ავტორი ნინო მიქიაშვილი
23:24 01.11.2011
საქართველოს პარლამენტის პლენარულ სხდომაზე, 28 ოქტომბერს კენჭი უყარეს ტელეკომპანია “იმედში“ შეჭრისა და 7 ნოემბრისა და 26 მაისის აქციების დარბევის შემსწავლელი დროებითი საპარლამენტო საგამოძიებო კომისიის შექმნის მიზანშეწონილობის საკითხს, რომელიც ჩავარდა – საპარლამენტო უმრავლესობიდან 72 პარლამენტარი წინააღმდეგ წავიდა. საინტერესო ისაა, რომ იმავე უმრავლესობიდან 13–მა ადამიანმა კენჭისყრაში მონაწილეობა არ მიიღო. მათ შორის არიან: პავლე კუბლაშვილი, გოჩა თევდორაძე, როლანდ კემულარია...
კენჭისყრის ოფიციალური მონაცემები “ობიექტივს“ ფრაქცია ერთობა სამართლიანობისათვის“ ერთ–ერთმა წევრმა, თამაზ დიასამიძემ მოაწოდა.
შეგახსენებთ, რომ ზემოხსენებული კომისიის შექმნის ინიციატივით ფრაქცია “ერთობა სამართლიანობისათვის“ გამოვიდა. 27 ოქტომბერს ფრაქციის გაფართოებული სხდომა ჩატარდა, სადაც ფრაქციის წევრებს არაერთმა გამომსვლელმა მოსთხოვა, საჯარო გაეხადათ იმ პარლამენტართა ვინაობა, ვინც კომისიის შექმნის წინააღმდეგ წავიდოდა.
პარლამენტის სხდომათა დარბაზიდან “ობიექტივმა“ რეპორტაჟი იმავე დღეს, 28 ოქტომბერს გამოაქვეყნა, სათაურით – რეპორტაჟი დიდების ბასტიბუბუდან. კონკრეტულად ვინ წავიდა კომისიის შექმნის წინააღმდეგ, 28 ოქტომბერს ცნობილი არ იყო.
ახლა გთავაზობთ იმათ გვარებს, ვინც კომისიის შექმნის მიზანშეწონილობის საკითხის წინააღმდეგ წავიდა. აგრეთვე გთავაზობთ იმათ გვარებს, ვინც ამ ინიციატივას მხარი დაუჭირა და კიდევ, იმათ ვინაობას, ვინც კენჭისყრაში მონაწილეობა არ მიიღო, ანუ ხმა არ მისცა.
პარლამენტარ თამაზ დიასამიძის მიერ მოწოდებული ოფიციალური მონაცემების მიხედვით, კენჭისყრაში მონაწილეობა 86–მა პარლამენტარმა მიიღო – 14–მა დაუჭირა მხარი კომისიის შექმნის მიზანშეწონილობას; თავი არავის შეუკავებია და წინააღმდეგ 72 წავიდა. ამ მონაცემებშია იმ 13 პარლამენტარის გვარი, რომელთაც კენჭისყრაში მონაწილეობა არ მიუღიათ.
კომისიის შექმნის მიზანშეწონილობის მოწინააღმდეგეების სია ასე გამოიყურება:
კახაბერ ანჯაფარიძე, გიორგი ასანიძე, ანდრო ალავიძე, კობა ბადაგაძე, ვახტანგ ბალავაძე, აკაკი ბობოხიძე, ანზორ ბოლქვაძე, რომანოზ ბჟალავა, ბეჟან ბუცხრიკიძე, გოკა გაბაშვილი, ზაალ გამცემლიძე, არჩილ გეგენავა, ემზარ გელაშვილი, კახა გეწაძე, მამუკა გოგატიშვილი, გიორგი გოდაბრელიძე, ზაზა გულიკაშვილი, ლაშა დამენია, ვასილ დავითაშვილი, გოჩა ენუქიძე, ასლან თავდგირიძე, ჩიორა თაქთაქიშვილი, ფრიდონ თოდუა, ოთარ თოიძე, ლაშა თორდია, გურამ კაკალაშვილი, გიორგი კანდელაკი, ირაკლი კენჭოშვილი, ელდარ კვერნაძე, კანდიდ კვიციანი, კორნელ კუკულავა, კობა კურდღელაშვილი, ზურაბ კიკალეიშვილი, ზვიად კუკავა, ავთანდილ ლეკაშვილი, გელა ლონდარიძე;
შოთა მალაშხია, ვახტანგ მარტოლეკი, ჯაბა მაღლაკელიძე, მიხეილ მაჭავარიანი, დავით მახნიაშვილი, გიორგი მელაძე, ზურაბ მელიქიშვილი, აკაკი მინაშვილი, ენზელ მკოიანი, დავით ნადაშვილი, ხათუნა ოჩიაური, გიორგი როინიშვილი, რატი სამყურაშვილი, მამუკა სანებლიძე, ავთანდილ სტურუა, აზერ სულეიმანოვი, კახაბერ სუხიშვილი, თენგიზ სხირტლაძე, გიორგი ტალახაძე, ირაკლი ქავთარაძე, სამსონ ქუთათელაძე, იაშა შერვაშიძე, თეიმურაზ ჩარკვიანი, პეტრე ცისკარიშვილი, თეიმურაზ წურწუმია, დავით ჭავჭანიძე, გიორგი ჭელიძე, ოთარ ხინიკაძე, ბეჟან ხურციძე, გიორგი ხახნელიძე, გურანდა ჯაბუა, ედიშერ ჯალაღანია, ნაულ ჯანაშია, ჰარუთიუნ ჰოვჰანესიანი.
კომისიის შექმნის მიზანშეწონილობას მხარი დაუჭირეს:
გიორგი ახვლედიანმა, ჯონდი ბაღათურიამ, თამაზ დიასამიძემ, ნუგზარ ერგემლიძემ, ლევან ვეფხვაძემ, გიორგი თარგამაძემ, კარლო კოპალიანმა, დიმიტრი ლორთქიფანიძემ, რატი მაისურაძემ, პეტრე მამრაძემ, რომან მარსაგიშვილმა, გურამ ჩახვაძემ, გიორგი ცაგარეიშვილმა.
რაც შეეხება მე–14–ე მომხრეს, ასეთად გიგი წერეთელი იყო მითითებული, მაგრამ მას თურმე ხმა შეცდომით მიუცია და ამიტომ, მომხრეთა სიიდან წერეთლის გვარი ამოშალეს.
ოფიციალურ მონაცემებში 13 პარლამენტარის გვარის გასწვრივ მითითებულია – “ხმა არ მიუცია“. მათი სია ასე გამოიყურება:
არმენაკ ბაინდურიანი, რამინ ბაირამოვი, გოჩა თევდორაძე, დავით თოდრაძე, როლანდ კემულარია, პავლე კუბლაშვილი, ზაზა მადურაშვილი, დევი ოვაშვილი, კახაბერ ოქრიაშვილი, როლანდ ფიფია, ისვახან შამილოვი, გოჩა შანიძე, მიხეილ ცქიტიშვილი.
ამ 13 პარლამენტარის ირგვლივ, “ობიექტივთან“ საუბრისას თამაზ დიასამიძემ ამგვარი განმარტება გააკეთა – შესაძლებელია ეს ადამიანები დარბაზში იყვნენ და ხმა მისცეს; ან დარეგისტრირდნენ და კენჭისყრის დროს გარეთ გავიდნენ; ასევე შესაძლებელია, რომ ეს პარლამენტარები მათმა კოლეგებმა დაარეგისტრირეს, რაც კანონს ეწინააღმდეგება.
| "ობიექტივი" |
