პოლიციელებმა მეთერთმეტე კლასელებს რესტორანში სცემეს

16:26 02.07.2011
ინგირში რესტორან „სამეფოში“ 30 ივნისს, ღამით პოლიციელებმა მეთერთმეტე კლასელებს სცემეს.

ამის შესახებ livepress.ge-ს წყაომ აცნობა. წყაროს თქმით, ზუგდიდის მეორე საჯარო სკოლის მეთერთმეტე კლასელები რესტორან „სამეფოში“ მეგობრის დაბადების დღეს აღნიშნავდნენ, იქვე ქეიფობდნენ პოლიციელებიც. „ბავშვები თავისთვის ერთობოდნენ, არაფერი დაუშავებიათ, პოლიციელებმა უცებ ჩხუბი ერთმანეთში დაიწყეს და სრულიად გაუგებარ ვითარებაში არასრულწლოვნებს საშინლად სცემეს. მერე ხელბორკილები დაადეს და უკანა გასასვლელით გაიყვანეს. გარეთაც ურტყეს, მანქანაში ჩატენეს და სამმართველოში წაიყვანეს“, ამბობს წყარო. მისივე ცნობით, მთვრალი პოლიცილები უხეშად სკოლის მოსწავლე გოგონებსაც მოექცნენ. „იმ ღამით, ერთერთი პოლიციაში დატოვეს და მეორე დღეს გაათავისუფლეს“, ყვება წყარო.

livepress.ge