მაშინ როცა საქართველოს პრეზიდენტი, მიხეილ სააკაშვილი მთავრობის წევრებთან ერთად, ”სახალხო დაბოლების” მორიგ მასკარადს თელავში მართავდა, მერაბიშვილის ”ზონდერბრიგადები” ადგილბრივი ოპოზიციის წარმომადგენლებს, ფიზიკურად უსწორდებოდა.დღის 3 სათზე, შინაგან საქმეთა სამინისტროს, თელავის სამმართველოს უფროსის, შოთა ბეჟანიშვილის, კრიმინალური პოლიციის უფროსის, აკა საჩიშვილის და ”კუდი”-ს უფროსის გოგი გიორგელაშვილის ხელმძღვანელობით, 15 მდე პოლიციელი, ”კონსერვატიული ”პარტიის თელავის რაიონული ორგანიზაციის ოფისში შევარდა და პარტიის წევრებს ფიზიკურად გაუსწორდა.
”კუდისა” და ”სოდის” თანამშრომლები "კონსერვატიული პარტიის" ოფისში შეიჭრნენ და პარტიის წევრები იარაღის კონდახებით სცემეს. "სამართალდამცველებმა მათ იარაღის კონდახები ურტყეს და სხეულის სხვადასხვა სიმძიმის დაზიანებები მიაყენეს.
ოპოზიციის დარბევის დროს, ”კონსერვატიული” პარტიის ოფისის კართან მდგარმა კუდ-ისა და სოდ-ის თანამშრომლებმა ჟურნალისტები ოფისში არ შეგვიშვეს.
პოლიციის მაღალჩინოსნების მიერ ჩატარებული ვანდალური აქტის შედეგად, სხეულის მსუბუქი დაზიანებები მიიღეს:
”კონსერვატიული” პარტიის თელავის რაიონული ორგანიზაციის თავმჯდმარის მოადგილემ, გიორგი მსიაშვილმა, ”კონსერვატიული” პარტიის წევრემა, ალიკა ტალიურმა, კონსერვატიული” პარტიის წევრმა ერეკლე ცოცანიძემ, ”რესპუბლიკური” პარტიის თელავის რაიონული ორგანიზაციის თავმჯდომარემ, გოგი ჭონიშვილიმა და ”მემარჯვენე” არჩილ ჯორჯაძემ.
ხოლო სხეულის მძიმე დაზიანებებით, ”კონსერვატიული” პარტიის წევრი გოგიტა დალაქიშვილი, 03-ის ბრიგადამ თელავის რაიონულ საავადმყოფიში გადაიყვანა, სადაც მას, თავის არეში მრავლობითი ”გემატომა” და ”თავის ქალის” ტრავმა დაუდგინდა.
პოლიციის მიერ, ოპოზიციის წევრების დარბევა, როგორც ზემოთ აღვნიშნეთ, მთავრობის მიერ ჩარატებული ”მასკარადის” პარალელურად მოხდა.
იმ დროს როცა სამინისტროები თელაველებს ”სახალხო ანგარიშის” ფარგლებში საკუთარ მიღწევებზე ესაუბრებდნენ, ”კონსერვატიული” პარტიის ოფისიდან, გადაცემა ”საკანის’ მუსიკა ისმოდა რამაც ცენტრალური და ადგილობრივი ხელისუფლების გაღიზიანება გამოიწვია.
პოლიციის მიერ ოპოზიციის წევრების ცემატყეპას, თელავის მუნიციპალიტეტის საკრებულოს თავმჯდომარის მადგილე, ფარნა მაყაშვილი და საკრებულოს იურისტი, იმედა კევლიშვილი ადევნებდნენ თვალყურს.
ოპოზიციის წევრების ცემასთან ერთად, პოლიციამ ”კონსერვატიული” პარტიის ინვენტარი და საოფისე ავეჯიდალეწა.
მომხდარის შესახებ, ”ჯეოტოპნიუსმა” ადამიანის უფლებათა დაცვის საპარლამენტო კომიტეტის თავმდომარეს, გია არსენიშვილს აცნობა.
მაგრამ არსენიშვილმა ჩვენთან სატელეფონ საუბარში განაცხადა, რომ ის უკვე თელავში აღეა იმყოფებოდა, თუმცა ამ სატელეფონო საუბრის დროს, იგი თლავის გამგეობის შენობასთან იდგა.
ოპოზიციის დარბევის ფაქტთან დაკავშირებით, ჩვენ კახეთის სამხარეო ადმინისტრაციასაც დავუკავშირდით, თუმცა მომხდართან დაკავშირებით, კომენტარის გაკეთებაზე არც აქ შეიწუხა თავი ვინმემ.
[რომან ქევხიშვილი, gtn.ge]
