ავტორი ნინო მიქიაშვილი
22:55 16.02.2014
ყოფილ შინაგან საქმეთა მინისტრს ვანო მერაბიშვილს ნინო გელაშვილი ბრალს სდებს მეუღლის გენო ფარულავას მკვლელობაში. ნინო გელაშვილი ამჟამად უცხოეთშია. იგი ამბობს, რომ მთავარი პროკურატურა ძიებას თუ დაიწყებს, სამშობლოში დაბრუნდება და გამოძიებასთან ითანამშრომლებს. ნინო გელაშვილთან ინტერვიუ სკაიპის საშუალებით ჩავწერე.
საგულისხმოა ის ფაქტი, რომ 2009 წლის ივლისში, გენო ფარულავა ჯერ დაკრძალული არ იყო, როცა მისი ოჯახის წევრები საჯარო განცხადებების გაკეთებას არ მორიდებიან. მაშინდელი ჟურნალისტებიდან ჩემს გარდა ადიგენის რაიონის სოფელ წრეში სამწუხაროდ, არავინ ჩასულა. 2009 წლის 9 ივლისს თბილისიდან ადიგენში ოპერატორ ვასიკო გეგეშიძესთან ერთად გავემგზავრე. იქიდან ვიდეოკადრებიც ჩამოვიტანეთ და აუდიოჩანაწერიც. იმჟამად ინტერნეტგამოცემა პრესა.გე-ში ვმუშაობდი. ჩემი სტატია 2009 წლის 11 ივლისს გამოქვეყნდა, სათაურით - კიდევ ერთი მსხვერპლის გაუხმაურებელი დეტალები. ჯონი კალანდაძის მიერ დამონტაჟებული ვიდეოსიუჟეტი კი ინტერნეტტელევიზია აიტივი.ჯე-ზე გავიდა.
ნინო გელაშვილმა და მისმა ვაჟმა ოთარ ფარულავამ საქართველო გენო ფარულავას დაკრძალვიდან მალევე დატოვეს.
უცხოეთში გაჭირვების გამო ხართ, თუ ამას სხვა მიზეზი აქვს?
ნინო გელაშვილი: გენო ფარულავა ვანო მერაბიშვილის პირადი პატიმარი იყო, მისი მოკვლა უნდოდა, ეს საწადელი აისრულა და შემდეგ ჩვენზე გადმოვიდა - ოჯახის განადგურება დაისახა მიზნად. საფინანსო პოლიცია, საგადასახადო გააქტიურდა; სკოლაში, სადაც ქართულს ვასწავლიდი, პრობლემები შეიქმნა, რადგან ჩემი ქმრის მკვლელზე ჩემს აზრზს ღიად გამოვხატავდი. მოკლედ, მივხვდი რომ საქართველოში გაჩერებას აზრი აღარ ჰქონდა. მათთან ბრძოლით და უსამართლობით ისე დაღლილი ვიყავი, რომ გამოცლა ვარჩიე.
აქ მერაბიშვილის გამო ვარ, იმ უსამართლობის გამო, რაც ჩვენს ოჯახს 5 წლის წინ თავს დაატყდა. 4 წელია თაღლითი მერაბიშვილის მიერ წართმეული ფულის გასტუმრებას ვუნდები. ფული სამჯერ გადაარიცხინეს. მეოთხედ კიდევ 30 000 მოითხოვეს და ჩემი მეუღლე წყობიდან გამოვიდა - დასაჭერი თუ ვარ დამიჭირონ და მოსაკლავი თუ ვარ მომკლან, აღარ შემიძლიაო.
პირადად თქვენზე ზეწოლა როგორი ფორმით ხორციელდებოდა?
ალბათ, გახსოვთ, რომ ჩემი შვილის დაჭერის შემდეგ ულტიმატუმი პირადად მე წამიყენეს - შენი მეუღლე ჩაგვბარდეს და შვილს გავათავისუფლებთო. რომელი გამეწირა, მეუღლე, რომელთანაც 30-წლიანი ცხოვრება მაკავშირებდა თუ შვილი, რომელიც ჩემი სულის ნაწილია?! ჩემი მეუღლე, რომ ჩაბარდა, შვილი არ გამოუშვეს. გიჟს ვგავდი, მეუღლე სასკლაოზე იყო წასული, შვილიც დაჭერილი მყავდა და ვიცოდი რომ ყველაფერზე წამსვლელები იყვნენ.
აი, მაშინ წავედი ვანო მერაბიშვილის ბიძასთან, ლევან თუმანიშვილთან, რომელიც მანამდე ჩემი მეუღლის მეგობარი იყო. რა ხდება, რა დააშავა ჩემმა ქმარ-შვილმა, გამაგებინე რისთვის ვისჯებით?! ხომ მითხრეს, თუ ჩემი მეუღლე ჩაბარდებოდა, შვილს გაათავისუფლებდნენ-მეთქი.
“დიდების ზენიტში თავიანთ თავს ყველაფრის უფლებას აძლევენ! შენს შვილს გამოუშვებენ, მაგრამ შენი მეუღლე სხვა სიაშიაო“, - ეს მითხრა, ზურგი მომაქცია და წავიდა. გამოდის რომ ჩემი მეუღლე სასიკვდილოდ განწირულთა სიაში ჰყავდათ შეყვანილი.
რატომ?
ჩემი მეუღლისგან ვიცოდი მხოლოდ ის, რომ ციხეში საფრთხე ელოდა. ამის შესახებ ვინ გააფრთხილა, ვერაფერს გეტყვით. სანამ ჩაბარდებოდა მითხრა, რომ თუ ჩაჯდებოდა, ციხეში მოკლავდნენ.
მიმართეთ მთავარ პროკურატურას?
1 ოქტომბრის საპარლამენტო არჩევნების შემდეგ ჩემმა შვილმა პროკურატურაში განცხადება შეიტანა. ახლა თქვენთან ამ განცხადებას იმიტომ ვაკეთებ, რომ საქმე აღიძრას. ხუთი წლის წინ ვთქვი და ახლაც ვიმეორებ - ჩემი მეუღლე ვანო მერაბიშვილმა მოკლა; არა აქვს მნიშვნელობა იმან თოფი ესროლა, თუ ამის გაკეთება სხვას დაავალა. მან ჩემი მეუღლის მკვლელობისთვის პასუხი უნდა აგოს! ჩემი საქართველოში ჩამოსვლა და გამოძიებასთან თანამშრომლობა თუ საჭირო იქნება, ჩამოვალ. მერაბიშვილის დასჯას მაშინვე ვითხოვდი, მაგრამ მაშინ “ნაციონალების“ ბატონობა იყო და ვინ დასჯიდა?!
რა ფაქტებზე დაყრდნობით ადანაშაულებთ მერაბიშვილს?
ჩემს მეუღლეს თავზე სურათი, რომ გადავუღე, სამ პროფესორთან მქონდა მიტანილი. მათ მითხრეს, რომ სიკვდილი ბუნებრივად არ დამდგარა, ეს ხელოვნურად გამოწვეული იყო. ჩემი მეუღლე მოკლეს!
ეს წერილობით დაგიდასტურეს, პროფესორებმა?
იმ რეპრესიების და შიშის დროს წერილობით ვინ რას დამიდასტურებდა?! თუმცა, ახლა გამოძიებას მონდომების შემთხვევაში ამ და სხვა ფაქტის დადგენა არ გაუჭირდება. ვანო მერაბიშვილმა თანამდებობა ბოროტად გამოიყენა და მეუღლე მომიკლა! ამას ხმამაღლა, მთელი პასუხისმგებლობით ვაცხადებ და მოვითხოვ მერაბიშვილის სასჯელის უმკაცრესი ზომით დასჯას!
კიდევ ერთი მსხვერპლის გაუხმაურებელი დეტალები
2009 წლის 11 ივლისს გამოქვეყნებული სტატია
ჯერ შვილი დაიჭირეს - მამაშენი ჩაგვბარდესო; შვილის დაკავებიდან მეხუთე დღეს მამა - გენო ფარულავა ჩაბარდა. წინასწარი ორთვიანი პატიმრობა მას ახალციხეში მიუსაჯეს და გლდანის მერვე საპყრობილეში მოათავსეს. პატიმრობის 23-დღეს გენო ფარულავა ჯერ ციხის საავადმყოფოში და იქიდან ღუდუშაურის სახელობის კლინიკაში ისე გადაიყვანეს, რომ ოჯახმა არაფერი იცოდა. მისი მდგომარეობა შემთხვევით შეიტყვეს და კლინიკაში მიაკითხეს. სასამართლო პროცესი საავადმყოფოში ოჯახისგან მალულად, შუაღამეს ჩატარდა - აპარატზე მიერთებული ფარულავა უდანაშაულოდ ცნეს. ოჯახის უფროსის გათავისუფლების ამბავი ფარულავებმა დილით შეიტყვეს, როცა ბადრაგმა მორიგეობა შეწყვიტა. ეს ისტორია ადიგენში სტუმრობისას გარდაცვლილის მეუღლემ და შვილმა - ნინო გელაშვილმა და ოთარ ფარულავამ გვიამბეს.
ისინი აცხადებენ, რომ ხელისუფლების სათავეში ”ნაცმოძრაობის” მოსვლის დღიდან გენო ფარულავა დევნასა და შევიწროებას განიცდიდა, რისი მიზეზიც მათივე განმარტებით ისაა, რომ გენო ფარულავამ არჩევნებზე ვანო მერაბიშვილს დახმარებაზე უარი პირდაპირ უთხრა: ”როდესაც ჩემს მეუღლეს გვერდზე დგომა სთხოვეს, უარი პირდაპირ უთხრა - ჩემი შვილის ნათლია კენჭს იყრის, ნათელ-მირონობას ვერ ვუღალატებო. ჩემი შვილის ნათლიამ გაიმარჯვა, დაპირისპირებაც აქედან დაიწყო - მას შემდეგ დევნასა და შევიწროებას განვიცდით. ვითარება მას შემდეგ გართულდა, რაც გაიგეს, რომ ჩემი მეუღლე თბილისში მიმდინარე საპროტესტო აქციებში აქტიურ მონაწილეობას იღებდა - საკანში იჯდა. იგი ”ახალი მემარჯვენეების” წევრი გახლდათ”.
გარკვეული პერიოდი გენო ფარულავა ადიგენის სატყეო მეურნეობის ხელმღვანელი იყო. ოჯახის განმარტებით, სამართალდამცავები მას საბუთების გაყალბების გამო ედავებოდნენ, მაგრამ ბოლოს ღუდუშაურის კლინიკაში ჩატარებული სასამართლო პროცესზე გაამართლეს.
”ყველამ იცოდა რომ ხელისუფლების სათავეში ”ნაცმოძრაობის” მოსვლიდანვე მამა ოპოზიციაში იყო. მას დასაჭერად დასდევდნენ, მაგრამ სატყეოს ხელმღვანელობისდროინდელ საბუთებში საეჭვო რომ ვერაფერი უპოვეს, პირადად ვიღაცის ანგარიშზე 35’000 ლარი ჩაარიცხინეს, შემდეგ 30’000. ბოლოს 15’000 წაართვეს. მამას დევნა მას შემდეგ გააქტიურეს, რაც თბილისში 9 აპრილს დაწყებულ საპროტესტო აქციებში აქტიურად ჩაერთო. ის საკანში ცხოვრობდა. მამა თბილისიდან რომ დაბრუნდა, ხშირად იმეორებდა დამიჭერენ და მომკლავენო. დაკავებამდე ბევრჯერ დამიბარეს. მითხრეს, თუ იტყვი სად არის მამაშენი, სასამართლოზე პრობლემები არ შეგექმნებაო. რომ ვეკითხებოდი რატომ ეძებთ-მეთქი, ვიღაცის ვალი აქვსო.
”როგორც ვიცი, მამაჩემის დაჭერის განკარგულება ვანო მერაბიშვილმა გასცა; სამცხე-ჯავახეთის პოლიციაში მისი მოადგილე ამირან მესხელი რეკავდა, გენო ფარულავა უნდა დაიჭიროთო. მამას ძებნაში სოფელში თითქმის ყველა სახლი გაჩხრიკეს. სადაც წავიდოდი, ყველგან მომყვებოდნენ. ორგანოს ერთ-ერთმა თანამშრომელმა გამოიტანა ინფორმაცია - ”აქვთ ჩანაწერები, მამაშენი წვერით საკანში რომ დგას და ვანოს აგინებს. ამაზე არიან გამწარებულები და ეძებენო”. ერთ-ერთმა პიროვნებამ ისიც გვითხრა, გაიგებენ სად არის, იარაღს დაუგდებენ და მოკლავენ, ვითომ რაღაც მოხდაო”, - ამბობს ოთარ ფარულავა.
ნინო გელაშვილი მის მეუღლეზე გამოცხადებული ძებნის მიზეზს ასე ხსნის - ”კულუარული ინფორმაციით, ამის ძირითადი მიზეზი გენოს ოპოზიციონერობა და საკანში ჯდომა იყო”.
გენო ფარულავა დღეს, 11 ივლისს დაკრძალეს. 7 დღის შემდეგ, 18 ივლისს მის შვილს, 21 წლის ოთარ ფარულავას გაასამართლებენ; მას ხე-ტყის უკანონოდ გატანის მუხლი აქვს მიყენებული და 7 წლამდე თავისუფლების აღკვეთა ემუქრება. ოთარ ფარულავა 2 ივნისს, სოფელ წრეში, სახლიდან რამდენიმე მეტრის მოშორებით, მეზობლის ყანაში დააკავეს:
”5 ჯიპი ამოვარდა, შეიარაღებულები გადმოხტნენ, არ გაიქცეთო, - დაიძახეს. ჩვენ ამ დროს ჯოკერს ვთამაშობდით, ჩვეულებრივად, ფლოსტებით ვიყავი. ახალციხის სამმართველოში წამიყვანეს და დაკავების ოქმში დამიწერეს, რომ ვითომ სოფელში დავდიოდი, ვიგინებოდი და ხალხს ვაწუხებდი. დაკითხვებზე ერთადერთ კითხვას მისვამდნენ - სად არის მამაშენი გვითხარიო. აქედან ახალციხეში ჩაყვანისას, მანქანაში ხელითაც შემეხნენ.
სამმართველოში მოდიოდნენ, მაგინებდნენ - თქვი სად არის მამაშენიო. ყურებში გაშლილ ხელს მირტყამდნენ. ფიზიკური ზეწოლა მას შემდეგ შეწყდა, რაც ჩემთან სახალხო დამცველის წარმომადგენლები შემოვიდნენ. მანამდე საკანში სამმართველოს ერთ-ერთი თანამშრომელი შემოვიდა და ”მაგათ ეტყვი რომ ხელით შეგეხეთ და ”კამერიდან” ვერ გაგიტანენო”, - მითხრა”.
”პირადად მე მითხრეს, რომ თუ ჩემი მეუღლე მივიდოდა და ჩაბარდებოდა, ჩემს შვილს გაათავისუფლებდნენ და თუ არა, ჩემს შვილს შვიდწლიან ციხეზე უშვებდნენ. ჩემი შვილი მაშინ მერაბიშვილმა და მესხელმა მძევლად აიყვანეს”, - ამბობს ნინო გელაშვილი.
ოთარ ფარულავას დაკავების ფაქტს მაშინ ”ალიანსი საქართველოსთვის” წარმომადგენლები - მანანა ნაჭყებია და სოფო ხორგუანიც გამოეხმაურნენ, სახალხო დამცველის ოფისში პრესკონფერენცია მოაწყვეს და ”მძევლად აყვანის” ფაქტი გააპროტესტეს.
შვილის 7 წლით ციხეში გაშვებას გენო ფარულავამ ჩაბარება არჩია და 6 ივნისს ადიგენის პოლიციაში გამოცხადდა - ”ჩემი მეუღლე ძალიან წუხდა, ამბობდა შვილს მომიკლავენ, დამღუპავენ, მე თუ არ მივედიო. არ ვიცი რატომ, მაგრამ იმასაც ამბობდა, მე ციხეში მომკლავენ, ციხიდან ცოცხალი ვერ გამოვალო”.
11-ში ოთარ ფარულავა გაათავისუფლეს. მეუღლე გლდანის ნომერ მერვე საპყრობილეში მყოფ გენო ფარულავას დაკავებიდან 2 კვირის შემდეგ შეხვდა - ”45 წუთიანი შეხვედრა გვქონდა. ვესაუბრეთ. თავიდან ძალიან აღგზნებული იყო, ნერვიულობდა - ხელმოწერა ასნაირად ჩამომართვეს, ექსპერტიზაზე წაიღეს, ვერანაირად ვერ მიმტკიცებენ ვერაფერს და რატომ მაწვალებენ, არ ვიციო. ჩვენ ის დავამშვიდეთ, ჩვეულებრივად, ძალიან კარგად დავტოვეთ. მას დიაბეტი ჰქონდა. ვუთხარით, თუ ცუდად ხარ, შეგვიძლია შუამავლობა გაგიკეთოთ და საავადმყოფოში დაგაწვინოთო და უარი მივიღეთ - არ ვგრძნობ თავს ისე, რომ საავადმყოფოში დავწვეო. რამდენიმე დღის შემდეგ ჩემმა ყოფილმა მოსწავლემ ტელეფონით შეგვატყობინა ცუდად არისო. ჩავედით და ცუდად კი არა, უკვე უგონოდ იყო. ვერ შევძელი ქმრისთვის მეკითხა რამ ჩააყენა ამ მდგომარეობაში. თავზე სურათი რომ გადავუღეთ, ტვინი ისეთ მდგომარეობაში იყო, მკურნალობას აზრი აღარ ჰქონდა. ყველაზე ძალიან ის მაინტერესებს, თუ დამნაშავე არ იყო, რატომ დაიჭირეს და რატომ მომიკლეს და თუ დამნაშავე იყო, რატომ გაათავისუფლეს?
”ყველანი იქ ვიყავით, ჩემი ოჯახი, ჩემი მაზლი, მაზლისშვილები და ამ დროს ღამის სამ საათზე სასამართლო ისე ჩაუტარებიათ, ჩვენ არაფერი გაგვიგია. შუამავლად საკრებულოს თავმჯდომარე ჰყოლიათ. ჩემი მეუღლე უდანაშაულოდ ცნეს. მეორე დღეს, ბადრაგი როცა მოუხსნეს, მხოლოდ მაშინ გავიგეთ რომ გაამართლეს და პატიმრობიდან გაათავისუფლეს. ექსპერტიზა არ ჩაგვიტარებია, აზრი არა აქვს - ვისთან მიიტან და ვისთან იპოვი სამართალს? ვინ გეტყვის სიმართლეს და ვის მოსთხოვენ პასუხს?! ჩემი ქმარი ტყვიით არ მოუკლავთ, სიტყვით მოკლეს. ამას იქიდან ვასკვნი რომ ჩემი შვილის სასამართლო ორშაბათს იყო და ჩემი მეუღლეც ზუსტად ორშაბათს გახდა ცუდად და საავადმყოფოში გადაიყვანეს. ჩემი შვილის პროცესი დღესაც არ არის დამთავრებული”.
როგორც ნინო გელაშვილი ამბობს, მისი მეუღლის სიკვდილმა და ”ახალი მემარჯვენეების” მხრიდან გამოჩენილმა უყურადღებობამ ადიგენში ბევრი დაააშინა - ”ხალხს რომ დაუძახებენ, აქედან ნამდვილად არავინ წავა, ამაში დარწმუნებული ვარ. ჩემი მეუღლის დაკავების შემდეგ დავურეკე, საქმის ვითარება გავაგებინე, იურისტს ვითხოვდი და ამბის გასაგებადაც კი არავინ მოსულა. როცა ადამიანი გვერდით გიდგას, როცა გჭირდება და მოდის, იმას დაცვა, ყურადღების მიქცევა და პატრონობა უნდა. ჩემი მეუღლე, რომ დაეცვათ, როცა დაუძახებდნენ, ნამდვილად მთელი რაიონი წავიდოდა. ყველას იმას ამბობს, გენოსთვის რომ მოეხედათ, ერთი დაძახებაც საკმარისი იქნებოდა, მთელი რაიონის თბილისში ჩასასვლელადო. ივნისში ჩემი შვილი და მასთან ერთად კიდევ ორი უდანაშაულო ადამიანი - ძმები კიკაბიძეები რომ დააკავეს, ახალციხის სამმართველოსთან მთელი სოფელი ჩამოვიდა. სამმართველოს ერთ-ერთი თანამშრომელი გამოვიდა და იქ შეკრებილებს უთხრა - ”თუ ჭკუით არ იქნებით, თქვენც მაგათ გვერდით მოგაჯენთო”. მთელ ჩვენს მხარეში შიშის სინდრომია”.
ადიგენში რომ ნამდვილად შიშის სინდრომია გამეფებული, ამაში თავადაც დავრწმუნდით. მაშინ როცა მასალას პრესა.გე-სა და ინტერნეტტელევიზია itv.ge-სთვის ვიწერდით, რამდენჯერმე ვცადეთ ფარულავებთან სამძიმრის სათქმელად მოსული ადამიანების ჩაწერა-გადაღება, მაგრამ ამაოდ - ”რა გინდათ, გენოს ჩვენც მიგვაყოლონ?!” მათ გვითხრეს, რომ გენო ფარულავა თავისი პოლიტიკური შეხედულებებისა და მერაბიშვილთან დაპირისპირების გამო დაისაჯა, რომ ადიგენში ოჯახი არ არის დარჩენილი, ხე-ტყის უკანონო ჭრასა და გატანაზე სისხლის სამართლის საქმე, რომ არ იყოს აღძრული.
ადიგენში, ქუჩაში შევხვდით ისეთ ადამიანებსაც, რომლებიც ამ ხელისუფლებას და გამორჩეულად მიხეილ სააკაშვილსა და ვანო მერაბიშვილს, ”ხალხის ამ დღეში ჩაგდებისთვის” ღიად და დაუფარავად, უშვერი სიტყვებით აგინებდნენ. როცა ჩაწერა ვთხოვეთ, უარი გვითხრეს.
თბილისისკენ რომ მოვდიოდით, გზაზე დანომრილი მორებით დატვირთული ერთი დიდი სატვირთო მანქანა სამცხე-ჯავახეთიდან გამოდიოდა. როგორც ადიგენში ყოფნისას გვიამბეს, ახლა ტყეში მორებს მხოლოდ მერაბიშვილის ბიძა ლევან თუმანიშვილი ჭრის; მასალა საჩხერეში გააქვთ და იქ ამუშავებენო. ”ამბობენ, რომ ლევან თუმანიშვილს ანგარიშზე 18 მილიონი აქვს. გავრცელდა ხმა, თითქოს მისმა ვაჟმა, სტიოპა თუმანიშვილმა საბერძნეთში კუნძული იყიდა”, - გვითხრა ერთ-ერთმა ადიგენელმა ახალგაზრდა კაცმა.
თბილისიდან ადიგენის რაიონის სოფელ წრეში წასვლა რომ გადავწყვიტეთ, დავინტერესდით როგორი გზა იყო და გვითხრეს, ახალი დაგებული ასფალტია, უპრობლემოდ ჩახვალთო. ასფალტი მართლაც ახალი დაგებული აღმოჩნდა, ოღონდ მხოლოდ იმ ადგილამდე, საიდანაც მერაბიშვილის მშობლიური სოფლის, უდეს გადასახვევია. ტრასიდან ხელმარცხნივ ამ სოფელს რომ გახედავთ, სიღნაღი გეგონებათ - ისეა მორთულ-მოკაზმული. როგორც გვითხრეს, უდელების გარდა სამცხე-ჯავახეთში ადამიანებად არავის თვლიან; იქ დანარჩენი სოფლებისგან განსხვავებულად ცხოვრებენ - ქუჩები განათებულია, აქვთ საკონდიტრო, რესტორანი, სათნოების სახლი, სადაც მსურველს შესვლა და დანაყრება შეუძლია. უდეს გადასახვევიდან ადიგენამდე კი ისეთი დანგრეული გზაა, გვერდები მთელი ან ჩაგყვებათ და ან არა, რომ აღარაფერი ვთქვათ ადიგენიდან სოფელ წრეში ასასვლელ გზაზე, სადაც ფარულავები ცხოვრობენ.
რაც შეეხება გენო ფარულავას მეუღლის მხრიდან ”ახლების” მისამართით გამოთქმულ საყვედურს, როგორც ამ პოლიტიკური ორგანიზაციის ერთ-ერთი ლიდერის მანანა ნაჭყებიას კომენტარიდან ირკვევა, მათი პასიურობა იმით იყო განპირობებული, რომ სანამ გენო ფარულავა საპროტესტო აქციებში ჩაერთვებოდა, სისხლის სამართლის საქმე მის წინააღმდეგ უკვე აღძრული იყო - ”აქედან გამომდინარე, ჩვენ არ გვაქვს არანაირი საფუძველი ვთქვათ რომ ის პოლიტიკური რეპრესიების მსხვერპლი იყო. ამის შესახებ მის მეუღლეს ველაპარაკე. სამწუხარო ის გახლდათ რომ ბატონი გენოს დასაშანტაჟებლად მისი შვილის დაკავება გამოიყენეს, რაზეც ჩვენ მაშინ საკმაოდ სერიოზული პროტესტი გამოვთქვით. შემდეგ ეს ახალგაზრდა გაათავისუფლეს და მის სანაცვლოდ ბატონი გენო აიყვანეს. სწორედ ამიტომ თვლის ბატონი გენოს მეუღლე რომ არ იყო პარტიული მხარდაჭერა. თუმცა, ჩვენ ნამდვილად არ გვინდა ვიღაცამ დაგვწამოს - პოლიტიკურ აქტივობას იმისთვის იყენებთ, რომ შემდეგ ხელისუფლებასადამიანების დევნაში ბრალი დასდოთო”.
მიუხედავად ამისა, ნაჭყებია ფარულავას დაპატიმრებას ხელისუფლებას, კონკრეტულად კი წინა პარლამენტის არჩევნებსა და საპრეზიდენტო არჩევნებს უკავშირებს, ”როცა ხალხს გულის მოსაგებად ხელისუფლებამ ნება დართო ხე-ტყე გამოეტანათ. სწორედ ამასთან დაკავშირებით იყო საქმე აღძრული ბატონ გენოზე, ისევე, როგორც ძალიან ბევრ ადიგენელზე და სამცხე-ჯავახეთში მცხოვრებ ძალიან ბევრ ადამიანზე. ასე რომ საბოლოო ჯამში გენო ფარულავა არის ამ ხელისუფლების მსხვერპლი”.
22:55 16.02.2014
ყოფილ შინაგან საქმეთა მინისტრს ვანო მერაბიშვილს ნინო გელაშვილი ბრალს სდებს მეუღლის გენო ფარულავას მკვლელობაში. ნინო გელაშვილი ამჟამად უცხოეთშია. იგი ამბობს, რომ მთავარი პროკურატურა ძიებას თუ დაიწყებს, სამშობლოში დაბრუნდება და გამოძიებასთან ითანამშრომლებს. ნინო გელაშვილთან ინტერვიუ სკაიპის საშუალებით ჩავწერე.
საგულისხმოა ის ფაქტი, რომ 2009 წლის ივლისში, გენო ფარულავა ჯერ დაკრძალული არ იყო, როცა მისი ოჯახის წევრები საჯარო განცხადებების გაკეთებას არ მორიდებიან. მაშინდელი ჟურნალისტებიდან ჩემს გარდა ადიგენის რაიონის სოფელ წრეში სამწუხაროდ, არავინ ჩასულა. 2009 წლის 9 ივლისს თბილისიდან ადიგენში ოპერატორ ვასიკო გეგეშიძესთან ერთად გავემგზავრე. იქიდან ვიდეოკადრებიც ჩამოვიტანეთ და აუდიოჩანაწერიც. იმჟამად ინტერნეტგამოცემა პრესა.გე-ში ვმუშაობდი. ჩემი სტატია 2009 წლის 11 ივლისს გამოქვეყნდა, სათაურით - კიდევ ერთი მსხვერპლის გაუხმაურებელი დეტალები. ჯონი კალანდაძის მიერ დამონტაჟებული ვიდეოსიუჟეტი კი ინტერნეტტელევიზია აიტივი.ჯე-ზე გავიდა. ნინო გელაშვილმა და მისმა ვაჟმა ოთარ ფარულავამ საქართველო გენო ფარულავას დაკრძალვიდან მალევე დატოვეს.
უცხოეთში გაჭირვების გამო ხართ, თუ ამას სხვა მიზეზი აქვს?
ნინო გელაშვილი: გენო ფარულავა ვანო მერაბიშვილის პირადი პატიმარი იყო, მისი მოკვლა უნდოდა, ეს საწადელი აისრულა და შემდეგ ჩვენზე გადმოვიდა - ოჯახის განადგურება დაისახა მიზნად. საფინანსო პოლიცია, საგადასახადო გააქტიურდა; სკოლაში, სადაც ქართულს ვასწავლიდი, პრობლემები შეიქმნა, რადგან ჩემი ქმრის მკვლელზე ჩემს აზრზს ღიად გამოვხატავდი. მოკლედ, მივხვდი რომ საქართველოში გაჩერებას აზრი აღარ ჰქონდა. მათთან ბრძოლით და უსამართლობით ისე დაღლილი ვიყავი, რომ გამოცლა ვარჩიე.
აქ მერაბიშვილის გამო ვარ, იმ უსამართლობის გამო, რაც ჩვენს ოჯახს 5 წლის წინ თავს დაატყდა. 4 წელია თაღლითი მერაბიშვილის მიერ წართმეული ფულის გასტუმრებას ვუნდები. ფული სამჯერ გადაარიცხინეს. მეოთხედ კიდევ 30 000 მოითხოვეს და ჩემი მეუღლე წყობიდან გამოვიდა - დასაჭერი თუ ვარ დამიჭირონ და მოსაკლავი თუ ვარ მომკლან, აღარ შემიძლიაო.
პირადად თქვენზე ზეწოლა როგორი ფორმით ხორციელდებოდა?
ალბათ, გახსოვთ, რომ ჩემი შვილის დაჭერის შემდეგ ულტიმატუმი პირადად მე წამიყენეს - შენი მეუღლე ჩაგვბარდეს და შვილს გავათავისუფლებთო. რომელი გამეწირა, მეუღლე, რომელთანაც 30-წლიანი ცხოვრება მაკავშირებდა თუ შვილი, რომელიც ჩემი სულის ნაწილია?! ჩემი მეუღლე, რომ ჩაბარდა, შვილი არ გამოუშვეს. გიჟს ვგავდი, მეუღლე სასკლაოზე იყო წასული, შვილიც დაჭერილი მყავდა და ვიცოდი რომ ყველაფერზე წამსვლელები იყვნენ.
აი, მაშინ წავედი ვანო მერაბიშვილის ბიძასთან, ლევან თუმანიშვილთან, რომელიც მანამდე ჩემი მეუღლის მეგობარი იყო. რა ხდება, რა დააშავა ჩემმა ქმარ-შვილმა, გამაგებინე რისთვის ვისჯებით?! ხომ მითხრეს, თუ ჩემი მეუღლე ჩაბარდებოდა, შვილს გაათავისუფლებდნენ-მეთქი.
“დიდების ზენიტში თავიანთ თავს ყველაფრის უფლებას აძლევენ! შენს შვილს გამოუშვებენ, მაგრამ შენი მეუღლე სხვა სიაშიაო“, - ეს მითხრა, ზურგი მომაქცია და წავიდა. გამოდის რომ ჩემი მეუღლე სასიკვდილოდ განწირულთა სიაში ჰყავდათ შეყვანილი.
რატომ?
ჩემი მეუღლისგან ვიცოდი მხოლოდ ის, რომ ციხეში საფრთხე ელოდა. ამის შესახებ ვინ გააფრთხილა, ვერაფერს გეტყვით. სანამ ჩაბარდებოდა მითხრა, რომ თუ ჩაჯდებოდა, ციხეში მოკლავდნენ.
მიმართეთ მთავარ პროკურატურას?
1 ოქტომბრის საპარლამენტო არჩევნების შემდეგ ჩემმა შვილმა პროკურატურაში განცხადება შეიტანა. ახლა თქვენთან ამ განცხადებას იმიტომ ვაკეთებ, რომ საქმე აღიძრას. ხუთი წლის წინ ვთქვი და ახლაც ვიმეორებ - ჩემი მეუღლე ვანო მერაბიშვილმა მოკლა; არა აქვს მნიშვნელობა იმან თოფი ესროლა, თუ ამის გაკეთება სხვას დაავალა. მან ჩემი მეუღლის მკვლელობისთვის პასუხი უნდა აგოს! ჩემი საქართველოში ჩამოსვლა და გამოძიებასთან თანამშრომლობა თუ საჭირო იქნება, ჩამოვალ. მერაბიშვილის დასჯას მაშინვე ვითხოვდი, მაგრამ მაშინ “ნაციონალების“ ბატონობა იყო და ვინ დასჯიდა?!
რა ფაქტებზე დაყრდნობით ადანაშაულებთ მერაბიშვილს?
ჩემს მეუღლეს თავზე სურათი, რომ გადავუღე, სამ პროფესორთან მქონდა მიტანილი. მათ მითხრეს, რომ სიკვდილი ბუნებრივად არ დამდგარა, ეს ხელოვნურად გამოწვეული იყო. ჩემი მეუღლე მოკლეს!
ეს წერილობით დაგიდასტურეს, პროფესორებმა?
იმ რეპრესიების და შიშის დროს წერილობით ვინ რას დამიდასტურებდა?! თუმცა, ახლა გამოძიებას მონდომების შემთხვევაში ამ და სხვა ფაქტის დადგენა არ გაუჭირდება. ვანო მერაბიშვილმა თანამდებობა ბოროტად გამოიყენა და მეუღლე მომიკლა! ამას ხმამაღლა, მთელი პასუხისმგებლობით ვაცხადებ და მოვითხოვ მერაბიშვილის სასჯელის უმკაცრესი ზომით დასჯას!
კიდევ ერთი მსხვერპლის გაუხმაურებელი დეტალები
2009 წლის 11 ივლისს გამოქვეყნებული სტატია
ჯერ შვილი დაიჭირეს - მამაშენი ჩაგვბარდესო; შვილის დაკავებიდან მეხუთე დღეს მამა - გენო ფარულავა ჩაბარდა. წინასწარი ორთვიანი პატიმრობა მას ახალციხეში მიუსაჯეს და გლდანის მერვე საპყრობილეში მოათავსეს. პატიმრობის 23-დღეს გენო ფარულავა ჯერ ციხის საავადმყოფოში და იქიდან ღუდუშაურის სახელობის კლინიკაში ისე გადაიყვანეს, რომ ოჯახმა არაფერი იცოდა. მისი მდგომარეობა შემთხვევით შეიტყვეს და კლინიკაში მიაკითხეს. სასამართლო პროცესი საავადმყოფოში ოჯახისგან მალულად, შუაღამეს ჩატარდა - აპარატზე მიერთებული ფარულავა უდანაშაულოდ ცნეს. ოჯახის უფროსის გათავისუფლების ამბავი ფარულავებმა დილით შეიტყვეს, როცა ბადრაგმა მორიგეობა შეწყვიტა. ეს ისტორია ადიგენში სტუმრობისას გარდაცვლილის მეუღლემ და შვილმა - ნინო გელაშვილმა და ოთარ ფარულავამ გვიამბეს.
ისინი აცხადებენ, რომ ხელისუფლების სათავეში ”ნაცმოძრაობის” მოსვლის დღიდან გენო ფარულავა დევნასა და შევიწროებას განიცდიდა, რისი მიზეზიც მათივე განმარტებით ისაა, რომ გენო ფარულავამ არჩევნებზე ვანო მერაბიშვილს დახმარებაზე უარი პირდაპირ უთხრა: ”როდესაც ჩემს მეუღლეს გვერდზე დგომა სთხოვეს, უარი პირდაპირ უთხრა - ჩემი შვილის ნათლია კენჭს იყრის, ნათელ-მირონობას ვერ ვუღალატებო. ჩემი შვილის ნათლიამ გაიმარჯვა, დაპირისპირებაც აქედან დაიწყო - მას შემდეგ დევნასა და შევიწროებას განვიცდით. ვითარება მას შემდეგ გართულდა, რაც გაიგეს, რომ ჩემი მეუღლე თბილისში მიმდინარე საპროტესტო აქციებში აქტიურ მონაწილეობას იღებდა - საკანში იჯდა. იგი ”ახალი მემარჯვენეების” წევრი გახლდათ”.
გარკვეული პერიოდი გენო ფარულავა ადიგენის სატყეო მეურნეობის ხელმღვანელი იყო. ოჯახის განმარტებით, სამართალდამცავები მას საბუთების გაყალბების გამო ედავებოდნენ, მაგრამ ბოლოს ღუდუშაურის კლინიკაში ჩატარებული სასამართლო პროცესზე გაამართლეს.
”ყველამ იცოდა რომ ხელისუფლების სათავეში ”ნაცმოძრაობის” მოსვლიდანვე მამა ოპოზიციაში იყო. მას დასაჭერად დასდევდნენ, მაგრამ სატყეოს ხელმღვანელობისდროინდელ საბუთებში საეჭვო რომ ვერაფერი უპოვეს, პირადად ვიღაცის ანგარიშზე 35’000 ლარი ჩაარიცხინეს, შემდეგ 30’000. ბოლოს 15’000 წაართვეს. მამას დევნა მას შემდეგ გააქტიურეს, რაც თბილისში 9 აპრილს დაწყებულ საპროტესტო აქციებში აქტიურად ჩაერთო. ის საკანში ცხოვრობდა. მამა თბილისიდან რომ დაბრუნდა, ხშირად იმეორებდა დამიჭერენ და მომკლავენო. დაკავებამდე ბევრჯერ დამიბარეს. მითხრეს, თუ იტყვი სად არის მამაშენი, სასამართლოზე პრობლემები არ შეგექმნებაო. რომ ვეკითხებოდი რატომ ეძებთ-მეთქი, ვიღაცის ვალი აქვსო.
”როგორც ვიცი, მამაჩემის დაჭერის განკარგულება ვანო მერაბიშვილმა გასცა; სამცხე-ჯავახეთის პოლიციაში მისი მოადგილე ამირან მესხელი რეკავდა, გენო ფარულავა უნდა დაიჭიროთო. მამას ძებნაში სოფელში თითქმის ყველა სახლი გაჩხრიკეს. სადაც წავიდოდი, ყველგან მომყვებოდნენ. ორგანოს ერთ-ერთმა თანამშრომელმა გამოიტანა ინფორმაცია - ”აქვთ ჩანაწერები, მამაშენი წვერით საკანში რომ დგას და ვანოს აგინებს. ამაზე არიან გამწარებულები და ეძებენო”. ერთ-ერთმა პიროვნებამ ისიც გვითხრა, გაიგებენ სად არის, იარაღს დაუგდებენ და მოკლავენ, ვითომ რაღაც მოხდაო”, - ამბობს ოთარ ფარულავა.
ნინო გელაშვილი მის მეუღლეზე გამოცხადებული ძებნის მიზეზს ასე ხსნის - ”კულუარული ინფორმაციით, ამის ძირითადი მიზეზი გენოს ოპოზიციონერობა და საკანში ჯდომა იყო”.
გენო ფარულავა დღეს, 11 ივლისს დაკრძალეს. 7 დღის შემდეგ, 18 ივლისს მის შვილს, 21 წლის ოთარ ფარულავას გაასამართლებენ; მას ხე-ტყის უკანონოდ გატანის მუხლი აქვს მიყენებული და 7 წლამდე თავისუფლების აღკვეთა ემუქრება. ოთარ ფარულავა 2 ივნისს, სოფელ წრეში, სახლიდან რამდენიმე მეტრის მოშორებით, მეზობლის ყანაში დააკავეს:
”5 ჯიპი ამოვარდა, შეიარაღებულები გადმოხტნენ, არ გაიქცეთო, - დაიძახეს. ჩვენ ამ დროს ჯოკერს ვთამაშობდით, ჩვეულებრივად, ფლოსტებით ვიყავი. ახალციხის სამმართველოში წამიყვანეს და დაკავების ოქმში დამიწერეს, რომ ვითომ სოფელში დავდიოდი, ვიგინებოდი და ხალხს ვაწუხებდი. დაკითხვებზე ერთადერთ კითხვას მისვამდნენ - სად არის მამაშენი გვითხარიო. აქედან ახალციხეში ჩაყვანისას, მანქანაში ხელითაც შემეხნენ.
სამმართველოში მოდიოდნენ, მაგინებდნენ - თქვი სად არის მამაშენიო. ყურებში გაშლილ ხელს მირტყამდნენ. ფიზიკური ზეწოლა მას შემდეგ შეწყდა, რაც ჩემთან სახალხო დამცველის წარმომადგენლები შემოვიდნენ. მანამდე საკანში სამმართველოს ერთ-ერთი თანამშრომელი შემოვიდა და ”მაგათ ეტყვი რომ ხელით შეგეხეთ და ”კამერიდან” ვერ გაგიტანენო”, - მითხრა”.
”პირადად მე მითხრეს, რომ თუ ჩემი მეუღლე მივიდოდა და ჩაბარდებოდა, ჩემს შვილს გაათავისუფლებდნენ და თუ არა, ჩემს შვილს შვიდწლიან ციხეზე უშვებდნენ. ჩემი შვილი მაშინ მერაბიშვილმა და მესხელმა მძევლად აიყვანეს”, - ამბობს ნინო გელაშვილი.
ოთარ ფარულავას დაკავების ფაქტს მაშინ ”ალიანსი საქართველოსთვის” წარმომადგენლები - მანანა ნაჭყებია და სოფო ხორგუანიც გამოეხმაურნენ, სახალხო დამცველის ოფისში პრესკონფერენცია მოაწყვეს და ”მძევლად აყვანის” ფაქტი გააპროტესტეს.
შვილის 7 წლით ციხეში გაშვებას გენო ფარულავამ ჩაბარება არჩია და 6 ივნისს ადიგენის პოლიციაში გამოცხადდა - ”ჩემი მეუღლე ძალიან წუხდა, ამბობდა შვილს მომიკლავენ, დამღუპავენ, მე თუ არ მივედიო. არ ვიცი რატომ, მაგრამ იმასაც ამბობდა, მე ციხეში მომკლავენ, ციხიდან ცოცხალი ვერ გამოვალო”.
11-ში ოთარ ფარულავა გაათავისუფლეს. მეუღლე გლდანის ნომერ მერვე საპყრობილეში მყოფ გენო ფარულავას დაკავებიდან 2 კვირის შემდეგ შეხვდა - ”45 წუთიანი შეხვედრა გვქონდა. ვესაუბრეთ. თავიდან ძალიან აღგზნებული იყო, ნერვიულობდა - ხელმოწერა ასნაირად ჩამომართვეს, ექსპერტიზაზე წაიღეს, ვერანაირად ვერ მიმტკიცებენ ვერაფერს და რატომ მაწვალებენ, არ ვიციო. ჩვენ ის დავამშვიდეთ, ჩვეულებრივად, ძალიან კარგად დავტოვეთ. მას დიაბეტი ჰქონდა. ვუთხარით, თუ ცუდად ხარ, შეგვიძლია შუამავლობა გაგიკეთოთ და საავადმყოფოში დაგაწვინოთო და უარი მივიღეთ - არ ვგრძნობ თავს ისე, რომ საავადმყოფოში დავწვეო. რამდენიმე დღის შემდეგ ჩემმა ყოფილმა მოსწავლემ ტელეფონით შეგვატყობინა ცუდად არისო. ჩავედით და ცუდად კი არა, უკვე უგონოდ იყო. ვერ შევძელი ქმრისთვის მეკითხა რამ ჩააყენა ამ მდგომარეობაში. თავზე სურათი რომ გადავუღეთ, ტვინი ისეთ მდგომარეობაში იყო, მკურნალობას აზრი აღარ ჰქონდა. ყველაზე ძალიან ის მაინტერესებს, თუ დამნაშავე არ იყო, რატომ დაიჭირეს და რატომ მომიკლეს და თუ დამნაშავე იყო, რატომ გაათავისუფლეს?
”ყველანი იქ ვიყავით, ჩემი ოჯახი, ჩემი მაზლი, მაზლისშვილები და ამ დროს ღამის სამ საათზე სასამართლო ისე ჩაუტარებიათ, ჩვენ არაფერი გაგვიგია. შუამავლად საკრებულოს თავმჯდომარე ჰყოლიათ. ჩემი მეუღლე უდანაშაულოდ ცნეს. მეორე დღეს, ბადრაგი როცა მოუხსნეს, მხოლოდ მაშინ გავიგეთ რომ გაამართლეს და პატიმრობიდან გაათავისუფლეს. ექსპერტიზა არ ჩაგვიტარებია, აზრი არა აქვს - ვისთან მიიტან და ვისთან იპოვი სამართალს? ვინ გეტყვის სიმართლეს და ვის მოსთხოვენ პასუხს?! ჩემი ქმარი ტყვიით არ მოუკლავთ, სიტყვით მოკლეს. ამას იქიდან ვასკვნი რომ ჩემი შვილის სასამართლო ორშაბათს იყო და ჩემი მეუღლეც ზუსტად ორშაბათს გახდა ცუდად და საავადმყოფოში გადაიყვანეს. ჩემი შვილის პროცესი დღესაც არ არის დამთავრებული”.
როგორც ნინო გელაშვილი ამბობს, მისი მეუღლის სიკვდილმა და ”ახალი მემარჯვენეების” მხრიდან გამოჩენილმა უყურადღებობამ ადიგენში ბევრი დაააშინა - ”ხალხს რომ დაუძახებენ, აქედან ნამდვილად არავინ წავა, ამაში დარწმუნებული ვარ. ჩემი მეუღლის დაკავების შემდეგ დავურეკე, საქმის ვითარება გავაგებინე, იურისტს ვითხოვდი და ამბის გასაგებადაც კი არავინ მოსულა. როცა ადამიანი გვერდით გიდგას, როცა გჭირდება და მოდის, იმას დაცვა, ყურადღების მიქცევა და პატრონობა უნდა. ჩემი მეუღლე, რომ დაეცვათ, როცა დაუძახებდნენ, ნამდვილად მთელი რაიონი წავიდოდა. ყველას იმას ამბობს, გენოსთვის რომ მოეხედათ, ერთი დაძახებაც საკმარისი იქნებოდა, მთელი რაიონის თბილისში ჩასასვლელადო. ივნისში ჩემი შვილი და მასთან ერთად კიდევ ორი უდანაშაულო ადამიანი - ძმები კიკაბიძეები რომ დააკავეს, ახალციხის სამმართველოსთან მთელი სოფელი ჩამოვიდა. სამმართველოს ერთ-ერთი თანამშრომელი გამოვიდა და იქ შეკრებილებს უთხრა - ”თუ ჭკუით არ იქნებით, თქვენც მაგათ გვერდით მოგაჯენთო”. მთელ ჩვენს მხარეში შიშის სინდრომია”.
ადიგენში რომ ნამდვილად შიშის სინდრომია გამეფებული, ამაში თავადაც დავრწმუნდით. მაშინ როცა მასალას პრესა.გე-სა და ინტერნეტტელევიზია itv.ge-სთვის ვიწერდით, რამდენჯერმე ვცადეთ ფარულავებთან სამძიმრის სათქმელად მოსული ადამიანების ჩაწერა-გადაღება, მაგრამ ამაოდ - ”რა გინდათ, გენოს ჩვენც მიგვაყოლონ?!” მათ გვითხრეს, რომ გენო ფარულავა თავისი პოლიტიკური შეხედულებებისა და მერაბიშვილთან დაპირისპირების გამო დაისაჯა, რომ ადიგენში ოჯახი არ არის დარჩენილი, ხე-ტყის უკანონო ჭრასა და გატანაზე სისხლის სამართლის საქმე, რომ არ იყოს აღძრული.
ადიგენში, ქუჩაში შევხვდით ისეთ ადამიანებსაც, რომლებიც ამ ხელისუფლებას და გამორჩეულად მიხეილ სააკაშვილსა და ვანო მერაბიშვილს, ”ხალხის ამ დღეში ჩაგდებისთვის” ღიად და დაუფარავად, უშვერი სიტყვებით აგინებდნენ. როცა ჩაწერა ვთხოვეთ, უარი გვითხრეს.
თბილისისკენ რომ მოვდიოდით, გზაზე დანომრილი მორებით დატვირთული ერთი დიდი სატვირთო მანქანა სამცხე-ჯავახეთიდან გამოდიოდა. როგორც ადიგენში ყოფნისას გვიამბეს, ახლა ტყეში მორებს მხოლოდ მერაბიშვილის ბიძა ლევან თუმანიშვილი ჭრის; მასალა საჩხერეში გააქვთ და იქ ამუშავებენო. ”ამბობენ, რომ ლევან თუმანიშვილს ანგარიშზე 18 მილიონი აქვს. გავრცელდა ხმა, თითქოს მისმა ვაჟმა, სტიოპა თუმანიშვილმა საბერძნეთში კუნძული იყიდა”, - გვითხრა ერთ-ერთმა ადიგენელმა ახალგაზრდა კაცმა.
თბილისიდან ადიგენის რაიონის სოფელ წრეში წასვლა რომ გადავწყვიტეთ, დავინტერესდით როგორი გზა იყო და გვითხრეს, ახალი დაგებული ასფალტია, უპრობლემოდ ჩახვალთო. ასფალტი მართლაც ახალი დაგებული აღმოჩნდა, ოღონდ მხოლოდ იმ ადგილამდე, საიდანაც მერაბიშვილის მშობლიური სოფლის, უდეს გადასახვევია. ტრასიდან ხელმარცხნივ ამ სოფელს რომ გახედავთ, სიღნაღი გეგონებათ - ისეა მორთულ-მოკაზმული. როგორც გვითხრეს, უდელების გარდა სამცხე-ჯავახეთში ადამიანებად არავის თვლიან; იქ დანარჩენი სოფლებისგან განსხვავებულად ცხოვრებენ - ქუჩები განათებულია, აქვთ საკონდიტრო, რესტორანი, სათნოების სახლი, სადაც მსურველს შესვლა და დანაყრება შეუძლია. უდეს გადასახვევიდან ადიგენამდე კი ისეთი დანგრეული გზაა, გვერდები მთელი ან ჩაგყვებათ და ან არა, რომ აღარაფერი ვთქვათ ადიგენიდან სოფელ წრეში ასასვლელ გზაზე, სადაც ფარულავები ცხოვრობენ.
რაც შეეხება გენო ფარულავას მეუღლის მხრიდან ”ახლების” მისამართით გამოთქმულ საყვედურს, როგორც ამ პოლიტიკური ორგანიზაციის ერთ-ერთი ლიდერის მანანა ნაჭყებიას კომენტარიდან ირკვევა, მათი პასიურობა იმით იყო განპირობებული, რომ სანამ გენო ფარულავა საპროტესტო აქციებში ჩაერთვებოდა, სისხლის სამართლის საქმე მის წინააღმდეგ უკვე აღძრული იყო - ”აქედან გამომდინარე, ჩვენ არ გვაქვს არანაირი საფუძველი ვთქვათ რომ ის პოლიტიკური რეპრესიების მსხვერპლი იყო. ამის შესახებ მის მეუღლეს ველაპარაკე. სამწუხარო ის გახლდათ რომ ბატონი გენოს დასაშანტაჟებლად მისი შვილის დაკავება გამოიყენეს, რაზეც ჩვენ მაშინ საკმაოდ სერიოზული პროტესტი გამოვთქვით. შემდეგ ეს ახალგაზრდა გაათავისუფლეს და მის სანაცვლოდ ბატონი გენო აიყვანეს. სწორედ ამიტომ თვლის ბატონი გენოს მეუღლე რომ არ იყო პარტიული მხარდაჭერა. თუმცა, ჩვენ ნამდვილად არ გვინდა ვიღაცამ დაგვწამოს - პოლიტიკურ აქტივობას იმისთვის იყენებთ, რომ შემდეგ ხელისუფლებასადამიანების დევნაში ბრალი დასდოთო”.
მიუხედავად ამისა, ნაჭყებია ფარულავას დაპატიმრებას ხელისუფლებას, კონკრეტულად კი წინა პარლამენტის არჩევნებსა და საპრეზიდენტო არჩევნებს უკავშირებს, ”როცა ხალხს გულის მოსაგებად ხელისუფლებამ ნება დართო ხე-ტყე გამოეტანათ. სწორედ ამასთან დაკავშირებით იყო საქმე აღძრული ბატონ გენოზე, ისევე, როგორც ძალიან ბევრ ადიგენელზე და სამცხე-ჯავახეთში მცხოვრებ ძალიან ბევრ ადამიანზე. ასე რომ საბოლოო ჯამში გენო ფარულავა არის ამ ხელისუფლების მსხვერპლი”.
