00:26 03.07.2011
ჯონდი ბაღათურია თინეიჯერების რისხვას შემთხვევით გადაურჩა. ნებისმიერ აქტიურ ახალგაზრდას ჯონდის გამოსვლისთვის თუნდაც ერთი წუთით რომ მოესმინა, დეპუტატი კითხვებზე პასუხის გაცემას ვეღარ აუვიდოდა. არადა გამოსვლა ბაღათურიამ საკმაოდ სერიოზული თემით დაიწყო – სტიქიის მიერ გამოწვეული ზარალი, პრობლემების გადაჭრის გზები, დაზარალებულების რაოდენობა, ზარალის ოდენობა და თავის საყვარელ ეტაპამდეც მივიდა. 
ჯონდი ბაღათურია:
– უნდა შეწყდეს თანხების უმისამართო ხარჯვა. დროსტარება და ქეიფი ყველას გვიყვარს, მაგრამ ახლა ისეთი დროა, რომ ხელისუფლებამ ამისთვის ხარჯები არ უნდა გაიღოს. შეხედეთ თუნდაც ერთ საინფორმაციო გამოშვებას, რამდენი დისკოთეკა და გასართობი პროგრამა ანონსდება რომლებშიც 2, 3, 4 და 5 მილიონი იხარჯება, როგორც წესი.
ყველაფერთან ერთად, „მყვირალა დეპუტატმა“ შადრევნების მშენებლობის შეწყვეტაც მოითხოვა. ეს კიდევ გასაგებია, მაგრამ საინტერესოა, რომელ არხს, რომელ საათზე ან რომელ საინფორმაციო გამოშვებებს უყურებს ბატონი ჯონდი, სადაც ასე აქტიურად ანონსდება დისკოთეკების დაწყება-გახსნა...
ptpress.ge
