მსახიობები ვახო ჩაჩანიძე და ჯანო იზორია კანადაში დააჯილდოვეს

14:05 18.03.2019
კანადაში Redline International Film Festival-ის გამარჯვებულები გამოვლინდნენ, სადაც გიორგი თავართქილაძის ფილმს “ცუდი ხალხი” 3 ნომინაცია ჰქონდა:

საუკეთესო მსახიობი – ვახო ჩაჩანიძე
საუკეთესო რეჟისორი – გიორგი თავართქილაძე
საუკეთესო მეორეხარისხოვანი როლის შემსრულებელი მსახიობი – ჯანო იზორია

რამდენიმე საათის წინ ცნობილი გახდა, რომ გამარჯვებულები ვახო ჩაჩანიძე და ჯანო იზორია გახდნენ.

“ცუდი ხალხი” ეროვნული კინოცენტრის მხარდაჭერით შექმნილი მოკლემეტრაჟიანი ფილმია, რომლის მსოფლიო პრემიერა ჰონგ- კონგის 43-ე საერთაშორისო კინოფესტივალზე შედგება. ფილმის რეჟისორია გიორგი თავართქილაძე, ხოლო პროდიუსერი ვლადიმერ კაჭარავა. ფილმი საქართველოში 1990-იანი წლების დასაწყისში მიმდინარე მოვლენების შესახებ მოგვითხრობს.

Redline International Film Festival კანადაში მოკლემეტრაჟიანი ფილმების საერთაშორისო კინოფესტივალია, რომელიც წელიწადში რამდენჯერმე სხვადასხვა ნომინაციაში კინემატოგრაფისტებს წარადგენს და შემდეგ საუკეთესოებს აჯილდოვებს.
READ MORE - მსახიობები ვახო ჩაჩანიძე და ჯანო იზორია კანადაში დააჯილდოვეს

საგანგებო სიტუაციების მართვის სამსახური დიდი დიღომში, ტექნიკის საწყობში გაჩენილი ხანძრის შესახებ ინფორმაციას ავრცელებს

14:00 18.03.2019
თბილისში, დიდი დიღომში ტექნიკის საწყობში გუშინ გაჩენილი ხანძრის შედეგად დამწვარია 1 800 კვ/მ ფართობი, - ამის შესახებ ინფორმაციას საგანგებო სიტუაციების მართვის სამსახური ავრცელებს.

მათივე ინფორმაციით, მეხანძრე-მაშველებმა შენობიდან გამოიყვანეს 1 მოქალაქე, რომელიც გადაყვანილია სტაციონარში. ასევე, მეხანძრე-მაშველებმა ცეცხლმოკიდებული შენობიდან უვნებლად გამოიყვანეს და გადაარჩინეს 2 ლეკვი.

შემთხვევის ადგილზე 23 სახანძრო-სამაშველო ჯგუფი მუშაობდა.
READ MORE - საგანგებო სიტუაციების მართვის სამსახური დიდი დიღომში, ტექნიკის საწყობში გაჩენილი ხანძრის შესახებ ინფორმაციას ავრცელებს

ამირან გამყრელიძე - წითელათი დაინფიცირების დინამიკა შემცირებულია

13:58 18.03.2019
16 მარტის მონაცემებით, საქართველოში წითელას 2 385 შემთხვევა დაფიქსირდა. ამის შესახებ “ინტეპრესნიუსს” დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა ამირან გამყრელიძემ განუცხადა.

მისივე ინფორმაციით, ბოლო სამი კვირის განმავლობაში ავადობის დინამიკა შემცირებულია.

“ისეთი სწრაფი ზრდა აღარ არის, როგორც იანვარ-თებერვალში იყო. 19 იანვრიდან 100 000-ზე მეტი ადამიანია აცრილი, რაც კარგია, მაგრამ წითელა რომ შევაჩეროთ, წლის განმავლობაში კიდევ უნდა ავცრათ დამატებით 250 000 ადამიანი. მთავარი მოწოდება ძალაშია: ყველა ადამიანი, ვისაც არ ახსოვს, გადატანილი აქვს თუ არა წითელა ან აცრილია თუ არა, აუცილებლად უნდა აიცრას. ქვეყანაში ვაქცინის საკმარისი მარაგია, არის ჯანმრთელობის მსოფლიო ორგანიზაციის მიერ კვალიფიცირებული ვაქცინა, მაღალი ხარისხის და ამ ყველაფერს აფინანსებს სახელმწიფო. ყველა მშობლისადმი არის მოწოდება, რომ თავიანთი ბავშვის აცრის კალენდარი გადაამოწმონ. თუ ბავშვი ორჯერ არ არის აცრილი, 1 და 5 წლის ასაკში, მიიყვანონ პოლიკლინიკებში და აცრან”,- აღნიშნა ამირან გამყრელიძემ.
READ MORE - ამირან გამყრელიძე - წითელათი დაინფიცირების დინამიკა შემცირებულია

გრიგოლ ვაშაძე მიხეილ სააკაშვილის „ნაციონალური მოძრაობიდან“ წასვლის შესახებ ინფორმაციას სისულელეს უწოდებს

13:39 18.03.2019
პარტიას სჭირდება გაცილებით უფრო ეფექტური მართვის სისტემა და ეს პარტიის ლიდერმა შეიგრძნო ყველაზე სწრაფად, - ამის შესახებ პარტია ,,ნაციონალური მოძრაობის” ლიდერმა გრიგოლ ვაშაძემ არასამთავრობო ორგანიზაციებთან შეხვედრამდე განაცხადა, რითაც მიხეილ სააკაშვილის განცხადებას გამოეხმაურა.

„ჩემი არჩევა მოხდება თუ არა თავჯდომარედ, ამას ყრილობა იტყვის. რაც შეეხება ჩვენი ლიდერის განცხადებას, ნდობისთვის დიდი მადლობა. რაღაცები მომესმა, მიხეილ სააკაშვილი პარტიიდან მიდის და მსგავსი სისულელეები! მიხელ სააკაშვილი ამ პარტიის დამფუძნებელი და ლიდერია და ყველა ის ცვლილება, რაც ამ პარტიის ფორმირებაში ხორციელდება, მისი ინიციატივით ხდება, იმიტომ რომ იმ მძიმე პოლიტიკურ პერიოდში, რომელშიც ჩვენ შევდივართ, პარტიას სჭირდება გაცილებით უფრო ეფექტური მართვის სისტემა და ეს პარტიის ლიდერმა შეიგრძნო ყველაზე სწრაფად” - განაცხადა გრიგოლ ვაშაძემ.

მე ვფიქრობ, გრიგოლ ვაშაძემ ძალიან მაგრად ჩაატარა საპრეზიდენტო კამპანია და მე პირადად, „ნაციონალური მოძრაობის“ თავმჯდომარის თანამდებობაზე მას დავუჭერდი მხარს , - ამის შესახებ საქართველოს ყოფილმა პრეზიდენტმა, მიხეილ სააკაშვილმა სოციალური ქსელში ვიდეომიმართვისას განაცხადა.

სააკაშვილის განცხადებით, საჭიროა, პარტიის შემადგენლობა შეიცვალოს.
READ MORE - გრიგოლ ვაშაძე მიხეილ სააკაშვილის „ნაციონალური მოძრაობიდან“ წასვლის შესახებ ინფორმაციას სისულელეს უწოდებს

“პატრიოტთა ალიანსს” საპარლამენტო უმრავლესობის მოპოვების შანსი აქვს

13:30 18.03.2019
ანალიტიკოსი ვახტანგ მაისაია, ქვეყანაში შექმნილი პოლიტიკური ვითარების გათვალისწინებით, რიგგარეშე საპარლამენტო არჩევნების საჭიროებას ხედავს და 2020 წლის არჩევნებში, პოლიტიკურ გაერთიანება “პატრიოტთა ალიანსს” უმრავლესობით მოსვლას უწინასწარმეტყველებს.

როგორც ვახტანგ მაისაიამ “მედიაცენტრ მთავარათან” საუბრისას განაცხადა, მმართველი პარტია “ქართული ოცნება” თავის ელექტორატს კარგავს. ამას კიდევ უფრო შეუწყო ხელი ეკა ბესელიასა და მისი ე.წ გუნდის საპარლამენტო უმრავლესობიდან გასვლამ.

მაისაია არ გამორიცხავს, რომ ბესელიამ საკუთარი პოლიტიკური ორგანიზაცია შექმნას.

“პოლიტიკური პარტიების უმთავრესი საზრუნავი დღეს, ანტიმიშისტური ელექტორატია. მასზე პრეტენზიას ბევრი პოლიტიკური ძალა აცხადებს. მათ შორის, “პატრიოტთა ალიანსი”, რომელსაც აქვს შანსი 2020 წელს მოირგოს უმრავლესობა პარლამენტში. “გაერთიანებული ოპოზიციაც” ეპოტინება ამ ელექტორატს, არ არის გამორიცხული “ნაციონალურმა მოძრაობამ” მოახდინოს გარდაქმნა და მიხეილ სააკაშვილი საერთოდ გვერდზე გასწიონ. “ევროპული საქართველო” საერთოდ ამორფული გაერთიანებაა და რომ არა გარეშე ძალები დახმარება, მისი არსებობა, ასევე, სერიოზული კითხვის ნიშნის ქვეშ დადგებოდა. ანტიმიშისტური ელექტორატი დღეს წარმოადგენს სერიოზულ პოლიტიკურ ძალას. ისინი არ არიან “ოცნების” უპირობო მხარდამჭერები”, – განუცხადა “მთავარს” ვახტანგ მაისაიამ.

მისივე შეფასებით, “ქართულ ოცნებაში” პარტიული დისციპლინა აღარ არსებობს.

” 2020 წელს, ჩვენ შესაძლოა საპარლამენტო კრიზისი მივიღოთ. საპარლამენტო კრიზისი კი სახელისუფლებო კრიზისში გადაიზარდოს. თუ გავითვალისწინებთ იმას, რომ ახალი კონსტიტუციით, მართვის ძირითადი ელემენტები პარლამენტის ხელში გადავიდა და ამ დროს კი პარლამენტში, კლასიკური გაგებით პოლიტიკური პარტიები არ იქნებიან წარმოდგენილნი, ანუ გვაქვს სახლი, მაგრამ როდის გამოჩნდებიან შიგ მოსახლეები, არავინ იცის”, – აცხადებს ვახტანგ მაისაია.
READ MORE - “პატრიოტთა ალიანსს” საპარლამენტო უმრავლესობის მოპოვების შანსი აქვს

„პატრიოტთა ალიანსში“ ხედავენ ძლიერ ძალას და უნდათ, რომ ეს ძალა ჩააქრონ - რამაზ საყვარელიძე (ვიდეო)

ავტორი მარი ჯომარჯიძე
15:30 11.03.2019
პოლიტოლოგმა რამაზ საყვარელიძემ „ობიექტივის“ ეთერში „პატრიოტთა ალიანსის“ აქცია შეაფასა, რომელიც 7 მარტს სააპელაციო სასამართლოსთან გაიმართა, მოსამართლეების უვადოდ დანიშვნის წესის გაუქმების მოთხოვნით.

„ობიექტივის“ წამყვანის, ილია ჩაჩიბაიას მიერ დასმულ შეკითხვაზე, რატომ არ გააშუქეს მედიასაშუალებებმა ეს ფართომასშტაბიანი აქცია, საყვარელიძემ განაცხადა, რომ „პატრიოტთა ალიანსის“ აქციის ამგვარი ბოიკოტირება პარტიის სიძლიერეზე მიანიშნებს.

"პატრიოტთა ალიანსის" მომხრეებს ეს ფაქტი უნდა გაუხარდეთ. პარტიის აქციის ამგვარი ბოიკოტირება, იმაზე მიგვანიშნებს, რომ ეს ძალიან ძლიერი, შთამბეჭდავი აქცია იყო. „პატრიოტთა ალიანსში“ ხედავენ ძლიერ ძალას და უნდათ, რომ ეს ძალა ჩააქრონ. მოგეხსენებათ, პოლიტიკა ბრძოლაა და ნუ გაგვიკვირდება, რომ ამ პარტიას ბრძოლას დაუწყებენ თუ მასში დაინავხავენ რეალურ ძალას. ეს „პატრიოტთა ალიანსის“ დამსახურებად უნდა ჩაითვალოს.

აქციის მოწყობა არის ერთერთი გზა, რომელიც თანდათანობით დააგროვებს მუხტს, რომელიც ხელისუფლებაზე იმოქმედებს. ამიტომ აქციები გასაკეთეებლია, მაგრამ მაინც გადამწყვეტია არჩევენები. მოსახლეობას უნდა გაუსიგრძეგანოს თითოეულმა პარტიამ, ვინ რას აპირებს მოსამართლეების თემასთან დაკავშირებით. მოსამართლეების თემა პარტიების საარჩევნო რიტორიკაში უნდა ჩაჯდეს" - განაცხადა საყვარელიძემ „ობიექტივის“ „დღის სტუდიაში“ ჩართვისას.



წყარო "ობიექტივი"
READ MORE - „პატრიოტთა ალიანსში“ ხედავენ ძლიერ ძალას და უნდათ, რომ ეს ძალა ჩააქრონ - რამაზ საყვარელიძე (ვიდეო)

გია ჟორჟოლიანმა და მირიან წიკლაურმა უმრავლესობა დატოვა და „პატრიოტთა ალიანსს“ შეუერთდა

14:21 04.03.2019
მე და მირიან წიკლაური გავაგრძელებთ საქმიანობას ერთიანი საპარლამენტო ფრაქციის ფარგლებში, რომელიც იქნება „პატრიოტებთან“ ერთად, - განაცხადა დეპუტატმა გია ჟორჟოლიანმა. მისი თქმით, ის და ფრაქციის რამდენიმე წევრი ტოვებს საპარლამენტო უმრავლესობას და უერთდება "პატრიოტთა ალიანსს".

„უმრავლესობას მე და ჩვენი ფრაქციის სხვა წევრებიც ტოვებენ და ალბათ, სხვებიც დატოვებენ. მე და მირიან წიკლაური გავაგრძელებთ საქმიანობას ერთიანი საპარლამენტო ფრაქციის ფარგლებში, რომელიც იქნება „პატრიოტებთან“ ერთად. ეს ფრაქცია იქნება „საქართველოს პატრიოტთა ალიანსი“ და სოციალ-დემოკრატები. ასეთი ახალი ფრაქცია დაიწყებს ფუნქციონირებას დღეიდან პარლამენტში”, - განაცხადა გია ჟორჟოლიანმა.
READ MORE - გია ჟორჟოლიანმა და მირიან წიკლაურმა უმრავლესობა დატოვა და „პატრიოტთა ალიანსს“ შეუერთდა

"ჩვენს ფრაქციას შემოუერთდნენ ბატონები გია ჟორჟოლიანი და მირიან წიკლაური" - ირმა ინაშვილი

14:21 04.03.2019
"პატრიოტთა ალიანსის" გენერალური მდივანი, პარლამენტის ვიცე-სპიკერი ირმა ინაშვილი სოციალურ ქსელში განცხადებას აქვეყნებს, რომელსაც უცვლელად გთავაზობთ:

"მოხარული ვარ, რომ ჩვენს ფრაქციას შემოუერთდნენ ბატონები გია ჟორჟოლიანი და მირიან წიკლაური.

ყოველთვის ვაფასებდი ამ ადამიანებს და მიხარია, რომ ამიერიდან მოგვეცემა საშუალება ვიმოქმედოთ, როგორც ერთი ფრაქციის წევრებმა, როგორც თანამოაზრეებმა და თანამებრძოლებმა,- მთელ რიგ საკითხებთან მიმართებაში" - აცხადებს ირმა ინაშვილი.

დეპუტატმა გია ჟორჟოლიანი საპარლამენტო უმრავლესობა და ფრაქცია "ქართული ოცნება - სოციალ-დემოკრატები" დატოვა. ამის შესახებ განცხადება მან ცოტა ხნის წინ გააკეთა. დეპუტატის თქმით, ის პარლამენტში გააგრძელებს საქმიანობას.

გია ჟორჟოლიანის თქმით, ის მირიან წიკლაურთან ერთად პატრიოტების ფრაქციაში გააგრძელებს მუშაობს.

"ქართული ოცნება - სოციალ-დემოკრატები" ცოტა ხნის წინ ბექა ნაცვლიშვილმაც დატოვა.

"ქართულმა ოცნებამ" პარლამენტში საკონსტიტუციო უმრავლესობა დაკარგა. 115-კაციანი უმრავლესობიდან წავიდნენ გედევან ფოფხაძე, ბექა ნაცვლიშვილი, ეკა ბესელია და ლევან გოგიჩაიშვილი. 27 თებერვალს უმრავლესობის დატოვებაზე გადაწყვეტილება მიიღო ზვიად კვაჭანტირაძემაც.

უმრავლესობიდან მეტი დეპუტატის გასვლის შემთხვევაში "ევროპული საქართველო" უმცირესობის სტატუსს დაკარგავს.

ეს პროცესი მმართველი ძალის ირგვლივ ჯერ კიდევ გასულ წელს დაიწყო, როცა უზენაესი სასამართლოს მოსამართლეების 10-კაციანი სია საჯარო გახდა. უმრავლესობას უკვე ჩამოყალიბებული აქვს კრიტერიუმები, რომლითაც უზენაესი სასამართლოს მოსამართლეობის კანდიდატები უნდა შეირჩეს.


READ MORE - "ჩვენს ფრაქციას შემოუერთდნენ ბატონები გია ჟორჟოლიანი და მირიან წიკლაური" - ირმა ინაშვილი

სერბეთის ეკლესია უკრაინის "ახალი ეკლესიის" წარმომადგენლებთან თანამსახურებას კრძალავს

14:21 01.03.2019
სერბეთის მართმადიდებელი ეკლესია უკრაინის ე.წ. ახალ ეკლესიას არ სცნობს - ამის შესახებ სერბეთის ეკლესიის მიერ გავრცელებულ განცხადებაშია ნათქვამი.

წერილი კონსტანტინოპოლის პატრიარქის მიერ უკრაინის ე.წ. ახალი ეკლესიისთვის ავტოკეფალიის მინიჭების საკითხს ეხება. განცხადებაში აღნიშნულია, რომ უკრაინის ე.წ. ახალი ეკლესიის გამაერთიანებელი კრება კანონიკური სამართლის სრული უგულვებელყოფით იქნა მოწვეული, რადგან მასში სქიზმაში მყოფი ადამიანები მონაწილეობდნენ.

წერილის მიხედვით, სერბ კლირიკოსებს ამიერიდან ეკრძლებათ უკრაინის ე.წ. ეკლესიის წარმომადგენლებთან, ასევე მოქალაქე ეპიფანე დუმენკოსთან თანამსახურება. ასევე კონსტანტინოპოლის საპატრიარქოს იმ მაღალიერარქებთან თანამსახურება, ვინც არსებულ წარმონაქმნს აღიარებს.

წყარო: "ობიექტივი" (ვიდეო)

READ MORE - სერბეთის ეკლესია უკრაინის "ახალი ეკლესიის" წარმომადგენლებთან თანამსახურებას კრძალავს

პრეზიდენტის მრჩეველმა ალექსი (აკია) ბარბაქაძემ თანამდებობა დატოვა

14:15 01.03.2019
საქართველოს პრეზიდენტის, სალომე ზურაბიშვილის მრჩეველმა უსაფრთხოების საკითხებში ალექსი ბარბაქაძემ თანამდებობა დატოვა.

მედიასთან საუბრისას ბარბაქაძემ აღნიშნულის მიზეზებზე საუბარი არ ისურვა, რაც შეეხება პრეზიდენტის ადმინისტრაციას, როგორც „ინტერპრესნიუსს“ განუცხადეს, ბარბაქაძემ თავდაპირველად პრეზიდენტის მრჩევლად დარჩენის გადაწყვეტილება მიიღო, თუმცა იანვარში, თანამდებობაზე ოფიციალურად გაფორმებამდე მისთვის გაცილებით საინტერესო შეთავაზება მიიღო, რის გამოც პრეზიდენტის მრჩევლის პოსტზე უარი თქვა.

პრეზიდენტის მრჩევლის პოსტი უსაფრთხოების საკითხებში ამჟამად ვაკანტურია.

შეგახსენებთ, რომ სალომე ზურაბიშვილმა საკუთარი მრჩევლები დეკემბერში წარადგინა, მათ შორის კი იყო მრჩეველი უსაფრთხოების საკითხებში – ალექსი ბარბაქაძე, რომელიც მანამდე ამავე მიმართულებით, საქართველოს ყოფილი პრეზიდენტის, გიორგი მარგველაშვილის მრჩევლის თანამდებობაზე მუშაობდა.
READ MORE - პრეზიდენტის მრჩეველმა ალექსი (აკია) ბარბაქაძემ თანამდებობა დატოვა

დონალდ ტრამპის თქმით კიმ ჩენ ინი დიადი ლიდერია

18:21 27.02.2019
ვიეტნამის დედაქალაქ ჰანოიში აშშ-ს პრეზიდენტ დონალდ ტრამპსა და ჩრდილოეთ კორეის ლიდერ კიმ ჩენ ინს შორის შეხვედრა დაიწყო.

აშშ-ს პრეზიდენტმა დონალდ ტრამპმა იმედი გამოთქვა, რომ დღევანდელი შეხვედრა წარმატებული იქნება.

„მივიჩნევ, რომ თქვენს ქვეყანას წარმოუდგენელი ეკონომიკური პოტენციალი აქვს, ეს პოტენციალი უსაზღვროა. ვფიქრობ, თქვენს ქვეყანას შესანიშნავი მომავალი ელის. თქვენ დიადი ლიდერი ბრძანდებით“, - განუცხადა დონალდ ტრამპმა კიმ ჩენ ინს.

თავის მხრივ ჩრდილოეთ კორეის ლიდერმა კიმ ჩენ ინმა განაცხადა, რომ „პრეზიდენტმა ტრამპმა მამაცობა გამოიჩინა ამ შეხვედრაში მონაწილეობის მიღებით“.

„ჩვენი ქვეყნები ერთობლივი ძალისხმევით უნდობლობასა და პრობლემებს დაძლევენ. დარწმუნებული ვარ, რომ ეს შეხვედრა რეალურ შედეგებს გამოიღებს“, - დასძინა მან.

READ MORE - დონალდ ტრამპის თქმით კიმ ჩენ ინი დიადი ლიდერია

კობახიძის შეცვლის საკითხი დღის წესრიგში ეკა ბესელიას გახმოვანებით ვერ დადგება - ნუკრი ქანთარია

18:10 25.02.2019
პარლამენტის თავმჯდომარის შეცვლის საკითხი დღის წესრიგში ეკა ბესელიას გახმოვანებით ვერ დადგება, - ამის შესახებ “ქართული ოცნების“ დეპუტატმა ნუკრი ქანთარიამ განაცხადა.

“ეს ის საკითხია, რაც პარტიის პოლიტსაბჭოს ვიწრო ჯგუფში უნდა გადაწყდეს და მერე უმრავლესობაში შეთახმდეს. ჩვენ რეალობას თვალი უნდა გავუსწოროთ - მას აქვს რაღაც თვისებები, მაგრამ ადამიანებთან კომუნიკაცია და ურთიერთობები უჭირს, რაც ამ ხნის განმავლობაში გამოჩნდა. არსებობს ცვლილებების მოლოდინი, რაც საჭიროა“, - განაცხადა ნუკრი ქანთარიამ.

ქანთარიას ინფორმაციით, უახლოეს მომავალში პარტია “ქართულ ოცნებაში“ ძალიან კარგი და სასიკეთო ცვლილებები განხორციელდება, რაც საზოგადოებისთვის კარგი გზავნილი იქნება.

მმართველ პარტიაში მოსალოდნელი ცვლილებების დეტალებზე ქანთარია არ საუბრობს, თუმცა კითხვაზე, ელის თუ არა ის პარტიის ხელმძღვანელი პირების შეცვლას, ქანთარიამ აღნიშნა, “რა თქმა უნდა, ცვლილება პარტიის თავმჯდომარეს არ შეეხება“.
READ MORE - კობახიძის შეცვლის საკითხი დღის წესრიგში ეკა ბესელიას გახმოვანებით ვერ დადგება - ნუკრი ქანთარია

ზვიად კვაჭანტირაძემ საპარლამენტო უმრავლესობა დატოვა

18:07 27.02.2019
მე ვუერთდები ჩემი მეგობრების მცირერიცხოვან ჯგუფს, რომელთაც ასეთი გადაწყვეტილება ძალიან ბევრი მიზეზიდან გამომდინარე მიიღეს და ეს არ არის მხოლოდ სასამართლოს თემა, - ამის შესახებ დეპუტატმა ზვიად კვაჭანტირაძემ ბაქოში ქართველ ჟურნალისტებს მის მიერ მმართველი გუნდის დატოვების შესახებ განუცხადა.

ზვიად კვაჭანტირაძის განცხადებით, მას უმრავლესობის დატოვებასთან დაკავშირებით პარტიის თავჯმდომარესთან, ბიძინა ივანიშვილთან რამდენიმე თვის წინ საუბარი უკვე ჰქონდა, თუმცა მაშინ გადაწყდა, რომ „ასეთი ნაბიჯის გადადგმა ნაჩქარევი იქნებოდა.“

მისივე თქმით, სასამართლოს თემა გახდა ერთ-ერთი „ყველაზე დიდი წითელი ხაზი“, რომელმაც უმრავლესობის დატოვებისკენ უბიძგა.

„არ მინდა ძალიან ხმამაღალი ნათქვამი გამომივიდეს, თუმცა გადაწყვეტილება, რომელიც მივიღე, არის გარკვეულწილად იმის პროტესტი, დღეს ჩვენ პარლამენტში რა სიტუაციაშიც ვართ. ეს ჩემთვის არის ძალიან მტკვნეული თემა. გადაწყვეტილება, რომელიც მიღებული მაქვს, სრულიად არ მგვრის სიამოვნებას, მაგრამ მე ვფიქრობ, არჩევანი მქონდა. ჩემი გადაწყვეტილება წასვლის თაობაზე იქნება სწორი და ეს იქნება სწორი ასევე, ჩემი თანამებრძოლების, მეგობრების წინაშე, იმ ხალხის წინაშე, რომელთან ერთადაც 2012 წლის 1-ელი ოქტომბერი მოვიტანეთ. მე ვუერთდები ჩემი მეგობრების მცირერიცხოვან ჯგუფს, რომელთაც ასეთი გადაწყვეტილება ძალიან ბევრი მიზეზიდან გამომდინარე მიიღეს და ეს არ არის მხოლოდ სასამართლოს თემა. სასამართლოს თემა იყო ერთ-ერთი ყველაზე დიდი წითელი ხაზი, რომელმაც ამ ნაბიჯის გადადგმისკენ გვიბიძგა“, - განაცხადა ზვიად კვაჭანტირაძემ.
READ MORE - ზვიად კვაჭანტირაძემ საპარლამენტო უმრავლესობა დატოვა

გრიგორი კარასინმა ქართველები შესაძლო უსიამოვნებიების შესახებ გააფრთხილა

17:25 27.02.2019
რუსეთის საგარეო საქმეთა მინისტრის მოადგილე გრიგორი კარასინი ქართულ მხარეს „უსიამოვნო მოულოდნელობების“ შესახებ აფრთხილებს.

„ჩემი მესიჯი არის იგივე. უნდა განვაგრძოთ ურთიერთობების განვითარება და ასევე მინდა გავაფრთხილო ჩემი ქართველი კოლეგები შესაძლო უსიამოვნო მოულოდნელობების შესახებ, ვინაიდან ეს უსიამოვნო იქნება ორივე ქვეყნისთვის“, - განაცხადა „რადიო თავისუფლებასთან“ საუბარში რუსეთის საგარეო საქმეთა მინისტრის მოადგილემ, გრიგორი კარასინმა.
READ MORE - გრიგორი კარასინმა ქართველები შესაძლო უსიამოვნებიების შესახებ გააფრთხილა

გრიგოლ ვაშაძე: სამარცხვინო ქვეყანაში ვცხოვრობთ, ყურებამდე ნაგავში ვართ...

14:25 25.02.2019
სამარცხვინო ქვეყანაში ვცხოვრობთ, ყურებამდე ნაგავში ვართ, თავისუფალი სუნთქვა ჭირს, მეგობრებო!-ასე შეაფასა დავით კირკიტაძის მიმართ მოსამართლის დღევანდელი გადაწყვეტილება გაერთიანებული ოპოზიციის ერთ-ერთმა ლიდერმა გრიგოლ ვაშაძემ.

მისი თქმით, ივანიშვილები, მურუსიძეები და ჩინჩალაძეების სახით საქართველოს „პატარა ცახესი“ აზის თავზე.

„ეს არ არის სასამართლო ეს არის სრული ფარსი, საქართველოს თავზე აზის „პატარა ცახესი“, რომელსაც გაუგებარი მიზეზების გამო ჰქვია მურუსიძეები, ჩინჩალაძეები, ივანიშვილები. ეს არის ქაფი, რომელიც ჩვენს ქვეყანაში ამოტივტივდა, მოსამართლეს არგუმენტიც კი არ ჰქონდა. ადამიანი იმყოფება უკანონო ტყვეობაში პოლიტიკურ პატიმრობაში, სამარცხვინო ქვეყანაში ვცხოვრობთ, ყურებამდე ვართ ნაგავში, თავისუფალი სუნთქვა ჭირს, მეგობრებო და ვინც „ქართულ ოცნებას“ შეგნებულად ხმას აძლევთ, დატკბით, ჯერ თქვენამდე არ მოსულან, მაგრამ აუცილებლად მოვლენ, იმიტომ რომ ამ ე.წ. ხელისუფლებამ პუტინის რეცეპტების გარდა არაფერი არ იცის", - განაცხადა გრიგოლ ვაშაძემ.

მან სხვა პატიმრებზეც ისაუბრა და თქვა, რომ კირკიტაძის მსგავსად უკანონო პატიმრობაში იმყოფებიან მერაბიშვილი, ახალაია და სხვები.

„დავით კირკიტაძე არის ივანიშვილის პირადი პოლიტიკური პატიმარი, ისევე როგორც ახალაია, ცააძე, რომან შამათავა და ვანო მერაბიშვილი",-განაცხადა ვაშაძემ.
READ MORE - გრიგოლ ვაშაძე: სამარცხვინო ქვეყანაში ვცხოვრობთ, ყურებამდე ნაგავში ვართ...

საპარლამენტო უმრავლესობა შესაძლოა კიდევ ერთმა დეპუტატმა დატოვოს

15:00 25.02.2019
უმრავლესობის კიდევ ერთი დეპუტატი, რომელმაც შესაძლოა, უმრავლესობის რიგები დატოვოს, მირიან წიკლაურია.

წიკლაურმა აქცენტი ეკონომიკურ პოლიტიკისა და საპენსიო რეფორმაზე გაამახვილა და აღნიშნა, რომ არის საკითხები, რაზეც მას განსხვავებული ხედვები და მოსაზრებები აქვს.

„არის აზრთა სხვადასხვაობა და ჩემი უმრავლესობაში დარჩენა-არ დარჩენა იმაზეა დამოკიდებული, თუ რომელი აზრი გადაწონის. მე არ ვარ პარტია „ქართული ოცნების“ წევრი და მით უფრო თავისუფალი ვარ არჩევანში“, - აღნიშნა მირიან წიკლაურმა.

მირიან წიკლაური პარლამენტში ფრაქცია „ქართული ოცნება - სოციალ-დემოკრატების“ წევრია.
READ MORE - საპარლამენტო უმრავლესობა შესაძლოა კიდევ ერთმა დეპუტატმა დატოვოს

2021 წლიდან მოსახლეობას წყლის ტარიფი გაეზრდება

14:53 25.02.2019
2021 წლიდან წყლის მომხმარებელთა არასაყოფაცხოვრებო და საყოფაცხოვრებო ტარიფი გათანაბრდება და ერთ კუბურ მეტრზე დაახლოებით 1 ლარის ფარგლებში იქნება, - ამის შესახებ „ინტერპრესნიუსს“ საქართველოს ენერგეტიკისა და წყალმომარაგების მარეგულირებელი ეროვნული კომისიის წევრმა გიორგი ფანგანმა განუცხადა.

მისივე თქმით, არსებული კანონმდებლობის მიხედვით, არასაყოფაცხოვრებო ტარიფი ასუბსიდირებს საყოფაცხოვრებო მომხმარებლებს, რის გამოც ტარიფებს შორის მნიშვნელოვანი სხვაობაა.

ამჟამად, საყოფაცხოვრებო მომხმარებლისთვის წყალმომარაგების მომსახურების ტარიფი ერთ კუბურ მეტრზე 32 თეთრს, ხოლო არასაყოფაცხოვრებო მომხმარებლებისთვის - 4 ლარსა და 40 თეთრს შეადგენს.

2021 წლისთვის ცვლილება შევა „ელექტროენერგეტიკის და ბუნებრივი გაზის შესახებ“ კანონში, რის შედეგადაც ტარიფები გათანაბრდება.

როგორც გიორგი ფანგანმა განმარტა, ცვლილების შედეგად, მცირედით გაიზრდება საყოფაცხოვრებო და სერიოზულად შემცირდება არასაყოფაცხოვრებო ტარიფი.
READ MORE - 2021 წლიდან მოსახლეობას წყლის ტარიფი გაეზრდება

არასრულწლოვნის გაუპატიურება სამუდამო პატიმრობით დაისჯება

14:46 25.02.2019
არასრულწლოვნებთან სექსუალური კავშირი სამუდამო პატიმრობით დაისჯება. როგორც შინაგან საქმეთა მინისტრის მოადგილე ნათია მეზვრიშვილმა „ინტერპრესნიუსს“ განუცხადა, კანონპროექტი, რომელიც პედოფილიაზე სასჯელის გამკაცრებას ითვალისწინებს, სამინისტრომ მთავრობას უკვე წარუდგინა.

„პედოფილიაზე კანონის გამკაცრებას ითვალისწინებს ის კანონპროექტი, რომელიც მთავრობაზე წარვადგინეთ, განსაკუთრებით არასრულწლოვანების მიმართ სექსუალური ძალადობის ჩადენის ნაწილში. გავამკაცრეთ სანქციები და არასრულწლოვანის გაუპატიურების შემთხვევაში ჩამდენი პირის მიმართ უვადო თავისუფლებაც აღკვეთაც იქნება გათვალისწინებული. ეს ადრე ასე არ იყო“, - განაცხადა მეზვრიშვილმა.
READ MORE - არასრულწლოვნის გაუპატიურება სამუდამო პატიმრობით დაისჯება

ლევან გოგიჩაიშვილი: მე, ირაკლი კობახიძე და ვანო ზარდიაშვილი ერთ ხაზზე ვერ ვიქნებით

ავტორი თეონა მანაგაძე
15:23 22.02.2019
ვერ ვიქცევი პულტზე ხელის დამჭერად, ვერ შემჭამს კონიუქტურა, რაც მნიშვნელოვანია, ყოველთვის იმ მხარეს ვიქნები, – ამის შესახებ დეპუტატმა ლევან გოგიჩაიშვილმა განაცხადა.

როგორც ლევან გოგიჩაიშვილმა აღნიშნა, გუშინდელმა პარლამენტში განვითარებულმა მოვლენებმა ბევრი რამ გადაწყვიტა.

„უმრავლესობის სახელით ბოლო გამოსვლა მქონდა. ჩვენი გზები ერთმანეთს დაშორდა, რადგან ყველაზე მნიშვნელოვანი ფასეულობებია. პარლამენტის თავმჯდომარემ არაადეკვატური და შეურაცხმყოფელი განცხადება გააკეთა იმ ადამიანების მიმართ, ვისთვისაც თავისუფლებისთვის ბრძოლა მნიშვნელოვანია. მათ უთხრეს, რომ რასაც სააკაშვილი ამ მოსამართლეების ხელით ცხრა წლის მანძილზე გიკეთებდათ, რა მოხდა, ახალი ცხოვრება დავიწყოთ. ეს ფორმულა მიუღებელია. ამ მორალის მქონე ადამიანთან გუნდში ვერ ვიქნები. წარმოუდგენელია, მე, ირაკლი კობახიძე და ვანო ზარდიაშვილი ამ ხაზზე ვიყოთ, ყველაფერი ნათელია. ვერ ვიქცევი პულტზე ხელის დამჭერად, ვერ შემჭამს კონიუქტურა, რაც მნიშვნელოვანია, ყოველთვის იმ მხარეს ვიქნები“, – განაცხადა ლევან გოგიჩაიშვილმა.


1tv.ge
READ MORE - ლევან გოგიჩაიშვილი: მე, ირაკლი კობახიძე და ვანო ზარდიაშვილი ერთ ხაზზე ვერ ვიქნებით

"პატრიოტთა ალიანსი" 7 მარტიდან პერმანენტულ აქციებს იწყებს

14:400 22.02.2019
"პატრიოტთა ალიანსი" 7 მარტიდან პერმანენტულ საპროტესტო აქციებს იწყებს, - ამის შესახებ "ობიექტივის" პირდაპირ ეთერში დავით თარხან-მოურავმა და ირმა ინაშვილმა განაცხადეს.

პირველი აქცია-მსვლელობა 7 მარტს, დღის 3 საათზე, დიდუბის მეტროსთან არსებულ ხიდთან, წმინდა გიორგის ეკლესიის სიახლოვეს დაიწყება.  საზოგადოების წევრები სააპელაციო სასამართლოთან შემდეგი მოთხოვნით გადაინაცვლებენ: გათავისუფლდეს სასამართლო მურუსიძეებისგან.

7 მარტიდან იწყება აქციების უწყვეტი ციკლი, რომელთა ძირითადი მოთხოვნებია: გაუქმდეს მოსამართლეთა უვადოდ დანიშვნა; გაუქმდეს იუსტიციის უმაღლესი საბჭო და მისი ფუნქციები გადაეცეს პარლამენტს; ხელისუფლებას ჩამოშორდნენ კობახიძე-მდინარაძეები; გამოსწორდეს განათლების სისტემაში არსებული მძიმე ვითარბა.

"პატრიოტთა ალიანსის" ლიდერების თქმით, ერთ-ერთი მთავარი მოთხოვნა სოციალური ვითარების მოგვარება და საარჩევნო გარემოს გაუმჯობესება იქნება.
READ MORE - "პატრიოტთა ალიანსი" 7 მარტიდან პერმანენტულ აქციებს იწყებს

გია ხუხაშვილი - „ქართული ოცნების“ წევრებს ვეუბნები, ისინი დღეს უკვე არიან „ნაციონალური მოძრაობა“, არ უყვართ „ნაცმოძრაობა“? მაშინ იქიდან უნდა წამოვიდნენ

13:46 22.02.2019
ეკა ბესელიას გუნდის მესამე ძალად ჩამოყალიბებას, ამ ეტაპზე სკეპტიკურად ვუყურებ, - ასე აფასებს ექსპერტი გია ხუხაშვილი ეკა ბესელიას გადაწყვეტილებას, რომ დატოვოს მმართველი გუნდი და ახალი პოლიტიკური ძალა შექმნას.

მისივე თქმით, ეკა ბესელიას დღევანდელი გადაწყვეტილება დაგვიანებულია და ამას ამომრჩეველი მას ხშირად შეახსენებს.

„ამ ეტაპზე სკეპტიკურად ვუყურებ ამ პლატფორმის შესაძლებლობებს ბევრი მიზეზის გამო, თუნდაც იმიტომ, რომ მათ ძალიან დააგვიანეს, ის პრობლემები, რაც მათი მხრიდან არის მიზეზად მოყვანილი, დღეს არ გაჩენილა, ის რამდენიმე წელია არსებობს და შესაბამისად, ეს დაგვიანებული რეაგირება არადამაჯერებლად გამოიყურება. ჩვენი ამომრჩეველი საკმაოდ გამოცდილია იმისთვის, რომ ეს ყველაფერი შეამჩნიოს. მე პირადად მზად ვარ უკან არ გავიხედო, არ ვიქიკილო ამ დაგვიანებაზე და ვითანამშრომლო, მაგრამ ამომრჩეველს ვერ მოატყუებ. მას ეს პრეტენზია ბესელიასთან ყოველთვის ექნება, რომ 2019 წელს აღმოაჩინა ის, რა პრობლემაც 2013 წლიდან უკვე საკმაოდ ადვილი დასანახი იყო“,- განაცხადა ხუხაშვილმა.

ამასთან, გია ხუხაშვილი აცხადებს, რომ „ქართული ოცნება“ ფაქტობრივად „ნაციონალურ მოძრაობად“ იქცა, ამიტომ „ოცნების“ წევრებს მოუწოდებს, დატოვონ გუნდი.

„ეკა ბესელიას მიერ „ქართული ოცნების“ დატოვება გასაგები, ლოგიკური იყო და ეს არ არის სიურპრიზი. მას შემდეგ რაც „ქართული ოცნება“ ფაქტობრივად, სისტემური თვალსაზრისით იქცა „ნაციონალურ მოძრაობად“ , გასაგებია, რომ ის ყველამ უნდა დატოვოს, ვინც თავის დროზე ებრძოდა იმ მანკიერ სისტემას. სისტემური თვალსაზრისით „ქართული ოცნება“ უკვე „ნაციონალური მოძრაობაა“, რადგან ყველა მანკიერება გადმოიბარა და ფაქტობრივად გამოაცხადა, რომ ის არის სამართალმემკვიდრე. ასე, რომ მინდა „ქართული ოცნების“ ყველა წევრს ვუთხრა, რომელიც ამ პარტიას ებრძოდა, ისინი უკვე დღეის მდგომარეობით ამ პარტიის წევრები არიან და თუ მათ არ მოსწონთ „ნაციონალური მოძრაობა“ , მაშინ მათაც იგივე ნაბიჯი უნდა გადადგან, რაც ეკა ბესელიამ. „ქართული ოცნების“ გუნდად მოხსენიება საერთოდ პირობითი იყო, ეს არის ე.წ. დაჯგუფება ადამიანების, რომელიც ერთ კაცზე იდგა, მაგრამ ამ პროცესებიდან გამომდინარე, ყველა „წითელი ხაზი“ გადაკვეთილია უკვე, ყველა მანკიერება ათვისებულია „ქართული ოცნების“ მხრიდან და ფაქტობრივად, ბოლო ორი ელემენტი იყო დარჩენილი - ეს იყო ფინანსური ნაკადების კონტროლი, „თიბისის“ ირგვლის განვითარებულმა მოვლენებმა ეს მანკიერებაც აათვისებინა „ქართულ ოცნებას“ და მეორე- მართლმსაჯულების სისტემის პოლიტიკურ ვერტიკალში ჩაყენება. საბოლოოდ, ამ ორი საკითხის გუშინდელი გაფორმებით ფაქტობრივად დასრულდა „ქართული ოცნების“ „ნაციონალიზაცია“. შესაბამისად, „ქართული ოცნების“ ყველა წევრს ვეუბნები, რომ ისინი დღეს უკვე არიან „ნაციონალური მოძრაობა“. არ უნდათ და არ უყვართ „ნაციონალური მოძრაობა“? მაშინ იქიდან უნდა წამოვიდნენ, სხვანაირად, ისინი პასუხისმგებლები არიან არამარტო ამ 6 წელზე, არამედ წინა 9 წელზეც“,- განაცხადა ხუხაშვილმა.

შეგახსენებთ, რომ ეკა ბესელიამ მმართველი გუნდი დღეს დატოვა ოფიციალურად და განაცხადა, რომ ახალ პოლიტიკურ პლატფორმას შექმნის.
READ MORE - გია ხუხაშვილი - „ქართული ოცნების“ წევრებს ვეუბნები, ისინი დღეს უკვე არიან „ნაციონალური მოძრაობა“, არ უყვართ „ნაცმოძრაობა“? მაშინ იქიდან უნდა წამოვიდნენ

ნათია მაზანაშვილი: საქართველო ბავშვთა სიკვდილიანობის კუთხით ევროპაში პირველ ადგილზეა

13:31 22.02.2019
ჟურნალისტი ნათია მაზანაშვილი, რომელიც ტელე-რადიო კომპანია „ობიექტივის“ სოციალური გადაცემის წამყვანია საქართველოში არსებულ მძიმე ეკონომიკურ მდგომარეობაზე საუბრობს და ყურადღებას ამახვილებს ბავშვთა სიკვდილიანობის გაზრდილ მაჩვენებელზე:

ნათია მაზანაშვილი: „სოციალური დახმარების მეთოდოლოგიას, რომელსაც უამრავი ხარვეზი აქვს, საქართველოს მთავრობა ისევ არ ცვლის. ათასობით ადამიანს უსამართლოდ და უმიზეზოდ ეხსნება შემწეობა, რაც თავის რჩენის ერთადერთ საშუალებას წარმოადგენს.

მთავრობას არ გააჩნია სიღარიბის დაძლევის რეალური გეგმა და სურვილი. საქართველოს მოსახლეობის 90% სიღარიბეში ცხოვრობს. განსაკუთრებით საგანგაშოა ბავშვების მდგომარეობა. საქართველოში ყოველწლიურად 700 ბავშვი, კვების დეფიციტის გამო იღუპება; 400 პატარა დაბადებიდან 1 კვირაში კვდება, ხოლო 300 დაბადებიდან 1 წლის განმავლობაში. ბავშვთა სიკვდილიანობით საქართველო ევროპაში პირველ ადგილზეა. ადამიანები ადრეული ასაკიდან სიღატაკეში ცხოვრობენ, შესაბამისად ვერ იღებენ განათლებას და დასაქმებაც უჭირთ.

ხშირად, როდესაც სიუჟეტის მომზადებისას მათთან მივდივარ და მძიმე სოციალურ მდგომარეობას ვეცნობი, მეკითხებიან: გვეშველება რამე? ჩვენზე ვინმე იზრუნებს? - ადამიანებს აინტერესებთ ის პროექტები, რასაც მთავრობა მათ დასახმარებლად ახორციელებს, თუმცა ამ კუთხით სათქმელი თითქმის არაფერია. ხალხმა „ქართული ოცნების“ იმედი დიდი ხნის წინ დაკარგა. ვიმეორებ, საგანგაშო რეალობაში ვცხოვრობთ: 150 186 ბავშვს შია. ხალხი შველას და გადარჩენას ითხოვს. სანამ ჩვენი მთავრობის წევრები შავი ჯიპებით დაბრძანებიან და ხალხის მდგომარეობა არ აინტერესებთ, სიღარიბე ძალას იკრებს და სულ უფრო მეტი ოჯახის კარზე აკაკუნებს“ - აცხადებს მაზანაშვილი.
READ MORE - ნათია მაზანაშვილი: საქართველო ბავშვთა სიკვდილიანობის კუთხით ევროპაში პირველ ადგილზეა

"ოცნების" უმრავლესობა სააკაშვილის რეჟიმის გასამართლებას არ ემხრობა (კენჭისყრის შედეგები)

11:50 22.02.2019
"ქართული ოცნების" საპარლამენტო უმრავლესობის უმეტესობამ "პატრიოტთა ალიანსის" რეზოლუციას მხარი არ დაუჭირა. შეგახსენებთ, რომ დოკუმენტის მიხედვით სააკაშვილ-ბოკერიას ხელისუფლების სამართლებრივ-პოლიტიკური შეფასება უნდა მომხდარიყო. გთხავაზობთ კენჭისყრის შედეგებს:

საქართველოს პარლამენტის წევრები, რომლებმაც მხარი დაუჭირეს რეზოლუციას:

1. აბუსერიძე ირაკლი
2. არველაძე რევაზი
3. ბეჟანიშვილი ლევანი
4. ბესელია ეკა
5. ბუკია გიგა
6. გეგიძე ბიძინა
7. გოგიჩაიშვილი ლევანი
8. გულორდავა გოგა
9. ერქვანია ალექსანდრე
10. თორთლაძე გიორგი
11. ინაშვილი ირმა
12. კვაჭანტირაძე ზვიადი
13. კვიჟინაძე პაატა
14. კვიციანი ემზარი
15. კობალაძე კობა
16. კობერიძე ლევანი
17. კოპალიანი კარლო
18. კოპაძე გიორგი
19. ლომია გიორგი
20. ლურსმანაშვილი კობა
21. მაკრახიძე იოსები
22. მარშანია ადა
23. მახათაძე სულხანი
24. მიქაძე გელა
25. მხეიძე პაატა
26. ნაკაიძე კობა
27. ნარჩემაშვილი კობა
28. ნაცვლიშვილი ბექა
29. პაპუაშვილი ზაზა
30. პოღოსიანი რუსლანი
31. ჟორჟოლიანი გია
32. ტრიპოლსკი ერეკლე
33. ფოფხაძე გედევანი
34. ქანთარია ალექსანდრე
35. ქვარაია მერაბი
36. შიოლაშვილი ირაკლი
37. ჩანქსელიანი გოდერძი
38. ჩრდილელი ოთარი
39. ძიძიგური ზვიადი
40. წიკლაური მირიანი
41. ჭიჭინაძე გივი
42. ჭიჭინაძე დავითი
43. ხაბარელი შოთა
44. ხალვაში ფატი
45. ხუბულური თენგიზი

საქართველოს პარლამენტის წევრები, რომლებმაც ხმა მისცეს რეზოლუციის წინააღმდეგ:

1. აბესაძე ირაკლი
2. ბაქრაძე დავით
3. ბობოხიძე აკაკი
4. ბოკერია გიორგი
5. გოგორიშვილი ხათუნა
6. გუნავა თენგიზ
7. დამენია ლაშა
8. კანდელაკი გიორგი
9. კედელაშვილი ზაზა
10. ნადირაშვილი ირმა
11. ნიკოლაიშვილი რამაზ
12. რატიანი სერგო
13. ტუღუში გიორგი
14. ქებურია ლელა
15. ღვინიაშვილი გიორგი
16. ჭიაბერაშვილი ზურაბ

საქართველოს პარლამენტის წევრები, რომლებმაც თავი შეიკავეს:

1. ბერაია ირაკლი (დაჩი)
2. ბოკუჩავა თინათინ
3. ბოლქვაძე ანზორ
4. გაჩეჩილაძე გიორგი
5. გაჯიევი რუსლან
6. გოცირიძე ელგუჯა
7. გოცირიძე რომან
8. დარზიევი მახირ
9. დასენი ისკო
10.ვახტანგაძე მუხრან
11. ვოლსკი გიორგი
12. ზარდიაშვილი ვანო
13. თოლორაია ედიშერ
14. იონათამიშვილი რატი
15. კაკულია რომან
16. კახიანი გიორგი
17. კახიძე ოთარ
18. კიკნაველიძე შალვა
19. კილაძე სოფო
20. კობახიძე ირაკლი
21. კობიაშვილი ლევან
22. კოვზანაძე ირაკლი
23. კოხრეიძე თეიმურაზ
24. კუჭავა კახაბერ
25. მათიკაშვილი დავით
26. მანუკიანი სამველ
27. მარგველაშვილი გენადი
28. მაღრაძე გუგული
29. მაჭავარიანი ენძელა
30. მაჭარაშვილი გურამ
31. მდინარაძე მამუკა
32. მეზურნიშვილი ირაკლი
33. მელია ნიკანორ
34. მეშველიანი გოგი
35. მირზოევი სავალან
36. მიქელაძე გრიგოლ
37. მოსიძე გიორგი (კენჭისყრის შემდეგ თქვა, რომ ვერ მოასწრო ხმის მიცემა რეზოლუციის მხარდასაჭერად)
38. მუჩიაშვილი რომან
39. ნავერიანი თამაზ
40. ნაკაშიძე ილია
41. ნოზაძე სიმონ
42. ოხანაშვილი ანრი
43. სამადაშვილი სალომე
44. სამხარაული გელა
45. სამხარაძე დიმიტრი
46. სონღულაშვილი დავით
47. სულეიმანოვი აზერ
48. ფრუიძე ირინე
49. ყაველაშვილი მიხეილ
50. შალელაშვილი შოთა
51. ჩუგოშვილი თამარ
52. ჩხეიძე ნატო
53. წილოსანი ნინო
54. ხაბაძე არჩილ
55. ხატიძე გიორგი
56. ხოშტარია ელენე
57. ხულორდავა თამარ
58. ხუნდაძე დიმიტრი

READ MORE - "ოცნების" უმრავლესობა სააკაშვილის რეჟიმის გასამართლებას არ ემხრობა (კენჭისყრის შედეგები)

რამდენიმე წუთის წინ ეკა ბესელიამ "ქართული ოცნება" დატოვა

12:00 22.02.2019
რამდენიმე წუთის წინ გამართულ სპეციალურ ბრიფინგზე დეპუტატმა ეკა ბესელიამ "ქართული ოცნების" დატყოვების შესახებ განაცხადა.

შეგახსენებთ, რომ გუშინ, საპარლამენტო უმრავლესობამ მხარი არ დაუჭირა ბესელიას ინიციატივას, რომელიც მოსამართლეთა უვადოდ დანიშვნის შეჩერებას ითვალისწინებდა, რაც დეპუტატის მიერ საპარლამენტო უმრავლესობის დატოვების მჯიზეზი გახდა.

READ MORE - რამდენიმე წუთის წინ ეკა ბესელიამ "ქართული ოცნება" დატოვა

აშშ-ში მონტანის შტატის კანადისთვის მიყიდვას ითხოვენ

00:00 21.02.2019
შეერთებულ შტატებში ახალი პეტიციის ხელმოწერა დაიწყო, რომელიც მონტანის შტატის გაყიდვას შეეხება. ამის შესახებ New York Post-ი წერს.

პეტიციის ავტორი იან ჰამონდია, რომელიც კანადისთვის შტატის ტრილიონ დოლარად მიყიდვის ინიციატივით გამოდის.

„ჩვენ ბევრი ვალები გვაქვს, მონტანა კი უიმედოა“, - აცხადებს ჰამონდი. პეტიციას ხელი უკვე 12 ათასზე მეტმა ადამიანმა მოაწერა.

ოფიციალური სტატისტიკით, აშშ-ის სახელმწიფო ვალი დღეისათვის 22 ტრილიონ დოლარს შეადგენს. დონალდ ტრამპის ინაუგურაციის შემდეგ სახელმწიფო ვალი 2 ტრილიონი დოლარით არის გაზრდილი.
READ MORE - აშშ-ში მონტანის შტატის კანადისთვის მიყიდვას ითხოვენ

მძღოლებს მანქანის უფასოდ პარკირება დღეში 4-ჯერ, 15-15 წუთით შეეძლებათ - ვის არ შეეხება გადასახადი

23:55 21.02.2019
მძღო­ლებს ავ­ტო­მან­ქა­ნის უფა­სოდ პარ­კი­რე­ბა დღე­ში 4-ჯერ, 15-15 წუ­თით შე­ეძ­ლე­ბათ. პარ­კი­რე­ბა­ზე გა­და­სა­ხა­დის და­წე­სე­ბის სა­კი­თხზე თბი­ლი­სის მერ­მა დე­და­ქა­ლა­ქის მთავ­რო­ბის დღე­ვან­დელ სხდო­მა­ზე ისა­უბ­რა.

„ყვე­ლა მან­ქა­ნა უზ­რუნ­ველ­ყო­ფი­ლი იქ­ნე­ბა დღე­ში 4 უფა­სო 15 წუ­თი­ა­ნი პარ­კი­რე­ბით. შე­საძ­ლებ­ლო­ბა იქ­ნე­ბა დღე­ში 4-ჯერ გა­მო­ი­ყე­ნოს ადა­მი­ან­მა ეს დრო“, - აღ­ნიშ­ნა კა­ლა­ძემ.

ამას­თან, დე­და­ქა­ლა­ქის მე­რის თქმით, „სა­ა­თობ­რი­ვი პარ­კი­რე­ბის გა­დახ­და შე­საძ­ლე­ბე­ლი იქ­ნე­ბა, რო­გორც მო­ბი­ლუ­რი აპ­ლი­კა­ცი­ით, ასე­ვე, ქუ­ჩა­ში და­მონ­ტა­ჟე­ბუ­ლი აპა­რა­ტე­ბის მეშ­ვე­ო­ბით“.

„ზო­ნა­ლუ­რი პარ­კი­რე­ბი­დან შე­მო­სუ­ლი თან­ხე­ბი მთლი­ა­ნად აკუ­მუ­ლი­რე­ბუ­ლი იქ­ნე­ბა სატ­რან­სპორ­ტო კომ­პა­ნი­ა­ში და მოხ­მარ­დე­ბა მხო­ლოდ სა­ზო­გა­დო­ებ­რი­ვი ტრან­სპორ­ტის გან­ვი­თა­რე­ბას“, - გა­ნა­ცხა­და კა­ლა­ძემ.

მი­სი­ვე თქმით, გა­და­სა­ხა­დი ასე­ვე არ შე­ე­ხე­ბა ელექტროძ­რა­ვი­ან ავ­ტო­მო­ბი­ლებს და შშმ პი­რე­ბის მან­ქა­ნებს.

„რაც შე­ე­ხე­ბა ტაქ­სებს, მათ­თვის სხვა­დას­ხვა ად­გი­ლებ­ში უკვე გა­მო­ყო­ფი­ლია სპე­ცი­ა­ლუ­რი სა­პარ­კინ­გე ად­გი­ლე­ბი“, - აღ­ნიშ­ნა კა­ლა­ძემ.

დე­და­ქა­ლაქ­ში პარ­კი­რე­ბა­ზე სა­ა­თობ­რი­ვი გა­და­სა­ხა­დი, თავ­და­პირ­ვე­ლად რამ­დე­ნი­მე ქუ­ჩა­ზე, 1-ელი ივ­ლი­სი­დან და­წეს­დე­ბა.

რო­გორც თბი­ლი­სის მერ­მა კახა კა­ლა­ძემ დე­და­ქა­ლა­ქის მთავ­რო­ბის დღე­ვან­დელ სხდო­მა­ზე გა­ნა­ცხა­და, სა­პი­ლო­ტე პრო­ექ­ტი თავ­და­პირ­ვე­ლად კოტე აფხა­ზი­სა (ლე­სე­ლი­ძის) და მის მიმ­დე­ბა­რე ქუ­ჩებ­ზე და­ი­ნერ­გე­ბა.

პარ­კი­რე­ბის სა­ა­თობ­რი­ვი სა­ფა­სუ­რი არ შე­ე­ხე­ბა სა­ცხოვ­რე­ბე­ლი ად­გი­ლის მიმ­დე­ბა­რედ პარ­კი­რე­ბულ სატ­რან­სპორ­ტო სა­შუ­ა­ლე­ბებს. გა­და­სა­ხა­დი ასე­ვე არ შე­ე­ხე­ბა ელექტროძ­რა­ვი­ან ავ­ტო­მო­ბი­ლებს და შშმ პი­რე­ბის მან­ქა­ნებს.
READ MORE - მძღოლებს მანქანის უფასოდ პარკირება დღეში 4-ჯერ, 15-15 წუთით შეეძლებათ - ვის არ შეეხება გადასახადი

როგორ შეიცვალა ეკონომიკის ყოფილი მინისტრის, დიმიტრი ქუმსიშვილის ქონება ერთ წელიწადში

23:02 21.02.2019
საქართველოს ეკონომიკის ყოფილმა მინისტრმა და პირველმა ვიცე პრემიერმა დიმიტრი ქუმსიშვილმა გასულ წელს რამდენიმე უძრავი ქონება გაყიდა და აქედან 531,611 ლარის შემოსავალი მიიღო.

გარდა 2018 წელს გასხვისებული ქონებისა, მედია დაინტერესდა, თუ როგორ შეიცვალა ქუმსიშვილის ქონება ერთ წელიწადში.

2019 წლის 28 იანვარს შევსებული ქონებრივი დეკლარაციის თანახმად, ეკონომიკის ყოფილ მინისტრს აღარ უფიქსირდება 188,48 კვ.მეტრისა და 90,7 კვ. მეტრი ფართობის ორი ბინა თბილისში; ასევე დედაქალაქში მდებარე 312 კვ. მ ფართობის საცხოვრებელი სახლი და 451 კვ. მეტრის მიწის ნაკვეთი; ამასთან, მის სახელზე აღარ ფიქსირდება 187,33 კვ. მეტრი ფართობის საცხოვრებელი სახლი თეთრიწყაროში და ამავე მისამართზე მდებარე 475 კვ. მეტრისა და 480 კვ. მეტრის ორი მიწის ნაკვეთი.

როგორც დიმიტრი ქუმსიშვილს დეკლარაციაში აქვს მითითებული, აღნიშნული უძრავი ქონების რეალიზაციის შედეგად 2018 წელს ქუმსიშვილის შემოსავალმა ჯამში, 531,611 ლარი შეადგინა. ამასთან, დეკლარაციის მიხედვით, ყოფილმა პირველმა ვიცე-პრემიერმა სამი უძრავი ქონება, თბილისსა და თეთრიწყაროში, მეორე რიგის მემკვიდრეზე გააჩუქა.

„ბიზნესპრსნიუსმა“ ყოფილი ვიცე-პრემიერის საკუთრებაში არსებული ქონება საჯარო რეესტრის ვებ-გვერდზეც გადაამოწმა. როგორც აღმოჩნდა, 2019 წლის 18 თებერვლის ამონაწერით, დიმიტრი ქუმსიშვილს დედაქალაქში მდებარე ორი ბინა მართლაც გაუსხვისებია. ხოლო თბილისსა და თეთრიწყაროში მდებარე უძრავი ქონების მესაკუთრედ რეესტრში ასევე მიმდინარე წლის ამონაწერით ნინო ქუმსიშვილი ფიქსირდება.

რაც შეეხება ქუმსიშვილის საკუთრებაში არსებულ უძრავ ქონებას, მიმდინარე წელს შევსებული დეკლარაციის მიხედვით, ყოფილი მინისტრი ფლობს: 119,76 კვ. მეტრი ფართობის ბინას დედაქალაქში და ასევე თბილისში მდებარე 20 კვ. მეტრის ავტოფარეხს. მის საკუთრებაშია ასევე 2006 წელს გამოშვებული მსუბუქი ავტომობილი „მერსედეს ბენცი მლ“.

ჩვენ ქვეყანაში მუდმივად აქტუალურია თანამდებობიდან წასვლის შემდეგ სახელმწიფო მოხელეთა ფინანსური მდგომარეობის საკითხიც, თუმცა, აღსანიშნავია, რომ ამ მხრივ მნიშვნელოვანი ცვლილება არ გვაქვს სახეზე. კერძოდ, როგორც დეკლარაციაშია აღნიშნული, მისი შევსების მომენტში დიმიტრი ქუმსიშვილს სხვადასხვა საბანკო ანგარიშზე 28,349.14 ლარი; 1 000 დოლარი და 2 836,32 ევრო ჰქონდა (მაშინ როცა 2018 წელს შევსებული ქონებრივი დეკლარაციის თანახმად, ჯამში 24,326.2 ლარი და 4,570.75 დოლარი ჰქონდა). ამასთან, ქუმსიშვილს დეკლარაციის შევსების მომენტში ნაღდი ფულადი თანხის სახით ჰქონდა 28 000 ლარი, რომელიც ფასიანი ქაღალდის განაღდების საფუძველზე აქვს მიღებული.
READ MORE - როგორ შეიცვალა ეკონომიკის ყოფილი მინისტრის, დიმიტრი ქუმსიშვილის ქონება ერთ წელიწადში

ილია ჩაჩიბაია: ზუგდიდის ბოტანიკური ბაღის ტერიტორიაზე სასტუმროს აშენება დაუშვებელია!

18:01 02.02.2019
ჟურნალისტი ილია ჩაჩიბაია ზუგდიდის ბოტანიკური ბაღის ტერიტორიაზე სასტუმროს მშენებლობას ეწინააღმდეგება და მოკლე განცხადებას ავრცელებს, რომელსაც უცვლელად გთავაზობთ :

"ზუგდიდში, დადიანების ისტორიული სასახლის და უნიკალური ბოტანიკური ბაღის ტერიტორიაზე ადგილობრივი ხელისუფლება და "m²" სასტუმროს მშენებლობას გეგმავს, რაც კატეგორიულად მიუღებელია!!!!

ამ პროექტის განხორციელება არ უნდა დავუშვათ!!!

სააკაშვილის დაწყებულს ოცნება აგრძელებს..."
READ MORE - ილია ჩაჩიბაია: ზუგდიდის ბოტანიკური ბაღის ტერიტორიაზე სასტუმროს აშენება დაუშვებელია!

ტელე-რადიო "ობიექტივის" გენერალური პროდიუსერი tvპირველის სიუჟეტს ეხმაურება

21:01 21.02.2019
"ობიექტივის" გენერალური პროდიუსერი ილია ჩაჩიბაია tvპირველის სიუჟეტს ეხმაურება:

"tvპირველმა" მოამზადა ცილისმწამებლური სიუჟეტი, სადაც ამავე ტელევიზიის ჟურნალისტი "ობიექტივს" კრემლისტურ მედია-საშუალებად მოიხსენიებს.

ჩვენი პროფესიის პირველი წესია, თუ ვინმეს რამეს აბრალებენ, მოპასუხის პოზიციაც მოვისმინოთ და საზოგადოებას შევთავაზოთ; ეს წესიც უხეშად დაირღვა.

ამ არხის ცნობილი ჟურნალისტები წარსულში არაერთხელ გამხდარან ცილისწამების და იარლიყების მიკერების ობიექტი, ამიტომ კარგად იციან თუ რამდენად მტკივნეულია.

კარგი იქნება თუ "tvპირველის" ხელმძღვანელობა გააკეთებს განმარტებას, წინააღმდეგ შემთხვევაში ჩავთვლით, რომ მიმდინარეობს მიზანმიმართული შავი კამპანია დამოუკიდებელი ტელე-რადიო "ობიექტივის" მიმართ, კოლეგებისვე ხელით".

READ MORE - ტელე-რადიო "ობიექტივის" გენერალური პროდიუსერი tvპირველის სიუჟეტს ეხმაურება

„თიბისი ბანკი“ ეროვნული ბანკის მიერ დაკისრებულ მილიონიან ჯარიმას გადაიხდის

18:01 21.02.2019
„თიბისი ბანკი“ ეროვნული ბანკის მიერ დაკისრებულ ჯარიმას, რომელიც ერთ მილიონ ლარს შეადგენს, გადაიხდის. ამის შესახებ აღნიშნულია განცხადებაში, რომელიც ბანკის ოფიციალურ გვერდსა და ლონდონის საფონდო ბირჟაზე გამოქვეყნდა.

დოკუმენტში საუბარია, რომ „თიბისი ბანკი“ ეროვნული ბანკის წინააღმდეგ ყველა სამართლებრივ დავას წყვეტს.

„გამომდინარე იქიდან, რომ „თიბისი ბანკი“ ითვალისწინებს ქვეყნის საინვესტიციო იმიჯისთვის შესაძლო ზიანს და პატივს სცემს ეროვნული ბანკის, როგორც კვალიფიციური რეგულატორის როლს და მიუხედავად იმისა, რომ ეროვნული ბანკის ბოლო გადაწყვეტილებები გასაჩივრებული იქნა სასამართლოში, „თიბისი ბანკი“ აცხადებს, რომ განახორციელებს სააქციო საზოგადოება „თიბისი ბანკის“ სამეთვალყურეო საბჭოს რესტრუქტურიზაციას იმდაგვარად, რომ ბანკის დამფუძნებელი აქციონერები არ იქნებიან წარმოდგენილი ს/ს თიბისი ბანკის სამეთვალყურეო საბჭოში. ისინი ინარჩუნებენ TBC Bank Group PLC (თიბისი ბანკის 100% იანი აქციონერი ლონდონში) დირექტორთა საბჭოში, თავმჯდომარის და მოადგილის პოზიციებს. „თიბისი ბანკი“ წყვეტს სასამართლო დავებს ეროვნული ბანკის წინააღმდეგ და გადაიხდის ეროვნული ბანკის მიერ ჯარიმის სახით დაკისრებულ 1 მილიონ ლარს.

ამასთან, „თიბისი ბანკი“, ეროვნულ ბანკთან ერთად, აგრძელებს მუშაობას კორპორაციული მართვის ხარისხის კიდევ უფრო გაუმჯობესებაზე. „თიბისი ბანკის“ კორპორაციული მართვის თემაზე მესამე პირების მხრიდან კითხვების გამორიცხვის მიზნით, თიბისი PLC ჯგუფი მოახდენს ინტერესთა კონფლიქტის ტრანზაქციების, პროცედურების და მართვის პრაქტიკის შესწავლას საერთაშორისო რეპუტაციული კომპანიის მიერ“, - ნათქვამია „თიბისი ბანკის“ განცხადებაში“, - აღნიშნულია განცხადებაში.

შეგახსენებთ, რომ დღეს მამუკა ხაზარაძემ „თიბისი ბანკის“ სამეთვალყურეო საბჭოს დატოვების შესახებ განაცხადა. მისივე თქმით, მთელ თავის ენერგიას ქვეყნისთვის უმნიშვნელოვანეს - ანაკლიის პროექტის განხორციელებას მიუძღვნის. იქვე ხაზარაძე იმედს გამოთქვამს, რომ დასცალდება საქმის ბოლომდე მიყვანა.
READ MORE - „თიბისი ბანკი“ ეროვნული ბანკის მიერ დაკისრებულ მილიონიან ჯარიმას გადაიხდის

ბოლო ერთ თვეში ბიძინა ივანიშვილის ქონება გაიზარდა

20:01 21.02.2019
Bloomberg-ის მილიარდერთა სიაში სულ 500 მილიარდერია.

აღსანიშნავია, რომ რეიტინგში საქართველოდან მხოლოდ 62 წლის ბიძინა ივანიშვილია, რომლის ქონებაც 2019 წლის 15 თებერვლის მდგომარეობით, 5.17 მლრდ დოლარად არის შეფასებული. ამასთან, ამ დროისთვის ივანიშვილი Bloomberg-ის მილიარდერთა სიაში 314-ე ადგილზეა.

როგორც „ბლუმბერგის“ მილიარდერთა ინდექსშია აღნიშნული, მისი ქონება ბოლო ერთ თვეში 100 მლნ დოლარით არის გაზრდილი. ცნობისთვის, 2019 წლის 15 იანვრის მდგომარეობით, მისი ქონება 5.07 მილიარდ დოლარად იყო შეფასებული.

5.17 მილიარდი დოლარით ბიძინა ივანიშვილს შეუძლია შეიძინოს 3.93 მილიონი უნცია ოქრო და 78 მილიონი ბარელი ნავთობი. მისი ქონება უტოლდება შეერთებული შტატების მშპ-ს 0.0267%-ს, მსოფლიოს 500 ყველაზე მდიდარი ადამიანის ქონების 0.1%-ს, შეერთებულ შტატებში „ტოპ“ 200 აღმასრულებელი დირექტორისთვის მიცემული კომპენსაციის 82%-ს, შეერთებული შტატების „ტოპ“ 100 კოლეჯის შეწირულობის 1.31%-ს.

აღსანიშნავია, რომ მილიარდერების ინდექსის თანახმად, ივანიშვილის ქონება ყველაზე მაღალი - 2013 წელს იყო, როცა 6.40 მლრდ აშშ დოლარს შეადგენდა.

გამოცემას ბიზნესმენთან დაკავშირებით მცირე ინფორმაციაც აქვს დატანილი, სადაც ივანიშვილის ბიზნეს საქმიანობის დაწყებისა და პოლიტიკური კარიერის მოკლე ისტორიაა ასახული.

„ივანიშვილმა კარიერა პოსტ-საბჭოთა რუსეთში 1990-იან წლებში რკინის მადნის მოპოვებაში, ბანკებსა და უძრავ ქონებაში ფულის ჩადებით დაიწყო. თავისი აქტივების უმეტესობა 2003-2006 წლებში გაყიდა, დანარჩენი ნაწილი გაიყიდა საქართველოში პრემიერ-მინისტრად არჩევამდე 2012 წელს. ერთი წლის შემდეგ კი ის თანამდებობიდან გადადგა,“ - იუწყება გამოცემა.

ცნობისთვის, Bloomberg-ის მილიარდერების ინდექსი მსოფლიოს ყველაზე მდიდარი ადამიანების ყოველდღიური რეიტინგია.
READ MORE - ბოლო ერთ თვეში ბიძინა ივანიშვილის ქონება გაიზარდა

ირმა ინაშვილი: „ჩვენ ვაიძულებთ მურუსიძეებს და ჩინჩალაძეებს დატოვონ სასამართლო სისტემა“

18:10 21.02.2019
„ცვლილება, რომელსაც ახლა წარმოადგენს ეკა ბესელია, არის უმნიშვნელოვანესი და ჩვენ მოვითხოვთ, რომ უვადოდ დანიშვნა საერთოდ გაუქმდეს მოსამართლეების, რადგან ჩვენი ქვეყანა დღეს ამისათვის არ არის მზად“, განაცხადა „პატრიოტთა ალიანსის“ გენერალურმა მდივანმა, პარლამენტის თავმჯდომარის მოადგილემ, ირმა ინაშვილმა.

მან აღნიშნა, რომ დაიწყება სამოქალაქო მოძრაობა იმისათვის, რომ „აიძულონ მურუსიძეები და ჩინჩალაძეები დატოვონ სასამართლო სისტემა“.

საერთო სასამართლოების შესახებ კანონში ცვლილებების შეტანის შესახებ პარლამენტში გამოსვლისას ეკა ბესელიამ მოუწოდა დეპუტატებს მხარი დაუჭირონ პირველი და მეორე ინსტანციის სასამართლოებში და არა უზენაეს სასამართლოში მოსამართლეთა უვადოდ განწესების დროებით შეჩერებას.

READ MORE - ირმა ინაშვილი: „ჩვენ ვაიძულებთ მურუსიძეებს და ჩინჩალაძეებს დატოვონ სასამართლო სისტემა“

ანრი ოხანაშვილი - თუკი დამიდგება დრო და ჩემს მიმართ გაჩნდება შეკითხვა, მზად ვარ, ყველაფერს გავცე პასუხი

18:05 21.02.2019
თუკი დამიდგება დრო და ჩემს მიმართ გაჩნდება რაიმე სახის შეკითხვა კომპეტენტურობასთან და კეთილსინდისიერებასთან დაკავშირებით, მზად ვარ, ყველაფერს გავცე პასუხი, - ასე უპასუხა პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა დეპუტატ ირმა ინაშვილის კითხვას იმის შესახებ, დატოვებდა თუ არა თანამდებობას, ის რომ ლევან მურუსიძე ან მიხეილ ჩინჩალაძე იყოს.

„ქალბატონმა ირმამ დამისვა კითხვა, თქვენ რომ ჩინჩალაძე ან მურუსიძე იყოთ, წახვიდოდით თუ არა სასამართლოდანო. ქალბატონო ირმა, მე ვარ ანრი ოხანაშვილი, ვხელმძღვანელობ იმ პრინციპებით და დამოკიდებულებით, რაც საზოგადოებას გააჩნია ჩვენდამი. ჩემთვის პრინციპულად მნიშვნელოვანია ჩვენი საზოგადოების დამოკიდებულება, შესაბამისად, თუკი დამიდგება დრო და ჩემს მიმართ გაჩნდება რაიმე სახის შეკითხვა ჩემს კომპეტენტურობასთან და კეთილსინდისიერებასთან დაკავშირებით, მე მზად ვარ, ყველაფერს გავცე პასუხი. თუ საზოგადოების დარწმუნებას ვერ შევძლებ, არანაირ პოზიციას მნიშვნელობა არ აქვს. არასოდეს ჩემთვის არანაირი პოზიცია არ ყოფილა და არ იქნება რაიმე ხიბლი იმისა, რომ საზოგადოების წინააღმდეგ განვახორციელო საქმიანობა“, - განაცხადა ანრი ოხანაშვილმა.
READ MORE - ანრი ოხანაშვილი - თუკი დამიდგება დრო და ჩემს მიმართ გაჩნდება შეკითხვა, მზად ვარ, ყველაფერს გავცე პასუხი

ანა დოლიძე Freedom House-ის ანგარიშზე - ჩართული უთოდანაც ისმის მურუსიძე - ჩინჩალაძის კლანზე და სასამართლო ხელისუფლების პრობლემებზე საუბარი

19:01 21.02.2019
ჩართული უთოდანაც ისმის მურუსიძე - ჩინჩალაძის კლანზე და სასამართლო ხელისუფლების პრობლემებზე საუბარი, - ასე გამოეხმაურა იუსტიციის უმაღლესი საბჭოს არამოსამართლე წევრი ანა დოლიძე Freedom House-ის მიერ გამოქვეყნებულ ანგარიშს. მისი თქმით, სასამართლო ხელისუფლებაში არსებულ პრობლემებზე საუბარია როგორც ქვეყნის შიგნით, ისე ქვეყნის გარეთ, რაც ნეგატიურად აისახება ქვეყნის ეკონომიკურ განვითარებაზე.

„ძალიან საინტერესოა რა ტრიბუნიდან ელოდება ბიძინა ივანიშვილი სასამართლო ხელისუფლების კრიტიკას, იმისთვის რომ მიხვდეს მურუსიძე - ჩინჩალაძეში ის უკვე ძალიან ძვირ ფასს იხდის. ლამის „ჩართული უთოდანაც“ ისმის მურუსიძე - ჩინჩალაძის კლანზე და სასამართლო ხელისუფლების პრობლემებზე საუბარი. Freedom House- ის ანგარიშში საუბარია კორუფციაზე, მართლმსაჯულების არაეფექტურობაზე რაც პირდაპირ აისახება ქვეყნის ეკონომიკურ განვითარებაზე. როგორც ქვეყნის შიგნით, ისე ქვეყნის გარეთ ისმის პირდაპირი კრიტიკა, რომ სასამართლო ხელსიუფლება წარმოადგენს ჩვენი სახელმწიფოს „შავ ლაქას“. სტაგნაცია, რომელიც მურუსიძე-ჩინჩალაძეს მოაქვს სასამართლო ხელისუფელბაში, პოლიტიკურად ძალიან ძვირი უჯდება ბიძინა ივანიშვილს“,- აღნიშნა ანა დოლიძემ.

მისივე თქმით, საჭიროა ხელისუფლებამ ჩაატაროს წმენდა, რომელიც შეეხება როგორც სასამართლო, ისე საკანონმდებლო ორგანოს.

„ირაკლი კობახიძე არის პირდაპირ ამ კლანის მფარველი. მინდა ვუთხრა ბიძინა ივანიშვილს, ირაკლი კობახიძეს საზოგადოებაში რეპუტაცია აქვს ნულოვანი. ანუ ის რომ გადაეფსკვნება მურუსიძე-ჩინჩალაძის კლანს, მას დასაკარგი არაფერი აქვს რეპუტაციული თვალსაზრისით, რადგან დანიშნული პარლამენტის თავმჯდომარეა და ხვალ არავის ემახსოვრება. ამ მხრივ, დასაკარგი აქვს მხოლოდ ბიძინა ივანიშვილს, რომელიც როგორც ჩანს, ბოლომდე მიყვება მურუსიძე-ჩინჩალაძეს ისტორიულ შავბნელეთში. რომის პაპმა უნდა იქადაგოს მურუსიძე-ჩინჩალაძეზე, რომ გავიგოთ ეს ხალხი პრობლემაა? -განაცხადა ანა დოლიძემ.

READ MORE - ანა დოლიძე Freedom House-ის ანგარიშზე - ჩართული უთოდანაც ისმის მურუსიძე - ჩინჩალაძის კლანზე და სასამართლო ხელისუფლების პრობლემებზე საუბარი

თეონა აქუბარდია - ჩვენ არ გვაქვს იმის ფუფუნება, რომ სახელმწიფო დონეზე გაგრძელდეს ექსპერიმენტები ეროვნული უსაფრთხოების სისტემაში

ავტორი კობა ბენდელიანი
18:59 21.02.2019
პარლამენტმა საქართველოს კანონში „ეროვნული უსაფრთხოების პოლიტიკის დაგეგმვისა და კოორდინაციის წესის შესახებ“ ცვლილებების შეტანის თემაზე მსჯელობა დაანონსა, რომლის მიხედვითაც ქვეყანაში შეიქმნება პრემიერის სათათბირო ორგანო ეროვნული უსაფრთხოების საბჭო.

ვიდრე ამ თემაზე პარლამენტი იმსჯელებს, ”ინტერპრესნიუსი” თემის პრობლემურ ასპექტებზე ეროვნული უშიშროების საბჭოს მდივნის ყოფილ მოადგილეს, ეროვნული უშიშროების საბჭოს ჩამოყალიბების მიზნით პრემიერ მინისტრის მიერ შექმნილი უწყებათშორისი საბჭოსა და სამუშაო კომისიის ყოფილი წევრს, თეონა აქუბარდიას ესაუბრა.

- 2018 წლის დეკემბერში კონსტიტუციაში ცვლილებების ამოქმედების შედეგად გაუქმდა პრეზიდენტთან არსებული კონსტიტუციური ორგანო საქართველოს ეროვნული უშიშროების საბჭო.

ერთი წლით ადრე, პრემიერ კვირიკაშვილის პრემიერობისას პარლამენტმა მხარი დაუჭირა მთავრობის ინიციატივას პრემიერთან არსებული კრიზისების მართვის საბჭოს გაუქმების შესახებ. რა გავლენა იქონია ამ გადაწყვეტილებებმა ქვეყნის უსაფრთხოების სისტემაზე და რა იყო ამ ცვლილებების მიზეზი?

- სამწუხაროდ, როგორც პროცესის ბოლოს ნათლად გამოჩნდა, ის ფაქტი რომ ჯერ ქვეყანას ჰქონდა ორი უშიშროების საბჭო, ერთი კონსტიტუციური 1996 წლიდან, და მეორე - 2014-2017წწ კანონით შექმნილი, ხოლო შემდეგ არც ერთი, იყო პოლიტიკიდან გამომდინარე გადაწყვეტილება და არაფერი საერთო არ ქონდა მას ქვეყნის ეროვნული უსაფრთხოების სისტემის რეფორმირებასთან.

მთავრობის გადაწყვეტილება პრემიერის სათათბირო საბჭოს გაუქმების შესახებ ისევე მარტივად გაიზიარა პარლამენტმა, როგორც ეს ამ უწყების შექმნისას მოხდა და თუკი შექმნის დროს წინა მოწვევის პარლამენტის რიგი წევრები ერთხმად ამტკიცებდნენ იმას, რომ ამ საბჭოს გარეშე ქვეყნის უსაფრთხოება შესუსტდებოდა, გაუქმებისას ეს არგუმენტი, სამწუხაროდ, აღარავის გახსენებია

გახსოვთ ალბათ, რომ როდესაც კონსტიტუციიდან ამოიღეს უშიშროების საბჭოს შესახებ ჩანაწერი, როცა შეიძლებოდა ამ ჩანაწერის დატოვება და მისი თუნდაც პრემიერის დაქვემდებარებაში გადატანა, როგორც ეს ახლა იგეგმება, მთავარი არგუმენტი ამ ცვლილებისა ის იყო, რომ მთავრობაში ისედაც მოქმედებდა სახელმწიფო უსაფრთხოების და კრიზისების მართვის საბჭო და სწორედ ის შეასრულებდა უსაფრთხოების პოლიტიკის დაგეგმვის და კოორდინაციის ფუნქციას.

მთავრობის გადაწყვეტილება პრემიერის სათათბირო საბჭოს გაუქმების შესახებ ისევე მარტივად გაიზიარა პარლამენტმა, როგორც ეს ამ უწყების შექმნისას მოხდა და თუკი შექმნის დროს წინა მოწვევის პარლამენტის რიგი წევრები ერთხმად ამტკიცებდნენ იმას, რომ ამ საბჭოს გარეშე ქვეყნის უსაფრთხოება შესუსტდებოდა, გაუქმებისას ეს არგუმენტი, სამწუხაროდ, აღარავის გახსენებია.

საბჭოების გაუქმებით დადგა შემდეგი შედეგი - ქვეყნის ეროვნული უსაფრთხოების პოლიტიკის დაგეგმვაზე და ამ პოლიტიკის კოორდინაციაზე პასუხისმგებელი ორი საბჭოს ნაცვლად გახდა კოლეგიური ორგანო მთავრობა, პრემიერს აღარ გააჩნია მრჩეველი ეროვნული უსაფრთხოების საკითხებზე, ქვეყანაში აღარ მიმდინარეობს ეროვნული დონის სტრატეგიული დოკუმენტების განახლების პროცესი თავად ამ პროცესის კოორდინაციის არარსებობის გამო.

მაგალითად, ვერ ხერხდება საქართველოს საფრთხეების შეფასების დოკუმენტის განახლება, რომელსაც ვადა კანონით გასულ წელს გაუვიდა და რომელიც მნიშვნელოვანი სტრატეგიული დოკუმენტია იმის დასაგეგმად, თუ როგორ შევამციროთ ქვეყნის წინაშე მდგარი სხვადასხვა ტიპის რისკები და გამოწვევები და როგორ გადავგეგმოთ შესაბამისი უსაფრთხოების პოლიტიკა ამ მიზნით. და ბოლოს ქვეყანაში აღარაა სისტემურად მოწყობილი ყველა ტიპის კრიზისის კოორდინაცია ეროვნულ დონეზე.

ახალი უსაფრთხოების საბჭოს შექმნის საკითხზე აუცილებელია ხელისუფლებაში მყოფმა პოლიტიკურმა ძალამ მაქსიმალურად უზრუნველყოს კონსესუსი როგორც სხვადასხვა პოლიტიკურ პარტიებთან, ასევე სამოქალაქო სექტორთან

ერთი რამ ცხადია, ქვეყნის ეროვნული უსაფრთხოება დასავლურ ქვეყნებში პოლიტიკური დებატის მიღმაა და ყველა პოლიტიკური ძალა ამ თემაზე ერთიანია. აუცილებელია ქვეყანაში მიღწეულ იქნას სწორედ ეს თანხმობა ეროვნული უსაფრთხოებისადმი მიკუთვნებულ საკითხებზე და ამიტომაც ახალი უსაფრთხოების საბჭოს შექმნის საკითხზე აუცილებელია ხელისუფლებაში მყოფმა პოლიტიკურმა ძალამ მაქსიმალურად უზრუნველყოს კონსესუსი როგორც სხვადასხვა პოლიტიკურ პარტიებთან, ასევე სამოქალაქო სექტორთან.

ეს კონსესუსი უმიშვნელოვანესია როგორც ინსტიტუციური მდგრადობის, ასევე ქვეყნის ეროვნულ ინტერესებს მიკუთვნებული საკითხების ირგვლივ გაერთიანების მიზნით. ეს განსაკუთრებით კრიტიკულია, მით უფრო იმ ფონზე, როცა უსაფრთხოების საბჭოს არსებობა კონსტიტუციით აღარ არის უზრუნველყოფილი და კანონით მისი შექმნა-გაუქმება ბევრად მარტივი სამართლებრივი პროცედურაა.

- მთავრობამ პარლამენტისათვის საქართველოს კანონის პროექტზე: „ეროვნული უსაფრთხოების პოლიტიკის დაგეგმვისა და კოორდინაციის წესის შესახებ“ კანონში ცვლილების შეტანის პაკეტი წარუდგინა.

ეს დოკუმენტი პარლამენტის ვებ-გვერდზე არის ხელმისაწვდომი. მას შემდეგ, რაც მთავრობის ინიციატივით ახალი ეროვნული უსაფრთხოების საბჭო ჩამოყალიბდება, თქვენი აზრით, რამდენად შეიძლება გვქონდეს იმის იმედი, რომ ახალი სტრუქტურა უფრო ეფექტური იქნება და შეძლებს გამართულად მუშაობას?

- პირველ რიგში აღვნიშნავ, რომ ამ საბჭოს არსებობა უმნიშვნელოვანესია ქვეყნის ეროვნული უსაფრთხოების უზრუნველსაყოფად და ცალსახად მივესალმები იმ ფაქტს, რომ როგორც იქნა პროცესი დაიძრა.

საქართველოს გააჩნია მინიმუმ 22-წლიანი ინსტიტუციური პრაქტიკა ამგვარი საბჭოს თუ საბჭოების არსებობის. ამ წლების მანძილზე იყო რა თქმა უნდა, ხარვეზებიც, რომლის გათვალისწინებაც აუცილებელია ახალი უწყების შექმნისას. ამით იმის თქმა მინდა, რომ სუფთა ფურცლიდან არ უნდა ვიწყებდეთ პროცესს.

იმის გათვალისწინებით, რომ ამ ინსტიტუტების მუშაობის უზრუნველსაყოფად საქართველოს არაერთი პარტნიორი ქვეყანა უწევდა დახმარებას, განსაკუთრებით აშშ და დიდ ბრიტანეთი, აუცილებელი იყო მათი რჩევებისა და რეკომენდაციების გათვალისწინება პრემიერის მიერ შექმნილ საბჭოს ფორმატში, რაც აქამდე, სამწუხაროდ, არ მომხდარა

ამასთან, ამ წლების მანძილზე ამ ინსტიტუტების გამართული მუშაობის უზრუნველსაყოფად ქვეყანას არაერთი პარტნიორი ქვეყანა უწევდა დახმარებას. განსაკუთრებით გამოვყოფდი აშშ-ს და დიდ ბრიტანეთის როლს ამ წლების მანძილზე.

შესაბამისად, მიმაჩნია, რომ აუცილებელი იყო პარტნიორი ქვეყნების რჩევების და რეკომენდაციებისთვის შესაბამის ფორმატში ამ კანონპროექტის განხილვა, რაც აქამდე პრემიერის მიერ შექმნილ საბჭოს ფორმატში სამწუხაროდ არ მომხდარა და იმედს ვიტოვებ, რომ ჯერ კიდევ არის ასეთი შესაძლებლობა დარჩენილი, რადგან მათი პრაქტიკის და ექსპერტიზის, როგორც რჩევების გაზიარება, ისევე მნიშვნელოვანია ეფექტიანი უსაფრთხოების საბჭოს შექმნის გზაზე, მით უფრო ისეთი ტიპის გამოწვევების წინაშე მდგომი ქვეყნისთვის, როგორიც საქართველოა.

რაც შეეხება თავად კანონზე მიმდინარე სამუშაო პროცესს, მიუხედავად იმისა, რომ მთავრობაში უწყებათშორისი საბჭო და შესაბამისი სამუშაო კომისია იყო შექმნილი და მასში პრაქტიკულად ყველა საჭირო სახელმწიფო უწყება იყო ჩართული, ვფიქრობ, რომ პროცესში შეიმჩნეოდა ექსპერტიზის ნაკლებობა, რომლის შესაძლებლობასაც ეს საბჭო პრემიერის ბრძანების მეშვეობით იძლეოდა.

ჩემი, როგორც ამ სფეროში ჩახედული პირისთვის მნიშვნელოვანი იყო თავად პროცესი, რომელიც, სამწუხაროდ, იყო დახურული როგორც გარე ექსპერტებისთვის, ასევე პარტნიორი ქვეყნების სპეციალისტების ღია მონაწილეობისთვის

კომისია ზაფუხლიდან მოყოლებული იყო შექმნილი ლამის იანვრის ბოლომდე, თუმცა მისი მუშაობის მანძილზე არ მომხდარა სფეროს ექსპერტების მოწვევა და მათთან მოსაზრებების ურთიერთგაცვლა.

შესაბამისად, ჩემი, როგორც ამ სფეროში ჩახედული პირისთვის მნიშვნელოვანი იყო თავად პროცესი, რომელიც, სამწუხაროდ, იყო დახურული როგორც გარე ექსპერტებისთვის, ასევე პარტნიორი ქვეყნების სპეციალისტების ღია მონაწილეობისთვის.

ჩვენ არ გვაქვს იმის ფუფუნება, რომ ეროვნულ დონეზე გაგრძელდეს ექსპერიმენტები ეროვნული უსაფრთხოების სისტემაში.

- ინტერვიუს ჩაწერამდე თქვენ საუბრობდით იმაზე, რომ მთავრობის მიერ პარლამენტში წარდგენილი პროექტიდან არ ჩანს რა ურთიერთმიმართება ექნება საომარი მდგომარეობის დროს პრემიერის სათათბირო საბჭოს კონსტიტუციურ ორგანო - თავდაცვის საბჭოსთან, რომელიც პრეზიდენტის სათათბირო ორგანოა...

- დიახ, ეს ასეა. სამწუხაროდ კონსტიტუციამ შექმნა ერთგვარად მოუქნელი სისტემა ამ სფეროში, რომელიც არსებული ტიპის თანამედროვე ომის მოქმედებებებს, ანაც ჰიბრიდულ ომს, არ შეესაბამება და კვლავ ორი სათაურის პრობლემის წინაშე ვართ. გვექნება უსაფრთხობის საბჭო მუდმივმოქმედ ორგანოდ და თავდაცვის საბჭო ომის გამოცხადების შემთხვევაში.

კონსტიტუციით საომარ მდგომარეობის გამოცხადების შესახებ გადაწყვეტილებას იღებს პრემიერი და უგზავნის ამ გადაწყვეტილებას პრეზიდენტს ხელმოსაწერად, რასაც კვლავ შემდგომ პრემიერი აწერს ხელს და პარლამენტი მას დაუყოვნებულ ამტკიცებს.

ვფიქრობ, რომ ომის საფრთხის დადგომისას უნდა არსებობდეს პრეზიდენტის საომარი მდგომარეობის შესახებ ინფორმირებულობის თუ პოლიტიკური თათბირის ველი და კონსტიტუციიდან გამომდინარე, ეს თავდაცვის საბჭო ვერ იქნება

იქედან გამომდინარე, რომ პრემიერია ომის დროს თავდაცვის ძალების მართვაზე პასუხისმგებელი და ასევე ომის დროს ყველა პოლიტიკური დონის გადაწყვეტილებების კოორდინაცია თეორიულად სწორედ მის ქვეშ არსებულმა საბჭომ და აპარატმა უნდა მოახდინოს, აუცილებელია გათვალისწინებული იყოს ის, თუ როგორი ურთიერთმიმართება აქვს პრეზიდენტის და პრემიერის საბჭოებს, მით უფრო იმის გათვალისწინებით რომ პრეზიდენტის საბჭო არაა მუდმივმოქმედი და მას არ ყავს სპეციალისტებით დაკომპლექტებული აპარატი.

მეორე მნიშვნელოვანი საკითხი არის თავად პრეზიდენტის მონაწილეობის საკითხი პრემიერის საბჭოში. კანონპროექტის განმარტებით ბარათის თანახმად გაზიარებულ იქნა სლოვენიის და ჩეხეთის მაგალითი. სხვა საკითია ის, თუ რა ნიშნით შეირჩა ეს ორი ქვეყანა, თუმცა ამის მიუხედავად ორივე ქვეყნის მოდელში პრეზიდენტს აქვს თავის ადგილი პრემიერთან არსებულ საბჭოში მონაწილეობის კუთხით.

ჩეხეთის შემთხვევაში მაგალითად, პრეზიდენტს აქვს საბჭოს სხდომების გადაწყვეტილებების გამოთხოვის უფლება, ხოლო მის კომპეტენციას დაქვემდებარებულ თემებზე საბჭოს სხდომებზე დასწრების უფლება.

რამდენადაც მთავრობა არის აღმასრულებელი ხელისუფლება ქვეყანაში, პრემიერის საბჭოს აპარატი უნდა ახდენდეს პოლიტიკურ დონეზე გადაწყვეტილებების კოორდინაციას და მათ აღსრულებაზე ზედამხედველობას საომარი მდგომარეობის დროს

წარმოდგენილი ვერსიით კი ნათლად არ იკვეთება ომის საფრთხის შემთხვევაში მოხდება თუ არა პრეზიდენტის ანდა მისი წარმომადგენლის მოწვევა საბჭოს სხდომაზე, რაც საომარი მდგომარეობის საშიშროების შემთხვევაში ხელისშემშლელი ფაქტორი იქნება პრეზიდენტის მიერ კონსტიტუციით გათვალისწინებული უფლებამოსილებების ჯეროვნად შესარულებლად, განსაკუთრებით, ომის გამოცხადების ნაწილში.

ამ ვარაუდს ამყარებს ის ფაქტიც, რომ პროექტის 19 მუხლში გაწერილია მთავრობის არამუდმივი წევრისა და პარლამენტის თავმჯდომარის და კომიტეტების თავმჯდომარეების მოწვევის წესი, ხოლო პრეზიდენტის ნაწილზე არაფერია ნათქვამი. შესაბამისად, ვფიქრობ, რომ ომის საფრთხის დადგომისას უნდა არსებობდეს პრეზიდენტის საომარი მდგომარეობის შესახებ ინფორმირებულობის თუ პოლიტიკური თათბირის ველი და კონსტიტუციიდან გამომდინარე ეს თავდაცვის საბჭო ვერ იქნება.

- თუ ასეა, თქვენი აზრით, სავარაუდოდ, როგორი ურთიერთმიმართება იქნებოდა საუკეთესო ვარიანტი საომარი მოქმედებების დროს პრემიერის სათათბირო საბჭოსა და კონსტიტუციურ ორგანო თავდაცვის საბჭოსთან?

- რამდენადაც კონსტიტუციით გვაქვს თავდაცვის საბჭო, რომელიც არა გადაწყვეტილების მიმღები არამედ რჩევის მიმცემია პრეზიდენტისთვის, საუკეთესო გამოსავალი შექმნილი სამართლებრივი ვითარებიდან ვფიქრობ შეიძლება იყოს ის, რომ გამოინახოს გზა საბჭოს სხდომებზე პრეზიდენტის დასწრების, რაც კანონით იქნება გაწერილი მისი კონსტიტუციური ვალდებულებების ჭრილში.

საბჭოს მუდმივი წევრისთვის, პოლიტიკური ნიშნით დანიშნული მინისტრისთვის საბჭოს მდივნის ფუნქციის დაკისრება არ შეესაბამება არც დასავლეთის პარტნიორი ქვეყნების და არც ქართულ გამოცდილებას

ამასთან, რამდენადაც მთავრობა არის აღმასრულებელი ხელისუფლება ქვეყანაში, პრემიერის საბჭოს აპარატი უნდა ახდენდეს პოლიტიკურ დონეზე გადაწყვეტილებების კოორდინაციას და მათ აღსრულებაზე ზედამხედველობას საომარი მდგომარეობის დროს. თუმცა ვფიქრობ, ბუნდოვანების თავიდან ასარიდებლად კანონში ამის გაწერა მნიშვნელოვანია.

- კანონში ცვლილებების პროექტში საინტერესოა საბჭოს მდივნის საკითხიც...

- ვფიქრობ უსაფრთხოების საბჭოს მდივნის საკითხი უმნიშვნელოვანესია კანონპროექტში, რომლის თანახმადაც ნებისმიერი წევრიდან პრემიერი ირჩევს მდივანს. საბჭოს მუდმივი წევრისგან, პოლიტიკური ნიშნით დანიშნული მინისტრისთვის საბჭოს მდივნის ფუნქციის დაკისრება არ შეესაბამება არც დასავლეთის პარტნიორი ქვეყნების და არც ქართულ გამოცდილებას.

საგანგებო და საომარი ვითარების შემთხვევაში ნებისმიერ წევრ მინისტრს, რომელმაც შეიძლება შეასრულოს მდივნის მოვალეობა მინისტრის კომპეტენციის ნაწილში, აქვს თავისი საქმე, ხოლო მდივნის ფუნქცია მას დამატებით ტვირთავს,რაც ქმნის რისკებს ამ მანდატის არაჯეროვნად შესრულებისთვის

მეტიც, ეს ბადებს როგორც პოლიტიკურ ასევე შინაარსობრივი ტიპის რისკებს. ნებისმიერი წევრი მინისტრი გამდივნების შემთხვევაში მიიღებს მოჭარბებულ გავლენას როგორც პრემიერზე, ასევე საბჭოს საქმიანობაზე და ჯამში დააზიანებს ეროვნული უსაფრთხოების პოლიტიკის დაგეგმვის და კოორდინაციის ჯეროვნად განხორციელების საკითხს.

მაგალითად, თეორიულად თუ დავუშვებთ, რომ მდივანი გახდა შსს-ს მინისტრი და ეს თეორია იყო მედიით უკვე გავრცელებული, თუკი იმ საკითხთა კოორდინაცია, რაც უნდა განახორციელოს მთავრობის არა ერთმა დაწესებულებამ, არამედ ერთიანი სამთავრობო მიდგომის პრინციპით და ეს იქნება ერთ-ერთი მინისტრის ხელთ, მაშინ ეს კოორდინაცია იქნება ვიწრო კორპორატიული ინტერესების შესაბამისად გატარებისთვის განწირული.

პოლიტიკურ ჭრილში, ამ შემთხვევაში, შეიძლება აზრი დაკარგოს შსს-დან სახელმწიფო უსაფრთხოების კომპონენტის გამოყოფამ - მასზე პოლიტიკური ძალაუფლება განახორციელოს შსს მინისტრმა. შესაბამისად, ჩნდება რისკი, რომ ეს მინისტრი მოიპოვებს მოჭარბებული გავლენას პრემიერ-მინისტრზე. ამ შემთხვევაში, ვერ მოხდება საკითხთა ეფექტიანი კოორდინაცია და რისკის ქვეშ დადგება ეროვნული უსაფრთხოების პოლიტიკის კოორდინაციის მთელი სისტემა.

რატომ სჭირდება ანალიტიკურ სამსახურს იარაღიანი სპეციალური წოდების მქონე პოლიტიკურად ნეიტრალური პირი? რატომ არის კვალიფიციური საჯარო მოხელე სპეციალური წოდების მქონე მოსამსახურესთან შედარებით არათანაბარ პირობებში ჩაყენებული?

ამასთან, საბჭოს მდივნად მთავრობის წევრის დანიშვნა წარმოშობს გარკვეულ რისკებს საპარლამენტო კონტროლის ჭრილშიც. რამდენადაც მთავრობა არის ანგარიშვალდებული პარლამენტის წინაშე, ხოლო ამ შემთხვევაში ეს წევრი არის საბჭოს მდივანი, ეს ფაქტი შეიძლება გახდეს საბაბი ანგარიშვალდებულობის შესუსტებისა პარლამენტის წინაშე.

დაბოლოს, საგანგებო და საომარი ვითარების შემთხვევაში ნებისმიერ წევრ მინისტრს, რომელმაც შეიძლება შეასრულოს მდივნის მოვალეობა მინისტრის კომპეტენციის ნაწილში, აქვს თავისი საქმე, ხოლო მდივნის ფუნქცია მას დამატებით ტვირთავს რაც ქმნის რისკებს ამ მანდატის არაჯეროვნად შესრულებისთვის.

- რას იტყვით საბჭოს აპარატზე? როგორც ვიცით, ძირითად სამუშაოს საბჭოს გამართული მუშაობისთვის სწორედ აპარატი ახორციელებს...

- სამწუხაროდ ამ მხრივაც გარკვეული რისკები და კითხვები ჩნდება. კანონპროექტის თანხმად საბჭოს აპარატში შეიძლება მუშაობდეს პოლიტიკურად ნეიტრალური, (ისევე როგორც ეს თავდაცვის ძალებსა და სპეცსამსახურებშია მიღებული) სპეციალური წოდების მქონე პირი და საჯარო მოხელე.

გამომდინარე იქედან, რომ საბჭოს აპარატი კანონპროექტის მიხედვით თავისი არსით არის ანალიტიკური ტიპის სამსახური, ვიმეორებ ანალიტიკური, არ მაქვს პასუხი კითხვაზე რა არის ამ საჭიროების ობიექტური მიზეზი, რამაც ეს დაშვება განაპირობა.

უმნიშვნელოვანესია ამ დისკუსიაში ფართო საზოგადოების ჩართულობა, საჯარო მსჯელობა და კონსესუსის მიღწევა ქვეყნის ამ უმნიშვნელოვანესი ინსტიტუტის შესაქმნელად

რატომ სჭირდება ანალიტიკურ სამსახურს იარაღიანი სპეციალური წოდების მქონე პოლიტიკურად ნეიტრალური პირი? რატომ არის კვალიფიციური საჯარო მოხელე სპეციალური წოდების მქონე მოსამსახურესთან შედარებით არათანაბარ პირობებში ჩაყენებული?

სპეციალური დანამატი, იარაღის ტარების უფლება, შესაბამისი პენსია, კერძო ჯანმრთელობის დაზღვევა მისთვის და ოჯახისთვის და ხომ არ ქმნის ეს იმის რისკს, რომ სამსახური ძირითადად ასეთი პირებით დაკომპლექტდება?

ამასთან, პრობლემას ვხედავ იმაშიც, რომ საჯარო სამსახურის კანონი არ ვრცელდება საბჭოს აპარატის ყველა თანამშრომელზე, და არა მხოლოდ მის უფროსზე და მოადგილეებზე, როგორც აქამდე იყო მოწესრიგებული. შესაბამისად, მიმაჩნია, რომ ეს საკითხიც დამატებით რისკებს შექმნის კვალიფიციური კადრების მიზიდვისთვის, რადგან მათი როგორც საჯარო მოხელის უფლებებს კანონი აღარ დაიცავს.

და ბოლოს, კიდევ ერთხელ აღვნიშნავ, რომ საქართველო დგას მრავალი გამოწვევის წინაშე. არ დავიწყებ მათ ჩამოთვლას, რადგან საუბარი გამიგრძელდება. სწორედ ამიტომ ჩვენ არ გვაქვს ფუფუნება ამ სექტორში არამდგრადი და არაეფექტიანი ინსტიტუტების შექმნის თუ გაუქმების.

გარდა იმისა, რომ ეს აზიანებს ქვეყნის უსაფრთხოებას, ეწინააღმდეგება ქვეყნის დეკლარირებულ ეროვნულ ინტერესს-შეიქმნას ეფექტიანი ეროვნული უსაფრთხოების სისტემა. სწორედ ამიტომ, უმნიშვნელოვანესია ამ დისკუსიაში ფართე საზოგადოების ჩართულობა, საჯარო მსჯელობა და კონსესუსის მიღწევა ქვეყნის ამ უმნიშვნელოვანესი ინსტიტუტის შესაქნელად.

”ინტერპრესნიუსი”
READ MORE - თეონა აქუბარდია - ჩვენ არ გვაქვს იმის ფუფუნება, რომ სახელმწიფო დონეზე გაგრძელდეს ექსპერიმენტები ეროვნული უსაფრთხოების სისტემაში

ლეონიდ ჩერნოვეცკი პრემიერ-მინისტრს წერილით მიმართავს

18:56 02.02.2019
საქველმოქმედო ფონდის დამფუძნებელი ლეონიდ ჩერნოვეცკი საქართველოს პრემიერ-მინისტრს მამუკა ბახტაძეს წერილით მიმართავს.

„ღია ბოქლომი“ ლეონიდ ჩერნოვეცკის წერილს უცვლელად გთავაზობთ:

„თქვენს პატიოსნებასა და გულწრფელობაში ეჭვი არ მეპარება, მაგრამ მაინც მინდა ჩაგაყენოთ საქმის კურსში: ჩემი ფონდის მცირე საოჯახო ტიპის სახლები ფუნქციონირებენ მხოლოდ იმის გამო, რომ საქართველოს ჯანდაცვის ყოფილ მინისტრთან მე მქონდა შეთანხმება ჩარიცხვის შემთხვევაში ფონდის ხელმძღვანელობასთან უკლებლივ ყველა მოზარდის კანდიდატურის წინასწარი შეთანხმების თაობაზე.

ეს ჩემი ახირება არ არის, ეს პრინციპის საკითხია, რომელიც „მიტოვებულ ბავშვებთან“ ათწლიანი მუშაობიდან გამოვიტანე!

საუბარია იმაზე, რომ კატეგორიულად არ შეიძლება, მე ვიტყოდი, დანაშაულიც კი არის ერთ სახლში იზრდებოდნენ მომწიფებული ასაკის გოგონები და ბიჭები, განსაკუთრებით ქუჩიდან მოყვანილი, ფსიქიკურად არამდგრადი ბავშვები!

სანამ ფონდის გახსნის გადაწყვეტილებას მივიღებდი, მე პირადად თანაშემწესთან ერთად მოვიარე საქართველოში არსებული, უკლებლივ ყველა ბავშვთა სახლი და დარწმუნებით შემიძლია განვაცხადო, რომ ამ ბავშვთა სახლების უმრავლესობაში, ვიდეომეთვალყურეობის გარეშე, სუფევს ზუსტად ის სიტუაცია, რაზეც გავამახვილე ყურადღება!

როდესაც ფსიქიკა დარღვეულ მომწიფებული ასაკის ბავშვებს, ძალით აგზავნიან კეთილმოწყობილ ბავშვთა სახლებში, სოციალური მომსახურების სააგენტო დიდ შეცდომას უშვებს, ბავშვების და ქართული საზოგადოების წინაშე!

მაგრამ ეს ზემოხსენებული დაწესებულების პირადი პასუხისმგებლობაა და მე ამაში მონაწილეობას არ მივიღებ, იმიტომ რომ ვაფასებ ჩემს რეპუტაციას და ღმერთის მეშინია!

იმიტომ კი არა, რომ მე ისეთი პრინციპები გამაჩნია, რომლებიც ეწინააღმდეგებიან ჩვენს სახლებში მცხოვრები ბავშვების ინტერესებს, არამედ შემდეგი ფაქტორების გამო:

1. ჩვენს მცირე საოჯახო ტიპის სახლებში სუფევს წესრიგი, ბავშვებსა და აღმზრდელებს შორის ჩამოყალიბებულია კეთილგანწყობილი დამოკიდებულება და შექმნილია კვების, სწავლისა და დასვენებისთვის საჭირო უპრეცედენტო პირობები!

2. მე ვერ მივცემ ჩემს თავს იმის უფლებას, რომ შეილახოს ეს ატმოსფერო უფროსი ასაკის (მითუმეტეს ქუჩიდან მოსული) ბავშვების მიერ, რომლებსაც აშკარა ან მალული ფორმის ფსიქოლოგიური გადახრები და დანაშაულისადმი მიდრეკილება გააჩნიათ.

3. მშობლების მიერ მზრუნველობას მოკლებული ბავშვების აღზრდის 20-წლიანი გამოცდილებიდან გამომდინარე, კატეგორიულად მინდა განვაცხადო, რომ ქუჩაში გაზრდილი ბავშვები, ან ბავშვები, რომლებიც დიდი ხნის განმავლობაში უსახლკაროდ ცხოვრობენ, უკვე 12 წლიდან, რომ არაფერი ვთქვათ სქესობრივად მოწიფულ ასაკზე, საფრთხეს უქმნიან ჩვენს ბავშვებს, რომლებსაც ასე სათუთად ვუფრთხილდებით. მათ შეუძლიათ ამ ბავშვების გაუპატიურება და დამცირება და, შესაბამისად, მე არავის მივცემ უფლებას, არც ჯანდაცვის სამინისტროს და არც სხვა რომელიმე ორგანოს წარმომადგენელს, ეჭვქვეშ დააყენონ ჩემი, როგორც ქველმოქმედის, ასევე როგორც პედაგოგის, მეცნიერების კანდიდატის, დოცენტის და საბჭოთა კავშირის ერთ-ერთი ყველაზე მსხვილი უნივერსიტეტის ყოფილი პრორექტორის, გამოცდილება!

ასევე გაცნობებთ, რომ საქართველოს ჯანდაცვის სამინისტრო არ აფინანსებს ქობულეთში ჩვენს მიერ გახსნილ ორ მცირე საოჯახო ტიპის სახლს. გამომდინარე აქედან, ფონდის ხელმძღვანელობას ფორმალურად გააჩნია უფლება არ მიიღოს მათგან არც ერთი ბავშვი!

მაგრამ მთელი პასუხისმგებლობით ვაცხადებ, რომ მე არ მაქვს მსგავსი მიზნები! მე განწყობილი ვარ საქართველოს მთავრობასთან კონსტრუქციულ თანამშრომლობაზე, და სიხარულით მივიღებ ბავშვებს, რომლებსაც ზემოხსენებული სამინისტრო გაუწევს რეკომენდაციას, მაგრამ მხოლოდ ჩვენთან შეთანხმებით!

სხვა შემთხვევაში თუ სოციალური მომსახურების სააგენტო გააგრძელებს ჩვენთან ბავშვების მოყვანას და მცირე საოჯახო ტიპის სახლის კარებთან მათ დატოვებას, მე ამ სახლებს დაუყონებლივ დავხურავ, რადგანაც ამ შემთხვევაში არა ისინი, არამედ პირადად მე, ჩემი ავტორიტეტიდან გამომდინარე, ვაგებ პასუხს იმ ბავშვების უსაფრთხოებასა და ფსიქიკურ მდგომარეობაზე, რომლებიც ჩვენთან იმყოფებიან!

თუ თქვენ გამიგეთ და გჭირდებათ ჩემი, როგორც ქველმოქმედის, მომსახურება, მე წინასწარ ვადასტურებ, რომ მზად ვარ თანამშრომლობისთვის!“ - ნათქვამია ლეონიდ ჩერნოვეცკის წერილში.
READ MORE - ლეონიდ ჩერნოვეცკი პრემიერ-მინისტრს წერილით მიმართავს

ემზადება თუ არა მამუკა ხაზარაძე პოლიტიკისთვის და რას ნიშნავს მისი მესიჯები?!

ავ­ტო­რი გი­ორ­გი კვი­ტაშ­ვი­ლი
18:55 02.02.2019
მა­მუ­კა ხა­ზა­რა­ძის "თი­ბი­სი ბან­კი­დან" წას­ვლამ (გა­დად­გა სა­მეთ­ვალ­ყუ­რეო საბ­ჭოს თავ­მჯდო­მა­რის თა­ნამ­დე­ბო­ბი­დან, თუმ­ცა აქ­ცი­ო­ნე­რად რჩე­ბა) შე­საძ­ლოა, ერთი შე­ხედ­ვით, და­ტო­ვოს შთა­ბეჭ­დი­ლე­ბა, რომ ბიზ­ნეს­მე­ბი „გა­ა­ჩე­რეს“. თუმ­ცა, ვფიქ­რობ, ასე არ არის - აი, ანაკ­ლი­ის კონ­სორ­ცი­უ­მი რომ და­ე­ტო­ვე­ბი­ნა ხა­ზა­რა­ძეს, მა­შინ შეგ­ვეძ­ლო გვეთ­ქვა, რომ ბან­კირ­მა უკან და­ი­ხია და მი­ი­ღო ის წი­ნა­და­დე­ბა, რა­საც მე­სი­ჯე­ბის სა­ხით პრო­კუ­რა­ტუ­რა და ეროვ­ნუ­ლი ბან­კი პერ­მა­ნენ­ტუ­ლად უგ­ზავ­ნიდ­ნენ.

თუმ­ცა, ყვე­ლა­ფერს თან­მიმ­დევ­რო­ბით მივ­ყვეთ. ბიზ­ნეს­მე­ნის 21 თე­ბერ­ვლის ფე­ის­ბუკპოს­ტში დაკ­ვირ­ვე­ბუ­ლი თვა­ლი ყვე­ლა კი­თხვა­ზე მი­ი­ღებს პა­სუხს - ვის მი­იჩ­ნევს თა­ვად ხა­ზა­რა­ძე მის წი­ნა­აღ­მდეგ აგო­რე­ბუ­ლი კამ­პა­ნი­ის შემ­სრუ­ლებ­ლად, ვის დამ­კვე­თად და რა მი­ზა­ნი აქვს ამ კამ­პა­ნი­ას.

და­ვი­წყოთ შემ­სრუ­ლებ­ლით. ხა­ზა­რა­ძე წერს: „ბან­კი არ შე­იძ­ლე­ბა ხან­გრძლივ სა­სა­მარ­თლო და­ვა­ში იყოს თა­ვის რე­გუ­ლა­ტორ­თან( ეროვ­ნუ­ლი ბან­კი - ავტ.), მი­თუ­მე­ტეს, თუ ეს უკა­ნას­კნე­ლი არაა თა­ვი­სუ­ფა­ლი თა­ვის გა­და­წყვე­ტი­ლე­ბებ­ში“.

ბიზ­ნეს­მე­ნის გან­ცხა­დე­ბის ერთ-ერთი ყვე­ლა­ზე მრავ­ლის­მე­ტყვე­ლი ეპი­ზო­დია შემ­დე­გი:

“სამ­წუ­ხა­როდ, არც ერთ სა­ხელ­მწი­ფო მო­ხე­ლეს არ გა­მო­უთ­ქვამს სურ­ვი­ლი, პრე­მი­ე­რის და მისი მი­ნის­ტრე­ბის ჩათ­ვლით, შეგ­ვხვედ­როდ­ნენ და პი­რა­დად და­ინ­ტე­რე­სე­ბუ­ლიყ­ვნენ ამ მე­ტად მნიშ­ვნე­ლო­ვა­ნი საქ­მით... მი­უ­ხე­და­ვად იმი­სა, რომ რა­მო­დე­ნი­მე მათ­განს პი­რა­დად მივ­წე­რე და შე­სა­ბა­მი­სი დო­კუ­მენ­ტე­ბიც გა­და­ვუგ­ზავ­ნე გა­საც­ნო­ბად, პა­სუ­ხი არა­ვის­გან მო­სუ­ლა. სა­მა­გი­ე­როდ მო­ვის­მი­ნე მათი ბევ­რი კო­მენ­ტა­რი სა­ჯა­რო სივ­რცე­ში. მე მივ­ხვდი, რომ მი­ზა­ნი ჩემი დის­კრე­დი­ტა­ცი­აა“.



„თი­ბი­სი ბან­კის“ რე­ზო­ნან­სუ­ლი საქ­მი­დან გა­მომ­დი­ნა­რე, ორი თვის გან­მავ­ლო­ბა­ში რა­ტომ ვერ „მო­ი­ცა­ლეს“ პრე­მი­ერ­მა ან მი­ნის­ტრებ­მა რომ თუნ­დაც ჟურ­ნა­ლის­ტე­ბის და­სა­ნა­ხად შეხ­ვედ­როდ­ნენ ხა­ზა­რა­ძეს?! იმი­ტომ ხომ არა, რომ პრე­მი­ერს და მი­ნის­ტრებს „ვი­ღაც“ გა­უბ­რაზ­დე­ბო­დათ?!

რაც შე­ე­ხე­ბა ხა­ზა­რა­ძის წი­ნა­აღ­მდეგ აგო­რე­ბუ­ლი კამ­პა­ნი­ის მთა­ვარ მი­ზანს. ბიზ­ნეს­მე­ნი წერს:“მე მთელ ჩემს ენერ­გი­ას ჩვე­ნი ქვეყ­ნის­თვის უმ­ნიშ­ვნე­ლო­ვა­ნეს - ანაკ­ლი­ის პრო­ექ­ტის გან­ხორ­ცი­ე­ლე­ბას მი­ვუ­ძღვნი. იმე­დია, დამ­ცალ­დე­ბა საქ­მის ბო­ლომ­დე მიყ­ვა­ნა“.

თუ კამ­პა­ნი­ის მი­ზა­ნი ანაკ­ლი­ის პორ­ტი­დან ხა­ზა­რა­ძის გა­ძე­ვე­ბაა, მას ნამ­დვი­ლად არ „და­აც­ლი­ან“. ბიზ­ნეს­მე­ნის ტაქ­ტი­კა გა­სა­გე­ბია - ჩა­მო­შორ­და ბანკს, რათა „თი­ბი­სის­თვის“ სა­მო­მავ­ლო დარ­ტყმე­ბი აე­ცი­ლე­ბი­ნა, მაგ­რამ არ თქვა უარი ანაკ­ლი­ა­ზე. შე­ვეც­დე­ბით, გა­ვა­კე­თოთ პროგ­ნო­ზი, თუ რა ტაქ­ტი­კით იმოქ­მე­დებს მო­მა­ვალ­ში პრო­კუ­რა­ტუ­რა. სა­ვა­რა­უ­დოდ, ის კვლავ გა­აგ­რძე­ლებს „ჩხვლე­ტებს“ (შავი პი­ა­რის მან­ქა­ნა კი ახა­ლი ძა­ლით და­ი­ქო­ქე­ბა) ხა­ზა­რა­ძის მი­სა­მარ­თით, რათა ამ­ჯე­რად მას ანაკ­ლი­ის კონ­სორ­ცი­უ­მის უცხო­ელ აქ­ცი­ო­ნე­რებ­თან შე­უქ­მნან უხერ­ხუ­ლო­ბა და აი­ძუ­ლონ, პრო­ექ­ტი და­ტო­ვოს. თუ ბიზ­ნეს­მე­ნი გა­ჯი­უტ­და, და­ი­წყე­ბენ მის და­კი­თხვა-გა­მო­კი­თხვებ­ზე ტა­რე­ბას და თუ „ზე­მო­დან“ მი­თი­თე­ბა მო­ვი­და, შე­საძ­ლოა, და­ა­კა­ვონ კი­დეც. თუ ხა­ზა­რა­ძე დარ­ჩა პა­სი­უ­რი თავ­დაც­ვის იმე­დად, დიდი ალ­ბა­თო­ბით, სა­ბო­ლოო ჯამ­ში, წა­ა­გებს.

ასეთ ვი­თა­რე­ბა­ში, სა­ვა­რა­უ­დოდ, ბიზ­ნეს­მე­ნის ეფექ­ტი­ა­ნი კონ­ტრნა­ბი­ჯი იქ­ნე­ბა ის, რა­საც კუ­ლუ­ა­რებ­ში ბოლო დროს უფრო ინ­ტენ­სი­უ­რად სა­უბ­რო­ბენ - მა­მუ­კა ხა­ზა­რა­ძის პო­ლი­ტი­კა­ში მოს­ვლა.

ბიზ­ნეს­მენს დიდი ფი­ნან­სუ­რი რე­სურ­სი აქვს პო­ლი­ტი­კუ­რი აქ­ტი­უ­რო­ბის­თვის. თუმ­ცა მისი მთა­ვა­რი პო­ლი­ტი­კუ­რი კო­ზი­რი შე­საძ­ლოა, სწო­რედ ანაკ­ლი­ის პორ­ტი გახ­დეს - თუ პირ­და­პირ იტყვის, რომ ხელს უშ­ლი­ან ქვეყ­ნის­თვის სტრა­ტე­გი­უ­ლი მნიშ­ვნე­ლო­ბის პრო­ექ­ტის გან­ხორ­ცი­ე­ლე­ბა­ში. არ უნდა დაგ­ვა­ვი­წყდეს, თუ რამ­ხე­ლა მნიშ­ვნე­ლო­ბა აქვს ანაკ­ლი­ის პრო­ექტს აშშ-სთვის და და­სავ­ლე­თის სხვა ქვეყ­ნე­ბის­თვის - ასე რომ, შე­საძ­ლოა, პო­ლი­ტი­კა­ში მო­სულ ბან­კირს და­სავ­ლე­თი­დაც ჰქონ­დეს მხარ­და­ჭე­რა.

სწო­რი მე­სი­ჯე­ბით ხა­ზა­რა­ძეს შე­უძ­ლია თა­ვის ელექ­ტო­რა­ტად აქ­ცი­ოს ამომ­რჩევ­ლის ის ნა­წი­ლი, რომ­ლის­თვი­საც „ოც­ნე­ბაც“ მი­უ­ღე­ბე­ლია და „ნაც­მოძ­რა­ო­ბაც“. 2020 წლის შე­მოდ­გო­მამ­დე საკ­მა­რი­სი დროა პარ­ტი­ის შექ­მნის­თვი­საც, გუნ­დის შე­მოკ­რე­ბის­თვი­საც და პო­ლი­ტი­კურ არე­ნა­ზე დამ­კვიდ­რე­ბის­თვი­საც. თუმ­ცა...

თუ ხა­ზა­რა­ძემ პო­ლი­ტი­კა­ში მოს­ვლა გა­და­წყვი­ტა, ეს სა­გან­გა­შო სიგ­ნა­ლი იქ­ნე­ბა „ოც­ნე­ბის­თვის“ და სა­ვა­რა­უ­დოდ, სრუ­ლი­ად ახა­ლი ძა­ლით ჩა­ირ­თვე­ბა პრო­პა­გან­დის­ტუ­ლი მან­ქა­ნა. ვი­ხი­ლავთ და­უს­რუ­ლე­ბელ „სე­რი­ა­ლებს“ - რო­გორ ატყა­ვებ­და ხა­ზა­რა­ძის ბან­კი მო­ქა­ლა­ქე­ებს, ქო­ქო­ლა­ძის საქ­მეს, ბიზ­ნეს­მე­ნის კავ­ში­რებს სა­ა­კაშ­ვი­ლის ხე­ლი­სუფ­ლე­ბას­თან და ა.შ.

ვნა­ხოთ, ალ­ბათ, უახ­ლო­ეს მო­მა­ვალ­ში გა­მოჩ­ნდე­ბა, არის თუ არა ამ ყვე­ლაფ­რის­თვის მზად ხა­ზა­რა­ძე.

READ MORE - ემზადება თუ არა მამუკა ხაზარაძე პოლიტიკისთვის და რას ნიშნავს მისი მესიჯები?!

რედაქტორის რჩევით

 
 
 

ეკა ბესელია: ილია ჩაჩიბაიამ სამეგრელოში ძალიან მნიშვნელოვანი საქმე გააკეთა – პროცესი დაიძრა [video]

ავტორი obieqtivi.net15:20 22.05.2012მედია-კავშირ „ობიექტივის“ პირდაპირ ეთერში, ჟურნალისტ ილია ჩაჩიბაიას საავტორო გადაცემაში, პოლიტიკური კოალიცია „ქართული ოცნების“ ერთ-ერთმა ლიდერმა ეკა ბესელიამ სამოქალაქო სოლიდარობის აუცულებლობაზე ისაუბრა.ბესელიამ გადაცემის...



ბრალდებულ სერგო ჩაჩიბაიას სასამართლო პროცესზე გულის შეტევა დაემართა

17:06 09.04.2012პატიმრობაში მყოფი „თავისუფალი დემოკრატერბის“ წევრის, სერგო ჩაჩიბაიას სასამართლო პროცესი ბრალდებულის ჯანმრთელობის მდგომარეობის გაუარესების გამო გადაიდო. როგორც ჩაჩიბაიას ადვოკატმა შალვა შავგულიძემ ჟურნალისტებთან საუბრისას აღნიშნა, ბრალდებულს...


რეპორტაჟი ჩაშლილი გეიაღლუმიდან [video]

ავტორი ნინო მიქიაშვილი16:47 17.05.2012თბილისის 51-ე საჯარო სკოლასთან შეკრება პირველის ნახევარზე დაიწყეს. ტაქსიდან ფერადი დროშებით ხელში ოთხი ახალგაზრდა გადმოვიდა. ბიჭს ყურზე საყურე და ხელში პლაკატი ეჭირა - “მეც გეი ვარ“. ვინ ხართ-მეთქი ვკითხე და ორგანიზაცია...


ჰომოფობიის წინააღმდეგ ბრძოლის დღისადმი მიძღვნილ აქციაზე ფიზიკური დაპირისპირება მოხდა

17:06 17.05.2012ჰომოფობიის წინააღმდეგ ბრძოლის საერთაშორისო დღისადმი მიძღვნილ აქციაზე, რომლის მონაწილეები, მათივე თქმით, ”არატრადიციული სექსუალური ორიენტაციის ადამიანების მიმართ სიძულვილს” აპროტესტებენ, ფიზიკური დაპირისპირება მოხდა. აქციის მონაწილეები...


ირაკლი ალასანიამ საქართველოს მოსახლეობას დამოუკიდებლობის დღე ზუგდიდიდან მიულოცა

13:06 26.05.2012კოალიცია "ქართული ოცნების" ერთ–ერთმა ლიდერმა ირაკლი ალასანიამ საქართველოს მოსახლეობას დამოუკიდებლობის დღე ზუგდიდიდან მიულოცა. "მინდა მთელ საქართველოს მივულოცო დამოუკიდებლობის დღე. 26 მაისი არის სახელმწიფოებრივი ზეიმი", - განაცხადა მან.დღესვე,...



53 სკოლის მოსწავლეების „მადლობა ბატონ ტარას შავშიშვილს!“ [video]

18:05 24.05.2012გუშინ, ინტერნეტსივრცეში, კერძოდ სოციალურ ქსელებზე გავრცელდა ვიდეორგოლი, რომელიც თბილისის 53-ე სკოლის მოსწავლეების მიერაა გადაღებული. ვიდეო ერთგვარი პოლიტიკური პერფორმანსია და როგორც საზოგადოების დიდი ნაწილი თვლის ის არსებულ სივრცეში,...



ბაჩო ახალაია საცხოვრებლად ზუგდიდში გადადის და 150 000 დოლარად შეფასებულ 6 სახლს ყიდულობს

19:24 22.05.2012"ბაჩო ახალაია, ფაქტობრივად ზუგდიდში გადმოვიდა საცხოვრებლად. ყოველ ღამეს ბაჩო ახალაია ზის რესტორანში - ან "დიარონში" ან "მენძელში" ან "დარიალში", თვრება და მერე იწყებს ოპოზიციის გინებას. შეშინებული მიმტანები ვერ მიდიან ბაჩო ახალაიასთან,...



მოსკოვში გენერალი რომან დუმბაძე მოკლეს [video]

მოსკოვში საქართველოს შეიარაღებული ძალების ყოფილი გენერალი, ბათუმის 25-ე ბრიგადის ექსმეთაური რომან დუმბაძე მოკლეს. რუსული მედიის ცნობით, დუმბაძე საკუთარ სახლთან ახლოს, რუბლოვსკაიას გზატკეცილზე, მოტოციკლიდან დაცხრილეს. დამნაშავეები შემთხვევის ადგილიდან...



„შავფაროსნებმა“ და სტუდენტებმა ხელისუფლებას ვადა 31 მაისამდე მისცეს

ავტორი ნინო მიქიაშვილი13:06 05.05.2012დავით-გარეჯის დასაცავად გამართულ მსვლელობაში ორი ათასზე მეტმა ადამიანმა მიიღო მონაწილეობა. მათ შორის 90% სტუდენტები იყვნენ. ასი ათასიან მსვლელობასაც შეშურდებოდა ის მუხტი, რომლითაც მანიფესტანტებმა გაიარეს გზა ვაკის...



„ქართული ოცნების“ ხობის ოფისის ხელმძღვანელზე თავდასხმა განხორციელდა [video]

ავტორი ნანა ფაჟავა, ხობიდან16:33 20.05.2012კოალიცია „ქართული ოცნების“ ხობის ოფისის ხელმძღვანელს, მამუკა ქარდავას თავს ოთხი უცხო მამაკაცი დაესხა. ინციდენტი სოფელ ნოჯიხევთან წუხელ, ღამის 2 საათისთვის მაშინ მოხდა, როცა ქარდავა ხობის ცენტრში მდებარე კოალიციის...

ნანული ვახანია: მკვლელებო! ნუ ფიქრობთ, რომ შეგრჩებათ, წყეულიმც იყავით!

ავტორი ილია ჩაჩიბაია22:58 30.05.2012საქართველოს სასჯელაღსრულებისა და პრობაციის სამინისტროს ადგილობრივი საბჭოს გადაწყვეტილება, პოლიტპატიმარ ვლადიმერ ვახანიასთვის ვადაზე ადრე გათავისუფლებაზე უარის გამოცხადების თაობაზე, თბილისის სააპელაციო სასამართლოში...



ირაკლი ალასანიამ ზუგდიდში მოძრაობის ახალი წარმომადგენელი წარადგინა

15:06 25.05.2012ირაკლი ალასანიამ "ქართული ოცნების" სამეგრელოს ოფისის ახალი ხელმძღვანელი წარადგინა, რეგიონულ ორგანიზაციას მერაბ ქვარაია უხელმძღვენელებს. ამ პოსტზე ის სერგო ჩაჩიბაიას შეცვლის, რომელსაც კვლავ პატიმრობაში იმყოფება.პრესკონფერენციაზე ალასანიამ...



„ვერ ჩაგვრეცხეს, ვერ გვაქციეს მუმიებად! ყველა ღირსეული კაცი და ქალი აქ დგას“

ავტორი ნინო მიქიაშვილი13:06 05.05.2012პოლიტიკური კოალიცია „ქართული ოცნების“ ორგანიზებით გამართულ აქციაზე, სახელწოდებით „ჩვენ ვიწყებთ“, პუშკინის ქუჩიდან თავისუფლების მოედანი და შემდეგ რუსთაველის გამზირი, ოპერის კუთხემდე (ყოფილ „ციცინათელასთან“) ხალხით...



მეუფე იაკობი: “ჩვენი ეკლესიის შვილები ამ აღვირახსნილობის ქადაგებას არ შევურიგდებით“ [video]

ავტორი ნინო მიქიაშვილი17:08 28.05.2012ყოვლადწმიდა სამების საპატრიარქო ტაძარში, 27 მაისს, წირვის დასრულების შემდეგ, იქ შეკრებილ მრევლს გარდაბნისა და მარტყოფის ეპისკოპოსმა, მეუფე იაკობმა ქადაგებით მიმართა, რომელშიც ის გამოეხმაურა თბილისში ე.წ. გეიაღლუმის...



მომაწოდეს ინფორმაცია, რომ მე, ირმა ინაშვილს, შესაძლოა, დამეჯახოს ნასვამ მდგომაროობაში მყოფი პირის ავტომანქანა

17:00 30.05.2012მედია-კავშირ „ობიექტივის“ საგანგებო განცხადებაგვსურს საჯაროდ განვაცხადოთ, რომ უკანასკნელი ერთი თვის განმავლობაში „ობიექტივის“ ხელმძღვანელობა და წამყვანები ხელისუფლების ძალოვანი სტრუქტურების მხრიდან სხვადასხვა ტიპის ზეწოლის ქვეშ ვიმყოფებით.სისტემატური...



გვაიძულებენ, რომ ბავშვები ვითომდა ჩვენი ნებართვით გადავიყვანოთ უპატრონო ბავშვთა სახლებში

20:16 01.06.20121 ივნისს ბავშვთა დაცვის საერთაშორისო დღეს უფლებადამცველსა და ჟურნალისტს კოტე ინაშვილს ქალთა N5-ე კოლონიიდან პატიმარი დედები დაუკავშირდნენ და მათი ბავშვების გაუსაძლისი მდგომარეობის შესახებ აცნობეს.როგორც ინაშვილმა „ობიექტივის“ პირდაპირ...



გარემოვაჭრეებმა ბაქრაძე დააბნიეს – "ვის მისცემთ არჩევნებში ხმას რა მნიშვნელობა აქვს?!" [video]

13:06 06.06.2012ზუგდიდელი გარემოვაჭრეები, რომლებიც უკვე რამდენიმე დღეა გუბერნიის შენობის წინ საპროტესტო აქციებს მართავენ, სამეგრელოში ვიზიტად მყოფ პარლამენტის თავმჯდომარეს დავით ბაქრაძეს შეხვდნენ.შეხვედრა დაუგეგმავი იყო და ბაქრაძეს გარემოვაჭრეების პრობლემებისთვის...



გარემოვაჭრეებმა საპროტესტო მსვლელობა შეწყვიტეს და ზუგდიდში დაბრუნდნენ [Video]

17:06 08.06.2012გარემოვაჭრეებმა თბილისისკენ საპროტესტო მსვლელობა ჯანმრთელობის გაუარესების მიზეზით შეწყვიტეს და ზუგდიდში დაბრუნდნენ. სამდღიანი მსვლელობის შემდეგ 7 გარემოვაჭრე საზოგადოებრივი მოძრაობა „დაიცავი საქართველოს“ წევრმა კახა მიქაიამ რამდენიმე...



გორთან ახლოს „მაესტროს“ ჟურნალისტის, ია თინიკაშვილის მანქანას ესროლეს

11:55 09.06.2012დაუდგენელმა პირებმა „მაესტროს“ ჟურნალისტის, ია თინიკაშვილის მანქანას ცეცხლი სოფელ ბერბუკთან გაუხსნეს. ჟურნალისტი სოფელ ახრისიდან გორის მიმართულებით ბრუნდებოდა, როცა მის მანქანას ტყვიები მოხვდა და მინები ჩაიმსხვრა.ია თინიკაშვილი ახრისში...



ოზურგეთის აქციაზე მიმავალ სენაკელებს ხელისუფლება ძალადობით დაუპირისპირდა [video]

ავტორი ნანა ფაჟავა, სენაკი13:06 20.06.2012კოალიცია „ქართული ოცნების“ მიერ ოზურგეთში დაგეგმილ აქციაზე სენაკელი მხარდამჭერები ვერ მოხვდნენ. 17 ივნისს, სამეგრელოდან გურიაში ვერც კოალიციის სენაკის ოფისის წევრები გადავიდნენ. მათი ნაამბობიდან ირკვევა, რომ...

სააკაშვილის ცრუ დემოკრატია და მართვის საბჭოური სისტემა

ავტორი მარიამ თოდაძე15:21 12.03.2012როდესაც ქვეყნის მართვის ავტოკრატიულ სტილზე ვსაუბრობთ და სააკაშვილის ცრუ დემოკრატიაზეც დავამატებთ ხოლმე ორიოდე სიტყვას, რჩება შთაბეჭდილება, რომ საზოგადოების დიდი ნაწილისთვის მაინც არ არის გასაგები, რომ დემოკრატია ხალხის...



ზუგდიდში, რამდენიმე მისამართზე, სამხედრო ფორმიანი ადამიანები მალულად ბინადრობენ [video]

ავტორი ნანა ფაჟავა17:06 21.03.2012Presage.tv კიდევ ერთ ვიდეო მასალას გთავაზობთ, რომელიც ზუგდიდში რუსთაველის ქუჩაზე, ერთ-ერთ სახლშია გადაღებული. აღნიშნულ მისამართზე სამხედრო პირების საეჭვო გადაადგილების შესახებ ინფორმაცია ზუგდიდელებმა მოგვაწოდეს. ჩვენ...



ილია ჩაჩიბაია: „გასაიდუმლოებული სამხედრო შტაბები სამეგრელოს თითქმის ყველა სოფელშია განთავასებული“

14:57 25.03.2012„ობიექტივის“ წამყვანისა და ჟურნალ "ღია ბოქლომის" მთავარი რედაქტორის ილია ჩაჩიბაიას განცხადებით, ხელისუფლებამ სამეგრელოში ჩამოყალიბებულ უკანანო შეირაღებულ ფორმირებებში მეთერთმეტე კლასელი მოსწავლეებიც ჩართო.როგორც „ობიექტივის“ პირდაპირ...



წალენჯიხის ბავშვთა სახლში უსაფრთხოების პირობების დარღვევა უბედური შემთხვევის მიზეზი გახდა

15:36 27.04.2012წალენჯიხის ბავშვთა სახლში უსაფრთხოების პირობების დარღვევა უბედური შემთხვევის მიზეზი გახდა; ერთ-ერთმა აღსაზრდელმა სხეულის სერიოზული დაზიანება მიიღო – ეზოში უყურადღებოდ დატოვებული ნაჯახით მარცხენა ხელის არათითის I და II ფალანგი მოიჭრა....



გოდერძი ჩოხელის ოჯახი საქართველოს დატოვებას ფიქრობს [video]

ავტორი მანანა ნოზაძე20:00 30.04.2012გოდერძი ჩოხელის ოჯახი საზღვარგარეთ წასვლას არ გამორიცხავს. ამის შესახებ ცნობილი მწერლის, რეჟისორისა და სცენარისტის მეუღლემ ნინო მელაშვილმა-ჩოხელმა Presage.tv-სთან საუბარში განაცხადა. მისი თქმით, საქართველოს დატოვება...



„ნაციონალური“ უფასო სასადილო ხობში ისევ გამოჩნდა [video]

ავტორი ნანა ფაჟავა22:38 02.05.2012„ერთიანი ნაციონალური მოძრაობა-უფასო სასადილო მზრუნველობ ამოკლებულთათვის“ -2005 წლიდან ასეთი წარწერა ქვეყნის მასშტაბით თითქმის ყველა ქალაქის იმ ობიექტებს ამშვენებდა, სადაც მმართველმა პარტიამ „საქველმოქმედო“ პროექტის განხორციელება...


დღეს, კიდევ ერთი მსჯავრდებული თენგიზ ბელქანია გარდაიცვალა

18:04 04.04.2012 სასჯელაღ სრულების # 18 სამკურნალო დაწესებულებაში კიდევ ერთი მსჯავრდებული, თენგიზ ბელქანია გარდაიცვალა, რომელიც სასჯელს ნარკოტიკული ნივთიერების შეძენა-შენახვისთვის იხდიდა.პატიმრის ადვოკატის, მათე ხარჭამაძის განცხადებით, ბელქანიას 8 წელი...



„სააკაშვილის საქართველო მხოლოდ ცენტრალური მაგისტრალის გასწვრივ ვითარდება“ [video]

18:08 07.04.2012ირაკლი ალასანია სამეგრელოში შეხვედრებს განაგრძობს. დღეს, კოალიცია „ქართული ოცნების“ ერთ-ერთი ლიდერი ირაკლი ალასანია ჩხოროწყუს რაიონის სოფელ კირცხის მოსახლეობას შეხვდა.ირაკლი ალსანიას განცხადებით, ეს სოფელი პრაქტიკულად საძოვრების გარეშეა...



ველოტრასას დადიანების ბაღი ეწირება [video]

ავტორი ნანა ფაჟავა12:11 09.05.2012ველომანიამ იმერეთიდან სამეგრელოშიც ჩამოაღწია. ქუთაისის შემდეგ ზუგდიდიც გაველოტრასდება და მიხეილ სააკაშვილის ცნობილ ფრაზებს: „ველოსიპედი ევროპული და ამავდროულად, ჯანსაღი ცხოვრების წესის მნიშვნელოვანი და განუყოფელი ნაწილია“,...



ლაზიკაში იუსტიციის სახლის მშენებლობა დაიწყო [video]

ავტორი თამარ ზანთარაია14:06 09.05.2012სოფელ ანაკლიის „პატრიოტთა ბანაკის“ სიახლოვეს, ახალი ქალაქის ლაზიკის ტერიტორიაზე იუსტიციის სახლის მშენებლობა დაიწყო. ლაზიკამდე მისასვლელი საავტომობილო გზის ნაწილი ეკალბარდებისგან უკვე გაკაფულია. ახალქალაქის დანარჩენი...