ავტორი ნინო მიქიაშვილი
17:23 19.12.2013
თბილისის საქალაქო სასამართლოს მოსამართლე დავით მგელიაშვილმა, 17 მაისის მოვლენებთან დაკავშირებით ბრალდებული სასულიერო პირის - მამა იონათამის (ერისკაცობაში ირაკლი ბასილაია) და სამი საერო პირის: ბექა სალუქვაძის, გიორგი ბასიაშვილის და ტიტალ დავრიშიანის საქმის არსებითი განხილვა დაიწყო. პირველი პროცესი 18 დეკემბერს, თბილისის საქალაქო სასამართლოს N2 დარბაზში საათი და ათი წუთი გრძელდებოდა. ამ საქმეზე დაკვირვებას აგრძელებს საქართველოში ამერიკის შეერთებული შტატების საელჩოს სასამართლოებზე ზედამხედველობის დეპარტამენტი, რომლის წარმომადგენელი 18 დეკემბრის სხდომას ესწრებოდა.
ბრალდების მხარეს წარმოადგენდნენ პროკურორები - გოჩა ქორაია და სალომე ადეიშვილი. ეს უკანასკნელი ახალბედა პროკურორი ჩანდა და მთელი პროცესის განმავლობაში ხმა არ ამოუღია, გოჩა ქორაიასგან განსხვავებით, რომელიც შესავალი სიტყვის წარმოთქმისას ომახიანად ცდილობდა იმის მტკიცებას, რომ 100 ათასიანი აქციის ორგანიზატორი იყო მამა იონათამი, რომ მან, ბექა სალუქვაძემ, გიორგი ბასიაშვილმა და ტიტალ დავრიშიანმა გაარღვიეს პოლიციის კორდონი და რომ ფიზიკური ანგარიშსწორების მუქარით ისინი აგრესიას გამოხატავდნენ, იმათ მიმართ, ვისაც პუშკინის სახელობის სკვერში უნდოდათ “ჰომოფობიის და ტრანსფობიის წინააღმდეგ აქციის გამართვა“.
ანუ, პროკურორ ქორაიას შესავალი სიტყვიდან ჩანდა, რომ პროკურატურა თავდაპირველი პოზიციის შეცვლას არ აპირებს.
თავისი კოლეგების მსგავსად (რომლებიც ამ საქმეში ქორაიას და მგელიაშვილის მოსვლამდე იყვნენ ჩართულნი) პროკურორი გოჩა ქორაია და მოსამართლე დავით მგელიაშვილი მამა იონათამს ისე მოიხსენიებდნენ, როგორც საერო პირს - საერო სახელითა და გვარით. მოსამართლე და პროკურორი მამაოს ბატონობით მიმართავდნენ.
ბრალდებულების ინტერესებს იცავდნენ ადვოკატები: გია ტაბლიაშვილი, გელა ნიკოლაიშვილი, გიორგი ჭალიძე, ლევან გორხელაშვილი, გელა შავიძე, ლია ედიშერაშვილი, ლელა შავიძე.
სხდომა 50-კაციან დარბაზში გაიმართა, სადაც მოსამართლესთან, სხდომის მდივანთან, ორ პროკურორთან, ოთხ ბრალდებულთან და მათი უფლებების დამცველ ადვოკატებთან ერთად 19 ადამიანი ვისხედით. მათგან სამი სასულიერო პირი, ბრალდებულების გულშემატკივარი საერო პირები, ორი ახალგაზრდა, რომლებიც სტაჟირებას თბილისის საქალაქო სასამართლოში გადიან, აშშ-ს საელჩოს წარმომადგენელი და გადაგვარებული სექსუალური ორიენტაციის მქონე პირების ორი დამცველი.
საქმის არსებითი განხილვა მოსამართლემ ბრალდებულების ვინაობის დადგენით დაიწყო. მამა იონათამმა თქვა, რომ მიღებული აქვს ტექნიკური და სასულიერო განათლება და რომ ცხოვრობს ფერისცვალების მონასტერში. მოსამართლემ მამაოს ოჯახური მდგომარეობის შესახებ ჰკითხა. ბერი ვარო, - მიუგო მამა იონათამმა. ესე იგი დასაოჯახებელიო?! - კითხვა შეუბრუნა მოსამართლემ. მამაომ გაიმეორა, ბერი ვარო და მოსამართლემაც დააზუსტა - ოჯახური მდგომარეობის გასწვრივ ჩავწერთ, რომ ხართ ბერიო.
ცნობისათვის - მამა იონათამი ერთ-ერთი იმათთაგანია, ვინც უწმიდესთან და უნეტარესთან ერთად 2008 წლის აგვისტოში სოფელ შინდისიდან თავისი ხელით გამოასვენა გმირულად დაღუპული ქართველი ჯარისკაცების ცხედრები.
მეორე ბრალდებულის, გიორგი ბასიაშვილის მოკლე ბიოგრაფიული ცნობები ასეთია - 1972 წელს დაიბადა. საშუალო განათლება აქვს მიღებული. არის ორი ქალიშვილის მამა და ელოდება მესამე შვილს. ამავდროულად, ქალაქ რუსთავში ბოდიბილდინგის და ფიტნესის ფედერაციის პრეზიდენტია. ამავე სპორტის სახეობებში მწვრთნელად მუშაობს. ნასამართლევი არასდროს ყოფილა.
ბექა სალუქვაძე - 1991 წელს დაიბადა. ამჟამად სწავლობს ივანე ჯავახიშვილის სახელობის თბილისის სახელმწიფო უნივერსიტეტის მაგისტრატურის პირველ კურსზე. ნასამართლევი არასდროს ყოფილა, დასაოჯახებელია.
ტიტალ დავრიშიანი - 1982 წელს დაიბადა. ამჟამად უმუშევარია. არის ნასამართლევი. დაოჯახებული არ გახლავთ.
მამა იონათამს (ერისკაცობაში ირაკლი ბასილაიას), გიორგი ბასიაშვილს, ბექა სალუქვაძეს და ტიტალ დავრიშიანს ბრალი წაყენებული აქვთ სისხლის სამართლის კოდექსის 161-ე მუხლის პირველი ნაწილით. ეს ნიშნავს, რომ პროკურატურა მათ ბრალად სდებს “შეკრების ან მანიფესტაციის მოწყობის ანდა მასში მონაწილეობის უფლების განხორციელებისათვის უკანონოდ ხელის შეშლა ძალადობით, ძალადობის მუქარით ან სამსახურებრივი მდგომარეობის გამოყენებით“.
სისხლის სამართლის კოდექსის მიხედვით, მოსამართლემ ბრალდებულებს შეიძლება დააკისროს ჯარიმა, ან ერთი წლის განმავლობაში გამასწორებელი სამუშაო, ანდა ორ წლამდე თავისუფლების აღკვეთა, თანამდებობის დაკავების ან საქმიანობის უფლების ჩამორთმევით ვადით სამ წლამდე. წარდგენილ ბრალს, არც ერთი ბრალდებული არ აღიარებს.
ბრალდებულების ვინაობის დადგენის შემდეგ პროკურორმა გოჩა ქორაიამ შესავალი სიტყვა თქვა, რომელსაც გარკვევით და გამოთქმით 11 წუთი კითხულობდა. ამ სიტყვის მოკლე შინაარსი ასეთი გალხავთ:
ბრალდებულებმა გადალახეს პოლიციის კორდონი და ფიზიკური ანგარიშსწორების მუქარით “იდენტობას“ არ მისცეს საშუალება პუშკინის სკვერში გაემართათ აქცია. მამა იონათამი ლესელიძეზე წინ გადაეღობა იმ სამარშრუტო მიკროავტობუსს (რომელშიც ისხდნენ პუშკინის სკვერში აქციის ჩატარების მოსურნეები), იგი თურმე ძალადობდა და მიკროავტობუსს გზის გაგრძელების საშუალებას არ აძლევდა. ბექა სალუქვაძეს მიკროავტობუსის მინა ჩაუმსხვრევია, ტიტალ დავრიშიანს კი აგრესია გამოუხატავს და ცდილობდა მიკროავტობუსში მსხდომებს ფიზიკურად გასწორებოდა. გიორგი ბასიაშვილი თურმე აგრესიულად გადაადგილდებოდა, რაც ვიდეოკამერებს დაუფიქსირებიათ.
პროკურორმა რამდენჯერმა გაიმეორა, რომ ბრალდებულებმა ხელი შეუშალეს “ “ჰომოფობიის და ტრანსფობიის წინააღმდეგ აქციის გამართვას“. გოჩა ქორაია დაგვპირდა, რომ: სასამართლოზე დაიკითხებიან დაზარალებულები, მოწმეები, პოლიციის თანამშრომლები; ბრალდება წარმოადგენს ვიდეოჩანაწერებს, დაზიანებულ მიკროავტობუსებზე ჩატარებულ ტრასოლოგიური ექსპერტიზის დასკვნებს და იმათი ჯანმრთელობის მდგომარეობის ამსხველ ექსპერტიზის დასკვნებს, რომლებმაც 17 მაისს დაზიანებები მიიღეს.
ბექა სალუქვაძის უფლებების დამცველის, ადვოკატ გიორგი ჭალიძის თქმით, საქმის მასალებში, არც ერთი მტკიცებულება არ დევს, რომლითაც დადასტურდება, რომ ბექა სალუქვაძემ მიკროავტობუსის მინა ჩაამტვრია. ადვოკატის განმარტებით, პროკურატურას ვერ აზუსტებს სალუქვაძემ აგრესია ვის მიმართ გამოხატა.
გიორგი ჭალიძის განცხადებით, 17 მაისს ქუჩაში დაახლოებით ასი ათასი ადამიანი გამოვიდა გარყვნილების დემონსტრირების წინააღმდეგ, ტრადიციული რელიგიური ფასეულობების დასაცავად და პროკურატურამ ამ 100 ათასი ადამიანიდან 5 აქცია განტევების ვაცად, ლოგიკით - ვინმე ხომ უნდა დაგვესაჯაო?!
აქვე შეგახსენებთ, რომ მეხუთე ბრალდებულის, მამა ანთიმოზის (თამაზ ბიჩინაშვილის) წინააღმდეგ სათანადო მტკიცებულებების არქონის გამო მოსამართლე მერაბ ჯორბენაძემ სისხლის სამართლებრივი დევნა 1 აგვისტოს შეწყვიტა.
ადვოკატ გია ტაბლიაშვილის თქმით, პროკურატურის მხრიდან აბსურდია იმის მტკიცება, რომ 17 მაისს მოწყობილ რამდენიმე ათეულ ათასიანი შეკრების ორგანიზატორი იყო მამა იონათამი. ტაბლიაშვილი ამბობს, რომ ამ კუთხით მამაოსთან მიმართებაში არა თუ პირდაპირი, არამედ ირიბი მტკიცებულებაც არ არსებობს და რომ ძიების დროს დაკითხული, არც ერთი მოწმის ჩვენება არ არის მამა იონათამის წინააღმდეგ მიცემული. გია ტაბლიაშვილის თქმით, მამა იონათამის და სხვა სასულიერო პირების მოქმედება სიკეთისკენ და ძალიან დიდი უბედურების თავიდან აცილებისკენ იყო მიმართული.
მამაოს უფლებების დამცველი, კიდევ ერთი ადვოკატი გელა ნიკოლაიშვილი ამბობს, რომ საქმის მასალებში წარდგენილი ბრალდების დამადასტურებელი ერთი ფურცელიც კი არ დევს.
ბრალდებულ ტიტალ დავრიშიანის და გიორგი ბასილაშვილის უფლებების დამცველი ადვოკატები აცხადებენ, რომ მათი დაცვის ქვეშ მყოფებს ბრალი უსაფუძვლოდ აქვთ წარდგენილი, რაც მტკიცებულებების გამოკვლევის ეტაპზე ყველასათვის ცხადი გახდება და რაზე დაყრდნობითაც მოსამართლე გამამართლებელ განაჩენს გამოიტანს.
17 მაისის მოვლენებზე ბრალდებულების საქმის არსებითი განიხლვა 9 იანვარს გაგრძელდება და ამ დღეს მტკიცებულებების გამოკვლევა დაიწყება.
17:23 19.12.2013
თბილისის საქალაქო სასამართლოს მოსამართლე დავით მგელიაშვილმა, 17 მაისის მოვლენებთან დაკავშირებით ბრალდებული სასულიერო პირის - მამა იონათამის (ერისკაცობაში ირაკლი ბასილაია) და სამი საერო პირის: ბექა სალუქვაძის, გიორგი ბასიაშვილის და ტიტალ დავრიშიანის საქმის არსებითი განხილვა დაიწყო. პირველი პროცესი 18 დეკემბერს, თბილისის საქალაქო სასამართლოს N2 დარბაზში საათი და ათი წუთი გრძელდებოდა. ამ საქმეზე დაკვირვებას აგრძელებს საქართველოში ამერიკის შეერთებული შტატების საელჩოს სასამართლოებზე ზედამხედველობის დეპარტამენტი, რომლის წარმომადგენელი 18 დეკემბრის სხდომას ესწრებოდა.
ბრალდების მხარეს წარმოადგენდნენ პროკურორები - გოჩა ქორაია და სალომე ადეიშვილი. ეს უკანასკნელი ახალბედა პროკურორი ჩანდა და მთელი პროცესის განმავლობაში ხმა არ ამოუღია, გოჩა ქორაიასგან განსხვავებით, რომელიც შესავალი სიტყვის წარმოთქმისას ომახიანად ცდილობდა იმის მტკიცებას, რომ 100 ათასიანი აქციის ორგანიზატორი იყო მამა იონათამი, რომ მან, ბექა სალუქვაძემ, გიორგი ბასიაშვილმა და ტიტალ დავრიშიანმა გაარღვიეს პოლიციის კორდონი და რომ ფიზიკური ანგარიშსწორების მუქარით ისინი აგრესიას გამოხატავდნენ, იმათ მიმართ, ვისაც პუშკინის სახელობის სკვერში უნდოდათ “ჰომოფობიის და ტრანსფობიის წინააღმდეგ აქციის გამართვა“. ანუ, პროკურორ ქორაიას შესავალი სიტყვიდან ჩანდა, რომ პროკურატურა თავდაპირველი პოზიციის შეცვლას არ აპირებს.
თავისი კოლეგების მსგავსად (რომლებიც ამ საქმეში ქორაიას და მგელიაშვილის მოსვლამდე იყვნენ ჩართულნი) პროკურორი გოჩა ქორაია და მოსამართლე დავით მგელიაშვილი მამა იონათამს ისე მოიხსენიებდნენ, როგორც საერო პირს - საერო სახელითა და გვარით. მოსამართლე და პროკურორი მამაოს ბატონობით მიმართავდნენ.
ბრალდებულების ინტერესებს იცავდნენ ადვოკატები: გია ტაბლიაშვილი, გელა ნიკოლაიშვილი, გიორგი ჭალიძე, ლევან გორხელაშვილი, გელა შავიძე, ლია ედიშერაშვილი, ლელა შავიძე.
სხდომა 50-კაციან დარბაზში გაიმართა, სადაც მოსამართლესთან, სხდომის მდივანთან, ორ პროკურორთან, ოთხ ბრალდებულთან და მათი უფლებების დამცველ ადვოკატებთან ერთად 19 ადამიანი ვისხედით. მათგან სამი სასულიერო პირი, ბრალდებულების გულშემატკივარი საერო პირები, ორი ახალგაზრდა, რომლებიც სტაჟირებას თბილისის საქალაქო სასამართლოში გადიან, აშშ-ს საელჩოს წარმომადგენელი და გადაგვარებული სექსუალური ორიენტაციის მქონე პირების ორი დამცველი.
საქმის არსებითი განხილვა მოსამართლემ ბრალდებულების ვინაობის დადგენით დაიწყო. მამა იონათამმა თქვა, რომ მიღებული აქვს ტექნიკური და სასულიერო განათლება და რომ ცხოვრობს ფერისცვალების მონასტერში. მოსამართლემ მამაოს ოჯახური მდგომარეობის შესახებ ჰკითხა. ბერი ვარო, - მიუგო მამა იონათამმა. ესე იგი დასაოჯახებელიო?! - კითხვა შეუბრუნა მოსამართლემ. მამაომ გაიმეორა, ბერი ვარო და მოსამართლემაც დააზუსტა - ოჯახური მდგომარეობის გასწვრივ ჩავწერთ, რომ ხართ ბერიო.
ცნობისათვის - მამა იონათამი ერთ-ერთი იმათთაგანია, ვინც უწმიდესთან და უნეტარესთან ერთად 2008 წლის აგვისტოში სოფელ შინდისიდან თავისი ხელით გამოასვენა გმირულად დაღუპული ქართველი ჯარისკაცების ცხედრები.
მეორე ბრალდებულის, გიორგი ბასიაშვილის მოკლე ბიოგრაფიული ცნობები ასეთია - 1972 წელს დაიბადა. საშუალო განათლება აქვს მიღებული. არის ორი ქალიშვილის მამა და ელოდება მესამე შვილს. ამავდროულად, ქალაქ რუსთავში ბოდიბილდინგის და ფიტნესის ფედერაციის პრეზიდენტია. ამავე სპორტის სახეობებში მწვრთნელად მუშაობს. ნასამართლევი არასდროს ყოფილა.
ბექა სალუქვაძე - 1991 წელს დაიბადა. ამჟამად სწავლობს ივანე ჯავახიშვილის სახელობის თბილისის სახელმწიფო უნივერსიტეტის მაგისტრატურის პირველ კურსზე. ნასამართლევი არასდროს ყოფილა, დასაოჯახებელია.
ტიტალ დავრიშიანი - 1982 წელს დაიბადა. ამჟამად უმუშევარია. არის ნასამართლევი. დაოჯახებული არ გახლავთ.
მამა იონათამს (ერისკაცობაში ირაკლი ბასილაიას), გიორგი ბასიაშვილს, ბექა სალუქვაძეს და ტიტალ დავრიშიანს ბრალი წაყენებული აქვთ სისხლის სამართლის კოდექსის 161-ე მუხლის პირველი ნაწილით. ეს ნიშნავს, რომ პროკურატურა მათ ბრალად სდებს “შეკრების ან მანიფესტაციის მოწყობის ანდა მასში მონაწილეობის უფლების განხორციელებისათვის უკანონოდ ხელის შეშლა ძალადობით, ძალადობის მუქარით ან სამსახურებრივი მდგომარეობის გამოყენებით“.
სისხლის სამართლის კოდექსის მიხედვით, მოსამართლემ ბრალდებულებს შეიძლება დააკისროს ჯარიმა, ან ერთი წლის განმავლობაში გამასწორებელი სამუშაო, ანდა ორ წლამდე თავისუფლების აღკვეთა, თანამდებობის დაკავების ან საქმიანობის უფლების ჩამორთმევით ვადით სამ წლამდე. წარდგენილ ბრალს, არც ერთი ბრალდებული არ აღიარებს.
ბრალდებულების ვინაობის დადგენის შემდეგ პროკურორმა გოჩა ქორაიამ შესავალი სიტყვა თქვა, რომელსაც გარკვევით და გამოთქმით 11 წუთი კითხულობდა. ამ სიტყვის მოკლე შინაარსი ასეთი გალხავთ:
ბრალდებულებმა გადალახეს პოლიციის კორდონი და ფიზიკური ანგარიშსწორების მუქარით “იდენტობას“ არ მისცეს საშუალება პუშკინის სკვერში გაემართათ აქცია. მამა იონათამი ლესელიძეზე წინ გადაეღობა იმ სამარშრუტო მიკროავტობუსს (რომელშიც ისხდნენ პუშკინის სკვერში აქციის ჩატარების მოსურნეები), იგი თურმე ძალადობდა და მიკროავტობუსს გზის გაგრძელების საშუალებას არ აძლევდა. ბექა სალუქვაძეს მიკროავტობუსის მინა ჩაუმსხვრევია, ტიტალ დავრიშიანს კი აგრესია გამოუხატავს და ცდილობდა მიკროავტობუსში მსხდომებს ფიზიკურად გასწორებოდა. გიორგი ბასიაშვილი თურმე აგრესიულად გადაადგილდებოდა, რაც ვიდეოკამერებს დაუფიქსირებიათ.
პროკურორმა რამდენჯერმა გაიმეორა, რომ ბრალდებულებმა ხელი შეუშალეს “ “ჰომოფობიის და ტრანსფობიის წინააღმდეგ აქციის გამართვას“. გოჩა ქორაია დაგვპირდა, რომ: სასამართლოზე დაიკითხებიან დაზარალებულები, მოწმეები, პოლიციის თანამშრომლები; ბრალდება წარმოადგენს ვიდეოჩანაწერებს, დაზიანებულ მიკროავტობუსებზე ჩატარებულ ტრასოლოგიური ექსპერტიზის დასკვნებს და იმათი ჯანმრთელობის მდგომარეობის ამსხველ ექსპერტიზის დასკვნებს, რომლებმაც 17 მაისს დაზიანებები მიიღეს.
ბექა სალუქვაძის უფლებების დამცველის, ადვოკატ გიორგი ჭალიძის თქმით, საქმის მასალებში, არც ერთი მტკიცებულება არ დევს, რომლითაც დადასტურდება, რომ ბექა სალუქვაძემ მიკროავტობუსის მინა ჩაამტვრია. ადვოკატის განმარტებით, პროკურატურას ვერ აზუსტებს სალუქვაძემ აგრესია ვის მიმართ გამოხატა.
გიორგი ჭალიძის განცხადებით, 17 მაისს ქუჩაში დაახლოებით ასი ათასი ადამიანი გამოვიდა გარყვნილების დემონსტრირების წინააღმდეგ, ტრადიციული რელიგიური ფასეულობების დასაცავად და პროკურატურამ ამ 100 ათასი ადამიანიდან 5 აქცია განტევების ვაცად, ლოგიკით - ვინმე ხომ უნდა დაგვესაჯაო?!
აქვე შეგახსენებთ, რომ მეხუთე ბრალდებულის, მამა ანთიმოზის (თამაზ ბიჩინაშვილის) წინააღმდეგ სათანადო მტკიცებულებების არქონის გამო მოსამართლე მერაბ ჯორბენაძემ სისხლის სამართლებრივი დევნა 1 აგვისტოს შეწყვიტა.
ადვოკატ გია ტაბლიაშვილის თქმით, პროკურატურის მხრიდან აბსურდია იმის მტკიცება, რომ 17 მაისს მოწყობილ რამდენიმე ათეულ ათასიანი შეკრების ორგანიზატორი იყო მამა იონათამი. ტაბლიაშვილი ამბობს, რომ ამ კუთხით მამაოსთან მიმართებაში არა თუ პირდაპირი, არამედ ირიბი მტკიცებულებაც არ არსებობს და რომ ძიების დროს დაკითხული, არც ერთი მოწმის ჩვენება არ არის მამა იონათამის წინააღმდეგ მიცემული. გია ტაბლიაშვილის თქმით, მამა იონათამის და სხვა სასულიერო პირების მოქმედება სიკეთისკენ და ძალიან დიდი უბედურების თავიდან აცილებისკენ იყო მიმართული.
მამაოს უფლებების დამცველი, კიდევ ერთი ადვოკატი გელა ნიკოლაიშვილი ამბობს, რომ საქმის მასალებში წარდგენილი ბრალდების დამადასტურებელი ერთი ფურცელიც კი არ დევს.
ბრალდებულ ტიტალ დავრიშიანის და გიორგი ბასილაშვილის უფლებების დამცველი ადვოკატები აცხადებენ, რომ მათი დაცვის ქვეშ მყოფებს ბრალი უსაფუძვლოდ აქვთ წარდგენილი, რაც მტკიცებულებების გამოკვლევის ეტაპზე ყველასათვის ცხადი გახდება და რაზე დაყრდნობითაც მოსამართლე გამამართლებელ განაჩენს გამოიტანს.
17 მაისის მოვლენებზე ბრალდებულების საქმის არსებითი განიხლვა 9 იანვარს გაგრძელდება და ამ დღეს მტკიცებულებების გამოკვლევა დაიწყება.
