მთავარი

სასწრაფოდ: ვლადიმერ ვახანიას და ნანული ვახანია არამიანცის საავადმყოფოშია გადაყვანილი...

აკადემიკოს ვლადიმერ ვახანიას და ნანული ვახანია 27 დღიანი შიმშილობის შემდეგ რამოდენიმე წუთის წინ არამიანცის საავადმყოფოში გადაიყვანეს.

გაზიარება
[ილია ჩაჩიბაია. 22:11 10-07-2010]

თითქმის ერთი თვის წინ ევროსაბჭოს მისიის შენობასთან, ნანული ვახანიამ შიმშილობის აქცია დაიწყო. ის პოლიტპატიმრად ცნობილი ვლადიმერ ვახანიას გათავისუფლებას ითხოვდა.

ქალბატონის ჯანმრთელობის მდგომარეობა რამოდენიმე წუთის წინ მკვეთრად გაუარესდა. გონდაკარგული მოშიმშილის სამედიცინო დაწესებულებაში გადაყვანის გადაწყვეტილება 033–ის ეკიპაჟმა მიიღო...

ამ დროისათვის არამიანცში იმყოფებიან ვახანიების ახლობლები და ადვოკატი ლალი აფციაური. როგორც ჩვენთვის გახდა ცნობილი საავადმყოფოში მნიშვნელოვანი ინციდენტიც მოხდა... „ღია ბოქლომი“ აღნიშნულ საკითხზე მუშაობს. დაზუსტებულ ინფორმაციას მომხდართან დაკავშირებით მოგვიანებით მოგაწვდით.

შეგახსენებთ, რომ პარტია "მთლიანი საქართველოს" ლიდერი ვლადიმერ ვახანია ქართველმა სამართალდამცავებმა 2009 წლის მარტში, ზუგდიდში, იარაღის უკანონოდ შენახვისა და ჟურნალისტისთვის პროფესიული მოვალეობის ხელის შეშლის ბრალდებით დააკავეს. განსასჯელის ადვოკატების მიერ მოპოვებული მასალების მიხედვით ირკვევა, რომ გაზეთ „სამეგრელოს ქრონიკას“ ჟურნალისტმა ლელა ხუბულავამ აუდიოფირი, რომელიც დაკავებულის სახლში ჩხრეკის ჩატარების მიზეზი გახდა, საკუთარი ნებით გადასცა ვლადიმერ ვახანიას. დევნილი აკადემიკოსის დამცველების, ოჯახის წევრებიას და მოწმეების მტკიცებით კი, ოჯახში ცეცხლსასროლი იარაღი სამართალდამცავებმა თავად შეიტანეს...

მსგავსი სტატიები:

მესტიაში პოლიტიკური დაპატიმრებები დაიწყო

შს სამინისტროს მიერ, 7 ივლისს მესტიაში ჩატარებული სპეცოპერაციის შედეგად დაკავებულ ნელი ნავერიანს, დავით, შოთა და ტარიელ ჯაფარიძეებს ზუგდიდის რაიონულმა სასამართლომ 9 ივლისს აღმკვეთი ღონისძიების სახით ორთვიანი პატიმრობა შეუფარდა. მათ ბრალი დიდი ოდენობით ფულადი თანხის ჯგუფურად გამოძალვაში დასდეს.

გაზიარება
[ნანა ფაჟავა, მესტია. 18:02 10-07-2010]

დანაშაული, რომლის გამოძიება სსკ-ის 181-ე მუხლის მე-2 ნაწილის “ა” და “გ” ქვეპუნქტებით მიმდინარეობს, 4-დან 7 წლამდე პატიმრობას ითვალისწინებს. შსს ინფორმაციით, “ანზორ ჯაფარიძე, მესტიის მუნიციპალიტეტის სპორტის, კულტურის, ძეგლთა დაცვის, ტურიზმის განვითარებისა და ახალგაზრდათა სამსახურის უფროსი დავით ჯაფარიძე, ს.ს “ენერგოპროჯორჯიას” მესტიის სამსახურის მთავარი ინჟინერი ტარიელ ჯაფარიძე და მესტიის საკრებულოს წევრი ნელი ნავერიანი კანადელ ინვესტორს, დაბა მესტიაში არსებული ყოფილი ტურისტული ბაზის აღდგენითი სამუშაოების ჩატარების ხელის არ შეშლის მოტივით სძალავდნენ 70 000 ლარს. დაკავების დროს აღნიშნულ პირებს თან აღმოაჩნდათ უკანონოდ მითვისებული თანხა”.

ასეთია მერაბიშვილის უწყების მიერ სამინისტროს ვებგვერდზე გამოქვეყნებული ინფორმაცია, რომელსაც თან დაკავების ამსახველი ფარული ვიდეოჩანაწერიც ერთვის. თუმცა ამ ვიდეოკადრებში არსად ჩანს მათ მიერ ნახსენები კანადელი ინვესტორი. არსად გამოჩენილა ასევე წალენჯიხელი დავით კვარაცხელია, რომელიც თითქოს მოსახლეობასა და ინვესტორს შორის შუამავლის ფუნქციას ასრულებდა. “პრესა.გე”-მ ამ პირის არსებობის შესახებ ინფორმაცია, დიდი მცდელობის მიუხედავად, ვერ მოიპოვა. მესტიელები ამბობენ, რომ ამ ვითომ უცხოელი ინვესტორების უკან სამეგრელო-ზემო სვანეთის გუბერნატორი ზაზა გოროზია დგას და ამ დაკავების ფაქტსაც სწორედ მისი მხრიდან განხორციელებულ პოლიტიკურ ანგარიშსწორებად აფასებენ.

“პრესა.გე”-ს ინფორმაციით, დაპატიმრებების მიზეზი ის მამა-პაპისეული მიწის ნაკვეთები გახდა, რომელსაც ნავერიანებისა და ჯაფარიძეების ოჯახები წლების განმავლობაში სათიბად იყენებდნენ. მესტიელები იმასაც იხსენებენ, რომ მიწის ეს ფართობები საპრივატიზაციო ნუსხაში მოხვდა და ეკონომიკის სამინისტრომ იგი სამი წლის წინ ამერიკელ ინვესტორზე გაყიდა, რომელსაც ქართველი მეუღლე ჰყავს, თუმცა მათთვის დღემდე უცნობია როგორ აღმოჩნდა შემდეგ ეს საკუთრება კანადელის მფლობელობაში.

ლეიბორისტული პარტიის მესტიელი ლიდერი, ალექსანდრე ხერგიანი ნელი ნავერიანის დაკავებას პროვოკაციად აფასებს და მომხდარს მის პოლიტიკურ აქტივობას უკავშირებს. ნავერიანი მესტიის საკრებულოში “ალიანსი საქართველოსთვის” პარტიული სიით მოხვდა.

ალექსანდრე ხერგიანი: “ეს არის იმ სპეცოპერაციის გაგრძელება, რომელიც გუბერნატორმა გოროზიამ და მისმა კლანმა 3 მაისს მესტიაში ჩაატარა.გოროზიას სურს გაყიდოს მთელი სვანეთი, წაართვას სარჩო-საბადებელი და არსებობის საშუალება მოუსპოს სვანებს. ის ამ ქმედებით იმ განზრახვას ადასტურებს, რაც ცოტა ხნის წინ წაიტრაბახა “ერთ მშვენიერ დღეს სვანებს კალოშებით გავატარებო”.

ჩვენ კი ვპირდებით გოროზიას, რომ ღირსების აყრას და ქალებზე ხელის აღმართვას არ შევარჩენთ, მურვან-ყრუებს ჩვენ სვანეთში ვერ ავიტანთ. ეს მიწები მათი კანონიერი საკუთრებაა, მიუხედავად იმისა, რომ მათ მხოლოდ 1903 წლით დათარიღებული დოკუმენტები გააჩნიათ. ეს არის ეგზეკუცია, რომელიც ხელისუფლებამ ჯერჯერობით წარმატებულად ჩაატარა. კორუფციის ჭაობშია დღეს ჩაფლული მთავრობა და ნელის ჩამოშორებაც სწორედ მათ მხილებას უკავშირდება. ნელი ნავერიანი საკრებულოში იმ საქმეების შესწავლით დაინტერესდა, რასაც ხელისუფლება წლების განმავლობაში უკანონოდ ახორციელებდა”.

მესტიელები იმასაც ამბობენ, რომ ხელისუფლება დაკავებამდე მიწის მესაკუთრეებთან მოლაპარაკებებს ცდილობდა და მისი დათმობის სანაცვლოდ კომპენსაციას სთავაზობდა. მესტიაში იმასაც იხსენებენ, დაკავებამდე სამი დღით ადრე, ვითომ ტურისტი პოლიციის თანამშრომლები თუ როგორ ზვერავდნენ ტერიტორიებს და როგორ უთვალთვალებდნენ სამიზნეებს.

ადგილობრივი მოსახლეობა იმ ძალადობაზეც საუბრობს, რომელიც სამეგრელო-ზემო სვანეთის სამხარეო პოლიციისა და მესტიის სამმართველოს თანამშრომლებმა დაკავებულებისა და თვითმხილველების წინააღმდეგ განახორციელეს. არიან დაშავებულებიც, რომელთა წინააღმდეგ პოლიციამ ხელკეტები და რეზინის ტყვიები გამოიყენა.

ალექსანდრე ხერგიანი: “მას შემდეგ, რაც ნელი ნავერიანი “მოლაპარაკებად” წოდებულ შეხვედრაზე არ წავიდა, მისი ნათესავები ერთ-ერთ სასტუმროში შეიტყუეს. იქ არის გადაღებული ის ფარული ჩანაწერიც. ძალადობაც იქ დაიწყო. იქვე სცემეს და სასტიკად გაუსწორდნენ თვითმხილველებსა და დაკავებულებს, რომელიც შემდეგ პოლიციის განყოფილებაში გაგრძელდა. ნელი ნავერიანს კი სპეცრაზმი სახლში მიუვარდა და მეორე სართულიდან ძალადობით ჩამოიყვანა.

პოლიციასთან შეკრებილმა მოსახლეობამ შენობას ალყა შემოარტყა და დაკავებულების გათავისუფლება მოითხოვა. ძალოვანებმა, ხალხის წინააღმდეგობის მიუხედავად, შენობის უკანა გასასვლელიდან ჯაფარიძეების გაპარება მოახერხეს. ისინი ზუგდიდში გადაიყვანეს. ნელის გაყვანა კი ვერ შეძლეს. მოსახლეობამ ზუგდიდის მიმართულებით გზა ჩახერგა. მორიგი ძალადობა შემდეგ ამ ფაქტს მოჰყვა. პოლიციამ ხალხს რეზინის ტყვიები დაუშინა და ხელკეტები ურტყა. მზიური ჯაფარიძეს თავი გაუტეხეს, გელა ჯაფარიძესა და ინგა მარგიანს ხელები გადაუმტვრიეს. ერთი ახალგაზრდა მამაკაცი კი მუცელში დაჭრეს.

შსს იძულებული გახდა ნელი ნავერიანის ზუგდიდში გადასაყვანად ვერტმფრენი გამოეყენებინა. ორი მიკროავტობუსით სავსე სპეცრაზმი, 5 სამხედრო და 4 პოლიციის "პიკაპი", ათეულობით კბილებამდე შეიარაღებული პოლიციელი-ასეთი იყო ის ძალა, რომელიც შს სამინისტრომ 7 ივლისს სვანების წინააღმდეგ გამოიყენა”.

ოთხივე დაკავებული ამჟამად ზუგდიდის N4 საპყრობილეშია გადაყვანილი.

presa.ge

ზუგდიდში პოლიციამ ბავშვებს და ქალებს სცემა

2 ივლისს ერთიანი ეროვნული გამოცდების მეორე ტური ზუგდიდში ხმაურით დასრულდა. რაიონული პოლიციის თანამშრომლებმა 4 აბიტურიენტი და 5 ქალბატონი სცემეს.

გაზიარება
[ილია ჩაჩიბაია. 22:51 07-07-2010]

პოლიციასა და მოსახლეობას შორის დაპირისპირების მიზეზი ლაშა ქარდავას ხმამაღალი საუბარი გახდა. ქარდავა დაბა ჯვარის N2 საჯარო სკოლის მე-11 კლასის მოსწავლეა. მან გამოცდიდან გამოსულ ახლობელს ხმამაღლა დაუძახა „აქ ვდგავარო“. პოლიციის ყურადღებაც ამით მიიპყრო.

როგორც ინციდენტის თვითმხილველმა მარიამ ქარდავამ გვიამბო: „იქვე პოლიციელები ქეიფობდნენ, არაყს სვამდნენ. ლაშას მისცვივდნენ და უყვირეს, რას ღრიალებო. ბიჭმა ხელები ასწია და იკითხა: არ შეიძლება, მეგობარს დავუძახოო? – სწორედ, ამ დროს ერთ–ერთი ფორმიანი მივიდა მასთან და საყელოში ხელი ჩაავლო. ლაშამ ითხოვა, მისთვის თავი დაენებებინათ. როდესაც ეს თქვა რაიონული პოლიციის თანამშრომლები მისცვივდნენ და დაუწყეს ცემა. გადაუგრიხეს ხელები და გადაათრიეს იქვე, სტადიონის ტერიტორიაზე. ლაშა ქარდავამ ცემისა და შიშისგან გონება დაკარგა. ამ დროს მათთან 10 სხვა პოლიციელიც მოვიდა და უკვე ერთობლივად აყენებდნენ ფიზიკურ შეურაცხყოფას“.

მარიამ ქარდავა ძირს დაცემული ახალგაზრდის საშველად პოლიციელებს წინ გადაუდგა, ამ დროს გოგონას სამართალდამცავებმა ძლიერი მუშტი უთავაზეს და იარაღით დაემუქრნენ. მარიამს იქ მყოფმა რამოდენიმე ქალბატონმაც მიბაძა.

„ვცდილობდით, ლაშა ხელიდან გამოგვეგლიჯა პოლიციელებისთვის, უკვე ბევრნი ვიყავით. მაგრამ ვერაფერი მოვახერხეთ. ძალოვანები მთვრალები იყვნენ. არ ინდობდნენ ქალებს, ბავშვებს – ყველას სცემდნდნ. მეც გვარიანად მომხვდა. ნაცემები არიან: ხათუნა ციმინტია, ხათუნა შონია და კიდევ ერთი ქალბატონი გვარად ლაგვილავა, რომელიც შემთხვევის ადგილას იმყოფებოდა. სხვების ვინაობა არც მახსოვს.

ერთ–ერთი პოლიციელი გონდაკარგული ლაშა ქარდავასთვის წიხლის ჩარტყმას აპირებდა. ვეხვეწებოდი, დაინდეთ, ასე ნუ მოიქცევით-მეთქი. მაგრამ მეც დამარტყა. წავიქეცი. სწორედ, ამ დროს გადამეფარა ერთი ჩემი ახლობელი და პოლიციელს უთხრა: გოგოს თავი დაანებეო... ლაშა ჩატენეს მანქანაში და პოლიციის სამმართველოში წაიყვანეს“, – იხსენებს მარიამ ქარდავა.

შემთხვევას საგამოცდო ცენტრთან შეკრებილი ორასამდე მოქალაქე შეესწრო. „ახალი 7 დღე“ დაზარალებული ოჯახის ერთ–ერთ ახლობელს გაესაუბრა.

ქეთი ქარდავა: „ბიჭს სტადიონის მიმართულებით მიათრევდნენ. ეს ძალიან ბევრმა ადამიანმა დაინახა. მივხვდი, რომ სერიოზულ ფაქტთან გვქონდა საქმე. არც გამხსენებია რეგისტრაცია რომ მეწყებოდა და გავიქეცი ცენტრალური სტადიონის მიმართულებით. ლაშა ქარდავა გულწასული იყო, მას წიხლებს ურტყამდნენ ფორმიანები. მის გადარჩენას ვცდილობდით. უხეშად გვექცეოდნენ. დედაჩემიც წააქციეს. ჩემი მოგვარე ბავშვი სცემეს. იძახდნენ, გაათრიეთ ეს ბავშვებიო... შემდეგ მანქანაში ჩააგდეს ლაშა. როგორც ვიცი, კვლავ ურტყამდნენ.

ამათ სამართალდამცავები ჰქვიათ?! თუ ესენი არიან ის ადამიანები, რომლებმაც უნდა დაგვიცვან, მაშინ მართლა ცუდად ყოფილა ჩვენი საქმე ხალხნო! კიდევ 3 გამოცდა დამრჩა ჩასაბარებელი და კვლავ შიშში უნდა ვიყო, რომ ეს ადამიანები დაცვის მაგივრად, არ ვიცი, რა მდგომარეობაში ჩამაგდებენ.

პოლიციელების სახეებიც მახსოვს. ზუსტად ვიცი, ერთ–ერთი მათგანი ლევან ქირია იყო. ალკოჰოლური ნივთიერებით ყველაზე მეტად ის გახლდათ მთვრალი“.

ლაშა ქარდავას ოჯახის წევრები და სხვა მოქალაქეები მომხდართან დაკავშირებით საუბარს ერიდებიან. გავრცელებული ინფორმაციის თანახმად, ლაშა ქარდავას გათავისუფლება წუხელ გვიან ღამით სამხარეო პოლიციის უფროსის მოადგილის, მეგის ქარდავას, ჩარევის შედეგად მოხერხდა. ჩვენს ხელთ არსებული ინფორმაციით, სწორედ, მეგის ქარდავამ აუკრძალა ოჯახს ხმის ამოღება. წინააღმდეგ შემთხვევაში კი მოზარდისთვის ბრალის წაყენებით დაემუქრა.

მომხდარი ფაქტით საზოგადოებრივი მოძრაობა „დაიცავი საქართველოს“ სამეგრელო–ზემო სვანეთის ფილიალის წარმომადგენლები დაინტერესდნენ. მოძრაობა დამოუკიდებელი გამოძიების ჩატარებას აპირებს.

"ახალი 7 დღე"

ტელეკომპანია "თრიალეთი" კიდევ ერთი ზეწოლის შესახებ განცხადებას ავრცელებს

ტელეკომპანია „თრიალეთმა" 26 ივნისის შემდეგ ადგილობრივი პოლიციელები ზეწოლაში არაერთხელ დაადანაშაულა. 26 ივნისს გორში სტალინის ძეგლის დემონტაჟის დროს ტელეკომპანიის ჟურნალისტს ლადო ბიჭაშვილს ვიდეოკამერა წაართვეს და ფიზიკური შეურაცხყოფა მიაყენეს. მოგვიანებით კამერა დააბრუნეს, მაგრამ გადაღებული მასალა წაშლილი აღმოჩნდა...

გაზიარება
[გოგა აფციაური, გორი. 22:21 06-07-2010]

კომპანიის დამფუძნებელი ბადრი ნანეტაშვილი ორი დღის წინ საპატრულო პოლიციის მიერ ზეწოლაზეც ამახვილებს ყურადღებას. Media.Ge-სთან საუბარში მან აღნიშნა, რომ საპატრულო პოლიციის ეკიპაჟმა 45 წუთის განმავლობაში უსაფუძვლოდ გააჩერა. იგი ჯერ სიმთვრალის ტესტზე შეამოწმეს, მას შემდეგ კი, რაც ნასვამი მდგომარეობა არ დადასტურდა, ეკიპაჟის წევრები ალთუნაშვილი და ასლანიშვილი ავტომანქანის საბუთებით დაინტერესდნენ. საპატრულო პოლიცია 45 წუთის განმავლობაში არკვევდა, იყო თუ არა ავტომანქანა მონაცემთა ბაზაში. ამ ხნის განმავლობაში, როგორც ნანეტაშვილი ამბობს პოლიციელები მას ცინიკურად და დამამცირებლად მიმართავდნენ. ცნობისათვის, ნანეტაშვილს "ტოიოტა პრადოს" მარკის ავტომანქანა უკვე წლებია ჰყავს და აქამდე პრობლემა არ შექმნია.

როგორც ბადრი ნანეტაშვილი ყვება, როცა გაირკვა, რომ ყველაფერი წესრიგში იყო, პატრულმა ტელეკომპანიის დამფუძნებელი უბოდიშოდ გაუშვა და აღნიშნა, რომ სამსახურებრივ მოვალეობას ასრულებდა. ამ ქმედებას ნანეტაშვილი მასზე და ტელეეკომპანიაზე ზეწოლის მორიგ ფაქტად აფასებს, მისი აზრით, საპატრულო პოლიცია სამხარეო პოლიციის უფროსის ვლადიმერ ჯუღელის დავალებას ასრულებს. ჯუღელთან დაპირისპირება ტელეკომპანიის ჟურნალისტებს 26 ივნისს , სტალინის მონუმენტის დემონტაჟის დროს დაეწყოთ. „თრიალეთის" ჟურნალისტის ლადო ბიჭაშვილის თქმით, მაშინ პოლიციელების მიერ წართმეული კამერა ჯუღელმა დააბრუნა.

ტელეკომპანიის მიერ გავრცელებულ სპეციალურ განცხადებაში აღნიშნულია, რომ კომპანიაზე ზეწოლა მას შემდეგ გძლიერდა, რაც „თრიალეთმა" ტელეკომპანია „მაესტროს" გადაცემების რეტრანსლირება დაიწყო. განცხადებაში ნათქვამია: "სამართალდამცავებს განსაკუთრებული ყურადღება აქვთ გამახვილებული „თრიალეთის" თანამშრომლებზე. ტელეკომპანიის შენობასთან მუდმივად დგანან სპეცსამსახურების ავტომანქანები, რაც ფსიქოლოგიურ გავლენას ახდენს ჟურნალისტებზე.

ტელეკომპანია შეახსებს, რომ სამართალდამცავების მიერ მთზე პირველი ზეწოლის შემთხვევა 26 ივნისს სტალინის ძეგლის დემონტაჟის დროს მოხდა, როცა ტელეკომპანიის ჟურნალისტს ლადო ბიჭაშვილს და ოპერატორს იმედა გოგოლაძეს პროფესიულ საქმიანობაში ხელი შეუშალეს, ვიდეოკამერა წაართვეს, გადაღებული მასალა წაუშალეს და ფიზიკური შეურაცხყოფა მიაყენეს.

ამ ფაქტის შემდეგ „თრიალეთმა" გორის საოლქო პროკურატურაში საჩივარი ჟურნალისტისთვის პროფესიული მოვალეობის შესრულებისას ხელის შეშლის გამო შეიტანა, მაგრამ ამ დრომდე არც სისხლის სამართლის საქმეა აღძრული და არც გამოძიებაა დაწყებული."

შიდა ქართლის სამხარეო პოლიციის უფროსი ვლადიმერ ჯუღელი კატეგორიულად უარყოფს „თრიალეთზე" ზეწოლის ფაქტს, Media.Ge-სთან საუბარში იგი აცხადებს, რომ საპატრულო პოლიცია სრულიად სხვა სამსახურია, სხვა ხელმძღვანელით, რომელსაც ვერაფერს დაავალებს. ჯუღელი აცხადებს, რომ "თრიალეთის" მიმართ არანაირი პრეტენზია არ გააჩნია და მათი ბრალდება აბსურდულია. ჯუღელის თქმით, პირიქით, ტელეკომპანიის მიმართ პატივისცემით არის განწყობილი და მისი ჟურნალისტები საკუთარი მანქანით არაერთხელ წაუყვანია გადაღებაზე, რომ ადგილობრივ ტელევიზიასაც ჰქონოდა ის მასალები, რასაც სხვა დანარჩენი არხები იღებდნენ.

განცხადების ბოლოს ტელეკომპანია „თრიალეთი" მხარდაჭერისთვის მიმართავს ქვეყანაში აკრედიტირებულ დიპლომატიურ კორპუსს, სახალხო დამცველის აპარატს, საერთაშორისო და ადგილობრივ არასამთავრობო ორგანიზაციებს.

" მოვითხოვთ მოგვეცეს საშუალება, რომ ობიექტურად და სამართლიანად შევასრულოთ საქმიანობა. გვინდა, რომ ჩვენი ტელევიზია ემსახურებოდეს თავისუფალ სიტყვას და სიმართლეს. მაგრამ მიგვაჩნია, რომ თქვენი მხარდაჭერის გარეშე ვართ დაუცველნი, რადგან გვებრძვის უზარმაზარი ძალა და არსებობს თავისუფალი სიტყვის ჩახშობის საშიშროება", - ნათქვამია განცხადებაში. ტელეკომპანიის ხელმძღვანელობა იმედს გამოთქვამს , რომ მათ მიმართვას პირველ რიგში ამერიკის ელჩი საქართველოში ჯონ ბასი გამოეხმაურება, რომელსაც კომპანიისთვის თანადგომა არაერთხელ გამოუცხადებია.

media.ge

ვაშინგტონი პირობას დებს, რომ საქართველოს არ მიატოვებს

შეერთებული შტატები კვლავაც მტკიცედ უჭერს მხარს საქართველოს ტერიტორიულ მთლიანობას, მოუწოდებს რუსეთს, შეასრულოს საერთაშორისო ვალდებულებები და პირობას დებს, რომ არასოდეს მიატოვებს პარტნიორ საქართველოს პოლიტიკური თუ ეკონომიკური განვითარების გზაზე - ამ და სხვა შინაარსის განცხადებები შეერთებული შტატების სახელმწიფო მდივანმა 5 ივლისს პრეზიდენტის სასახლეში გამართულ ერთობლივ პრესკონფერენციაზე გააკეთა...

გაზიარება
[14:38 06-07-2010]

...თბილისში კიევის, ვარშავის, ბაქოსა და ერევნის გავლით ჩამოსული ჰილარი კლინტონი ადგილობრივი და უცხოელი ჟურნალისტების წინაშე პრეზიდენტ სააკაშვილთან ერთად წარდგა. გაიფანტა თუ არა 5 ივლისს ბოლო დროს გამწვავებული ვარაუდები იმასთან დაკავშირებით, რომ რუსეთისა და შეერთებული შტატების ურთიერთობათა ”გადატვირთვის პოლიტიკამ” შესაძლოა საქართველოს ინტერესები დაჩრდილოს?

შეერთებული შტატების სახელმწიფო მდივანმა თავისი გამოსვლა ვაშინგტონიდან თბილისში ჩამოტანილი გზავნილით დაიწყო და მთავარი აქცენტები მისი და პრეზიდენტ ობამას სახელით გაახმაურა:

”შეერთებული შტატების პოზიცია საქართველოს სუვერენიტეტისა და ტერიტორიული მთლიანობის მიმართ არის მყარი. შეერთებული შტატები არ აღიარებს გავლენის სფეროებს. პრეზიდენტმა ობამამ და მე ეს გზავნილი პირდაპირ მივაწოდეთ ჩვენს რუს კოლეგებს ბოლოს, - ეს სულ ახლახან იყო, - როცა 24 ივნისს ვაშინგტონში ვხვდებოდით ერთმანეთს. კვლავაც მოვუწოდებთ რუსეთს დაემორჩილოს 2008 წლის აგვისტოში ცეცხლის შეწყვეტის შესახებ შეთანხმებით აღებულ ვალდებულებებს, რომელსაც ხელი მოაწერეს პრეზიდენტმა სააკაშვილმა და პრეზიდენტმა მედვედევმა. ვალდებულებებში ვგულისხმობ ოკუპაციის დასრულებას და რუსეთის ჯარის გაყვანას სამხრეთ ოსეთიდან და აფხაზეთიდან კონფლიქტამდელ პოზიციებზე. ჩვენ ასევე ვაყენებთ ჰუმანიტარული დახმარების მისაწვდომობის საკითხს ამ ტერიტორიებისთვის და მომავალშიც განვაგრძობთ მუშაობას კონფლიქტების მშვიდობიანი გზით მოგვარებისთვის, საერთაშორისო მექანიზმების და კონსტრუქციული, არაძალადობრივი არხების აღდგენის გზით.”

ჰილარი კლინტონი და მიხეილ სააკაშვილი ერთობლივ პრესკონფერენციაზე შეერთებული შტატების სახელმწიფო მდივანმა რამდენჯერმე სხვადასხვანაირად განმარტა, რომ რუსეთისა და ამერიკის ურთიერთობათა გადატვირთვის პოლიტიკა არავითარ შემთხვევაში არ განხორციელდება საქართველოს ინტერესების ხარჯზე. გადატვირთვის პოლიტიკა, თავის მხრივ, პრეზიდენტმა სააკაშვილმაც ახსენა და არ დამალა, რომ ვაშინგტონის ამ ინიციატივამ საქართველოში საწყის ეტაპზე არაერთი შეკითხვა თუ გარკვეული მღელვარება გამოიწვია, თუმცა ხაზგასმით ითქვა ისიც, რომ ამ ეტაპზე თბილისი იმედით უყურებს იმავე გადატვირთვის პოლიტიკას და მას რუსეთის ”გახსნისა და მოდერნიზების” პერსპექტივად აღიქვამს.

სააკაშვილმა ასევე მადლიერებით გაუსვა ხაზი ამერიკის როლს აგვისტოს ომთან მიმართებით ახალი და მეტად მნიშვნელოვანი ტერმინების დამკვიდრების გზაზე. ითქვა, რომ ობამას ადმინისტრაციამ ყველაფერს თავისი სახელი დაარქვა:

”პრეზიდენტი ობამა პირველი იყო, ვინც სტატუსის პრობლემა დააყენა, რეალურად მან თქვა, რომ ეს იყო შემოჭრა, რადგან მანამდე, თუ გახსოვთ, გამოიყენებოდა ტერმინი ძალის არაპროპორციული გამოყენება. თითქოს შეიძლება არსებობდეს პროპორცია სხვა ქვეყნის ტერიტორიიის დაპყრობისას. პრზიდენტი ობამა იყო პირველი, ვინც ეს ტერმინი გამოიყენა. და მე ვფიქრობ, რომ ვაშინგტონიდან წამოსული განცხადებები გაცილებით უკეთესია. რაც უფრო მაღალია ვაშინგტონის გეგმები, მით უფრო აქტუალური ხდება საქართველოს საკითხი. მე ეს ძალიან მახარებს... და სახელმწიფო მდივნის ვიზიტი ამის დასტურია.”

პრეზიდენტ სააკაშვილის ამ სიტყვებს შეერთებული შტატების სახელმწიფო მდივანი დასტურის ნიშნად უკრავდა თავს და პრესკონფერენციაზე თავად მანაც არაერთხელ გამოიყენა სიტყვები ”ინტერვენცია” და ”ოკუპაცია” რუსეთის ქმედებებთან მიმართებით. კერძოდ, ჰილარი კლინტონმა თქვა, რომ კონფლიქტები მშვიდობიანი გზით უნდა მოგვარდეს, რომ რუსეთის მიერ ოკუპაციამ ხელი ვერ უნდა შეუშალოს საქართველოს წინსვლასა და განვითარებას და რომ სწორედ ეს უნდა იყოს მთავარი გზავნილი, მიმართული რუსეთისა და საქართველოს მოქალაქეებისკენ, მათ შორის - აფხაზებისა და ოსებისკენ.

ყურადღება გამახვილდა ჟენევის საერთაშორისო მოლაპარაკებათა ფორმატზეც, რომელიც, კლინტონის აზრით, მეტად მნიშვნელოვანია, თუმცა კიდევ უფრო მეტ ჩართულობასა და აქტიურობას მოითხოვს. რაც შეეხება ძალის გამოუყენებლობის ახალ შეთანხმებას, რასაც ბოლო რამდენიმე რაუნდია ასე ჯიუტად ითხოვენ კრემლისა და მის მიერ ოკუპირებული რეგიონების ლიდერები, შეერთებული შტატები ემხრობა საქართველოს პოზიციას და მიიჩნევს, რომ ძალის გამოუყენებლობის ვალდებულება ისედაც დევს 2008 წლის 12 აგვისტოს შეთანხმებაში და რომ ახალი დოკუმენტის მიღება ”აუცილებელი არ არის”. ამ პოზიციის გადახედვა მხოლოდ განსაკუთრებულ შემთხვევაში იქნება შესაძლებელი.

”შეერთებულ შტატებს მიაჩნია, რომ სხვა ასეთი შეთანხმება შესაძლოა პოზიტიური იყოს მხოლოდ იმ შემთხვევაში, თუკი რუსეთი იქნება მისი ნაწილი, დოკუმენტში ყველა მხარის ინტერესები იქნება ასახული, შემოგვთავაზებს განხორციელების მექანიზმებს და თავს აარიდებს სტატუსის საკითხების პოლიტიზირებას.”

5 ივლისს საქართველომ ვაშინგტონისგან მიიღო კიდევ ერთი გულითადი მადლობა ავღანეთის სამშვიდობო ოპერაციაში შეტანილი დიდი წვლილისთვის, რაც, ჰილარი კლინტონის შეფასებით, ადასტურებს საქართველოს ”გულმოდგინე სვლას ნატოსკენ”.

შემდეგ საუბარი რეფორმებსაც შეეხო. ითქვა, რომ შეერთებულ შტატებს თავისი მეგობარი და სტრატეგიული პარტნიორი ქვეყნის - საქართველოს -განვითარების ხელშეწყობა მართებს, იქნება ეს მისი პოლიტიკური თუ ეკონომიკური განვითარება. რეფორმების გზაზე ჰილარი კლინტონმა გამოყო საქართველოს მიღწევები კორუფციასთან ბრძოლის, ცხოვრების დონის გაუმჯობესებისა და ”მსოფლიოში ყველაზე სწრაფად რეფორმირებადი ეკონომიკის მშენებლობის” კუთხით. მისი მხრიდან გარკვეული კმაყოფილება გამოიხატა 30 მაისის არჩევნებთან დაკავშირებითაც და პროცესი შეფასდა როგორც ეუთოსა და ევროსაბჭოს სტანდარტებისკენ გადადგმული ნაბიჯი. თუმცა ყურადღება იმაზეც გამახვილდა, რომ ბევრი რამ არის კიდევ გამოსასწორებელი:

”გვსურს მოვუწოდოთ საქართველოს ვარდების რევოლუციის საქმის გაგრძელებისკენ და შეერთებული შტატები გააკეთებს ყველაფერს, რაც შეგვიძლია, ჩვენი პარტნიორების დასახმარებლად საქართველოს მთავრობაში და მის გარეთ დემოკრატიული ინსტიტუტების გასაძლიერებლად. ჩვენ მოწოდებული ვართ ქართველი ხალხის მხარდაჭერისთვის, იმ ხალხის მხარდაჭერისთვის, ვისაც სურს ააშენოს მომავალი, რომელიც უფრო თავისუფალი, უფრო დემოკრატიული, უფრო აყვავებული და უსაფრთხო იქნება. პირადად მე მოუთმენლად ველი ვიყო საქართველოს მდგრადი პროგრესის მოწმე.”

შეერთებული შტატების სახელმწიფო მდივნის ვიზიტი თბილისისთვის იმის უტყუარ გარანტიად აღიქმება, რომ ამერიკა ყოველთვის და ყველგან შეეცდება დაიცვას საქართველოს ინტერესები. თბილისს ვაშინგტონის მხარდაჭერაში ეჭვი არ ეპარება. საქართველოს საგარეო საქმეთა მინისტრი გრიგოლ ვაშაძე ორმხრივი ურთიერთობის მთავარ საფუძვლად 2009 წლის 9 იანვარს გაფორმებულ ქარტიას მიიჩნევს:

”სტრატეგიული თანამშრომლობის ქარტიამ მოგვცა საშუალება ორმხრივი ურთიერთობები დაგვეყენებინა იმისთანა ლიანდაგზე, რომელიც ყველა მიმართულებით (ენერგოუსაფრთხოება, საერთოდ უსაფრთხოება, ადამიანური კონტაქტები, განათლება, კულტურა, მედიის თავისუფლება, ეკონომიკური დახმარება და ასე შემდეგ) გადავიყვანოთ უფრო წინწაწეულ და პროგრესულ ეტაპზე. ეს ამ შეხვედრაზე მოხდა.”

ამერიკა-საქართველოს სტრატეგიული პარტნიორობის ქარტიას ორ ქვეყანას შორის ურთიერთობის ერთ-ერთ უმთავრეს საყრდენად მიიჩნევს ბათუ ქუთელიაც, საქართველოს ელჩი შეერთებულ შტატებში. ის ამბობს, რომ პარტნიორობა დაფუძნებულია უცვლელ ფასეულობებზე, მუშაობა გააქტიურებულია ყველა მიმართულებით და მას ხელს ვერაფერი შეუშლის.

რადიო "თავისუფლება"

გიგა ბოკერია რუსეთის პრემიერ–მინისტრის განცხადებას ცინიკურს უწოდებს

საქართველოს საგარეო საქმეთა მინისტრის მოადგილე გიგა ბოკერია რუსეთის პრემიერ–მინისტრის განცხადებას ცინიკურს უწოდებს.

გაზიარება
[ 14:27 06-07-2010]

როგორც ბოკერიამ დღევანდელ ბრიფინგზე აღნიშნა, რუსეთი აცხადებს, თითქოს საქართველოსთან დაკავშირებით არაფერ შუაშია, რაც ნიშნავს, რომ პასუხისმგებლობის თავიდან აცილებას ცდილობს.

"პუტინის განცხადება ჩვეულებრივი ცინიზმია. ეს დამატებით კომენტარს აღარ საჭიროებს. ნათელია, როცა რუსეთი ამბობს, რომ არაფერ შუაშია, ცდილობს, პასუხისმგებლობის თავიდან აცილებას", – განაცხადა მინისტრის მოადგილემ.

მისივე თქმით, საქართველო მზად არის რუსეთთან თანამშრომლობისთვის, მხოლოდ იმ პირობით, თუ რუსეთი საქართველოს ტერიტორიულ მთლიანობას და სუვერენიტეტს პატივს სცემს.

"როცა შეეგუება რუსეთი, რომ საქართველო დამოუკიდებელი ქვეყანაა და შესაბამისად, ამას დეოკუპაცია მოყვება, გაცილებით უკეთესი ურთიერთობა გვექნება", – განაცხადა გიგა ბოკერიამ.

ვლადიმერ პუტინმა საქართველოს ხელისუფლებას ცხინვალთან დიალოგისკენ მოუწოდა. სააგენტო "იტარ-ტასის" ცნობით, ამის შესახებ პუტინმა "პაკლონნაია გარაზე", დიდი სამამულო ომის მუზეუმში სტუმრობისას განაცხადა.

"ვიღაც მიიჩნევს, რომ სამხრეთ ოსეთი ოკუპირებულია, ვიღაცის აზრით კი - გათავისუფლებული. ურთიერთობების აღდგენა ქართველ და ოს ერებს შორის დიალოგის საგანია. საჭიროა დიალოგის წარმოება, მესამე ქვეყნის ჩარევის გარეშე. ჩვენ ეს ომი არ დაგვიწყია და პასუხისმგებლობა მას ეკისრება, ვინც დაიწყო. მათ მამაცობა უნდა გამოიჩინონ და გამოძებნონ გზა იმ ადამიანთა გულებისკენ, რომლებსაც ჭრილობა თავად მიაყენეს", - აღნიშნა პუტინმა კლინტონის თბილისური გამოსვლის კომენტირებისას.

"ინტერპრესნიუსი"

გინდა გახდე ჟურნალისტი?

ჟურნალისტიკის შემსწავლელი ცენტრი აცხადებს მოსწავლეთა მიღებას 6 თვიან და 1 წლიან კურსებზე. მსურველები მიიღებიან გასაუბრების წესით, 10 წლიდან.

ცენტრთან ფუნქციონირებს ინტერნეტ ტელევიზია, რადიო და საინფორმაციო სააგენტო, სადაც პრაქტიკას გადიან მოსწავლეები.

კურსის დამთავრების შემდეგ გაიცემა შესაბამისი დიპლომი.

წარმატებული კურსდამთავრებულებისთვის გარანტირებულია ანაზღაურებადი სამუშაო ადგილი რედაქციაში ან საინფორმაციო სააგენტოში.

ლექციებს კითხულობენ ტელევიზიის, რადიოს და პრესის პროფესიონალი ჟურნალისტები, აგრეთვე ფსიქოლოგი და პოლიტოლოგი. ისწავლება კომპიუტერი და მეტყველების კულტურა.

ჩვენ აღვზარდეთ არაერთი ჟურნალისტი.

იჩქარეთ ჯგუფების დაკომპლექტება დაიწყო!

დაუთმე კვირაში 3 დღე საყვარელი პროფესიის შესწავლას და გახდი ჟურნალისტი!

მისამართი: ზუგდიდი, მერაბ კოსტავას # 58.

ინფორმაცია: (8415) 250 600; (555) 176 533.

READ MORE - გინდა გახდე ჟურნალისტი?

რატომ შეწყვიტა მაუწყებლობა რადიო "ობიექტივმა"?

დღეს, ჟურნალისტთა კავშირ „ობიექტივის“ მაუწყებლობა ტალღაზე FM 101,4 მთელი 40 წუთით გაითიშა. საეთერო სტუდიაში ტექნიკური პრობლემა რეჟისორებს არ დაუფიქსირებიათ. მაუწყებლობის გათიშვა ანძიდან მოხდა...

გაზიარება
[19:01 05-07-2010]

მაშინ, როდესაც ჟურნალისტ ირმა ინაშვილის ეთერი ახალი დასრულებული იყო. ინაშვილის გადაცემაში 1 საათის მანძილზე 50-ზე მეტმა რადიომსმენელმა დარეკა, როგორც პირდაპირი ეთერის მსვლელობისას, ისე ეთერის დასრულების შემდეგ. საუბარი ამერიკა-საქართველოს ურთიერთობების თემას შეეხო. გადაცემაში ითქვა, რომ ამერიკამ საქართველო აგვისტოს ომის შემდეგ ფაქტობრივად დათმო და ამაზე ხმამაღლა არ საუბრობს არც ხელისუფლება და არც ოპოზიცია. აღმოჩნდა, რომ საზოგადოების დიდი ნაწილი მკვეთრად უარყოფითადაა განწობილი არა მარტო რუსული, არამედ ამერიკული პოლიტიკისადმი. „ობიექტივი“ თბილისის მასშტაბით ზუსტად სამი თვეა მაუწყებლობს. ერთ-ერთი ფარული სოციოლოგიური კვლევის თანახმად, რომელიც ამერიკის შეერთებული შტატების საელჩოს დაკვეთით ტარდება, რადიოებს შორის „ობიექტივმა“ რეიტინგის უმაღლესი მაჩვენებელი მოხსნა. შეგახსენებთ, რომ „ობიექტივმა“ უკვე სექმნა საზოგადოებრივი მაუწყებლის მოდელი. ტალღაზე FM 101,4 ყოველკვირეულად ეთერს 50-ზე მეტი ჟურნალისტი, ექსპერტი, ადამიანის უფლებათა დამცველი და ყველა სტუდენტური მოძრაობის ლიდერი უძღვება.

"ახლა არ თქვათ, ბატონო ირაკლი, მიკი - ეს ჩემი ფსევდონიმია და საქართველოს გარდა, აზერბაიჯანის მოქალაქეც ვარო"

ლომაიას ქრონიკები - თაღლითი, მეტსახელად "პარაფსიქოლოგიის მამა"; "თუ გადავაწყდი სადმე, დავმუხტავ, დავმუხტავ, დავმუხტავ!.."; "თქვენისთანა თაღლითების გამოაშკარავება ჩემთვის პატივია"

გაზიარება
[ხათუნა პაიჭაძე. 19:36 05-07-2010]

მას შემდეგ, რაც ირაკლი ლომაიამ სკანდალური "ბრალდებები" წამოაყენა და ტელევიზიებს "მამხილებელი ჩანაწერებიც" მიაწოდა "კვირის პალიტრისა" და პირადად ჩემს წინააღმდეგ, გადავწყვიტე ირაკლი ლომაიასთვის კიდევ ერთხელ მიმეჩინა ადგილი. ირაკლი ლომაიასთან ბრძოლა ჩემი თვითმიზანი არასოდეს ყოფილა და ამიტომაც მივიჩნიე, რომ "კვირის პალიტრაში" შარშან გამოქვეყნებული მამხილებელი სტატია სრულიად საკმარისი იქნებოდა იმის გამოსააშკარავებლად, თუ ვინ არის სინამდვილეში ე.წ. "პარაფსიქოლოგიის მამა" ირაკლი ლომაია, მაგრამ აშკარად შევცდი.

ირაკლი ლომაიამ, როგორც თაღლითებს სჩვევიათ ხოლმე, მიზანმიმართულად დაიწყო შელახული პრესტიჟის რეაბილიტაცია პრესისა თუ ტელევიზიების საშუალებით და შეტევაზე გადმოსვლაც კი გაბედა.

დაპირისპირება მაშინ დაიწყო, როცა ბატონი ლომაია საქართველოდან მართლაც "აითესა". ძებნისა და წინ და უკან სირბილის მიუხედავად, მაშინ ირაკლი ლომაიას ასავალ-დასავალს ვეღარსად მივაგენით, - პირადი ტელეფონი გათიშული ჰქონდა, საიტზე მითითებული ტელეფონები კი არ მუშაობდა. დიდი მცდელობის შემდეგ ერთ-ერთ სარეკლამო სტატიაში მითითებულ ნომერზე გვიპასუხეს, უკვე დავიღალეთ ზარებით, ლომაიას მთელი ქვეყანა ეძებს და არ ვიცით, სად არის, თავი დაგვანებეთო.

ამის გამო კარგარეთელის #8-ში (სადაც ირაკლი ლომაიას ოფისი იყო) მივედით. კარი დაკეტილი, ხოლო აბრა "ლომაია" ჩამოხსნილი დაგვხვდა. ეგრეთ წოდებული ოფისი იაშვილების ოჯახს ეკუთვნოდა. როგორც ბინის მფლობელმა მაშინ გვითხრა, დამქირავებელი უეცრად გამქრალა, არც ოფისის ქირა გადაუხდია, მხოლოდ წერილი დაუტოვებია, ისე არ დაგტოვებთ, თქვენსა და ყველას ვალს აუცილებლად გადავიხდიო.

ლომაიას ქონება - მშენებარე ბინა ვაკეში და ორი ავტომობილი (მათ შორის "მერსედესი", რომელსაც ნომრის ნაცვლად ლომაია ეწერა) რომ სააღსრულებო ბიურომ აუქციონზე გაყიდა TBC ბანკის ვალების გამო, ეს ოფიციალურად იუსტიციის სამინისტროს საიტზე იყო მითითებული.

...ირაკლი ლომაიას საიტზე კი იდო ე.წ. "მკურნალი ფოტო", რომელიც თურმე ნებისმიერი დაავადებული ორგანოს სამკურნალოდ გამოიყენებოდა და რომელსაც ლომაია 30 დოლარად და 99 ცენტად ყიდდა(?!).

ზინაიდა, ირაკლი ლომაიას ყოფილი კლიენტი: "ჩემმა დისშვილმა სმა დაიწყო. ვერაფერი ვუშველე. ექსტრასენსებისა და თაღლითების არ მჯერა, მაგრამ ირაკლი ლომაიას "უნიკალური შესაძლებლობების" აღწერით აჭრელებული იყო მთელი პრესა, ტელევიზიები გადაცემებს უძღვნიდნენ, ლამის მესიად წარმოადგინეს - ხან მირონი სდისო, ხან ჯვრები და ეკლესიები ესახება სხეულზეო, ხან ყველას და ყველაფერს კურნავსო. რა ვიცი, რას აღარ წერდნენ და უჩვენებდნენ. ახლა კი ვიცი, მაგრამ მაშინ რა ვიცოდი, რომ ჩარჩოში ჩასმული და R-იანი სტატია რეკლამაა, დაფინანსებულია.

ეს არც ახლა იცის მოსახლეობის 90%-მა, ჩემსავით სიმართლე ჰგონიათ. მოკლედ, ლომაიასთან მივედი და ჩემს გასაჭირს მოვუყევი. მითხრა, აუცილებლად განვკურნავ თქვენს ძმისშვილს, აგერ ხელშეკრულება დავდოთო. 30 სანთელი მომცა, ყოველდღე დაანთეთ და ერთი თვის შემდეგ მოდითო. ამ მომსახურებაში 200 ლარი გადავიხადე. ჩემს დისშვილს რომ არაფერი ეშველა, ლომაიას მენეჯერს დავურეკე. მიპასუხა, აქ არ არის ბატონი ირაკლიო. ოფისში მივაკითხე. იქ ვიღაც ტანმაღალი კაცი დამხვდა, მგონი, ლევანი ერქვა, მითხრა, ექიმთანაც უნდა მიიყვანოთ, სისხლი გაუწმინდოთ, ნემსები გაიკეთოს, აბა, ისე როგორ გინდათო.

კი მაგრამ, სისხლი თუ გავუწმინდე, ექიმთან ვატარე და ნემსები ვუკეთე, ლომაიას 200 ლარი რაში გადავუხადე-მეთქი? მოკლედ, კიდევ მომცეს სანთლები და მითხრეს, თუ არ ეშველა, 40 ლარს დავიტოვებთ, დანარჩენს უკან დაგიბრუნებთო. ჩემი დისშვილი კი ისევ სვამდა. დავდიოდი და ვიხვეწებოდი, იქნებ ირაკლიმ დაურეკოს მაინც და დაელაპარაკოს-მეთქი, მაგრამ მკურნალობას ვინ დაეძებდა, არც ერთხელ არ დაურეკავს. ერთხელ მითხრა, დავრეკე და შინ არ იყოო. მაგრამ მივხვდი, იცრუა. რაღას ვიზამდი, დავანებე თავი.

არც ფული დაუბრუნებია. რამდენჯერმე მივედი ლომაიას სანახავად, მაგრამ ამაოდ. ერთ მშვენიერ დღეს ისევ მივაკითხე ოფისში, მაგრამ დაცვა დამხვდა, რადგან იმ კორპუსის მობინადრეები შეწუხებულან ლომაიას მაძებარი ხალხის მისვლა-მოსვლით. რომ გაიგეს, ერთ-ერთი მეც ვიყავი, როგორ ენდობით ასეთ ხალხს, რამ დაგაბრმავათო.

ლომაიასთან სასოწარკვეთამ მიმიყვანა. წყალწაღებული რომ ხავსს ებღაუჭები, ისეთ მდგომარეობაში ვიყავი. ვიდრე ლომაიასთან კაბინეტში შევიდოდი, დარბაზში ეკლესიებისა და ცნობილი ადამიანების გვერდით გადაღებული უამრავი ფოტო მომხვდა თვალში. ზოგი კლიენტი ეჭვობდა, ამან რა უნდა გვიშველოსო, მაგრამ რატომღაც თავს ვიდებდი, ნუ გეშინიათ, აუცილებლად გვიშველის-მეთქი! ლომაიასთან მკურნალობის შემდეგ ჩემს დისშვილს დიაბეტი და ტუბერკულოზი დაემართა.

ჩემი გვარის დასახელება მხოლოდ იმიტომ არ მინდა, მრცხვენია, თაღლით ირაკლი ლომაიას რომ მოვატყუებინე თავი. განათლებული ქალი ვარ, სამარცხვინოა, აბა, რა, ლომაიასთან რომ მიხვალ სამკურნალოდ?!"

მკითხველს ამგვარი მაგალითებით თავს აღარ შევაწყენთ და პირდაპირ საქმეზე გადავალთ. საინტერესოა:

რამდენ ხანს უნდა უსმინოს ჩვენმა საზოგადოებამ ირაკლი ლომაიას ტყუილებს? გასაკვირი ის არის, რაც დრო გადის, ეს კაცი სულ უფრო და უფრო გაუგონარ სიცრუეს როშავს და გასდის კიდეც! ტელეკომპანიები დიდ საეთერო დროს უთმობენ ამ იაფფასიან აფერისტს, რომელიც არც ღმერთის სახელით სპეკულირებას ერიდება!

გარდა იმისა, რომ პარაფსიქოლოგიის მამობას იბრალებს, თურმე "სვაროვსკის" სახეც არის და ანჯელინა ჯოლისთან ერთადაც იღებენ ფილმში. ჩვენ ეს ინფორმაცია გადავამოწმეთ "სვაროვსკის" თბილისურ წარმომადგენლობაში და ეს ამბავი სასაცილოდ არ ეყოთ. "სვაროვსკის" თბილისის ოფისში გაგვიმარტეს, რომ ირაკლი ლომაია კომპანიის სახე არასოდეს ყოფილა...

მთავარი ირაკლი ლომაიას შესახებ ჯერ არ გვითქვამს.

ლაიენი, რომელიც სინამდვილეში ირაკლი ლომაია უნდა იყოსო. ლომაია თაღლითი კი არის, მაგრამ ამ თაღლითობისთვის საბუთებიც ხომ ესაჭიროება? - სერტიფიკატი ან სხვა დოკუმენტი, რაც საწყალ ხალხს დაარწმუნებს მის პროფესიონალიზმში.

ამიტომ მივადექი "საქპატენტს" კითხვით, ვინმე მიკი ლაიენის სახელზე პატენტი ხომ არ გაქვთ გაცემული-მეთქი. პატენტი არა, მაგრამ მიკი ლაიენის სახელზე სალიცენზიო ხელშეკრულება გვაქვს რეგისტრირებული ლიცენზიანტ ვალერი ხომერიკსა და აზერბაიჯანის მოქალაქე მიკი ლაიენს შორისო და დოკუმენტები, მათ შორის - სალიცენზიო ხელშეკრულებაც გადმომცეს.

ხელშეკრულებაში ლიცენზიანტ მიკი ლაიენის მისამართად დაფიქსირებულია თბილისი, ყაზბეგის ქუჩა #18, ეს მისამართი ფიგურირებდა ვალერი ხომერიკსა და ირაკლი ლომაიას შორის გაფორმებულ ხელშეკრულებაში.

ეჭვი არ იყო, აზერბაიჯანელი მიკი ლაიენი და ირაკლი ლომაია ერთი და იგივე პირი გახლდათ. ჩემი ჟურნალისტური ძიება კი იმით დასრულდა, რომ მოვიპოვე მიკი დავიდოვიჩ ლაიენის სახელზე გაცემული პასპორტის ასლი, რასაც წარმოგიდგენთ კიდეც. ამ დოკუმენტის ნახვის შემდეგ აღარ გაგიჩნდებათ კითხვა, ვინ არის მიკი დავიდოვიჩ ლაიენი. ფოტოზე მიკი ლაიენის გვარ-სახელით ბატონი ირაკლი ლომაია გახლავთ გამოსახული!

პასპორტის მონაცემებით ამ დოკუმენტის მფლობელი აზერბაიჯანის მოქალაქე, 1983 წლის 21 მარტს ქალაქ ბაქოში დაბადებული მიკი ლაიენია (?!) ახლა არ თქვათ, ბატონო ირაკლი, რომ მიკი, ეს ჩემი ფსევდონიმია და საქართველოს გარდა, აზერბაიჯანის მოქალაქეც ვარო. საქმე ის არის, რომ ფსევდონიმის აღების ან გვარ-სახელის შეცვლის შემთხვევაში არ იცვლება პირის სხვა პირადი მონაცემები, ისეთი, როგორიც, მაგალითად, დაბადების ადგილი და პირადი ნომერია.

ბატონი ირაკლი ლომაია, როგორც თავად ამბობს, ოფიციალურად ქალაქ თბილისშია დაბადებული, "ტრადიციულ ქართულ ოჯახში", ამ პასპორტის მიხედვით კი ის ბაქოში დაბადებული აზერბაიჯანის მოქალაქეა! მის საქართველოს მოქალაქის პასპორტში მითითებული პირადი ნომერია 39001005112, რაც აზერბაიჯანული პასპორტის მონაცემებს არა თუ ემთხვევა, ახლოსაც არ მიდის. ასე რომ, ეს პასპორტი ყალბია, ბატონებო! საინტერესოა, როგორ ახერხებს ლომაია ამ პასპორტით საზღვარგარეთ მოგზაურობას...

ჩვენ დავუკავშირდით აზერბაიჯანის შინაგან საქმეთა სამინისტროს და ამ მონაცემების გადამოწმება ვითხოვეთ. აზერბაიჯანიდან უახლოეს მომავალში შეგვპირდნენ ოფიციალური ინფორმაციის მოწოდებას, შინაგან საქმეთა სამინისტროს საერთაშორისო განყოფილებაში კი გაგვიმარტეს, რომ საქმე აშკარად სიყალბესთან გვაქვს, რადგან აზერბაიჯანში კანონით ორმაგი მოქალაქეობა აკრძალულია. ანუ ბატონი მიკი თუ ირაკლი ვერ იქნება ერთდროულად აზერბაიჯანისა და საქართველოს მოქალაქე. ლომაიას არა მარტო ყალბი დოკუმენტი ჰქონდა, მას იყენებდა კიდეც. ეს დასტურდება "საქპატენტის" ოფიაციალური ინფორმაციით.

ამ დოკუმენტებიდან ირკვევა, რომ 2008 წლის 4 დეკემბერს აზერბაიჯანის მოქალაქე მიკი ლაიენმა სალიცენზიო ხელშეკრულება გააფორმა პატენტმფლობელ ვალერი ხომერიკთან, რომელსაც 1994 წელს დაპატენტებული აქვს "ხომერიკის ადამიანის ბიოენერგოკორექციის ხერხი". ეს კი იმას ნიშნავს, რომ მიკი, იმავე ირაკლი ლომაიამ ყალბი დოკუმენტი გამოიყენა, რაც საქართველოს კანონმდებლობით სისხლის სამართლის დანაშაულია და 3-დან 5 წლამდე თავისუფლების აღკვეთას ითვალისწინებს (!).

მხოლოდ ეს არ არის ირაკლი ლომაიას მიერ ჩადენილი სიყალბეები. ჯერ იყო და, ერთ-ერთ გაზეთში გამოაქვეყნა დაფინანსებული სტატია სათაურით "ქალბატონი პაიჭაძისთვის არც ჩემი გაღმერთება იყო პრობლემა, თუ კარგა მაყუთს მოღუნავდა და ჩაიდებდა ჯიბეში", მოგვიანებით კი ტელეკომპანია "იმედს" გადასცა ე.წ. ფარული ჩანაწერი, სადაც თითქოს მე ვესაუბრები და გაზეთში რეკლამის მიტანას ვთხოვ.

საქმე ის არის, რომ აუდიოჩანაწერი, რომელიც ირაკლი ლომაიამ ტელეკომპანია "იმედის" გადაცემა "ქრონიკას" მიასაღა, ჩემს ხმას არ შეიცავს. ლომაია უცნობ ქალს ესაუბრება, ტელეკომპანიას კი უცხადებს, რომ ეს შანტაჟისტი ჟურნალისტი ხათუნა პაიჭაძეა(!).

არ ვიცი, რა ჰქონდა განზრახული ლომაიას, ამ აუდიოჩანაწერს ჩემად რომ ასაღებდა, მაგრამ ის კი ვიცი, რომ მის წინააღმდეგ ჯერ პროკურატურაში შევიტან საჩივარს და დანაშაულის დაბრალებისთვის პასუხს ვაგებინებ (ბუნებრივია აუდიოჩანაწერის ექსპერტიზასაც მოვითხოვ და დავადასტურებ კიდეც, რომ ყალბია), შემდეგ კი ბატონ ირაკლის სასამართლოშიც ვუჩივლებ ცრუინფორმაციის გავრცელებისა და პატივისა და ღირსების შელახვისათვის, რა თქმა უნდა, თუ ბატონ მიკის მანამდე არ ამოაყოფინეს ციხეში თავი.

არ ვიცი, რა ავადმყოფური წარმოსახვის ნაყოფია სხვისი ნათქვამის ჩემად გასაღება. რა გგონიათ, ბატონო ირაკლი, ან სასამართლოს გზა არ ვიცი, ან ექსპერტიზის ბიუროსი?

თუ გგონიათ, ჩემთვის ტალახის სროლით და სხვისი აუდიოჩანაწერების ჩემად გასაღებით გულს გამიხეთქთ, ძალიან შეცდით. პირიქით, თქვენისთანა თაღლითების გამოაშკარავება ჩემთვის პატივია, დიდი ხანია ამ საქმეს ვაკეთებ და არც მომავალში ვაპირებ უარის თქმას. ეტყობა, ირაკლი თუ მიკი ფიქრობს, ხათუნა პაიჭაძე საკადრისად უნდა დავსაჯო, ჩემზე ხმის ამოღება სხვა ჟურნალისტებმა რომ ვეღარ გაბედონო.

სხვათა შორის, ირაკლი ლომაიამ "კვირის პალიტრის" შანტაჟი და ცრუინფორმაციის გავრცელება ჯერ კიდევ შარშან დაიწყო. მას შემდეგ, რაც "კვირის პალიტრაში" მჩხიბავი ლომაიას მამხილებელი მასალა დაიბეჭდა, რედაქციაში ლომაიას დამქაშები გვეწვივნენ და საპროტესტო წერილის სრულად, "ერთი სიტყვის შეუმოკლებლად" დაბეჭდვა და ბოდიშის მოხდა მოითხოვეს. როცა არც ბოდიშის მოხდაზე დავთანხმდით და არც წერილის სრულად დაბეჭდვაზე (წერილი ძალიან დიდი იყო და შეურაცხმყოფელი გამონათქვამებით სავსე),

ლომაიას დენშჩიკები ერთ-ერთ გამოცემას ეწვივნენ და განაცხადეს, რომ ეს სტატია ხათუნა პაიჭაძეს ვიღაცამ შეუკვეთა, "კვირის პალიტრის" რედაქტორის მოადგილე ლია იაკობაშვილმა კი თითქოს ვანო მერაბიშვილის უწყებას ბლეყვე და ჩმორი უწოდაო. წარმოიდგინეთ ჩემი გაოგნება, როცა ჟურნალისტმა დამირეკა და ლომაიას წარგზავნილების პრეტენზია გადმომცა. ეტყობა, ბატონი ლომაია და მისი წარგზავნილები ფიქრობდნენ, ახლა ვანო მერაბიშვილი წაიკითხავს, რომ "კვირის პალიტრის" რედაქციაში მისი უწყებისთვის ბლეყვე და ჩმორი უწოდებიათ, გაცოფდება, ალყას შემოარტყამს "კვირის პალიტრას" და სპეცრაზმის მეშვეობით იქაურობას შემუსრავსო.

მისდა სამწუხაროდ, არც მერაბიშვილი გაბრაზებულა და ჩემგანაც საკმაოდ ცინიკური პასუხი მიიღო, - ირაკლი ლომაია პარაფსიქოლოგიის მამაა და ჩემი კომენტარი რა საჭიროა, თავად გამოიცნოს, ვინ გადამიხადა და რამდენი-მეთქი! ერთი სიტყვით, საქართველოში დაბრუნებულმა ირაკლი ლომაიამ (ეტყობა, ამჯერად სხვაგან გაატყავა ხალხი) გადაწყვიტა, შური ეძია (ის ხომ სხვადასხვა გამოცემისა და ტელეკომპანიისაგან, რა თქმა უნდა, სოლიდური გასამრჯელოს სანაცვლოდ, გაფეტიშებას იყო ჩვეული).

ჯერ იყო და, ჩემმა კოლეგებმა შემატყობინეს, ირაკლი ლომაია შენზე გამწარებული ეძებს კომპრომატებსო, მოგვიანებით კი ლომაიამ ერთ-ერთ გაზეთში "კომპრომატებით" სავსე დაფინანსებული სტატია მიიტანა და ამაში არც სოლიდური თანხის გადახდა დაიშურა. ახლა ვნახოთ, რა "კომპრომატებითაა" სავსე სტატია:

"ქალბატონ ხათუნას მინდა შევახსენო, - დიახ, ვაღიარებ, რომ 17 წლის ბიჭი მოვედი განგების ნებით პარაფსიქოლოგიაში სენაკიდან და არა კაზინოდან, საიდანაც ხათუნა პაიჭაძის შემოქმედებითი ბიოგრაფია დაიწყო. მეტს აღარ გავაგრძელებ, რადგან კაზინო ის ადგილია, სადაც თვალი ეწაფება ფულის მოგება-წაგებას.

ფულზე ვსაუბრობდი... ჩემი ანტირეკლამების თავიდათავი რეკლამის არჩადებაა ამა თუ იმ გაზეთში. მაქვს დიქტოფონზე ჩაწერილი ორი ჟურნალისტის დაშანტაჟება. ისინი გარკვევით და ხაზგასმით აღნიშნავენ, რომ თუ რეკლამა არ ჩავდე მის ჟურნალ-გაზეთებში, ანტირეკლამა არ ამცდება, თანაც ისეთი, თავი რომ არ გამომეყოფა გარეთ. შორს არ არის ის დრო, როცა ჯერჯერობით ამ გაუმხელელ ფაქტებს საჯაროდ აეხდება ფარდა და ტელევიზიითაც გაშუქდება.

ასე რომ, ქალბატონი პაიჭაძისთვის არც ჩემი გაღმერთება იყო პრობლემა, თუ კარგა მაყუთს მოღუნავდა და ჩაიდებდა ჯიბეში" (ციტატის დასასრული).

ვერ გყოლიათ კარგი ინფორმატორები, ბატონო ირაკლი, რას ხარჯავდით მაგ "კომპრომატებში" ფულს? ჩემთან მოსულიყავით, ნამდვილად არ დაგიმალავდით, რომ სტუდენტობისას კაზინოში ვმუშაობდი კრუპიედ და ინსპექტორად, თანაც იმასაც გეტყოდით, რომ არც კაფე-ბისტროსა და მაღაზიაში მუშაობა მითაკილია. თქვენგან განსხვავებით ფულს ყოველთვის პატიოსანი შრომით ვშოულობდი. ალბათ, როგორ დაგწყდათ გული, როცა გაიგეთ, რომ მხოლოდ ერთხელ ვარ გათხოვილი, თორემ ეკა კვალიაშვილივით (ბოდიში მომითხოვია ქალბატონ ეკასთან, მაგრამ ეს ლომაიას სტილია) მეძავისა და ჩათლახის იარლიყი ხომ არც მე ამცდებოდა?!

თურმე ნუ იტყვით, "კვირის პალიტრამ" ირაკლი ლომაიას შავი პიარი იმიტომ აუგორა, რომ ლომაიამ ჩვენთან რეკლამა არ განათავსა! როგორ ფიქრობთ, ბატონო ირაკლი, ეტყობა, რამე "კვირის პალიტრას" რეკლამების ნაკლებობის?

ბატონ ირაკლის მინდა ვაუწყო, რომ გაზეთი "კვირის პალიტრა" მჩხიბავებზე, მოლებზე, ექიმბაშებსა და თქვენნაირ "მკურნალებზე" სტატიებს პრინციპულად არ აქვეყნებს, არც R-ით და არც უამისოდ, უკვე მრავალი წელია, რადგან არ გვინდა თქვენნაირი შარლატანების ანკესზე გაჭირვებული ხალხის წამოგებაში მივიღოთ მონაწილეობა. იმედგადაწურული ხალხის მოტყუება ხომ უფრო ადვილია, ვიდრე ჩვეულებრივ მდგომარეობაში მყოფისა.

ისე, კარგი იქნება, ასეთი შარლატანების გაპიარებასა და საწყალი ხალხის გატყავებაში ჩემი კოლეგები თუ არ მიიღებენ მონაწილეობას, მათ შორის - ოფიციალური გასამრჯელოს სანაცვლოდაც. თუ ბატონმა ირაკლი ლომაიამ არ იცის, იმასაც ვეტყვით, რომ "კვირის პალიტრა" ყოველთვის აქვეყნებდა მჩხიბავებისა და შარლატანების მამხილებელ სტატიებს და მომავალშიც გამოაქვეყნებს, რათა დაიცვას მათგან საზოგადოება.

სხვათა შორის, ირაკლი ლომაიას, იმავე მიკი ლაიენს, მანამ, სანამ ცნობილი გახდებოდა მისი თაღლითობის შესახებ, მედია "პალიტრის" სხვადასხვა გამოცემაში, მაგალითად, ჟურნალ "გზაში", არაერთხელ აქვს დაბეჭდილი სარეკლამო სტატია, რა თქმა უნდა ოფიციალური R აღნიშვნით. ასე რომ, მისი არგუმენტი კიდევ ერთი სიყალბეა. საინტერესოა, რამდენი ბოროტება და სიყალბე უნდა ჩაიდინოთ ღვთისა და სიკეთის სახელით?

ჩვენს კოლეგებს კი (სახელდობრ იმ გაზეთს, სადაც ირაკლი ლომაიას ცილისმწამებლური სტატია გამოქვეყნდა) მინდა ვუთხრა, რომ არსებობს პრინციპები, რასაც მედია არ უნდა არღვევდეს და ასეთი ბრალდებების პარალელურად "ბრალდებულის" კომენტარიც არ უნდა გამოგრჩეთ.

მართალია, სტატია დაფინანსებული იყო და ირაკლი ლომაიამ ფული გადაგიხადათ, მაგრამ, როცა მეცენატი ბიძინა ივანიშვილი (რა შედარებაა, მაგრამ მაინც) ამ გაზეთის წინააღმდეგ სრულიად საქართველოს პრესაში და მათ შორის "კვირის პალიტრაში" სარეკლამო სტატიებს აქვეყნებდა, ჩვენ არ დაგვირღვევია ეთიკისა და კოლეგიალობის პრინციპი და მეორე მხარეს ყოველთვის მივმართავდით კომენტარისთვის.

P.S. მას შემდეგ, რაც შარშან გაზეთ "კვირის პალიტრაში" ირაკლი ლომაიას შესახებ სტატია გამოქვეყნდა, უამრავი მოქალაქე გამოგვეხმაურა, მათ შორის - "კვირის პალიტრის" ინტერნეტგვერდზეც (უკვე ვთქვით, რომ ირაკლი ლომაია არა მხოლოდ ვიზუალურად "მკურნალობდა", არამედ "დასხივებული სურათითაც").

გთავაზობთ ერთ-ერთ წერილს "კვირის პალიტრის" საიტიდან:

პარანოიდი: "უამრავი ცხოვრებისეული პრობლემა მქონდა. ჰოდა, შევედი ინტერნეტში, ირაკლი (მამა) ლომაიას საიტზე. გავაძვრე (მყის წარმოვაჩინე) ჩემი კრედიტბარათი და 30 დოლარისა და 99 ცენტის გადახდის შემდეგ ჩემს ეკრანზე გაიჩითა (გამობრწყინდა) ირაკლი (მამა) ლომაიას "დანავაროტებული" (დამუხტული) სურათი, ეს არ ვიკმარე და ვოლფეიფერად დავაყენე და შევუდექი მის ცქერას - დილას, შუადღესა და საღამოს.

ოღონდ ამ ყველაფერს მამაჩემის მალულად ვაკეთებდი, რადგან მამაჩემი სასტიკი სკეპტიკოსია. მოგეხსენებათ, თბილისი პატარაა და არაფერი იმალება, ერთ ურემონტო ხრუშჩოვკაში, სადაც კარებიც არ არის ოთახებს შორის, რა უნდა დამალულიყო. მამაჩემიც თავზე წამადგა ერთ დღეს, თვალებდასიებულს, ირაკლი (მამა) ლომაიას სურათს იმედის თვალით მაცქერალს...

შედეგი: 1. საკუთარ მამას მამათმავალი ვგონივარ; 2. ირაკლის დამუხტული სახის ცქერამ პრობლემები გამიჩინა ერექციაში; 3. შეყვარებულმა მიმატოვა. მხოლოდ ყავა, ნამცხვარი და კინო ხო არაა ეს ცხოვრებაო; 4. ამ ყველაფრის მერე დაკარგულ 30 დოლარს და 99 ცენტს ვიღა ჩივის; 5. ეს შედეგები ირაკლის პარაფსიქოლოგიურ სახეზე აისახება, თუ გადავაწყდი სადმე, დავმუხტავ, დავმუხტავ, დავმუხტავ!.."

წყარო:"კვირის პალიტრა"

მსგავსი სტატიები:

კლინტონი სააკაშვილს მხარდაჭერას აღუთქვამს

საქართველოში ვიზიტისას ჰილარი კლინტონი მიხეილ სააკაშვილის მთავრობას ეტყვის, რომ შეერთებული შტატები კვლავ მხარს უჭერს, - ამის შესახებ ტელეკომპანია BBC იუწყება.

გაზიარება
[14:09 05-07-2010]

ტელეკომპანიის ცნობით, შეერთებული შტატების სახელმწიფო მდივანი ჰილარი კლინტონი აღმოსავლეთ ევროპასა და კავკასიაში მოგზაურობას საქართველოში სტუმრობით დაასრულებს. ხუთდღიანი ტურის დროს იგი უკრაინას, პოლონეთს, აზერბაიჯანს და სომხეთს უკვე ესტუმრა. ამასთან, აშშ მუშაობს ურთიერთობების გაუმჯობესებაზე რუსეთთან, რომელიც ორი წლის წინ საქართველოს წინააღმდეგ ომში იბრძოდა.

კლინტონი საქართველოში, ვიცე-პრეზიდენტ ჯოზეფ ბაიდენის ვიზიტიდან 12 თვის შემდეგ ჩავიდა. "ბაიდენის ვიზიტისას სააკაშვილმა აშშ–ს უფრო განვითარებული შეიარაღების მიწოდება სთხოვა, რაზეც აშშ–მ უარი თქვა. წელს ქართველი ჩინოვნიკები ამბობენ, რომ აღნიშნული საკითხი დღის წესრიგში არ შედის", - იუწყება ტელეკომპანია BBC.

აშშ-ს სახელმწიფო მდივანი აღმოსავლეთევროპული ტურნეს ფარგლებში საქართველოში რამდენიმე წუთის წინ ჩამოფრინდა. ერთდღიანი ვიზიტის ფარგლებში ჰილარი კლინტონი საქართველოს პრეზიდენტს, საგარეო საქმეთა მინისტრს და ოპოზიციის წარმომადგენლებს შეხვდება.

აშშ-ს სახელმწიფო მდივანი თბილისს დღესვე, 18:00 საათზე დატოვებს.

ვახანიას პატიმრობის ვადა ექვსი თვით შეუმცირეს

30 ივნისს ქუთაისის სააპელაციო სასამართლომ პოლიტპატიმრად გამოცხადებულ აკადემიკოს ვლადიმერ ვახანიას 3 წლით და 6 თვით თავისუფლების აღკვეთა მიუსაჯა.

გაზიარება
[ილია ჩაჩიბაია. 22:32 04-07-2010]

ქუთაისელმა მოსამართლეებმა მარინა სირაძემ, მარინა იმერლიშვილმა და მურთაზ კაპანაძემ მას მხოლოდ 6 თვით შეუმცირეს ზუგდიდის რაიონული სასამართლოს სასჯელი – 4 წლით თავისუფლების აღკვეთა.

შეგახსენებთ, რომ აკადემიკოსი ვახანია ქართველმა სამართალდამცავებმა 2009 წლის მარტში, ზუგდიდში, იარაღის უკანონოდ შენახვისა და ჟურნალისტისთვის პროფესიული მოვალეობის ხელის შეშლის ბრალდებით დააკავეს. განსასჯელის ადვოკატების მიერ მოპოვებული მასალების მიხედვით ირკვევა, რომ გაზეთ „სამეგრელოს ქრონიკას“ ჟურნალისტმა ლელა ხუბულავამ აუდიოფირი, რომელიც დაკავებულის სახლში ჩხრეკის ჩატარების მიზეზი გახდა, საკუთარი ნებით გადასცა ვლადიმერ ვახანიას. დევნილი აკადემიკოსის დამცველების, ოჯახის წევრებიას და მოწმეების მტკიცებით კი, ოჯახში ცეცხლსასროლი იარაღი სამართალდამცავებმა თავად შეიტანეს.

2009 წლის 11 სექტემბერს ზუგდიდის რაიონულმა სასამართლომ ვახანიას 4-წლიანი პატიმრობა მიუსაჯა. სასამართლო პროცესები 3 კვირის განმავლობაში მიმდინარეობდა. მოსამართლემ და ბრალდების მხარემ დაკავებულის ადვოკატების არც ერთი შუამდგომლობა არ დააკმაყოფილეს. პროკურორი დიმიტრი ხვიტია და მოსამართლე დავით კეკენაძე ვახანიას ოჯახის წევრთა კატეგორიული მოთხოვნის მიუხედავად, განსასჯელის სამედიცინო დაწესებულებაში გადაყვანას არც ერთხელ არ დასთანხმდნენ.

უახლოეს მომავალში საქმე თბილისის უზენაეს სასამართლოში გასაჩივრდება.

"ახალი 7 დღე"

Vakhania TV არხის პირდაპირი გადაცემა

სააკაშვილი ჰილარი კლინტონისა და ნინო ბურჯანაძის პირისპირ შეხვედრის წინააღმდეგია

„დემოკრატიული მოძრაობა–ერთიანი საქართველოს“ ლიდერს, ნინო ბურჯანაძეს ჰილარი კლინტონთან მხოლოდ ერთი ერთზე სურს საუბარი და სხვა ფორმატში შეხვედრაზე თანახმა არაა...

გაზიარება
[www.obiektivi.net. 17:18 23-06-2010]

...როგორც ჟურნალისტთა კავშირ „ობიექტივს“ სანდო წყარომ აცნობა, თავდაპირველად, აშშ–ის სახელმწიფო მდივნის თბილისში ვიზიტის ფარგლებში, სხვა შეხვედრებთან ერთად, კლინტონ–ბურჯანაძის დიალოგიც იყო დაგეგმილი.

ამ რანგის სტუმრის დღის წესრიგი, როგორც წესი, ქვეყნის ხელისუფლებასთან თანხმდება ხოლმე. წყაროს ინფორმაციით, მიხეილ სააკაშვილმა კლინტონისა და ნინო ბურჯანაძის განმარტოებით საუბარზე, კატეგორიული უარი განაცხადა.

შეგახსენებთ, რომ 5 ივლისს, საქართველოს ერთდღიანი ოფიციალური ვიზიტით აშშ-ის სახელმწიფო მდივანი ჰილარი კლინტონი ეწვევა. ოფიციალური ვიზიტის ფარგლებში აშშ-ის სახელმწიფო მდივანი საქართველოს ხელისუფლების წარმომადგენლებთან, ოპოზიციასთან და საზოგადოების წარმომადგენლებთან გამართავს შეხვედრებს.

ზუგდიდი

ზუგდიდი — ქალაქი საქართველოში, სამეგრელო-ზემო სვანეთის მხარის და ზუგდიდის მუნიციპალიტეტის ადმინისტრაციული ცენტრი. გაშენებულია ოდიშის დაბლობზე, მდინარე ჩხოუშის ნაპირას, ზღვის დონიდან 110 მ სიმაღლეზე. მოსახლეობა 69 000 ათასი (2009 წ.)

გაზიარება

ფოტოგალერეა – ზუგდიდი ჩემი სიამაყეა

... ზუგდიდის სახელმწიფო ისტორიულ-ეთნოგრაფიული მუზეუმი- დაარსდა 1921 წელს სამეგრელოს ყოფილ მთავართა სასახლეებში დაცული არქივებისა და ნივთების ბაზაზე. მოთავსებულია დადიანისეულ 2 სასახლეში ზუგდიდში.მუზეუმში გამოფენილია ამ მხარის არქეოლოგიური (პალეოლითის, ნეოლითისა და ბრინჯაოს ხანის ნივთები) და ეთნოგრაფიული (სასოფლო-სამეურნეო იარაღი, საყოფაცხოვრებო ნივთები, ტანსაცმელი, საცხოვრებელ ნაგებობათა - "ფაცხა", "ჯარგვალი", "ოდა" - და სხვა ნიმუშები) მასალა. წარმოდგენილია ფეოდალური ხანის საქართველოს ისტორიის ამსახველი ექსპონანტები. სამეგრელოს უკანასკნელი მთავრის დავით დადიანის და მისი ოჯახის წევრთა პირადი ნივთები.ზუგდიდის დადიანების სასახლეთა ისტორიულ–არქიტექტურულ მუზეუმში ინახება მსოფლიო მნიშვნელობის სამუზეუმო ექსპონატები და რელიგიური სიწმინდეები. მუზეუმის გარშემო მდებარეობს სამეგრელოს მთავარ დადიანთა მიერ გაშენებული ტყე-პარკი 67 ჰექტარზე, სადაც ხარობს მსოფლიოს სხვადასხვა კუთხიდან ჩამოტანილი ხეების უნიკალური და მრავალწლიანი ხეები და ბუჩქები. დადიანების სასახლეთა ისტორიულ–არქიტექტურული მუზეუმი სამეგრელოს სასახლე-კომპლექსშია მოთავსებული (დედოფლის სასახლე, ნიკოსეული სასახლე, მთავრისეული ტაძარი და სასახლესთან არსებული დეკორატიული ბაღი). დედოფლისეული სასახლე XIX ს –ის 60-იან წლებშია გადაკეთებული გერმანელი არქიტექტორის რაისის მიერ, მანამდე ის სამეგრელოს მთავრის დავითის დის, პუპის სასახლე იყო. რაისმა II სართულს თაღები დააშენა და ფართო ფლიგელები მიუშენა. ნიკოსეული სასახლე XIX ს-ის 80-იან წლებშია აგებული რუსი არქიტექტორის ლეონიდ ვასილიევის მიერ. რეზიდენცია ორსართულიანია, ამშვენებს ქვის აივანი და საქართველოში ყველაზე დიდი სამეჯლისო დარბაზი. მუზეუმი დაარსდა 1921 წლის აპრილში სამეგრელოს მთავრის დავით ლევანის ძე დადიანის ძველ ნივთთა საცავ –საგანძურისა და სამეგრელოს ეკლესია–მონასტრებიდან გადმოტანილი ქართულ სიძველეთა ბაზაზე. მის ფონდებში დაცულია 50000-მდე ექსპონატი, ეროვნული (ბრინჯაოს ხანიდან მოყოლებული XIX საუკუნის დასასრულის დადიანების მემორიალური ნივთებით დამთავრებული) და ევროპული კულტურული მემკვიდრეობის ნიმუშები .

ზუგდიდის დრამატული თეატრი შალვა დადიანის სახელობის ზუგდიდის დრამატული თეატრი, ქართული დრამატული თეატრი ზუგდიდში. სცენისმოყვარეთა სპექტაკლები XIX საუკუნის II ნახევრიდან იმართებოდა. პირველი სპექტაკლი, მოლიერის "ძალად ექიმი", 1869 წლის 11 აპრილს დადგა ანტონ ფურცელაძემ. 1907-1908 წლებში ზუგდიდში შეიქმნა სოციალ-დემოკრატიული პარტიის დრამატული წრე, ე. წ. "მუშური დრამწრე", რომელიც 125 სცენისმოყვარეს აერთიანებდა. წრის წევრები 1915 წლიდან მართავდნენ ლიტერატურულ საღამოებს, დგამდნენ სპექტაკლებს. საგასტროლოდ ჩამოდიოდნენ ლ. მესხიშვილი,ვალერიან გუნია, შალვა დადიანი, ელეფთერ ანდრონიკაშვილი, ალექსანდრე იმედაშვილი, ვახტანგ ურუშაძე და სხვა. 1932 წელს ზუგდიდში დაარსდა პირველი პროფესიული დრამატული თეატრი, რომელსაც 1959 წელს შალვა დადიანის სახელი მიენიჭა. თეატრისათვის აგებულ ახალ შენობაში 1932 წლის 11 აგვისტოს პირველ სპექტაკლებად წარმოადგინეს ნიკოლოზ შიუკაშვილის "სამართალი" (რეჟისორი გიორგი ფრონისპირელი) და პეტრე სამსონიძის"სალტე" (რეჟისორი გ. ფრონისპირელი და ა. ციციაშვილი). სხვადასხვა წლებში თეატრში მოღვაწეობდნენ: რ. ქართველიშვილი, ვ. დარასელი, ლ. ჭედია, ა. თარხან-მოურავი, პ. პატარაია, გ. იოსელიანი,გრიგოლ ლაღიძე, შ. მჟავანაძე, ვ. მჭედლიძე, ვახტანგ გარიკი, ვ. ყუშიტაშვილი, გ. გაბუნია და სხვები. წლების მანძილზე თეტრში მხატვრად მუშობდა ირაკლი გამრეკელი. დადგმებიდან აღსანიშნავია:სანდრო შანშიაშვილის "ანზორი" (1933), ბორის ლავრენიოვის "რღვევა" (1934), აკაკი წერეთლის "პატარა კახი" (1941), ლოპე დე ვეგას "თივა და ავი ძაღლი" (ვ. ყუშიტაშვილის დადგმა), ივანე დარასელის "კიკვიძე" (1965), ა. გეწაძის "წმინდანები ჯოჯოხეთში", შალვა დადიანის "გვირგვილიანების ოჯახი" (1967), ლ. ქიაჩელის "ჰაკი აძბა" (1970), ნ. ჰიქმეთის "ყეყეჩი" (1972), ოტია იოსელიანის "ექვსი შინაბერა და ერთი მამაკაცი" (1973), რეზო თაბუკაშვილის "რაიკომის მდივანი" (1974), ალექსანდრე ჩხაიძის "შთამომავლობა" (1978) და სხვა. დასში მოღვაწეობდნენ (1978) საქართველოს სსრ დამსახურებული არტისტები: ანთიმოზ როგავა, გ. წერეთელი, შალვა მოსია, დავით გოგიჩაიშვილი, კ. წულაია და სხვა.

ისტორიული ცნობა ვარაუდობენ, რომ სახელწოდება წარმოიშვა ზურგ-დიდიდან (ე. ი. დიდი გორიდან; კოლხურად „ზუგი/სუკი“ ბორცვი, ფერდობი) ან კიდევ გეოგრაფიული სახელწოდება ზუბი-დან (ზუბ-დიდი). წყაროებში პირველად მოიხსენიება XVII საუკუნის დასაწყისში. ზუგდიდი ოდიშის სამთავროს პოლიტიკური, ადმინისტრაციული და კულტურული ცენტრი იყო. აგრეთვე იყო ქართული მწიგნობრობის მნიშვნელოვანი კერა. აქ ამრავლებდნენ ხელნაწერებს. ლიტერატურული საქმიანობა განსაკუთრებით გაჩაღდა ლევან II დადიანის კარზე, სადაც მოღვაწეობდნენ მამუკა თავაქალაშვილი და ბარძიმ ვაჩნაძე. XVIII საუკუნეში ბეჟან დადიანის კარზე მოღვაწეობდა პეტრე ჩხატარაისძე. ჩვენამდე მოღწეულია დადიანთა წიგნთსაცავში დაცულ ხელნაწერთა მდიდარი კოლექცია.

აღმოსავლეთის ომის 1853-1856დროს, 1855 წელს ზუგდიდი ოსმალებმა დაიკავეს. ნოემბერში ქართულმა მილიციამ გენერალ-მაიორის გრიგოლ დადიანის სარდლობით გაანადგურა მტერი. რის შემდეგ რუსეთის იმპერიის შემადგენლობაში შედიოდა. სამეგრელოს გლეხთა აჯანყების (1856-1857) დროს, 1857 მაისში, ქალაქი აჯანყებულთა ხელში გადავიდა.

კლიმატი ზუგდიდის ჰავა ზღვის ნოტიო სუბტროპიკულია, თბილი ზამთრითა და ცხელი ზაფხულით. კარგად არის გამოხატული მუსონური ხასისათის ქარები. ჰაერის საშუალოწლიური ტემპერატურაა +13.8 გრადუსი, იანვრის საშუალო ტემპერატურა +4.9 გრადუსი, აგვისტოს – +22.7 გრადუსი. წელიწადში საშუალოდ მოდის 1620 მმ ნალექი, აქედან მაქსიმუმი – სექტემბერში (165), ხოლო მინიმუნი იანვარში (107 მმ). საშუალოწლიური ტენიანობა შეადგენს 72 ‰, ხოლო მზიანი დღეების რიცხვი – 210–ს.

სამეგრელო–ზემო სვანეთი>>>

სgrelo-zemo svanetirnali

English

ირაკლი ლომაია: კვირის პალიტრა ყველაზე მატყუარა და თაღლითი გაზეთია მთელს საქართველოში

თუ კვირის პალიტრას დავაფინანსებდი რა თქმა უნდა გამაღმერთებდნენ. როცა არ დავაფინანსე ისარგებლეს ჩემი საქართველოში არ ყოფნით და დაწერეს ანტი-რეკლამა.

გაზიარება
[ირაკლი ლომაია. 18:33 03-07-2010]

ეს წერილი პარაფსიქოლოგ ირაკლი ლომაიას კომენტარია, გაზეთ “კვირის პალიტრის” 12-18 (2009წ) ოქტომბრის ნომერში მისდამი გამოქვეყნებულ ბრალდებებზე, რომელიც რბილად რომ ვთქვათ ბევრ უზუსტობას შეიცავდა და მათ შორის პირველი ალბათ ის იყო, რომ ბრალდებების მთელ ამ კასკადს, თავად ირაკლი ლომაიას კომენტარი არ ახლდა, რომლის მოძებნასაც ჟურნალისტი ეტყობა იმდენად “გულმოდგინედ” ცდილობდა რომ სულ გადაავიწყდა, - ამერიკის შეერთებულ შტატებში არც “მაგთი” და არც “ჯეოსელი” არ იჭერს და მის მობილურებზე რეკვა უაზრობა იქნებოდა, შეიძლებოდა მარტივად – “ადნაკლასნიკებიდანაც” კი წერილის მთავარი გმირის ის კომენტარი მიეღო, იმ უამრავ ბრალდებაზე რაც “კვირის პალიტრაში” გამოქვეყნდა.

ირაკლი ლომაია დეტალურად პასუხობს წერილის ავტორს წამოყენებულ ყველა ბრალდებაზე!

დავიწყოთ იმით, რომ ამ წერილის ავტორის დასაცინი ნამდვილად არ არის არც სენაკი და არც სენაკელი ბიჭი. არ ამგონია თვითონ პარიზელი არისტოკრატი იყოს. მისგან განსხვავებით მე თბილისში დავიბადე და გავიზარდე. რაც შეეხება ,,პარაფსიქოლოგიის მამას,,-ეს ტიტული, რომელიც ჩემთვის შეუფასებელი და საამაყოა, ხალხმა მომანიჭა. როგორც ჩანს ქ-ნი ხათუნა მწყრალად უნდა იყოს ქართულ გრამატიკასთან, რაც მისი პროფესიის პატრონს ნამდვილად არ ეპატიება. იქნებ ამიხსნას, რას ნიშნავს სიტყვა ,,აითესა,,? ჩემი პროფესიიდან გამომდინარე, პირველი შემთხვევა არ გახლავთ როცა ქვეყნიდან გავსულვარ, რადგან ხშირად მიწევს მოგზაურობა სხვადასხვა ქვეყნებში პაციენტებთან. თქვენი აზრით ადამიანი, რომელიც მსგავს პროფესიას ემსახურება და საქმე მოითხოვს მის სხვა ქვეყანაში გამგზავრებას ,,ათესვას,, და ქვეყნიდან გაპარვას ნიშნავს? აქვე მინდა ავღნიშნო, რომ ავტორი თითქოს შეწუხებულია ჩემი პირადი პრობლემებით, რასაც არ ასაბუთებს. თითქოს ეს კრიმინალი იყოს. იქნებ მეც შემიყვანოს საქმის კურსში ჩემს პრობლემებთან დაკავშირებით? არ მესმის ავტორი რატომ აყენებს შეურაცხყოფას პატრიარქის სიტყვებს, რომელითაც მან ნამდვილად მომმართა და რასაც მრავალი მოწმე ყავს. რაც შეეხება იეროგლიფებს და სხეულზე გამოსახულ ჯვრებს, კარგი იქნებოდა, რომ გაცნობოდა ჩემს სამეცნიერო ნაშრომს ,,სიცოცხლის წყურვილით,, ,რომელშიც ფოტოებზე ასახულია ყველაფერი. რაც შეეხება პარაფსიქოლოგიური ცენტრის გახსნას, უკაცრავად, მაგრამ თვითონვე უშვებს გაუთვითცნობიერებელ შეცდომას სადაც წერს, რომ თურმე თავად ბრძანდებოდა და დაუკავებია რიგი ჩემთან შესახვედრად. მინდა დავეხმარო მას და მივუთითო სად და ვის მიმართოს იმის გასარკვევად, არსებობს თუ არა მსგავსი ლიცენზია და რატომ არავინ დაინტერესდა ამის შესახებ ჩემი მოღვაწეობის 9 წლის მანძილზე, ან არსებულ ლიცენზიაში თბილისის ,,საქპატენტ,,-ში რატომ მახდევინებდნენ საკმაოდ სოლიდურ გადასახადს? ძალიან ძნელია პარაფსიქოლოგიის ამ დარგში ჩაუხედავი და გაუნათლებელი რიგითი ჟურნალისტისთვის, როგორიც ხათუნა პაიჭაძეა (თუ ეს ნამდვილი სახელი და გვარია) ყოველი სამკურნალო მეთოდების განმარტება და მითითების სწავლა წერილობით. ამისათვის საჭიროა შესაბამისი განათლება და ლიტერატურის წაკითხვა, რაც ჩვენი ,,გენიოსი,, ჟურნალისტის ცენტრალურ ნერვულ სისტემას ნაკლებად ახასიათებს. იქნებ ისიც უარყოს, რომ პარაფსიქოლოგიის სამეცნიერო და კვლევითი უნივერსიტეტები ევროპის სხვადასხვა ქვეყნებში საკმაოდ აპრობირებულია და რომელიც მე, სხვათაშორის, წითელ დიპლომზე მაქვს დამთავრებული და ამის დამადასტურებელი ფაქტი დიპლომების გარდა ჩემი 40.000 პაციენტია. ის ფაქტი, რომ მე თვითოეული პაციენტისგან 236 ლარს ვიღებდი და ეს კრიმინალია, მაშინ დამისახელოს თანხა, რასაც პაციენტები კლასიკურ მედიცინაში იხდიან, თუნდაც ერთი ვიზიტის შემთხვევაში. დამისახელოს სამედიცინო დაწესებულება, რომელიც ჩემი ორგანიზაციისაგან განსხვავებით, დასაბუთებულ და წერილობით მკურნალობის გარანტიას აძლევს პაციენტს. მეტიც. განუკურნელობის შემთხვევაში ვინმე უბრუნებს პაციენტს გადახდილი თანხის 80%-ს? არც ის ვიცოდი თუ პაციენტებისაგან ნებართვა უნდა ამეღო, რომ წელიწადში ერთხელ მეც დავისვენო. ყველაზე საინტერესო და სახალისო კი ის გახლავთ, რომ თურმე ამ ქალბატონს დაურეკია და უთხოვია ჩემთან შეხვედრა და უანგარო დახმარება, რაც არცერთ სამედიცინო დაწესებულებაში და მითუმეთეს შეზღუდული პასუხისმგებლობის ორგანიზაციაში კი არა, სამთავრობო დაწესებულებაშიც არ ხდება. თუ მისი ნათქვამი სინამდვილეს შეესაბამება და მორიგ ინტრიგასთან არ გვაქვს საქმე, რომ მან დახმარებასთან დაკავშირებით დარეკა და ყურმილი დაუკიდეს, არანაირად არ ესადაგება სინამდვილეს, რადგან მსგავსი შემთხვევები მრავლად ყოფილა და მენეჯერები მას აუცილებლად შესთავაზებდნენ გარკვეული განცხადებისა და თხოვნის წერილობით მიმართვას, რასაც მე ყოველთვის რეზოლუციას ვადებ. ამის დამადასტურებელი დოკუმენტები დღესაც ინახება არქივში. სადაა ლოგიკა? მითუმეტეს თუ ჩვენ არ ვიყავით ინფორმირებული მის განძრახვაზე, რატომ დაუკიდებდნენ ყურმილს? თქვენი აზრით რაღა ამ უკანასკნელს ერგო დახმარებაზე უარყოფითი პასუხი? სხვათაშორის რიგითმა ჟურნალისტმა, როგორი გაუნათლებელიც არ უნდა იყოს, აუცილებლად უნდა იცოდეს კანონი, რომ ცილისწამებისთვის სასჯელია და საკმაოდ მკაცრი. ქვეყნიდან გასვლა, ქ-ნო ხათუნა დანაშაული არ არის და თუ ლოგიკურად მიუდგებით საკითხს, ძებნილ პიროვნებას საზღვრის გადალახვის და სხვა ქვეყანაში მუშაობის, სწავლის, კვალიფიკაციის ამაღლების, ნორმალური გადაადგილებისა და მოღვაწეობის უფლებას არ აძლევენ. რაც შეეხება მის დაინტერესებას ჩემი გაუჩინარებისა და ადგილმდებარეობის შესახებ, დაინტერესებული პირი ჯერ ოჯახს მიმართავდა, შემდეგ კი ნაცნობებსა და მეგობრებს. მაგ. ქ-ნი ეთერ კაკულია რომელსაც თურმე ჩემი საქმიანობის არ სწამს, ამავდროულად სურს ყავდეს ხალხის დასანახად გავლენიანი მეგობარი?

შთაბეჯდილება ჩემი მისაღები დარბაზის გამო, რომელიც ასე მწვავედ დარჩა ჟურნალისტის მეხსიერებაში, თურმე მან იხილა უამრავი ცნობადი სახეებისა და პატრიარქის სურათი, რაც სიყალბეა პატრიარქთან დაკავშირებით, რადგან მასთან სურათი სამწუხაროდ არ გამაჩნია. თუ საქმე, ჩემი სახით, თაღლითთან გაქვთ, როდესაც პატრიარქმა მიმიღო და დამლოცა, ვისარგებლებდი შემთხვევით და ვთხოვდი სურათის გადაღებას, რაზეც დარწმუნებული ვარ მისი უწმინდესობა უარს არ მეტყოდა.

ცილისწამებაა ისიც, რომ ჩემს მისაღებში თურმე სხედან დაქირავებული ადამიანები, რომლებიც ხალხის გასაგონად აქებენ მკურნალს, ანუ მე. რა ძლიერი პიროვნება ვყოფილვარ, თუ ასეთი ხალხი 9 წლის მანძილზე ყოველდღიურად იმეორებდნენ ჩემს საქებარ ტექსტს. საიდან ქ-ნო ხათუნა ასეთი სახალისო ფანტაზია? მინდა პატარა განმარტება შემოგთავაზოთ: როდესაც საქმე გვაქვს მედიცინასთან, ექიმთან მისულ ადამიანს ქვია პაციენტი და არა კლიენტი. ამისათვის გირჩევთ გაეცნოთ შესაფერის ლიტერატურას.

ვერ ვხედავ ლოგიკას თქვენს მონათხრობში, სადაც წერთ, რომ უამრავი პაციენტი მყავდა, რომლებიც თვეობით იდგა რიგში. ხომ ვერ მეტყვით, რაღად მინდოდა დაქირავებული ხალხი ჩემს საქებრად? შემაძრწუნებელი და მართლაც ამაზრზენია თქვენი აზროვნება იმის თაობაზე, რომ დედას თურმე ვპირდები გარდაცვლილი შვილის სულთან შეხვედრას. რაც შეეხება სითხეს, რომელიც თქვენ სამწუხაროდ, თუ საბედნიეროდ არ გეღირსათ, არანაირად არ არის ,,სასწაულმოქმედი,, , როგორც თქვენ ბრძანებთ. ვინ მოგცათ უფლება ჩაერიოთ ექიმის სამკურნალო პროცესებსა და მეთოდებში, თუ თქვენ არ ხართ ამ საქმის სპეციალისტი? ცნობისათვის, ჩემთან მოსულ ადამიანებს, თქვენგან განსხვავებით, ქონდათ რწმენა და სჯეროდათ ჩემი. თქვენი მსგავსი თაღლითი და ყალბი პაციენტი ნამდვილად არასოდეს მყოლია. ალბათ ამიტომაც არ ინება ღმერთმა ჩვენი შეხვედრა.

საიდან გაქვთ ნორმალურ ოჯახში აღზრდილ ქალბატონს ამდენი ჟარგონი? როდესაც თქვენ სადმე მიემგზავრებით, "ითესებით"?

ნორმალურ ქვეყანაში თაღლითი და ფულის გამომძალვევი ადამიანი, რომელსაც თქვენი სიტყვებით დიდი ქონება გააჩნდა, საკუთარ ბინას და ავტომობილებს ბანკის სესხით არ შეიძენდა და მერე არ გაყიდდა. როდესაც საკუთარ ქვეყანაში ახალგაზრდა მეცნიერს სამჯერ გაიტაცებენ, ორჯერ მოსტაცებენ შვილს და ერთხელ მოწამლავენ-დამეთანხმება მკითხველი, რომ ასეთი ადამიანი ყოველთვის ეძებს გამოსავალს და ისეთ ქვეყანას, სადაც მისი ნიჭი სათანადოდ დაფასდება. ყოველივე ამის შემდეგ ავტორი სვავს ფრიად უაზრო კითხვას – სად გაქრა ,,პარაფსიქოლოგიის მამა,,? ნათელია, რომ გაქცეული, დამალული და ძებნილი ადამიანი თქვენს ცილისმწამებლურ, ირონიულ და ღვარძლით სავსე წერილს არ გამოეხმაურებოდა.

ყველაზე სასაცილო და ამავდროულად უაზრო წინადადებამ გამაოცა. ეტყობა კარგი იუმორის გრძნობა გაქვთ, ამდენ საჯაროდ ლანძღვასთან და შეურაცხყოფასთან ერთად წერთ, რომ არასოდეს არცერთ პაციენტს ჩემთვის ჯერ არ უჩივლია და უმეტესობა თურმე ჩემს მზესაც კი ფიცულობს. ხომ ვერ მეტყვით, რატომ? ერთ რამეში გეთანხმებით. სოფლიდან ჩამოსული უსუსური, უპატრნონო ახალგაზრდისთვის მართლაც არ არის იოლი დიდ ასპარეზზე გასვლა, რაც თავდაუზოგავი შრომის, წვალების, სწავლისა და უძილო ღამეების შედეგია, რითაც მე, თქვენგან განსხვავებით, დღემდე ვამაყობ. ჩემი სწავლა-განათლებისა და ცხოვრების გზა ნამდვილად არ ყოფილა ია-ვარდებით მოფენილი მხოლოდ ღმერთია ყველაფრის შემფასებელი და დამნახავი. რამდენი სიკეთეც დამითესია და ხელი გამიწვდია გაჭირვებული ადამიანებისთვის, ამისი დამნახავიც ღმერთია და მე მარტო ამ ხალხის ლოცვა-კურთევა მეყოფა მთელი ცხოვრების მანძილზე.

რაც შეეხება ბ-ნ დავით ზურაბაშვილის კომენტარს, ასე ვუპასუხებდი: ბატონო დავით! ჩემთან არაერთი პაციენტი მოსულა თქვენი გამოგზავნილი, რომლებიც მეუბნებოდნენ, რომ თქვენივე თხოვნით, არ გაემხილათ, რომ თქვენგან იყვნენ მოსულები. რაშია საქმე? ახალგაზრდა სპეციალისტის პაციენტთა დიდმა რიგებმა აგაფორიაქათ კლასიკური მედიცინის წარმომადგენლები, რომლებიც გარკვეული წლების წინ ჩემი გაქრობის მცდელობასაც კი გეგმავდნენ? თქვენგან ცილის წამებაა ის, რომ მე თურმე ყველა დაავადებას ვკურნავ მაშინ, როდესაც ჩემი პასუხი სრულიად სხვა იყო. მე განვმარტე, რომ ვკურნავ იმ ადამიანთა კატეგორიას, რომლებიც ექვემდებარებიან ჩემი მკურნალობის მეთოდს და თქვენგან განსხვავებით, პაციენტებს არ უნიშნავ ერთი და იგივე მედიკამენტს, როგორიცაა ლუმინალი და სხვა ძლიერი დამამშვიდებელი მედიკამენტები და როდესაც შედეგს ვერ ნახავს, არ ვეუბნები, რომ ორგანიზმი ინდივიდუალურია. ეს სიტყვები თქვენგან მოსული პაციენტებისაგან არაერთხელ მომისმენია. ალბათ გახსოვთ ჩვენი დიალოგი გადაცემა ,,ტაბუ,,-ს შემდეგ. თქვენ ბრძანეთ: ,,მე მწამს და მჯერა თქვენი მეთოდების, მაგრამ ეს რომ საჯაროდ ვაღიარო, მერწმუნე სამსახურიდან დამითხოვენო,, რასაც მოწმედ ესწრებოდა ერთ-ერთი ცნობილი ქალბატონი. მკითხველმა განსაჯოს, სად არის სიყალბე ტრადიციულსა და არატრადიციულ მედიცინას შორის?!

რაც შეეხება კითხვას, სადაც ავტორი ამბობს, რომ მან მიმართა ჯანდაცვის სამინისტროს, რათა გაერკვია ჩემი ლიცენზიის არსებობის შესახებ, მიღო უარყოფითი პასუხი. ტრადიციული და არატრადიციული მედიცინა რადიკალურად განსხვავდება ერთმანეთისაგან. კლასიკური მედიცინის მუშაკზე გაიცემა ჯანდაცვის სამინისტროს ლიცენზია. არატრადიციული მედიცინა კი, რასაც პარაფსიქოლოგია ქვია, ლიცენზიას გასცემს საქართველოში, კერძოდ თბილისში ჭავჭავაძის I-ჩიხი #6 –ში არსებული დეპარტამენტის საპატენტო რეესტრის სექტორის უფროსი თ. ნანიკაშვილი, რომლის სახელწოდებაა -ინტელექტუალური საკუთრების ეროვნული ცენტრი ,,საქპატენტი,, როგორც ერთადერთი დამაარსებელი პარაფსიქოლოგიური ცენტრის ამიერკავკასიაში, როგორც ბიო-ენერგეტიკოსი და ხომერიკის სკოლის ერთ-ერთი კურსდამთავრებული, გაცემულია ჩემზე ეს ლიცენზია. პროფესიონალმა ჟურნალისტმა ასეთ შემთხვევაში უნდა მიაკითხოს დანიშნულების ადგილს, რამეთუ ეს იგივეა, რომ ფეხმძიმე ქალი გინეკოლოგის ნაცვლად მივიდეს ვეტექიმთან ან დავით ზურაბაშვილთან. ასეთი სავალალო შეცდომების შედეგად, ჩვენმა ,,პროფესიონალმა,, ცნობისმოყვარე, "გამომძიებელმა" -ჟურნალისტმა "საქპატენტის" ნაცვლად მიაკითხა ჯანდაცვის სამინისტროს...

ქ-ნო ხათუნა! საიდან ამდენი ბოღმა? საიდან ამდენი ტყუილი? საიდან ამდენი გესლი? რა პასუხები გაქვთ იმ 86-ი ბავშვისათვის, რომლებიც ჩემი მკურნალობის შედეგად მოევლინენ ქვეყანას და ყველა ჩემი ნათლულია? რა პასუხები გაქვთ იმ ავადმყოფებისათვის, რომლებიც წლობით იყვნენ საწოლს მიჯაჭვულნი და დღეს ჯანმრთელად აგრძელებენ ცხოვრებას? თქვენს ადგილას მე ღმერთს ავხედავდი და პატიებას ვთხოვდი. ალბათ მარტო მე არა ვარ თქვენი კალმის ,,მსხვერპლი,,. როგორც სპეციალისტი, მინდა გამცნოთ, რომ თქვენ ძალზედ დაბინძურებული აურა გაქვთ, რაც აუცილებლად აისახება თქვენს მომავალ ცხოვრებაში. განვმეორდები: ცილის წამება უდიდესი ცოდვაა! ღმერთი იყოს თქვენი მსაჯული!

ამ კვირის ყველაზე კითხვადი სტატიები

ყველა დროის ყველაზე კითხვადი სტატიები

ეს საინტერესოა

რედაქტორის რჩევით

ეს საინტერესოა

არქივი