მთავარი

რუსების თქმით, აჩაბეთი, ქურთა და თამარაშენი, არასოდეს არსებობდა

სამაჩაბლოში რუსული საოკუოპაციო რეჟიმი, სხვა ყველაფერთან ერთად, რეგიონში სოფლების, მდინარეებისა თუ კონკრეტული ადგილების ქართულ სახელწოდბებსაც კი ებრძვის.

გაზიარება
[ლევან სეფისკვერაძე. 22:46 27-08-2010]

ცოტა ხნის წინ, ცხინვალში ჩასულმა რუსმა ისტორიკოსმა, ვინმე იგორ მოროზოვმა თქვა, რომ მას არც კი სმენია სოფლები სახელწოდებით: თამარაშენი, აჩაბეთი, ერედვი, ქურთა და სხვა... თურმე, ეს სახელწოდებები ქართველებმა “ისტორიულ ოსურ სოფლებს” ხელოვნურად დაარქვეს, რათა ოსების კვალი სამუდამოდ წაშლილიყო. მსგავს უსინდისობას როდესაც ჩვეულებრივი სეპარატისტი, ანდა რუსი გენერალი ამბობს, სულაც არ უნდა გაგვიკვირდეს, მაგრამ როდესც ამას ისტორიის პროფესორი აცხადებს…

რუსები ქართული გადამაწვარი და ბოლომდე დანგრეული ქართული სოფლების არსებობის კვალს მართალია საგულდაგულოს მალავენ, მაგრამ ვერაფერი წაშლის იმ ფაქტს, რომ მაგალითად სოფელი აჩაბეთი ჯერ კიდევ მაშინ არსებობდა, როდესაც რუსეთის სახელმწიფოებრივი ჩანასახიც კი არ იყო.

ძველი ქართული სოფელი და ახლა უკვე მიწასთან გასწორებული აჩაბეთი და ციხე მდინარე ლიახვის მარცხენა ნაპირზე მდებარეობდა. ქართული წყაროების მიხედვით, გვიანდელი ფეოდალურ ხანაში აქ იყო “სასახლე და ციხე მეფეთა”. ადრინდელ ფეოდალურ ხანაში აჩაბეთი მთელ ხევსაც რქმევია. VII საუკუნეში სომხეთის გეოგრაფია ქართლის სხვა ოლქებს შორის ასახელებს ადმინისტრაციულ-ტერიტორიულ ერთეულს – “აჩაბეთის ხევს”.

1744 წელს ერეკლე ბატონიშვილმა (შემდეგში ერეკლე II) აჩაბეთთან დაამარცხა გივი ამილახვარი და მისი დამხმარე ოსმალთა ჯარი. აჩაბეთს უკავშირებენ ანჩაბეთა საგვარეულოს, რომელთა ადგილსამყოფელსაც აღნიშნავდა “აჩაბეთი”. ამ უკანასკნელისაგან მოგვიანებით წარმოდგა ახალი ფეოდალური საგვარეულო სახელი “მაჩაბელი”.

კოტე ბეხურაშვილი, სამაჩაბლოს მკვიდრი: “რუსებს თუ დავუჯერებთ, ე.ი. რა გამოდის? ჩვენ არასოდეს გვიცხოვრია სამაჩაბლოში და ჩვენი სოფლებიც არასოდეს ყოფილა? ასეთი რამ, მხოლოდ რუსს თუ მოუვა თავში. ისტორიის გაყალბება გამიგია, მაგრამ ასე უნამუსოდ კაცო? მარტო ჩემი სოფლის ეკლესიაა მთელს რუსეთზე ძველი და ამ ეკლესიაში ქართული წარწერებია. თუმცა, დარწმუნებული ვარ, კვალის დასაფარად რუსები ამ წარწერებს უკვე წაშლიდნენ. თურქებსა და არაბსაც კი არ უთქვამთ, აქ ქართველების ადგილი არ არისო და ორი საუკუნის წინ შემოსულმა რუსებმა, უკვე ჩვენი სახსენებლის წაშლაც დაიწყეს. ამაზე რუსებს ჩვენმა ისტორიკოსებმა კარგი პასუხი უნდა გასცენ, მაგრამ ამ ქვეყანაში არაფერს არა აქვს აზრი...”

რუსეთში იმპერიული იდეებით შეპყრობილი ადამიანები იმასაც ამბობენ, რომ ჩრდილოეთი და სამხრეთ ოსეთი ერთიანი იყო და ჯერ კიდევ საუკუნეების წინ შევიდა რუსეთის შემადგენლობაში. რუსი დეპუტატები აღნიშნავენ, რომ 1774 წელს ოსეთი, როგორც ერთიანი ქვეყანა და არა სამხრეთი და ჩრდილოეთი, შევიდა რუსეთის შემადგენლობაში.

ამ აზრმა, განსაკუთრებული აღიარება რუსულ პრესაში ჰპოვა. რუსული მედია დუმის მიერ მიღებულ დოკუმენტს არაერთხელ დაუბრუნდა და გააკეთა დასკვნა, რომ საქართველოს ხელისუფლებას უსაფუძვლო მოთხოვნები აქვს.

“გაერთიანებული ოსეთი ოდითგანვე რუსეთის იმპერიის კუთვნილება იყო და სააკაშვილი ტყუილად ირჯება..” – წერენ რუსულ პრესაში.

გიორგი მალხაზიშვილი, ისტორიკოსი: “მე-19 საუკუნემდე არ არსებობს არანაირი ისტორიული დოკუმენტი, სადაც შიდა ქართლი სამხრეთ ოსეთად იხსენიება. მთაში მცხოვრებმა ოსებმა კარგად იცოდნენ, რომ ისინი სხვა ქვეყნის – საქართველოს მიწაზე იყვნენ და ამ მიწაზე მათი მატერიალური თუ კულტურული განვითარების უმთავრესი პირობა ქართულ კულტურასთან და ქართველ ხალხთან სწორი ინტეგრაცია იყო.

დიგორის, ალაგირის და თაგორის ოსური ტომების შიდა ქართლში ჩამოსახლებას ქართველები სიხარულითაც შეხვდნენ, რადგან ისტორიული ალანების ეს შთამომავლები საკმაოდ იაფ და მუყაით მუშახელს წარმოადგენდა შეძლებული ქართლელი გლეხისთვის. სწორედ ამ პერიოდიდან მოდის სიტყვა “დაოსებული”, რაც მაშინდელ დაღლილ, დაქანცულ, მუდამ ჯაფაში მყოფ ოსს აღნიშნავდა”.

ისტორიის გაყალბება კი ყველა სხვა საშუალებასთან ერთად რუსეთისთვის იმ ხანგრძლივი კამპანიის ნაწილი იყო, რაც საბოლოოდ სწორედ მოვლენების იმ სახით განვითარებას ისახავდა მიზნად, რაც ბოლო ორი ათეული წლის განმავლობაში ქართველთა და აფხაზთა თუ ქართველთა და ოსთა “გენოციდით” დაგვირგვინდა. ტერმინი “სამხრეთ ოსეთი” პირველად სწორედ მე–19 საუკუნის 30-იანი წლების რუსულ პრესაში ჩნდება. მანამდე არც ერთ წყაროში არ არის განსაზღვრული არანაირი ჩრდილოეთ თუ სამხრეთ ოსეთის სტატუსები.

უკვე მეცნიერულადაა შესწავლილი, რომ სწორედ ისტორიული სიმართლის გაყალბება იყო ერთ-ერთი უმთავრესი იარაღი რუსეთისთვის, რათა აფხაზეთსა და სამხრეთ ოსეთში სეპარატისტული მოძრაობა გაეღვივებინა.

გიორგი მალხაზიშვილი: “ათეულობით წლების განმავლობაში სეპარატიზმის “სულიერი მამები” ძალ-ღონეს არ იშურებდნენ და წარმატებითაც ახერხებდნენ აფხაზი და ოსი ხალხის მეხსიერებიდან ამოეძირკვათ მათი საქართველოსთან ისტორიული ერთობის შეგნება. ხალხს თავს ახვევდნენ ყოვლად დაუსაბუთებელ და ყალბ “თეორიებს”, თითქოს ისტორიულად არასოდეს არაფერი აკავშირებდათ საერთო-ქართულ ეთნოკულტურასთან და პოლიტიკურ-სახელმწიფლებრივ სამყაროსთან. უფრო მეტიც, ქართველი ხალხი გამოცხადებული იყო აფხაზეთის თავზე დატრიალებული ყველა უბედურების მიზეზად. თვით ისეთ ფაქტებშიც კი, როგორიც იყო მე–19 საუკუნის 60-70-იან წლებში მეფის რუსეთის მიერ მაჰმადიან აფხაზთა დიდი ნაწილის ოსმალეთში გადასახლება, არც მეტი არც ნაკლები, _ ქართველებს ადანაშაულებდნენ”.

presa.ge

გია ნოდია: რატომ დაასახელეს ბრალდების დაზუსტებამდე ბრალდების ადრესატად?

გია ნოდიას რეპუტაცია, რომელსაც აქამდე თითქმის არასდროს შეხებია „მსახვრალი ხელი“, ეჭვის ქვეშ დადგა დღეს დილიდან, მას შემდეგ, რაც განათლებისა და მეცნიერების სამინისტროს შიდა აუდიტის დეპარტამენტის უფროსმა ირაკლი ანდრიაშვილმა, სრულიად სენსაციური განცხადება გააკეთა.

გაზიარება
[მზევინარ ხუციშვილი. 00:35 26-08-2010]

მან ბრძანა, რომ განათლების სამინისტროში შიდა აუდიტის დეპარტამენტმა ფინანსური დარღვევები აღმოაჩინა 2008 წლის პერიოდში განხორციელებულ შესყიდვებზე, როდესაც განათლების მინისტრი გია ნოდია იყო. შიდა აუდიტის დეპარტამენტის უფროსმა, ირაკლი ანდრიაშვილმა საგანგებო ბრიფინგზე განაცხადა, რომ შესყიდვების დროს გაფლანგულია ათიათასობით ლარი. მაგალითისთვის მან დაასახელა ბურთების შესყიდვის აქცია, როცა განათლების სამინისტროდან უგზოუკვლოდ დაიკარგა 170 ათასი ლარი. ზოგადად კი, სპორტული ინვენტარის შეძენის დროს 600 ათასი ლარი გაიფლანგა. საქმის მასალები პროკურატურაშია გადაგზავნილი.

„ახალი 7 დღე“ დაუკავშირდა განათლების ყოფილ მინისტრს გია ნოდიას, იგი ამ განცხადებით გაკვირვებულია და აცხადებს, რომ მან ფინანსური დარღვევების შესახებ მედიასაშუალებებიდან გაიგო: „ეს ყველაფერი ჩემთვის ძალიან მოულოდნელია და მხოლოდ გაკვირვება შემიძლია გამოვთქვა. სპორტული ინვენტარის შესყიდვას სამინისტროს სხვა თანამშრომლები კურირებდნენ და ჩემი მოადგილეები.“

– თქვენ აპირებთ მათი პასუხისმგებლობის საკითხის დაყენებას საკუთარი პოზიციის გასამყარებლად?

– არა, არაფრის გაკეთებას არ ვაპირებ. მე საქართველოს რიგითი მოქალაქე ვარ და ასეთ ქმედებებს არ ვგეგმავ.

– როგორ ფიქრობთ, ასეთი განცხადება, საქმის გამოძიებამდე ბრალდების გახმაურება და პირადად თქვენი სახელის ამ ბრალდების ადრესატად დასახელება პოლიტიკური მოტივით ხომ არ არის განპირობებული?

– ვერაფერს გეტყვით. ზუსტად ჩემთვის არაფერია ცნობილი.

"ახალი 7 დღე"

რა პრობლემები შეიძლება შეექმნათ ავტომფლობელებს

ბოლო დროს საქართველოს ხელისუფლების მიერ საგადასახადო პოლიტიკა მკვეთრად გამკაცრდა.

გაზიარება
[ლევან სეფისკვერაძე. 00:52 24-08-2010]

გადასახადები გაეზარდათ: კაზინოებს, ტოტალიზატორებს, უმაღლეს სასწავლებლებს (ეს უკანასკნელნი ჯერჯერობით გაურკვევლობაში არიან) და ახლა უკვე დაიწყო საუბარი იმაზე, რომ მომავალში შესაძლებელია გადასახადები ავტომფლობელებსაც გაეზარდოთ. თუ ასე მოხდა, გაზრდილი გადასახადებით, განსაკუთრებით ძველი მანქანების მფლობელები დაზარალდებიან.

ჯემალ გაფრინდაშვილი: ექსპერტი ტრანსპორტის საკითხებში: “თუ ასეთი გადაწყვეტილება მიიღეს, ეს პირველ რიგში ტაქსისტებს შეუქმნის პრობლემას, რადგან მანქანა მათთვის შემოსავლის ერთადერთი წყაროა. სხვა მძღოლებისათვისაც არ იქნება სახარბიელო სიტუაცია, მაგრამ მათთვის მანქანის გაჩერება ასეთი დიდი უბედურება არ იქნება. ტაქსისტებს ვურჩევდი, რომ აქედანვე დაიწყონ ფიქრი გამოსავალზე.

ჩემი აზრით საუკეთესო გამოსავალი იქნება, თუ რამდენიმე (2-3) ტაქსისტი შეამხანაგდება, სანამ ჯერ კიდევ გვიანი არაა გაყიდონ თავიანთი ძველი მანქანები. (კარგი იქნება, თუ აზერბაიჯანში გაყიდიან, რადგან იქ მანქანები საკმაოდ ძვირი ღირს) და აღებული ფულით საზიაროდ ერთი ახალი ტაქსი იყიდონ. მალე თბილისში ტაქსების რიცხვი გამო ძალიან შემცირდება და ერთმა ახალმა, ლიცენზირებულმა ტაქსმა დიდი შანსია, რომ სამ ძველ მანქანაზე მეტი ფული იშოვოს.

ტაქსისტებმა დააწესონ მანქანის მოხმარების განრიგი და სათითაო დღე იმუშაონ ახალნაყიდ მანქანაზე. ამ გზით არც სამსახურის გარეშე დარჩებიან, დასვენების დღეებიც ექნებათ და რაც მთავარია, ეყოლებათ ახალი მანქანა, რომელსაც ნებისმიერ დროს გაყიდიან ნორმალურ ფასად. სულ მალე თბილისში ძალიან გაიზრდება ტაქსით მგზავრობის ფასები. საქართველო ეკონომიკური განვითარებით ყველაფერში თურქეთს ემსგავსება და გამონაკლისი არც ტაქსის ფასები იქნება. ეს შეიძლება მგზავრებისათვის ცუდია, მაგრამ კარგი იქნება ტაქსისტებისათვის, რომლებიც ტაქსების რაოდენობის შემცირების მიუხედავად უმუშევრები აღარ დარჩებიან.

სხვა, არატაქსისტ მძღოლებს რას ურჩევდით?

- ცნობილი ფირმის ახალი მანქანის შეძენა ძალიან ძვირია და მის ფასს საქართველოში ცოტა ვინმე თუ შესწვდება, ამიტომ მძღოლებისათვის უკეთესი იქნება, თუ ახალი, მცირელიტრაჟიანი და რაც მთავარია შედარებით იაფფასიანი მანქანების ყიდვაზე დაფიქრდებიან. მაგალითად კაცს ჰყავს, 1988 წლს გამოშვებული ძველი “მერსედესი” რომელსაც სადღაც 1300-1600 დოლარის ფარგლებში გაყიდის. სანამ დროა მძღოლმა საქართველოში თუ ვერა, აზერბაიჯანში გაყიდოს ეს მანქანა და მასში აღებული ფულით ვთქვათ 1500 დოლარიანი ახალი “დაიჰაცუ” შეიძინოს. რა თქმა უნდა “დაიჰაცუ” ვერასოდეს ვერ მივა “მერსედესის” დონეზე, მაგრამ სულ უმანქანოდ დარჩენას ნამდვილად სჯობს. გარდა ამისა, მცირელიტრაჟიანი მანქანები ძალიან ცოტა საწვავს ხარჯავენ და შესაბამისად იაფი შესანახიცაა, ეს კი უფულო მძღოლისათვის დიდი შეღავათი უნდა იყოს. მერე ეს მძღოლი თუ ფულს იშოვის, იყიდის ახალ ძვირადღირებულ მანქანას, მანამდე კი იაფი იაპონური მანქანით მოუწევს ფონს გასვლა.

კახა ფანჩვიძე, მძღოლი, ეკონომისტი: “მანქანის საბუთებს ქართველი მძღოლები ყოველთვის აყალბებდნენ, როცა გასაყიდი ავტომობილისათვის წლების დაკლება სურდათ და ახლა, როდესაც ამის აუცილებლობა მთელი სიმძაფრით დადგება, ყველა შეეცდება თავის ავტომობილს გამოშვების წლები შეუმციროს. ასეთი რაღაცეები ალბათ თავის დროზე ყველა იმ ქვეყანაში ხდებოდა, სადაც ანალოგიური კანონი მიიღეს, მაგრამ ეს საქართველოა და ჩვენთან უფრო ბევრი შეეცდება საბუთების გაყალბებას.

ბევრ მძღოლთან მიწევს ურთიერთობა და ერთი მძღოლიც კი არ მინახავს ისეთი, რომელიც არ ფიქრობდეს ამდაგვარ მაქინაციაზე. თუ ხელისუფლებამ გამყალბებელი მძღოლების წინააღმდეგ მკაცრი სანქციების გატარება დაიწყო, მაშინ ავტომობილის მფლობელებიც არ გაჩერდებიან და შეიძლება აქციებიც კი მოაწყონ. თუმცა საბოლოოდ ალბათ მაინც ბოლოს ყველაფერი ჩაიფარცხება და სწორედ ამიტომ ვურჩევ მძღოლებს, რომ სანამ დროა, იფიქრონ ძველი მანქანების თავიდან მოშორებაზე. მე მძღოლების მხარეზე ვარ და არ მინდა კანონი ისევ მათ შეუტრიალდეს ცუდი მხრიდან”.

სატრანსპორტო დაგეგმარების სპეციალისტი კობა გოროზიაც საუბრობს გამოსავალს არსებული სიტიაციიდან, თუმცა იგი ჯემალ გაფრინდაშვილისაგან განსხვავებით, ქართველ მძღოლებს ძველ მანქანებზე დაწესებული დიდი გადასახადის გადახდას ურჩევს და მიიჩნევს, რომ ბევრი “მარიაჟი” მძღოლისათვის მანქანის სახლში დაყენება უმჯობესია.

კობა გოროზია, სარტანსპორტო დაგეგმარების სპეციალისტი: “უმჯობესია მძღოლები აქედანვე შეეგუონ არსებულ რეალობას და გადაწყვიტონ რამდენად სჭირდებათ მანქანა და რამდენად უღირთ მასზე დაწესებული გადასახადის გადახდა. პირველ როგში უნდა ვიცოდეთ, რომ ყველა ასაკის ძველ მანქანაზე ერთნაირი სიდიდის გადასახადი არსად დაწესებულა. 1976 წელს და 1989 წელს გამოშვებული მანქანები ორივე ძველად ითვლება, მაგრამ გადასახადში განსხვავება ნამდვილად არის. 76-წლიანი მანქანის მძღოლმა ეს გადასახადი რომც არ გადაიხადოს, მას ასეთი ძველი მანქანის მოვლაში და მისი ნაწილების ყიდვაში იმდენი ფული მისდის, რომ მეეჭვება დაწესებულ გადასახადზე ბევრად ნაკლები იყოს. ამ მძღოლს ადრე თუ გვიან მაინც მოუწევს დაფეხვილი მანქანის ნაგავსაყრელზე გადაგდება.

პირადად მე გამოსავალს იმაში ვხედავ, რომ ავტომანქანებით მხოლოდ იმ ადამიანებმა უნდა ისარგებლონ, რომლებიც ამით ფულს შოულობენ. მათი მანქანა ძველიც რომ იყოს, მაინც უღირთ ფულის გადახდა, რადგან მანქანა მათი სამსახურის აუცილებელი ნაწილია. ხოლო მათთვის, ვისთვისაც მანქანა “მარიაჟობასა” და თავმომწონებობას ნიშნავს, გადასახადის დაწესება მართებულია. საერთოდ, ისიც კარგი იქნება, თუ ასეთი ადამიანები სახლებში დააყენებენ მანქანებს. ავარიების უმრავლესობა ხომ სწორედ მათი მიზეზით ხდება. სულაც არაა აუცილებელი ყველა პრანჭია გოგო და მოქეიფე ბიჭი მანქანაზე წამოსკუპდეს. ვისაც მანქანა სჭირდება, ის ძველ მანქანაზე გადასახადსაც გადაიხდის და თუ საჭირო გახდება გაიჭირვებს და ახალ მანქანას იყიდის”

presa.ge

2012 წელს სამყაროს დასასრული არ იქნება

როგორც ჩანს, წარმოდგენები იმის შესახებ, თითქოს პლანეტას 2012 წელს გაუგონარი კატაკლიზმები დაატყდება...

გაზიარება
[03:34 22-08-2010]

...ტორტუგეროს ძეგლზე მაიას ცივილიზაციის ნიშნების არასწორი ინტერპრეტაციის შედეგია.

ძეგლი 1960 წელს აღმოაჩინეს. ქვაზე გამოსახულია ცხრილი, რომლის ნიშნები ცალკეულ კალენდრულ პერიოდს აღნიშნავენ. მიუხედავად იმისა, რომ ცხრილი საკმაოდ დაზიანებულია, მეცნიერებმა მისი შემონახული ნაწილის გაშიფვრა მაინც შეძლეს და დაადგინეს, რომ რამდენიმე გლიფი აღნიშნავს თარიღს, რომელიც თანამედროვე აღრიცხვით 2012 წელია.

მკვლევარებმა ახლახან ახალი ვარაუდი გამოთქვეს, რომლის თანახმად ცხრილი 2012 წლით სულაც არ მთავრდება, რადგან ერთ-ერთი გლიფი 4772 წელს აღნიშნავს.

ambebi.ge

გოგა ხაინდრავა: "საქართველოდან მივდივარ, ამ ქვეყანაში ცხოვრების სურვილი დავკარგე"

ყოფილი სახელმწიფო მინისტრი უკვე ყოფილი პოლიტიკოსიც ხდება... გოგა ხაინდრავა საქართველოდან სამუდამოდ წასვლას აპირებს, თუმცა ჯერჯერობით არ იცის, რომელ ქვეყანაში გააგრძელებს ცხოვრებას.

გაზიარება
[ლალი პაპასკირი. 20:36 18-08-2010]

ამ გადაწყვეტილების მიღებამდე ჯერ ესპანეთში მხატვრულ ფილმს იღებს, ერთი იძულებით ემიგრანტი ქართველის ოჯახის ისტორიაზე...

გოგა ხაინდრავას რიგით მესამე მხატვრულ ფილმს ესპანეთის ქალაქ დენიაში გადაიღებენ, რადგან მიიჩნევს, რომ საქართველოში მას ასეთი შინაარსის ფილმის გადაღების უფლებას ხელისუფლება არ მისცემს.

- ვიცი, რომ ესპანეთში იყავით და ახალ ფილმზე მუშაობთ, რაზეა ეს ფილმი?

- დიახ, სხვათა შორის, საინტერესო ადგილას ვიყავი; ალიკანტესა და ვალენსიას შორის არის ძველი იბერების დედაქალაქი, დენია; თავის დროზე ამ იბერებმა ნახევარკუნძულზე სახელმწიფო დაარსეს. ისინი ჩვენი წინაპრები არიან, თავის დროზე იქ დასახლდნენ, ხოლო მათი ნაწილი საქართველოში წამოვიდა და აქ დაფუძნდნენ... როგორც ცნობილია, იბერები შუამდინარეთიდან წამოვიდნენ, რომელთა ნაწილი კავკასიაში დარჩა, ხოლო მეორე ნაწილი იბერიის ნახევარკუნძულზე დასახლდა.

სხვათა შორის, იბერია ჰქვია ესპანეთს და ესპანეთის ავიახაზებსაც "იბერია" ჰქვია... ასე რომ, ნახევრად ხუმრობით ვიტყვი, საკუთარ დედაქალაქში ვიყავი. იმავეს ვეუბნებოდი ესპანელებს - ამ ქალაქის ერთ-ერთი დამაარსებელი მეც ვარ-მეთქი, რაზეც მეგობრულად იცინოდნენ.

ფილმის სცენარზე ჩემს მეგობართან, ავგუსტ სუკუტთან ერთად ვმუშაობდი. ის წარმოშობით ლატვიელი გახლავთ, მაგრამ ბოლო ორი წელია, ესპანეთში ცხოვრობს. მისმა წიგნმა ლატვიაში წლის საუკეთესო წიგნის ჯილდო მიიღო. ესპანეთში საპროდიუსერო კომპანიას ფლობს. თებერვალში თბილისში იყო ჩამოსული და მაშინ დავიწყეთ ფილმის სცენარზე მუშაობა, ესპანეთში დავასრულეთ და საპროდიუსერო ცენტრს ჩავაბარეთ. ეს ფილმი ოთხი თაობის ქართველ პოლიტემიგრანტებს ეხება. პირველი გმირი 1921 წელს იძულებული ხდება, საქართველო დატოვოს, რადგან აქ მეთერთმეტე არმიის სახით წითელი ურდოები შემოდიან. ამ ოჯახის შთამომავალი, დავითიც იძულებულია, საქართველო დატოვოს - ეს უკვე სააკაშვილის რეჟიმია, 7 ნოემბრისა და აგვისტოს მოვლენებით...

- ფილმის სახელი ჯერ არ მოგიფიქრებიათ?

- ჯერ არა, სათაური ძალიან მნიშვნელოვანია... ეს იდეა საფრანგეთში ყოფნისას გამიჩნდა და დოკუმენტური ფილმის გადაღება მინდოდა. კარგად ვიცნობ სალომე ზურაბიშვილის ოჯახს, ასევე კარგად არის ჩემთვის ცნობილი ვიქტორ ხომერიკის ოჯახის ისტორია... მსახიობებზე ჯერ არც არის ლაპარაკი, ახლა ფინანსების მოძიება დაიწყება, მაგრამ ერთი რამ ზუსტად ვიცი, ამ ფილმს საქართველოში არ გადავიღებ. აქ ამის საშუალებას არ მომცემენ. ალბათ ისევ ესპანეთს ავირჩევ.

- ბატონო გოგა, თქვეს, ამ ფილმს მოსკოვი უფინანსებსო...

- რას ამბობთ, რუსეთში პერსონა ნონგრატად ვიყავი გამოცხადებული... კარგით რა, ოდესმე ხომ უნდა დასრულდეს ეს საზიზღარი პროპაგანდა. ნაგვის ურნიდან დაწყებული ყველგან აგენტები ელანდებათ. ასეთი დამოკიდებულება თქვენ, ჟურნალისტებს უფრო გაგდებთ უხერხულობაში, ვიდრე მე... 2007 წლის ნოემბრიდან მოყოლებული ამაზე ლაპარაკობენ და თუ სამშობლოს ვღალატობ რუსული ფულის სანაცვლოდ, რაღაცაში ხომ უნდა გამოვლინდეს?! შეიძლება, ქალს მუდმივად ეუბნებოდე, ორსულად ხარო?!..

სინამდვილეში ყველამ კარგად ვიცით, რომ რუსეთს ემსახურებიან სააკაშვილი, მერაბიშვილი, ბენდუქიძე, ძმები ბეჟუაშვილები, ადეიშვილები და ეს კონკრეტულ საქმეებში ჩანს, გადაცემულ კოდორისა და ახალგორის რაიონებში და რომელი ერთი ჩამოვთვალო... რატომ დააფინანსებს ფილმს რუსეთი, სადაც იგი ბოროტ ძალად არის წარმოჩენილი?!.. ეს ხალხი საკუთარი ქვეყნიდან რუსეთის ძალადობას გაურბოდა და ასეა დღესაც.

- ფილმის გადაღებაზე გადართვა ნიშნავს, რომ აქტიური პოლიტიკიდან მიდიხართ?

- პოლიტიკიდან კი არა, ქვეყნიდან წასვლას ვაპირებ. მე აქ ცხოვრება აღარ მინდა. არ ვიცი, სად, რომელ ქვეყანაში გადავიხვეწები, მაგრამ სირცხვილში ცხოვრება აღარ მინდა.... ყველა ფასეულობა, რაც ჩემთვის მნიშვნელოვანი იყო, დაიკარგა. სამშობლო, წარსული, აწმყო, მომავალი, ღირსება აბსტრაქტული კი არა, კონკრეტული ცნებებია და როცა მე დაუფარავ და ანგარებიან ღალატს ვხედავ ჩემი ახლობლების, მეგობრებისა და საზოგადოებისგან, როცა ვხედავ ლაჩრობასა და სულმდაბლობას, წმინდა საბჭოურ მოვლენებს, აქ ცხოვრების სურვილი მეკარგება.

- გულგატეხილი ჩანხართ...

- ძალიან გულგატეხილი ვარ... არ ვიცი, სად წავალ, მაგრამ აქ გაჩერება არ შემიძლია, ეს არის ფსიქიატრიული კლინიკა, რომელიც ფეკალიებით არის გავსებული. მე კი სიძულვილით აყროლებულ ქვეყანაში ცხოვრება არ მინდა. თუ ამ ქვეყნის საზოგადოებას შეუძლია ცხოვრება და შეგუება, მე არ მინდა და მივდივარ...

თუ ქართველი ხალხი ამ რეალობის შეცვლას მოინდომებს, ოღონდ საარჩევნო გარემოს შეცვლითა და სისულელეებით კი არა, სხვა გზით, ჩემს ხალხთან დავდგები... მეგონა, მთელი ამ წლების განმავლობაში ჩვენ სააკაშვილის შესაცვლელად ვიბრძოდით და თურმე აღმოჩნდა, რომ საარჩევნო გარემოს შეცვლა გვნდომებია. ანუ პრობლემა სააკაშვილში კი არა, საზოგადოების თვითშეგნებაშია, ნორმალურ და ღირსეულ საზოგადოებაში მიშასნაირი მანქურთები და კერპები არ ჰყავთ, მაგრამ ჩვენი საზოგადოება დაავადებულია...

ეს შიზოფრენიკი ამბობს, მილიონი ტურისტი იქნება მესტიაში, 2 მილიონი ბათუმში და 3 მილიონი ანაკლიაშიო და ტიტველი დარბის, ხალხი კი მას ტაშს უკრავს... მაინცდამინც შარვალჩახდილმა უნდა გაიროს რუსთაველზე, რომ ეს საზოგადოება მიხვდეს, გიჟია?!... ახლახან კოლუმბიაში, პრეზიდენტის ინაუგურაციაზე გავარდა, მაგრამ კოკაინით გაიჟღინთა და იქამდე ვეღარ მიაღწია. პრეზენტაციაზე არც კი გამოჩენილა... დენთის კასრის გარშემო დარბის ასანთით და კაცმა არ იცის, როდის წაუკიდებს. ერთხელ უკვე წაუკიდა. მაშინ მთელი მსოფლიო ჩაერთო და გადავრჩით, მაგრამ როდის გაიმეორებს, კაცმა არ იცის...

ისე კი, ჩემთვის საქართველო 12 აგვისტოს მოკვდა, როცა ცხინვალში დახოცილ ბიჭებს ხელისუფლება პარლამენტის წინ ზეიმობდა და მათთან ერთად იყო ხალხიც... როცა სააკაშვილი ცხინვალში დაღუპული ორი ბიჭის ოჯახს ესტუმრა და მათმა მშობლებმა მას ხელები უკოცნეს, ამ სურათის დანახვამ შემძრა... არადა, დაღუპული ბიჭების ცხედრები სააკაშვილისა და ლომაიას ბრძანებით არ გამოჰქონდათ ცხინვალიდან, რათა მსოფლიოს ენახა, თუ რა სიავეს აკეთებდა რუსეთი, რომ ისინი ქართველი მეომრების გვამების გატანის ნებას არ აძლევდნენ... იქნება ვინმემ ამიხსნას, იმ ბიჭების დედ-მამა რისთვის უხდიდა მადლობას სააკაშვილს? მეტი უბედურება რა უნდა დამართოს ამ კაცმა მათ ოჯახს?!.. ზოგჯერ მგონია, რომ ამ საზოგადოებას ფიქრისა და აზროვნების უნარი აქვს დაკარგული.

- საზოგადოებაში მოისმენთ საყვედურს ოპოზიციის მისამართითაც. ხალხს ახსოვს ოპოზიციონერი ლიდერების უსაფუძვლო დანაპირებიც...

- დიახ, მაგრამ ჩვენ არავინ მოგვიკლავს და არც ტერიტორიები დაგვიკარგავს... ის იმიტომ არის კარგი, რომ მე ცუდი ვარ?! ან იმას იმიტომ ეგუებიან, რომ ვერ მოვერიეთ?.. ვერ მოვერიეთ კი არა, მიწას დავანარცხეთ, მაგრამ მოვიდა ბუში და თავში კომბალი გვგლიჯა. ქართული ოპოზიცია ამერიკის ადმინისტრაციას ვერ მოვიერიეთ, თორემ სააკაშვილი მიწაზე გავაბრტყელეთ და ლევან გაჩეჩილაძემ მასზე ფეხები გაიწმინდა, მაგრამ მერე საქმეში ამერიკა ჩაერთო, რომელიც ზუსტად ისეთივე ბოროტების ბუდეა, როგორიც რუსეთი.

ოღონდ შენიღბულები არიან ფულებით, ყალბი ღიმილით და ვითომ ნატოთი. რუსების წინააღმდეგ ბრძოლა ბევრად უფრო ადვილია, ვიდრე ამერიკის წინააღმდეგ, იმიტომ, რომ მის ნამდვილ სახეს უკვე კარგად ვიცნობთ, ამერიკის ნამდვილი სახე კი ქართულ საზოგადოებას ჯერჯერობით არ უნახავს, მაგრამ როცა ნახავს, გვიანი იქნება...

- ოპოზიცია შემოდგომიდან გააქტიურებას გეგმავს, თქვენ რას აპირებთ?

- დავდგები იქ, სადაც ჩემი ხალხი იქნება, მაგრამ იმის მტკიცება, რომ სააკაშვილის შეცვლა კონსტიტუციური გზით არის შესაძლებელი, სასაცილოა და ამას ვერ შევუერთდები.

- მაშ, რა გზას ირჩევთ?

- აჯანყებას... თუ ხალხი ამაზე არ წამოვა, კი ბატონო, ნუ წამოვა. შეიარაღებულ და სამხედრო გადატრიალებას კი არა, დაუმორჩილებლობას ვურჩევ საზოგადოებას... ამას ისევ საზოგადოებისთვის ვამბობ და თქვენი ჟურნალიდან მინდა, ჩემს ხალხს მივმართო, შეხედეთ რას ჰგავხართ, რამ დაგიჩლუნგათ პროტესტის გრძნობა...

7 ივლისს 55 წლის გავხდი, ეს ასაკი მაინცდამაინც დიდი არ არის, მაგრამ ბევრმა არც კი მომილოცა, არადა, ყველაფერი ჩემი შრომითა და ნიჭით მოვიპოვე, თანაც პატიოსნად. მერაბიშვილმა ჩემი ბიოგრაფია საბავშვო ბაღიდან მოყოლებული შეისწავლა და ერთი გადაცდენა რომ მქონოდა, დღეს ასეთი თავისუფალი არ ვიქნებოდი. სიმდიდრე თავზე არასდროს გადამდიოდა, მაგრამ ჩემი ნიჭის წყალობით გაჭირვებული არასდროს ვყოფილვარ... მთელ ამიერკავკასიაში საუკეთესო გალერეა დავაფუძნე, რომელიც რუსთაველის თეატრის პირდაპირ მდებარეობდა, ბეჟუაშვილმა სააკაშვილისა და უგულავას მხარდაჭერით წამართვა და იმ ადგილას სარეცხი მანქანების მაღაზია გახსნა...

სანამ ესპანეთში ვიყავი წასული, ძველ კინოსტუდიაში ჩემი სტუდია მქონდა და დამიწვეს. 18 სახანძრო მანქანა იდგა და უყურებდა როგორ იწვოდა იქაურობა... ამ ქვეყანაში სულიერი, ინტელექტუალური და მატერიალური საარსებო წყარო მომისპეს და მითხარით, რა მინდა აქ?!.. ჩემი გვარის ხალხს ყრიან სამსახურიდან.

- საქართველოდან წასვლის შემდეგ რას აპირებთ, პოლიტიკურ ცხოვრებას მთლიანად გამოეთიშებით?

- არა, სააკაშვილს ამ სიამოვნებას ნამდვილად არ მივანიჭებ... თუ სააკაშვილის გადადგომის რეალური მოთხოვნით აქციები დაიწყო და ქართულმა საზოგადოებამ მე პირველივე რიგებში არ მნახა, შეუძლია, ქვა მესროლოს... საქართველოში ახლა ყოფნა-არყოფნის საკითხი დგას და ეს განსაკუთრებით კარგად მაშინ შევიგრძენი, როცა ვითარებას გვერდიდან შევხედე და შევეცადე, ქვეყანაში მიმდინარე პროცესებისთვის ჩემი უცხოელი მეგობრების თვალით შემეხედა. ზოგი ესპანელია და ზოგი ბალტიისპირელი, კინოსტუდიაში მუშაობენ. საგანგაშოა უცხოური მედიისა და პრესის ანალიზი საქართველოს შესახებ. ჩვენ ვეღარ ვატყობთ, როგორ დავეცით და ვერც იმას ვატყობთ, რომ იმ ტოტალურ სიცრუეს, რაშიც ცხოვრება გვიწევს, გამართლება არ აქვს. ნორმალური, ცივილიზებული ადამიანებისთვის, ვისაც მაღალი პოლიტიკური დონე არ აქვთ და არც სჭირდებათ, სრულიად გაუგებარია, რისთვის და რატომ უნდა ითმენდეს ამას ქართული საზოგადოება. სხვათა შორის, მეც ძალიან მიკვირს...

"რეიტინგი"

იახნოვეცი: თუ საქართველო ე.წ. სამხრეთ ოსეთს დაესხმევა, რუსეთი საქართველოს საკადრისს პასუხს გასცემს

თუ საქართველო ე.წ. სამხრეთ ოსეთს დაესხმევა, მას რუსეთი საკადრის პასუხს გასცემს.

გაზიარება
[14:34 01-10-2010]

ამის შესახებ ე.წ სამხრეთ ოსეთის დე ფაქრო თავდაცვის მინისტრმა ვალერი იახნოვეცმა განაცხადა.

მისი თქმით, მიმდინარეობს ოსური შეიარღებული ძალების რეფორმირების პროცესი და მათი რაოდენობა 1300 კაცამდე მცირდება.

მაგრამ, ეს მათ ბრძოლისუნარიანობაზე და ე.წ. სამხრეთ ოსეთის თავდაცვისუნარიანობაზე არ იმოქმედებს, რადგან ცხინვალის მახლობლად რუსეთის IV სამხედრო ბაზაა განთავსებული, რომელიც ე.წ. სამხრეთ ოსეთს დაიცავს.

დე ფაქტო მინისტრის თქმით, ე.წ. სამხრეთ ოსეთის საჰაეროო სივრცე კარგადაა დაცული, თუმცა, ჩ-300 ტიპის სარაკეტო კომპლექსების განთავსებაც არ იქნებოდა ურიგო.

იახნოვეცის თქმით, ბოლო დროს რუსეთის მედიაში აგვისტოს ომის დროს ოსი ,,ოპოლჩენცების” როლის დაკნინება მიმდინარეობს, რაც, მისი აზრით, დაუშვებელია.

,,უნდა გვახსოვდეს, რომ სწორედ ოსმა მებრძოლებმა შეაჩერეს და შემდგომ განდევენს ქართული ტანკები ცხინვალიდან”, – განაცხადა იახნოვიცმა.

http://epn.ge

რამ დააშოშმინა კოკოითი?

იმ ადგილზე, სადაც ადრე დიდი ლიახვის ხეობის ერთ-ერთი ყველაზე დიდი სოფელი – თამარაშენი იყო, ორი დღის წინ, რუსული სამხედრო ქალაქი გაიხსნა.

გაზიარება
[ლევან სეფისკვერაძე. 18:58 16-08-2010]

ამ ქალაქის მშენებლობა დაახლოებით წელიწადნახევრის წინ დაიწყო და მიუხედავად იმისა, რომ ჯერ ბოლომდე არ დასრულებულა, რუსი ოფიცრების 36 ოჯახს ბინების გასაღებები საზეიმო ვითარებაში უკვე გადაეცა.

აღსანიშნავია, რომ სამხედრ ბაზამდე და საერთოდ, ცხინვალამდე მისასვლელი სავტომობილო გზის შეკეთება კოკოითის არაღიარებულმა ხელისუფლებამ აიღო საკუთარ თავზე. კოკოითი ცხინვალში დარჩენილ მოსახლეობას სასმელი წყლით მომარაგების პრობლემის მოგვარებსაც შეპირდა, მაგრამ არც გზისა და არც წყლის პრობლემა არ მოგვარებულა და როგორც ადგილობრივი ოსები ამბობენ, სამუშაოები ჯერ არც კი დაწყებულა.

რაც შეეხება ცხინვალთან ახლოს გახსნილ რუსულ სამხედრო ქალაქს, ქალაქი დაახლოებით 1500 რუსი ოფიცრის ოჯახზეა გათვლილი და სამუშაობის უდიდესი ნაწილი ჯერ კიდევ დასასრულელებლია, თუმცა რუსეთის ხელისუფლების გადაწყვეტილებით, ჯერ არაშენებული ქალაქი დროზე ბევრად ადრე გაიხსნა და ეს ბუნებრივია რეიტინგდავარდნილი პუტინისა და მედვედევის პიარსაც ემსახურება.

მევლუდ ქრისტესიაშვილი, სამაჩაბლოს მკვიდრი: “რუსები ძალიან ჰგვანან ჩვენს ხელისუფლებას დაუმთავრებელი შენობების ნაადრევად გახსნაში. რუსების სამხედრო ქალაქი ჯერ არ აშენებულა, მაგრამ 20 თუ 30 რუსულ ოჯახს ბინები მაინც დაურიგეს და ეს ყველაფერი ისე გამოჩნდა, თითქოს მართლა დიდი რაღაც გააკეთეს. განადგურებული თამარაშენის ადგილზე 30 სახლის აშენება ამათ დიდი ამბავი ჰგონიათ”.

ბოლო დროს ლიახვის ხეობაში შედარებითი სიწყნარეა. სროლებიც შეწყდა. სამაჩაბლოელები ამბობენ, რომ ეს სიმშვიდე მხოლოდ რუსეთში მომხდარი ხანძრებით არის განპირობებული. რუსეთში მომხდარმა ეკოლოგიურმა კატასტროფებმა რუსეთს პროვოკაციების ხალისი მოუსპო და სულ სხვა რეალობის წინაშე დააყენა.

გიორგი ჯავახიშვილი, სამაჩაბლოს მკვიდრი: “რუსეთში რაც ხანძრები დაიწყო, იმის შემდეგ, ცხინვალიდან სროლები შეწყდა. რუსები და კოკოითის ხალხი ისეა დაწყნარებული, კაცი იფიქრებს, ამათზე მშვიდი და წყნარი ხალხი მეორე არ არისო. საკმარისია რუსეთში რაიმე თუნდაც პატარა პრობლემა შეიქმნას, რომ აქ ოსები ეგრევე ჩერდებიან და გასუსულები ელოდებიან, როგორ განვითარდება რუსეთში მოვლენები. ეს ბუნებრივიც არის, რადგან თავიდან ბოლომდე რუსებზე არიან დამოკიდებულები და მაგათ “მატუშკა რასიას” რამე რომ მოუვიდეს, პირველ რიგში სწორედ სეპარატისტებს შეექმნებათ პრობლემები.

ადგილობრივებს ყველაზე მეტად რაც გვაწუხებს, ეს არის სარწყავი წყლის არქონა. ადრეც გითხარით, რომ კოკოითმა საბოლოოდ გადაგვიკეტა ზონკარის წყალსაცავიდან გამოსული სარწყავი წყალი და მთელი ქართული სოფლები თითქმის ბოლომდე გადაიხრუკა და გადაიწვა. ჩვენი ხელისუფლება კი შეგვპირდა ახალი წყალსაცავის აშენებას, მაგრამ ეგ წელს ალბათ ვერ მოესწრება და ზამთარში ხალხს თავის გასატანი საკვებიც კი შეიძლება არ ჰქონდეს”.

რუსეთი რამდენიმე ფრონტზე სიტუაციის გაკონტროლებას რომ ვერ ახერხებს ეს აშკარა ფაქტია და ამას არც რუსი პოლიტოლოგები მალავენ. და არა მხოლოდ რუსი პოლიტოლოგები... ოკუპანტი სამხედროებიც კი პუტინის ბოლოდროინდელი აგრესიული პოლიტიკის მიმართ, უარყოფითად არიან განწყობილნი.

დიდი ლიახვის ხეობის მკვიდრი, სიმონ ბეზალაშვილი იხსენებს ერთ-ერთ რუს ჯარისკაცთან საუბარს, როდესაც ოკუპანტი საკუთარი ხელისუფლების მიმართ უარყოფითად იყო განწყობული და რუსეთში არსებული სიტუაციით საკმაოდ შეშინებულიც გახლდათ.

სიმონ ბეზალაშვილი, დიდი ლიახვის ხეობის მკვიდრი: “რუს ჯარისკაცებს პროდუქტის მხრივ მომარაგების ამბავში საქმე კარგად რომ არა აქვთ ეს იმითაც ჩანს, რომ პირიოდულად რუსები ქართულ სოფლებში გადმოდიან და საკვებს ჩვენგან ყიდულობენ. ომის მერე, ცხინვალის ბაზარი დაიკეტა და ცხინვალის მოსახლეობა მთლიანად იმაზეა დამოკიდებული, რუსეთი რა დახმარებას გადმოუგდებს.

ოსებს თითქმის არ ჩაუტარებიათ საგაზაფხულო და საზაფხულო სამუშაოები და თუ დახმარება არ ექნებათ, შიმშილით დაიხოცებიან. კარგ დღეში არც რუსები არიან და ამას ამბობენ კიდეც. ადრე ერთ-ერთ რუს ჯარისკაცს ველაპარაკე. თვითონ დაიწყო ლაპარაკი და მეც რატომ არ მოვუსმენდი? ყველას აგინებდა, ვინც ეს ომი დაიწყო და იმის შიში ჰქონდა, რომ მალე მის ბატალიონს ჩეჩნეთში წაიყვანდნენ”

presa.ge

READ MORE - რამ დააშოშმინა კოკოითი?

პოლიციელის დასჯის მოთხოვნით ელგუჯა ახალაიას ცხედრის ამოთხრა იგეგმება...

ჩხოროწყუს რაიონის სოფელ კირცხში მომხდარი მკვლელობა კვლავ გაუხსნელია. 2009 წლის აპრილში პოლიციის უმცროსმა ინსპექტორმა დათო სიჭინავამ 29 წლის ელგუჯა ახალაია წამებით მოკლა.

გაზიარება
[ილია ჩაჩიბაია. 18:16 13-08-2010]

დათო სიჭინავამ ელგუჯა ახალაია ჯერ სასტიკად სცემა, შემდეგ კი მდინარე ხობისწყალში დაახრჩო. მოკლულის ოჯახის წევრები ამბობენ, რომ პოლიცია საქმის გამოძიებას შეგნებულად აჭიანურებს, რადგან დანაშაულში ეჭვმიტანილ თანამშრომელს აფარებს ხელს.

მოკლეული ელგუჯა ახალაიას ოჯახის წევრებმა გუშინ სამეგრელო–ზემო სვანეთის სამხარეო პროკურატურასთან ხალხმრავალი აქცია გამართეს. ისინი საზოგადოებრივი მოძრაობა „დაიცავი საქართველოს“ წევრებთან ერთად საოლქო პროკურორ როლანდ ახალაიასთან შეხვედრას მოითხოვდნენ.

ეს რიგით მეორე აქციაა, რომელიც ახალაიებმა და მათმა ახლობლებმა გამართეს. გასულ თვეში ჩხოროწყუს რაიონულ პოლიციასთან შეკრებილი მოქალაქეები იგივე მოთხოვნებით პოლიციის უმოქმედობას აპროტესტებდნენ.

ჭირისუფალთან შეხვედრა არავინ ისურვა. ამიტომ ელგუჯა ახალაიას ოჯახმა გადაწყვიტა მიემართა პროტესტის უკიდურესი ფორმისთვის.

მოკლულის მეუღლემ, ნატო კემულარიამ, გვითხრა, რომ აპირებს მეუღლის ცხედარი საფლავიდან ამოიღოს და გამოძიების დაწყების მოთხოვნით ზუგდიდში, სამხარეო პროკურატურასთან, დაასვენოს:

„ამოვთხრით მიცვალებულს. ვიცი, ეს არ არის კარგი საქციელი მაგრამ იმასაც ვერ შევეგუებით, დამნაშავე პოლიციელი თავისუფალი იყოს.

10 თვის წინ მდინარე ხობისწყალთან ჩვენი თანასოფლელების თანდასწრებით პოლიციის თანამშრომელმა, დათო სიჭინავამ, ჩემს ქმარს გაურკვეველი მიზეზით კისრის არეში ჭრილომა მიაყენა. როგორც მოწმეებმა გვითხრეს, ელგუჯამ გონება დაკარგა და თავი რიყის ქვას დაარტყა. ის ადგილზე გარდაიცვალა. ცხედარი დათო სიჭინავამ წყალში შეაცურა და იქ მყოფ ბიჭებს სასტიკად აუკრძალა მომხდარზე საუბარი. მიუხედავად ამისა, ჩვენ მაინც გვიამბეს ყველაფერი. რამდენიმე საათი ვეძებეთ, სანამ ცხედარი მდინარემ გამორიყა. სამედიცინო ექსპეტიზის დასკვნით, ჩემი ქმარი წყალში არ დამხრჩვალა, როგორც ამას პოლიცია ამბობს...

ვითხოვთ, დაიკითხოს ლევან კვეკვესკირი, რომლიც ადასტურებს პოლიციელის მიერ ჩადენილ დანაშაულს, მაგრამ რაიონული და სამხარეო პოლიცია რატომღაც საეჭვოდ პასიურობენ...

ვეძებთ სამართალს, გვინდა, დაისაჯოს დამნაშავე. ჩატარდეს ობიექტური გამოძიება.

ძალიან ცუდ მდგომარეობაში აღმოვჩნდით. 3 მცირეწლოვანი ბავშვის აღზრდა დამაწვა კისერზე. არ გავჩერდებით და ვიბრძოლებთ ბოლომდე“.

ელგუჯა ახალაიას მამა, გამოძიების კვლავ გაჭიანურების შემთხვევაში, მართლმსაჯულების აღსრულებას საკუთარი ძალებით გეგმავს. იგი ამტკიცებს, რომ დამნაშავემ ზუგდიდში პოლიციის და პროკურატურის თანამშრომლები მოისყიდა.

თამუშა ახალაია: „მაქვს ინფორმაცია, რომ დამნაშავეს მფარველობს საოლქო პროკურორი როლანდ ახალაია. მან ქრთამი აიღო.

მინდა მივიღო პასუხი კიხვაზე, რატომ მოკლეს ჩემი შვილი და რატომ არ დააკავეს დამნაშავე. თუ პოლიცია არ დაასრულებს გამოძიებას, გადავწვავ პოლიციის შენობას და დამნაშავის სახლს. 10 თვეა, წინ და უკან დავდივარ, ნორმალური პასუხი არავინ გამცა. რაიონულ პოლიციიდან სამხარეოში მაგზავნიან, სამხარეოდან კიდევ თბილისში, გენპროკურატურაში. აღარ შემიძლია. უკიდურესი ზომების მიღებისკენ მიბიძგებენ. ჩვენს ქვეყანაში არ არსებობს სამართალი“.

აქციას საზოგადოებრივი მოძრაობა „დაიცავი საქართველოს“ წევრები ესწრებოდნენ. უფლებადამცველებმა ახალაიებს თანადგომა აღუთქვეს და სამართალდამცავ უწყებას გამოძიების შეფერხების მიზეზების დასახელება მოსთხოვეს.

კახა მიქაია: „დაიცავი საქართველო“ ჭირისუფალთან ერთად აპროტესტებს ამ უპრეცედენტო უკანონობის ფაქტს. პოლიციის თანამშრომელმა ადამიანი მოკლა, შემდეგ მდინარეში გადააგდო და ამის გამო ის არათუ დააპატიმრეს, არც კი დაუკითხავთ. თითქმის 1 წელი გავიდა მომხდარიდან, იმ პერიოდში პოლიციის უფროსი იყო გია ლემონჯავა, რომელიც არის საოლქო პროკურორის, როლანდ ახალაიას, ახლო ნათესავი. როგორც ხედავთ, ახალაიების კლანი მთელ სამეგრელოში თარეშობს, რაც მოესურვება, იმას აკეთებს. თქვენ წარმოიდგინეთ, ადამიანი მოკლეს, მდინარეში გადააგდეს და ამაზე პასუხი არავინ აგო... საქმეც კი არ აღძრეს. როლანდ ახალაიას კლანს შეუძლია ხალხი დახოცოს და ამაზე პასუხს არავინ მოსთხოვს. მე არ ვიცი, ეს ყველაფერი რამდენ ხანს გაგრძელდება. ფაქტია, რომ ამ მკვლელობის შემდეგ ლემონჯავა დააწინაურეს და საკრებულოს თავმჯდომარედ დანიშნეს.

მაქვს იმედი, რომ სამეგრელო მალე ამოიღებს ხმას და საკადრის პასუხს გასცემს მკვლელთა დაჯგუფებას“.

ზუგდიდის ცენტრში გამოსული მოსახლეობა აქციების გაგრძელებით იმუქრება, სამეგრელო–ზემო სვანეთის სამხარეო პოლიციის შემდეგ პროტესტის გამოხატვას დედაქალაქში, მთავრობის სასახლესთან, გეგმავენ.

"ახალი 7 დღე"

ტელეკომპანია "კავკასიაში" მომხდარ ინციდენტთან დაკავშირებით დაკავებულ რვავე პირს სასამართლომ ოთხი წლითა და ექვსი თვით პატიმრობა მიუსაჯა

ტელეკომპანია "კავკასიაში" მომხდარ ინციდენტთან დაკავშირებით დაკავებულ რვავე პირს თბილისის საქალაქო სასამართლომ ოთხი წლითა და ექვსი თვით პატიმრობა მიუსაჯა.

გაზიარება
[16:12 13-08-2010]

როგორც "ინტერპრესნიუსს" თბილისის საქალაქო სასამართლოდან აცნობეს, სასამართლომ წარმოდგენილი მტკიცებულებების ანალიზით დადასტურებულად ჩათვალა განსასჯელთა ბრალეულობა. სასამართლომ მოისმინა დაზარალებულების ჩვენებები, რომლებმაც დაადასტურეს ტელეკომპანია "კავკასიაში" მომხდარი ფაქტი. აჩვენეს, რომ ადგილი ჰქონდა ჟურნალისტის საქმიანობაში ჩარევასა და ფიზიკურ ძალადობას, თუმცა განაცხადეს, რომ პრეტენზია განსასჯელთა მიმართ არ გააჩნიათ, რადგან არ არიან დარწმუნებულნი ზემოხსენებულ ქმედებაში მათი მონაწილეობის შესახებ.

მოწმე ხ.შ.-მ დეტალურად აღწერა ტელეკომპანიაში განვითარებული მოვლენები, მან კუთვნილი მობილური ტელეფონით გადაიღო და გამოძიებას წარუდგინა ამ მოვლენების ამსახველი ვიდეომასალა, რაც უდავოდ ადასტურებს განსასჯელთა მხრიდან ხულიგნობისა და ჟურნალისტის საქმიანობაში უკანონოდ ჩარევის ჩადენას. განსასჯელებზე, როგორც დანაშაულის ჩამდენ პირებზე მიუთითეს მოწმეებმა, ბ.-მ, რ.-მ, მ.-მ და სხდომაზე მოწმის სახით დაკითხულმა 30-ზე მეტმა პირმა. ტელეკომპანიაში დანაშაულის ჩადენის ფაქტი დაადასტურა დაცვის მოწმემ, ყოფილმა სახალხო დამცველმა, ნ.დ.-მ. განსასჯელები ასევე ამოიცნეს მოწმეებმა და მათი ქმედებები ასახულია ტელეკომპანიებიდან, `მაესტროსა~ და "კავკასიიდან" ამოღებულ ვიდეომასალაში.

სასამართლო აქვე განმარტავს, რომ ქმედება, რომელიც ჩადენილია დასახელებულ განსასჯელთა მიერ, წარმოადგენს საქართველოს სისხლის სამართლის კოდექსით გათვალისწინებულ კანონსაწინააღმდეგო და დასჯად ქმედებას და მას არაფერი აქვს საერთო რელიგიურ, პირად ან სხვა სახის შეხედულებებთან. აღნიშნული ქმედება დასჯადია სისხლის სამართლის წესით, მიუხედავად იმისა შეურიგდა თუ არა განსასჯელებს დაზარალებული, ან რელიგიური თუ სხვაგვარი მოსაზრებებით არ ითხოვს დამნაშავის სისხლისსამართლებრივი წესით დასჯას.

დავით შალამბერიძეს, ავთანდილ ზუმბაძეს, ზვიად ბლიაძეს, ლევან ჩაჩუას, გიორგი გაბედავას, რატი მაისურაძეს, შოთა აფხაიძესა და ჯაბა გურჩიანს მსჯავრი დაედოთ წინასწარი შეთანხმებით, ჯგუფურად ხულიგნობასა და ჟურნალისტის პროფესიულ საქმიანობაში უკანანოდ ხელის შეშლაში.

2010 წლის 7 მაისს ტელეკომპანია "კავკასიაში", გადაცემა "ბარიერის" მსვლელეობისას, რომელშიც მონაწილეობას იღებდნენ ილიას სახელმწიფო უნივერიტეტის ადმინისტრაციის, "მართლმადიდებელ მშობელთა კავშირისა" და "სახალხო მართლმადიდებლური მოძრაობის" წარმომადგენლები, განსასჯელებმა უკანონოდ, მუქარითა და ძალადობით, ხელი შეუშალეს ჟურნალისტ ნინო ჯანგირაშვილს პროფესიულ საქიანობაში, აიძულეს შეეწყვიტა მათთვის არასასურველი ინფორმაციის გავრცელება, უხეშად დაარღვიეს საზოგადოებრივი წესრიგი, სიტყვიერი და ფიზიკური შეურაცხყოფა მიაყენეს იქ მყოფ პირებს.

მხარეებს აღნიშნული განაჩენის გასაჩივრება ერთი თვის ვადაში შეუძლიათ.

IPN

დიპლომატები მოსკოვს ტოვებენ

დიპლომატები მოსკოვს ტოვებენ. გერმანიის საელჩომ რუსეთში გუშინ, 6 აგვისტოს საღამოს, მუშაობა ყოველგვარი წინასწარი გაფრთხილებისა და შეტყობინების გარეშე შეაჩერა.

გაზიარება
[ნინო ჯაფარიძე. 14:24 09-08-2010]

შენობაში მხოლოდ მორიგე თანამშრომლები დარჩნენ. ინფორმაციას ამის შესახებ სააგენტო „ფრანსპრესი“ გერმანიის საგარეო საქმეთა სამინისტროს პრესსპიკერზე დაყრდნობით ავრცელებს. უწყება საკუთარ მოქალაქეებს აფრთხილებს არ მოინახულოს რუსეთის ის რეგიონები, სადაც ბუნებრივი ხანძრები დაფიქსირდა.

დიპლომატები გაიწვია ავსტრიამ, პოლონეთმა და კანადამ. აშშ-ის, საფრანგეთის, ბულგარეთის საელჩოებმა კი, საკუთარ მოქალაქეებს მოუწოდეს რუსეთში ჩასვლისგან თავი შეიკავონ. არაოფიციალური მონაცემებით, მოსკოვიდან საელჩოს თანამშრომელთა შვილების, ასევე ქრონიკული დაავადებების მქონე თანამშრომელთა გაყვანას კიდევ რამდენიმე ქვეყანა გაგმავს.

განცხადებაში, რომელიც რუსეთში გამგზავრების მსურველი მოქალაქეებისთვის აშშ-ის სახელმწიფო დეპარტამენტმა ვებ-გვერდზე გამოაქვეყნა, ნათქვამია, რომ ბუნებრივი ხანძრებისა და ანომალური სიცხის გამო, რუსეთის ცლკეულ რეგიონებში, მათ შორის მოსკოვსა და მოსკოვის ოლქში ატმოსფეროს დაბინძურების დონემ საშიშ ნიშნულს მიაღწია.

სააგნეტო NASA- ს ინფორმაციით, ცეცხლი კარგად ჩანს და კვამლმა სტრატოსფეროში, 12 კილომეტრის სიღრმეში შეაღწია. სააგენტოს მიერ გადაღებული ფოტოები მოწმობს, რომ ხანძარი აღმოსავლეთიდან დასავლეთისკენ 3 000 კილომეტრზეა გადაჭიმული.

ძლიერი კვამლის გამო 60-მდე თვითმფრინავი იძულებული გახდა მოსკოვის ნაცვლად შორიახლო ქალაქებში ან უკრაინაში დაშვებულიყო. დომოდედოვოს საერთაშორისო აეროპორტმა ათობით რეისი გადადო. გადაწყვეტილებას დაშვებისა და აფრენის შესახებ ეკიპაჟის წევრები თავად იღებენ. „როსავიაციის“ ხელმძღვანელობის ინფორმაციით აეროპორტში ხილვადობა 4 კილომეტრია.

მოსკოვში კვამლმა უკვე შეაღწია არა მხოლოდ სახლებსა და ოფისებში, არამედ მეტროშიც, რომელიც მსოფლიოში ერთ-ერთი ყველაზე ღრმა სისტემაა. ტყის და ტორფის ნამწვავის მძიმე სუნი სუნთქვას ართულებს. ქალაქის ცენტრალურ ქუჩებში ხილვადობა 100 მეტრს არ აღემატება. მეტეოროლოგთა მონაცემებით შაბათის ამინდის პროგნოზი კვამლის გაფანტვის იმედს არ იძლევა.

ხანძრები ტყეეებში და ანომალიური სიცხეები რუსეთის უდიდესი და უძველესი ბირთვულ სექტორის მუშაობას აფერხებს. საროვის ბირთვული კვლევების საიდუმლო ცენტრთან სტიქიას 2000-მდე მეხანძრე ებრძვის.

რუსეთის საგანგებო სიტუაციათა მინისტრის განცხადებით, სამინისტრო ცდილობს ცეცხლის დასავლეთით, ბრიანსკის რაიონისკენ გავრცელება შეაჩეროს, სადაც 1986 წელს ჩერნობილში მომხდარი ავარიის შემდეგ ატომური ნარჩენების სამარხია განთავსებული. ამ ტერიტორიაზე ცეცხლის გავრცელების შემთხვევაში არსებობს საფრთხე, რომ რადიოაქტიურმა ნივთიერებებმა გაჟონოს.

მსოფლიოში უდიდეს, რუსეთის ტყიანი მასივების მიუდგომელ ადგილებში ხანძრის ლოკალიზებას რობოტიზებული ტექნიკის და ავიაციის გამოყენებით ცდილობენ.

ადამიანები ქუჩაში სამედიცინო ნიღბების გარეშე ვერ გადაადგილდებიან. ტოქსიკური ნივითერებების კონცენტრაციამ დაშვებულ ნორმას ხუთჯერ გადააჭარბა. თითქმის აღარ ჩანს ქალაქის ღირსშეასანიშნაობები, მათ შორის კრემლიც. მზე მოჩანს როგორც მცირე, მქრქალი დისკი.

„სიტუაცია მართლაც ექსტრემალურია. ადამიანები იმყოფებიან პირობებში, რომელში ცხოვრებაც შეუძლებელია“, - ამბობს ერთ-ერთი ცნობილი რუსი ექიმი, ჯანმრთელობის ნაციონალური ჯგუფის ლიგის წევრი ივან იურლოვი.

presa.ge

READ MORE - დიპლომატები მოსკოვს ტოვებენ

ვის ესიზმრება ყველაზე ხშირად სააკაშვილი?

მიხეილ სააკაშვილი 25 წლის თბილისელ გოგონას შეუყვარდა.

გაზიარება
[ხათუნა ბახტურიძე. 15:22 07-08-2010]

სამოქალაქო მედიის ექსპერტი, სოციალური ქსელის "ფეისბუქის" აქტიური წევრი ნინო ჭელიძე, რომელსაც პრეზიდენტის 1000-ზე მეტი ფოტო აქვს, ამბობს, რომ ყველაზე ხშირად სიზმარში პრეზიდენტს ხედავს - ადამიანს, რომელმაც მისი ცხოვრება სრულიად შეცვალა. ნინოს ქვეყნის პირველი პირის სურათები საკუთარი საძინებელი ოთახის კედლებზე აქვს გაკრული. მისი მობილური ტელეფონის ეკრანიდან და ნოუთბუქის მონიტორიდანაც მიხეილ სააკაშვილი იმზირება...

ცალმხრივ სიყვარულზე სასაუბროდ, შინ მიმიწვია. ვიდრე საუბარს დავიწყებდით, უცებ ჩარკვიანის სიმღერიდან პატარა ნაწყვეტი - "ყველაფერს ვეტყვი პრეზიდენტს..." - გაისმა. თურმე ნინოს ტელეფონზე ურეკავდნენ... პრეზიდენტზე შეყვარებული გოგონა ძალიან მხიარული, გულახდილი რესპონდენტი და გულითადი მასპინძელი აღმოჩნდა...

- ნინო, როგორ შეცვალა შენი ცხოვრება პრეზიდენტმა და რამ განაპირობა შენი მისდამი ასეთი დიდი სიყვარული?

- კარგად მახსოვს, 90-იანი წლები: შიმშილი, სიცივე, უშუქობა, ქურდობა, ყაჩაღობა, შეიარაღებული ბანდების მიერ მშვიდობიანი მოსახლეობის დაწიოკება ჩვეულებრივი მოვლენა იყო. დღემდე გულში მაქვს ჩარჩენილი, საახალწლო ზეიმზე სკოლა რომ დამიცხრილეს და გოზინაყზე ნასწავლი ლექსი ვერ ვთქვი. ჩემს უბანში განსაკუთრებით მძიმე სიტუაცია იყო.

ნაძალადევში ვცხოვრობ, აქ პოლიციელებიც კი ქურდული ტრადიციების მიხედვით ცხოვრობდნენ. ხუდადოვის ქუჩის ბოლოს მათი ბლოკპოსტი იდგა და ყველა სამარშრუტო ტაქსის ავლა-ჩამოვლაზე ფულს ართმევდნენ, გასდიოდათ და იმიტომ... 16 წლის ვიყავი, პირველად კორუმპირებულ ადამიანებთან რომ მომიწია შეჯახებამ. პოლიციის სამმართველოში, პირადობის მოწმობის ასაღებად მისული, საშინლად გამაწამეს, წინ და უკან მარბენინეს, მხოლოდ იმიტომ, რომ ვიღაცას ჯიბეში 15 ლარი არ ჩავუდე. ახლახან კი პასპორტი ყოველგვარი პრობლემის გარეშე ავიღე.

სააკაშვილმა ხელისუფლებაში მოსვლის დღიდან დაიწყო რეფორმების განხორციელება, მენტალურადაც კი შეცვალა ხალხი. ადრე გოგონებს ქურდული მენტალობის, ნარკომანი ბიჭები მოსწონდათ, ახლა მათკენ აღარავინ იხედება. ვერასდროს წარმოვიდგენდი, რომ "ნახალოვკელი" ბიჭი ხმამაღლა იტყოდა, - ქურდობა არ მინდა, პოლიციელი ან სამხედრო უნდა გავხდეო.

- სააკაშვილი იმიტომ გიყვარს, რომ ქვეყანაში რეფორმები გაატარა თუ როგორც მამაკაცი, ისე გხიბლავს?

- როგორც მამაკაცი, ისედაც მხიბლავს. მაგრამ ჩემი ყურადღება თავისი რეფორმებით მიიპყრო. გახსოვთ, იუსტიციის მინისტრი რომ გახდა და ამ უწყების შესასვლელში ფორმიანი გუშაგები დააყენა?.. თავი ევროპაში მეგონა... სხვათა შორის, მე ერთ-ერთი იმათგანი ვარ, ვინც რეფორმებს შეეწირა. ეკონომიკის სამინისტროში, კახა ბენდუქიძესთან ვმუშაობდი. მართალია, შემცირებაში მომაყოლეს, მაგრამ მაშინაც ვამბობდი და დღესაც ამ აზრზე ვარ, - ეკონომიკის სამინისტროში ძალიან კარგი, დროული და საჭირო რეფორმა გატარდა.

ზოგიერთივით, არ დავბოღმილვარ, სწავლა გავაგრძელე, მარკეტინგი შევისწავლე. მერე საბაჟოზე დავიწყე მუშაობა, მაგრამ იქაც შემამცირეს და თითქმის 2 წელი უმუშევარი ვიყავი.

- მიხეილ სააკაშვილმა, როგორც მამაკაცმა, რითი მოგხიბლა?

- მისი ყველაფერი მომწონს - სიმაღლე, გარეგნობა, მანერები, სპორტული სტილი.

- სპორტული სტილი?

- დიახ, სპორტული სტილი. ტელეკომპანია "კავკასიამ" ხომ გაავრცელა შემთხვევით გადაღებული კადრები, სადაც ის ტრენაჟორებზე ვარჯიშობს. გარდა ამისა, მე ისიც ვიცი, რომ კარგად ცურავს, ფრენბურთს თამაშობს, ციგურებზე სრიალებს, თხილამურებზეც კარგად დგას. მისი ფიზიკური აქტიურობა ჩვენი ახალგაზრდებისთვის კარგი მაგალითია. სააკაშვილი სიგარეტით ხელში რომ დავინახო, ალბათ გავგიჟდები.

- მისი ჩაცმის სტილიც მოგწონს?

- ძალიან კარგი სტილი აქვს. ქართველი მამაკაცები, ქურდული ტრადიციის გავლენით, ძირითადად, შავი პერანგით, შავი შარვლით, შავი ლაკის ტუფლებით დადიოდნენ, ცხვირსახოციც კი შავი ჰქონდათ. მათ ფონზე, ვარდისფერ მაისურსა და მწვანე შარვალში გამოწყობილი სააკაშვილი არაორდინარული გამოჩნდა.

- ე.ი. თუ შავი ფერის სამოსი უფრო მომწონს, ვიდრე მწვანე ან ვარდისფერი, ეს ქურდული ტრადიციის გავლენაა?..

- (იცინის) არა, მე მამაკაცები მყავს მხედველობაში. არც იმას ვამბობ, რომ ვისაც შავი ფერის სამოსი აცვია, ყველა ქურდული ტრადიციის მატარებელია, უბრალოდ, ეს სტილი ადრე იყო მოდაში. ქართველები კი ბუნებით კონსერვატორები ვართ და სიახლეს ძნელად ვეგუებით.

- ევროპელ ლიდერებზე რას იტყვი? მწვანე შარვლებით და ყვითელი ან ვარდისფერი პერანგებით არც ისინი დადიან.

- სხვათა შორის, მაგაზეც მიფიქრია... ოფიციალური შეხვედრების ამსახველ ფოტოებზე ჩვენი პრეზიდენტი სხვებისგან ყოველთვის გამოირჩევა, როგორც სიმაღლით, ისე ჩაცმის სტილით. თავისი გარეგნობითა და მანერებით ის ყოველთვის ყურადღების ცენტრშია. მგონია, რომ ჩვენს ქვეყანას ასე სჭირდება.

იცით, ის რუსებს რატომ სძულთ?.. არაფრისგან სახელმწიფო შექმნა. ისე, ქართველები რა უცნაური ხალხი ვართ: რამდენიმე დღის წინ ჩემთვის ვფიქრობდი, - ხომ შეიძლება, როგორც სხვა ქვეყნებში, ჩვენთანაც იყიდებოდეს სუვენირები პრეზიდენტის გამოსახულებით-მეთქი?.. ეჰ, ვინ გაბედავს აქ ამის გაკეთებას, ოპოზიცია ერთ ამბავს ატეხს!..

- მარტო ოპოზიცია?

- არა მარტო ოპოზიცია; ხალხიც. იტყვიან, - ესეც სააკაშვილის ბიზნესიაო...

- სააკაშვილის სურათების შეგროვება რამ გადაგაწყვეტინა? სუვენირების არ იყოს, ისიც ერთ მშვენიერ დღეს მოიფიქრე?

- დაახლოებით ასე იყო: ერთ მშვენიერ დღეს აღმოვაჩინე, რომ სააკაშვილის სიყვარულით, 50 სურათი დამიგროვებია. ვიფიქრე, რადგან ამდენი სურათი მაქვს, მოდი, კოლექციას შევაგროვებ-მეთქი და 7 თვეში უკვე 1200 ფოტო მოვაგროვე. მისი პოლიტიკური მოღვაწეობის ყველა პერიოდის ამსახველი ფოტო მაქვს, - დაწყებული "კმარას" აქციებიდან, დამთავრებული ამ ბოლო კვირაში სამინისტროებში ვიზიტით.

- ის ფოტოებიც გაქვს, გორში მიწაზე დაოთხილი რომ არის ან ჰალსტუხს რომ ღეჭავს?

- შენ წარმოიდგინე, მაქვს. ჩემი პრეზიდენტი ისეთი მიყვარს, როგორიც არის. მე თუ მკითხავთ, მისი საქციელი ორივე შემთხვევაში ადეკვატური იყო. როდესაც ქვეყანას გიბომბავენ, უნდა ინერვიულო, აბა, რა უნდა ქნა?! ასეთ დროს შეიძლება, ჰალსტუხიც დაღეჭო... რაც შეეხება გორში გადაღებულ კადრებს, - მე ისიც კი გამიკვირდა, იქ რომ ჩავიდა... ამ ხალხს მთავარსარდალი ცხენზე ამხედრებულ, ხმალამოღებულ დევგმირად წარმოუდგენია, ახლა სხვა დროა...

- გორში სააკაშვილთან ერთად კუშნერიც იყო, მაგრამ ის არ გაქცეულა...

- კიდევ კარგი, რომ სააკაშვილი გაიქცა: როგორც გავიგე, საფრთხე მართლაც რეალური იყო. დაცვამაც სწრაფი და სწორი რეაგირება მოახდინა. ძალიან მაინტერესებს, მსგავს სიტუაციაში ის ხალხი როგორ მოიქცეოდა, ვინც სააკაშვილს მშიშარად მიიჩნევს?!

მე ერთი რამ ვიცი: ქვეყანა ოკუპირებულია, მაგრამ მაინც ვითარდება. ეს კი სააკაშვილის დამსახურებაა. ადამიანი, რომელმაც ამდენი კარგი საქმე გააკეთა, სულაც არ არის საკუთარი თავით კმაყოფილი, ძალიან თავმდაბალი, უბრალო ადამიანია. მისი რეზიდენციის გახსნაზე შემთხვევით აღმოვჩნდი. იქ კიდევ ერთხელ დავრწმუნდი, რომ ძალიან უშუალოა.

- რეზიდენციის პრეზენტაციაზე შემთხვევით როგორ აღმოჩნდი?

- "ფეისბუკის" მეშვეობით დაპატიჟეს ხალხი, პრეზიდენტის ადმინისტრაციიდან "იმეილით" მომივიდა მიწვევა. თავიდან ხუმრობა მეგონა, მაგრამ მაინც წავედი. ძალიან გამიხარდა, როდესაც დავრწმუნდი, რომ მართლა დაპატიჟებული ვიყავი.

- შენი აზრით, სააკაშვილს რაიმე ნაკლი თუ აქვს?

- მიჭირს ამის თქმა (ფიქრობს). რა არ მომწონს, იცით?.. რეფორმები რომ შეაჩერა. იმედი მაქვს, ეს პაუზა დროებითია. როგორც პიროვნებასა და მამაკაცს, ნაკლს ვერ ვუძებნი. ძალიან მომწონს, რომ იუმორის გრძნობა აქვს. ვაფასებ იმასაც, რომ ტირილი შეუძლია. ერთხელ, ნოდარ ქუმარიტაშვილის გამო იტირა, ერთხელ - მოხუცი პენსიონერი შეეცოდა...

- მის ტირილზე შენ რა რეაქცია გაქვს - დამშვიდების სურვილი ხომ არ გიჩნდება?..

- სიამოვნებით დავამშვიდებდი.

- როდესაც მის წინააღმდეგ ფართომასშტაბიანი საპროტესტო აქციები იმართებოდა, შენი სულიერი მდგომარეობა როგორი იყო?

- ძალიან მშვიდად ვიყავი, ვიცოდი, რომ ოპოზიცია, თუნდაც გარე ძალებიდან მართული, ვერაფერს მიაღწევდა. ეს თავად ხელისუფლებამაც იცოდა და ამიტომაც "აიგნორებდა".

- ხელისუფლება საკუთარ მოქალაქეებს რომ "აიგნორებდა", ეს მოგწონდა?

- სხვათა შორის, ვფიქრობდი, რომ აქციის ორგანიზატორები უნდა დაეჭირათ. საშინელება იყო... გახსოვს, რას დაამსგავსეს განახლებული თავისუფლების მოედანი?! პუშკინის სკვერი სანაგვედ აქციეს, ახალგარემონტებული მიწისქვეშა გასასვლელი სულ მიანგრ-მოანგრიეს.

- 7 ნოემბერს ხალხი რომ დაარბიეს, მაშინ რას ფიქრობდი?

- ვფიქრობდი, რომ ხელისუფლება სავსებით სწორად იქცეოდა. ახლაც ამ აზრზე ვარ. როდესაც ქვეყანაში გადატრიალება მზადდება, ხელისუფლებამ გადამჭრელი ზომები უნდა მიიღოს.

- როგორ ფიქრობ - პრეზიდენტის გადადგომის მოთხოვნით რატომ გამოვიდნენ ქუჩაში ის ადამიანები, რომელთა მხარდაჭერის შედეგადაც, სააკაშვილი თავის დროზე ხელისუფლებაში მოვიდა?

- იმიტომ, რომ რეფორმების შედეგად, ბევრი მათგანი უმუშევარი დარჩა და დაიბოღმა. მეც შემამცირეს, თანაც - ორჯერ, მაგრამ ამის გამო, რეფორმატორი ხელისუფლების კრიტიკის სურვილი არ გამჩენია.

- ახლა თუ მუშაობ?

- კი, ვმუშაობ, კონტროლის პალატაში, მაგრამ დარწმუნებული არა ვარ, რომ ხვალ ან ზეგ ისევ ვიმუშავებ.

- შენი ოჯახი თუ თანაგიგრძნობს პრეზიდენტის სიყვარულში?

- არ თანამიგრძნობენ, მაგრამ არც აღშფოთებულები არიან ამის გამო.

- სააკაშვილის ექსკლუზიური ფოტოები თუ გაქვს?

- ერთი მაქვს და იმასაც თქვენ გაძლევთ.

- ეს ფოტო როგორ მოიპოვე?

- ვინც გადაიღო, იმის მეგობარმა მომცა. სულ ახალია, ამ ზაფხულს გადაუღეს.

- პრეზიდენტის ფოტოების გარდა, რაიმე სხვა კოლექციაც ხომ არ გაქვს?

- მიხეილ სააკაშვილის სურათებამდე არასდროს არაფერი შემიგროვებია. "ფეისბუკში" ერთ-ერთმა ჩემმა მეგობარმა "მიშატელისტი" დამარქვა.

- პრეზიდენტზე მოგონილი ჭორების შეგროვებაზეც ხომ არ გიფიქრია?

- არა, მისი ოპონენტების მიერ გავრცელებული ჭორების ნამდვილად არ მჯერა.

- მექალთანე არისო, რომ ამბობენ, არც ეს გჯერა?

- ისე, კაცს ქალები რატომ არ უნდა იზიდავდეს?! ბერლუსკონი, სარკოზი და პუტინი ამის გამო არავის შეუჩვენებია, მით უმეტეს, პუტინი თითქმის შვილის ტოლ გოგონაზე, 19 წლის ტანმოვარჯიშეზე იყო შეყვარებული.

- ისე, პუტინი რომ სააკაშვილს დაემუქრა, არ შეგეშინდა?

- არა. დარწმუნებული ვარ, სააკაშვილს ვერც პუტინი დააკლებს რამეს და ვერც სხვა ვინმე, მიუხედავად იმისა, რომ რუსეთიდან მომდინარე საფრთხეები დიდია. სხვათა შორის, პუტინის მუქარას ჩვენმა პრეზიდენტმა ძალიან მოსწრებული პასუხი გასცა და კიდევ ერთხელ გვიჩვენა, რომ იუმორის დიდი გრძნობაც აქვს და საკმაოდ გაბედული ადამიანიცაა.

დარწმუნებული ვარ, სხვა რომელიმე ერს სააკაშვილივით სიმპათიური, ახალგაზრდა, გონიერი, გამბედავი და რეფორმატორი პრეზიდენტი რომ ჰყავდეს, უსაზღვროდ იამაყებდა. ეს ჩვენ, ქართველები ვართ ზედმეტად კრიტიკულები და ზოგჯერ, უმადურებიც.

”გზა”, ambebi.ge

გაუტეხელი თუში

მთაში ამბობენ, იმას კი არა აქვს მნიშვნელობა, რამდენ ხანს იცოცხლებ, არამედ იმას, როგორ მოკვდებიო. მეოთხე ბრიგადის 41-ე ბატალიონის ჯარისკაცი გიორგი ანწუხელიძეც ასე ფიქრობდა. ცოტა ხანს იცოცხლა, სულ რაღაც 23 წელი, მაგრამ კაცურად გალია თავისი წილი წუთისოფელი.

გაზიარება
[ეკა ლომიძე. 22:58 06-08-2010]

ალვანელი თუში ბიჭი ცხვარსაც მწყემსავდა და დედასთან ერთადაც შრომობდა, უვლიდა ოჯახს... ერაყიც მოიარა, როგორც მშვიდობისმყოფელმა, 2008 წლის შემოდგომაზე ისევ უნდა წასულიყო.

მაკა ჩიკვილაძე, გიორგის ქვრივი: "6 აგვისტოს მე და ჩვენი შვილი ლევანი გორის რაიონში, სოფელ ძევერაში გაგვგზავნა დასასვენებლად. რა იცოდა, რომ ომი დაიწყებოდა. 7 აგვისტოს გამთენიისას დავურეკე, შინ იყო, ეძინა. ვთხოვე, გული ცუდს მიგრძნობს, არეულობაა და თუ გამოგიძახებენ, თავს გაუფრთხილდი-მეთქი".

...ის ვაჟკაცურად დაიღუპა. ტყვედ ჩავარდნილმა სამაგალითო გმირობა გამოიჩინა. მისი წამების ფაქტები ჯალათებმა უკვდავყვეს - ერთ-ერთ სეპარატისტს მობილური ტელეფონით გადაუღია ამაზრზენი ვიდეოკადრები: ქართველ ტყვეთაგან ყველაზე მაღალს, ვაჟკაცური გარეგნობით გამორჩეულს მისცვივდებიან სეპარატისტები, მოსთხოვენ, დაიჩოქოს და მიწას აკოცოს. არ ემორჩილება და დაუზოგავად ურტყამენ სახეში (გვამს არც ერთი კბილი აღარ ჰქონდა შერჩენილი), მოითხოვდნენ, მტრის ინტერესების მიხედვით მიეცა ჩვენება. კადრებში გარკვევით ისმის დაკითხვის ტექსტი.

ერთ-ერთი ტყვის სიმტკიცის გამო გაოცებას ვერ ფარავს და კადრში ისმის, ძალიან ძლიერი ბიჭიაო. ზოგი თავის მოჭრას უპირებს, ზოგი დახვრეტას, ვიღაც ცდილობს, მისი მოკვლა გადააფიქრებინოს ბანდას, იქნებ ინფორმაცია გამოვტყუოთ, ნუ მოვკლავთო, მაგრამ გიორგის გაუტეხელობა მოთმინების ფიალას უვსებს მხეცებს. ცხინვალის მეხუთე სკოლასთან, ძმათა სასაფლაოს ღობესთან მიაგდებენ და ჯერ რიგრიგობით შესდგებიან წიხლით, მერე კი...

კაპრალი გიორგი ანწუხელიძე 2008 წლის 9 აგვისტოს გაუჩინარდა ცხინვალის ომში. 5 თვის განმავლობაში უგზო-უკვლოდ დაკარგულად ითვლებოდა. მოგვიანებით, გადმოსვენებულ ათ ქართველთაგან ერთ-ერთი მისი ცხედარი აღმოჩნდა. გიორგი მუხათგვერდის ძმათა სასაფლაოზე განისვენებს.

"როდესაც მისი სიკვდილი დადასტურდა და ის საშინელი ვიდეოკადრები გავრცელდა, მხოლოდ წამების დასაწყისის ნახვა შევძელი და დავრწმუნდი, რომ გიორგი აღარ მყავდა, მაგრამ დღემდე ველოდები, ელოდებიან გიორგის დედა და ჩემი შვილები - ლევანი, რომელიც მაშინ მხოლოდ ათი თვის იყო და ანა, რომელიც მამის სიკვდილიდან 7 თვეში დაიბადა. გიორგიმ სქესი არ იცოდა, ოცნებობდა ქალიშვილზე და აუხდა... საუბედუროდ, სტრესმა თავისი ქნა - გოგონა ტრავმული დაიბადა, ცალი ფილტვი თვე-ნახევარი არ ეხსნებოდა და აპარატზე იყო მიერთებული", - იხსენებს მაკა.

გიორგის დაღუპვიდან 2 წლის შემდეგ საქართველოს ახალგაზრდა იურისტთა ასოციაციამ ადამიანის უფლებათა ევროპულ სასამართლოში გაგზავნა აგვისტოს ომთან დაკავშირებული კიდევ ერთი სარჩელი, რომელიც რუსი და ოსი სამხედრო პირების მიერ გიორგი ანწუხელიძის წამებასა და დახვრეტას ეხება.

"მდგომარეობას ისიც ამძიმებს, რომ გიორგის წამება მისი ეთნიკური წარმოშობითაც იყო განპირობებული. მას არ აპატიეს, რომ საქართველოს მოქალაქე იყო. იურისტების განმარტებით, დაირღვა კონვენციის მე-14 მუხლის (დისკრიმინაციის აკრძალვა) მოთხოვნები.

იმ ამაზრზენ კადრებში ჩანს ჯალათების სახეები. მოვითხოვთ მათ დასჯას და რუსეთისგან მორალურ და ფინანსურ კომპენსაციას. ამბობენ, რომ სტრასბურგში სარჩელის განხილვას წლები სჭირდება. ჩვენ დაველოდებით და ვიბრძოლებთ სასურველი შედეგის მიღებამდე. იოლი არ არის ჯარისკაცის ცოლობა, არც გმირის ცოლობაა იოლი და კიდევ უფრო რთულია გმირის ქვრივობა. მეც მმართებს გმირობა და ახლა შვილებთან ერთად ამისთვის ვიბრძვი", - ამბობს მაკა.

"კვირის პალიტრა"

"გმირი - ყველაზე ხანმოკლე პროფესიაა ამქვეყნად"

უილ როჯერსი

READ MORE - გაუტეხელი თუში

”რომ შემეძლოს, სააკაშვილს და მთელ მინისტრთა კაბინეტს ჭუბერის გზას ფეხით გამოვატარებდი!”

ჟურნალისტთა კავშირ ”ობიექტივის” ხელმძღვანელი ირმა ინაშვილი მკაცრად აფასებს ქვეყანაში შექმნილ სიტუაციას. მისი თქმით, საქართველოში მცხოვრები ნებისმიერი ადამიანი საოცრად უმწეო და დაუცველია:

გაზიარება
[ხათუნა ჩიგოგიძე. 22:54 06-08-2010]

- ქალბატონო ირმა, ერთ დროს გამომცემლობა ”სამშობლოდან” ჟურნალისტები გამოაძევეს, შემდეგ კი მათი ბედი დევნილებმაც გაიზიარეს. რაზე მეტყველებს ამგვარი ფაქტები?

- მსგავსი ფაქტები იმაზე მიგვანიშნებს, რომ ჩვენ ვცხოვრობთ სახელმწიფოში, რომლის ხელისუფლებას არ უყვარს თავისი ხალხი. ყველაფერი, რაც აქ კეთდება დემოკრატიის სახელით, ადამიანების საზიანოდ არის მიმართული.

ბოლო ექვსი წლის განმავლობაში ადამიანის უფლებების დაცვის საკითხი საქართველოში ძალზე მწვავედ დგას, რადგან ირღვევა თითქმის ყველა ნორმა: მედია არ არის თავისუფალი და ამასთანავე ართმევენ საკუთრებას, არ არის დაცული ადამიანის სიცოცხლის უფლებაც კი. ჩვენ ვნახეთ, როგორ გამოყარეს ჟურნალისტები გამომცემლობა ”სამშობლოს” შენობიდან, როგორ დაულუქეს ტექნიკა, როგორ შეაჩერეს ჟურნალისტური საქმიანობა, რაც ყველა საერთაშორისო კონვენციითა და კანონით აკრძალული ქმედებაა.

აქვე იკვეთება მეორე საკითხიც - როგორ ეპყრობა სახელმწიფო დევნილებს. სამწუხაროა, მაგრამ ფაქტია - იმ დევნილებს, რომლებიც გაჩნდნენ მიხეილ სააკაშვილის წაგებული ომის შემდეგ, ეს ხელისუფლება რაღაც ყურადღებას მაინც აქცევს, მაგრამ იმათ, ვინც 1990-იან წლებში დაკარგა თავისი სახლ-კარი, სააკაშვილის რეჟიმი ექცევა როგორც უცხოებს!

ხელისუფლება თითქოს ჯიუტად იმეორებს: გავაკეთებ რასაც მინდა, მინისტრად დავნიშნავ ვისაც მინდა, წერეთ რაც გაგეხარდებათ, გავყიდი რომელ შენობასაც მინდა, ან ვაჩუქებ ვისაც მინდა…

- დევნილები ჩივიან, რომ მათ ისეთ ადგილებში უპირებენ ჩასახლებას, სადაც მინიმალური პირობებიც კი არ არსებობს…

- როდესაც დევნილს სადღაც ასახლებ, იმის ნახევარი კი არა, ორჯერ უკეთესი პირობები უნდა შეუქმნა, რაც ჰქონდა. არადა, ასახლებ სადღაც, უდაბნოში, სადაც არც კომუნიკაციაა, არც არაფერი. ვიმეორებ, მათ არ უყვართ საკუთარი ხალხი. არ შეიძლება დაყო მედია შენიანად და მტრად, დაყო დევნილები, პედაგოგები, ექიმები, ჟურნალისტები შენიანებად და მტრებად.

ეს მიგვანიშნებს იმაზე, რომ ჩვენ ვცხოვრობთ ძალადობრივ გარემოში და ამ ძალადობის გამოვლინებას ვხედავთ თითქმის ყველა სფეროში. გამომცემლობა ”სამშობლოს” მაგალითი სწორედ ამაზე მიგვანიშნებს. სად უნდა წავიდეს ახლა ეს ხალხი?! მათი ბრალია, რომ დევნილები გახდნენ?!

ერთ ციფრს დაგისახელებთ: მხოლოდ საკრებულო 3 მილიონზე მეტს იღებს ბიუჯეტიდან ბენზინის, ტელეფონისა და სხვადასხვა საკომუნიკაციო გადასახადების დასაფარავად. ჩნდება კითხვა, როცა შენთვის მილიონებს ხარჯავ, დევნილებისთვის რას აკეთებ? რაც შეეხება მათთვის შემოსულ დახმარებებს, ეს თანხა სააკაშვილის რეჟიმის განმტიკიცებისათვის დაიხარჯა.

- ქალბატონო ირმა, როგორ შეაფასებდით ქართულ მედიაში არსებულ სიტუაციას?

- ამ ქვეყანაში მედიაჯგუფებს აფინანსებენ ფონდები, რომლებიც პირდაპირ მიბმული არიან ხელისუფლებასთან. მთელი ძალისხმევა იქ მომუშავე ჟურნალისტებისა მიმართულია იქითკენ, რომ დამოუკიდებელი ჟურნალისტები წარმოჩინდნენ რადიკალებად და მარგინალებად. რადიკალებსა და მარგინალებს კი საერთაშორისო ფონდები არ აფინანსებენ.

მწვავედ დგას ჟურნალისტური პატიოსნების საკითხიც. ამ ხელისუფლებამ გარყვნა ქართველი ჟურნალისტების ძალიან დიდი ნაწილი, თითქმის 80 პროცენტი. თქვენ ნახეთ როგორ დატოვა ”იმედი” ოცდაათმა ჟურნალისტმა და ერთ ღამეში როგორ დასაქმდნენ ”ტიბისი ტვ”-ში. ასეთი ფაქტები ქართული ჟურნალისტიკის სირცხვილია.

ჩემი ნება რომ იყოს, ჩვენს პრეზიდენტს და მინისტრთა კაბინეტს ჭუბერის გზას ფეხით გამოვატარებდი. იცით, რატომ? - კოდორის ხეობის შენარჩუნება არანაირ პრობლემასთან არ იყო დაკავშირებული, კოდორი ამ ხელისუფლებამ გააჩუქა!

-დასასრულ, ქალბატონო ირმა, საზოგადოებას აინტერესებს, როდის გააგრძელებს მუშაობას რადიო ”ობიექტივი”?

-დაფინანსება არც გვაქვს და არც გვქონია ამიტომ, რადიო ”ობიექტივის” ბედი ჯერჯერობით გაურკვეველია. თუ მუშაობას დავიწყებთ, ეს ისევ ჩვენივე ძალებით უნდა მოვახერხოთ.

"კვირის პალიტრა"

მთელი ღამის განმავლობაში მოჭიდავეები გივი კარტოზიას ძეგლს დარაჯობდნენ

ლეგენდარული ქართველი სპორტსმენის, გივი კარტოზიას ბიუსტს სპორტის სასახლესთან მთელი ღამის განმავლობაში მოჭიდავეები, ძეგლის შემსრულებელთან ერთად დარაჯობდნენ.

გაზიარება
[ნინო მიქიაშვილი. 22:47 06-08-2010]

...შეგახსენებთ, რომ სპორტის სასახლე გივი კარტოზიას სახელს ატარებს. საქმე იმაშია, რომ წუხელ ძეგლის ავტორს, გიორგი შხვაცაბაიას პარლამენტიდან დაურეკეს და უთხრეს, რომ ბიუსტი სპორტის სასახლის ინტერიერს აუშნოებს და რომ მისი სხვაგან გადატანა უნდათ. ამის შესახებ პრესა.გე–ს უთხრეს: ძეგლის შემსრულებელმა, იოსებ ზურაბიშვილმა და მსოფლიოს ორგზის და ევროპის ხუთგზის ჩემპიონმა ჭიდაობაში, ლუკა კურტანიძემ, რომელიც ახლახანს ნინო ბურჯანაძის “დემოკრატიული მოძრაობა – ერთიანი საქართველოში“ გაწევრიანდა.

“წუხელ, ღამის პირველ საათზე ძეგლის ავტორმა, გიორგი შხვაცაბაიამ დამირეკა და მითხრა, რომ ძეგლის გადატანას აპირებენ. ამის შესახებ ძეგლის ავტორს პარლამენტის კულტურისა და სპორტის საკითხების კომიტეტის თავმჯდომარის, გიორგი ასანიძის მოადგილემ დაურეკა (გვარი სამწუხაროდ არ ვიცი) და გააფრთხილა. იმ წუთას წამოვედი და მას შემდეგ აქ ვდგავარ. ამათმა ხომ ღამ–ღამობით იციან ძეგლის გადატან–გადმოტანა?! გათენდა და ჯერჯერობით არავინ მოსულა. გივი კარტოზია იყო ლეგენდარული ადამიანი. მე წილად მერგო პატივი, მისი ქანდაკება ბრიონჯაოში ჩამომესხა.

ახლა აქ, სპორტის სასახლესთან ჩემთან ერთად არიან ღვაწლმოსილი ადამიანები: ბიჭიკო შელია, გივი კარტოზიას ბავშვობის მეგობარი; ჯიმი ხეცურიანი, ამ ქანდაკების ერთ–ერთი სულის ჩამდგმელი და სხვები. ეს ადამიანები 2 წელი იბრძოდნენ იმისთვის, რომ ეს ქანდაკება აქ აღმართულიყო და ბოლოს ქალაქს აჩუქეს ბუმბერაზი, ლეგენდარული კაცის ქანდაკება, რომელიც აქ მიმდინარე წლის ივნისში, ყოველგვარი წესის დაცვით დაიდგა.

შეგახსენებთ, რომ ქანდაკება დგას სპორტის სასახლის სალაროების მხარეს, აქ დაგეგმილი ღონისძიების რეკლამა, რომ იკვრება, აი, მაგის წინ, ბოლნისის ულამაზეს ქვაზე და აბსოლუტურად არავის არაფერში არ უშლის ხელს. ამ ძეგლის აქედან გადატანა არის ამათი დაჟინება და მეტი არაფერი; ხალხი ბუმბერაზი ადამიანებს და მათ ძეგლებს, რომ ხედავს, აი, ეს არ მოსწონთ! მე ამის თქმის არ მეშინია. სიღნაღში ამირანის 12–მეტრიანი ბრინჯაოს ქანდაკებასთან ღამით, ქურდულად მივიდნენ და გადააგდეს, ხევში ჩაჩეხეს.

თბილისში მაგალითად, არც პრომეთეს დადგმა უკითხავთ ვინმესთვის და არც აღება – ამ ძეგლთანაც ქურდულად მიიპარნენ, აიღეს და ბორჯომის პარკში გადაიტანეს. ახლა გივი კარტოზიას ქანდაკებას რას უპირებენ, არ გვეუბნებიან. ასე ხომ არ არის – არ მინდა და უნდა ავიღოო?! აუცილებლად “რევოლუციის“ მერე უნდა ჰქონდეს გმირობა ჩადენილი, ადამიანმა პატივისცემა რომ დაიმსახუროს?!“ – ამბობს პრესა.გე–სთან საუბრისას ძეგლის შემსრულებელი, იოსებ ზურაბიშვილი. მისივე განმარტებით, ძეგლის ოფიციალური გახსნა სექტემბრშია დაგეგმილი, ოლიპმპიურ კომიტეტთან და ჭიდაობის ფედერაციასთან ერთად.

პრესა.გე პირველად მერიის პრესსამსახურს ტელეფონით დაუკავშირდა, სადაც განგვიმარტეს, რომ მერიამ გივი კარტოზიას ბიუსტის გადატანის შესახებ არაფერი იცის – “რადგან სატელეფონო ზარი პარლამენტიდან იყო, უმჯობესია იქ გაარკვიეთ რა ხდებაო“. პარლამენტის პრესსამსახურში გიორგი ასანიძის მობილური ტელეფონის ნომერი მოგვცეს, მაგრამ სამწუხაროდ, მასთან დაკავშირება ვერ შევძელით – ტელეფონი გამორთული ჰქონდა.

დავინტერესდით, მსოფლიოს ორგზის ჩემპიონს ჭიდაობაში, ლუკა კურტანიძეს ხომ არ უცდია პირადი კონტაქტებით გაერკვია რას უპირებენ გივი კარტოზიას ბიუსტს. აღმოჩნდა, რომ მანაც ძეგლის ავტორისგან შეიტყო მისი გადატანის ამბავი და სხვა არაფერი იცის:

“ამ ძეგლის გადატანის საკითხს როგორ შეფუთავენ და მიაწვდიან საზოგადოებას, ეს უკვე მეორეხარისხოვანია. როცა ეს ამბავი შევიტყვე, ჩემი პირველი რეაქცია იყო აღშფოთება, როგორც ამ ქვეყნის მოქალაქის და იმ ადამიანის, რომელიც აღვიზარდე გივი კარტოზიას, ლევან თედიაშვილის, რომან რურუას და ასეთ სახელოვანი და ლეგენდარული სპორტსმენების მაგალითებზე, რომლებმაც ჩვენს ქვეყანას არაერთხელ მოუტანეს დიდი სიხარული. მადლიერი ვარ, რომ წილად მერგო პატივი, რამდენიმე სიტყვა ვთქვა ლეგენდარულ ქართველ სპორტსმენზე, გივი კარტოზიაზე, რომელიც იყო: ორგზის ოლიმპიური ჩემპიონი, ხუთგზის მსოფლიო ჩემპიონი და ადამიანი, რომელიც ქართული ადათ–წესებით, ღირსეულად იყო აღზრდილი და ამ წესის მატარებელი გახლდათ.

მან უამრავ ადამიანს მოუტანა უდიდესი სიხარული, როგორც ლეგენდარულმა სპორტსმენმა და რომ არა გივი კარტოზია, რომ არა რომან რურუა, რომ არა ლევან თედიაშვილი, რომ არა ამო ციმაკურიძე..., რომლებმაც მსოფლიო არენაზე ქართული სპორტის ისტორია შექმნეს, არ იქნებოდა ის გამარჯვებები, რომელსაც დღესაც აღვნიშნავთ.

სირცხვილია, როდესაც კითხვის ნიშანი ისმება, შეეფერება თუ არა გივი კარტოზიას ბიუსტი, მისივე სახელობის სპორტის სასახლის ფასადს. საერთოდ, ქვეყნები გმირებს იგონებენ; ჩვენ გმირები გვყავს, რომელთაც ჩქმალავენ, ანადგურებენ, მათი ძეგლები სადღაც მოფარებულში გადააქვთ და წინ ისითი ღირებულებების წარმოჩინებას ცდილობენ, რაც ჩვენი ქვეყნისთვის დამაქცეველია.

ყველაფერი იქით მიდის, რომ ღირსეული ადამიანების ისტორია უნდათ წაშალონ, რომ უფრო მორჩილი და მართვადი ერი მიიღონ, მაგრამ ამის გაკეთებას ვერ შეძლებენ – საქართველომ და ქართველმა ერმა, საუკუნეები გამოიარა და ასე ადვილად დასაბეჩავებელი რომ იყოს, ჩვენი ერი საერთოდ გაქრებოდა. ძალიან ბევრ სფეროში ახლა ამ ყველაფერს შინაგანად გამოხატავენ და მოვა დრო და ამას მოჰყვება დიდი აფეთქება, რომელიც პირისაგან მიწისა აღგვის ამ უღირსობის და უმეცრების დამკვიდრების მცდელობას“.

presa.ge

საქართველოს პატრიარქი ერისა და ჯარის გამთლიანებას მიესალმება

საქართველოს კათოლიკოს-პატრიარქი, უწმინდესი და უნეტარესი ილია მეორე მიესალმება ერსა და სამხედროებს შორის რამდენიმე წლის წინ არსებული დამოკიდებულების დაძლევას.

გაზიარება
[22:35 06-08-2010]

ჯარი უცხო იყო ერისთვის, დღეს გამთლიანდნენ ჩვენი ერი და მხედართმავრები; ვისურვებდი, უფრო მეტად დაახლოებულიყვნენ ისინი ერთმანეთს, - აღნიშნა პატრიარქმა დღეს მუხათგვერდის საძმო სასაფლაოზე, სადაც პრეზიდენტ მიხეილ სააკაშვილთან ერთად, გვირგვინით შეამკო 2008 წლის რუსეთ-საქართველოს ომში დაღუპული ჯარისკაცების საფლავები.

ილია მეორემ ქართველი ჯარისკაცები დალოცა და აღნიშნა, რომ სადაც არის მშენებლობა და ერთობა, იქ არის ღმერთი. ღმერთი აერთიანებს, ეშმაკი კი ჰყოფს,- დასძინა უწმინდესმა.

8 აგვისტოს რუსეთ-საქართველოს ომიდან ორი წელი სრულდება.

interpressnews

მხოლოდ გემოვნებიანი მუსიკა

გაზიარება

მუსიკა არის ხელოვნების სახე, რომელიც სინამდვილეს ასახავს მუსიკალური მხატვრული ფორმებით და აქტიურად ზემოქმედებს ადამიანის ფსიქიკაზე. მუსიკას შეუძლია კონკრეტულად და დამაჯერებლად გადმოსცეს ადამიანთა ემოციური მდგომარეობა. იგი გამოხატავს გრძნობებთან დაკავშირებულ განზოგადოებულ იდეებს.