მოქალაქე ელენე ფოჩხუას კიდევ ერთი კრახი – ამჯერად ზუგდიდის თეატრში

ავტორი დაჩი კვიკვინია
22:59 11.08.2011
რამდენიმე წუთის წინ ზუგდიდის შალვა დადიანის სახელობის სახელმწიფო დრამატულ თეატრში მოქალაქე ელენე ფოჩხუას კონცერტი დასრულდა. რიგითმა მაყურებლებმა, რომლებმაც საღამოზე დასასწრებად 5 ლარი გადაიხადეს, უკმაყოფილება ჟურნალ "ღია ბოქლომთან" საუბრისას გამოთქვეს. ზუგდიდელები ამბობდნენ, რომ ფოჩხუას რეპერტუარი უკვე მოსაწყენი გახდა და მის მიერ შესრულებული სიმღერები მსუბუქად რომ ვთქვათ არაგემოვნებიანია.

კონცერტი სამეგრელო–ზემო სვანეთის რეგიონში პრეზიდენტის სახელმწიფო რწმუნებულის ზაზა გოროზაიას პატრონაჟით გაიმართა. თეატრის დარბაზი "ნუცას სკოლელს" უფასოდ დაეთმო. გოროზიასვე ბრძანებით სამხარეო ადმინისტრაციის თანამშრომლებს 5 ლარიანი ბილეთის შეძენა აიძულეს, სავარაუდოდ იგივე სცენარი განმეორდა რაიონის გამგეობაშიც. მიუხედავად იმისა, რომ საჯარო მოხელეებს ბილეთების დიდი რაოდენობა "შეტენეს", 300 ადამიანზე გათვლილი დარბაზის ბოლომდე შევსება მაინც ვერ მოხერხდა.

ფოჩხუამ წარმატებას ვერც პროექტ "ჯეოსტარში" მიაღწია. ბათუმში კი დიდი მცდელობის მიუხედავად ფესტივლლ "გოლდენ ტალანტ 2011"– ში გრანპრს ვერ დაეპატრონა. ელენეს სხვა ფესტივალებშიც აქვს მიღებული მონაწილეობა, თუმცა საპატიო პოზიციაზე თითქმის ვერცერთ ჯერზე ვერ მოხვდა.

5 ლარიანი კონცერტის ორგანიზატორი საზოგადოების ყურადღების ცენტრში პირველად სიმღერა "მალაიკას" უბადლოდ შესრულებით მოექცა. მაშინ ის პუბლიკამ შეიყავრა, მაგრამ საბოლოოდ ყველა ღონისძიებაზე მაყურებლის წინაშე ამ კომპოზიციით გამოსვლა მომაბეზრებელი აღმოჩნდა, ამიტომ დღეს, ზუგდიდის თეატრის, საუკუნენახევრის სცენაზე, მან კიდევ ერთი კრახი განიცადა.

უკმაყოფილო ადგილობრივებმა, რომლებიც ბილეთში გადახდილი თანხის უკან დაბრუნებას მოითხოვდნენ, სინანული გამოთქვეს, ერთ დროს წარმატებული გოგონა უგემოვნო, გულცივ შემსრულებლად რომ გადაიქცა...

მსგავსი სტატია: სხვა ცნობებით ელენე ფოჩხუას კონცერტმა ანშლაგით ჩაიარა

უხამსობის შემცველი კომენტარების გამო facebook comment ამოღებულია.