საზოგადოებრივი ორგანიზაცია “დაიცავი საქართველოს” ზუგდიდის რაიონული ორგანიზაციის ხელმძღვანელი კახა მიქაია წუხელ ოპოზიციისთვის ცეცხლის გახსნაში ზუგდიდის კონსტიტუციური უსაფრთხოების დეპარტამენტის უფროსის მოადგილე ირაკლი გაწერელიას ადანაშულებს. როგორც ჟურნალისტებს მიქაიამ განუცხადა, ზუგდიდში ოპოზიციის მანქანას, რომელზეც მონიტორი იყო დამაგრებული და 2007 წლის 7 ნოემბრის ამსახველ კადრებს აჩვენებდნენ, შავი ფერის BMW მარკის ავტომაქანიდან, სახლემწიფო ნომრებით NNG-829, ირაკლი გაწერელია გადამოვიდა და მონიტორის მიმართულებით “გეკოს” ტიპის იარაღიდან გასროლა განახორცელა. 
ამასთან, მისი თქმით, პატრულის მიერ გამოწერილი ჯარიმის გაბათილებასთან დაკავშირებით საპატრულო პოლიციაში ჯარიმა შეიტანეს.
ინციდენტი გუშინ ზუგდიდიში მოხდა, როცა ადგილობრივი ოპოზიციის წარმომადგენლებმა ავტომობილზე მონიტორი დაამონტაჟეს და ქალაქის ცენტრში მოსახლეობას 2007 წლის 7 ნოემბრის აქციის დარბევისა და ძალოვანი უწყებების მხრიდან მშვიდობიან მოსახლეობაზე განხორციელებული ძალადობის კადრებს უჩვენებდნენ, BMW მარკის ავტომობილიდან ცეცხლი გახსნეს.
საზოგადოებრივი მოძრაობა “დაიცავი საქართველოს” წევრების ავტომობილი, რომელზეც მონიტორი იყო დამონტაჟებული, მოგვიანებით ზუგდიდის საპატრულო პოლიციამ გააჩერა და 400-ლარიანი საჯარიმო ქვითარი გამოუწერა.
