მთავარი

სასწრაფოდ! ძალადობა ვანოს სახელით[video]

[18.08.2009 19:26] ზუგდიდის რაიონულ სასამართლოში აკადემიკოს ვლადიმერ ვახანიას სასამართლო პროცესი განახლდა. შეგახსენებთ, რომ სამი თვის წინ ვახანიას, საცხოვრებელი სახლიდან სამართალდამცავებმა ცეცხლსასროლი იარაღი ამოიღეს, ჩხრეკის მიზეზი კი ჟურნალისტ ლელა ხუბულავასთვის პროფესიულ მოვალეობაში ხელის შეშლის ფაქტი გახდა.
ვლადიმერ ვახანია, რომელიც რუსეთში მოღვაწეობდა და საკმაოდ მდიდარი ბიზნესმენის სახელით სარგებლობს, საქართველოში ოპოზიციური პარტიის ჩამოყალიბებას გეგმავდა. როგორც მისი ახლობლები აცხადებენ ბიზნესმენის დაკავების ნამდვილი მიზეზი სწორედ ეს გახდა.
აკადემიკოსი ვახანია არასამთავრობო ორგანიზაციათა კოლიცია „საზოგადოებრივმა დამცველმა“ უკვე აღიარა პოლიტიკურ პატიმრად.
18 აგვისტოს გამართული 6 საათიანი სასმართლო პროცესი გაურკვეველი ვადით გადაიდო. მიუხედავად ეჭვმიტანილის ჯანმრთელობის მძიმე მდგომარეობისა, ის დაუყოვნებლივ გადაიყვანეს თბილისის ორთაჭალის ციხეში.
პროცესის დასრულების შემდეგ ზუგდიდის პოლიციის თანამშრომლებმა სიტყვიერი და ფიზიკური შეურაცხყოფა მიაყენეს შეკრებილებს და ჟურნალისტებს, რომლებიც პროფსიულ მოვალეობას ასრულებდნენ... დაპირისპირების მიზეზი გახდა ვახანიას დის სურვილი დედაქალაქში გადაყვანამდე, მისი ძმისთვის სამედიცინო დახმარება აღმოეჩინათ „03“–ის თანამშრომლებს.
„ღია ბოქლომის“ თანამშრომლებმა მოძალადე პოლიციელთა სახის გადაღება შესძლეს.

რამდენი გადაუხადეს გალიდან გადმოსულ აფხაზს ბარამიას გასაპიარებლად?

[18.08.2009] აფხაზეთის მთავრობა აფხაზეთში ვერ შედის მაგრამ საზღვართან პრესკონფერენციების მოწყობასა და სპექტაკლების დადგმაში ბადალი რომ არ ყავს ეს რამდენიმე დღის წინაც დადასტურდა როცა აფხაზეთის ავტონომიური რესპუბლიკის მთავრობის თავმჯდომარემ, გიორგი ბარამიამ ზედ ენგურის ხიდდთან პრესკონფერენცია გამართა და განაცხადა: “მოდით, აღვადგინოთ დაკარგული ნდობა. ვალდებულნი ვართ, გადავლახოთ ტკივილი და წყენა, დავივიწყოთ უთანხმოება, სიძულვილი, გავუწოდოთ ერთმანეთს ხელი ურთიერთგაგების, თანხმობის აღდგენისა და შერიგებისთვის“.

მთავრობის თავმჯდომარეს სიტყვა დამთავრებული არ ქონდა როცა “ჩატეხილი ხიდი”-ს პირველი აღმდგენელი ვინმე რამაზ ლაკერბაია გამოჩნდა და ბარამიას თავშესაფარი სთხოვა. როგორც წესი ასეთ შემთხვევაში სააკაშვილი იმავე დღეს თუ არა მეორე დღეს გამოდის და “გმირს” წაღმა-უკუღმა ატრიალებს. ლაკერბაიას შემთხვევაში ეს ასე არ მოხდა... და რატომ არ მოხდა ამაზე “ალიას” სამეგრელოში მოღვაწე ჟურნალისტი ილია ჩაჩიბაია ესაუბრება.

ილია ჩაჩიბაია:

-პირველ რიგში აღვნიშნავ, რომ რაულ ქირია მე და ნანა ფაჟავას მსგავს ღონისძიებებზე არ გვაწვდის ინფორმაციას, იმიტომ რომ მან კარგად იცის ჩვენ გავაშუქებთ რეალობას და არა იმას რასაც ხელისუფლების ჯიბის ჟურნალისტები აკეთებენ. ჩვენ ჩვენი წყაროებით შევიტყვეთ ამ პრესკონფერენციის შესახებ და მივედით ენგურის ხიდზე. დაიწყო პირდაპირ ეთერში ბრიფინგი, რომლის დამთავრებიდან რამდენიმე წუთში გიორგი ბარამიას სიტყვებს გამოეხმაურა “აფხაზეთში მცხოვრები” (ბრჭყალებში იმიტომ ვხმარობ ამ სიტყვას რომ არავინ იცის ეს კაცი სად ცხოვრობს საერთოდ) რომელმაც ბარამიას სთხოვა საქართველოს მოქალაქეობა, მოითხოვა თავშესაფარი, აღნიშნა რომ ცოლ-შვილი ყავს დატოვებული აფხაზეთში და ეშინია მათ სიცოცხლეს ვინმემ საფრთხე არ შეუქმნას. მაგრამ ყველაზე მნიშვნელოვანი ფაქტი აქ ისაა, რომ პრესკონფერენციის დამთავრების შემდეგ, როცა ჟურნალისტები წასასვლელად მოვემზადეთ, მოვიდა ქირია და გვითხრა: “არ წახვიდეთ ახლა აქ რაღაც უნდა მოხდესო”. ჩვენ მსგავს სპექტაკლებს მიჩვეულები ვართ, შარშან აფხაზეთიდან თითქოს ცეცხლი გაგვიხსნეს, ესეც სპექტაკლი იყო, გახსოვთ ალბათ. ამ “გამოცდილების” ფონზე ცოტა არ იყოს შევშინდით ჟურნალისტები, რას ელოდებოდა ეს ხალხი ხომ არ ვიცოდით? საბედნიეროდ აღმოჩნდა რომ სროლების დადგმა არ მონდომებიათ, გამოჩნდა ეს კაცი, ვინმე რამაზ ლაკერბაია და გააკეთა განცხადება.

-სად არის ეს პიროვნება?

-არავინ იცის. როგორც მოულოდნელად გამოჩნდა ისევე მოულოდნელად გაქრა, ვინ და სად წაიყვანა, არავინ იცის. მოვიძიეთ შემდეგ, მაგრამ ცამ ჩაყლაპა თუ მიწამ, ვერსად მივაგენით. ეს იყო ჩვეულებრივი სპექტაკლი, თუ რეალურად მოითხოვს ადამიანი თავშესაფარს ამის საწინააღმდეგო ვის რა უნდა ქონდეს, მაგრამ რატომ უნდა დგამდნენ ოფიციალური სტრუქტურები სპექტაკლებს ეს არ მესმის. ბარამია შეჰპირდა იმ კაცს საქართველოს მოქალაქეობასაც და მისი ოჯახის დაცვასაც, სადაა შედეგი? როგორ იცავენ აფხაზეთში ქართველებს ეს მაინტერესებს ძალიან. წინასწარ იცოდა რა თქმა უნდა ბარამიამაც ვიღაცა რო უნდა `“ადმოსულიყო საზღვარზე“...

-ფული გადაუხადეს? რას ამბობენ ზუგდიდში?

-რა თქმა უნდა... ძალიან უჭირს ხალხს და ნებისმიერი პიროვნება დათანხმდება ასეთ სამუშაოს. თან ხომ არ გგონიათ რომ ბევრს გადაუხდიდნენ? ზუსტი თანხა არ ვიცი, მაგრამ 100 ლარიც საკმარისი იქნებოდა ისეთი გაუბედურებული კაცისთვის როგორიც ის იყო... საერთოდ ძალიან მაინტერესებს ბარამია როგორ თანამშრომლობს ქირიასთან. ზუგდიდის საკრებულოს ყოფილი წევრი ლალი ანთია რაულ ქირიას მისი მკვლელობის მოწყობაში ადანაშაულებდა. ქირია იყო საინფორმაციო სააგენტოს „info news georgia“-ს რედაქტორი, რაც ეკუთვნოდა მაშინდელ პარლამენტარს ნაზი არონიას. ძალიან ბევრ სიბინძურეს ჩადიოდნენ ამ სააგენტოში, ებრძოდნენ გოროზიას იმიტომ რომ არონიას უნდოდა მისი ადგილი. ჩემი გამოყენებაც სცადეს და თუ გოროზიას წინააღმდეგ პრესკონფერენციას ჩავატარებდი გარკვეულ თანხაზე საუბრობდნენ. მე რა თქმა უნდა არ დავთანხმდი, შეკვეთით ვერ გავილაშქრებდი გოროზიას წინააღმდეგ, თორემ ისე კი იცით რომ უკან არასდროს დამიხევია და თუ ვინმეს დევნის გოროზია ერთ-ერთი მეც ვარ. აფხაზეთში არჩევნების დროს ვითომ ავტობუსი რომ დაიწვა, ეს სცენარიც რაულ ქირიას და ემა გოგოხიას ეკუთვნით. ქირიაა ჩართული ზუგდიდში პოლიტიკური კოლეჯის წართმევის საქმეში, ეს კოლეჯი როგორც იქაური ადმინისტრაცია ამბობს უნდათ გოროზიას, ქირიას და უგულავას.

ილია ჩაჩიბაიასთან საუბრის შემდეგ „ალია“ დაუკავშირდა რაულ ქირიას:

„ჩვენ წინასწარ ვიცოდით რომ ეს ადამიანი გადმოსული იყო, მიმართვის გაკეთებამდე 2 დღით ადრე გადმოვიდა ეს ადამიანი, მას გარკვეული პრობლემები ქონდა აფხაზეთში, რის შესახებაც ვიცოდი. მინდოდა ჟურნალისტებს ეს ფაქტი გაეჟღერებინათ. ჩაჩიბაია რას იტყვის და რა ელანდება ღამე ეს უკვე თავისი პრობლემაა... უბრალოდ ძალიან ბევრი ადამიანია მსგავსი პრობლემით, ამ ადამიანს ქონდა ეს გაჟღერებულიყო და ამიტომ დაიგეგმა”...

თუ დავუჯერებთ ქირიას, ბევრი მსურველი უკვე გადმოვიდა ნაციონალურ საქართველოში, თუმცა სხვები დაპიარების გარეშე დააპურ-დაასახლეს ნაციონალებმა. რაც შეეხება ლაკერბაიას, ქირიამ არ იცის დაასახლეს თუ არა ეს კაცი სადმე, ხოლო აფხაზეთში დარჩენილ მის ოჯახს თურმე საერთაშორისო ორგანიზაციები მიხედავენ. ესეც ნაციონალური “შტუკა”... და ბოლოს, “ალიას” რაულ ქირია დაპირდა რომ ლაკერბაიას კოორდინატებს დაუდგენდა. თუკი ამას ქირია მოახერხებს “ალია” აუცილებლად შემოგთავაზებთ ლაკერბაიასთან ინტერვიუს.

დარეჯან მეფარიშვილი
„ალია“

maestro

მაესტრო
Maestro. მთავარი; ჩვენ შესახებ. ისტორია · გუნდი. გადაცემები. საკანი N5 · პროფესია ჟურნალისტი ...
www.maestro.ge/ - ქეშირებული - მსგავსი

სალომე ზურაბიშვილი "საკანში"... [video]

დღეს, პოლიტიკური პარტია „საქართველოს გზის“ ლიდერი სალომე ზურაბიშვილი ზუგდიდს ესტუმრა, მან ქალაქის ცენტრში განთავსებული საკნები მოინახულა და გაერთიანებული ოპოზიციის იმ წევრებს შეხვდა, რომლებიც უკვე მეოთხე თვა ქალაქის ცენტრში განთავსებულ „საკნებში“ ზიან. მოგვიანებით ზურაბიშვილმა პრესისთვის კომენტარი გააკეთა და აღნიშნა, რომ სამეგრელოში „საკნებს“ ფუნქცია ჯერ არ დაუკარგავს.
„ეს აქცია, ზუგდიდში უნდა გაგძელდეს, რადგან ოპოზიციური მუხტი შენარჩუნდეს. „საკნები“ დედაქალაქში იყო საპროტესტო ტალღის დასაწყისი და მჯერა, რომ ასე იქნება სამეგრელოშიც“ – განაცხადა პოლიტიკური პარტიის ლიდერმა.

კადრები გადაღებულია presa-ge–ისკორესპონდნტის ნანა ფაჟავას მიერ.

გიორგი ბარამიას და რაულ ქირიას სპექტაკლი_პრემიერამ ანშლაგით ჩაიარა

აფხაზეთის ავტონომიური რესპუბლიკის მთავრობის თავმჯდომარემ, გიორგი ბარამიამ აფხაზ ხალხს დღეს ენგურის ხიდიდან მიმართა და დიალოგისკენ მოუწოდა.
„დღეს, როგორც არასდროს, საჭიროა კონსოლიდაცია და საერთო ძალისხმევა. ძვირფასო თანამემამულენო, მოგიწოდებთ უშუალო, ორმხრივი დიალოგისკენ. ჩვენ არ უნდა დავანგრიოთ ჩვენი ხალხის გამაერთიანებელი ხიდები. მოდით, აღვადგინოთ დაკარგული ნდობა. ვალდებულნი ვართ, გადავლახოთ ტკივილი და წყენა, დავივიწყოთ უთანხმოება, სიძულვილი, გავუწოდოთ ერთმანეთს ხელი ურთიერთგაგების, თანხმობის აღდგენისა და შერიგებისთვის“, - განაცხადა ბარამიამ.
დღესვე პრესკონფერენციის დასრულების შემდეგ საქართველო აფხაზეთის პირობით საზღვარზე ერთი საინტერესო ფაქტი მოხდა. აფხაზეთის მთავრობის თავმჯდომარის განცხადებას სულ რაღაც 5 წუთში „გამოეხმაურა“ გალში მცხოვრები უცნობი მოქალაქე, რომელმაც ბარამიას საქართველოს მოქალაქეობა სთხოვა და აღნიშნა, რომ გალის რაიონიდან მხოლოდ იმიტომ გადმოვიდა, რომ ბარამიას შეხვედროდა. ეს ყველაფერი შესაძლოა ბუნებრივი ყოფილიყო ლეგიტიმური მთავრობის მედიაცენტრის ხელმძღვანელს რაულ ქირიას ჟურნალისტებისთვის ცოტა ხნით ადრე „აფხაზეთის მოქალაქის“ შესაძლო გამოჩენაზე არ მოეთხრო...
რაულ ქირიას მიერ მსგავსი სპექტაკლის დადგმა შეკრებილებს არ გაჰკვირვებიათ, რადგან ყოფილი ჟურნალისტი მსგავსი საქციელით ადრეც გამოირჩეოდა, თუმცა ახლადდანიშნული მთავრობის თავმჯდომარე თუ ცდუნებას ვერ გაუძლებდა და ქირიას ცუღლუტობებს აჰყვებოდა არავის ეგონა...

”ძნელი მოსასმენია, მაგრამ რუსეთი კვლავ ეცდება ჩვენს ოკუპაციას”

საერთაშორისო ორგანიზაცია ”აირექსმა”, რომლის ზოგიერთ პროგრამას აშშ-ს სახელმწიფო დეპარტამენტი აფინანსებს, საქართველოში სამოქალაქო საზოგადოების განვითარების კუთხით, ექვსკვირიანი კვლევა ჩაატარა.

გაზიარება
[ნინო მიქიაშვილი]

მკვლევარი (”აირექს ფელოუ”) ჩვენი თანამემამულე ვასილ რუხაძე გახლდათ, რომელიც 11 წელია ამერიკაში ცხოვრობს და სწავლობს.

იმაზე, თუ როგორ აფასებს საკუთარი ეროვნულობის, ფასეულობების და ტრადიციების უარმყოფელ ადამიანებს; როგორი ჩანს აქ არსებული ვითარება ამერიკიდან; როგორი დატოვა და როგორი დახვდა საქართველო;

რატომ ვერ დგება ფეხზე ქართული სახელმწიფო; სად არის საქართველოს ტერიტორიული მთლიანობის გასაღები და რატომ შეიძლება სცადოს რუსეთმა მთელი საქართველოს ოკუპაცია, პრესა.გე სამშობლოდან ამერიკაში გამგზავრების წინ შეხვდა და ესაუბრა ვასილ რუხაძეს, რომელიც ოჰაიოს შტატში, ამერიკის ერთ-ერთი დიდი უმაღლესი სასწავლებლის - კენt sტეიტ უნივერსიტეტის პოლიტიკურ მეცნიერებათა ფაკულტეტის დოქტარანტია.

ოთხმოცდაათიანი წლების მიწურულს, 23 წლის იყო, როცა აშშ-ში გაემგზავრა, როგორც ენის შემსწავლელი სტუდენტი. 2 წელი ნიუ-იორკში ინგლისურ ენას სწავლობდა. პარალელურად, იმისთვის რომ თავი გადაერჩინა, ყველა სახის სამუშაოს შესრულება უხდებოდა, იქნებოდა ეს ავეჯის გადატანა, ღებვა, სამშენებლო სამუშაოები, ბინების რემონტი, თუ მიმტანად მუშაობა.

ნიუ-იორკის სიტი უნივერსიტეტის პოლიტიკურ მეცნიერებათა ფაკულტეტის მაგისტრატურის დამთავრების შემდეგ, 3 წლის მანძილზე ნიუ-იორკის ერთ-ერთ იურიდიულ სერვისში მუშაობდა, მერე - კენტ სტეიტ (კოლუმბიის) უნივერსიტეტში, როგორც მიწვეული მკვლევარი. ერთი წლის წინ ჩაირიცხა კენt sტეიt უნივერსიტეტში, რომელსაც 3 წლის შემდეგ დაამთავრებს. სწავლის პარალელურად ამავე უნივერსიტეტის კონფლიქტების გადაწყვეტის ცენტრში მკვლევარად მუშაობს. 11-წლიანი ემიგრანტობის მანძილზე სამშობლოში პირველად გასული წლის აგვისტოში ჩამოვიდა და როგორც თავად ამბობს, პირდაპირ გორის დაბომბვაში მოჰყვა. მეორედ ექვსი კვირის წინ ჩამოვიდა. სწავლის დასრულების შემდეგ, იგი სამშობლოში დაბრუნებას და იქ მიღებული ცოდნის აქ გამოყენებას გეგმავს. ამბობს, რომ ესაა მისი ცხოვრების მიზანი.

ვასილ რუხაძე: საქართველოდან 1999 წლის იანვარში წავედი. მაშინ 23 წლის გახლდით, თბილისის სახელმწიფო უნივერსიტეტის ისტორიის ფაკულტეტი, პოლიტოლოგიის სპეციალობით, ახალი დამთავრებული მქონდა. ძალიან მძიმე მდგომარეობა იყო, არა მხოლოდ ეკონომიკური გაპარტახების და პოლიტიკური არასტაბილურობის კუთხით; ეს ვრცელი პრობლემა იყო, საერთოდ ქართული სახელმწიფოებრიობის, საზოგადოების ფსიქოლოგიური მდგომარეობის. საქართველოდან აშშ-ში ჩემი გაგზავრებაც სწორედ ამან გამოიწვია, რადგან როდესაც ახალგაზრდა ადამიანმა მივიხედ-მოვიხედე, ჩემი ადგილი აქ არ იყო. სიტუაცია, როგორც ათეულ-ათასობით ქართველს, მეც მაიძულებდა ამ ქვეყნიდან წავსულიყავი.

11 წლის შემდეგ ცვლილება, რაც ჩემი თვალით დავინახე, განსაკუთრებით თბილისში, ბათუმში და რამდენიმე დიდ ქალაქში, ძალიან დიდია. ბევრი სტრუქტურული მშენებლობები მიმდინარეობს. მთლიანობაში ძალიან დიდი გაჭირვებაა - უამრავი ქართული ოჯახი კვლავ საკუთარი არსებობის გადარჩენისთვის იბრძვის. საზოგადოების საკმაოდ ფართო ფენებში ჯერ კიდევ არის ღრმა პოლიტიკური არასტაბილურობის, გარკვეული უიმედობის შეგრძნება. შეიგრძნობა მთლიანი საზოგადოებრივი კრიზისი, საზოგადოების, რომელმაც განვითარების რაღაც ეტაპზე ძალიან ძლიერი პოლიტიკური დარტყმა მიიღო. ესაა ერთგვარი შენელების და სტაგნაციის განცდა, რომელიც სხვა ქვეყნიდან ჩამოსულ ადამიანს გეუფლება. ვიმედოვნებ რომ ეს მდგომარეობა დროებითია, მაგრამ ყოველ შემთხვევაში, დღეს, საქართველოს განვითარება შეჩერებულია, რაც უმთავრესად 2008 წლის ომმა განაპირობა და შემდეგ ამის აქსელერაცია მსოფლიო ეკონომიკურმა კრიზისმა მოახდინა.

ახლა თუ ხედავთ თქვენს ადგილს საქართველოში, დაბრუნებას თუ აპირებთ?
- ამჟამად აშშ-ში ვსწავლობ, 3 წელი დამრჩა. ჩემი დიდი სურვილია სწავლის დასრულების შემდეგ 1 წელი ვაშინგტონის რომელიმე პოლიტიკურ ორგანოში ვიმუშაო. ჩემი ცხოვრების მიზანი გახლავთ საქართველოში დავბრუნდე და ამ ქვეყანას ვემსახურო.

როგორია ამერიკიდან დანახული საქართველო და რა არის იმის მიზეზი, რომ ქართული სახელმწიფო ფეხზე ვერ დგება?
- იქიდან დანახული საქართველო არის ძალიან სამწუხარო. თავიდან, როდესაც გარკვეულ ცვლილებებს ხედავ, რა თქმა უნდა, შენი ქვეყნის კარგი გიხარია. სულ სხვანაირად ჩანს, როდესაც ამ ყველაფერს ყოფიერ დონეზე ეხები - როდესაც თბილისის, ქუთაისის, ბათუმის ქუჩებში, სხვადასხვა სოფლებში დადიხარ, ცოტა სხვა განცდაა. იქიდან დანახული საქართველო არის უპირველეს ყოვლისა ქვეყანა, რომელმაც თავისი შესაძლებლობები (როგორც ინტელექტუალური, ისე ეკონომიკური და სხვა) სრულად ვერ განახორციელა.

პირველი, ყველაზე დიდი პრობლემა, რაც ჩვენ გვაქვს, არის შრომის დაბალი ეთიკა. შორს ვარ იმ აზრისგან, რომ ქართველი ზარმაცია. უბრალოდ, ჩვენ შრომის დისციპლინა გვაკლია. ყველა წარმატებული საზოგადოება, ძალიან მკაცრ შინაგან დისციპლინას ემყარება, საკუთარ თავზე მუშაობას. ამასთან, ჩვენში ძალიან დაბალია განათლების დონე. საქართველოს სპეციალისტების ქრონიკული კრიზისი აქვს. ვგულისხმობ ადმინისტრაციული მართვის ორგანოებს, სამინისტროებს, საკანონმდებლო ორგანოებს და ასევე, მნიშვნელოვანწილად კერძო სექტორს. მესამე პრობლემა ისაა, რომ ჩვენში ინდივიდუალური ინიციატივა ძალიან დაბალია, რადგან ქართული საზოგადოება თავიდანვე ლიდერზე იყო აგებული და არ წარმოქმნილა, როგორც მაგალითად ამერიკული, ან დიდი ბრიტანეთის საზოგადოება, პატარა სამოქალაქო საზოგადოებebის შეკრების ნიადაგზე. ეს წარმოიშვა მეფის, როგორც ერთი სამხედრო-პოლიტიკური ლიდერის ირგვლივ გაერთიანებული საზოგადოება.

ამას დაემატა ორასწლიანი კოლონიური ისტორია, რამაც საქართველო მთლიანად სახელმწიფო მექანიზმზე დამოკიდებული გახადა. აქედან გამომდინარე, ჩვენში ყველა საკითხი და ასე ვთქვათ ხსნის პროგრამა იმასთან ასოცირდება, რომ ეს ან მთავრობისგან უნდა გამოდიოდეს და ან მთავრობა უნდა იყოს დამნაშავე. საერთოდ, ლიდერზე უკიდურესი დამოკიდებულების სინდრომი ძალიან ხშირია იზოლირებულ საზოგადოებებში. ამას ემატება ოკუპაცია (117 წლიანს პლუს 70 წლიანი კომუნისტური), რომელიც საქართველომ გაიარა. ჩვენ ხომ დღეს პოსტკოლონიურ საზოგადოებაში ვცხოვრობთ?! შრომის ძალიან დაბალი ეთიკა და განათლების უკიდურესი ნაკლებობა, ეს ყველაფერი ერთმანეთში ძალიან რთულადაა გადახლართული და შედეგად გვაქვს ის, რაც გვაქვს.

როგორ წარმოგიდგენიათ აფხაზეთის და ცხინვალის რეგიონის დაბრუნება?
- საქართველო დგას ძალიან ძლიერი ქვეყნის წინაშე (რუსეთს ვგულისხმობ), რომელიც დათმობას არ აპირებს. უფრო მეტიც - ესაა ქვეყანა, რომელიც ხელს უშლის კავკასიაში საქართველოს, როგორც წარმატებული ქვეყნის არსებობის პრეცენდენტს, იმდენად, რამდენადაც თუ საქართველო ჩამოყალიბდება, როგორც წარმატებული ქვეყანა სამხრეთ კავკასიაში, ეს მუდმივად იქნება რუსულ ჩრდილოეთ კავკასიაში არასტაბილურობის, აჯანყებების და ა.შ. კერა, რადგან თავისუფლებისა და დემოკრატიული განვითარების მოსურნე ერები (მაგალითად ჩეჩნები, დაღესტნელები, აზერბაიჯანელები, სომხები და ა.შ.), ყოველთვის ეცდებიან საქართველოს მიბაძონ. აქედან გამომდინარე, რუსეთის პოლიტიკური რეჟიმის წინაშე საკითხი ძალიან მარტივად დგას, რომ მოსპოს ქართული სახელმწიფოებრიობა, რომ მოსპოს ეს მაგალითი, თუკი ოდესმე საქართველო შედგება, როგორც წარმატებული სახელმწიფო. ეს პრობლემა ძალიან გადაჯაჭვულია აფხაზეთის და შიდა ქართლის საკითხთან.

სამწუხაროდ, ერთადერთი ყველაზე დიდი ბერკეტი, რაც ამჟამად საქართველოს გააჩნია, არის დასავლეთი, რომელსაც რუსეთთან თავისი უამრავი პოლიტიკური პრობლემა აქვს და ცდილობს ეს პრობლემები რამენაირად გადაწყვიტოს. ძალიან ბევრი პოლიტიკოსის განცხადების მიუხედავად, დასავლეთის წინაშე ქართული საკითხი და აფხაზეთის და ”სამხრეთ ოსეთის” საკითხი ასე მკვეთრად, ასეთი სიმწვავით არ დგას. ეს არის რეალობა.

რამდენადაც სამწუხარო არ უნდა იყოს ამის მოსმენა, გარკვეული დროის შემდეგ რუსეთი საქართველოს ოკუპაციას (ამჯერად სრულ ოკუპაციას) კიდევ ერთხელ ეცდება. ეს იქნება დრო, როდესაც ქართული საზოგადოების წინაშე მთელი სიმძლავრით უნდა დადგეს საკითხი, რომ გადაარჩინოს ქართული სახელმწიფო და დაკარგული ტერიტორიები დაიბრუნოს. ეს დრო მოვა, რადგან რუსული რეჟიმი აუცილებლად ეცდება სამხრეთ კავკასიაში ქართული სახელმწიფო მოსპოს. ჩვენ ამისთვის მზად უნდა ვიყოთ, უპირველეს ყოვლისა მორალურად, შემდეგ ფიზიკურად, რომ ეს საკითხი გადავწყვიტოთ ისე, როგორც ქართულ სახელმწიფოს შეეფერება.

რატომ ხდება ეროვნული ფასეულობების, ჩვენი ტრადიციებისა და მართლმადიდებლობის უგულებელყოფის და ”დასავლური ფასეულობების” წინა პლანზე წამოწევის საფუძველი უცხოეთში გატარებული 2-3 წელი?
- ჩვენი ერი, ჩვენი საზოგადოება იმ სამყაროს ეკუთვნის, რომელსაც ჩვენ მოვწყდით. ბუნებრივია, ევროპას ვგულისხმობ. ქართული ფასეულობებისთვის არა თუ უცხოა დასავლური ფასეულობები, არამედ, სწორედ ჩვენ ვართ ამ ფასეულობების ერთ-ერთი შემომქმედი. ქართული აზროვნება, მე-11-12-13 საუკუნეებში, როდესაც ქართული სახელმწიფო მისი ძლიერების ზენიტში იდგა, ქართული საზოგადოება წმინდა წყლის ინდივიდუალური საზოგადოება გახლდათ, ინდივიდუალურ პასუხისმგებლობაზე, ტოლერანტობაზე დამყარებული, რომელიც ასევე რელიგიურ თავისუფლებასაც ითვალისწინებდა.

დასანანი ისაა, რომ დღეს დასავლეთისთვის დამახასიათებელი სხვადასხვა ცხოვრებისეული ყოფითი ელემენტები, ჩვენში ძალიან ცუდად შემოიტანეს და ამას დაარქვეს თავისუფლება და დასავლეთი. დღეს ამ ფასეულობების ასე მახინჯად ექსპორტი, უპირველესად თავად ამ ადამიანების დაბალ ინტელექტუალობასა და სულიერ განვითარებაზე მიუთითებს. არაფერი არ არის უფრო ანტიდასავლური და ანტიამერიკული, ვიდრე საკუთარი ფასეულობების, ეროვნულობისა და ტრადიციების უარყოფა.

ხშირად მესმის რომ საქართველო არის გაორებული ცივილიზაცია, გაორებული კულტურა. პათეტიკურად კითხულობენ - ვინ ვართ ჩვენ, ევროპა თუ აზია? რა თქმა უნდა, საქართველო არის ევროპა, ევროპული კულტურა, ევროპული ცივილიზაცია. ეს ბალასტი, რომელიც მივიწებეთ, არის იზოლაციონალიზმის და ხანგრძლივი ოკუპაციის შედეგი, რომლისგანაც ჩვენ უნდა განვიწმინდოთ. დასავლური ფასეულობა (რომელსაც არც მინდა, რომ დასავლური ვუწოდო, რადგან ის ისევეა დასავლური, როგორც არის ქართული, გერმანული, შვედური) ემყარება ძალიან მტკიცე შრომის ეთიკას, საკუთარი კულტურის, საკუთარი რელიგიის პატივისცემას, ისევე, როგორც ემყარება სხვა ეროვნებების და სხვა მრწამსის ადამიანების პატივისცემას. ეს ორი ერთმანეთს აბსოლუტურად არ გამორიცხავს.

დასავლური კულტურა და მშვიდობა არ ნიშნავს გულხელდაკრეფილ ჯდომას და სხვის იმედად ყოფნას. უპირველესად ეს არის ჩვენი ძალა, ენერგია, რომელიც ქართველებმა უნდა მოვიკრიბოთ და შევქმნათ ჭეშმარიტად ქართული საზოგადოება, ქართული სახელმწიფო, რომელიც ნიშნავს ევროპულს. ჩვენ ვართ ევროპის ნაწილი; საქართველო, როგორც აღვნიშნე, ისტორიული ბედუკუღმართობით გამოწვეული იზოლაციონიზმის მსხვერპლი იყო. მაქსიმალურად უნდა ვეცადოთ ევროპაში დავბრუნდეთ. სხვაგვარად ქართულ სახელმწიფოს მომავალი არა აქვს.

presa.ge

ომში დაზარალებულები შეიარაღებულმა სპეცრაზმმა გამოყარა [Video]

შიდა ქართლის გუბერნიის შენობიდან აგვისტოს ომით დაზარალებულები АКС-ის ტიპის ავტომატებით შეიარაღებულმა სპეცრაზმმა გამოყარა.

8 აგვისტოს, როცა მთელი ქვეყნის მასშტაბით აგვისტოს ომის წლისთავი აღინიშნებოდა, გორის რაიონის ორი სოფლის – ფლავისა და ფლავისმანის მოსახლეობა გუბერნატორ ლადო ვარძელაშვილთან ითხოვდა შეხვედრას, სოციალური და სხვა პრობლემების გასაზიარებლად.
ორივე სოფელი ცხინვალის კონტროლირებად ტერიტორიას ესაზღვრება. მოსახლეობის განცხადებით, გუბერნატორის მდივანმა მათ განუცხადა, რომ ვარძელაშვილი ადგილზე არ იმყოფებოდა.

როცა ხალხმა მოითხოვა, რომ მდივნის ნათქვამი საკუთარი თვალით ენახა, გუბერნატორის თანაშემწემ მოსახლეობას განუცხადა – ”შეგიძლიათ, ტუალეტშიც ნახოთ”...

[factnews.ge]

ზუგდიდის “საკნის პატიმრები” „მიშა მაგარიას“ ამღერებენ [video]

ზუგდიდის „საკნის პატიმრებმა“ ახალი კლიპის „მიშა მაგარია?“–ს პრეზენტაცია ქალაქის შუაგულში გამართეს. ვიდეო–პროექტორზე ზუგდიდელები „მიშა მაგარია“–ს „განახლებულ“ ვარიანტს ისმენდნენ. საკნების აქციის მონაწილეებმა კლიპი საგანგებოდ დაამონტაჟეს, ტექსტი და მუსიკა იგივე დარჩა. ცნობილ კადრებში მიხეილ სააკაშვილი გაქცევითა და ჰალსტუხის ღეჭვით გამოჩნდა.

შეგახსენებთ, რომ ზუგდიდში საკნების აქცია შადრევანზე აცეკვებული “მიშა მაგარიას” ფონზე დიდი ხნის განმავლობაში მიმდინარეობდა. საკნის “პატიმრები” ამ სიმღერას დღე-ღამის განმავლობაში თითქმის განუწყვეტლივ ისმენდნენ.
“ჩვენ, მოსახლეობას დავანახეთ მიხეილ სააკაშვილის ნამდვილი სახე და ზუგდიდელ ჩინოვნიკებს და საზოგადოებას ვაჩვენეთ, თუ როგორი „მაგარია“ პრეზიდენტი სააკაშვილი “– აცხადებს კახა მიქაია.
დიდ ეკრანზე კლიპის გამოჩენამ სამართალდამცავთა დაბნეულობა გამოიწვია...

საქართველოს ტაძრებში დღეს, 15.00 საათზე ზარი დაირეკება...

გასული წლის აგვისტოს ომში დაღუპულთა პატივსაცემად დღეს, 15।00 საათზე საქართველოს ყველა ტაძარში ზარი დაირეკება.

როგორც "ღია ბოქლომს" საქართველოს საპატრიარქოდან აცნობეს, 16.00 საათზე საქართველოს ყველა ეკლესიაში ომში დაღუპულ მამულიშვილთა სულის მოსახსენებელი პანაშვიდი შესრულდება.
სრულიად საქართველოს კათოლიკოს-პატრიარქი, უწმინდესი და უნეტარესი ილია II პანაშვიდს სამების საპატრიარქო ტაძარში აღავლენს.

Теракт в Назрани совершили два смертника

В автомобиле "Газель", который взорвался в понедельник, 17 августа, у здания ОВД Назрани, находились два террориста-смертника. Об этом сообщает ИТАР-ТАСС со ссылкой на источник в правоохранительных органах Ингушетии.

По данным собеседника агентства, взрыв произошел после того, как один из сотрудников милиции попытался открыть дверь и вытащить водителя автомобиля. В этот момент второй находившийся в "Газели" человек привел в действие взрывное устройство. Мощность бомбы по оценке Следственного комитета при прокуратуре РФ составляет примерно 200 килограммов в тротиловом эквиваленте.

В понедельник в 09:06 по московскому времени "Газель" протаранила ворота двора, внутри которого находится здание районного и городского ОВД Назрани, после чего произошел взрыв. По предварительным данным, в результате теракта 20 человек погибли, 138 получили ранения. Еще 20 человек могут находиться под завалами зданий.

Ранее заместитель министра внутренних дел Ингушетии Зяудин Доурбеков заявлял, что "Газель", с помощью которой был осуществлен теракт, числилась в угоне, а в МВД знали о подготовке теракта еще 15 августа. Позднее агентство РИА Новости со ссылкой на источник в правоохранительных органах Ингушетии сообщило, что автомобиль был куплен у жителя города Малгобек и в угоне не числился.

В связи с инцидентом в Назрани президент РФ Дмитрий Медведев отстранил от занимаемой должности министра внутренних дел Ингушетии Руслана Мейриева. Медведев отметил, что теракт является свидетельством неудовлетворительной работы ингушских правоохранительных органов.

თბილისში დაახლოებით ოცამდე “წამლის ტოჩკაა”

დღემდე ვერ ვხვდები, რატომ უნდა განარკომანდეს სპორტსმენი. ეს წარმოუდგენელია განა იმიტომ, რომ სპორტსმენი ადამიანი არ არის და მას არ შეიძლება ჰქონდეს სუსტი ნებისყოფა.

უბრალოდ შეუძლებელია, ნორმალური ადამიანი მინდორზე ოფლს ღვრიდეს, თუნდაც მცირე წარმატებას აღწევდეს და წლების განმავლობაში გაწეულ წვალებას მავან “ბარიგებსა” და მათ მსგავს ერთუჯრედიან არსებებს სწირავდეს.

დიეგო მარადონას წინააღმდეგობებით სავსე ბიოგრაფიის გაცნობის შემდეგ, სამწუხაროდ საქართველოში ბევრისგან გაიგონებთ, რომ “დიეგომ ისეთ სიმაღლეებს მიაღწია, მისთვის ნარკომანობაც დაშვებულიაო”. ეს აზრი წარმატებულ მაგრამ განარკომანებულ არასპორტსმენ ადამიანებზეც ვრცელდება.

საერთოდ, ჩვენი ხალხი ნარკომანიისადმი ლოიალურია იმ შემთხვევაში, თუკი ნარკომანი წარმატებული ადამიანია. “წარმატებულს კი ყველაფრის უფლება აქვს!” რაოდენ საკამათოა ეს აზრი, ამაზე საუბარიც კი ზედმეტია, მაგრამ მე ყველაზე მეტად გული იმ ახალგაზრდა სპორტსმენებზე მწყდება, რომლებმაც ჯერ ვითომდა “უწყინარი” მარიხუანით დაიწყეს საკუთარი მომავლის ნგრევა, ბოლოს კი ათასი ქიმიური ნაგვით გაძეძგილი შპრიცებით დაამთავრეს.

ამასწინათ გაზეთების მორიგი ქექვისას გადავაწყდი 1998 წლის ინტერვიუს ავადსახსენებელ და ბოლო დროს ისევ პოლიტიკურ ასპარეზზე გამოჩენილ ყოფილ შინაგან საქმეთა მინისტრთან – კახა თარგამაძესთან.

მაშინ მინისტრი თარგამაძე ლამის ხატზე იფიცებდა, რომ სულ მალე საქართველოში ე.წ. წამლის ბარიგების სახსენებელი აღარ იქნებაო და იმაშიც გვარწმუნებდა, რომ ყველა ნარკოგამსაღებელს ჩვენი სამინისტრო ჯიშ-ჯილაგს აულაგმავსო. ოპააა.. აგერ ვართ ჩვენ, დგას ქრისტეშობიდან 2009 წელი და ნარკოტიკის შეძენა კვლავ ძალიან, ძალიან უპრობლემოდ შეიძლება.

მოკლედ ასე, რამდენიმე დღის წინ ვზივარ სოლოლაკად წოდებული უბნის ერთ-ერთი სადარბაზოს წინ ძელსკამზე, ჩემთვის, ვარ თბილისური სიცხისაგან დაბოღმილი, ვუყურებ მინი-სტადიონზე ბავშვების თამაშს ვაკნატუნებ მზესუმზირას და გვერდით სკამზე მსხდომი სამი ახალგაზრდა ყმაწვილკაცის საუბარს ჩემდაუნებურად ვაყურადებ.

მათი საუბრიდან ირკვევა, რომ თბილისში დაახლოებით ოცამდე “წამლის ტოჩკაა”. ყველაზე იაფად წამალს თემქელი ნაზი ყიდის, ვერელი მამუკა როგორც ირკვევა “მაგარი გნიდაა” და ნისიად არაფერს არ იძლევა.

მავანი ბარიგა, მეტსახელად “კალაბოკა” კი ფრიად უსინდისო ვინმე ყოფილა და მასთან მისულ, ფულის ძლივს მშოვნელ, აკანკალებულ, წამლის მოწყურებულ ბიჭებს, თურმე ხშირად ატყუებს და ნარკოტიკის ნაცვლად არაფრის მაქნის ე.წ. ნეიტრალურ წამლებს ატანს.

ვუსმენ სოლოლაკელი ბიჭების ამ საუბარს და თავში მისტიური 1998 წელი მიტრიალებს, რომელიც თარგამაძემ ნარკობარიგების არსებობის დასასრულად გამოაცხადა და მავან “კალაბოკაზე” ვფიქრობ, იმ კალაბოკაზე, რომელიც კვლავ მშვიდად და უპრობლემოდ აგრძელებს თავის “საქმიანობას”.

და ბოლოს, პირადად ვიცნობ რამდენიმე თბილისელ ნარკომანს, მაგრამ ყველაზე მეტად, მაინც 19 წლის ირაკლი მეცოდება, რომელიც თემაქაზე ცხოვრობს და უკვე სამი წელიწადია “სუბოტექსზეა” მიჯაჭვული. ჩვეულებრივი, უბრალო თბილისელი ბიჭია ეს ირაკლი და სულაც არა ჰგავს თავის წამლისაგან დაშტერებულ თანამეინახეებს.

ბევრი პატარა, ნიჭიერი ფეხბურთელი მინახავს, მაგრამ არა მგონია რომელიმე ყოფილიყო ირაკლის დარი. მე და ჩემი მეგობრები სტადიონზე სწორედ 14-15 წლის ირაკლის თამაშის სანახავად დავდიოდით ხოლმე და იქიდან გახარებულები ვბრუნდებოდით, რომ პირადად ვიცნობდით ისეთ ბავშვს, რომელიც მალე მთელს მსოფლიოს აალაპარაკებდა.

ახლა კი, ზის ირაკლი თავის ოთახში, და თან საათს უყურებს როდის მივა მისი ძმაკაცი, რომ “ბარიგისაგან” ნაყიდი სუბოტექსი ვენაში ჰყოს, მერე კი უკვე სულ ერთი იქნება ყველაფერი. ირაკლის ცხოვრების წესის შეცვლა ნამდვილად არაა წარმოუდგენელი, მაგრამ ამას სამწუხაროდ არავინ ცდილობს.

[presa.ge]

პეტიცია საზ. მაუწყებელთან დაკავშირებით – შემოგვიერთდით!

საზოგადოებრივი მაუწყებლის გენერალური დირექტორის არჩევნების გამჭვირვალედ და სამართლიანად ჩასატარებლად, აუცილებლად ვთვლით, სამეურვეო საბჭომ უზრუნველყოს შემდეგი მოთხოვნების შესრულება:

1. 6 აგვისტოს, პირველი არხის პირდაპირ ეთერში გადაიცეს საჯარო დებატები, რომელშიც მონაწილეობას მიიღებენ მეორე ტურში გასული კანდიდატები, სამეურვეო საბჭოს წევრები და სამოქალაქო საზოგადოების წარმომადგენლები;

2. 7 და 8 აგვისტოს პირდაპირ ეთერში გადაიცეს გასაუბრებები საბჭოს წევრებსა და კანდიდატებს შორის;

3. არჩევნებში გამარჯვებული კანდიდატის გამოვლენის დღეს, პირველი არხის პირდაპირ ეთერში გაიმართოს საჯარო შეხვედრა სამეურვეო საბჭოს წევრების, ახალი გენერალური დირექტორისა და სამოქალაქო საზოგადოების წარმომადგენლების მონაწილეობით;

ჩვენს მიერ წამოყენებული მოთხოვნების შეუსრულებლობის შემთხვევაში, უნდობლობას ვუცხადებთ სამეურვეო საბჭოს გადაწყვეტილებას და უფლებას ვიტოვებთ, მოვითხოვოთ საზოგადოებრივი მაუწყებლის გენერალური დირექტორის არჩევნების გადატანა ახალი სამეურვეო საბჭოს არჩევნებამდე.

1. ლაშა ბაქრაძე – პუბლიცისტი
2. ლელა გაფრინდაშვილი – ფილოსოფოსი
3. ნინო დანელია – მედია მკვლევარი, საზოგადოებრივ საქმეთა ინსტიტუტი
4. შორენა შავერდაშვილი – ჟურნალი „ლიბერალი“
5. ნინია კაკაბაძე – ჟურნალისტი, გაზეთი „24 საათი“
6. ნინო ზურიაშვილი – ჟურნალისტი, სტუდია „მონიტორი“
7. ეკა სირაძე – იურისტი
8. გიგა ზედანია – ფილოსოფოსი
9. სალომე ჯაში – კინოდოკუმენტალისტი, ჟურნალისტი
10. სოფო ბუკია – ჟურნალისტი, ჟურნალი „ლიბერალი“
11.დავით ბუხრიკიძე – ხელოვნებათმცოდნე, პუბლიცისტი
12. ანა დოლიძე – იურისტი
13. დავით გაბუნია – მთარგმნელი, პუბლიცისტი
14. ვასო გაბუნია – ბიოლოგი, კინოდოკუმენტალისტი, სტუდია "პილიგრიმი".
15. ნინო ხაჭაპურიძე – ფსიქოლოგი
16. გიორგი კოპალეიშვილი – პიარის სპეციალისტი
17. ნინო ჭელიძე – მარკეტოლოგი
18. ალექსანდრა გაბუნია – ხელოვნებათმცოდნე, კურატორი
19. მაგდა გურული – თანამედროვე ხელოვნების კურატორი
20. ლადო ბურდული – მუსიკოსი
21. დიანა ტრაპაიძე – ჟურნალისტი
22. ნოდარ ლადარია – პუბლიცისტი
23. ილია ჩაჩიბაია – ჟურნალისტი
24. რუსიკო ამირეჯიბი – კოლუმბიის უნივერსიტეტის მოწვეული პროფესორი
25. ნინო რობაქიძე - ჟურნალისტი
26. მალხაზ ხარბედია - ფილოლოგი
27. ანა ძიაფშიპა - ხელოვნებათმცოდნე
28. სანდრო ნავერიანი – ჟურნალისტი
29. დალი კუპრავა – ჟურნალისტი
30. ბესო კურტანიძე – ჟურნალისტი
31. ლევან ძნელაძე – საერთაშორისო ურთიერთობების სპეციალისტი
32. რატი ამაღლობელი – პოეტი
33. ანიტა თვაური – ჟურნალისტი
34. რუსო ფანოზიშვილი – ჟურნალისტი
35. სოფო ზედელაშვილი – ჟურნალიტი, სტუდია "რე"
36. მიხეილ სვანიძე – ანთროპოლოგი
37. ზაალ ანდრონიკაშვილი
38. მარიამ გუჯეჯიანი – თარჯიმანი
39. გიგი ჯიქია – სტუდენტი
40. ეკა აღდგომელაშვილი – რედაქტორი, ჟურნალი "მე"
41. ნათია ახალაშვილი – ჟურნალისტი
42. გიორგი მაისურაძე – ფილოსოფოსი
43. ნინო ლეჟავა – იურისტი
44. ნესტან ცეცხლაძე – ჟურნალისტი, გაზეთი "ბათუმელები"
45. დავით ჩაგანავა – სტუდენტი
46. თამარ ხორბალაძე – ჟურნალისტი
47. გერონტი ყალიჩავა – ჟურნალისტი, ზუგდიდი
48. ლიკა ღლონტი – ტემპუსის ეროვნული ოფისი
49. ქეთი ქანთარია – მთარგმნელი
50. ნატალია ზაზაშვილი – ფსიქოლოგი
51. ნინო ჟიჟილაშვილი – ჟურნალისტი
52. თამარ ბაბუაძე – ჟურნალისტი, ჟურნალი "ლიბერალი"
53. ანა ქეშელაშვილი – ასისტენტ პროფესორი, საზოგადოებრივ საქმეთა ინსტიტუტი
54. დავით ხაბურზანია – ტელეწამყვანი
55. ზაზა რუსაძე – რეჟისორი
56. ერეკლე ურუშაძე – საერთაშორისო უერთიერთობები სპეციალისტი
57. ლია ჯაყელი
58. ეკა ჭითანავა – ჟურნალისტი
59. თამარ ღონღაძე – ჟურნალისტი
60. ნანა ჯანაშია - კავკასიის გარემოსდაცვითი არასამთავრობო ორგანიზაციების ქსელი (CENN)
61. სოფო ჭაავა, ჟურნალისტი – ჟურნალი "ლიბერალი"
62. თამარ ქაროსანიძე – "გამჭვირვალობა საქართველო"
63. ნინო ევგენიძე – ეკონომიკური პოლიტიკის კვლევის ცენტრი
64. თეა თუთბერიძე – თავისუფლების ინსტიტუტი
65. ბასილ კობახიძე - რელიგიათმცოდნე
66. ელენე კალანდაძე – ეკონომისტი, ჟურნალისტი
67. თეა სხიერელი – ტელემაყურებელი
68. მარიკა ქოჩიაშვილი – ჟურნალისტი
69. მაია წიკლაური – ჟურნალისტი
70. თამარ ჩხეიძე – ჟურნალი "ტელეგრაფი"
71. გვანცა კობერიძე – სტუდენტი
72. ილიკო ზაუტაშვილი – მხატვარი
73. დუდუ კურდღელია – ტექნიკური პროდიუსერი, "რუსთავი 2"
74. ლანა ბერიძე - ჟურნალისტი, ”რეზონანსი”,
75. გაგა (გიორგი) ნიჟარაძე - ფსიქოლოგი
76. თამარ ხიდაშელი - იურისტი, საია
77. ელისო ჩაფიძე - ჟურნალისტი, ”რეზონანსი”
78. ლაშა ტუღუში - ”რეზონანსი”
79. ნინო ბექიშვილი - ”ლიბერალი”
80. პაატა საბელაშვილი - ფონდი ”ინკლუზივი”
81. ქეთევან სადღობელაშვილი - ჟურნალისტი
82. იაგო კაჭკაჭიშვილი - სოციოლოგი
83. ანი მიროტაძე - ჟურნალისტი, ”პირველი”
84. ვანო პავლიაშვილი - ჟურნალისტი, ”ფაქტნიუსი”
85. ლია ჩახუნაშვილი - ჟურნალისტი
86. თეონა ჭკადუა - ჟურნალისტი, რადიო ”ქალაქი”
87. თინიკო დვალიშვილი - კავკასიის ჟურნალისტთა საერთაშორისო ცენტრი
88. ნინო ჩინჩლაძე - საერთაშორისო განვითარების ცენტრი
89. თამარ ჩიქოვანი - ჟურნალისტი
90. თამარ რუხაძე - სტუდია ჯი-ენ-ეს
91. ზაზა სიხარულიძე - ღვთისშვილთა კავშირი
92. ნინო ლომაძე – ჟურნალისტი, "ცხელი შოკოლადი"
93. თეო ხატიაშვილი – კინომცოდნე
94. სოფო კილასონია – ხელოვნებათმოცდნე, "24 საათი"
95. ალექსანდრე ელისაშვილი – ჟურნალისტი
96. მარინა ხატიაშვილი – ხელოვნების ისტორიკოსი
97. ნინო ძანძავა – კინომცოდნე
98. დავით დალაქიშვილი
99. ირაკლი კაკაბაძე
100. თამარ ხალხითაშვილი – ფილოლოგი
101. ანა არგანაშვილი
102. რუსკა მირი
103. დავით მჭედლიძე – media.ge
104. გიორგი კეკელიძე – მწერალი
105. ია ანთაძე – "რადიო თავისუფლების' ჟურნალისტი, სამოქალაქო განვითარების ინსტიტუტის გამგეობის თავმჯდომარე

თუ გსურთ პეტიციას საზ. მაუწყებელთან დაკავშირებით შეუერთდეთ გამოაგზავნეთ თქვენი სახელი, გვარი და პროფესია ელექტრონულ მისამართზე: shorena.shaverdashvili@gmail.com

ცხინვალთან ახლოს რუსი სამხედროების წვრთნები დაიწყო

ოსი სეპარატისტების კონტროლირებად ტერიტორიაზე, ცხინვალთან ახლოს სამხედრო წვრთნები დაიწყო.
წვრთნები საზეიმო ვითარებაში ცხინვალის მარიონეტელი რეჟიმის ლიდერმა, ედუარდ კოკოითმა გუშინ საღამოს გახსნა.
როგორც კოკოითიმ განცხადება, რუსეთის შეირაღებული ძალების ის დანაყოფი, რომელიც დისლოცირებულია სამხრეთ ოსეთში, ოფიციალურად იწყებს საწვრთნელ მომზადებას, თუმცა მას არ დაუკონკრეტებია, რამდენ ხანს გაგრძელდება წვრთნები.
ოსი სეპარატისტების ლიდერის განცხადებით, თუ წვრთნების განმავლობაში რეგიონში სტაბილურობის შენარჩუნებას რაიმე საფრთხე დაემუქრება, საწვრთნელი კონტინგენტი გამოყენებული იქნება, რათა სტაბილურობის შენარჩუნდეს.

გიორგი

სააგენტო

საინფორმაციო სააგენტო

ზუგდიდის პოლიცია გარემოვაჭრეებს ფიზიკურად გაუსწორდა[ვიდეო]

პოლიციისა და გარემოვაჭრეების ორდღიანი დაპირისპირება ფიზიკური ანგარიშსწორებით დასრულდა. პოლიციელების მიერ ნაცემია ექვსამდე ქალბატონი და საკნების აქციის ორი მონაწილე. 2 აგვისტოს კი გარევაჭრობის აკრძალვის მიზნით ჩატარებული სპეცოპერაციის შედეგად 26 წლის ნინო ჯობავამ მარცხენა თვალის მძიმე დაზიანება მიიღო. იგი იმავე დღეს ქუთაისის სამედიცინო ცენტრში გადაიყვანეს.

ზუგდიდის ბაზრის მიმდებარე ტერიტორიაზე გარევაჭრობის აკრძალვა საპატრულო სამსახურის, სამხარეო და ზუგდიდის პოლიციის სამმართველოს თანამშრომლებმა პირველ აგვისტოს დილიდან ისე დაიწყეს, რომ მოვაჭრეებმა სავაჭრო დახლების გაშლა ვერ მოასწრეს.

ხანგრძლივი სიტყვიერი დაპირისპირების შემდეგ 200-მდე გარემოვაჭრე საკნების აქციას შეუერთდა და ოპოზიციისგან დახმარება ითხოვა. ისინი ბაზრის ადმინისტრაციასა და ზედამხედველობის სამსახურს მათ წინააღმდეგ პოლიციის ჯგუფების გამოყენებაში ადანაშაულებდნენ.

იზოლდა ჩემია: “ზედამხედველობის სამსახურის უფროსი, ლევან მესხია მზად იყო, დაუმორჩილებლობის შემთხვევაში ჩვენს წინააღმდეგ წყლის ჭავლი გამოეყენებინა. პოლიციასთან ერთად იქვე მობილიზებული იყო სახანძრო სამსახურის მანქანები. ისინი სამუშაო ადგილებს ბაზრის ტერიტორიაზე გვთავაზობდნენ. გვპირდებოდნენ, რომ გადასახადებს არ გადაგვახდევინებდნენ, მაგრამ ვიცით, რომ ეს სატყუარაა, წვრილმანი ვაჭრობით მიღებული შემოსავლით ბაზრის გადასახადებს ვერ გადაიხდი”.

მიმოზა გულუა: “აჯიკას ვყიდი და ერთი ყუთი პომიდორი, თუ ბითუმად ავიღე – მასაც. დილით მოვარდა თურმე პოლიცია და ჩემი ქოლგები და “კაჩკა” დაურბევია, ნაგვის მანქანაში შეუყრია. ნისიად მქონდა აღებული ეს ყველაფერი. ბაზარში რომ შეგვყარეს ადრე, 400 ლარი ვალად დამედო, გადასახადი ვერ დავფარე”.

მოვაჭრეების საპროტესტო აქციამ საკნებიდან ზუგდიდის მუნიციპალიტეტის გამგეობასთან გადაინაცვლა. ზედამხედველობის სამსახურის უფროსი, ლევან მესხია აქციის მონაწილეებთან შესახვედრად ადმინისტრაციულ სამართალდარღვევათა კოდექსით მივიდა და მათთან “კანონის ენით” საუბარს შეეცადა. იგი ირწმუნებოდა, რომ გარევაჭრობის აკრძალვით სიბინძურე და უკანონობა აღიკვეთა.

თითქმის ორი საათის განმავლობაში გარემოვაჭრეები მესხიასგან უშედეგოდ ითხოვდნენ იმ პირის დასახელებას, ვინც მათ წინააღმდეგ პოლიციის გამოყენების ბრძანება გასცა. ამის შესახებ კომენტარს არც საპატრულო სამსახურისა და პოლიციის სამმართველოს ის თანამშრომლები აკეთებდნენ, რომლებიც ბაზრის მიმდებარე ტერიტორიას დიდძალი ცოცხალი ძალით აკონტროლებდნენ.

2 აგვისტოს, პოლიციამ გარემოვაჭრეების დარბევა დილიდან დაიწყო. დანგრეულ დახლებსა და პროდუქტებს კი პატრულის თანამშრომლები მდინარე ჩხოუშიაში ყრიდნენ. დარბევაში აქტიურად მონაწილეობდნენ სამხარეო პოლიციის თანამშრომლებიც, რომლებიც გარემოვაჭრეებისა და საკნების აქციის მონაწილეების მიმართ განსაკუთრებული აგრესიით გამოირჩეოდნენ.

სულიკო ლაგვილავა: “პოლიციელმა გიორგი სამუშიამ ჯერ მაგინა და მერე სახეში მუშტი ჩამარტყა. ამ შეურაცხყოფას ვერ გადავიტან, თავს მოვიკლავ, რამდენმა ნათესავმა და ახლობელმა მნახა, რა იციან მათ რისთვის მცემეს. ლუკმა-პურის შოვნისთვის მცემეს-თქო, ვის ვუხსნა?!”.

ნინო ჯობავა: “დახლზე ტანსაცმელს ვალაგებდი, მომვარდა ერთ-ერთი პოლიციელი, როგორც მეუბნებიან ავთო ფიფია და მაგიდას ფეხი ჰკრა და თავზე დამამხო. ამ დროს დავარტყი თავი დახლის ბასრ წვერს და თვალი დამიზიანდა. გონება დავკარგე და სხვა არაფერი მახსოვს”...

საკნის “პატიმრებს”, კახა მიქაიასა და პაატა სორდიას კი კარგად ახსოვთ ის, თუ როგორ გაღიზიანდნენ მათ გამოჩენაზე პოლიციის თანამშრომლები. ისინი პოლიციელ გიორგი სამუშიასაც ასახელებენ, რომელმაც მათ ფიზიკური შეურაცხყოფა მიაყენა.

სამხარეო პოლიციის თანამშრომლები ფეხდაფეხ მისდევდნენ საკნის “პატიმარს” – ნიკა პაჭკორიასაც. იგი დარბევას ვიდეოკამერით იღებდა. ორი დღის წინ, უცნობი პირების მიერ ნაცემი პაჭკორია მორიგ ძალადობას მხოლოდ იმიტომ გადაურჩა, რომ კამერა “სპეცოპერაციის” ადგილზე დატოვა და თავს გაქცევით უშველა. “ამოღებული” ვიდეოკამერა მესაკნეებს საღამოს დაუბრუნდათ.

კახა მიქაია: “სამხარეო პოლიციისა და “კუდ”-ის ზონდერებმა, რომლებსაც თენგიზ გუნავა და მეგის ქარდავა ხელმძღვანელობს, რომლებიც ბაჩო ახალაიას ხელის ბიჭები არიან, ფიზიკურად გაგვისწორდნენ. მიუხედავად ამისა ჩვენ არც აქციის შეწყვეტას და არც ამ მოვაჭრეების მიტოვებას ვაპირებთ. ვაიძულებთ ამ ხელისუფლებას მათი მოთხოვნები დააკმაყოფილოს”.

მიქაია ამბობს, რომ საკნების დარბევასთან დაკავშირებით გავრცელებული ინფორმაცია სააკაშვილის ზუგდიდში ვიზიტს უკავშირდება, რომელიც 6 აგვისტოს იგეგმება.

– “საკნებისგან და ამ ხალხისგან კი არ გათავისუფლდება ჩემი ქალაქი, არამედ მთლიანად საქართველო გათავისუფლდება მალე სააკაშვილი-მერაბიშვილის ტერორისტული ხელისუფლებისაგან. ჩვენ ამ საკნებს დავახვედრებთ აქ სააკაშვილს. თუ არის ეს დემოკრატია, მოვიდეს და ნახოს, რა დღეშია ხალხი”.

ხალხი კი ამბობს, რომ საკნების აქციას შეუერთდება და სამართლიანობის მისაღწევად ბოლომდე იბრძოლებს. გარემოვაჭრეებმა კახა მიქაიას 196-კაციანი ის სიაც გადასცეს, რომლებიც საკნებთან საპროტესტო აქციას ყოველდღიურად გამართავენ. მოთხოვნების დაუკმაყოფილებლობის შემთხვევაში კი ისინი ბაზრობის გამართვას საკნებთან ახლოს გეგმავენ.

ერთ-ერთი დაშავებული გარემოვაჭრე, ნონა შეროზია ამბობს, რომ “ფურთხითა და პანღურით გამოგვყარა ამ პოლიციამ, რომელმაც ხელისუფლების დაკვეთა შეასრულა. ისინი ამ ხელისუფლების ჯალათები არიან. მათ ოჯახები, დედები და შვილები არ ჰყავთ”.

ნანა ფაჟავა

”ახლები” ოპოზიციური ერთობის წინააღმდეგ გამოდიან

ალიანსი საქართველოსთვის წარმომადგენლები, დიდ ოპოზიციურ გაერთიანებას, ”ქართული პოლიტიკის სიმახინჯედ” აღიქვამენ; საზოგადოების იმ ნაწილს კი, რომლებიც მიიჩნევენ, რომ ოპოზიციამ უკან დაიხია, მოუწოდებენ მომავალი ბრძოლისუნარიანობისთვის მოთმინება მოიკრიბონ და საკუთარი მკვეთრი არჩევანი გააკეთონ.

პრესა.გე ალიანსი საქართველოსთვის წარმომადგენელს, ”ახლების” ერთ-ერთ ლიდერს მამუკა კაციტაძეს შეხვდა და ესაუბრა, როგორც სამომავლო გეგმებზე, ისე აწმყოზე და სამთვიანი აქციების დადებით და უარყოფით მხარეებზე.

როდის გაიმართება ოპოზიციის მორიგი, დიდი აქცია?
მამუკა კაციტაძე: ოპოზიციაში არანაირი საუბარი, მით უმეტეს მზაობა, რაიმე ხასიათის მორიგ დიდ აქციაზე არ ყოფილა და არ არის. აქცია და მანიფესტაცია, ბრძოლის ერთადერთი და არც პრიორიტეტული იარაღი არ გახლავთ. აქციამდე და მანიფესტაციამდე ძალიან ბევრი საქმეა გასაკეთებელი. ვითარების მომწიფებამდე, პროცესები ყოველგვარი აქციის გარეშე უნდა მიმდინარეობდეს. აქცია ბოლო ფაზა უნდა იყოს. საქმის გადაწყვეტის დაწყება მიტინგითა და აქციით, არასწორად მიმაჩნია და მიმაჩნდა.

- ”როდის უნდა იყოს დიდი აქცია” - საკითხის ამ ფორმით დაყენებამ, საზოგადოებაში გამოიწვია იმ ცრუ მოლოდინების შექმნა და პოლიტიკურ პროცესებში ფუჭი გასროლების გაკეთება, რამაც ეს პროცესი, გარკვეულწილად ასეთ მინავლებულ და ნიჰილიზმით მოცულ განწყობამდე მიიყვანა.

ბრძოლა გრძელდება საკითხების მოსამწიფებლად, უფრო სხვა მიმართულებებით: მაგიდაზე, დარბაზში, შეხვედრებზე, უცხოელებთან ურთიერთობებში და ა.შ. თუ ეს საკითხები რაღაც ფაზაში წინააღმდეგობას შეეჩეხება, მის გადასალახად, საკითხის წინ წამოსაწევად და ერთგვარი ძალის სადემონსტრაციოდ, ესა თუ ის აქცია შეიძლება დაიგეგმოს. ჯერ საკითხთა ნუსხა და პრიორიტეტები არ განგვისაზღვრია და როგორ შეიძლება აქცია პრიორიტეტი იყოს?!

თქვენ ხომ თანამშრომლობდით ”ეროვნულ ფორუმთან”, რომელიც 7 აგვისტოს ქუჩაში მილიონი ადამიანის გამოყვანას გეგმავს?!
- ქართულ ოპოზიციურ სპექტრში, როგორც ხელისუფლებაში, ისე ოპოზიციაში, უპასუხიმსგებლობამ დაისადგურდა. ადამიანი რაღაც იდეას ისვრის, შემდეგ თვითონ ქრება და მის ნასროლთან დაკავშირებით ყველას ეკითხებიან, რა აზრის ხართო. თანამშრომლობა ერთარსებობას და ყველაფერზე პასუხისმგებლობის გაზიარებას არ ნიშნავს. ჩვენ ერთი პარტიის და მით უმეტეს ერთი ბლოკის წევრები არ ვართ. ინიციატორს ჰკითხეთ რამ უკარნახა მილიონ ადამიანთან დაკავშირებული ინიციატივის გახმოვანება, რის საფუძველზე აკეთებდა ამ განცხადებას, რას ელოდება ამ აქციის მოწყობით და ა.შ. თუ ლაპარაკია ხელისუფლების 1 წლის წინანდელ ნამოქმედარზე, ამ თემასთან დაკავშირებით ამა თუ იმ პოზიციის გამოხატვა 7 აგვისტოს გარეშეც შეიძლება.

ალიანსი არ თვლის საჭიროდ არანაირი ღონისძიების, მით უმეტეს, ფართომასშტაბიანი, ქუჩის ტიპის აქციის გამართვას, 7 აგვისტოსთან დაკავშირებით. როდესაც პირველი კითხვა დამისვით, ფართომასშტაბიან აქციაზე, მე ეს ყველაფერი 7 აგვისტოსთვის არ დამიკავშირებია, რადგან ვერც კი წარმოვიდგენ, რომ 7 აგვისტოს იყოს უპრიანი და მიზანშეწონილი ამ ტიპის აქციების გამართვა და თუ ვინმეს 7 აგვისტო სხვა ფორმით აქვს დანახული, სიამოვნებით მოვისმენდი როგორ აქვს დანახული, რატომ აქვს ასე დანახული და რაც ყველაზე მთავარია - რას ელოდებიან ამ ტიპის ღონისძიებებისგან.

რა ტიპის საქმიანობითაა დაკავებული თქვენი ალიანსი, ამჟამად?
- ახალი მემარჯვენეები რეგიონებში ვართ გასული, ჩვენს პარტაქტივებს ვხვდებით. ესაა ერთგვარი შიდა პარტიული დათვალიერება. ვიცი რომ ჩვენი პარტნიორები ანალოგიურ საქმიანობაში არიან ჩართულები, თუ არ ჩავთვლით იმ უცებ მოძალებულ სასამართლო პროცესებს, რაც ბუნებრივია, ჩვენს ყურადღებას ითხოვს. ჩვენი პარტნიორი ”თავისუფალი დემოკრატები” რეგიონებში რაიონული სტრუქტურების შექმნის მიზნით, საინიციატივო ჯგუფებს აყალიბებენ. ამგვარი საქმიანობა პარტიის მშენებლობას ემსახურება. პოლიტიკა პარტიის გარეშე არ არსებობს და პარტია სტრუქტურის გარეშე. ამიტომ, თუ ჩვენ გვინდა პოლიტიკაში რაიმე რეზულტატი გვქონდეს და პარტია სტრუქტურირებული იყოს, ამისთვის რეგიონებში გასვლა აუცილებელია.

ალიანსი 23 თებერვალს დაფუძნდა. ხელისუფლებას 5 მარტამდე ვადა მივეცით, რომ რიგგარეშე საპრეზიდენტო არჩევნები დაენიშნა და 5 მარტს გამოვედით ინიციატივით, რომ რიგგარეშე არჩევნებთან დაკავშირებით პლებისციტს დავიწყებდით და ხელმოწერებს შევაგროვებდით. ესაა ხალხის ხმის გაგონების კონკრეტული ფორმა (რაც საერთაშორისო საზოგადოებასაც უნდა გავაგონოთ), ყოველგვარი მიტინგისა და მანიფესტაციის გარეშე. ეს პროცესი არ დაგვისრულებია. ჩვენ ახლა სასამართლოს წინ ვდგავართ, სადაც ადამიანის უფლებების დარღვევის მოწმე ერთად გავხდით (საქალაქო სასამართლოში რესპუბლიკელ მიხეილ გაბუნიას საქმის არსებითი განხილვა დაიწყო. პრესა.გე). ხელისუფლება უნდა ვაიძულოთ: დაიცვას ადამიანის უფლებები, მოხსნას პოლიციური წნეხი, გაათავისუფლოს მასმედია და. ა.შ.

ამ გეგმიდან სააკაშვილის გადადგომა ამოვარდა?
- არც ერთ შემთხვევაში არ ამოვარდნილა. სააკაშვილის გადადგომა ბოლო წერტილია, რომელსაც ძალიან ბევრი ქვესაკითხი აქვს, კომპონენტებით.

ანუ, ქვესაკითხებით დაიწყებთ?
- კი არ დავიწყებთ, ამას პარალელურ რეჟიმში ვაკეთებთ. ერთის მხრივ სააკაშვილი უნდა გადადგეს; მეორეს მხრივ, პროცესს მერაბიშვილი უნდა მოშორდეს, სასამართლო უნდა გათავისუფლდეს.

რა შემთხვევაში გამოხვალთ ქუჩაში?
- თუ კონკრეტული საკითხის მომწიფების დროს, ამა თუ იმ ფორმით, ძალის დემონსტრირება საჭირო იქნება, რა თქმა უნდა, ეს გაკეთდება, მაგრამ ერთჯერადი ღონისძიება იქნება და არა დაუსრულებელი და ხშირ სიტუაციაში უპასუხისმგებლობითა და მოუმზადებლობიდან გამომდინარე, ერთგვარ მარაზმში გადაზრდილი, რასაც სამწუხაროდ, ბოლო პერიოდში შევეჩეხეთ.

რას თვლით მიღწევად, ქუჩაში სამთვიანი დგომიდან?
- ამ სამთვიანმა პროცესმა დაგვანახა, რომ საქართველოში შეუქცევადი პროცესია დაწყებული და რომ სააკაშვილის გადარჩენა გამორიცხულია. ეს უკვე იმდენად დიდი შედეგია, ახლა სააკაშვილმა, რაც არ უნდა აკეთოს, ამ განწყობას ვეღარავინ მოატრიალებს. იმის თქმა, რომ ეს პერიოდი უშედეგო იყო, უბრალოდ, სიბეცეა. თუმცა, არც იმის ართქმა არ შეიძლება, რომ ამ პროცესში სერიოზული შედომები იყო დაშვებული, რომელთა გამორიცხვის შემთხვევაშიც, შედეგი უფრო ნოყიერი და ეფექტური იქნებოდა.

მაგალითად, რა შეცდომებს გულისხმობთ?
- მოქმედება თავისა და გეგმის გარეშე, საფუძველშივე სერიოზული ნაკლოვანების მატარებელია. ამ პროცესს არ ჰყავდა ერთი თავი, ერთი ლიდერი (რასაც ჩვენ ვითხოვდით), პროცესი დაუგეგმავად მიდიოდა - დღეიდან ხვალემდე, ხვალიდან ზეგამდე.

რას ეტყვით საზოგადოების იმ ნაწილს, ვინც მიიჩნევს, რომ ოპოზიციამ უკან დაიხია?
- მე მათ ვეტყვი, რომ პოლიტიკა გაცილებით უფრო რთული საქმეა, ვიდრე თქვენ გგონიათ. პოლიტიკის თარიღებით, მიტინგებითა და მანიფესტაციებით მართვა არ შეიძლება. პოლიტიკის შემადგენელი ნაწილი გაცილებით უფრო დიდწილად არის სერიოზული სეგმენტები, რომელი მიმართულებითაც ჩვენ უნდა ვიმუშაოთ. პოლიტიკა არის პროცესი და ეს არ ხდება ერთ და ორ დღეში. ე.წ. ვარდების რევოლუციის პრეცენდენტს ქართულ რეალობაში ნუ დავნერგავთ, რადგან ერთ და ორ დღეში გადაწყვეტილი და დამთავრებული საკითხები, როგორც წესი, პოლიტიკაში ფეხს ვერ იკიდებს.

თუ გაქვთ სურვილი გახდეთ ხელისუფლების შეცვლის, ოპოზიციური მოძრაობის განვითარების და შედეგის მიღწევის თანამონაწილე, პროცესს გაცილებით უფრო სიღრმისეულად უნდა შეხედოთ, მოთმინება და გამძლეობა მოიკრიბოთ, მომავალი ბრძოლისუნარიანობისთვის და რაც ყველაზე მთავარია, უნდა გააკეთოთ საკუთარი მკვეთრი არჩევანი - რომელი, რა ტიპის მოძრაობისთვის, რა ტიპის პროცესებისკენ ხართ მიდრეკილი, რას უჭერთ მხარს.

შესაბამისად, აქედან პარტიული არჩევანიც უნდა გაკეთდეს, რადგან საზოგადოება ელექტორალურად უნდა ჩამოყალიბდეს. საზოგადოებამ უნდა იცოდეს, რომ ერთი მთლიანი რაღაც პოლიტიკური კონგლომერატი, ნორმალურ შედეგს ვერასდროს დადებს. კონკურენციის პირობებში, არჩევანი უნდა იყოს მკაფიო და მკვეთრი. ეს არჩევანი თვალწინ დევს. ის რაღაც განუყოფელი ოპოზიციური ერთობა, ქართული პოლიტიკის სიმახინჯეა, რომელიც ვფიქრობ, აღარ განმეორდება. ყოველ შემთხვევაში, ალიანსი ამ ტიპის გაურკვეველი ერთობის ჩამოყალიბებას მხარს არ დაუჭერს.

სხვა საკითხია თანამშრომლობა, შეხვედრა, დალაპარაკება, მაგრამ მთელი ოპოზიციური სპექტრის ერთ მთლიან ვერტიკალში მოქცევის იმედი ნურავის ექნება. აქედან გამომდინარე, საზოგადოება პოლიტიკური არჩევანისთვის თანდათანობით უნდა მოემზადოს, თუ უნდა თანამონაწილე გახდეს იმ პოლიტიკური პროცესისა, რასაც ოპოზიციური მოძრაობა და ხელისუფლების შეცვლის პროცესი ჰქვია. [presa.ge]

რუსეთი "სამხრეთ ოსეთის" დაცვისთვის მზადყოფნას გამოთქვამს

რუსეთის თავდაცვის სამინისტრო „საქართველოს მხრიდან ბოლო დღეებში ცხინვალისა და მისი გარეუბნების მისამართით სროლების გამო შეშფოთებას გამოთქვამს და უფლებას იტოვებს, გამოიყენოს ყველა შესაძლებლობა სამხრეთ ოსეთის მოქალქეებისა და ტერიტორიაზე მყოფი რუსეთის სამხედრო მოსამსახურეების დასაცავად“.

“რია ნოვოსტი''-ს ინფორმაციით, ამის შესახებ რუსეთის თავდაცვის სამინისტროს პრესისა და ინფორმაციის სამსახურის განცხადებაშია ნათქვამი.

როგორც რუსეთის თავდაცვის უწყება აღნიშნავს, ბოლო დღეებში ქართული მხრიდან სამხრეთ ოსეთის რამდენიმე პუნქტზე ცეცხლი გაიხსნა.

„29 ივლისიდან 1 აგვისტომდე სამხრეთ ოსეთის დედაქალაქი ნაღმტყორცნებიდან და ყუმბარმტყორცნებიდან მრავალჯერ დაიცხრილა. ცეცხლი გაუხსნეს სამხრეთ ოსეთის რესპუბლიკის შეიარაღებული ძალების სადამკვირვებლო საგუშაგოს, რაც აქციის პროვოკაციულ ხასიათზე მეტყველებს“, - ნათქვამია განცხადებაში.

რუსეთის თავდაცვის სამინისტრო ამ მოქმედებას საქართველოს ხელისუფლების მხრიდან ვითარების დაძაბვის მცდელობად აფასებს.

„ანალოგიური სცენარით ვითარდებოდა მოვლენები 2008 წლის აგვისტოში, რომელმაც საქართველოს მხრიდან სამხერთ ოსეთის წინააღმდეგ სამხედრო აგრესიამდე და რუს სამშვიდობოებზე თავდასხმამდე მიგვიყვანა. ასეთი მოქმედებები რუსეთის თავდაცვის სამინისტროს სერიოზულ შეშფოთებას იწვევს. შემდგომი პროვოკაციების შემთხვევაში, რომლებიც რესპუბლიკის მოსახლეობას და რეგიონში განლაგებულ რუსეთის სამხედრო კონტინგენტს საფრთხეს შეუქმნის, რუსეთის თავდაცვის სამინისტრო იტოვებს უფლებას, მის ხელთ არსებული ყველა ძალით დაიცვას სამხრეთ ოსეთის რესპუბლიკის მოსახლეობა და რუსი სამხედრო მოსამსახურეები“, - ნათქვამია რუსეთის თავდაცვის უწყების განცხადებაში, რომელსაც უკვე გამოეხმაურა ქართული მხარე.

ქართული მხარე ცეცხლის გახსნას უარყოფს

ქართული მხარე კატეგორიულად უარყოფს ოსი სეპარატისტების ე.წ. თავდაცვის სამინისტროს ინფორმაციას, თითქოს ქართველმა სამართალდამცველებმა ერედვის მოსაზღვრე სოფელ დიციდან ოსურ საგუშაგოს დღეს დილით ცეცხლი გაუხსნეს.
როგორც ‘’ინტერპრესნიუსს’’ შიდა ქართლის სამხარეო პოლიციის უფროსმა, ვლადიმერ ჯუღელმა განუცხადა, კონფლიქტის ზონაში არა თუ ქართული მხრიდან, არამედ საერთოდ სროლას ადგილი არ ჰქონია.
‘’29 ივნისს სოფელ ნიქოზის მიმართულებით ცხინვალიდან განხორციელებული სროლების გარდა, ცეცხლის გახსნა არც ერთ სხვა ტერიტორიაზე არ მომხდარა და ეს განცხადება მორიგი პროვოკაცია ‘’,-აღნიშნა ჯუღელმა.
სეპარატისტების მტკიცებით კი, დაზიანებულია ბლოკ-პოსტი, რომელსაც ნაღმტყროცნიდან ესროლეს.

სოფელი დიცი გორის რაიონის ტერიტორიაზე მდებარეობს და პატარა ლიახვის ხეობას ესაზღვრება. სოფელ ერედვს კი, აგვისტოს ომის შემდეგ ცხინვალის მარიონეტული რეჟიმი აკონტროლებს.

„ავისმომასწავებელი“ სიუჟეტი [ვიდეო]

მთავრობაში დაპირისპირება გრძელდება... განხეთქილება გამწვავდა... ეს ტერმინოლოგია ტელეკომპანია „იმედის" მთავარ საინფორმაციო გამოშვებაში წამყვანებმა პირველი სიუჟეტის წარდგენისას გამოიყენეს. „ქრონიკამ" მაყურებელს ნიკა გილაურსა და ლაშა ჟვანიას შორის დაპირისპირების შესახებ უამბო. ენერგეტიკის მინისტრის სახით სკანდალს მესამე გმირიც ჰყავს. განხეთქილების საბაბი სამცხე-ჯავახეთში ჰესის მშენებლობაა, მაგრამ თემაზე მეტად აქ საინტერესო სხვა რამაა - ნაციონალურ არხზე მთავრობაში დაპირისპირების შესახებ სიუჟეტი დიდი ხანია არ მომზადებულა (ან ეთერში არ გაუშვიათ). არ არის გამორიცხული ფონის შესაქმნელად თემის ახლა გააქტიურება მინისტრთა კაბინეტში ცვლილებებს მოასწავებდეს.

[წყარო:იმედი, itv]

ზუგდიდიში საპროტესტო აქცია მიმდინარეობს

[01.08.2009. 11:10]

ამ წუთებში ადგილობრივი გარემოვაჭრეების საპროტესტო აქცია მიმდინარეობს ზუგდიდის ცენტრში განთავსებულ "საკნებთან".

მოვაჭრეები დღეს დილით სამუშაო ადგილებიდან პოლიციის და გამგეობის თანამშრომლებმა გამოაძევეს, ამიტომ მათ დახმარებისთვის ოპოზიციას მიმართეს.

აქცია რამიოდენიმე წუთში ზუგდიდის მუნიციპალიტეტის გამგეობასთან გადაინაცვლებს. შეკრებილები გარევაჭრობის უფლებას ითხოვს.

ნიკა პაჭკორიას ჯანმრთელობის მდგომარეობა სტაბილურია [video]

30 ივლისს კონსტიტუციური უსაფრთხოების დაცვის შენობასთან ნაცემი ოპოზიცუიის წევრის ჯანმრთელობის მდგომარეობა სტაბილურია.

შეგახსენებთ, რომ გუშინ თავს დაესხნენ ნიკა პაჭკორიას, რომელიც უკვე 3 თვეა ზუგდიდის ცენტრში განთავსებული საკნებიდან ერთ–ერთში ზის. პაჭკორია, "კუდ"–ის შენობასთან ხუთმა გაურკვეველი ვინაობის პიროვნებამ სასტიკად სცემა. ადგილზე საპატრულო პოლიცია ნახევარი საათის დაგვიანებით გამოცხადდა, დაშავებული გადაყვენილ იქნა ზუგდიდის "წმინდა ლუკას" სახელობის საავადმყოფოში. სადაც მას პირველადი სამედიცინო დახმარება გაუწიეს.

შემთხვევის ადგილთან ახლოს "ღია ბოქლომის" და "პრესა.ჯი"–ს ჟურნალისტებმა, თავდამსხმელთა სახის გადაღება მოახერხეს, თუმცა აღნიშნული კადრებით საპატრულო პოლიცია არ დაინტერესდა.

კადრები გადაღებულია "პრესა.ჯი"–ს კორესპონდენტის ნანა ფაჟავას მიერ.

სპეციალური რეპორტაჟი

საქართველოს კათოლიკოს-პატრიარქი ილია მეორე გმობს ტელეკომპანია "იმედის" ეთერით გასულ "მოდელირებულ ქრონიკას" და ხელისუფლებას მიმართავს, ამ მოვლენებს მეტი ყურადღება მიაქციოს.

"არ შეიძლება უკონტროლო იყოს ესა თუ ის არხი და ასეთ უმსგავსობებს გადასცემდეს", - ბრძანა უწმინდესმა დღეს, სამების საპატრიარქო ტაძარში ქადაგებისას.

ილია მეორის განცხადებით, ამ გადაცემით შეურაცხყოფილია საქართველოში მცხოვრები თითოეული ადამიანი და ქართული ჯარი, რადგან სიუჟეტში ასახულია, თუ როგორ გადადის ჯარის ნაწილი მტრის ბანაკში.

‘’ეს გადაცემა ხალხმა მიიღო, როგორც სინამდვილე და თუკი ეს მართლაც მოხდა, ხალხი ამას აღარ დაიჯერებს. შევთხოვოთ უფალს, რომ სიმართლისა და ჭეშმარიტების გზაზე დავდგეთ’’, - ბრძანა უწმინდესმა.

ტელეკომპანია “იმედის” ეთერით წუხელ "ქრონიკის" "მოდელირებული გამოშვება" გავიდა, სადაც 2010 წლის 7 ივნისის მოვლენები ისე იყო წარმოდგენილი, თითქოს ოპოზიციამ არჩევნები წააგო, აჯანყდა, ამით რუსეთმა ისარგებლა და საქართველოს სრული ანექსია განახორციელა, გავრცელდა ინფორმაცია საქართველოს პრეზიდენტის ლიკვიდაციის შესახებ. ტელეკომპანია “იმედის” ვერსიით, ოპოზიციის ნაწილი რუსეთს საქართველოს ანექსიაში დაეხმარა.

იმედის ეთერში გასული სკანდალური "მომავლის ქრონიკა"

READ MORE - სპეციალური რეპორტაჟი

სამთავრობო პიკნიკი სოფელ ნარაზენში...[video]

სამთავრობო პიკნიკი სამეგრელოში... მექალთანე ჭიჭიკოს წისქვილ–მუზეუმის გახსნა...

გაზიარება
[15:50 12-07-2010]

საუბრობს ბორის ლომაია – გაეროში საქართველოს ელჩის კახა ლომაიას მამა.

მოსაწვევის ტექსტი.

მეხუთე ნაწილი: სახელისუფლო გუნდი

<<<პირველი ნაწილი | <<<მეორე ნაწილი | <<<მესამე ნაწილი | << მეოთხე ნაწილი

პირდაპირ მინდა განვაცხადო, სახელისუფლო გუნდთან და მის იდეოლოგებთან, ვინც სააკაშვილს ემსახურება, არანაირი პრეტენზია არ მაქვს, რადგან მათთან ყველაფერი გარკვეულია და აქედან გამომდინარე, ფსევდოპოზიციისგან განსხვავებით, მათი არჩევანი, მათი პოზიცია ღია და გამჭირვალეა.

ყველას აქვს უფლება უერთგულოს და მხარი დაუჭიროს მას, ვინც მოსწონს როგორც პოლიტიკოსი და როგორც ლიდერი. ამ ადამიანებს სააკაშვილი მოსწონთ, ის მათ პოლიტიკურ გემოვნებას ყოველმხრივ აკმაყოფილებს, გემოვნებაზე კი, როგორც იტყვიან, არ დავობენ. თუმცა ჩემი პირადი აზრით, სწორედ რომ გემოვნებაა მთავარი სადაო და საკამათო... დავით დარჩიაშვილი, ნუგზარ წიკლაური, აკაკი მინაშვილი, ხათუნა ოჩიაური, ზურაბ მელიქიშვილი, პალიკო კუბლაშვილი ამ ხელისუფლების გამოკვეთილი იდეოლოგები არიან.

მართალია, ეს იდეოლოგია ხშირად დემაგოგიაში გადადის და პირადად ჩემთვის აბსოლუტურად მიუღებელია, მაგრამ, როგორც ვთქვი, ეს მათი არჩევანია.

თავის დროზე სააკაშვილს ბევრი უჭერდა მხარს, მათგან ზოგმა კრიტიკულად გადახედა თავის პოზიციას და დროზე წამოვიდა მისი გუნდიდან, ზოგი კი დარჩა და დღემდე მასთანაა.

მე მესმის ამ ადამიანების მდგომარეობისა. შეიძლება ზოგს გულით უნდოდეს სახელისუფლო გუნდის დატოვება, მაგრამ ეს არც ისე იოლად მისაღები გადაწყვეტილებაა.

ისინი ერთხელ გაკეთებული მცდარი არჩევანის მძევლები არიან და მე მათ უფრო თანაგრძნობით ვუყურებ. მე არ მაქვს მათ მიმართ აგრესიული განწყობა, ის კი არა რომელიმე მათგანმა თავისი პოლიტიკური მრწამსი და პოზიცია რომ შეიცვალოს, არ გამოვრიცხავ, მათთან თანამშრომლობის შესაძლებლობასაც... მე ხელისუფლებასთან ვაიგივებ სამ ტელეკომპანიას: `საზოგადოებრივ მაუწყებელს~ `რუსთავი-2~-ს, `იმედს~ და რაც ზემოთ აღვნიშნე, ეს ამ ტელევიზიების თანამშრომლებსაც ეხებათ.

ჩემთვის არ არის პიროვნების შეფასების კრიტერიუმები ვინ მუშაობდა და ვინ მუშაობს სააკაშვილთან, ვინ მუშაობდა და ვინ მუშაობს სახელმწიფო სტრუქტურებში. გადამწყვეტი ეს არ არის, მთავარია, ადამიანი დროზე მიხვდეს ჩადენილ შეცდომებს და სიკეთისკენ გადადგას ნაბიჯი.

როგორც უკვე ვთქვი, საქართველოს დასაკარგი და მისაკვეთი ადამიანები არ ჰყავს.

რადგან სახელისუფლო გუნდზე ჩამოვარდა სიტყვა, აქვე მინდა მივმართო მერაბიშვილს, რომელსაც ვიცნობ, როგორც კარგ მენეჯერს, კარგ ორგანიზატორს და ბევრი დადებითი თვისებების მქონე პიროვნებას.

მერაბიშვილმა დიდი შრომის შედეგად მოახერხა და შექმნა გამართული სისტემა შინაგან საქმეთა სამინისტროს სახით. საპატრულო პოლიცია თუ სხვა ძალოვანი სტრუქტურული დანაყოფები რომლებსაც ის სადამსჯელო, ჯალათური ფუნქცია რომ მოვაშოროთ, შეიძლება საზოგადოებისთვის ძალზე სასარგებლო როლი ითამაშონ.

მერაბიშვილი ხშირად მაოცებდა ხოლმე ეკონომიკის სფეროში საკმაოდ სერიოზული კომპეტენტურობით, თუმცა მეც ბევრჯერ გამიოცებია იგი ჩემი პროფესიიდან შორს მდგარი ამა თუ იმ საკითხის გადაწყვეტისას.

საკმაოდ ბევრი ფაქტიდან მხოლოდ ერთს შევახსენებ ვანო მერაბიშვილს.

გახსოვს ვანო, სააკაშვილმა დიდი ხვეწნის შემდეგ რომ დამიყოლია, ბოკერიასთან მივსულიყავი რომ მისთვის გადამეფიქრებინა ქვეყნისთვის ერთი ძალიან სარისკო და საბედისწერო გადაწყვეტილების მიღება.

ეს ხდებოდა 2008 წლის აგვისტომდე წელიწადნახევრით ადრე. მაშინაც იგივე სცენარი განიხილებოდა, რაც თქვენ 2008 წლის აგვისტოში განახორციელეთ.

ბოკერია დაჟინებით ითხოვდა ქართული ჯარების შეყვანას სამაჩაბლოში და იმედი ჰქონდა, რომ რუსი სამხედროები გაიწეოდნენ და ქართულ ჯარს ცხინვალში უომრად შეუშვებდნენ.

მე მაშინ შევძელი ბოკერია დამერწმუნებინა, რომ არ შეიძლებოდა ამ ნაბიჯის გადადგმა.

სააკაშვილთან ერთად შენც ესწრებოდი ამ შეხვედრას და მე მახსოვს შენი აღფრთოვანება, რომელსაც შენ გამოხატავდი ჩემი მისამართით. ორმოც წუთში ბოკერიას დავუმტკიცე, რომ ის, რის გაკეთებასაც ის გეგმავდა, წმინდაწყლის პროვოკაცია და ავანტიურა იყო. ბოკერიამ უკან დაიხია და დასახულ გეგმაზე უარი თქვა, მაგრამ უცებ სააკაშვილმა თქვა: _ ხომ შეიძლება თვითონ რუსებმა შემოგვთავაზონ ამის გაკეთება, მაშინ რა ვქნათო?

- სანამ რუსეთის საგარეო საქმეთა სამინისტრო ოფიციალურ განცხადებას არ გააკეთებს, რომც გაჩუქოთ ეს ტერიტორია, ხელი არ ახლოთ არაფერს – მეთქი, გავაფრთხილე.

მაშინ კი შევძელი დროებით შემეჩერებინა ის საბედისწერო გადაწყვეტილება, მაგრამ მოგვიანებით მაინც იგივე სცენარით იმოქმედეთ და რა შედეგიც მივიღეთ 2008 წლის აგვისტოში, სახეზეა.

ჩემო ვანო, ერთი ამბავიც მინდა გაგახსენო და ამით დავამთავრებ.

ვარდების რევოლუციიდან დაახლოებით ერთი წლის შემდეგ, სააკაშვილი სპეციალურად ჩამოფრინდა ბობოყვათში ჩემთან შესახვედრად (მე იმ დროს ურეკში ვიყავი) და მითხრა, მერაბიშვილი უნდა გავუშვაო.

მე მაშინ ყველაფერი გავაკეთე, რომ სააკაშვილს შენი გაშვება გადაეფიქრებინა. მე ის დავარწმუნე, რომ შენ ბუნებით ერთგული კაცი ხარ, გონიერი ორგანიზატორი და წინდახედული მენეჯერი.

სააკაშვილმა მაშინ დამიჯერა და არც უნანია, რაც უდაოდ შენი დამსახურებაა. მე მისთვის არასოდეს არ მიმიცია ცუდი რჩევა, არც მისთვის, არც შენთვის.

ახლა კი კიდევ ერთი რჩევა მინდა მოგცე – ურჩიე სააკაშვილს, რომ დროზე გადადგეს!

სააკაშვილი დაიღალა, გამოიფიტა და ქვეყანაც და საკუთარ თავსაც უფსკრულისკენ მიაქანებს, შენ და შენი მასწავლებელი ადეიშვილი კი მას დათვურ სამსახურს უწევთ და ძალაუფლებას უნარჩუნებთ.

ეს არ არის გამოსავალი, ეს არ შეიძლება მარადიულად გაგრძელდეს და ასე, ძალისმიერი მეთოდებით ძალაუფლების შენარჩუნების მცდელობა ერთ საბედისწერო დღეს შეიძლება დიდი კატასტროფით დამთავრდეს.

ურჩიე სააკაშვილს, რომ გადადგეს! ეს არის ერთადერთი შანსი, რომ მას საკუთარ ქვეყანაში ცხოვრების საშუალება მიეცეს.

თუ სააკაშვილი შენს რჩევას ყურად არ იღებს, მაშინ შენ თვითონ გადადექი, რადგან შენთვისაც ეს ყველაზე საუკეთესო გამოსავალია და ამით შენ დარჩები საქართველოში საპატივცემულო და ღირსეულ ადამიანად.

მანამდე კი ერთ საიდუმლოს გაგიმხელ, ვანო!

ვიცი, მთელი მთავრობა, მთელი სახელისუფლო გუნდი გაოგნებული ხართ თუ რატომ გაიგეთ ასე დაგვიანებით ინფორმაცია ჩემი პოლიტიკაში მოსვლის გადაწყვეტილების შესახებ.

საქმე ის არის, მე ვისარგებლე ჩემს ორგანიზაციაში თქვენს მიერ დავერბოვკებული თქვენი აგენტის უფასო `მომსახურებით~, რომელსაც პერიოდულად ვარწმუნებდი, რომ პოლიტიკაში არასოდეს არ მოვიდოდი, რომ ეს სფერო საერთოდ არ მაინტერესებდა და მალე საქართველოსაც დავტოვებდი. თქვენი აგენტიც იჯერებდა ჩემს ნათქვამს და მერე თქვენც გარწმუნებდათ, რომ ჩემი მხრიდან პოლიტიკაში მოსვლა გამორიცხულია. თქვენც მშვიდად და არხეინად ბრძანდებოდით, ამიტომაც იყო შოკის მომგვრელი და თავზარდამცემი ჩემი განცხადება თქვენთვის.

თქვენ ეს ადამიანი ახლა კი არა, სამი წლის წინათ გადაიბირეთ, ანუ მაშინ, როცა ჩვენს შორის ჯერ კიდევ ნორმალური ურთიერთობა იყო.

ასეთები ხართ თქვენ. ასეთი ზნე გაქვთ _ დანდობა და სიყვარული არ იცით!

თქვენმა აგენტმა ჯერ არ იცის, რომ გაშიფრულია.

ის ამას დღეს, გაზეთებიდან გაიგებს.

ის კარგი ფინანსისტია, წაიყვანეთ, გამოგადგებათ.

`ქართუ ჯგუფის~ პრეზიდენტზე, გიგა ჩრდილელზე, ვლაპარაკობდი...

თქვენთვის ამის გაგება დიდი დარტყმა იქნება, მაგრამ გაფრთხილებთ, ყველა თქვენი მცდელობა ჩვენს გარშემო ჯაშუშური ქსელის ხლართვისა, ზუსტად ისეთი კრახით დამთავრდება, როგორც ეს დამთავრდა.

2008 წლის წაგებული ომიდან ორი-სამი თვის შემდეგ შემდეგ, როცა ქვეყანას დიდი არეულობა და ქაოსი ემუქრებოდა, მე თვითონ გავუგზავნე წერილი მიხეილ სააკაშვილს და ვურჩიე გადამდგარიყო.

ქართველი ხალხი სულგრძელი, მიმტევებელი ხალხია და გაპატიებს, რაც შეგეშალა. გადადგომა შენ საშუალებას მოგცემს არა მარტო გააგრძელო შენს ქვეყანაში ცხოვრება, არამედ გააგრძელო პოლიტიკური საქმიანობაც _ ვწერდი სააკაშვილს.

მიშა, შენ ის მიშა ხარ, ხელისუფლებაში რომ მოხვედი და აღმაშენებლის საფლავზე დაიფიცე, რითაც საქართველოს მიანიშნე, რომ აღმაშენებლობას აპირებდი, მაგრამ დრო გავიდა და აღმაშენებლის ნაცვლად ბრეჟნევს დაემსგავსე, ბრეჟნევის ეპოქას მიუახლოვდი.

ამის დასტურია თუნდაც შენი ბოლო შეხვედრა თელაველებთან, სადაც დაქირავებული ტაშის დამკვრელები კახელების სახელით გიკრავდნენ ტაშს და - მიშა! მიშას! გაყვიროდენ.

შენ და შენი გუნდი ქართველი კაცისათვის წმინდათაწმინდას, ეკლესიასაც კი შეეხეთ და მხცოვანი პატრიარქი, ეს ბრძენი ადამიანი უკიდურესად მძიმე სიტუაციაში ჩააყენეთ.

იმის ნაცვლად, რომ დახმარებოდით პატრიარქს, ეკლესიის შიგნით სულმოკლე ადამიანების ძებნა და მათი მოქრთამვა და მოსყიდვა დაიწყეთ.

შეჩერდი, მიშა, შენ უფსკრულის პირას დგახარ და შეჩერდი!

მე შენთვის არასოდეს მომიცია ჩემი პირადი ინტერესებით ნაკარნახევი რჩევა და ახლაც ჩემი კი არა შენი ინტერესებიდან გამომდინარე გეუბნები ამას – გადადექი!

| რომელ პოლიტიკურ ძალებთან ვაპირებ თანამშრომლობას? |

პირველ რიგში მინდა ვახსენო რესპუბლიკური პარტია, როგორც ერთ-ერთი ყველაზე გამოცდილი და მრავალ ბატალიებში გამობრძმედილი პარტია, პოლიტიკური ბიოგრაფიის დიდი სტაჟით, შესაშური ინტელექტუალური რესურსით და ნათლად გამოკვეთილი პოლიტიკური ლიდერებით.

თანამედროვე ყაიდის საინტერესო და იმედისმომცემ პოლიტიკურ ორგანიზაციად ვთვლი პარტია "თავისუფალ დემოკრატებს", ხოლო მისი ლიდერი ირაკლი ალასანია ქართულ სინამდვილეში ერთ-ერთი წონადი და ანგარიშგასაწევი ფიგურაა. "რესპუბლიკელებისგან" განსხვავებით ირაკლი ალასანიასთან და მის პარტიასთან შეკითხვები არ მაქვს.

ცხადია, ამ მიმართვაში ყველა იმ პოლიტიკოსს და პოლიტიკურ ორგანიზაციას ვერ ჩამოვთვლი, ვისთანაც თანამშრომლობას ვაპირებ.

უახლოეს ხანებში დრო ყველაფერს თავის ადგილას დაალაგებს და ჩვენი მომავალი პარტნიორების სიაც უფრო დაზუსტდება და დაკონკრეტდება.

რესპუბლიკურ პარტიასთან მართლაც დიდი სიამოვნებით ვითანამშრომლებდი, მაგრამ ჩემდა გასაკვირად ჩემი განცხადების შემდეგ, `რესპუბლიკური პარტიის~ რამდენიმე წევრმა ჩემს მიმართ ძალზე აგრესიული კომენტარები გააკეთა.

რესპუბლიკური პარტიის ერთ-ერთ დამფუძნებელს, ლევან ბერძენიშვილს მინდა ვკითხო:

იმ დროს, როდესაც ხელისუფლებამ "ალია-ჰოლდინგის" საშუალებით შემოგვიტია და ლაფის სროლა დაგვიწყო, ლევან ბერძენიშვილმა ორჭოფული პოზოცია დაიკავა და მრავალმნიშვნელოვანი ტონით განაცხადა, მე ვიცი, საიდან იშოვა ფული ივანიშვილმა და არ ამალაპარაკოთ ახლაო.

ჩვენ ამას მაშინვე გამოვეხმაურეთ და განმარტება მოგთხოვეთ, მაგრამ პასუხს თავი აარიდეთ.

თუ თქვენ მართლაც იცით კონკრეტული რამ, კეთილი ინებეთ და ღიად, საჯაროდ მითხარით, თუ არადა. ამ არაფრისმთქმელ ნართაულებს თავი დაანებეთ, ბატონო ლევან!

დიდ ბოდიშს ვიხდი, სამგზის ვიხდი ბოდიშს, მაგრამ აქვე მინდა ყველა ოპოზიციურ პარტიას დავუსვა ერთი საერთო და ყველასათვის სავალდებულო კითხვა: - რით არსებობთ თქვენ და საიდან იღებთ პარტიის შესანახ თანხებს, თუ ეს თანხები გაგაჩნიათ?

გულუხვ მეგობრებზე აქცენტის გაკეთება არ იკმარებს - ამ "არგუმენტს" ვერ მივიღებ!

ამ კითხვაზე პასუხი ჩემთვის უკიდურესად მნიშვნელოვანია და სანამ ზუსტი ინფორმაცია არ მექნება, თანამშრომლობაც ვერ შედგება.

და ბოლოს, ისევ ჩემს შესახებ... – განაგრძე კითხვა>>>

დედოფლისწყაროს კლანურ რეჟიმზე მთელი ქვეყანა ქირქილებს...

გაიჯეჯილეს

"ჩემი ოჯახის წევრი თანამდებობაზე ვერ დაინიშნება"- ამგვარი განცხადება დედოფლისწყაროს გამგებელმა ლევან ბაღაშვილმა ჟურნალისტ ილია მარტყოფლიშვილთან საუბრისას მეორედ გააკეთა ამგვარი მიდგომა მისასალმებელია, თუმცა კარგი იქნებოდა გამგებელს მეგობრებთან დაკავშირებითაც იგივე პოზიცია ჰქონდეს ამ ფონზე რატომღაც არავინ საუბრობს იმაზე, რომ თენგიზ გონაშვილის კლანი განსაკუთრებით საგანგაშო მასშტაბებს აღწევს თავად ბაღაშვილი ამაში უცნაურს ვერაფერს ხედავს, თუმცა რაიონში ბევრს საუბრობენ იმაზეც, რომ ერთ მშვენიერ დღეს შესაძლოა, გონაშვილის კლანი იმდენად გაძლიერდეს, რომ ბაღაშვილი საერთოდ თამაშგარე მდგომარეობაში აღმოჩნდე გამორიცხული არაფერია, რადგან პოლიტიკაში ყველაფერი ხდება და ერთგული თანაგუნდელების მწარედ გაწირვის მომსწრეც ხშირად გავმხდარვართ। წესით, შინაგანად გამგებელი ამგვარი კლანების გაძლიერების წინააღმდეგი უნდა იყოს და მასში საფრთხეს ხედავდეს. სხვა თუ არაფერი, დედოფლისწყაროში არსებულ კლანურ მმართველობაზე მთელი ქვეყანა ქირქილებს და საწყენია, რომ ზოგიერთების ამბიციების გამო დედოფლისწყაროს ტალახში სვრით. მერე სინდისის ქენჯნასაც არ გრძნობთ და ჟურნალისტებს გვაბრალებთ - რაიონს ცუდად წარმოაჩენთო... ის კი გავიწყდებათ, რომ პრესა სარკეში გახედებთ, სადაც თქვენს ბინძურ ხელებს ხედავთ. შერცხვენით კი ნამდვილად გონაშვილები, თეთრაულები, ჯამალაშვილები, ჯიბღაშვილები და მისთანანი - დაუფიქრებელი ნაბიჯებით და ბრიყვული საქციელით სწორედ რომ დედოფლისწყაროს რეპუტაციას ფეხქვეშ თელავენ... მომკითხავი კი არავინაა. მადლობა ღმერთს, თავისუფალი მედია არსებობს და ყველაფერს ახმაურებს, თორე აბა გაჯეჯილება მერე გენახათ... თუმცა, ხალხი ყველაფერს მშვენივრად ხედავს...

P।S। თვითმმართველობის არჩევნები კარზე მოგვადგა და ასე თუ გააგრძელეთ, ნეტა რისი იმედი გაქვთ? მაისამდე ჩვენც ინტენსიურად გამხელთ და...

[წყარო: ქიზიყი]

ამ კვირის ყველაზე კითხვადი სტატიები

ყველა დროის ყველაზე კითხვადი სტატიები

ეს საინტერესოა

რედაქტორის რჩევით

ეს საინტერესოა

არქივი