ავტორი ნინო მიქიაშვილი
18:19 07.12.2013
საზოგადოებისადმი მიმართვაში წერს, რომ საყდრისის მაღარო არის მსოფლიოში უძველესი ოქროს მომპოვებელი ობიექტი და მნიშვნელოვან ისტორიულ ძეგლს წარმოადგენს! დოკუმენტში, რომელიც მეცნიერებათა აკადემიამ კულტურისა და ძეგლთა დაცვის მინისტრს გურამ ოდიშარიას გადაუგზავნა, მსგავსი არაფერი წერია, რაც მაძლევს საფუძველს დავასკვნა, რომ მეცნიერებათა აკადემია საზოგადოებას ერთს ეუბნება, ხოლო მთავრობას მეორეს!
ორშაბათს, 9 დეკემბერს, 14 საათზე საქართველოს მეცნიერებათა ეროვნული აკადემია სპეციალურ პრესკონფერენციას მართავს, “საყდრისი-ყაჩაღიანის თემაზე“ და სხვადასხვა მედიასაშუალებების წარმომადგენლებს ეპატიჟება. ტექსტი, რომელიც მეცნიერებათა აკადემიაში მომზადდა და ორშაბათს ჟურნალისტებს დაურიგდებათ, ნახევარგვერდიანია. 6 დეკემბერს, აკადემიაში სტუმრობისას ეს ტექსტი თავად მეცნიერებათა აკადემიის პრეზიდენტმა ოთარ კვესიტაძემ გადმომცა:
“ღია ბოქლომში“ გამოქვეყნებულ წერილში (2013 წლის 5 დეკემბერი, ავტორი ნინო მიქიაშვილი) გაცხადებულია, რომ საყდრისის ოქროს საბადოს აფეთქებას მეცნიერებათა აკადემიამ დასტური მისცა. განვმარტავთ რომ ეს განცხადება არ შეესაბამება სიმართლეს. კერძოდ, საქართველოს კულტურისა და ძეგლთა დაცვის მინისტრისადმი მიწერილ წერილში, საქართველოს მეცნიერებათა ეროვნული აკადემიის პრეზიდენტი ადასტურებს, რომ საყდრისი-ყაჩაღიანის ბორცვის ჩრდილოეთ ნაწილი, სადაც დასტურდება მიწისქვეშა გვირაბები, წარმოადგენს მსოფლიოში უძველეს ოქროს მომპოვებელ ობიექტს და შესაბამისად, მნიშვნელოვან ისტორიულ ძეგლს.
მეორეს მხრივ, აღნიშნულ წერილში მეცნიერებათა აკადემია იმოწმებს შპს “არქეოლოგიური გაერთიანების“ ბოლოდროინდელ დასკვნას, ბორცვის ჩრდილო-აღმოსავლეთ კალთებზე დელოვიონით შევსებული კლდის ნაპრალებსა და კლდოვან ქანებში კულტურული ფენების არარსებობის შესახებ. აქვე აღვნიშნავთ, რომ მეცნიერებათა აკადემიას უშუალო მონაწილეობა არ მიუღია, არც “არქეოლოგიური გაერთიანების“ კომისიის შედგენაში და არც შესაბამისი დასკვნის შემუშავებაში.
კიდევ ერთხელ ვადასტურებთ, რომ ზემოაღწერილი სურათი სრულად შეესაბამება ობიექტურ რეალობას. რაც შეეხება აკადემიის მიერ ოქროს საბადოს აფეთქებაზე დასტურს, აღვნიშნავთ, რომ მეცნიერებათა აკადემიას არ გააჩნია, არც რაიმე სტატუსის მინიჭებისა და არც მისი გაუქმების (მით უფრო, აფეთქებაზე დასტურის?) უფლებამოსილება. საქართველოს მეცნიერებათა ეროვნული აკადემიის საზოგადოებასთან ურთიერთობის სამსახური“.
საქმე იმაშია, რომ სტატია, რომლის სათაურზეც მეცნიერებათა აკადემია მიუთითებს, ეყრდნობა აკადემიაში მომზადებულ დოკუმენტს, რომელიც კულტურისა და ძეგლთა დაცვის მინისტრს გადაუგზავნეს. მოხდა ისე რომ მე ამ დოკუმენტს არაოფიციალური გზით გავეცანი, რის შემდეგაც მოვამზადე და გამოვაქვეყნე სტატია სათაურით “საყდრისის ოქროს მაღაროს აფეთქებას მეცნიერებათა აკადემიამ დასტური მისცა“. პარალელურად, მეცნიერებათა ეროვნული აკადემიიდან წერილობით გამოვითხოვე გურამ ოდიშარიასთან გადაგზავნილი დოკუმენტის ასლი.
6 დეკემბერს მეცნიერებათა ეროვნულ აკადემიაში პასუხის მოსაკითხად მივედი და შევხვდი აკადემიის პრეზიდენტს ოთარ კვესიტაძეს, ვიცე-პრეზიდენტ თემურ ნანეიშვილს და იმ მეცნიერებს, რომლებიც საყდრისის ოქროს მაღაროს შესახებ მომზადებულ დოკუმენტთან პირდაპირ კავშირში არიან. ჩემს მიერ გამოთხოვილი დოკუმენტის გადმოცემაზე სიტყვიერი უარი განმიცხადეს - შიდა მოხმარების დოკუმენტია და მისი გამოქვეყნება უხერხულიაო.
საქართველოს ზოგადი ადმინისტრაციული კოდექსის მე-10, 28-ე და 37-ე მუხლების თანახმად, საჯარო ინფორმაცია ღიაა გარდა კანონით გათვალისწინებული შემთხვევებისა და ყველას აქვს უფლება გაეცნოს ადმინისტრაციულ ორგანოში არსებულ საჯარო ინფორმაციას, მისი ფიზიკური ფორმისა და შენახვის მდგომარეობის მიუხედავად, აგრეთვე, მიიღოს მათი ასლები, თუ ისინი არ შეიცავენ სახელმწიფო, პროფესიულ, კომერციულ ან პირად საიდუმლოებას.
ჩემს მიერ 5 დეკემბერს მეცნიერებათა ეროვნული აკადემიიდან გამოთხოვილი ინფორმაცია, არც სახელწმიფო საიდუმლოებას შეიცავს, არც პროფესიულს, არც კომერციულს და არც პირად საიდუმლოებას წარმოადგენს. გამომდინარე აქედან, დოკუმენტი, რომლის ასლსაც ვითხოვ, საჯაროა და მეცნიერებათა ეროვნული აკადემია ვალდებულია მისი ასლი გადმომცეს!
ამასთან, ამ წუთამდე გაუგებარი რჩება ვინ არის პასუხისმგებელი საყდრისის უძველესი ოქროს მაღაროს ირგლივ - კულტურის მინისტრმა გურამ ოდიშარიამ ერთწლიანი ანგარიშის წარდგენის დროს, 13 ნოემბერს, საყდრისთან დაკავშირებით დასმული კითხვის შემდეგ მეცნიერებათა ეროვნული აკადემიის პრეზიდენტთან ოთარ კვესიტაძესთან გადაგვამისამართა:
“როდესაც ჩვენ მივხვდით, რომ ამას მარტო კულტურის სამინისტროს ძალა არ ყოფნის, კრება შეიკრიბა და ეს ყველაფერი, ძეგლთან დაკავშირებული პრობლემები დაევალა საქართველოს მეცნიერაბათა ეროვნულ აკადემიას. იქ კომისია შეიქმნა, რომლის თავმჯდომარეა მეცნიერებათა ეროვნული აკადემიის პრეზიდენტი.
ასე რომ, ადრე გამოცემულმა ბრძანებებმა, რომელსაც ვადა 1 ოქტომბრამდე ჰქონდა, ძალა დაკარგა. აკადემიაში დღეს მოქმედ კომისიაზე კომპეტენტური საქართველოში არ მეგულება. ჩვენგან მაგ კომისიის წევრი არავინ არის, ჩვენ არ ვიცით მათი მუშაობა როგორ მიმდინარეობს, იმიტომ რომ ჩვენ მთლიანად ვენდობით მეცნიერაბათა ეროვნულ აკადემიას“.
თავის მხრივ ოთარ კვესიტაძე აცხადებს, რომ საყდრისის საკითხზე პასუხისმგებელი არის კულტურის სამინისტრო, რომ მეცნიერებათა აკადემიაში არანაირი კომისია არ შექმნილა და რომ აკადემია ამ საკითხის ირგვლივ მხოლოდ თავისი მეცნიერული მოსაზრების გამოხატვით შემოიფარგლება!
18:19 07.12.2013
საზოგადოებისადმი მიმართვაში წერს, რომ საყდრისის მაღარო არის მსოფლიოში უძველესი ოქროს მომპოვებელი ობიექტი და მნიშვნელოვან ისტორიულ ძეგლს წარმოადგენს! დოკუმენტში, რომელიც მეცნიერებათა აკადემიამ კულტურისა და ძეგლთა დაცვის მინისტრს გურამ ოდიშარიას გადაუგზავნა, მსგავსი არაფერი წერია, რაც მაძლევს საფუძველს დავასკვნა, რომ მეცნიერებათა აკადემია საზოგადოებას ერთს ეუბნება, ხოლო მთავრობას მეორეს!
ორშაბათს, 9 დეკემბერს, 14 საათზე საქართველოს მეცნიერებათა ეროვნული აკადემია სპეციალურ პრესკონფერენციას მართავს, “საყდრისი-ყაჩაღიანის თემაზე“ და სხვადასხვა მედიასაშუალებების წარმომადგენლებს ეპატიჟება. ტექსტი, რომელიც მეცნიერებათა აკადემიაში მომზადდა და ორშაბათს ჟურნალისტებს დაურიგდებათ, ნახევარგვერდიანია. 6 დეკემბერს, აკადემიაში სტუმრობისას ეს ტექსტი თავად მეცნიერებათა აკადემიის პრეზიდენტმა ოთარ კვესიტაძემ გადმომცა: “ღია ბოქლომში“ გამოქვეყნებულ წერილში (2013 წლის 5 დეკემბერი, ავტორი ნინო მიქიაშვილი) გაცხადებულია, რომ საყდრისის ოქროს საბადოს აფეთქებას მეცნიერებათა აკადემიამ დასტური მისცა. განვმარტავთ რომ ეს განცხადება არ შეესაბამება სიმართლეს. კერძოდ, საქართველოს კულტურისა და ძეგლთა დაცვის მინისტრისადმი მიწერილ წერილში, საქართველოს მეცნიერებათა ეროვნული აკადემიის პრეზიდენტი ადასტურებს, რომ საყდრისი-ყაჩაღიანის ბორცვის ჩრდილოეთ ნაწილი, სადაც დასტურდება მიწისქვეშა გვირაბები, წარმოადგენს მსოფლიოში უძველეს ოქროს მომპოვებელ ობიექტს და შესაბამისად, მნიშვნელოვან ისტორიულ ძეგლს.
მეორეს მხრივ, აღნიშნულ წერილში მეცნიერებათა აკადემია იმოწმებს შპს “არქეოლოგიური გაერთიანების“ ბოლოდროინდელ დასკვნას, ბორცვის ჩრდილო-აღმოსავლეთ კალთებზე დელოვიონით შევსებული კლდის ნაპრალებსა და კლდოვან ქანებში კულტურული ფენების არარსებობის შესახებ. აქვე აღვნიშნავთ, რომ მეცნიერებათა აკადემიას უშუალო მონაწილეობა არ მიუღია, არც “არქეოლოგიური გაერთიანების“ კომისიის შედგენაში და არც შესაბამისი დასკვნის შემუშავებაში.
კიდევ ერთხელ ვადასტურებთ, რომ ზემოაღწერილი სურათი სრულად შეესაბამება ობიექტურ რეალობას. რაც შეეხება აკადემიის მიერ ოქროს საბადოს აფეთქებაზე დასტურს, აღვნიშნავთ, რომ მეცნიერებათა აკადემიას არ გააჩნია, არც რაიმე სტატუსის მინიჭებისა და არც მისი გაუქმების (მით უფრო, აფეთქებაზე დასტურის?) უფლებამოსილება. საქართველოს მეცნიერებათა ეროვნული აკადემიის საზოგადოებასთან ურთიერთობის სამსახური“.
საქმე იმაშია, რომ სტატია, რომლის სათაურზეც მეცნიერებათა აკადემია მიუთითებს, ეყრდნობა აკადემიაში მომზადებულ დოკუმენტს, რომელიც კულტურისა და ძეგლთა დაცვის მინისტრს გადაუგზავნეს. მოხდა ისე რომ მე ამ დოკუმენტს არაოფიციალური გზით გავეცანი, რის შემდეგაც მოვამზადე და გამოვაქვეყნე სტატია სათაურით “საყდრისის ოქროს მაღაროს აფეთქებას მეცნიერებათა აკადემიამ დასტური მისცა“. პარალელურად, მეცნიერებათა ეროვნული აკადემიიდან წერილობით გამოვითხოვე გურამ ოდიშარიასთან გადაგზავნილი დოკუმენტის ასლი.
6 დეკემბერს მეცნიერებათა ეროვნულ აკადემიაში პასუხის მოსაკითხად მივედი და შევხვდი აკადემიის პრეზიდენტს ოთარ კვესიტაძეს, ვიცე-პრეზიდენტ თემურ ნანეიშვილს და იმ მეცნიერებს, რომლებიც საყდრისის ოქროს მაღაროს შესახებ მომზადებულ დოკუმენტთან პირდაპირ კავშირში არიან. ჩემს მიერ გამოთხოვილი დოკუმენტის გადმოცემაზე სიტყვიერი უარი განმიცხადეს - შიდა მოხმარების დოკუმენტია და მისი გამოქვეყნება უხერხულიაო.
საქართველოს ზოგადი ადმინისტრაციული კოდექსის მე-10, 28-ე და 37-ე მუხლების თანახმად, საჯარო ინფორმაცია ღიაა გარდა კანონით გათვალისწინებული შემთხვევებისა და ყველას აქვს უფლება გაეცნოს ადმინისტრაციულ ორგანოში არსებულ საჯარო ინფორმაციას, მისი ფიზიკური ფორმისა და შენახვის მდგომარეობის მიუხედავად, აგრეთვე, მიიღოს მათი ასლები, თუ ისინი არ შეიცავენ სახელმწიფო, პროფესიულ, კომერციულ ან პირად საიდუმლოებას.
ჩემს მიერ 5 დეკემბერს მეცნიერებათა ეროვნული აკადემიიდან გამოთხოვილი ინფორმაცია, არც სახელწმიფო საიდუმლოებას შეიცავს, არც პროფესიულს, არც კომერციულს და არც პირად საიდუმლოებას წარმოადგენს. გამომდინარე აქედან, დოკუმენტი, რომლის ასლსაც ვითხოვ, საჯაროა და მეცნიერებათა ეროვნული აკადემია ვალდებულია მისი ასლი გადმომცეს!
ამასთან, ამ წუთამდე გაუგებარი რჩება ვინ არის პასუხისმგებელი საყდრისის უძველესი ოქროს მაღაროს ირგლივ - კულტურის მინისტრმა გურამ ოდიშარიამ ერთწლიანი ანგარიშის წარდგენის დროს, 13 ნოემბერს, საყდრისთან დაკავშირებით დასმული კითხვის შემდეგ მეცნიერებათა ეროვნული აკადემიის პრეზიდენტთან ოთარ კვესიტაძესთან გადაგვამისამართა:
“როდესაც ჩვენ მივხვდით, რომ ამას მარტო კულტურის სამინისტროს ძალა არ ყოფნის, კრება შეიკრიბა და ეს ყველაფერი, ძეგლთან დაკავშირებული პრობლემები დაევალა საქართველოს მეცნიერაბათა ეროვნულ აკადემიას. იქ კომისია შეიქმნა, რომლის თავმჯდომარეა მეცნიერებათა ეროვნული აკადემიის პრეზიდენტი.
ასე რომ, ადრე გამოცემულმა ბრძანებებმა, რომელსაც ვადა 1 ოქტომბრამდე ჰქონდა, ძალა დაკარგა. აკადემიაში დღეს მოქმედ კომისიაზე კომპეტენტური საქართველოში არ მეგულება. ჩვენგან მაგ კომისიის წევრი არავინ არის, ჩვენ არ ვიცით მათი მუშაობა როგორ მიმდინარეობს, იმიტომ რომ ჩვენ მთლიანად ვენდობით მეცნიერაბათა ეროვნულ აკადემიას“.
თავის მხრივ ოთარ კვესიტაძე აცხადებს, რომ საყდრისის საკითხზე პასუხისმგებელი არის კულტურის სამინისტრო, რომ მეცნიერებათა აკადემიაში არანაირი კომისია არ შექმნილა და რომ აკადემია ამ საკითხის ირგვლივ მხოლოდ თავისი მეცნიერული მოსაზრების გამოხატვით შემოიფარგლება!
