IT სპეციალისტები დღემდე კამათობენ, თუ როგორ იშიფრება აბრიავიატურა RSS. IT სფეროში გავრცელებული აზრით, RSS (Really Simple Syndication) ინფორმაციის გამარტივებული მიღებაა და აღნიშნავს პროცედურას, რომლის დროსაც ინფორმაცია თქვენთვის საინტერესო საიტის შესახებ კომპიუტერის მონიტორზე გამოჩნდება, ანუ სისტემატურად რომ არ შეხვიდეთ "ღია ბოქლომ"-ის ბლოგზე, შეგიძლიათ, თქვენთვის საინტერესო ახალი ამბები, რომელიც საიტზე გამოქვეყნდება, ავტომატურად გადმოგეგზავნოთ და როცა დააწკაპებთ ამა თუ იმ სათაურზე, ავტომატურად გადახვალთ boqlomi.blogspot.com-ის შესაბამისს გვერდზე. გთავაზობთ მთლიანი საიტის RSS-ვერსიას.როგორ ვისარგებლოთ RSS -ით
ბოლო თაობის ინტერნეტ-ბრაუზერები დამოუკიდებლად ამუშავებენ RSS-არხებს, რომლებიც შეიძლება იწოდებოდნენ “ლენტებად”, ან “ფიდებად”. RSS-არხის გამოწერისთვის საჭიროა “მაუსი” მიიტანოთ RSS-ის ნარინჯისფერ ღილაკთან ან , ბრაუზერი შემოგთავაზებთ არხის სანიშნის დამახსოვრებას, რის შემდეგაც საკმარისია, ამოირჩიოთ არხის დასახელება რჩეული გვერდების ჩამონათვალში (Firefox), ან არხების ცალკე პაპკაში (Internet Explorer) თუ RSS-ის ღილაკზე დაჭერისას გამოჩნდება გვერდი გაუგებარი კოდით, ეს იმას ნიშნავს, რომ ბრაუზერს დამოუკიდებლად არ შეუძლია არხების ინფორმაციის დამუშავება. ასეთ დროს დაგჭირდებათ პროგრამა-აგრეგატორი, რომელსაც ხშირად News Reader-საც უწოდებენ. ასეთი პროგრამები ბევრია, ბევრი მათგანი მუშაობს რუსული ინტერფეისით. ამ პროგრამების უპირატესობა ისაა, რომ სხვადასხვა სტანდარტის არხთან მუშაობის შესაძლებლობა აქვთ. გაითვალისწინეთ, რომ ეს პროგრამები მზადდება სხვადასხვა პლატფორმისა და ოპერაციული სისტემებისთვის.
