ავტორი მადლენა მაჭარაშვილი
18:50 25.06.2011
„ყველანი ვიკრიბებით და ვაპროტესტებთ პარკებში კოცნის თვითნებურად აკრძალვას. 24 ივნისს, პარასკევს, საღამოს 8 საათზე მოგვყავს ჩვენი შეყვარებულები/მეგობრები/GF/BF-ები, ცოლები/ქმრები და ყველანი სახალხოდ ვზასაობთ რიყის ახალ პარკში, მინი ამფითეატრთან! თუ კოცნა დანაშაულია, მაშინ ვამაყობთ, რომ ჩვენ ამხელა დანაშაულს ჩავდივართ ერთმანეთის მიმართ! ♥“ - ამ განცხადებით, სოციალურ ქსელ „ფეისბუქში“ უცნაური საპროტესტო აქცია დაიგეგმა.
დათქმული დროისთვის ახალი რიყის პარკში საკმაოდ ბევრი ახალგაზრდა შეიკრიბა. თუმცა, როგორც გაირკვა, მათი უდიდესი უმარავლესობა სანახაობის საყურებლად მოვიდა. ამიტომაც იყო, რომ უამრავი ჩართული ფოტო და ვიდეოკამერა ერთდროულად იღებდა იმ სამიოდე წყვილს, რომლებმაც სხვებზე მეტი სითამამე გამოიჩინეს და „პროტესტი“ საჯარო კოცნით გამოხატეს. მათ შორის ერთ-ერთი „გაბედული“ ბესიკ ლიპარტელიანი იყო.
„მართალია, სულ სამიოდე წყვილმა აკოცა დღეს ერთმანეთს, მაგრამ აქცია მაინც შედგა. ალბათ ბევრს გაუჭირდა სხვების წინაშე „ეზასავათ“, ბევრი ბარიერია, მარტივი ასახსნელია ეს ყველაფერი - საქართველოში ვცხოვრობთ.
მთავარია, რომ გავაპროტესტეთ. დღეს თუ ამას დავუთმობდით ხელისუფლებას, ხვალ მეტს მოგვთხოვდნენ. ის, რაც ჩვენ დღეს გავაკეთეთ არის მოქალაქეობრივი ვალის მოხდა სამშობლოს წინაშე,“- ასე განმარტა რიყის პარკში მოსვლის მიზანი და დანიშნულება ბესიკ ლიპარტელიანმა.
აქცია თითქმის ერთ საათს გაგრძელდა. აქციის დასასრულს, ახალი რიყის პარკის ცენტრალურ შესასვლელთან მდგარ დაცვის სამსახურის თანამშრომლებს გავესაუბრეთ.
„უკვე აღარ იკრძალება აქ კოცნა. სამი დღის წინ გაგვაფრთხილა უფროსობამ, რომ თუ ვინმეს კოცნა უნდა, აღარ დავუშალოთ,“- გვითხრა დაცვის სამსახურის ტანმორჩილმა თანამშრომელმა. შემდეგ კი კითხვით თავად მოგვმართა: „ასე დაწვრილებით რატომ გაინტერესებთ, ჟურნალისტები ხართ? მაშინ აღარაფერს გეტყვით. უფროსობა კოცნის აკრძალვას აღარ გვავალებს, მაგრამ გაფრთხილებულები ვართ, ჟურნალისტებს არაფერზე ვესაუბროთ.“
18:50 25.06.2011
„ყველანი ვიკრიბებით და ვაპროტესტებთ პარკებში კოცნის თვითნებურად აკრძალვას. 24 ივნისს, პარასკევს, საღამოს 8 საათზე მოგვყავს ჩვენი შეყვარებულები/მეგობრები/GF/BF-ები, ცოლები/ქმრები და ყველანი სახალხოდ ვზასაობთ რიყის ახალ პარკში, მინი ამფითეატრთან! თუ კოცნა დანაშაულია, მაშინ ვამაყობთ, რომ ჩვენ ამხელა დანაშაულს ჩავდივართ ერთმანეთის მიმართ! ♥“ - ამ განცხადებით, სოციალურ ქსელ „ფეისბუქში“ უცნაური საპროტესტო აქცია დაიგეგმა.
დათქმული დროისთვის ახალი რიყის პარკში საკმაოდ ბევრი ახალგაზრდა შეიკრიბა. თუმცა, როგორც გაირკვა, მათი უდიდესი უმარავლესობა სანახაობის საყურებლად მოვიდა. ამიტომაც იყო, რომ უამრავი ჩართული ფოტო და ვიდეოკამერა ერთდროულად იღებდა იმ სამიოდე წყვილს, რომლებმაც სხვებზე მეტი სითამამე გამოიჩინეს და „პროტესტი“ საჯარო კოცნით გამოხატეს. მათ შორის ერთ-ერთი „გაბედული“ ბესიკ ლიპარტელიანი იყო.„მართალია, სულ სამიოდე წყვილმა აკოცა დღეს ერთმანეთს, მაგრამ აქცია მაინც შედგა. ალბათ ბევრს გაუჭირდა სხვების წინაშე „ეზასავათ“, ბევრი ბარიერია, მარტივი ასახსნელია ეს ყველაფერი - საქართველოში ვცხოვრობთ.
მთავარია, რომ გავაპროტესტეთ. დღეს თუ ამას დავუთმობდით ხელისუფლებას, ხვალ მეტს მოგვთხოვდნენ. ის, რაც ჩვენ დღეს გავაკეთეთ არის მოქალაქეობრივი ვალის მოხდა სამშობლოს წინაშე,“- ასე განმარტა რიყის პარკში მოსვლის მიზანი და დანიშნულება ბესიკ ლიპარტელიანმა.
აქცია თითქმის ერთ საათს გაგრძელდა. აქციის დასასრულს, ახალი რიყის პარკის ცენტრალურ შესასვლელთან მდგარ დაცვის სამსახურის თანამშრომლებს გავესაუბრეთ.
„უკვე აღარ იკრძალება აქ კოცნა. სამი დღის წინ გაგვაფრთხილა უფროსობამ, რომ თუ ვინმეს კოცნა უნდა, აღარ დავუშალოთ,“- გვითხრა დაცვის სამსახურის ტანმორჩილმა თანამშრომელმა. შემდეგ კი კითხვით თავად მოგვმართა: „ასე დაწვრილებით რატომ გაინტერესებთ, ჟურნალისტები ხართ? მაშინ აღარაფერს გეტყვით. უფროსობა კოცნის აკრძალვას აღარ გვავალებს, მაგრამ გაფრთხილებულები ვართ, ჟურნალისტებს არაფერზე ვესაუბროთ.“
