„მოდით, ყველაფერი დავივიწყოთ რაც წარსულს უკავშირდება, განსაკუთრებით, კი 1990-91 წლები“... “რესპუბლიკური პარტიის“ ერთ-ერთი ლიდერის თინა ხიდაშელის სწორედ ამ საიტყვებს უკავშირდება წერილი რომელსაც „ღია ბოქლომი“ აქვეყნებს.
ხიდაშელის და კახა კუკავას დისკუსია ოპოზიციის გეგმებთან დაკავშირებით ტელეკომპანია „რუსთავი2“-ის პირდაპირ ეთერში გასულ თვეში გაიმართა. გადაცემა „არჩევანში“ „კონსერვატიული პარტიის“ წარმომადგენელმა „რესპუბლიკური პარტიის“ წევრების შავბნელ წარსულზე ისაუბრა და ისინი სამეგრელოს აოხრების თანამონაწილეებად გამოაცხადა. ხიდაშელმა კი საზოგაოებას და ოპონენტს წარსულის დავიწყება ურჩია...
გადაცემას გამოხმაურება მოჰყვა სამეგრელოში. „ღია ბოქლომმა“ მიიღო ყოფილი გვარდიელის და სამხედრო ბატალიონის მეთაურის ქალბატონი დალი ლატარიას წერილი, სადაც ის ამბობს, რომ „რესპუბლიკელებს“ მორალური უფლება არ აქვთ ხალხს წარსულის დავიწყება მოსთხოვონ, მისი თქმით უსუფაშვილი, ხიდაშელი და ძმები ბერძენიშვილები არ არიან ღირსი როდესმე ესტუმრონ სამეგრელოს, ხოლო თუ მაინც გადაწყვეტენ რეგიონში ჩამოსვლას, ლატარია შავოსანი დედების ქუჩაში გამოყვანით იმუქრება.
გთავაზობთ წერილის შემოკლებულ ვარიანტს.
ეროვნული გვარდიის „ნანას“ მეთაური დალი ლატარია: „მე, ერთ-ერთ ჩემს სატელევიზიო გამოსვლაში, მკაფიოდ განვაცხადე იმის შესახებ, რომ პარტია „რესპუბლიკელების“ წევრები: თინა ხიდშელი, დავით უსუფაშვილი და ძმები დავით და ლევან ბერძენიშვილები, ვერ ჩამოვიდონოდნენ სამეგრელოში. მიზეზი კი გასაგებად ავხსენი და ახლაც იმავე პოზიციაზე ვჩები. ამ თემასთან დაკავშირებით წერილის გამოქვეყნება იმიტომ გადავწყვიტე, რომ „რუსთავი2“-ის ეთერში, კუკავასთან დებატებში, „რესპუბლიკელების“ წევრმა, თინა ხიდაშელმა, უგუნური და შეურაცხმყოფელი სიტყვები წარმოსთქვა. ცივსისხლიანი ხიდაშელის განცხადებამ მთელი სამეგრელო შეძრა. მე მინდა მას რამოდენიმე სიტყვით მივმართო: თქვენი თქმთ, თურმე წარსული უნდა დავივიწყოთ.…უკაცრავად, მაგრამ ქალბატონო თინა, წასრული, რომელიც ჩვენში არსებობს, დასავიწყებელი ნამდვილად არ არის. ამასთან უნდა შეგახსენოთ, რომ თქვენი პარტიის წაქეზებით და წარსულში ჩადენილი არაჯანსაღი პოლიტიკის გამო, დამხობილ იქნა კანონიერი ხელისუფლება – პრეზიდენტი ზვიად გამსახურდია. დააპატიმრეს ბევრი უდანაშაულო ადამიანი, აოხრდა სამეგრელო ...
მინდა გკითხოთ: მაშინ, როდესაც 1990-91 წლებში საქართველო უიმედო მდგომარეობში იმყოფებოდა, მაშინ, როდესაც აკაკი ელიავა, თავის თანამოაზრეებთან ერთად დახვრიტეს, როდესაც ათასობით ადამიანი იქნა მოკლული, რამდენიმეს კი სასჯელის უმაღლესი ფორმა დახვრეტა შეუფარდეს - იქნებ მიპასუხოთ სად იყო იურისტი თინა ხიდშელი?! სად იყვნენ თქვენი პარტიის წევრები?! ალბათ კარგად გახსოვთ ის სისხლიანი დღეები, არა ქალბატონო თინა?!... აი, თუნდაც გავიხსენოთ როგორ დახვრიტეს სტუდენტი გოჩა ჯიქია საკუთარი სახლის წინ;…რა სინდიდით ეუბნებით მის ოჯახს ეს საზარელი ფაქტი დაივიწყეთო?...
ჩვენ გვინდა თავისუფალი და მთლიანი საქართველო – ამისათვის გავიღეთ დიდი მსხვერპლი, თუმცა მიზანი შესრულებული არ არის...“
არასოდეს არ უნდა დავივიწყოთ ვისი გორისა ვართ და საიდან იწყება საქართველოს. დამოუკიდებლობა“.
ლატარიას ბრალდებებზე კომენტარს არ აკეთებენ „რესპუბლიკური პარტიის“ ლიდერები პირად საუბარში კი პოლიტიკური მოძრაობის წევრები ქალბატონ დალის საკუთარ ცოდვებს ახსენებენ და ამბობენ, რომ სამეგრელოში მაშინ ჩამოვლენ როდესაც მოესურვებათ.
[თამარ ძაპტაშვილი, "ღია ბოქლომი" 11 (15)]
