ავტორი ნინო მიქიაშვილი
17:50 18.01.2014
თბილისის საქალაქო სასამართლოში 21 იანვარს, 15 საათზე მოსამართლე დავით მგელიაშვილი გააგრძელებს 17 მაისის აქციის გამო ბრალდებული მღვდლის – მამა იოთამ ბასილაიას და სამი საერო პირის: ბექა სალუქვაძის, გიორგი ბასიაშვილის და ტიტალ დავრიშიანის საქმის განხილვას. ეს ნიშნავს იმას, რომ დაიკითხებიან ბრალდების მოწმეები - 17 მაისის აქციის ორგანიზატორები და მონაწილეები. წინა პროცესზე, 9 იანვარს სამმა მათგანმა ჩვენება მისცა, რის შინაარსსაც ამ სტატიაში გაეცნობით.
თქვენ გაიგებთ როგორ ემზადებოდნენ გადაგვარებული სექსუალური ორიენტაციის მქონე ადამიანების მხარდამჭერი არასამთავრობო ორგანიზაციები ამ დღისთვის, ვისთან ათანხმებდნენ დეტალებს.
პროკურორი ადვოკატს – “ფეხებს ვერ მომჭამ!“
სანამ სასამართლო დარბაზიდან ჩემს მიერ მომზადებულ რეპორტაჟზზე გადავალ, მანამდე იმ ინცინდენტის ირგლივ გიამბობთ, რაც სხდომის დასრულებისთანავე მოხდა. დარბაზიდან გამოსასვლელად ვემზადებოდით, როცა ჩემთან და ჩემს მეგობართან, ანა მიქაუტაძესთან მოვიდა პროკურორი სალომე ადეიშვილი და აგრესიული ტონით მოითხოვა ფოტოაპარატში წაგვეშალა დერეფანში გადაღებული მისი ფოტო – კატეგორიულად გიკრძალავთ მის გამოყენებას, ახლავე წაშალეთო (სხდომის დაწყებამდე დერეფანში კადრებს “ტაბულას“ ვიდეოკამერაც იღებდა, კადრში სხვებთან ერთად პროკურორი ადეიშვილიც მოხვდა, მაგრამ მას ეს არ გაუპროტესტებია!).
სალომე ადეიშვილს მეორე პროკურორი, გოჩა ქორაიაც მიეშველა – აქედან ვერ გახვალთო. ამ ორ პროკურორს დარბაზში მყოფი გულშემატკივრებიც წამოეშველნენ. ერთ–ერთმა მათგანმა გასასვლელის ფეხით გადაკეტვა სცადა.
ადვოკატმა გია ტაბლიაშვილმა დასახმარებლად მანდატურები მოიყვანა; პროკურორებს კი მიმართა – როგორ ბედავთ, თქვენ ისევ ძველი დრო ხომ არ გგონიათო?! დარბაზიდან მანდატურების თანხლებით გამოვედით. გია ტაბლიაშვილი პროკურორებს სამართლებრივ ენაზე უხსნიდა, რომ იმ წუთას ისინი ჩადიოდნენ უკანონობას, რის შესახებაც გენინსპექციას დაუყოვნებლივ შეატყობინებდა. ამ დროს N14 დარბაზიდან გამოსულები ვიყავით, როცა პროკურორმა სალომე ადეიშვილმა ადვოკატ გია ტაბლიაშვილს ხმამაღლა და გამოთქმით უთხრა, “ფეხებს ვერ მომჭამ“-ო.
ამ ინცინდენტს სამართლებრივ ენაზე ჰქვია ჟურნალისტური საქმიანობისათვის ხელის შეშლა, მაგრამ მე და ჩემი უფლებების დამცველი, ადვოკატი მამუკა ნოზაძე პროკურორებს დიდსულოვნად ვპატიობთ, რადგან დროს და ენერგიას გაცილებით მნიშვნელოვანი საქმეებისთვის ვუფრთხილდებით.
როგორ მზადდებოდა 17 მაისის პროვოკაცია
თბილისის საქალაქო სასამართლოს მოსამართლე დავით მგელიაშვილმა 9 იანვარს საქმის განხილვა დათქმულ დროზე ერთი საათითა და ორმოცი წუთით გვიან დაიწყო. მოსამართლესთან, სხდომის მდივანთან, ორ პროკურორთან, შვიდ ადვოკატთან და ოთხ ბრალდებულთან ერთად დარბაში 44 ადამიანი იჯდა. მათ შორის სამი სასულიერო პირი იყო. სხდომას აკვირდებოდა ამერიკის შეერთებული შტატების საელჩოს სასამართლოებზე მონიტორინგის დეპარტამენტის ხელმძღვანელი. ტელეკომპანია “მაესტროს“ ოპერატორმა ერთწუთიანი კადრი გადაიღო და გავიდა.
ბრალდების პირველი მოწმე, ბიოფიზიკოსი ეკა წერეთელი არასამთავრობო ორგანიზაცია “ქალთა ინიციატივების მხარდამჭერი ჯგუფის“ პროექტების მენეჯერია. იგი დაოჯახებული გახლავთ, ერთი შვილი ჰყავს. მისგან შევიტყვეთ, რომ ზრუნავს “ლეზბი, ბისექსუალი და ტრანსექსუალი“ ქალების უფლებების დასაცავად. 17 მაისის აქციის ორგანიზატორები თავიდან თურმე ფიქრობდნენ, რომ 100–150–ნი შეიკრიბებოდნენ, მაგრამ საქმე საქმეზე რომ მიდგა, 17 მაისის აქციაზე 70–მდე მივიდა.
ბრალდების პირველი მოწმის თქმით, აქციის ორგანიზატორები (“იდენტობის“ და “ქალთა ინიციატივების მხარდამჭერი ჯგუფის“ წარმომადგენლები) შინაგან საქმეთა სამინისტროში რამდენჯერმე იყვნენ, შეხვდნენ მინისტრის მოადგილეს, ბატონ დავითს (გვარი ვერ გაიხსენა). შსს–ში ათანხმებდნენ აქციის დეტალებს. მისივე თქმით, შსს–ში ბოლო სტუმრობის დროს მასპინძლებს უთხრეს – “თუ უსაფრთხოებას ვერ უზრუნველყოფთ, აქციას არ ჩავატარებთ“–ო.
ბრალდების პირველი მოწმის განმარტებით, 17 მაისის აქციის დაგეგმვაში მონაწილეობას იღებდნენ: ეკა აღდგომელაშვილი, ნინო ხარჩილავა, თამარ გობრონიძე... თავად მას ევალებოდა ორგანიზაციული საკითხების მოგვარება. შსს–ში გამართულ ბოლო შეხვედრაზე, პოლიციასთან ერთად დასახეს ამგვარი გეგმა – პარლამენტის წინა მოედნის ნაცვლად შეიკრიბებოდნენ პუშკინის სკვერში, რათა მათი უსაფრთხოება დაუცლი ყოფილიყო. აქციის დასრულების შემდეგ პოლიცია მათ დაახვედრებდა ავტობუსებს, რათა იქაურობა უსაფრთხოდ დაეტოვებინათ.
შსს–ში მათ მისცეს ლაშა ჯოხაძის და შალვა ძნელაძის მობილური ტელეფონის ნომრები, რათა აქციის ორგანიზატორები და აქტივისტები საჭიროების შემთხვევაში დაკავშირებოდნენ.
ბრალდების პირველი მოწმის თქმით, 17 მაისს, მას შემდეგ, რაც მათ “უდიერად ყურება“ დაუწყეს და უცენზურო სიტყვებით მიმართეს, მობილურით დაუკავშირდა სახალხო დამცველის წარმომადგენელს, ბატონ გიორგის (გვარი არ ახსოვს) და უთხრა – “ახლა აქ ალბათ, ინცინდენტი მოხდება, ფიზიკურად გაგვისწორდებიან. მოდით და დააფიქსირეთ“! ბრალდების პირველი მოწმის განცხადებით, მათ ესროდნენ ქვებს, ძეხვებს, მობილურ ტელეფონებს და “ზომბებივით იქცეოდნენ“. შემდეგ პოლიციელთა დახმარებით ვაჩნაძის ქუჩაზე, დახურულ სივრცეში გადასულან, რის შემდეგაც მიკროავტობუსებით იქაურობა დაუტოვებიათ.
პროკურორი გოჩა ქორაია თავის მოწმეს ჩაეკითხა – იდენტიფიცირება თუ შეგიძლია იმათი, ვისზედაც ახლა ყვებოდიო. მოწმემ პირდაპირ მამა იონათამისკენ მიათითა – “ეს ადამიანი ვიდეოკადრებში ვნახე, ტაბურეტკით მირბოდა და მიკროავტობუსს ტაბურეტს ურტყამდაო“. შემდეგ მეორე ბრალდებულისკენ მიტრიალდა – “ეს ბიჭიც ვნახე ფოტოებზე, კორდონის გარღვევისას, აგრესიულ ფორმაში, მაგრამ არ ვიცი ვის ემუქრებოდაო“. ანუ მოწმემ ფოტომასალის საფუძველზე გიორგი ბასიაშვილზეც მიათითა.
ადვოკატების კითხვებზე, 17 მაისს თავმდამსხმელთა შორის იყვნენ თუ არა ამჟამად ბრალდებული პირები? მოწმემ მიუგო, რომ ისინი თავმდამსხმელთა შორის არ ყოფილან! იმათი ფოტოები კი, ვინც მოწმეს და მის თანამოსაქმეებს 17 მაისს თავს ესხმოდნენ, გამოძიების დროს არ უჩვენებიათ.
ადვოკატი ლევან გორხელაშვილი დაინტერესდა, ბრალდების პირველი მოწმე ცოლ–შვილიანი იყო თუ ქმარშვილიანი. ეს პროკურორმა ქორაიამ გააპროტესტა – შეურაცხმყოფელი კითხვაა, პირადი ცხოვრების საიდუმლოებას ეხებაო. ადვოკატმა უთხრა, თავად მოწმეს არ მიაჩნია შეურაცხყოფად და თქვენ რა თავი გამოიდეთო. მოწმე მშვიდად იდგა. მოსამართლემ ბრძანა, მოწმეს შეუძლია გასცეს პასუხი, შეუძლია ეს კითხვა უპასუხოდ დატოვოსო. მოწმემ კითხვა უპასუხოდ დატოვა.
ბრალდების მეორე მოწმე – სალომე მერკვილაძე, ილია ჭავჭავაძის სახელობის უნივერსიტეტის სტუდენტი და “ქალთა ინიციატივების მხარდამჭერი ჯგუფის“ აქტივისტია. 17 მაისის აქციის დროს ეს მოწმე არასრულწლოვანი იყო. მას კითხვებს პროკურორი სალომე ადეიშვილი უსვამდა. მოწმემ თქვა, მახსოვს იმ ადამიანის სახე, ვინც 17 მაისს აურზაური ატეხაო. ადვოკატი გელა ნიკოლაიშვილი ჩაეკითხა – აურზაურის ამტეხი პოლიციაში ამოიცანი თუ არაო. ამაზე მოწმემ მიუგო, მისი ფოტო მაქვს, მაგრამ პოლიციაში არ წარმიდგენიაო.
მეორე მოწმემ, პირველის მსგავსად მამა იონათამისკენ მიათითა – აი, ამას ვიცნობ, “ტაბურეტკით“ გარბოდა და ურტყამდა ავტობუსს, მაგრამ ეს ჩემი თვალით კი არ მინახავს?! ჯერ ინტერნეტში ვუყურე და მერე ტელევიზორშიო! მეორე მოწმისგან შევიტყვეთ, რომ ზემოთ არაერთხელ ნახსენებ არასამთავრობო ორგანიზაციასთან წელიწადნახევარია მეგობრობს, სადაც ფსიქოლოგიური ფილმების ჩვენებას ესწრება.
მესამე მოწმე ალექსანდრა უგრეხელიძე, სამხატვრო აკადემიის სტუდენტია. ისიც იმ ორგანიზაციის გულშემატკივარი და თანამოაზრეა, ვინც 17 მაისის აქციის ორგანიზებას ახდენდა. იგი ჰყვებოდა 17 მაისს როგორ ესხმოდნენ თავს, როგორ ეფარებოდათ მათ პოლიცია, როგორ ამსხვრევდნენ მიკროავტობუსის მინებს, როგორ ცდილობდნენ მათ გადათრევას. მისივე განმარტებით, ქვების და წიხლების მოგერიებით იმდენად დაკავებული იყო, რომ თავმდამსხმელების, მსხვრეველებისა და გადამთრეველების სახეები არ ახსოვს. სამაგიეროდ, კარგად დაიმახსოვს მამა იონათამის სახე, ოღონდ, თავის თვალით კი არ უნახავს?!
წინა ორი მოწმის მსგავსად ვიდეოკადრებში ნახა და სასამართლო დარბაზში, დაკითხვის დროს ასე გამოხატა – “აქედან ვიცნობ ერთადერთს, “ტაბურეტკიანს“.
სასამართლო სხდომას დარბაზიდან შეძახილები თან ახლდა. ვითარება განსაკუთრებით მაშინ იძაბებოდა, როცა მამა იონათამს მიზანმიმართულად პროვოკაციული ჟესტებითა და ფრაზებით მიმართავდნენ, როცა 17 მაისს ქუჩაში გამოსულ ათეულობით ათას ადამიანს ზომბებად მოიხსენიებდნენ. მოსამართლე სიტყვიერი გაფრთხილებით შემოიფარგლებოდა – ის დარბაზში მსხდომებს სიმშვიდისკენ, ხოლო ბრალდების მოწმეებს კორექტულობისკენ მოუწოდებდა.
21 იანვარს დანიშნულ პროცესზე მოვლენები როგორ განვითარდება, ამას მომდევნო რეპორტაჟში შემოგთავაზებთ.
17:50 18.01.2014
თბილისის საქალაქო სასამართლოში 21 იანვარს, 15 საათზე მოსამართლე დავით მგელიაშვილი გააგრძელებს 17 მაისის აქციის გამო ბრალდებული მღვდლის – მამა იოთამ ბასილაიას და სამი საერო პირის: ბექა სალუქვაძის, გიორგი ბასიაშვილის და ტიტალ დავრიშიანის საქმის განხილვას. ეს ნიშნავს იმას, რომ დაიკითხებიან ბრალდების მოწმეები - 17 მაისის აქციის ორგანიზატორები და მონაწილეები. წინა პროცესზე, 9 იანვარს სამმა მათგანმა ჩვენება მისცა, რის შინაარსსაც ამ სტატიაში გაეცნობით.
თქვენ გაიგებთ როგორ ემზადებოდნენ გადაგვარებული სექსუალური ორიენტაციის მქონე ადამიანების მხარდამჭერი არასამთავრობო ორგანიზაციები ამ დღისთვის, ვისთან ათანხმებდნენ დეტალებს. პროკურორი ადვოკატს – “ფეხებს ვერ მომჭამ!“
სანამ სასამართლო დარბაზიდან ჩემს მიერ მომზადებულ რეპორტაჟზზე გადავალ, მანამდე იმ ინცინდენტის ირგლივ გიამბობთ, რაც სხდომის დასრულებისთანავე მოხდა. დარბაზიდან გამოსასვლელად ვემზადებოდით, როცა ჩემთან და ჩემს მეგობართან, ანა მიქაუტაძესთან მოვიდა პროკურორი სალომე ადეიშვილი და აგრესიული ტონით მოითხოვა ფოტოაპარატში წაგვეშალა დერეფანში გადაღებული მისი ფოტო – კატეგორიულად გიკრძალავთ მის გამოყენებას, ახლავე წაშალეთო (სხდომის დაწყებამდე დერეფანში კადრებს “ტაბულას“ ვიდეოკამერაც იღებდა, კადრში სხვებთან ერთად პროკურორი ადეიშვილიც მოხვდა, მაგრამ მას ეს არ გაუპროტესტებია!).
სალომე ადეიშვილს მეორე პროკურორი, გოჩა ქორაიაც მიეშველა – აქედან ვერ გახვალთო. ამ ორ პროკურორს დარბაზში მყოფი გულშემატკივრებიც წამოეშველნენ. ერთ–ერთმა მათგანმა გასასვლელის ფეხით გადაკეტვა სცადა.
ადვოკატმა გია ტაბლიაშვილმა დასახმარებლად მანდატურები მოიყვანა; პროკურორებს კი მიმართა – როგორ ბედავთ, თქვენ ისევ ძველი დრო ხომ არ გგონიათო?! დარბაზიდან მანდატურების თანხლებით გამოვედით. გია ტაბლიაშვილი პროკურორებს სამართლებრივ ენაზე უხსნიდა, რომ იმ წუთას ისინი ჩადიოდნენ უკანონობას, რის შესახებაც გენინსპექციას დაუყოვნებლივ შეატყობინებდა. ამ დროს N14 დარბაზიდან გამოსულები ვიყავით, როცა პროკურორმა სალომე ადეიშვილმა ადვოკატ გია ტაბლიაშვილს ხმამაღლა და გამოთქმით უთხრა, “ფეხებს ვერ მომჭამ“-ო.
ამ ინცინდენტს სამართლებრივ ენაზე ჰქვია ჟურნალისტური საქმიანობისათვის ხელის შეშლა, მაგრამ მე და ჩემი უფლებების დამცველი, ადვოკატი მამუკა ნოზაძე პროკურორებს დიდსულოვნად ვპატიობთ, რადგან დროს და ენერგიას გაცილებით მნიშვნელოვანი საქმეებისთვის ვუფრთხილდებით.
როგორ მზადდებოდა 17 მაისის პროვოკაცია
თბილისის საქალაქო სასამართლოს მოსამართლე დავით მგელიაშვილმა 9 იანვარს საქმის განხილვა დათქმულ დროზე ერთი საათითა და ორმოცი წუთით გვიან დაიწყო. მოსამართლესთან, სხდომის მდივანთან, ორ პროკურორთან, შვიდ ადვოკატთან და ოთხ ბრალდებულთან ერთად დარბაში 44 ადამიანი იჯდა. მათ შორის სამი სასულიერო პირი იყო. სხდომას აკვირდებოდა ამერიკის შეერთებული შტატების საელჩოს სასამართლოებზე მონიტორინგის დეპარტამენტის ხელმძღვანელი. ტელეკომპანია “მაესტროს“ ოპერატორმა ერთწუთიანი კადრი გადაიღო და გავიდა.
ბრალდების პირველი მოწმე, ბიოფიზიკოსი ეკა წერეთელი არასამთავრობო ორგანიზაცია “ქალთა ინიციატივების მხარდამჭერი ჯგუფის“ პროექტების მენეჯერია. იგი დაოჯახებული გახლავთ, ერთი შვილი ჰყავს. მისგან შევიტყვეთ, რომ ზრუნავს “ლეზბი, ბისექსუალი და ტრანსექსუალი“ ქალების უფლებების დასაცავად. 17 მაისის აქციის ორგანიზატორები თავიდან თურმე ფიქრობდნენ, რომ 100–150–ნი შეიკრიბებოდნენ, მაგრამ საქმე საქმეზე რომ მიდგა, 17 მაისის აქციაზე 70–მდე მივიდა.
ბრალდების პირველი მოწმის თქმით, აქციის ორგანიზატორები (“იდენტობის“ და “ქალთა ინიციატივების მხარდამჭერი ჯგუფის“ წარმომადგენლები) შინაგან საქმეთა სამინისტროში რამდენჯერმე იყვნენ, შეხვდნენ მინისტრის მოადგილეს, ბატონ დავითს (გვარი ვერ გაიხსენა). შსს–ში ათანხმებდნენ აქციის დეტალებს. მისივე თქმით, შსს–ში ბოლო სტუმრობის დროს მასპინძლებს უთხრეს – “თუ უსაფრთხოებას ვერ უზრუნველყოფთ, აქციას არ ჩავატარებთ“–ო.
ბრალდების პირველი მოწმის განმარტებით, 17 მაისის აქციის დაგეგმვაში მონაწილეობას იღებდნენ: ეკა აღდგომელაშვილი, ნინო ხარჩილავა, თამარ გობრონიძე... თავად მას ევალებოდა ორგანიზაციული საკითხების მოგვარება. შსს–ში გამართულ ბოლო შეხვედრაზე, პოლიციასთან ერთად დასახეს ამგვარი გეგმა – პარლამენტის წინა მოედნის ნაცვლად შეიკრიბებოდნენ პუშკინის სკვერში, რათა მათი უსაფრთხოება დაუცლი ყოფილიყო. აქციის დასრულების შემდეგ პოლიცია მათ დაახვედრებდა ავტობუსებს, რათა იქაურობა უსაფრთხოდ დაეტოვებინათ.
შსს–ში მათ მისცეს ლაშა ჯოხაძის და შალვა ძნელაძის მობილური ტელეფონის ნომრები, რათა აქციის ორგანიზატორები და აქტივისტები საჭიროების შემთხვევაში დაკავშირებოდნენ.
ბრალდების პირველი მოწმის თქმით, 17 მაისს, მას შემდეგ, რაც მათ “უდიერად ყურება“ დაუწყეს და უცენზურო სიტყვებით მიმართეს, მობილურით დაუკავშირდა სახალხო დამცველის წარმომადგენელს, ბატონ გიორგის (გვარი არ ახსოვს) და უთხრა – “ახლა აქ ალბათ, ინცინდენტი მოხდება, ფიზიკურად გაგვისწორდებიან. მოდით და დააფიქსირეთ“! ბრალდების პირველი მოწმის განცხადებით, მათ ესროდნენ ქვებს, ძეხვებს, მობილურ ტელეფონებს და “ზომბებივით იქცეოდნენ“. შემდეგ პოლიციელთა დახმარებით ვაჩნაძის ქუჩაზე, დახურულ სივრცეში გადასულან, რის შემდეგაც მიკროავტობუსებით იქაურობა დაუტოვებიათ.
პროკურორი გოჩა ქორაია თავის მოწმეს ჩაეკითხა – იდენტიფიცირება თუ შეგიძლია იმათი, ვისზედაც ახლა ყვებოდიო. მოწმემ პირდაპირ მამა იონათამისკენ მიათითა – “ეს ადამიანი ვიდეოკადრებში ვნახე, ტაბურეტკით მირბოდა და მიკროავტობუსს ტაბურეტს ურტყამდაო“. შემდეგ მეორე ბრალდებულისკენ მიტრიალდა – “ეს ბიჭიც ვნახე ფოტოებზე, კორდონის გარღვევისას, აგრესიულ ფორმაში, მაგრამ არ ვიცი ვის ემუქრებოდაო“. ანუ მოწმემ ფოტომასალის საფუძველზე გიორგი ბასიაშვილზეც მიათითა.
ადვოკატების კითხვებზე, 17 მაისს თავმდამსხმელთა შორის იყვნენ თუ არა ამჟამად ბრალდებული პირები? მოწმემ მიუგო, რომ ისინი თავმდამსხმელთა შორის არ ყოფილან! იმათი ფოტოები კი, ვინც მოწმეს და მის თანამოსაქმეებს 17 მაისს თავს ესხმოდნენ, გამოძიების დროს არ უჩვენებიათ.
ადვოკატი ლევან გორხელაშვილი დაინტერესდა, ბრალდების პირველი მოწმე ცოლ–შვილიანი იყო თუ ქმარშვილიანი. ეს პროკურორმა ქორაიამ გააპროტესტა – შეურაცხმყოფელი კითხვაა, პირადი ცხოვრების საიდუმლოებას ეხებაო. ადვოკატმა უთხრა, თავად მოწმეს არ მიაჩნია შეურაცხყოფად და თქვენ რა თავი გამოიდეთო. მოწმე მშვიდად იდგა. მოსამართლემ ბრძანა, მოწმეს შეუძლია გასცეს პასუხი, შეუძლია ეს კითხვა უპასუხოდ დატოვოსო. მოწმემ კითხვა უპასუხოდ დატოვა.
ბრალდების მეორე მოწმე – სალომე მერკვილაძე, ილია ჭავჭავაძის სახელობის უნივერსიტეტის სტუდენტი და “ქალთა ინიციატივების მხარდამჭერი ჯგუფის“ აქტივისტია. 17 მაისის აქციის დროს ეს მოწმე არასრულწლოვანი იყო. მას კითხვებს პროკურორი სალომე ადეიშვილი უსვამდა. მოწმემ თქვა, მახსოვს იმ ადამიანის სახე, ვინც 17 მაისს აურზაური ატეხაო. ადვოკატი გელა ნიკოლაიშვილი ჩაეკითხა – აურზაურის ამტეხი პოლიციაში ამოიცანი თუ არაო. ამაზე მოწმემ მიუგო, მისი ფოტო მაქვს, მაგრამ პოლიციაში არ წარმიდგენიაო.
მეორე მოწმემ, პირველის მსგავსად მამა იონათამისკენ მიათითა – აი, ამას ვიცნობ, “ტაბურეტკით“ გარბოდა და ურტყამდა ავტობუსს, მაგრამ ეს ჩემი თვალით კი არ მინახავს?! ჯერ ინტერნეტში ვუყურე და მერე ტელევიზორშიო! მეორე მოწმისგან შევიტყვეთ, რომ ზემოთ არაერთხელ ნახსენებ არასამთავრობო ორგანიზაციასთან წელიწადნახევარია მეგობრობს, სადაც ფსიქოლოგიური ფილმების ჩვენებას ესწრება.
მესამე მოწმე ალექსანდრა უგრეხელიძე, სამხატვრო აკადემიის სტუდენტია. ისიც იმ ორგანიზაციის გულშემატკივარი და თანამოაზრეა, ვინც 17 მაისის აქციის ორგანიზებას ახდენდა. იგი ჰყვებოდა 17 მაისს როგორ ესხმოდნენ თავს, როგორ ეფარებოდათ მათ პოლიცია, როგორ ამსხვრევდნენ მიკროავტობუსის მინებს, როგორ ცდილობდნენ მათ გადათრევას. მისივე განმარტებით, ქვების და წიხლების მოგერიებით იმდენად დაკავებული იყო, რომ თავმდამსხმელების, მსხვრეველებისა და გადამთრეველების სახეები არ ახსოვს. სამაგიეროდ, კარგად დაიმახსოვს მამა იონათამის სახე, ოღონდ, თავის თვალით კი არ უნახავს?!
წინა ორი მოწმის მსგავსად ვიდეოკადრებში ნახა და სასამართლო დარბაზში, დაკითხვის დროს ასე გამოხატა – “აქედან ვიცნობ ერთადერთს, “ტაბურეტკიანს“.
სასამართლო სხდომას დარბაზიდან შეძახილები თან ახლდა. ვითარება განსაკუთრებით მაშინ იძაბებოდა, როცა მამა იონათამს მიზანმიმართულად პროვოკაციული ჟესტებითა და ფრაზებით მიმართავდნენ, როცა 17 მაისს ქუჩაში გამოსულ ათეულობით ათას ადამიანს ზომბებად მოიხსენიებდნენ. მოსამართლე სიტყვიერი გაფრთხილებით შემოიფარგლებოდა – ის დარბაზში მსხდომებს სიმშვიდისკენ, ხოლო ბრალდების მოწმეებს კორექტულობისკენ მოუწოდებდა.
21 იანვარს დანიშნულ პროცესზე მოვლენები როგორ განვითარდება, ამას მომდევნო რეპორტაჟში შემოგთავაზებთ.
