სამეგრელო–ზემო სვანეთის რეგიონში, რომელიც დამოუკიდებელი მედიის სიმცირეს განიცდის, დასავლეთ საქართველოში პირველი, ინტერნეტ რადიოსადგური გაიხსნა.
გაზიარება
[00:41 15-02-2011]
„ქართულმა რადიომ“ მაუწყებლობა 2011 წლის 7 თებერვალს დაიწყო. მსმენელს გემოვნებიან მუსიკასთან ერთად, ყოველ სრულ საათზე ობიექტური საინფორმაციო გამოშვების და საინტერესო გადაცემების მოსმენა – 24 საათის განმავლობაში შეუძლია.
მიუხედავად იმისა, რომ რადიომ მაუწყებლობა მხოლოდ 10 დღეა დაიწყო, მედიასაშუალების ინტერნეტ გვერდს დღე–ღამეში საშუალოდ 1 000 ადამიანი სტუმრობს.
„ქართული რადიოს“ მიზანია საზოგადოებას მიაწოდოს მიუკერძოებელი ახალი ამბები და ეთერში გააჟღეროს ცენტრალური საინფორმაციო საშუალებების მიერ იგნორირებული ინფორმაციები.
„ქართული რადიოს“ მოსმენა, ინტერნეტგვერდზე qartuliradio.blogspot.com და მობილურ ტელეფონში მსოფლიოს ნებისმიერი ქვეყნიდანაა შესაძლებელი.
