იგი პოლონეთის ევროზონაში შესვლას ეწინააღმდეგებოდა, თუმცა არჩევნებში გამარჯვების სურვილმა იაროსლავ კაჩინსკის შეხედულება შეცვალა, ახლა მას ევროკავშირთან მჭიდრო პარტნიორობა სურს.

„სამოქალაქო პლატფორმას“, ისევე როგორც პოლონეთის სხვა პოლიტიკურ პარტიებს, პროამერიკული ხედვა აქვს, თუმცა იგი კაჩინსკის პარტია „კანონი და სამართლიანობის“ სტრატეგიისგან მნიშვნელოვნად განსხვავდება. „პლატფორმის“ ერთ-ერთი ლიდერი, პრემიერმინისტრი დონალდ ტუსკი უკმაყოფილებას გამოთქვამდა ამერიკის მიმართ, რომელმაც პოლონეთთან სავიზო რეჟიმის გამარტივების პაკეტი უარყო და ცენტრალურ ევროპაში თავდაცვითი ფარების განლაგების გეგმაზე უარი თქვა. ამასთანავე საარჩევნო კამპანიის დროს კომოროვსკიმ განაცხადა, რომ, არჩევნებში გამარჯვების შემთხევაში, ავღანეთიდან ჯარების გამოყვანას დაიწყებს. ამ დროისთვის ავღანეთში 2000 პოლონელი სამხედრო იმყოფება.

ანალიტიკოსები ფიქრობენ, რომ არჩევნების მეორე ტურის ბედს ის გადაწყვეტს მესამე ადგილზე გასული ნაპიერალსკი კომაროვსკისა და კაჩინსკის შორის ვის დაუჭერს მხარს. როგორც კომოროვსკიმ, ასევე კაჩინსკიმ, მას სხვადასხვა სფეროში თანამშრომლობა უკვე შესთავაზეს, თუმცა მემარცხენე ნაპიერალსკი აცხადებს, რომ საბოლოო გადაწყვეტილების მიღებამდე საკუთარ ამომრჩევლებს უნდა შეხვდეს. მნიშვნელოვანია ის ფაქტი, რომ იდეოლოგიური თვალსაზრისით, ნაპიერალსკის უფრო მეტი საერთო „სამოქალაქო პლატფორმასთან“ აქვს, ვიდრე კაჩინსკის პარტიასთან. ნაპიერალსკის „იდეოლოგიური არჩევანის“ შემთხვევაში, სავარაუდოდ, პოლონეთში კაჩინსკების ერა დასრულდება.

"ახალი 7 დღე"

საპატრიარქოს ტელევიზიამ მაუწყებლობა შეწყვიტა

გაზიარება
[09:45 22-06-2010]

საპატრიარქოს ტევიზიამ მაუწყებლობა შეწყვიტა. აღნიშნულთან დაკავშირებით საპატრიარქოს ტელევიზიამ განცხადება გაავრცელა.“ერთსულოვნება” შესაბამისი ხელშეკრულების საფუძველზე ტელე-რადიოკომპანია “ევრიკის” სიხშირეზე მაუწყებლობს. 21 ივნისს, 11.00 საათზე “ევრიკამ” საპატრიარქოს ტელევიზიის მაუწყებლობა გათიშა. ტელეეთერის გათიშვის შემდეგ “ერთსულოვნების” ოფისში მაყურებელთა სატელეფონო ზარები არ წყდება. ისინი მომხდარის გამო შეშფოთებას გამოთქვამენ. გვსურს, განვაცხადოთ, რომ მიუხედავად მცირე ბიუჯეტისა, “ერთსულოვნებას” “ევრიკის” დავალიანების ნაწილი გადახდილი აქვს. ვწუხვართ, რომ ტელერადიოკომპანია “ევრიკის” ხელმძღვანელობამ რადიკალური გადაწყვეტილება მიიღო. ვიმედოვნებთ, რომ მომავალში შესაძლებელი გახდება საპატრიარქო ტელევიზია “ერთსულოვნებისთვის” დამოუკიდებელი სამაუწყებლო სიხშირის გამოყოფა, რისი სიტყვიერი პირობა უკვე გვაქვს. ეს ფუნქციონირებას საგრძნობლად გაგვიადვილებს, მსგავს პრობლემებს თავიდან აგვაცილებს და შესაძლებლობას მოგვცემს, ტელე-რადიოკომპანია “ევრიკის” ან სხვა რომელიმე კომპანიის გადაწყვეტილებებზე დამოკიდებულნი აღარ ვიყოთ”, – ნათქვამია “ერთსულოვნების” განცხადებაში.

gtn.ge

ანონსი: რუსი უფლებადამცველები ქართული მედიისთვის ბრიფინგს გამართავენ

გაზიარება
[09:39 22-06-2010]

არასამთავრობო ორგანიზაცია "ყოფილი პილიტპატიმრები – ადამიანის უფლებებისთვის" ოფისში, დღეს 14 საათზე რუსეთიდან ჩამოსული უფლებადამცველები პრესკონფერებიას გამართავენ. როგორც "ჯეოტოპნიუსს" არასამთავრობო ორგანიიზაციიდან აცნობეს, რუსი უფლებადამცველები პრესკონფერენციაზე, საქართველოს სასამართლო პროცესების დარღვევებზე და საქართველოში პოლიტპატიმრებთან დაკავშირებით დაგეგმილ ღონისძიებებზე სპეციალურ განცხადებას გააკეთებენ.

მისამართი: რუსთაველის # 14

gtn.ge

პრეზიდენტის ვენეციური საიდუმლოებანი

გაზიარება
[სალომე ცეცხლაძე. 21:08 19-06-2010]

"ფილოსოფია, რომლის უკანაც პირადად მე ვდგავარ, არის ძალიან მარტივი და მდგომარეობს ღია საზოგადოებაში. ეს ღია საზოგადოება არსებობს საქართველოში. მასში შედის თავისუფალი მედია - ჩვენ გვაქვს თავისუფალი მედია, რომელიც არის ძალიან, ძალიან აგრესიული და საძაგელი, გვყავს თავისუფლად არჩეული ადგილობრივი მთავრობა, გვყავს ერთმანეთისაგან განსხვავებული სტრუქტურის პოლიტიკური პარტიები... თუ ეჭვი გეპარება ღია საზოგადოებაში, ვერ განავითარებ საკუთარ ქვეყანას", - განაცხადა პრეზიდენტმა მიხეილ სააკაშვილმა 5 ივნისს ვენეციის კომისიის 20 წლის იუბილეზე. კადრები ტელეკომპანია "მაესტრომ" მოგვაწოდა. თემას შაბათს ნინო ჟიჟილაშვილის გადაცემა "პოლიტმეტრში" განიხილავენ.

გარდა იმისა, რომ გუშინ მთელი დღე საუბარი იყო ერთ ქართულ საოცრებაზე - როგორ დაიკარგნენ ნაციონალები კონსტიტუციის თარგმანში და როგორ გაუგზავნეს ვენეციის კომისიას კონსტიტუციის პროექტის შეცვლილი ვერსია, დღეს ირკვევა, რომ პრეზიდენტმა ვენეციაში ქართული მედიაც გვარიანად მილანძღა და ჟურნალისტებს, საუკეთესო შემთხვევაში, სულ საძაგლები უძახა.

მედიაექსპერტ ზვიად ქორიძის თქმით, თავისუფალი მედია თავისთავად გამორიცხავს "აგრესიულსა და საძაგელს".

მისი თქმით, საქართველოში არის როგორც თავისუფალი გაზეთები, რადიოები და ტელევიზია, ასევე საკმაოდ აგრესიული და არაგამჭვირვალე სარედაქციო პოლიტიკის მქონე მედიაც. ქორიძე ამბობს, რომ ქვეყანაში არც ისე დემოკრატიული გარემოა, მაგრამ არავის აქვს უფლება ხელისუფლებიდან, თქვას, რომ ეს არის "აგრესიული და საზიზღარი მედია" - თუ რამე მავნე ჩვევა აქვს ჩვენს მედიას, ერთ-ერთი პირველი ხელისუფლების დამსახურებაა. მედიაექსპერტის თქმით, ხელისუფლებამ ყველაფერი გააკეთა იმისათვის, რომ ძალიან მკაცრი კონტროლი დაეწესებინა ელექტრონულ მედიასაშუალებებზე საქართველოში.

კითხვაზე, როგორია პრეზიდენტის დამოკიდებულება ქართული მედიის მიმართ, ექსპერტი პრეზიდენტის სიტყვებსვე იმეორებს: "აგრესიული და საძაგელი".

ჟურნალისტ დავით პაიჭაძეს მიაჩნია, რომ რადგან სააკაშვილმა მედიის მიმართ ასეთი რაღაც თქვა, ე.ი თემა მისთვის პრობლემატურია და ის გულწრფელი იყო.

"მე არ ვიცი, რა აზრი ჩადო პრეზიდენტმა თავისივე სიტყვებში. ფაქტია, რომ მისი ამ სიტყვების გაგონება ჟურნალისტთა ნაწილს არ სიამოვნებს - ეტყობა, პრეზიდენტმა ეს შეგნებულად გააკეთა", - აღნიშნა პაიჭაძემ.

მედიაექსპერტი ია ანთაძე ამბობს, რომ ჩვენს ქვეყანაში ხელისუფლებისა და მედიის ურთიერთობაში პრობლემა არა იმდენად პრეზიდენტის განცხადებები, მისი კრიტიკაა, არამედ რეალური მდგომარეობა - როცა ხელისუფლებას მიაჩნია, რომ მედია უნდა აკონტროლოს, განსაკუთრებით ის სეგმენტი, რომელიც საზოგადოებრივ აზრზე გავლენას ახდენს.

"გაცილებით საშიში ისაა, რომ საინფორმაციო პოლიტიკა ნაციონალურ ტელევიზიებზე გაკონტროლებულია, ვიდრე ის, რომ პრეზიდენტი ამბობს, მედია მის მიმართ მტრული და არამეგობრულია. ამავე დროს, მედიის პოლიტიკა არ არის, იყოს მეგობრული პრეზიდენტის და ხელისუფლების მიმართ".

ანთაძის თქმით, მედიის დანიშნულებაა, აჩვენოს სიმართლე, რეალურად აღწეროს მოვლენები. თუ გარემო არის ხელისუფლების მიმართ არამეგობრული, ცხადია, მედია ვერ იქნება მეგობრული.

"სინამდვილეში მედია გაცილებით არამეგობრული უნდა იყოს, თუნდაც ის ნაციონალური არხები, რომლებიც საქართველოში მაუწყებლობენ", - ამბობს ანთაძე.

მისი თქმით, მიუხედავად პრეზიდენტის მხრიდან მედიის შოკისმომგვრელი ფორმით დახასიათებისა, ფორმაზე უფრო შინაარსია მნიშვნელოვანი.

"სხვა ქვეყნის პრეზიდენტს რომ ეთქვა, მედია ჩემ მიმართ არამეგობრულიაო, არავის გაუკვირდებოდა, რადგან ეს მისი მოვალეობაა. პრეზიდენტმა ამით თითქოს ხაზი გაუსვა, რომ დემოკრატიული მედია გვაქვს. ნეტავ, მართლა ასეთი "საძაგელი" იყოს ჩვენი მედია", - ამბობს ანთაძე.

პრეზიდენტის პრესპიკერ მანანა მანჯგალაძის თქმით, ამ თემაზე კომენტარის გაკეთება მის უფლებამოსილებას სცილდება.

პრეზიდენტის ადმინისტრაციის პრესსამსახურის უფროსმა ალანა გაგლოევამ კი მანჯგალაძესთან გადაგვამისამართა: "იქნებ მანანას დაურეკოთ, მანანა არის პრესსპიკერი და ის უფრო კარგად გაგცემთ მაგაზე პასუხს".

მოგვიანებით გაგლოევამ გვითხრა, რომ ერთადერთი გამოსავალი საქართველოს ელჩთან იტალიაში, კოტე გაბაშვილთან კომენტარის ჩაწერა იყო. "რეზონანსმა" მასთან იტალიაში დაკავშირება ვერ შეძლო.

"რეზონანსი"

ხაინდრავა: ”გამოსავალი აჯანყებაა”

გაზიარება
[21:03 19-06-2010]

30 მაისის არჩევნების შემდეგ ხელისუფლების დემოკრატიული გზით შეცვლის იმედი აღარ არსებობს , - ამის შესახებ "დაიცავი საქართველოს" ერთ-ერთმა ლიდერმა გოგა ხაინდრავამ გუშინ, რადიო "პალიტრის" ეთერში სტუმრობისას განაცხადა.

ხაინდრავამ მიუნხენში ოპოზიციის ლიდერთა ერთი ნაწილის შეხვედრის შესახებ დასმულ შეკითხვასაც უპასუხა და აღნიშნა, რომ ირაკლი ოქრუაშვილი, ზურაბ ნოღაიდელი, ეროსი კიწმარიშვილი და ლევან გაჩეჩილაძე ახალი სტრატეგიის დასაგეგმავად შეიკრიბნენ.

"ისინჯება ხედვები და მზადყოფნა რადიკალური ქმედებებისთვის. საქართველოში რადიკალიზმი არ ყოფილა. რადიკალიზმი იყო საბერძნეთსა და ტაილანდში", - განაცხადა ხაინდრავამ. მისივე თქმით ამ ეტაპზე პოლიტიკური ბრძოლის მეთოდები ამოწურულია და ახლა საქართველოს გადარჩენა-არგადარჩენის საკითხი დგას.

"სააკაშვილის რეჟიმის ხელში რაიმე სახის დემოკრატიაზე საუბარი ამ არჩევნებით დასრულდა. არჩევნების გზით საქართველოში ხელისუფლების შეცვლა მე არ მინახავს. ამ ვითარებაში გამოსავალი აჯანყებაა", - განაცხადა ხაინდრავამ.

"დაიცავი საქართველოს" ერთ-ერთმა ლიდერმა გააკრიტიკა ოპოზიციის იმ ნაწილის ქმედებები, რომლებიც საკრებულოში სხვადასხვა თანამდებობებზე დაინიშნენ და ხელისუფლებასთან თანამშრომლობას აპირებენ. "ჩემი აზრით, აბსოლუტურად დაუშვებელია ითანამშრომლო ხაზინის ქურდ გიგი უგულავასთან. ეს პოლიტიკურად და ზნეობრივადაც მიუღებელია", - განაცხადა ხაინდრავამ.

interpressnews.ge

ვინ დაღუპა ესპანეთის ნაკრები და კასილიასი?

გაზიარება
[ნიკოლოზ ნეფარიძე. 20:57 19-06-2010]

ესპანეთის ნაკრების მოულოდნელი მარცხი უპირველესი თემაა ამ ქვეყანაში. ბუნებრივია, ყველაზე საინტერესო გუნდის ყოფილი თავკაცის, ევრო 2008-ის ტრიუმფატორი მწვრთნელის, ლუის არაგონესის აზრი იყო. მან კი "ალ ჯაზირაზე" ძალიან მკაცრად გააკრიტიკა დღევანდელი ნაკრები და მისი თავკაცი ვისენტე დელ ბოსკე:

"უბურთოდ გუნდი ძალიან ნელა მოძრაობდა, სისწრაფეში ვერ ათავისუფლებდნენ სივრცეებს შეტევისას. ეს დიდი დარტყმაა ესპანური ფეხბურთისთვის და იმ იმედებისთვის, რაც ჩვენ ყველას გვქონდა, თუმცა სამყაროს დასასრული სულაც არ არის - ჯერ კიდევ რჩება ორი თამაში ჯგუფში. ყველაზე დიდი პრობლემა ისაა, რომ გუნდმა უღალატა ჩამოყალიბებულ სისტემას და ერთდროულად ორი დაცვითი ტიპის ნახევარმცველი გამოიყვანა, ტრადიციული ერთის ნაცვლად".

ვისენტე დელ ბოსკემ ჩვეული სიდინჯით უპასუხა კრიტიკოსებს და უპირველესად კი არაგონესს: "ყველანაირ კრიტიკას ვიღებ, თუკი ის აზრს მოკლებული არ არის. ყველა თავის მოსაზრებას გამოთქვამს. არაგონესი ბრწყინვალე მწვრთნელია, რომელმაც ევროპის ჩემპიონატზე ფანტასტიკურ შედეგს მიაღწია. მე აქ იმიტომ არ ვარ, რომ ვინმესთან დებატებში შევიდე, ჩემი მისიაა გუნდი მაქსიმალურად კარგად ავათამაშო".

ესპანელი ფანები კი ვისენტე დელ ბოსკეზე მეტად წარუმატებლობას... იკერ კასილიასის გელფრენდ სარა კარბონეროს აბრალებენ. საიდან სადაო იტყვით, აი, რატომ არიან ამ აზრზე ესპანეთში - ყველა თანხმდება იმაში, რომ ჟელსონ ფერნანდესის გოლისას კასილიასმა მეტად არადამაჯერებლად ითამაშა. კასილიასის გერლფრენდი კი ჟურნალისტია, ის "ტელესინკოში" მუშაობს და თამაშის წინ სპეციალურ სიუჟეტს იღებდა კასილიასის კართან. მატჩის შემდეგ ინტერვიუში კი სარამ იკერს ჰკითხა, ეს როგორ მოგივიდაო. გულშემატკივართა დიდი ნაწილი გააღიზიანა სარას ყოფნამ სამხრეთ აფრიკაში, მით უმეტეს თამაშის წინ. მათ მიაჩნიათ, რომ გოგონამ გუნდში არასტაბილურობა შეიტანა და არია იკერი. "რა სისულელეა, ასეთ რამეს მართლა მაბრალებენ", - უკვირს თავად ჟურნალისტს.

"ლელო"

ხობის ღვთისმშობლის სახელობის ტაძარში არქეოლოგებმა, სავარაუდოდ, ცოტნე დადიანის საფლავს მიაგნეს

გაზიარება
[19:10 17-06-2010]

ხობის ღვთისმშობლის სახელობის ტაძარში არქეოლოგებმა, სავარაუდოდ, ცოტნე დადიანის საფლავს მიაგნეს.

ხობის ღვთისმშობლის სახელობის სამონასტრო კომპლექსში არქეოლოგიური გათხრების შედეგად მკვლევარებმა უძველეს საძვალეს მიაკვლიეს.

როგორც "ინტერპრესნიუსს" არქეოლოგიური ექპსედიციის ხელმძღვანელმა რევაზ პაპუაშვილმა განუცხადა, ღვთისმშობლის სახელობის ტაძრის ერთ-ერთი კედლის ქვეშ, რომელიც XIV საკუნეშია აგებული, კოლექტიური აკლდამა აღმოჩნდა.

"ვინაიდან კედელი მეთოთხმეტე საუკუნეშია აგებული, უნდა ვივარაუდოთ, რომ აკლდამა, მის ქვეშ, გაცილებით უფრო ადრინდელია. აკლდამას აქვს რამდენიმე ფენა, ანუ იქ წლების განმავლობაში იმარხებოდნენ სამეგრელოს დიდგვაროვნები, სავარაუდოდ, დადიანები", - განაცხადა პაპუაშვილმა. მისივე თქმით, სამეგრელოს დიდი მთავარი ლევან II დადიანი თავის წინაპრების საძვალედ, სწორედ ამ ტაძარს ასახელებდა. იმ კედელზე კი, რომლის ძირშიც აკლდამა მდებარეობს, შერგილ და ნათელა დადიანების და მათი შვილის – ცოტნე დადიანის ფრესკაა გამოსახული.

"ის ფაქტი, რომ აკლდამა სწორედ ამ პირების ფრესკასთან მდებარეობს გვაძლევს უფლებას, ვივარაუდოთ, რომ აქ სწორედ ისტორიული გმირი – ცოტნე დადიანი და მისი მშობლები არიან დაკრძალულნი, თუმცა დაბეჯითებით ამის თქმა ძნელია", - განაცხადა პაპუაშვილმა.

ცოტნე დადიანი (XIII საუკუნე დაახლოებით 1260წ.) სამეგრელოს დიდგვაროვანი ფეოდალი უმეფობის ხანაში მონღოლებმა რაჭის ერისთავთან ერთად დასავლეთ საქართველოს გამგებლად დანიშნეს. მონაწილეობდა კოხტათავის შეთქმულებაში (1245), რომლის მიზანი იყო მონღოლების წინააღმდეგ აჯანყების მოწყობა. მონღოლებმა შეთქმულების შესახებ შეიტყვეს, მონაწილეები დააპატიმრეს და ნოინს მიჰგვარეს. ქართველებს, რომლებიც შეთქმულებას უარყოფდნენ, გამოტეხის მიზნით, თაფლი წაუსვეს და მცხუნვარე მზის ქვეშ დასვეს. ცოტნე დადიანი შემთხვევით გადაურჩა დაპატიმრებას (აჯანყებისთვის ჯარს აგროვებდა). ჟამთააღმწერლის ცნობით, როდესაც დადიანმა შეთქმულების მონაწილეთა ამბავი გაიგო, ანისში ჩავიდა და ნებაყოფლობით გაიზიარა თანამებრძოლების ხვედრი. ცოტნე დადიანის გმირულმა საქციელმა მონღოლები დაარწმუნა, რომ ქართველები აჯანყებას არ გეგმავდნენ და პატიმრები გაუშვეს.

ცოტნე დადიანი ქართული პოლიტიკური აზრისთვის საქართველოს პროგრესული ძალების კონსოლიდაციის, ეროვნული თავისუფლებისა და ეროვნულ ძალთა შეკავშირების სიმბოლოა. სწორედ ამიტომ, 1999 წლის 26 ოქტომბერს საქართველოს მართლმადიდებელი ეკლესიის წმიდა სინოდმა იგი წმინდანად შერაცხა.

interpressnews.ge

პუტინის ”რებრენდინგი”

გაზიარება
[19:03 18-06-2010]

რუსეთის პრემიერ-მინისტრმა იმიჯის კარდინალური შეცვლა განიზრახა და მალე ავტორიტარული ლიდერი სენტიმენტალურ ლიბერალად მოგვევლინება, წერს The Financial Times -ი.

გამოცემის აზრით, ასეთი "რებრენდინგი" ფინანსურ კრიზისსა და ქვეყანაში შექმნილ პოლიტიკური ვითარებას, ასევე რუსეთის ხელისუფლების დასავლეთთან თანამშრომლობის აუცილებლობას უკავშირდება.

პრეზიდენტობის დროს პუტინმა რუსეთი ენერგეტიკულ ზესახელმწიფოდ გამოაცხადა და მკაცრ მიდგომებს ქადაგებდა, მათ შორის დასავლეთთან კონფრონტაციას. ეკონომიკურმა კრიზისმა აჩვენა, რომ ასეთი მოდელი მოძველდა. ახლა მედვედევიც კი ფრთხილ პოლიტიკურ რეფორმებს ატარებს და ინოვაციურ ეკონომიკას უჭერს მხარს.

იმიჯის შეცვლის მცდელობად, გამოცემა პუტინის მიერ ნაციონალური პარკის დათვალიერებას მიიჩნევს. ამრიგად პუტინი ხალხს აჩვენებს, რომ ის ეკოლოგიაზე ზრუნავს. პრემიერი მოსკოვის ერთ-ერთი სკოლის მოსწავლეებსაც გამოელაპარაკა, რომლებიც პარკში ექსკურსიაზე იმყოფებოდნენ.

იმიჯმეიკერები ცდილობენ პუტინმა საკუთარი სენტიმენტალური მხარეები საჯაროდ გამოამზეუროს. მაგალითად ასეთ საქციელს განეკუთვნება მისი კუთვნილი სურათის გაყიდვა საქველმოქმედო აუქციონზე.

თუმცა როგორც ბრიტანული ტაბლოიდი "დეილი მეილი" აღნიშნავს, პუტინი მუდმივად არღვევს პიარ-სპეციალისტთა მითითებებს: შარშან ციმბირში გატარებული შვებულების დროს ის ტყეს ჩეხავდა, გაყინულ ტბაში ბანაობდა და თან დაკუნთული ტორსის დემონტრირებას ახდენდა.

გაზეთი მიიჩნევს, რომ შეიცვალა პუტინის გამონათქვამებიც. მაგალითად, 29 მაისს ინტელიგენციასთან შეხვედრისას მუსიკოს იური შევჩუკის კითხვებზე პუტინმა განაცხადა, რომ დემოკრატიული განვითარების გარეშე რუსეთს მომავალი არ აქვს. თუმცა პრემიერის ამ განცხადებამ ხელი არ შეუშალა "ომონს", ორი დღის შემდეგ მოსკოვში ოპოზიციის მიტინგი სასტიკად დაერბია.

newsru.com

READ MORE - პუტინის ”რებრენდინგი”

“ოსებს საერთოდ რა უნდათ, ვერ გავიგე. ალბათ, ფული”

გაზიარება
[რუსიკო მუმლაძე. 18:52 18-06-2010]

ცნობილი რუსი ჟურნალისტი მატვეი განაპოლსკი საქართველოში იმყოფება და აქ სექტემბრამდე დარჩება, თანაც საქართველოზე წიგნს წერს. მანამდე ის 7 თვე ამერიკაში ცხოვრობდა და, როგორც თავად ამბობს, მთავარი, რაც შტატებში მოეწონა, ეს – თავისუფლებაა. ჟურნალისტი სექტემბერში რადიოსადგურ “ეხო მოსკვის” ეთერში გადაცემებს გააგრძელებს, მაგრამ სამშობლოში მხოლოდ ორი კვირით დარჩება ხოლმე.

“რუსეთში ორ კვირაზე მეტი ვერ გავჩერდები. იქ წავალ, სადაც საინტერესო რამე ხდება და წიგნის დაწერა შემეძლება. საქართველოში 6 თვე ვიქნები. რედაქტორმა მთხოვა, რომ რაღაც გადაცემა გავაკეთო, რათა გამოვაფხიზლოთ ჩვენები. დანარჩენი ორი კვირა იქ ვიქნები, სადაც გული გამიწევს. “ეხო-მოსკვიდან” არსად მივდივარ. უამრავი წელია იქ ვმუშაობ. მე ვარ თავად “ეხო-მასკვი”, - ბოლოს უკვე იხუმრა განაპოლსკიმ.

“რია ნოვოსტის” თბილისის ოფისში გამართულ შეხვედრაზე ჟურნალისტი ყველანაირად ცდილობდა გვერდი აევლო პოლიტიკური შეფასებებისთვის, განსაკუთრებით კი, ოკუპაციის თემისთვის. მისი თქმით, საქართველო ოკუპირებული მაშინ იქნებოდა, თუ აქ, ამ წუთში რუსეთის 58-ე არმიის პირადი შემადგენლობა იჯდებოდა და ამ ქვეყანას მართავდა. თუმცა, განაპოლსკის “ავიწყდება”, ალბათ, რომ რუსეთის ხელისუფლება და არმიის პირადი შემადგენლობა საქართველოს ტერიტორიების 25%-ს უკვე მართავს.

მას აფხაზეთისა და ოსეთის დაკარგვასთან დაკავშირებითაც ქართველებისთვის უჩვეულო და სხვა თვალით დანახული ხედვა აქვს.

განაპოლსკი: “აფხაზებს ბევრ პრობლემა აქვთ. მთავარი უმუშევრობაა. თქვენ მათ ყოველთვის ტუქსავდით. ამ დროს იყო რუსეთი და იფიქრეს, რომ რუსეთი მისცემდათ ფულს და ეკონომიკურ მდგომარეობას გამოასწორებდნენ. ეკონომიკა პოლიტიკად იქცა. წლიდან წლამდე ახალი ელიტა იზრდებოდა. იზრდებოდა ფიქრიც დამოუკიდებლობაზე.

რატომ უნდა ყველას ამერიკა? იმიტომ, რომ ის მიმზიდველი ქვეყანაა ადამიანის უფლებების დაცვისა და დემოკატიის თვალსაზრისით. მოვა დრო და ოსები, თუ აფხაზები დაიწყებენ ფიქრს არჩევანის გაკეთებასთან დაკავშირებით. რაც უფრო გაიზრდება მათთვის საქართველოს მომხიბვლელობა რუსეთთან შედარებით, მით უფრო შეგეძლებათ, მათი დაბრუნება. ოსებს საერთოდ რა უნდათ, ვერ გავიგე. ალბათ – ფული. თუ ახლა თქვენ იყიდით, თქვენსკენ წამოვლენ.

იცით, საქართველო რითი მომწონს ახლა? ის უფრო მომხიბვლელი და მიმზიდველი ხდება. მართალია არის ოპოზიცია თავისი პრობლემებით, არის განსხვავებული აზრი, მაგრამ ეს იმას ნიშნავს, რომ თქვენი ქვეყანა ცხოვრობს და არა – არსებობს. რუსეთისგან იმით განსხვავდებით, რომ თქვენ სუბიექტები ხართ, რუსეთი – არა. ხოლო სადაც ხალხი ობიექტია, იქ ქვეყანა არ ვითარდება”.

რუსი ჟურნალისტი თვლის, რომ საქართველოს აქვს შანსი “ნატოში” გაწევრიანდეს, დაიბრუნოს აფხაზები და ოსები, თუნდაც 40 წლის შემდეგ. ამავდროულად, მან კატეგორიულად უარყო ის ინფორმაცია, რომ რუსები მასიურად ყიდულობენ სახლებს აფხაზეთში, ან დასასვენებლად ჩადიან იქ.

“ვინ გითხრათ, რომ იქ რუსები საცხოვრებლად გადადიან? თქვენ რუსული პროპაგანდის მსხვერპლი ხართ. გირჩევთ, არ უყუროთ რუსეთის ტელევიზიის პირველ არხს. აფხაზეთში სახლი რომ იყიდო, მალევე დაკარგავ. ეს ყველამ იცის. დასვენებას რაც შეეხება, თურქეთი უფრო იაფი ღირს, ვიდრე - აფხაზეთი. მე პირადად, თუ კარგი ტუალეტები იქნება იქ, შეიძლება, წავიდე დასასვენებლად.

აფხაზებმა თავადვე უნდა გაიგონ, რომ თურქები არ არიან. ახლა ყველა პრობლემა იქ ფულამდე მიდის. ინვესტიციებსაც არავინ დებს, რადგან ძალიან უცნაური ტერიტორიაა. როცა დამოუკიდებლობას ითხოვ, უნდა დაფიქრდე. ოსებიც 100-ჯერ უნდა დაფიქრებულიყვნენ”, - გაცხადა განაპოლსკიმ.

ის ქართველ ჟურნალისტებს არ ეთანხმებოდა, რომ საქართველოში რუსეთს გავლენა აქვს და ამ პროცესს საკმაოდ უხერხულ რაკურსში განიხილავდა:

“რუსეთს საქართველოში გავლენა არ აქვს. საქართველო არის მისი ინტერესების ზონა. გავლენის სფეროებს რაც შეეხება, ისეთივე სიტუაციაა, როცა იმპოტენტი პორნო ჟურნალს ათვალიერებს.

აბსტრაქტული სურვილი, რომ სააკაშვილი ჰაერში გაიფრქვეს, ეს რუსეთში ყველას არ აქვს. დაპირისპირება კონკრეტულ პრეზიდენტ პუტინსა და კონკრეტულ პრეზიდენტ სააკაშვილს შორისაა. კატეგორიულად შეიცვლება სიტუაცია, როცა რომელიმე მათგანი წავა.

რუსეთს საქართველოზე გავლენა რომ ჰქონდეს, პუტინი და სააკაშვილი აქაურ რესტორნებში ყოველდღე ღვინოს დალევდნენ. გავლენა ისაა, მაგალითად, რაც ბრიტანეთს აქვს თავსი ყოფილი კოლონიების მიმართ, იქ, ფაქტობრივად, მეორე სახელმწიფო ენა ინგლისურია. საქართველო არის რუსეთის სტრატეგიული ინტერესების ზონა”, - მიაჩნია რუს ჟურნალისტს.

მართალია, განაპოლსკი უარყოფს, რომ რუსეთს სურვილიც არ აქვს გავლენა ჰქონდეს საქართველოზე, მაგრამ სწორედაც, რომ ეს სტრატეგიული ინტერესები და გავლენის სფეროების ქონის სურვილია იმის რეალური მიზეზი, რომ პრეზიდენტების დაპრისპირება პიროვნულ დონეზე დავიდა, რასაც ნელ-ნელა საქართველოს ტერიტორიები ეწირება.

ამავდროულად, განაპოლსკი ფიქრობს, რომ ჩარტერული რეისები ორ ქვეყანას შორის განახლდება და აღარც საქართველოა რუსეთის ტელევიზიების მთავარი თემა. ამ ცვლილებებს ჟურნალისტი მომავალ ოლიმპიადას უკავშირებს, რომლის ჩატარებას რუსეთი სოჭში ფიქრობს. მისი თქმით, სააკაშვილს ერთი ხელის მოსმით შეუძლია ოლიმპიადა ჩაშალოს და ამიტომ რუსეთიც რაღაცას დათმობს, რადგან ეს ოლიმპიადა მეზობელი ქვეყნისთვის სტრატეგიული მნიშვნელობის ღონისძიებაა. ვიდრე ეს საკითხი ღიად რჩება, მანამდე ურთიერთობები მეტად აღარ გართულდება.

უახლოესი ორი წლის განმავლობაში კი, ვიდრე ორივე ქვეყნის პრეზიდენტების უფლებამოსილების ვადა არ ამოიწურება, ორ რამეს უნდა ველოდოთ: ან დაპირისპირებული მხარეები გადადგამენ თანმხვედრ ნაბიჯებს, ანაც ისევ დაძაბული ურთიერთობები გაგრძელდება. ასე თვლის განაპოლსკი და თან აცხადებს: “მე ნაკლებად წარმომიდგენია, რომ რომელიმე მხარემ თავისი პრინციპები დათმოს”.

შესაძლებელია თუ არა, რომ მედვედევი დამოუკიდებელი ფიგურა გახდეს? - ქართველი ჟურნალისტის ეს კითხვა განაპოლსკისთვის ძალიან საინტერესო აღმოჩნდა და ბევრიც ისაუბრა.

“რამდენადაც რუსული პოლიტიკა ადამიანების ჩაკეტილ წრეში წყდება, სამოქალაქო ორგანიზაციების აზრის გაუთვალისწინებლად, და რადგანაც ყველა არჩევნები ყალბია, შეიძლება ყველფერი მოხდეს. არავინ იცის, გაიზრდება თუ არა მედვედევი და გახდება თუ არა დამოუკიდებელი ფიგურა, ჩააჯენს პუტინს ციხეში, თუ პუტინი ჩამოაგდებს მას და აქეთ ჩააჯენს ციხეში. შეიძლება, ადგილებს გაცვალონ და ერთი პრეზიდენტი იქნება ისევ, მეორე პრემიერ-მინისტრი. ყელაფერი შეიძლება, მოხდეს. კასპაროვები, ლიმონოვები და ნოვადვორსკაიები იქ პოლიტიკაში ვერ ჩაერევიან.

როგორ გითხრათ… არის სერიოზული საკითხი, რომელზეც პრაქტიკულად არ ლაპარაკობენ ქართველი პოლიტოლოგები: როგორი უნდა იყოს თანამედროვე სახელმწიფო, რომ მან არსებობა შეძლოს. დაუსვით თქვენ თავს ეს კითხვა. ეს ძალიან სერიოზული კითხვაა და მარტო პრესკონფერენციის თემა ვერ იქნება. ეს თქვენი განხილვის თემაა.

ჩვენ ვიცით, როგორია თანამედროვე, მოდერნიზებული და სწრაფად განვითარებადი სახელმწიფო, რომელიც ღირსეულ ადგილს იკავებს მსოფლიოში. ასეთი ქვეყანა, არ ვგულისხმობ აშშ-ს, სადაც ყოველწლიურად მილიარდობით დოლარი ტექნოლოგიების განვითარებაზე იხარჯება, ორია მსოფლიოშო - კორეა და მალაიზია. რა გააკეთეს მათ? მათ აქვთ ისეთივე პატარა და ლამაზი ტერიტორიები, როგორც საქართველოს, მაგრამ მარტო სილამაზით ვერაფერს გააკეთებ და მიუხედავად იმისა, რომ ცდილობდნენ, ტურისტულ სამოთხედ გადაექციათ თავიანთი ქვეყანა, არ გამოუვიდათ.

მათ გააკეთეს ის, რაც საქართველოში არ წაუკითხავს ბევრს, მაგრამ ძალიან კარგად იცნობენ ისინი, რომლებიც ქართული რეფორმების იდეოლოგები არიან. ამ ქვეყნებმა ძალიან დიდი თანხების ინვესტირება მოახდინეს განათლებაში. ათასობით ახალგაზრდა წავიდა ამერიკასა და ევროპაში სასწავლებლად. პრაქტიკულად, ინგლისური მეორე ენა გახდა, მაგრამ არა იმიტომ, რომ რუსული ცუდია.

ეს მოხდა იმიტომ, რომ ძირითადი სამეცნიერო-ტექნიკური ლიტერატურა ამ ენაზეა გამოცემული. ახლა დაფიქრდით, რა ენაზე წაიკითხავთ თქვენ ამ ლიტერატურას? შეიძლება, რუსულ თარგმანში წაიკითხოთ, მაგრამ ის გადათარგმნილია, ანუ არ არის დედანი. მე მგონია, რომ ბევრს საქართველოში არ ესმის ნამდვილი არსი საქართველოს მოდერნიზაციისა. კი, ბატონო, ტრადიციები საშინლად ინგრევა, მაგრამ საქმე ისაა, რომ ამის გარეშე საქართველო იქნება ქვეყანა, რომელიც მხოლოდ ხინკალით, ლობიანითა და “ბორჯომის” ექსპორტით იამაყებს. გამიგეთ, რას ვამბობ?

ან საქართველო შევა მსოფლიო ქვეყნების ათეულში, ან დაიღუპება. სწორედ ამ დაღუპვას გიქადით თქვენ რუსეთი, სადაც დაუსრულებელი საუბარი მიდის მოდერნიზაციაზე და არაფერია მოდერნიზებული. რატომ გაუცრუვდა ხალხს იმედები პირველი ტალღის ლიბერალებზე? იმიტომ, რომ ყველა იძახდა: გაუმარჯოს ახალ ცხოვრებას, მაგრამ ეს ახალი ცხოვრება ვერ დაიწყო და კორუფციაში ჩაეფლო.

ჩემმა ახლობელმა გადაწყვიტა რაღაც ბიზნესი დაეწყო აქ. მას საქართველოში უთხრეს, დაიწყეო. მერე მიხვდა, რომ ის ბიზნესი არ დაიწყო, რაც უნდა დაეწყო. მას მეორე ბიზნესის გახსნის საშუალება მისცეს და პირველი დახურა. გინდათ, მოგიყვეთ, რუსეთში როგორ იხსნება ასეთი ბიზნესები? შევიბრალოთ საკუთარი თავები და არ მოგიყვებით. მთავარია წინ მოძრაობა და ეს საქართველოში არის”, - ეს განაპოლსკიმ იმ ქართველების გასაგონად თქვა, რომლებისთვსაც მზე ჩრდილოეთიდან ამოდის და იმათთვისაც, რომლებსაც სააკაშვილის, უბრალოდ, არ სჯერათ.

ჟურნალისტმა უხვად შეამკო “ვარდების რევოლუციის” მამათავარ-იდეოლოგები, თუმცა, ის, ალბათ, კარგად არ იცნობს იმ კატეგორიას, რომელიც საქართველოს ხელისუფლების გაკეთებულ კარგ საქმესაც ხედავს, მაგრამ ისიც იცის, რომ “კარგ საქმეს” ეს ხელისუფლება ცუდი მოქმედებებით ახორციელებს. ანუ, საქართველო კი ვითარდება, მაგრამ არადემოკრატიულად და ადამიანის უფლებების დარღვევის ხარჯზე.

თუმცა, ფაქტია და ყველა საერთაშორისო ორგანიზაცია აღიარებს, რომ ჩვენ რუსეთს ძალიან გავასწარით თავისუფლების ხარისხის თვალსაზრისით, რის გამოც ჩვენი ყოფა აქ უფრო ადვილია, ვიდრე რუსებისა რუსეთში. შესაბამისად, ალბათ, რუსი ჟურნალისტისთვისაც საქართველო სამოთხეა თავის ქვეყანასთან შედარებით. ის ხომ ამერიკაში ყველაზე მეტად თავისუფლებით მოიხიბლა.

presa.ge

ანონსი – ნანა კაკაბაძე და გელა ნიკოლაიშვილი ბრიფინგს გამართავენ

გაზიარება
[19:59 17-06-2010]

პარასკევს, 18 ივნისს 14 საათზე "ყოფილი პოლიტპატიმრები ადამიანის უფლებებისთვის" ოფისში რუსეთიდან დაბრუნებული ნანა კაკაბაძე და გელა ნიკოლაიშვილი მოსკოვში ვიზიტის შესახებ სპეციალურ განცხადებას გააკეთებენ...

მისამართი: რუსთაველის 14
საკონტაქტო პირი: ჯაბა ჯიშკარიანი (899 400 850)

მეცნიერები ოზი ოსბორნის გენეტიკურ კოდს იკვლევენ [video]

ამერიკულმა კომპანიამ „Knome“ გადაწყვიტა ჯგუფის „Black Sabbath“ ყოფილი ლიდერის, ოზი ოსბორნის გენეტიკური რუქა შეადგინოს და ამ გზით გამოარკვიოს, თუ რატომაა მუსიკოსი ამ დრომდე ცოცხალი.

გაზიარება
[17:34 17-06-2010]

კომპანიის კვლევების განყოფილების დირექტორი, ნათან პირსონი ფიქრობს, რომ უცნაური სამედიცინო ისტორიის მქონე პირების გამოკვლევას უდიდესი სამეცნიერო მნიშვნელობა აქვს. ოსბორნის შემთხვევაში, მეცნიერებს აინტერესებთ ორგანიზმის მიერ ნარკოტიკული ნივთიერებების ათვისების მექანიზმის შესწავლა.

61 წლის მუსიკოსს არაერთხელ გამოუთქვამს გაკვირვება, რომ მიუხედავად მისი არც თუ მოწესრიგებული ცხოვრების წესისა, ჯერ კიდევ ცოცხალია. ოსბორნი თავის თავს „სამედიცინო სასწაულს“ უწოდებს.

ლეგენდარული „Black Sabbath“–ის ლიდერი მრავალი წლის მანძილზე იყო დამოკიდებული ალკოჰოლსა და ნარკოტიკებზე, ის მკურნალობდა ფსიქიატრიულ კლინიკაში, მიღებული აქვს მრავლობითი ტრავმები კვადროციკლიდან გადმოვარდნისას. ერთერთი ავარიის შემდეგ, ოზი ოსბორნი ხანგრძლივ კომაშიც იმყოფებოდა.

"ალიანსი საქართველოსთვის" დაიშალა

გაზიარება
[00:08 16-06-2010]

"ალიანსი საქართველოსთვის" შემავალი პარტიები ურთიერთობის ახალ რეჟიმზე გადადიან.

ამის შესახებ "ალიანსის" ლიდერმა ირაკლი ალასანიამ დღეს, ტელეკომპანია "კავკასიის" ეთერში, გადაცემა "ბარიერში" განაცხადა და ხაზი გაუსვა, რომ "ალიანსში" შემავალი პარტიები ერთმანეთთან ალიანსურ ურთიერთობაში აღარ იქნებიან.

მისი თქმით, ალიანსში შემავალმა პარტიებმა საინტერესო ერთი წელი განვლეს და პირადად ირაკლი ალასანიასთვის ეს ერთი წელი, დიდი გამოცდილების შემძენი იყო. ალასანიას განცხადებით, ალიანსში შემავალმა პარტიებმა შეაფასეს განვლილი ერთი წელი და შეაფასეს ის პრობლემებიც, რამაც მათ ადგილობრივი თვითმმართველობის არჩევნებში მეტი წარმატება ვერ მოუტანა.

"ყველაზე მეტად პრობლემატური საკითხი იყო ის, რომ პოლიტიკური მანქანა ისეთი ვერ ჩამოყალიბდა, როგორიც გვინდოდა", – განაცხადა ალასანიამ და ხაზი გაუსვა, რომ ალიანსში შემავალმა პარტიებმა საკუთარი პარტიული რესურსების გაძლიერების გადაწყვეტილება მიიღეს.

მისივე განცხადებით, ალიანსში შემავალი პარტიები ურთიერთობის ახალ რეჟიმზე გადადიან და არსებული ფორმით ურთიერთობის გაგრძელებას აღარ აპირებენ. ალასანიას თქმითვე, აღნიშნული პარტიები ერთმანეთთან კორდინაციაში იქნებიან, მაგრამ აღარ იქნებიან მჭიდრო ალიანსურ რეჟიმში, შემდეგი არჩევნებისთვის კი ეს ოთხი პარტია, ახალ გადაწყვეტილებას მიიღებს.

IPN

ამ კვირის ყველაზე კითხვადი სტატიები

ყველა დროის ყველაზე კითხვადი სტატიები

ეს საინტერესოა

რედაქტორის რჩევით

ეს საინტერესოა

არქივი