14:16 25.11.2013
საქართველოს პრემიერ-მინისტრს,
ბატონ ირაკლი ღარიბაშვილს!
ბატონო პრემიერ-მინისტრო!
მოგმართავთ მედია-კავშირ „ობიექტივის“ 130-ზე მეტი წამყვანისა და ჩვენი ტელე-რადიო-ინტერნეტმაუწყებლობის მრავალრიცხოვანი მაყურებლის სახელით. „ობიექტივი“ ფლობდა 35-ე დეციმეტრული არხის ლიცენზიას. 2004-2005 წლებში ჩვენ ვმაუწყებლობდით თბილისის მასშტაბით და გვქონდა გეგმა, განგვევითარებინა საზოგადოებრივი მაუწყებლის ტიპის ტელევიზია, მაგრამ „ვარდების რევოლუციის“ შემდეგ ხელისუფლებაში მოსულმა ბოროტმა ძალამ პირველი დარტყმა მედიას მიაყენა და, შესაბამისად, ჩვენი ტელევიზია მძიმე ზეწოლის ქვეშ აღმოჩნდა. თავს არ შეგაწყენთ ამ ისტორიის დეტალურად გახსენებით, რადგან საჯაროდაა გავრცელებული კომუნიკაციების მარეგულირებელი ეროვნული კომისიის საქმიანობის შემსწავლელი დროებითი საპარლამენტო საგამოძიებო კომისიის მასალები, საიდანაც მკაფიოდ და ნათლად დასტურდება, რომ „ობიექტივს“ არხი სააკაშვილის რეჟიმის მაღალჩინოსნებმა წაართვეს. იმედს ვიტოვებ, რომ პროკურატურის ახალი შემადგენლობა ამ დანაშაულს აუცილებლად გამოიძიებს. თუმცა, ეს მომავლის საკითხია და დაკავშირებულია დროსთან, რაც ჩვენს წინააღმდეგ მუშაობს.
უკანასკნელი 9 წლის მანძილზე „ობიექტივისთვის“ ტელე-არხის წართმევის თემაზე მე, როგორც ამ ტელევიზიის მენეჯერმა და ჟურნალისტმა, არა ერთი გამოძიება ჩავატარე, მივმართე საპროტესტო აქციების, ბრიფინგების, საერთაშორისო ორგანიზაციებთან მუშაობის, სამოქალაქო აქტივობის გზას. სააკაშვილის რეჟიმის მმართველობის პირობებში ჩვენ, ასევე, მივმართეთ სასამართლოსაც, მაგრამ, როგორც მოსალოდნელი იყო, ყველა პროცესი წაგვაგებინეს.
2010 წლიდან ჩვენ დავიწყეთ ჯერ ინტერნეტ და რადიო, მოგვიანებით კი, ტელემაუწყებლობა: ბათუმის 25-ე არხისა და საკაბელო ტელევიზიების საშუალებით.
დღეს „ობიექტივი“ ქვეყანაში ერთ-ერთი ყველაზე რეიტინგული, ყურებადი ტელე-და რადიომაუწყებლობაა. ეს არის ერთადერთი ტელევიზია, რომელიც წარმოადგენს არასამთავრობო ორგანიზაციას, ანუ ჩვენი არხის მესაკუთრეა არა ბიზნესმენი, პოლიტიკოსი ან, უბრალოდ, მოქალაქე, არამედ არასამთავრობო ორგანიზაცია.
ჩვენ შექმენით ნამდვილი საზოგადოებრივი მაუწყებლის მოდელი, რადგან „ობიექტივის“ ეთერში გადაცემა მიჰყავს განსხვავებული მსოფლმხედველობის 130-ზე მეტ წამყვანს: ცნობილ ეკომონისტებს, ადვოკატებს, სტუდენტური მოძრაობის ლიდერებს, მეცნიერებს, კულტურისა და სპორტის დამსახურებულ მოღვაწეებს. ჩვენი მაუწყებლობა იმითაც განსხვავდება სხვა ტელევიზიების ფორმატისგან, რომ ესაა 24-საათიანი პირდაპირი და ინტერაქტიული მაუწყებლობა. ყოველდღიურად „ობიექტივის“ (საქართველოს ყველა რეგიონიდან, მსოფლიოს ათობით ქვეყნიდან) პირდაპირ ეთერში 200-ზე მეტი მოქალაქე გამოხატავს მის მოსაზრებასა და პოზიციას. საზოგადოება „ობიექტივს“ აღიქვამს, როგორც ხალხის ტრიბუნას და ეს მაღალი სანდოობა, მაყურებლის ასეთი დამოკიდებულება, რა თქმა უნდა, ზრდის ჩვენს პასუხისმგებლობას, მაგრამ, სამწუხაროდ, ვერ ზრდის ჩვენი გადაცემების გავრცელების არეალს.
ცოტა ხნის წინ „ობიექტივს“ „სტერეო+“-ის სიხშირეზეც შეეზღუდა ეთერი, რადგან ხსენებული სიხშირე ამიერიდან საპატრიარქოს ტელევიზიას გადაეცა. ჩვენ, რა თქმა უნდა, მივესალმებით საპატრიარქოს ტელევიზიის ამოქმედებას და გულწრფელად გაგვახარა ამ ინფორმაციამ, მაგრამ „ობიექტივს“ დააკლდა მაყურებელი, რომელიც ჩვენს გადაცემებს სახლის, ანუ ჩვეულებრივი მიმღების საშუალებით ადევნებდა თვალს და ეს ჩვენი მაუწყებლობისთვის სერიოზული ზიანია.
ბატონო პრემიერ-მინისტრო!
ვიცი რა მედიისადმი თქვენი განსაკუთრებული დამოკიდებულების შესახებ, თავს უფლებას ვაძლევ, მოგმართოთ დახმარების თხოვნით. მე მჯერა თქვენი. მჯერა, რომ თქვენთვის მნიშვნელოვანია ქვეყანაში თავისუფალი მედიის განვითარება. დარწმუნებული ვარ, რომ გახსოვთ, რა წვლილი შეიტანა „ობიექტივმა“ სააკაშვილის რეჟიმის წინააღმდეგ ბრძოლაში. ჩვენ არ ვყოფილვართ იმ ტიპის ჟურნალისტები, რომლებიც მოვლენებს ფანჯრიდან ადევნებდნენ თვალს. ჩვენ საქართველოში და საქართველოს ფარგლებს გარეთაც ვმოქმედებდით იმისთვის, რომ უცხოელი კოლეგებისთვის ობიექტური ინფორმაცია მიგვეწოდებინა. ჩვენ ვუძღვებოდით გადაცემებს სტუდიიდან და როცა არ გვქოდა რადიო და ტელევიზია, ვამზადებდით გადაცემებს „ქუჩის ტელევიზიისთვის“. ეს იყო უნიკალური მედია-პროექტი, რომელმაც (სააკაშვილის ბოროტი რეჟიმის პირობებში) სიმართლეზე თვალი არაერთ მოქალაქეს აუხილა.
ბატონო პრემიერ-მინისტრო!
მოგმართავთ თხოვნით, იხელმძღვანელოთ კომუნიკაციების მარეგულირებელი ეროვნული კომისიის საქმიანობის შემსწავლელი დროებითი საპარლამენტო საგამოძიებო კომისიის მასალებით და გვიშუამდგომლოთ სათანადო უწყებებთან, რათა „ობიექტივს“ დაუბრუნდეს წართმეული სიხშირე (35-ე დეციმეტრული არხი), ან გამოგვეყოს საქართველოს მთელ ტერიტორიაზე მაუწყებელი ალტერნატიული არხი.
ცხადია, ვიცი, რომ ჩვენი ტელეარხისთვის სიხშირის გამოყოფა კომუნიკაციების მარეგულირებელი ეროვნული კომისიის კომპეტენციაა, მაგრამ ვინაიდან ამ კომისიისადმი ჩემი ნდობა მინუს ერთია, ვიდრე ახალ წევრებსა და თავმჯდომარეს დაამტკიცებენ, საჭიროა ძველმა შემადგენლობამ სასწრაფოდ იზრუნოს „ობიექტივისთვის“ ტელეარხის დაბრუნება-გამოყოფის საკითხზე. აქ უმნიშვნელოვანესია, რომ არსებობდეს ნება სახელმწიფოს მხრიდან. საჭიროა შეიკრიბებოს კომუნიკაციების მარეგულირებელი კომისია, მოიწვიოს სხდომა და, საზოგადოების მაღალი ინტერესიდან და მოთხოვნიდან გამომდინარე, მიიღოს გადაწყვეტილება,- ჩვენთვის ალტერნატიული, საქართველოზე მაუწყებელი ტელე-სიხშირის გამოყოფის თაობაზე.
დიდი იმედი მაქვს, რომ თქვენთვის ჩვეული გულისხმიერებით გადაწყვეტთ ჩემს მიერ საჯაროდ დასმულ პრობლემურ საკითხს.
მჯერა, რომ საქართველოში აღარასოდეს განმეორდება დრო, როცა მესაკუთრეებს მასობრივად ართმევდნენ ტელეარხებს, სპობდნენ და ანადგურებდნენ მედია-საშუალებებს, საიდანაც განსხვავებული აზრი ისმოდა, ფიზიკურად უსწორდებოდნენ ჟურნალისტებს. მეტიც, ველოდებით ახალი ტელევიზიებისა და რადიოების, გაზეთებისა თუ ჟურნალების დაარსება-განვითარებას, რადგან თავისუფალი მედია ქვეყნის დემოკრატიულობის ხარისხის უმთავრესი ბარომეტრია.
მედია-კავშირ „ობიექტივის“ ჟურნალისტთა კორპუსის სახელით,
ჟურნალისტი ირმა ინაშვილი.
2013 წლის 25 ნოემბერი, თბილისი.
საქართველოს პრემიერ-მინისტრს,
ბატონ ირაკლი ღარიბაშვილს!
ბატონო პრემიერ-მინისტრო!
მოგმართავთ მედია-კავშირ „ობიექტივის“ 130-ზე მეტი წამყვანისა და ჩვენი ტელე-რადიო-ინტერნეტმაუწყებლობის მრავალრიცხოვანი მაყურებლის სახელით. „ობიექტივი“ ფლობდა 35-ე დეციმეტრული არხის ლიცენზიას. 2004-2005 წლებში ჩვენ ვმაუწყებლობდით თბილისის მასშტაბით და გვქონდა გეგმა, განგვევითარებინა საზოგადოებრივი მაუწყებლის ტიპის ტელევიზია, მაგრამ „ვარდების რევოლუციის“ შემდეგ ხელისუფლებაში მოსულმა ბოროტმა ძალამ პირველი დარტყმა მედიას მიაყენა და, შესაბამისად, ჩვენი ტელევიზია მძიმე ზეწოლის ქვეშ აღმოჩნდა. თავს არ შეგაწყენთ ამ ისტორიის დეტალურად გახსენებით, რადგან საჯაროდაა გავრცელებული კომუნიკაციების მარეგულირებელი ეროვნული კომისიის საქმიანობის შემსწავლელი დროებითი საპარლამენტო საგამოძიებო კომისიის მასალები, საიდანაც მკაფიოდ და ნათლად დასტურდება, რომ „ობიექტივს“ არხი სააკაშვილის რეჟიმის მაღალჩინოსნებმა წაართვეს. იმედს ვიტოვებ, რომ პროკურატურის ახალი შემადგენლობა ამ დანაშაულს აუცილებლად გამოიძიებს. თუმცა, ეს მომავლის საკითხია და დაკავშირებულია დროსთან, რაც ჩვენს წინააღმდეგ მუშაობს. უკანასკნელი 9 წლის მანძილზე „ობიექტივისთვის“ ტელე-არხის წართმევის თემაზე მე, როგორც ამ ტელევიზიის მენეჯერმა და ჟურნალისტმა, არა ერთი გამოძიება ჩავატარე, მივმართე საპროტესტო აქციების, ბრიფინგების, საერთაშორისო ორგანიზაციებთან მუშაობის, სამოქალაქო აქტივობის გზას. სააკაშვილის რეჟიმის მმართველობის პირობებში ჩვენ, ასევე, მივმართეთ სასამართლოსაც, მაგრამ, როგორც მოსალოდნელი იყო, ყველა პროცესი წაგვაგებინეს.
2010 წლიდან ჩვენ დავიწყეთ ჯერ ინტერნეტ და რადიო, მოგვიანებით კი, ტელემაუწყებლობა: ბათუმის 25-ე არხისა და საკაბელო ტელევიზიების საშუალებით.
დღეს „ობიექტივი“ ქვეყანაში ერთ-ერთი ყველაზე რეიტინგული, ყურებადი ტელე-და რადიომაუწყებლობაა. ეს არის ერთადერთი ტელევიზია, რომელიც წარმოადგენს არასამთავრობო ორგანიზაციას, ანუ ჩვენი არხის მესაკუთრეა არა ბიზნესმენი, პოლიტიკოსი ან, უბრალოდ, მოქალაქე, არამედ არასამთავრობო ორგანიზაცია.
ჩვენ შექმენით ნამდვილი საზოგადოებრივი მაუწყებლის მოდელი, რადგან „ობიექტივის“ ეთერში გადაცემა მიჰყავს განსხვავებული მსოფლმხედველობის 130-ზე მეტ წამყვანს: ცნობილ ეკომონისტებს, ადვოკატებს, სტუდენტური მოძრაობის ლიდერებს, მეცნიერებს, კულტურისა და სპორტის დამსახურებულ მოღვაწეებს. ჩვენი მაუწყებლობა იმითაც განსხვავდება სხვა ტელევიზიების ფორმატისგან, რომ ესაა 24-საათიანი პირდაპირი და ინტერაქტიული მაუწყებლობა. ყოველდღიურად „ობიექტივის“ (საქართველოს ყველა რეგიონიდან, მსოფლიოს ათობით ქვეყნიდან) პირდაპირ ეთერში 200-ზე მეტი მოქალაქე გამოხატავს მის მოსაზრებასა და პოზიციას. საზოგადოება „ობიექტივს“ აღიქვამს, როგორც ხალხის ტრიბუნას და ეს მაღალი სანდოობა, მაყურებლის ასეთი დამოკიდებულება, რა თქმა უნდა, ზრდის ჩვენს პასუხისმგებლობას, მაგრამ, სამწუხაროდ, ვერ ზრდის ჩვენი გადაცემების გავრცელების არეალს.
ცოტა ხნის წინ „ობიექტივს“ „სტერეო+“-ის სიხშირეზეც შეეზღუდა ეთერი, რადგან ხსენებული სიხშირე ამიერიდან საპატრიარქოს ტელევიზიას გადაეცა. ჩვენ, რა თქმა უნდა, მივესალმებით საპატრიარქოს ტელევიზიის ამოქმედებას და გულწრფელად გაგვახარა ამ ინფორმაციამ, მაგრამ „ობიექტივს“ დააკლდა მაყურებელი, რომელიც ჩვენს გადაცემებს სახლის, ანუ ჩვეულებრივი მიმღების საშუალებით ადევნებდა თვალს და ეს ჩვენი მაუწყებლობისთვის სერიოზული ზიანია.
ბატონო პრემიერ-მინისტრო!
ვიცი რა მედიისადმი თქვენი განსაკუთრებული დამოკიდებულების შესახებ, თავს უფლებას ვაძლევ, მოგმართოთ დახმარების თხოვნით. მე მჯერა თქვენი. მჯერა, რომ თქვენთვის მნიშვნელოვანია ქვეყანაში თავისუფალი მედიის განვითარება. დარწმუნებული ვარ, რომ გახსოვთ, რა წვლილი შეიტანა „ობიექტივმა“ სააკაშვილის რეჟიმის წინააღმდეგ ბრძოლაში. ჩვენ არ ვყოფილვართ იმ ტიპის ჟურნალისტები, რომლებიც მოვლენებს ფანჯრიდან ადევნებდნენ თვალს. ჩვენ საქართველოში და საქართველოს ფარგლებს გარეთაც ვმოქმედებდით იმისთვის, რომ უცხოელი კოლეგებისთვის ობიექტური ინფორმაცია მიგვეწოდებინა. ჩვენ ვუძღვებოდით გადაცემებს სტუდიიდან და როცა არ გვქოდა რადიო და ტელევიზია, ვამზადებდით გადაცემებს „ქუჩის ტელევიზიისთვის“. ეს იყო უნიკალური მედია-პროექტი, რომელმაც (სააკაშვილის ბოროტი რეჟიმის პირობებში) სიმართლეზე თვალი არაერთ მოქალაქეს აუხილა.
ბატონო პრემიერ-მინისტრო!
მოგმართავთ თხოვნით, იხელმძღვანელოთ კომუნიკაციების მარეგულირებელი ეროვნული კომისიის საქმიანობის შემსწავლელი დროებითი საპარლამენტო საგამოძიებო კომისიის მასალებით და გვიშუამდგომლოთ სათანადო უწყებებთან, რათა „ობიექტივს“ დაუბრუნდეს წართმეული სიხშირე (35-ე დეციმეტრული არხი), ან გამოგვეყოს საქართველოს მთელ ტერიტორიაზე მაუწყებელი ალტერნატიული არხი.
ცხადია, ვიცი, რომ ჩვენი ტელეარხისთვის სიხშირის გამოყოფა კომუნიკაციების მარეგულირებელი ეროვნული კომისიის კომპეტენციაა, მაგრამ ვინაიდან ამ კომისიისადმი ჩემი ნდობა მინუს ერთია, ვიდრე ახალ წევრებსა და თავმჯდომარეს დაამტკიცებენ, საჭიროა ძველმა შემადგენლობამ სასწრაფოდ იზრუნოს „ობიექტივისთვის“ ტელეარხის დაბრუნება-გამოყოფის საკითხზე. აქ უმნიშვნელოვანესია, რომ არსებობდეს ნება სახელმწიფოს მხრიდან. საჭიროა შეიკრიბებოს კომუნიკაციების მარეგულირებელი კომისია, მოიწვიოს სხდომა და, საზოგადოების მაღალი ინტერესიდან და მოთხოვნიდან გამომდინარე, მიიღოს გადაწყვეტილება,- ჩვენთვის ალტერნატიული, საქართველოზე მაუწყებელი ტელე-სიხშირის გამოყოფის თაობაზე.
დიდი იმედი მაქვს, რომ თქვენთვის ჩვეული გულისხმიერებით გადაწყვეტთ ჩემს მიერ საჯაროდ დასმულ პრობლემურ საკითხს.
მჯერა, რომ საქართველოში აღარასოდეს განმეორდება დრო, როცა მესაკუთრეებს მასობრივად ართმევდნენ ტელეარხებს, სპობდნენ და ანადგურებდნენ მედია-საშუალებებს, საიდანაც განსხვავებული აზრი ისმოდა, ფიზიკურად უსწორდებოდნენ ჟურნალისტებს. მეტიც, ველოდებით ახალი ტელევიზიებისა და რადიოების, გაზეთებისა თუ ჟურნალების დაარსება-განვითარებას, რადგან თავისუფალი მედია ქვეყნის დემოკრატიულობის ხარისხის უმთავრესი ბარომეტრია.
მედია-კავშირ „ობიექტივის“ ჟურნალისტთა კორპუსის სახელით,
ჟურნალისტი ირმა ინაშვილი.
2013 წლის 25 ნოემბერი, თბილისი.
