18:15 05.07.2011
გამოვხატავთ ჩვენს უკიდურეს აღშფოთებას, საქართველოს ხელისუფლების მიერ "კანონის რელიგიური დენომინაციების შესახებ" ფორსირებული ტემპით მიღების გამო. ასრულებს რა ქართველი ერისა და მართლმადიდებლური ეკლესიისადმი მტრულად განწყობილი ძალების შეკვეთას, ხელისუფლება მოქმდებს შეფარული მეთოდებით და ცდილობს ქართველ ერს არ მისცეს სიტუაციაში ნათლად გარკვევის საშუალება.
ამ კანონის მიღება საქართველოში გამოიწვევს ისტორიულად ჩამოყალიბებული ეთნიკურ-რელიგიური წონასწორობის დარღვევას. უხეშად შეილახება საკონსტიტუციო შეთანხმება სახელმწიფოსა და საქართველოს ეკლესიას შორის, ხოლო სხვადასხვა რელიგიური დენომინაციები მიიღებენ თანაბარ უფლებებს. ძნელი არ არის საქართველოსთვის ამ კანონის დამანგრეველი შედეგების წარმოდგენა.
მივმართავთ მთელ ქართველ ერს, ყველა მამულიშვილს, არ დავუშვათ აღნიშნული კანონის ამოქმედება და ხელისუფლების მზაკვრულ გეგმას შევეწინააღმდეგოთ ჩვენს ხელთ არსებული ყველა საშუალებით.
ჩვენ, წინააღმედგობის მოძრაობა მოგიწოდებთ: დავიწყოთ მზადება საერთო-სახალხო პროტესტის გამოხატვისათვის.
