რუბრიკიდან კომე ძ ია
00:07 04.08.2011
ანონიმურ წყაროზე დაყრდნობით ოპოზიციამ ირაკლი ოქრუაშვილთან შეთანხმებით მისი ორეული დაიქირავა, რომელსაც უკვე რამდენიმე თვეა საფრანგეთში, ფონტენბლოს ტყეში მდებარე ვილაზე ამზადებენ. გავრცელდა ვიდეო მასალაც სადაც ოქრუაშვილის ორეულს გრიმს უკეთებენ და ასწავლიან მის მსგავს მეტყველებას, მოწევას და დერსკობას. გეგმის მიხედვით პირველად მიტინგზე გამოჩნდება ორეული - ოქრუაშვილი, რომელიც გამომწვევად მოიქცევა და თავს დააპატიმრებინებს, რათა შეიქმნას საკმარისი მუხტი არეულობისათვის. ხოლო მოგვიანებით კი როდესაც ხელისუფლება ყურადღებას მოადუნებს ნამდვილი ოქრუაშვილი გამოჩნდება.
აზრთა სხვადასხვაობაა უშუალოდ ქვეყანაში შემოსვლის მეთოდთან დაკავშირებით. ბოროტი ენები საუბრობენ იმაზე, რომ ირაკლი ოქრუაშვილი ქალის ტანსაცმელში გადაცმული, ფრანგი ვიზაჯისტების გრიმით შენიღბული ჩამოფრინდება თბილისის აეროპორტში, როგორც ფრანგი ტურისტი ქალბატონი.
თუმცა ვრცელდება ინფორმაცია რომ ირაკლი ოქრუაშვილმა უკვე დაგმოკვეთა საქართველოს საზღვარი ცემენტით სავსე ცისტერნაში დამალულმა და ამჟამად გორი - თბილისის ტრასაზე იმყოფება, სწორედ ამიტომ გორიდან მომავალ მანქანებს თბილისში არ უშვებენ.
სხვა ვერსიით სარკოზი საქართველოს დიდ ხის ცხენს აჩუქებ დამოუკიდებლობის დღესთან დაკავშირებით და ამ ცხენის შიგნით კი ოქრუაშვილი და მისი არმია იქნება დამალული.
ასევე არის ვერსია რომ თუკი ვერც ცისტერნა და ვერც სარკოზის ცხენი ვერ გასჭრის, ბურჯანაზე დაიკივლებს: „მე ვარ ირაკლი“! შემდეგ სხვანი და ბოლოს ყველა! და მთელი მიტინგი ოქრუაშვილად გადაიქცევა.
ხოლო თუკი ეს მეთოდიც არ გაჭრის მაშინ იტყვიან რომ ოქრუაშვილი მუდამ ჩვენთანაა, ჩვენს გულებშია და ყოველი ჩვენთგანის ნაწილია, ამიტომ ის აქაა მიუხედავად იმისა რო აქ არააო.
ანონიმური პოლიტოლოგების აზრით კი არსებობს ისეთი თეორიაც რომ გინდ ჩამოვიდეს გინდ არა, ამ ოპოზიციას მაინც აღარაფერი ეშველება!
P.S. იმ შემთხვევაში თუკი ირაკლი ოქრუაშვილი მართლა ჩამოვა და დაგვამხობს თავზე ქვეყანას ჩვენ განვაცხადებთ რომ ეს პოსტი ძალით დაგვაწერინეს! რა გვექნა დიქტატურაში ვცხოვრობდით.
