ფოთში გამომავალი გაზეთის რედაქტორი ელისო ჯანაშია „ღია ბოქლომის“ და მისი რედაქტორის წინააღმდეგ სასამართლოში ჩივილს გეგმავს. უკომენტაროდ გთავაზობთ ჩვენი კოლეგის მიერ facebook.com –ზე გავრცელებულ კომენტარს.ელისო ჯანაშია: "“ღია ბოქლომის” თავხედობაზეც მომიხდა პასუხის გაცემა, დიდი სიამოვნებით შევეცდები მოკლედ აგიხსნათ. ეს არასერიოზული გამოცემა დიდი ხანია დაკავებულია დეზინფორმაციის და შეურაცხმყოფელი პუბლიკაციების გავრცელებით: ასე მაგალითად, “ნუთუ თამთა შედანია გაბოზდა?”, “კვალიაშვილი და კაკულია ცირკის ბოზები არიან” (სტილი დაცულია) და ა.შ. (სხვათა შორის, თამთა შედანიას ოჯახმა მას სასამართლო პროცესი მოუგო. წერილის ავტორს ინფორმაციის უარყოფა დაეკისრა, მაგრამ მას ის დღემდე არ შეუსრულებია)
ჟურნალი ასევე შეთხზულ ამბების ბეჭდვასაც არ ერიდება, უხეშად ერევა ადამიანების პირადი ცხოვრებაში (მაგ।გუბერნატორისა და მისი პრეს-სამსახურის სასიყვარულო ისტორია)და საკუთარი ვითომ გატაცების ფაქტს ჩინოვნიკთა მხრიდან, დამაჯერებლად ავრცელებს. მან ასევე გაავრცელა ინფორმაცია ანაკლიაში პრეზიდენტისთვის ფეხსაცმლის სროლის ფაქტზე. ჩვენი გაზეთის ჟურნალისტმა, გადაამოწმა აღნიშნული ინფორმაცია და თავად ჩავიდა შემთხვევის ადგილზე. მოკვლევის შედეგად გაარკვია, რომ აღნიშნული ინფორმაცია სიმართლეს არ შეეფერებოდა. ამის შესახებ ჩვენს გაზეთში საკმაოდ მწვავედ დავწერეთ, სადაც იმასაც ავღნიშნავდით, რომ “ღია ბოქლომმა” ეს ინფორმაცია თავად შეთხზა, მაგრამ მორიგი სკანდალი წარმატებულად არ გამოუვიდა. ამის უარსაყოფად “ღია ბოქლომის” რედაქტორს არაფერი უთქვამს. ჩვენ ისიც ვიცოდით, რომ მან პირად საუბრებშიი რამდენიმე ადამიანთან თქვა კიდევაც, რომ ეს მისი გამოგონილი იყო. ამის შემდეგ ის ამ ფორმით დაგვიპირისპირდა. ამას დაემატა ერთი ფაქტი: “ღია ბოქლომის” რედაქტორმა ვებ-გვერდ რეგიონს.გე-ს მესვეურებს , რომელთანაც პროექტის ფარგლებში ჩვენი გაზეთი თანამშრომლობს, მისწერა თანამშრომლობის შესახებ. მის შესაძლო პარტნიორობაზე, სხვა კოლეგების მსგავსად, უარი განვაცხადე და კატეგორიულად ვთქვი: თუკი ის დადებდა მასალებს ამ გვერდზე, ეჭვქვეშ დადგებოდა სხვა პარტნიორი გაზეთების სანდოობის და რეპუტაციის საკითხიც და მე ამ შემთხვევაში გავწყვეტდი კონტრაქტს აღნიშნულ საიტთან. ამის შემდეგ, ილია ჩაჩიბაიამ ამ ფორმით დაიწყო შურისძიება. გულწრფელად მეცოდება ეს არსება, მაგრამ უკვე შეთანხმებული ვარ საია-ს იურისტთან და უახლოეს დღეებში შევიტან სარჩელს მის წინააღმდეგ. ძალიან არ მინდოდა ეს ყველაფერი, რადგან იმდენად არასერიოზული გამოცემისთვის დროის ხარჯვა მიზანშეწონილად არ მიმაჩნია, მაგრამ დღეს მან ფეისბუქზე სიტყვიერი შეურაცხყოფაც მომაყენა და ეს უკვე ნამდვილად ბოლო წვეთი იყო. ვინც დამიჯერებს დიდი მადლობა, ვინც არა, გთხოვთ წაიკითხოთ ჩვენი მასალები და დასკვნა თავად გააკეთოთ. მე ფაქტებით ცამოვთვალე ფაქტები, მან ჯერ პირადი შეურაცხყოფის გარდა, ჩემი თაღლითობისა და მატყუარობის დამადასტურებელი ფაქტი ჯერჯერობით ვერ დაასახელა. "
