სააკაშვილი რუსეთის მიერ ევროპის საპარლამენტო ასაბლეის 2009 წლის 28 იანვრის რეზოლუციიის შესრულებას დღემდე საეჭვოდ არ მოითხოვს... 2009 წლის 28 იანვარს, ევროპის საპარლამენტო ასაბლეამ დაგმო რუსეთის მიერ სამხრეთ ოსეთის და აფხაზეთის დამოუკიდებლობის აღიარება და ასეთი აღიარება საერთაშორისო სამართლის საწესდებო პრინციპების და ევროპის საბჭოს წესდების დარღვევად მიიჩნია.
გაზიარება
[ბიძინა სავანელი. 15:19 08-12-2010]
ევროპის საპარლამენტო ასაბლეამ კვლავ განაცხადა საქართველოს სუვერენიტეტის და ტერიტორიული მთლიანობის, აგრეთვე მისი საზღვრების ურღვეობის სრული მხარდაჭერის შესახებ, და რუსეთს კვლავ მოუწოდა გაითხოვოს სამხრეთ ოსეთის და აფხაზეთის დამოუკიდებლობის აღიარება.
ევროპის საპარლამენტო ასაბლეამ კვლავ განაცხადა, რომ, საერთაშორისო სამართლის თანახმად, რუსეთი პასუხს აგებს ადამიანის უფლებების და ჰუმანიტარული სამართლის ნორმების დარღვევისთვის რაიონებში, რომელიც იმყოფება მისი ფაქტიური კონტროლის ქვეშ.
ევროპის საპარლამენტო ასაბლეამ დაგმო რუსეთის არასანქციონირებული სამხედრო ყოფნა და მის მიერ ახალი სამხედრო ბაზების შექმნა სამხრეთ ოსეთის და აფხაზეთის სეპარატისტულ რეგიონებში, აგრეთვე ახალგორში, პერევში და ზემო აფხაზეთში.
იმ უდავო მტკიცებულებათა შუქზე, რომ საქართველომ და რუსეთმა ომის დროს დაარღვია ადამიანის უფლებების და ჰუმანიტარული სამართლის ნორმები, ევროპის საპარლამენტო ასაბლეა თვლის, რომ ახალი სამშვიდობო ფორმატის შექმნას და რეგიონში მშვიდობის შენარჩუნებისთვის სამშვიდობო ძალების ინტერნაციონალიზაციას, გადამწყვეტი მნიშვნელობა ენიჭება სტაბილობისა და უსაფრთხოებისთვის, და ამ რეგიონების სტატუსის საკითხისგან არ უნდა იქნას დამოკიდებული.
არადა, აფხაზეთის და “სამხრეთ ოსეთის” მშვიდობიანი მოგვარების ანალოგიური გზა, საქართველოს მეცნიერებათა აკადემიის, საქართველოს ტექნიკური უნივერსიტეტის, თბილისის სახელმწიფო უნივერსიტეტის, თბილისის სახელმწიფო სამედიცინო უნივერსიტეტის 52 პროფესორის 2004 წლის 20 მაისის ოფიციალურ მიმართვაში იყო დაყენებული. კერძოდ, მოთხოვნა შემდეგნაირად იყო ფორმულირებული: “ლტოლვილთა უპირობო დაბრუნების მანდატით სოხუმის და ცხინვალის რეგიონებში რუსეთის დე-ფაქტო საოკუპაციო ჯარს ჩაენაცვლოს გაეროს სამშვიდობო შეიარაღებული ძალები საქართველოს არამოსაზღვრე ქვეყნებიდან!”
უფრო მეტი, პროფესორები ხელისუფლებას არიგებდნენ: ლტოლვილთა უპირობო დაბრუნების მანდატით სოხუმის და ცხინვალის რეგიონებში რუსეთის დე-ფაქტო საოკუპაციო ჯარის ჩანაცვლება გაეროს სამშვიდობო შეიარაღებული ძალებით არის საქართველოს ტერიტორიული მთლიანობის აღდგენის ერთადერთი და მშვიდობიანი გზა. და აქვე ისინი აფრთხილებდნენ: “სხვა ყველაფერი პრობლემის საბოლოო კონსერვაციამდე მიგვიყვანს.”
სააკაშვილმა - ამ ურწმუნო თომამ – ყურად არ იღო ბრძენკაცთა რჩევა და ხელი შეუწყო გამოუსწორებელ იმპერიალისტს აფხაზეთი და “სამხრეთ ოსეთი” დაეპყრო!
სააკაშვილი არა თუ ქართველ ბრძენკაცთა რჩევას, არამედ ევროპის საპარლამენტო ასაბლეის 2009 წლის 28 იანვრის რეზოლუციასაც კი ბოროტად უგულველყოფს.
შევარდნაძემ დე-ფაქტოდ, ხოლო სააკაშვილმა დე-იურედ რუსეთს საქართველოს ტერიტორიის მეხუთედი ჩააბარა.
ქართველნო, ხომ არ იკვეთება აქ ღალატის დანაშაულებრივი ნიშნები?!
პროფესორი ბიძინა სავანელი
ექსპერტი ადამიანის უფლებათა განათლების დარგში (ჟენევა),
ადამიანის უფლებათა ფილოსოფიური საზოგადოების წევრი (ნევადა),
სამართლის და საზოგადოების ევროპული ასოციაციის წევრი (პარიზი).
