1 ტომბრიდან ტელეკომპანია “მაესტრო” განალებული გადაცემებით და სტუდიებით წარსდგება მაყურებლის წინაშე, მაგრამ შესაძლოა მამუკა ღლონტმა მაყურებლის ყველაზე დიდი მოლოდინი ვერ გაამართლოს და სატელიტზე მაუწყებლობა კვლავ ვერ შეძლოს. თუმცა, ამჯერად ეს არა კომუნიკაციების მარეგულირებელი კომისიის მიზეზით, არამედ იმიტომ ვერ მოხერხდება, რომ “მაესტროს” ყოველთვიურად მაუწყებლობის საფასურის 18 ათასი დოლარის გადახდის სახსრები არ გააჩნია.
ლიცენზიის მოპოვების პერიოდში მამუკა ღლონტი “რეზონანსთან” საუბრისას აცხადებდა, რომ მთავარი ბარიერი გადალახული იყო და თანხის გადახდას როგორმე მოახერხებდა, თუმცა, დღეს ღლონტი აცხადებს, რომ ეს არც ისე ადვილი აღმოჩნდა და რომ ოქტომბერში მათ ისევ აქვთ ფინანსური პრობლემები, როგორც მანმადე. შესაბამისად არ არის გამორიცხული რამდენიმე თვიანი ბრძოლის შედეგად მოპოვებული ლიცენზია “მაესტრომ” კვლავ თაროზე შემოდოს.
როგორც მამუკა ღლონტი აცხადებს, თუ კი მის არხს საკმარისი რეკლამები არ ექნება თანხას ვერ შეაგროვებს შავი გზით გადახდილ თანხებს კი ტელევიზიაში არ ჩადებს.
არხის განახლების საკითხებზე და სატელიტზე მაუწყებლობის შესახებ გთავაზობთ ინტერვიუს, “მაესტროს” გენდირექტორთან და დამფუძნებელთან მამუკა ღლონტთან:
- როგორც ცნობილია “მაესტრო” 1 ოქტომბრიდან განახლებული ფრომატით წარსდგება მაყურებლის წინაშე, კონკრეტულად რა ცვლილებებს გეგმავთ არხზე?
მამუკა ღლონტი: ჩვენ გვინდა გავაკეთოთ სრულად საინფორმაციო არხი. ძალიან დიდი სურვილი გვაქვს, რომ 24 საათის განმავლობაში გადიოდეს ჩვენ არხზე ინფორმაცია, აქ რა თქმა უნდა აქ არ იგულისხმება მხოლოდ პოლიტიკური სახის ინფორმაცია, აქ იგულისხმება, როგორც კულტურა, ასევე სპორტი, ამინდი, მოდა და საერთოდ ყველაფერი, მაგრამ როგორ გამოგვივა ეს უკვე სხვა თემაა. თუმცა, მონდომება და სურვილი დიდია.
- ამ ეპატზე თუ მიმდინარეობს უკვე არხის განახლებაზე მუშოაბა და რა ეტაპზე ხართ?
- რა თქმა უნდა, ამ ეტაპზე მიმდინარეობს სამუშაოები, სწორედ ამიტომ არ გადის ეთერში ჩვენი საინფორმაციო გამოშვება “უკომენტაროდ” და გადაცემა “საკანი #5”, რადგან დაშლილია აპარატურა და ვცდილობთ, რომ მაქსიმალურად სწრაფად მოვაგვაროთ ეს ტექნიკური საკითხები, რომ რაც შეიძლება სწრაფად გავიდეთ ეთერში, იქნებ ოქტომბრამდეც კი მოვასწროთ ეს ყველაფერი,.
- ასევე ცნობილია, რომ “მაესტრო” იცვლის ოფისს, სად აპირებთ გადასვლას და ასევე რა სახსრებით აკეთებთ ამას?
- ჩვენ გადავდივართ ნუცუბიძის #98. შედარებით უფრო დიდ ოფისში, მაგრამ შედარებით, რადგან ეს არ არის რაღაც უზარმაზარი ოფისი. აქ იქნება სულ 12 ოთახი, აქამე კი სულ 5 ოთახში ვიყავით, მაგრამ სატელევიზო ოფისისტზვის ესეც ძალიან ცოტაა მერწმუნებთ, მაგრამ რისი საშვალებაც გვაქვს იმას ვაკეთებთ.
“რ”: თუ არხის საიდუმლოება არ არის თუნდაც ამ გაფართოებისთვის დახარჯული თანხები საიდან მოიპოვა “მაესტრომ”, რეკმაიდან თუ..…
- ჩვენ რა თქმა უნდა რეკლამიდან გვაქვს შემოსავალი, უმთავრესად ეს არის რამდენიმე სერიოზული ფირმისგან და ოპოზიცური პარტიებისაგნ შემოსული რეკლამები, სწორედ ამ უსახსრობის გამო ჩვენ არ გადავდივართ დიდ ოფისში სადაც გვექნება დიდი სტუდიები, გადავდივართ ისევ კერძო სახლში.
- ასევე ცნობილია, რომ რამდენიმე ახალ თოქ -შოუს გეგმავთ ახალი სეზონისთვის, ეს თუ შეესაბამება სიმართლეს და რა ტიპის თოქ- შოუები შეიძლება ვიხილოთ ოქტომბრიდან “მაესტროზე”?
- მე საქართველოში ყოველთვის წინააღმდეგი ვიყავი თოქ-შოუების, შესაბამისად დიდი თოქ-შოუები ჩვენთან არ იქნება, როგორც იქნა დავარწმუნე ჩემი კოლეგები ამაში. რადგან ერთი და იგივეს ლაპარაკს წლების განმავლობაში აზრი არ აქვს. დღეს ჩემი აზრით მაყურებელს სჭირდება ობიექტური ინფორმაცია. ღაც შეეხება თოქ-შოუს ჟანრს, ეს იქენბა, მაგრამ ძალიან მცირე დოზით, მაქსიმუმ 15-20 წუთის განმავლობაში, ისიც რამოდენიმე და ცოტა მოგვიანებით ალბათ უფრო ნოემბრისკენ, ოქტომბერში ეს არ მოესწრება.
- ხომ არ გეგმავთ რაიმე ცვლილებებს საკადრო კუთხით, იგივე ახალი სახეების გამოჩენას “მაესტროზე”?
- სადღაა ახალი სახეები და ჟურნალსიტები ქართულ მედია სივრცეში, რაც კი კადრებია განაწილებულია უკვე ყველგან. ჩვენ ვინც ვართ ისინი დამასაქმებინა და ახალ სახეებს აღარ დავეძებ. კადრებს რაც შეეხება ეჭვი მეპარება ასე ვინმე გამოჩნდეს ჩვენთან, მაგრამ შეიძლება ვითანამშრომლოთ ისევ პრაქტიკანტებთან და სტაჟიორებთან, რომლებთანაც აქამდეც ვთანამშრომლობდით.
- საინტერესოა ახალი სეზონიდან ისევ თუ გაგარძელდება “საკანი #5” და თუ წაიყვანს მას ისევ გია გაჩეჩილაძე?
- აუცილებლად გაგრძელდება, გიას ახლაც ვერ ვაჩერებთ. დღესაც ითხოვს ჩართეთ კამერა და შემიშვით საკანშიო, მაგრამ ეს ტექნიკურად შეუძლებელია, შესაბამისად საკანი გავა მხოლოდ მას შემდეგ რაც ჩვენ ტექნიკურად შევძლებთ ამას და შევიცვილიუთ ოფისს. ამ გადაადგილებას გარკვეული დრო დასჭირდება, მანამდე არავითარ შემთხვევაში არ გავა ეთერში არცერთი გადაცემა, რადგან ეს ტელევიზიაა და არ მიდა რაღაც გადაცემა 2 დღე ჩაირთოს მერე ისევ გამოირთოს.
- იგივე ფორმატით გავა ეს გადაცემა ეთერში თუ აქაც გეგმავთ რაიმე ცვლილებებს და სიახლის შეტანას?
- მე დაკავებული ვარ სწორედ ამ ფორმატზე ფიქირით. ვიცი რომ გიას ასევე რაღაც ახალი გეგმები აქვს, ცოტა სხვანაირად უნდა რაღაცეების გაკეთება, და ვფიქრობ აქაც გვექნება გარკვეული სიახლეები.
- კიდევ ერთი და ძალიან მნიშვნელოვანი თემა, ამაზე ჩვენ ადრეც გვისაუბრია, მაგრამ მაინტერესებს რა ხდება დღეს, ანუ როგორ გადაიხდის “მაესტრო” სატელიტზე მაუწყებლობის საფასურ 18 ათას დოლარს? ანუ, ამას აპირებთ ისე შემოწირულობების მიღებით თუ რაიმე სხვა შემოსავლებით?
- ჩვენ ბევრი ვიფიქრეთ და მივხვდით რომ ესემესებით და შემოწირულობებით, რომ გადავიხადოთ ეს თანხა და ეს მოვთხოვოთ მაყურებელს არ იქნება სწორი ნაბიჯი და ჩვენგან მართალი, რადგან თუ ვინმეს დახმარება სურს თავისი ნებით დაგვეხამერბა. ოპოზიცია გამუდმებით საუბრობს იმაზე, რომ საქართველოს ხმას ვერ აწვდიან და ა.შ. აჰა ბატონო ბურთი და მოედანი, მოიტანონ, გააკეთონ ჩვენთან რეკლამა, რადგან სხვა სახით ჩვენ მათგან ფულს არავითარ შემთხვევაში არ ავიღებთ. ჩვენ არავის არასდროს არ მოვახვევთ ჩვენს პრობლემებს თავს. შესაბამისად არ ვიცით როგორ შევძლებთ და შევძლებთ თუ არა საერთოდ ამ თანხის გადახდას.
- ანუ, დგას იმის ალბათობა, რომ ოქტომბრიდან ლიცეზიის მოპოვების მიუხედავათ ისევ ვერ გახვიდეთ სატელიტურ მაუწყებლობაზე ფინანსური პრობლემების გამო?
- დიახ ოქტომბერში “მაესტროს” სატელიტზე ჩართვა არ ჩართვის საკითხი გაურკვეველია.შეიძლება ნამდვილად ევრ გავიდეთ სატელიტურ მაუწყებლობაზე, რადგან არ გვაქვს შემოსავალი და ვერ ვიხდით ამ თანხას. მაგალისთისთვის გეტყვით, რომ მთელი ოპოზიცია გამუდმებით საუბრობს იმაზე, რომ საქართველოს ხმას ვერ აწვდიან და ა.შ. აჰა ბატონო ბურთი და მოედანი, მოიტანონ, გააკეთონ ჩვენთან რეკლამა, რადგან სხვა სახით ჩვენ მათგან ფულს არავითარ შემთხვევაში არ ავიღებთ, როგორც ამას სხვები აკეთებდნენ, მოიტანონ რეკლამა თუ ჩვენ გვენდობიან და გაიგებს მთელი საქართველო მათ ხმას აღარ მოუწევთ ფეხით სიარული სოფელ-სოფელ და ქალქ- ქალაქ.
]
ასევე ბევრ თბილისელს ბევრ ბიზნესმენს რატომ უნდა ვთხოვო მე დამხმარება, თუ მას შესტკივა გული ადგეს და თავდ მოიტანოს რეკლამა, ან ჩვენ გავქვს ანგარიში და დარიცხოს იქ, მაგრამ ისე, რომ მე მივიდე ვინმესათან და ვთხოვო 5 ლარი მომეცი ან 5 ათასი ლარი მომეცითქო ეს გამორიცხულია.
- ახლა თქვით, რომ რეკლამის გარდა სხვა ფულს არ მიიღებთ, მაგრამ ხომ არ შემოგთავაზათ ოპოზიციამ ამ თანხის გადახდა?
- არა, არავის არ შემოუთავაზებია. ჯერ ერთი რატრომ უნდა გადაიხადონ? ადგნენ და იყიდონ რეკლამა. ახლა მერის არჩევნები მოდის, ალბათ კიდევ იქნება რამე არჩევნები, ან ასევე უბრალოდ სოციალური კლიპები, როგორც გადიოდა ჩვენთან იგივე ქიბარ ხალვაშის კომპანიასთან დაკავშრებით, იგივე ნინო ბურჯანაძის კლიპები, ამ ფორმით ძალიან კარგია ურთიერთობა, მითუმეტეს, რომ სახელმწიფო არხები მათ რეკლამა რომც მიუტანონ არ უშვებენ. ასეთ საოცარ ქვეყანაში ვცხოვრობთ. აAნუ ამ ფრომით ოპოზიციას შეულძია ჩვენც დაგვეხამროს და “კავკასიასაც”, მაგრამ თუ ისინი გააგრძელებენ ისევ იმის საუბარს, რომ ოპოზიცია ხმას ვერ აწვდენს ხალხს და ასე შემდდეგ ამას უკე ვერ მივიღებთ, ოღონდ გაითვალსიწინეთ ამას საყვედურის სახით არ ვამბობ. ჰა, ბატონო მე ვიბრძოლე და მოვიპოვე ლიცენზია, ამიტომ მოიტანონ რეკლამები, რადაგნ მე არ მინდა რომ “მასესტროში” იყოს რაიმე ისეთი ფული რაც რაიმეს დამავალდებულებს ვინმესთან. Aარმინდა გამოვართვა ვინმეს ისე ფული, რომ ვიყო მასზე დამოკიდებული ან ამ ფულმა იქონიოს ჩვენს ტელევიზიაზე გავლენა, რადგან მე რომ არც ვთქვა ეს ჩვენთან უამრავი ადამიანი მუშოაბს და ყველა ხედავს, რომ აქ ყველა ჟურნალსიტი თავისუფასლია.
აქედან გამომდინარე მე მივიღებ თანხას შემოწირულობების სახითაც, მაგრამ არავითარი ვალდებულება არ მექნება არავის წინაშე. ასე შეგვეძლება არა მხოლოდ საქართველოს მოსახლეობას გავაგებინოთ ობიექტური ინფორმცია, არამედ საზრვრებს გარეთ მცოხვრებ ქართველებასაც, რადაგნ ძალიან ბევრი ემიგრანტი გვაყვას.
- ასევე როგორც ცნობილია “მაესტროში” ძალიან დიდი პრობლემები იყო ხელფასების მხრივაც, ახალი სეზონიდან ეს პრობლემა მაინც თუ იქნება მოგავრებული?
- დღეს პრობლემა მოგავრებული არ არის, მაგრამ ალბათ მოგავრდება, რადგან სულ, რომ სახლის გაყიდვა დამჭირდეს მაინც გავაკეთებ ობიექტურ ტელევიზიას.
შეგახსენებთ, რომ კომუნიკაციების ეროვნულმა კომისიამ 3 ივლისს გამართულ სხდომაზე ტელეკომპანია “მესტროსთვის” სატელიტიდან მაუწყებლობის ლიცენზიის მინიჭების შესახებ გადაწყვეტილება მიიღო. საკითხი 5 წუთში, ზედმეტი ხმაურის და დისკუსიის გარეშე, გადაწყდა.
ანტისამთავრობო ტელეკომპანია „მაესტრომ“, რომელიც ამჟამად საკაბელო ქსელით თბილისსა და რამდენიმე ქალაქში მაუწყებლობს, კომუნიკაციების კომისიას სატელიტიდან მაუწყებლობის ლიცენზიის მიღების თხოვნით გაზაფხულზე მიმართა, თუმცა კომისიამ, ბოლო დრომდე, ვერ მიიღო გადაწყვეტილება.
ერთ შემთხვევაში იმის გამო, რომ „რუსთავი 2“-მა კომისიაში „მაესტროს“ წინააღმდეგ იჩივლა და ის არალიცენზირებული ფილმების ჩვენებაში დაადანაშაულა, მეორე შემთხვევაში კი, კომისიის სხდომა ქვორუმის არ არსებობის გამო ჩაიშალა.
ამან საბაბი მისცა „მაესტროს ხელმძღვანელობას, რომ კომუნიკაციების კომისია მათ მიმარ დისკრიმინაციული პოლიტიკის გატარებაში დაედანაშაულებინა, რაც მათივე მტკიცებით, ხელისუფლების დაკვეთით ხდებოდა.
ტელაკომპანია „მაესტროს“ თანამშრომლებმა, მათმა მხარდამჭერებმა და ოპოზიციის წარმომადგენლებმა, სიტყვის თავისუფლების მოთხოვნით, ლიცენზიის მინიჭებამდე “პირაკრულთა აქციაც”კი გამართეს კომუნიკაციების კომისიის შენობის წინ.
მამუკა ღლონტმა, “მესტროს” ხელმძღვანელმა კომისიის გადაწყვეტილების შედეგ განაცხადა, რომ სატელიტით მაუწყებლობის მიზნით, ტელეკომპანია აპირებდა ხელშეკრულების გაფორმებას თურქულ კომპანია „თურქსატთან.“ ღლონტის თქმით, ამ კომპანიასთნ ხელშეკრულებები გაფორმებული აქვთ ტელეკოპანიებს: „რუსთავი 2“, „იმედი“ და საზოგადოებრივი მაუწყებელი, რომლებიც სატელიტით მაუწყებლობისთვის, თურქულ კომპანიას ყოველთვიურად, დაახლოებით, 18-18 ათას აშშ დოლარს უხდიან.
„ჩვენ შევეცდებით, რომ „თურქსატი“ უფრო ნაკლებ თანხაზე დავითანხმოთ. ჩვენ გავქვს გეგმა, თუ როგორ მოვიზიდოთ თანხები, ვაპირებთ მივმართოთ მოსახლეობას დახმარებისთვის, ასევე ადგილობრივ თუ უცხოეთში მცხოვრებ ქართველ ბიზნესმენებს“, აცხადებდა რლონტი ივლისში, თუმცა მან დღეს გადაწყვეტილება შეიცვალა და თუ კი ოპოზიცია და ბიზნესმენები საკუტარი სურვილით არ მიიტანენ მაესტროში რეკლამას, ის არავისთვის არაფრის თხოვნას არარ აპირებს.
ფრაზა” მამუკა ღლონტი: “ოპოზიცია გამუდმებით საუბრობს იმაზე, რომ საქართველოს ხმას ვერ აწვდიან და ა.შ. აჰა ბატონო ბურთი და მოედანი, მოიტანონ, გააკეთონ ჩვენთან რეკლამა, რადგან სხვა სახით ჩვენ მათგან ფულს არავითარ შემთხვევაში არ ავიღებთ”.
ფრაზა: “გიას ახლაც ვერ ვაჩერებთ. დღესაც ითხოვს ჩართეთ კამერა და შემიშვით საკანშიო, მაგრამ ეს ტექნიკურად შეუძლებელია, შესაბამისად საკანი გავა მხოლოდ მას შემდეგ რაც ჩვენ ტექნიკურად შევძლებთ ამას”.
ჟურნალ „ღია ბოქლომის“ ბლოგი ჰაკერებმა გატეხეს. დაახლოებით ერთი საათის განმავლობაში ბლოგი მიუწვდომელი იყო ვიზიტორებისთვის. რედაქციამ სისტემაში შესვლა იმეილის დახმარებით შსძლო. საავტორიზაციო მონაცემების შეცვლა 5–ჯერ გახდა აუცილებელი თუმცა ჰაკერებმა 5–ჯერვე მოახრეხეს პაროლის გატეხა.
