სვანეთში დაცული საგანძური კონტეინერებში ჩაამწყვდიეს

ავტორი ნინო მიქიაშვილი
16:00 01.09.2011
ერეკლე საღლიანი: “მოარული ხმები დადის, რომ ახალი შენობის დასრულებამდე ექსპონატების ზუგდიდში გადატანა უნდათ, რაც ჩვენი ისტორიისა და ერის წინაშე უდიდესი დანაშაული იქნება. ზუგდიდში ჩატანა კი არა, ადიშის ოთხთავი სოფელ ადიშიდან მესტიაში, რომ ჩამოიტანეს, ძალმომრეობისა და შავ-ბნელი ათეიზმის პერიოდში, მოსახლეობა პოლიციას უკან ქვების სროლით მოჰყვებოდა. ასეთი მდგომარეობა იყო მაშინ და დღეს მით უმეტეს, მოსახლეობა საგანძურის მესტიიდან გატანას არ დაუშვებს“

სვანეთში დაცული საგანძური, მესამე თვეა მუზეუმის ეზოში, კონტეინერებშია ჩაწყობილი. გავრცელებული, დაუდასტურებელი ინფორმაციით, ხელისუფლებას სიწმინდეების ზუგდიდის მუზუემში გადატანა უნდა. სვანები ამბობენ, “დაფიცებული გვაქვს და ერთი სვანიც, რომ დარჩეს, საგანძური აქედან არ გავა, მკერდით გადავეფარებით, მთელი სვანეთი აღდგება. სიწმინდეების აქედან გატანა სვანეთის ამოწყვეტას ნიშნავსო“.

მესტიაში დაცული საგანძურის ზუგდიდში შესაძლო გადატანის თაობაზე ინფორმაცია, “ობიექტივმა“ თბილისში შეიტყო. მესტიაში გავემგზავრეთ, რათა ჩვენი თვალით გვენახა რა მდგომარეობაშია ჩვენი სიწმინდეები.

მესტიაში ერთდღიანი სტუმრობისას შევხვდით და ვესაუბრეთ: პოეტ ერეკლე საღლიანს, რომელმაც იქ ყოფნისას მეგზურობა გაგვიწია; მესტიისა და ზემო სვანეთის ეპისკოპოსს, მეუფე ილარიონს; ეროვნული მუზეუმის რესტავრატორს, დარეჯან გოგაშვილს; სვანეთის ისტორიულ-ეთნოგრაფიული მუზეუმის კურატორს, რუსუდან ქოჩქიანს; დაცვის პოლიციის თანამშრომლებს, რომლებიც საგანძურის უსაფრთხოებაზე ზრუნავენ და მესტიაში მცხოვრებ არაერთ ადამიანს.

სვანეთის მუზეუმი ეროვნული მუზეუმის შემადგენლობაში შედის, რომლის ვებგვერდზე მესტიაში დაცული ექსპონატებისა და სიწმინდეების შესახებ ოთხაბზაციანი ინფორმაციაა განთავსებული:

“მუზეუმი 1936 წელს დაარსდა. აქ დაცულია უნიკალური არქეოლოგიური და ეთნოგრაფიული მასალა და ძველი ქართული ხელნაწერების მდიდარი კოლექცია, რომელთა შორის განსაკუთრებულია: “ადიშის ოთხთავი“ (897), “იერუსალიმის განჩინება“ (X საუკუნე), “მესტიის ოთხთავი“ (1033), სახარების სხვა უძველესი რედაქციები, ქართული ჭედური და ფერწერული ხელოვნების არაერთი მნიშვნელოვანი ძეგლი.

ექსპონატების ქრონოლოგია III ათასწლეულიდან იწყება. ექსპოზიციაში განსაკუთრებული ადგილი VI საუკუნის ბრინჯაოს სირიულ საცეცხლურებს (X-XI საუკუნეები) რელიკვარიუმებსა და ეტრატზე შესრულებულ უძველეს ხელნაწერებს ეთმობა.

აქვე დაცულია XII საუკუნის ვერცხლის სასანური სურა, ბიზანტიური ნაქარგი ხატი, XIII საუკუნის ვენეციური ე.წ. დეკორატიული ჯვარი და სხვა მნიშვნელოვანი ექსპონატები.

განსაკუთრებული მნიშვნელობისაა სილიხანის ხატი, რომელშიც გოლგოთის ჯვრის ნაწილია ჩატანებული“.

ამჟამად ეს ყველაფერი და მათთან ერთად სხვა სიწმინდეები და ექსპონატები შიფერით გადახურულ კონტეინერებშია ჩალაგებული, რომელიც მუზეუმის შენობიდან დაახლოებით 20 მეტრის მოშორებით დგას. მუზეუმის შენობა ნახევრად დანგრეულია. როგორც მუზეუმის კურატორმა, იგივე დირექტორმა განგვიმარტა, მუზეუმის მასშტაბური რეკონსტრუქცია მიმდინარეობს და საგანძურის კონტეინერებში გადატანის მიზეზიც სწორედ ესაა. რუსუდან ქოჩქიანის თქმით, ძველი შენობის ნაცვლად თანამედროვე სტანდარტების მუზეუმის გაკეთება, პირადად მიხეილ სააკაშვილის გადაწყვეტილება იყო, რომელიც ცნობილია, რომ რეკონსტრუქციებთან მიმართებაში სულსწრაფობით გამოირჩევა.

მაგალითად, ბათუმის კულტურის ცენტრი, იგივე ოპერა შეიძლება მოვიტანოთ. რეკონსტრუქციაზე მომუშავე ადამიანებს, გათანამედროვებული “ქეთო და კოტეს“ პრემიერამდე რამდენიმე დღით ადრე, სააკაშვილი ტელეკამერების წინ ასე დაემუქრა - “ამ შენობას 14 აგვისტომდე თუ არ ჩააბარებთ, მე კოტე ვიქნები და თქვენ ქეთოებიო“. მუშები გადარჩნენ, შენობა ჩააბარეს...

როგორც ჩანს, მესტიის მუზეუმის რეკონსტრუქციაზე მომუშავე ადამიანებს, არც სააკაშვილი აჩქარებს და ემუქრება და არც მის მიერ, 2011 წლის 26 მაისს (მშვიდობიანი აქციის სისხლიანი და მსხვერპლიანი დარბევის შემდეგ), ბრწყინვალების ორდენით დაჯილდოვებული ეროვნული მუზუემის გენერალური დირექტორი, დავით ლორთქიფანიძე.

როგორც სვანეთის ისტორიულ-ეთნოგრაფიული მუზეუმის კურატორმა, რუსუდან ქოჩქიანმა გვითხრა, მუზეუმის ძველი შენობა ცუდ მდგომარეობაში იყო და მასშტაბური სარეკონსტრუქციო სამუშაოების ჩატარების აუცილებლობა ამიტომაც შეიქმნა; ამ სამუშაოებს ატარებს სამშენებლო ფირმა “ზიმო“, რომელიც პარალელურად მესტიაში იუსტიციის სახლს აშენებს და მუზეუმის შენობაზე სამუშაოები შეფერხებებით სწორედ ამიტომ მიმდინარეობსო. ქოჩქიანის განმარტებით, საგანძურის კონტეინერებში ყოფნა წელიწადნახევარზეა გათვლილი.

სვანეთის მუზეუმის კურატორი და ეროვნული მუზუემის რესტავრატორი ირწმუნებიან, რომ სიწმინდეები გერმანიიდან ჩამოტანილ სპეციალურ მასალაშია შეფუთული, ხოლო კონტეინერებში შესაბამისი აპარატურის საშუალებით ისეთი ტემპერატურაა, რომ საგანძურს ვერც სიცხე დააკლებს რაიმეს და ვერც ყინვა. მათივე თქმით, კონტეინერებს დაახლოებით კვირაში ერთხელ აღებენ და ამოწმებენ, იქ არსებულ ტემპერატურას და სიწმინდეების მდგომარეობას.

მესტიელი სვანები “კონტეინერებში ჩამწყვდეული ხატებისა და ჯვრების“ მოკითხვას დაგვიანებულად თვლიან:

“ახლა ლაპარაკს და მოკითხვას რაღა აზრი აქვს?! გვიანია, ჩამწყვდეულია ხატი და ჯვარი ამაში. მანამდე ჩამოსულიყავით და გელაპარაკათ. ეს ჩვენი ინტელგენცია თბილისში, რომ ზის და სვანებზე, რომ ღადაობენ, უფრო ადრე მოსულიყვნენ გონს. ტყულა დაანგრიეს ეს მუზუემი, ვიღაცისთვის ფულის გათეთრების მიზნით. “მაიტა ნასოსიო“ და ეგენი ფულებს შუოლობენ, სვანეთი სულ არ ადარდებთ“.

საგანძურის მესტიიდან ზუგდიდში გადატანის შესახებ დაუდასტურებელი ინფორმაცია იმ ადამიანებსაც აქვთ, ვისაც შევხვდით და ვესაუბრეთ.

ერეკლე საღლიანი: “მოარული ხმები დადის, რომ ახალი შენობის დასრულებამდე ექსპონატების ზუგდიდში გადატანა უნდათ, რაც ჩვენი ისტორიისა და ერის წინაშე უდიდესი დანაშაული იქნება, რადგან ჯაყჯაყს და გადატანა-გადმოტანას ეს ექსპონატები ვერ გაუძლებენ. ზოგიერთი მათგანი სავალალო მდგომარეობაშია და განსაკუთრებულ ყურადღებას საჭიროებს. ამიტომ, ამ ექსპონატებთან დაკავშირებით დიდი სიფრთხილე უნდა გამოვიჩინოთ. ამასთან, ეს ხატები თავის დროზე მუზეუმში სვანეთის სხვადასხვა ეკლესიებიდან გადმოიტანეს. ახლა ის სოფლები ამ ხატების უკან დაბრუნებას ითხოვენ და მათი მესტიიდან გატანის მცდელობაც კი, მოსახლეობაში დიდ აღშფოთებას გამოიწვევს, მოსახლეობა ამას არ შეურიგდება.

ზუგდიდში ჩატანა კი არა, ადიშის ოთხთავი სოფელ ადიშიდან მესტიაში, რომ ჩამოიტანეს, ძალმომრეობისა და შავ-ბნელი ათეიზმის პერიოდში, მოსახლეობა პოლიციას უკან ქვების სროლით მოჰყვებოდა და ორი კვირა სოფლის ყველა ოჯახში გლოვა იყო გამოცხადებული, თითქოს ყველა ოჯახში მიცვალებული ესვენა. აი, ასეთი მდგომარეობა იყო მაშინ და დღეს მით უმეტეს, მოსახლეობა საგანძურის მესტიიდან გატანას არ დაუშვებს“.

საგანძურის გარშემო არსებული “ჭორებისა და უსიამოვნო საუბრების“ შესახებ ეროვნული მუზუემის რესტავრატორს, დარეჯან გოგაშვილსაც სმენია, რაც ჩვენი აზრით იმითაც არის განპირობებული, რომ საგანძურის კონტეინერებში გადატანის და ახალი შენობის შესახებ საჯარო განცხადება ჯერ არ გაკეთებულა.

სიწმინდეების მუზეუმიდან გამობრძანების გადაწყვეტილება ეკლესიასთან არ შეუთანხმებიათ, რასაც სვანეთის ისტორიულ-ეთნოგრაფიული მუზეუმის კურატორი, რუსუდან ქოჩქიანი გადაღლილობით და იმით ხსნის, რომ იმ პერიოდში ეპისკოპოსი ჯანმრთელობის გაუარესების გამო სვანეთში არ იყო, ტელეფონით კი აღარ შეაწუხეს. ამასთან, რუსუდან ქოჩქიანი იქვე განმარტავს, რომ მაშინ, როცა საგანძურის განსათავსებლად სხვა შენობას ეძებდნენ, ხალხმა წინააღმდეგობა იმის შიშით გაუწია, რომ თუ საგანძური მუზეუმის ეზოს გასცდებოდა, მას სვანეთიდან წაიღებდნენ.
რუსუდან ქოჩქიანი: “შესაფერის შენობას ვეძებდით, მაგრამ შემდეგ ამაში მთელი სვანეთი ჩაერთო - “საგანძური ეზოს თუ გასცდა, მერე ისე მოხდება, რომ სიწმინდეებს სვანეთიდან წაიღებენ, ამის მცდელობა არისო“. ეს უსაფუძვლო ჭორი გახლავთ. ამის გაკეთება გამორიცხულია, მთელი სვანეთი აღდგება, სიწმინდეებს მკერდით გადავეფარებით. ასე რომ ძეგლების ეზოს გარეთ გატანის საშუალება ხალხმა არ მოგვცა. სწორედ ამის გამო მეუფეს არ დავეკითხეთ და არ ვთხოვეთ რჩევა სად დაგვებინავებინა საგანძური. თან ავად იყო, სვანეთში არ იმყოფებოდა.

მეუფისთვის აზრის კითხვა აუცილებელი იყო, მაგრამ ჩვენ ისეთი მღელვარე დღეები გვქონდა, რომ ამის გაკეთება თითქოს გადაგვავიწყდა - ხალხმა მოინდომა ეს ძეგლები მუზეუმის ტერიტორიაზე დარჩენილიყო. უფრო ამან მიბიძგა, რომ პირადად მე არ მივსულიყავი მეუფესთან. თუმცა, მე ჩემს თავზე მაინც ვერ ავიღებდი, რადგან ჩვენ გვყავს გენერალური დირექტორი და ჩვენ გვყავს მთავრობა. მე პროფესიით ხელოვნებათმცოდნე ვარ, თანაც შუა საუკუნეების ხატწერის სპეციალისტი და უპირველესად ყველაზე მეტად მე მინდა, რომ ეს ძეგლები სათანადოდ დაცული იყოს და ყველაფერი გავაკეთოთ იმისთვის, რომ შევინარჩუნოთ და უკეთეს პირობებში გვქონდეს.

ეს ძეგლები სვანეთმა შემოინახა - მტრის შემოსევისას მეფეებისა და დიდებულებისთვის სულიერი საგანძურის გადარჩენა უმთავრესი იყო და ერთ-ერთ საიმედო ადგილად მათ სვანეთი მიაჩნდათ. ამიტომ არის აქ გადმოხიზნული, როგორც საქართველოს სხვადასხვა კუთხეებში, ისე მსოფლიოს სხვადასხვა ადგილებში შექმნილი ძეგლები“.

მესტიისა და ზემო სვანეთის ეპისკოპოსი, მეუფე ილარიონი (ქიტიაშვილი) სახელმწიფოსა და ეკლესიას შორის დადებულ კონსტიტუციურ შეთანხმებას იხსენებს:

“კონსტიტუციის შემდეგ ეს არის ყველაზე მაღალი ნორმატიული აქტი, რომლის თანახმად, სახელმწიფო და ეკლესია შეთანხმების საფუძველზე იღებენ გადაწყვეტილებებს ეკლესიებთან, ნაეკლესიარებთან, სიწმინდეებთან და ხატებთან დაკავშირებით. ამ ეტაპზე მუზეუმის დირექციას ჩემთან არაფერი შეუთანხმებია. როცა ასეთ გადაწყვეტილებას ეკლესიასთან შეთანხმების გარეშე იღებენ, ჩნდება ეჭვი, თუ რატომ და რისთვის ხდება ეს ყოველივე“.

გავრცელებული და ამავდროულად დაუდასტურებელი ინფორმაცია, საგანძურის სვანეთიდან გატანის შესახებ, მეუფესთვისაც ცნობილია. ამბობს, რომ ამის გაკეთება ყოვლად დაუშვებელია.

მეუფე ილარიონი: “ღმერთმა ნუ ქნას, ყოვლად დაუშვებელია, რომ სიწმინდეები დაიძრას და სვანეთიდან გავიდეს. საქართველოს ეს კუთხე შეუდარებელია იმ მხრივ, რომ თავდაპირველი სახითაა შემორჩენილი ყველა ტაძარი, თავისი უნიკალური ფრესკებით, აქ არის ის ჯვრები, ხატები, ხელნაწერები, სიწმინდეები, რომელიც საქართველოს სვანეთის საზოგადოებამ, სვანეთის მოსახლეობამ შემოუნახა. კომუნისტების დროსაც იყო გატანის, გაძარცვის საშიშროება და მაშინ ხატს სვანი კაცი ოჯახში ინახავდა, მფარველობდა. აქ ეს სიწმინდეები სისხლის ფასად არის დაცული და ამიტომ, ადგილზე უნდა დარჩეს. მისი გატანა პრობლემებს შექმნის. მუზეუმის რეკონსტრუქცია დროულად უნდა დასრულდეს და ხატებმა თავიანთი ადგილი უნდა დაივანონ, სადაც ისინი თავის დროზე დაბრძანებული იყვნენ“.

მესტიელი სვანები საგანძურის მესტიიდან გატანას დაუშვებლად მიიჩნევენ:
“ამის წაღებას სვანეთი არ დაანებებს, ვარიანტი არ არსებობს, ვერ წაიღებენ. თუ წავიდა, მაშინ სვანეთი ამოწყვეტილიყოს მთლიანად. ეს ასეა დაფიცებული. გარანტიას ვიძლევით, რომ სვანეთს საგანძურს ვერავინ წაართმევს, გინდაც ერთი სვანი დარჩეს. მაშინ მართლა აქედან დაიწყება და იქ იქნება ბოლო. ეს ეგრე იქნება“.

თბილისიდან მესტიაში 28 აგვისტოს, პატარა თვითმფრინავით სულ 13 ადამიანი გავფრინდით და აქედან მხოლოდ სამი ვიყავით ქართველი. ბილეთი 75 ლარი ღირს. ზარ-ზეიმით გახსნილ მესტიის აეროპორტში, რომელიც ერთი დიდი ოთახიის ხელაა და რა თქმა უნდა, შემინულია, საპირფარეშო არ მუშაობდა, რამაც უცხოელი ტურისტების გაოცება გამოიწვია.

მესტიის ცენტრი, იგივე სეტი ისეა გადათხრილი და მტვერში გახვეული, როგორც თბილისში აღმაშენებლის გამზირი.

ერეკლე საღლიანი: “ეს დიდი მოედანი იყო, ყველა აქ იკრიბებოდა. ახლა აქ თანამედროვე, ევროპული სტილის სასტუმროს აშენებენ. გავრცელებული ინფორმაციით, სასტუმროს თემურ ჭყონია აშენებს. მაკეტი ვნახე, რომელიც ქვეწარმავალივით დაგრაგნილია. აქედან ჩასულმა გერმანელმა ტურისტმა იცით რა უთხრა თავის თბილისელ მეგობრებს?! - “ჩადით, ნახეთ სვანეთი, სანამ დაამახინჯებენო“. რაღაც კეთდება, კოშკებს რესტავრაციას უტარებენ, ამისთვის სახელმწიფომ ფული გამოყო, მაგრამ საშინელება ისაა, რომ ამ უბედურებს გემოვნება არა აქვთ“.

"ობიექტივი"


რედაქტორის რჩევით

 
 
 
"ეგვიპტელებო გვაკოცეთ ..." - ლალი მოროშკინას უხამსი წარწერა

ჩახდილი გოლკიპერი - სკანდალი შვედეთის საფეხბურთო ნაკრების ირგვლივ

"შენ გენაცვალე" ნიუიორკული აქცენტით - ემიგრანტი მომღერალი ილუშა ცინაძე

ეკა ბესელია: ილია ჩაჩიბაიამ სამეგრელოში ძალიან მნიშვნელოვანი საქმე გააკეთა – პროცესი დაიძრა [video]

ავტორი obieqtivi.net15:20 22.05.2012მედია-კავშირ „ობიექტივის“ პირდაპირ ეთერში, ჟურნალისტ ილია ჩაჩიბაიას საავტორო გადაცემაში, პოლიტიკური კოალიცია „ქართული ოცნების“ ერთ-ერთმა ლიდერმა ეკა ბესელიამ სამოქალაქო სოლიდარობის აუცულებლობაზე ისაუბრა.ბესელიამ გადაცემის...



ბრალდებულ სერგო ჩაჩიბაიას სასამართლო პროცესზე გულის შეტევა დაემართა

17:06 09.04.2012პატიმრობაში მყოფი „თავისუფალი დემოკრატერბის“ წევრის, სერგო ჩაჩიბაიას სასამართლო პროცესი ბრალდებულის ჯანმრთელობის მდგომარეობის გაუარესების გამო გადაიდო. როგორც ჩაჩიბაიას ადვოკატმა შალვა შავგულიძემ ჟურნალისტებთან საუბრისას აღნიშნა, ბრალდებულს...


რეპორტაჟი ჩაშლილი გეიაღლუმიდან [video]

ავტორი ნინო მიქიაშვილი16:47 17.05.2012თბილისის 51-ე საჯარო სკოლასთან შეკრება პირველის ნახევარზე დაიწყეს. ტაქსიდან ფერადი დროშებით ხელში ოთხი ახალგაზრდა გადმოვიდა. ბიჭს ყურზე საყურე და ხელში პლაკატი ეჭირა - “მეც გეი ვარ“. ვინ ხართ-მეთქი ვკითხე და ორგანიზაცია...


ჰომოფობიის წინააღმდეგ ბრძოლის დღისადმი მიძღვნილ აქციაზე ფიზიკური დაპირისპირება მოხდა

17:06 17.05.2012ჰომოფობიის წინააღმდეგ ბრძოლის საერთაშორისო დღისადმი მიძღვნილ აქციაზე, რომლის მონაწილეები, მათივე თქმით, ”არატრადიციული სექსუალური ორიენტაციის ადამიანების მიმართ სიძულვილს” აპროტესტებენ, ფიზიკური დაპირისპირება მოხდა. აქციის მონაწილეები...


ირაკლი ალასანიამ საქართველოს მოსახლეობას დამოუკიდებლობის დღე ზუგდიდიდან მიულოცა

13:06 26.05.2012კოალიცია "ქართული ოცნების" ერთ–ერთმა ლიდერმა ირაკლი ალასანიამ საქართველოს მოსახლეობას დამოუკიდებლობის დღე ზუგდიდიდან მიულოცა. "მინდა მთელ საქართველოს მივულოცო დამოუკიდებლობის დღე. 26 მაისი არის სახელმწიფოებრივი ზეიმი", - განაცხადა მან.დღესვე,...



53 სკოლის მოსწავლეების „მადლობა ბატონ ტარას შავშიშვილს!“ [video]

18:05 24.05.2012გუშინ, ინტერნეტსივრცეში, კერძოდ სოციალურ ქსელებზე გავრცელდა ვიდეორგოლი, რომელიც თბილისის 53-ე სკოლის მოსწავლეების მიერაა გადაღებული. ვიდეო ერთგვარი პოლიტიკური პერფორმანსია და როგორც საზოგადოების დიდი ნაწილი თვლის ის არსებულ სივრცეში,...



ბაჩო ახალაია საცხოვრებლად ზუგდიდში გადადის და 150 000 დოლარად შეფასებულ 6 სახლს ყიდულობს

19:24 22.05.2012"ბაჩო ახალაია, ფაქტობრივად ზუგდიდში გადმოვიდა საცხოვრებლად. ყოველ ღამეს ბაჩო ახალაია ზის რესტორანში - ან "დიარონში" ან "მენძელში" ან "დარიალში", თვრება და მერე იწყებს ოპოზიციის გინებას. შეშინებული მიმტანები ვერ მიდიან ბაჩო ახალაიასთან,...



მოსკოვში გენერალი რომან დუმბაძე მოკლეს [video]

მოსკოვში საქართველოს შეიარაღებული ძალების ყოფილი გენერალი, ბათუმის 25-ე ბრიგადის ექსმეთაური რომან დუმბაძე მოკლეს. რუსული მედიის ცნობით, დუმბაძე საკუთარ სახლთან ახლოს, რუბლოვსკაიას გზატკეცილზე, მოტოციკლიდან დაცხრილეს. დამნაშავეები შემთხვევის ადგილიდან...



„შავფაროსნებმა“ და სტუდენტებმა ხელისუფლებას ვადა 31 მაისამდე მისცეს

ავტორი ნინო მიქიაშვილი13:06 05.05.2012დავით-გარეჯის დასაცავად გამართულ მსვლელობაში ორი ათასზე მეტმა ადამიანმა მიიღო მონაწილეობა. მათ შორის 90% სტუდენტები იყვნენ. ასი ათასიან მსვლელობასაც შეშურდებოდა ის მუხტი, რომლითაც მანიფესტანტებმა გაიარეს გზა ვაკის...



„ქართული ოცნების“ ხობის ოფისის ხელმძღვანელზე თავდასხმა განხორციელდა [video]

ავტორი ნანა ფაჟავა, ხობიდან16:33 20.05.2012კოალიცია „ქართული ოცნების“ ხობის ოფისის ხელმძღვანელს, მამუკა ქარდავას თავს ოთხი უცხო მამაკაცი დაესხა. ინციდენტი სოფელ ნოჯიხევთან წუხელ, ღამის 2 საათისთვის მაშინ მოხდა, როცა ქარდავა ხობის ცენტრში მდებარე კოალიციის...
ბათუმში ძლიერი წვიმის შედეგად რამდენიმე ქუჩა დაიტბორა

"საქართველოს ბანკის" სათაო ოფისთან მოქალაქემ თვითმკვლელობა სცადა

აშშ-ში მოკლული ბექა ზარდიაშვილის ახლობლები გარდაცვლილის გადმოსვენებაში დახმარებას ითხოვენ

ნანული ვახანია: მკვლელებო! ნუ ფიქრობთ, რომ შეგრჩებათ, წყეულიმც იყავით!

ავტორი ილია ჩაჩიბაია22:58 30.05.2012საქართველოს სასჯელაღსრულებისა და პრობაციის სამინისტროს ადგილობრივი საბჭოს გადაწყვეტილება, პოლიტპატიმარ ვლადიმერ ვახანიასთვის ვადაზე ადრე გათავისუფლებაზე უარის გამოცხადების თაობაზე, თბილისის სააპელაციო სასამართლოში...



ირაკლი ალასანიამ ზუგდიდში მოძრაობის ახალი წარმომადგენელი წარადგინა

15:06 25.05.2012ირაკლი ალასანიამ "ქართული ოცნების" სამეგრელოს ოფისის ახალი ხელმძღვანელი წარადგინა, რეგიონულ ორგანიზაციას მერაბ ქვარაია უხელმძღვენელებს. ამ პოსტზე ის სერგო ჩაჩიბაიას შეცვლის, რომელსაც კვლავ პატიმრობაში იმყოფება.პრესკონფერენციაზე ალასანიამ...



„ვერ ჩაგვრეცხეს, ვერ გვაქციეს მუმიებად! ყველა ღირსეული კაცი და ქალი აქ დგას“

ავტორი ნინო მიქიაშვილი13:06 05.05.2012პოლიტიკური კოალიცია „ქართული ოცნების“ ორგანიზებით გამართულ აქციაზე, სახელწოდებით „ჩვენ ვიწყებთ“, პუშკინის ქუჩიდან თავისუფლების მოედანი და შემდეგ რუსთაველის გამზირი, ოპერის კუთხემდე (ყოფილ „ციცინათელასთან“) ხალხით...



მეუფე იაკობი: “ჩვენი ეკლესიის შვილები ამ აღვირახსნილობის ქადაგებას არ შევურიგდებით“ [video]

ავტორი ნინო მიქიაშვილი17:08 28.05.2012ყოვლადწმიდა სამების საპატრიარქო ტაძარში, 27 მაისს, წირვის დასრულების შემდეგ, იქ შეკრებილ მრევლს გარდაბნისა და მარტყოფის ეპისკოპოსმა, მეუფე იაკობმა ქადაგებით მიმართა, რომელშიც ის გამოეხმაურა თბილისში ე.წ. გეიაღლუმის...



მომაწოდეს ინფორმაცია, რომ მე, ირმა ინაშვილს, შესაძლოა, დამეჯახოს ნასვამ მდგომაროობაში მყოფი პირის ავტომანქანა

17:00 30.05.2012მედია-კავშირ „ობიექტივის“ საგანგებო განცხადებაგვსურს საჯაროდ განვაცხადოთ, რომ უკანასკნელი ერთი თვის განმავლობაში „ობიექტივის“ ხელმძღვანელობა და წამყვანები ხელისუფლების ძალოვანი სტრუქტურების მხრიდან სხვადასხვა ტიპის ზეწოლის ქვეშ ვიმყოფებით.სისტემატური...



გვაიძულებენ, რომ ბავშვები ვითომდა ჩვენი ნებართვით გადავიყვანოთ უპატრონო ბავშვთა სახლებში

20:16 01.06.20121 ივნისს ბავშვთა დაცვის საერთაშორისო დღეს უფლებადამცველსა და ჟურნალისტს კოტე ინაშვილს ქალთა N5-ე კოლონიიდან პატიმარი დედები დაუკავშირდნენ და მათი ბავშვების გაუსაძლისი მდგომარეობის შესახებ აცნობეს.როგორც ინაშვილმა „ობიექტივის“ პირდაპირ...



გარემოვაჭრეებმა ბაქრაძე დააბნიეს – "ვის მისცემთ არჩევნებში ხმას რა მნიშვნელობა აქვს?!" [video]

13:06 06.06.2012ზუგდიდელი გარემოვაჭრეები, რომლებიც უკვე რამდენიმე დღეა გუბერნიის შენობის წინ საპროტესტო აქციებს მართავენ, სამეგრელოში ვიზიტად მყოფ პარლამენტის თავმჯდომარეს დავით ბაქრაძეს შეხვდნენ.შეხვედრა დაუგეგმავი იყო და ბაქრაძეს გარემოვაჭრეების პრობლემებისთვის...



გარემოვაჭრეებმა საპროტესტო მსვლელობა შეწყვიტეს და ზუგდიდში დაბრუნდნენ [Video]

17:06 08.06.2012გარემოვაჭრეებმა თბილისისკენ საპროტესტო მსვლელობა ჯანმრთელობის გაუარესების მიზეზით შეწყვიტეს და ზუგდიდში დაბრუნდნენ. სამდღიანი მსვლელობის შემდეგ 7 გარემოვაჭრე საზოგადოებრივი მოძრაობა „დაიცავი საქართველოს“ წევრმა კახა მიქაიამ რამდენიმე...



გორთან ახლოს „მაესტროს“ ჟურნალისტის, ია თინიკაშვილის მანქანას ესროლეს

11:55 09.06.2012დაუდგენელმა პირებმა „მაესტროს“ ჟურნალისტის, ია თინიკაშვილის მანქანას ცეცხლი სოფელ ბერბუკთან გაუხსნეს. ჟურნალისტი სოფელ ახრისიდან გორის მიმართულებით ბრუნდებოდა, როცა მის მანქანას ტყვიები მოხვდა და მინები ჩაიმსხვრა.ია თინიკაშვილი ახრისში...



ოზურგეთის აქციაზე მიმავალ სენაკელებს ხელისუფლება ძალადობით დაუპირისპირდა [video]

ავტორი ნანა ფაჟავა, სენაკი13:06 20.06.2012კოალიცია „ქართული ოცნების“ მიერ ოზურგეთში დაგეგმილ აქციაზე სენაკელი მხარდამჭერები ვერ მოხვდნენ. 17 ივნისს, სამეგრელოდან გურიაში ვერც კოალიციის სენაკის ოფისის წევრები გადავიდნენ. მათი ნაამბობიდან ირკვევა, რომ...
"ცენტრ პოინტისგან" დაზარალებულები რუსუდან კერვალიშვილის პასუხისგებაში მიცემას მოითხოვენ

"პოლიცია ყველგან შევიდა, სადაც "გლობალტივის" ანტენებს ამონტაჟებდნენ" - გოგიტა მოდებაძე

მგლებმა თელავის რაიონში 26 სული ცხვარი დაგლიჯეს

სააკაშვილის ცრუ დემოკრატია და მართვის საბჭოური სისტემა

ავტორი მარიამ თოდაძე15:21 12.03.2012როდესაც ქვეყნის მართვის ავტოკრატიულ სტილზე ვსაუბრობთ და სააკაშვილის ცრუ დემოკრატიაზეც დავამატებთ ხოლმე ორიოდე სიტყვას, რჩება შთაბეჭდილება, რომ საზოგადოების დიდი ნაწილისთვის მაინც არ არის გასაგები, რომ დემოკრატია ხალხის...



ზუგდიდში, რამდენიმე მისამართზე, სამხედრო ფორმიანი ადამიანები მალულად ბინადრობენ [video]

ავტორი ნანა ფაჟავა17:06 21.03.2012Presage.tv კიდევ ერთ ვიდეო მასალას გთავაზობთ, რომელიც ზუგდიდში რუსთაველის ქუჩაზე, ერთ-ერთ სახლშია გადაღებული. აღნიშნულ მისამართზე სამხედრო პირების საეჭვო გადაადგილების შესახებ ინფორმაცია ზუგდიდელებმა მოგვაწოდეს. ჩვენ...



ილია ჩაჩიბაია: „გასაიდუმლოებული სამხედრო შტაბები სამეგრელოს თითქმის ყველა სოფელშია განთავასებული“

14:57 25.03.2012„ობიექტივის“ წამყვანისა და ჟურნალ "ღია ბოქლომის" მთავარი რედაქტორის ილია ჩაჩიბაიას განცხადებით, ხელისუფლებამ სამეგრელოში ჩამოყალიბებულ უკანანო შეირაღებულ ფორმირებებში მეთერთმეტე კლასელი მოსწავლეებიც ჩართო.როგორც „ობიექტივის“ პირდაპირ...



წალენჯიხის ბავშვთა სახლში უსაფრთხოების პირობების დარღვევა უბედური შემთხვევის მიზეზი გახდა

15:36 27.04.2012წალენჯიხის ბავშვთა სახლში უსაფრთხოების პირობების დარღვევა უბედური შემთხვევის მიზეზი გახდა; ერთ-ერთმა აღსაზრდელმა სხეულის სერიოზული დაზიანება მიიღო – ეზოში უყურადღებოდ დატოვებული ნაჯახით მარცხენა ხელის არათითის I და II ფალანგი მოიჭრა....



გოდერძი ჩოხელის ოჯახი საქართველოს დატოვებას ფიქრობს [video]

ავტორი მანანა ნოზაძე20:00 30.04.2012გოდერძი ჩოხელის ოჯახი საზღვარგარეთ წასვლას არ გამორიცხავს. ამის შესახებ ცნობილი მწერლის, რეჟისორისა და სცენარისტის მეუღლემ ნინო მელაშვილმა-ჩოხელმა Presage.tv-სთან საუბარში განაცხადა. მისი თქმით, საქართველოს დატოვება...



„ნაციონალური“ უფასო სასადილო ხობში ისევ გამოჩნდა [video]

ავტორი ნანა ფაჟავა22:38 02.05.2012„ერთიანი ნაციონალური მოძრაობა-უფასო სასადილო მზრუნველობ ამოკლებულთათვის“ -2005 წლიდან ასეთი წარწერა ქვეყნის მასშტაბით თითქმის ყველა ქალაქის იმ ობიექტებს ამშვენებდა, სადაც მმართველმა პარტიამ „საქველმოქმედო“ პროექტის განხორციელება...


დღეს, კიდევ ერთი მსჯავრდებული თენგიზ ბელქანია გარდაიცვალა

18:04 04.04.2012 სასჯელაღ სრულების # 18 სამკურნალო დაწესებულებაში კიდევ ერთი მსჯავრდებული, თენგიზ ბელქანია გარდაიცვალა, რომელიც სასჯელს ნარკოტიკული ნივთიერების შეძენა-შენახვისთვის იხდიდა.პატიმრის ადვოკატის, მათე ხარჭამაძის განცხადებით, ბელქანიას 8 წელი...



„სააკაშვილის საქართველო მხოლოდ ცენტრალური მაგისტრალის გასწვრივ ვითარდება“ [video]

18:08 07.04.2012ირაკლი ალასანია სამეგრელოში შეხვედრებს განაგრძობს. დღეს, კოალიცია „ქართული ოცნების“ ერთ-ერთი ლიდერი ირაკლი ალასანია ჩხოროწყუს რაიონის სოფელ კირცხის მოსახლეობას შეხვდა.ირაკლი ალსანიას განცხადებით, ეს სოფელი პრაქტიკულად საძოვრების გარეშეა...



ველოტრასას დადიანების ბაღი ეწირება [video]

ავტორი ნანა ფაჟავა12:11 09.05.2012ველომანიამ იმერეთიდან სამეგრელოშიც ჩამოაღწია. ქუთაისის შემდეგ ზუგდიდიც გაველოტრასდება და მიხეილ სააკაშვილის ცნობილ ფრაზებს: „ველოსიპედი ევროპული და ამავდროულად, ჯანსაღი ცხოვრების წესის მნიშვნელოვანი და განუყოფელი ნაწილია“,...



ლაზიკაში იუსტიციის სახლის მშენებლობა დაიწყო [video]

ავტორი თამარ ზანთარაია14:06 09.05.2012სოფელ ანაკლიის „პატრიოტთა ბანაკის“ სიახლოვეს, ახალი ქალაქის ლაზიკის ტერიტორიაზე იუსტიციის სახლის მშენებლობა დაიწყო. ლაზიკამდე მისასვლელი საავტომობილო გზის ნაწილი ეკალბარდებისგან უკვე გაკაფულია. ახალქალაქის დანარჩენი...