დიტო გელოვანი: მიშა დიდ ქალაქში

საერთოთ, ქართველები ბრაძიეგები არი სხვადასხვანაირი.
ერთი არი, რო ფული აქვენ: ყაჩაღობით თუ რაცხაით შონილობენ.
მეორე არი, რო პატარას მუშაობს რაცხა და ორ კაპიკს მოუყრის თავს, გოუგზავნის სახში და დანარჩენი აქანა უნდა იმყოფინოს.
მესამე არი, რო გდია და სხვას უნდა გამოართვას.
ეგენი არიან სუ კაცები, აქანაც ასთეა და გერმანიაშიც მასთეა.
სამივე ამფერი ხალხი არი ჩამბალი, რომ მაინც სად რა მოწიონ, სად რა დალიონ იოლათ.
ახლა, ოჯახიანი არი თუ სხვანაირი, იმას კი არ ვიტყვი, ეგენი სხვაა. ეგი მე ვამბოფ ბრაძიაგა ბიჭებზე, რო დავთვალო ასე, სამოცდაოთხ წელს და ზეით დაბადებულები. ეგი სხვა ხალხი ვართ.
(აკა მორჩილაძე, Maid In Tiflis)

ის, რაც ხდებოდა წინა კვირაში
გაზიარება
[დიტო გელოვანი. 15:43 28-09-2010]
გასული პირველი დღის, ანუ ორშაბათის, პირველი ნიუსი ასეთი იყო: “ლადო ვარძელაშვილი ძიუდოს ფედერაციის პრეზიდენტს ხვდება”. ამის შემდეგ მთელი კვირა მიშას დაეთმო – მიშა იყო იქ, მიშა შეხვდა იმას და უთხრა ეს. “იმას, იქ, ეს” - ეს იყო და ეს. თუმცა, სჯობს ქრონოლოგიით მივყვეთ.

“სპორტისა და ახალგაზრდობის საქმეთა მინისტრი ძიუდოს ფედერაციის პრეზიდენტს ხვდება. პირისპირ შეხვედრა ლადო ვარძელაშვილსა და დილარ ხაბულიანს შორის დაახლოებით ნახევარი საათია მიმდინარეობს. სავარაუდოდ, შეხვედრის დასრულების შემდეგ, დილარ ხაბულიანი თანამდებობიდან წასვლის შესახებ განცხადებას გააკეთებს. გავრცელებული ინფორმაციით, მინისტრი დღესვე მის სავარაუდო შემცვლელს დაასახელებს. ასევე, დღესვე გახდება ცნობილი ნაკრების მთავარი მწვრთნელის ვინაობა”.

ამ ამბავში ყველაზე მეტად სიზუსტე მომეწონა – ამ წუთებში ხვდება, ამდენი წუთია მიმდინარეობს, იმდენ წუთში გადადგება და ეგრევე ვიღაცა ვიღაცას დაასახელებს. ყველაფერი წუთებშია გათვლილი. ცირეკიძეს ტატამზე რომ არ დაეგვიანა, გერმანელები ვიქნებოდით, მაგრამ კიდევ კარგი დააგვიანა, რადგან ლადო შეხვდა დილარს და რამდენიმე წუთში გადააყენა. არადა, როცა მოკლეშარვლიან (სად იყო მაშინ შორტები) ლადოს დიღმის ტყე-პარკში კოღოები კბენდნენ, დილარ ხაბულიანი უკვე შს მინისტრი იყო და მოფერებით დოლარ ხაბულიანს ეძახდნენ. დიღმის ტყე-პარკს ჩვენ კიდევ დავუბრუნდებით.

ყველაფერი კარგი ისე ზუსტად აგიხდეთ, როგორც “ინტერპრესნიუსმა” იწინასწარმეტყველა – დილარი გაიქცა, ძიუდო თავისუფალია.

ვერ ვივაჟკაცეთ მაშინ, როგორც საჭირო იყო. გამსახურდიასთან ერთად ხაბულიანიც რომ გაქცეულიყო, არც ცირეკიძეს დააგვიანებდა ტატამზე.

სააკაშვილი ნიუ-იორკში დროულად ჩავიდა და გაეროს რეგლამენტშიც ჩაეტია. ზუსტად იმდენი სიტყვა თქვა, რამდენიც უნდა ეთქვა, მაგრამ საქმე იმაშია რომ გაეროში სიტყვა ითვლება, თბილისში კი – იწონება.

მიშამ თქვა: “იგზავნებოდა თანხები ჯანდაცვისთვის, საავადმყოფოები კი მინიმალურ სტანდარტებსაც ვერ აკმაყოფილებდენ; ჩინოვნიკები საკუთარ შვილებსა და მეუღლეებს სამშობიაროდ საზღვარგარეთის საუკეთესო კლინიკებში აგზავნიდნენ”.

მიშა თბილისში რომ ყოფილიყო, ამ სიტყვებს აუცილებლად აწონიდა. საქართველოს ყველაზე დიდი ქალაქის (ქალაქს არ დავასახელებ) მერის (გვარს არ დავასახელებ) მეუღლემ (სახელი არ მახსოვს) ორიოდე თვის წინ ბავშვი (სქესს ვერ ვიხსენებ) ავსტრიის დედაქალაქში გააჩინა. კი, გასაგებია, რომ საქართველო ევროპის ნაწილია და რომ პირველი ევროპელები აქ ბინადრობდნენ, მაგრამ მაინც... აი, მე რომ დიდი გავიზრდები და ქალაქის მერი გავხდები, ჩემს ცოლს ვაიძულებ, დმანისში იმშობიაროს.

მინდა გითხრათ, რომ სააკაშვილმა ზუსტად იცის სად რა თქვას. მაგალითად ეს სიტყვები: “ჩვენ გავზარდეთ პირველადი განათლება 12 წლამდე, ასევე შევქმენით სპეციალური პროფესიული სკოლები”.

მიშამ იქვე მყოფ კახა ლომაიას გაუწია ანგარიში, თორემ თბილისში აქვე მყოფ შაშკინს სცემს ხოლმე პატივს და რეფორმის ავტორებს სულ უვიცებს და იდიოტებს ეძახის.

“ყოფილა შემთხვევები, როდესაც ირიცხებოდა თანხები განსახლებისთვის, ჩინოვნიკები კი ამ თანხებით ფეშენებელურ ვილებს იშენებდნენ, ირიცხებოდა ფული განათლებისთვის და ჩინოვნიკები კი ამ თანხებით საკუთარ შვილებს მსოფლიოს საუკეთესო უნივერსიტეტებში სასწავლებლად გზავნიდნენ” - ესეც გაეროს ტრიბუნიდან ითქვა. “ოცდამეხუთე ყრილობაა? ბრეჟნევს მიგავს რამე?” - გაიფიქრა თვალებგაფართოებულმა პან გი მუნმა, ამერიკის დელეგაცია კი ფეხზე წამოდგა და პროტესტის ნიშნად დარბაზი დატოვა. როდესაც ამერიკელები დარბაზიდან გადიოდნენ, ტრიბუნაზე უკვე მაჰმუდ აჰმადინეჯადი იდგა და ისე გამოვიდა, თითქოს ამერიკელებმა ირანის პრეზიდენტი ვერ აიტანეს. სინამდვილეში კი, როგორც ხვდებით, სააკაშვილის ტრაბახს ვერ გაუძლეს.

“ირიცხებოდა, იშენებდნენ, გზავნიდნენ” - ამბობდა მიშა, მის ინგლისური ენის მასწავლებელს კი ხელით ეჭირა გული, რომელიც წყდებოდა. “ირიცხება, იშენებენ, გზავნიან” - წესით, ასე უნდა ეთქვა მიშას. მასწავლებელს ჰგონია, რომ მიშამ არ იცის პრეზენთ ქონთინიუსი... იცის, ძალიან კარგად იცის, უბრალოდ, ისიც იცის, სად, როდის და რა თქვას.

1976 წლის 19 მაისს 29-ე სკოლის მოსწავლეები სიამაყისგან სახეალეწილები ვიდექით მუშთაიდში. პიონერთა რიგებში გვიღებდნენ. სკოლა ვიღაც კორნელი კეკელიძის სახელობის იყო, მაგრამ, სამაგიეროდ, პიონერთა რაზმეული ატარებდა სერგო ორჯონიკიძის სახელს... სწორედ ასეთი აღტაცებული სახეები ჰქონდათ საქართველოს პრეზიდენტს, ეკონომიკისა და მდგრადი განვითარების მინისტრს და პარლამენტის განათლების, მეცნიერებისა და კულტურის კომიტეტის თავმჯდომარეს. სხვებსაც, მაგრამ ესენი ისე იყვნენ გაკრეჭილები, რომ სხვები ვეღარ დავინახე.

“პროექტ “საქანელას” დონალდ ტრამპის ორგანიზაცია “Silk Road”-თან ერთად განახორციელებს. ამის შესახებ ტრამპის კომპანიის ვიცე-პრეზიდენტმა მაიკლ კოენმა მიხეილ სააკაშვილისა და დონალდ ტრამპის შეხვედრის შემდეგ განაცხადა” - როცა ეს ნიუსი წავიკითხე, სიუჟეტი უკვე ნანახი მქონდა. ერთ-ერთი სახელმწიფოს პრეზიდენტი (მიშა), ეკონომიკის დედა (ვერა) და მეცნიერების მამა (გოკა) ერთ-ერთი მილიარდერის კაბინეტში - აღტკინებულები, აჟიტირებულები, აღფრთოვანებულები. ხოლო მილიარდერს ღიმილი დასთამაშებდა სახეზე. ზუსტად ასე იღიმებიან მასწავლებლები მაშინ, როდესაც მეექვსე გაკვეთილის დასრულების მაუწყებელი ზარი რეკს და ბავშვების ბედნიერებას საზღვარი არ აქვს.

კი, რა თქმა უნდა, გოკა გაბაშვილი, წესით, ბედნიერი უნდა იყოს მის ქვეყანაში ახალი ინვესტიცია რომ შემოდის, მაგრამ ეს სხვა შემთხვევაა. გოკას ის უხაროდა, დონალდ ტრამპი ახლოდან რომ ნახა. გოკას სრული ბედნიერებისთვის პედრო ალმოდოვართან განმარტოება აკლია. “დონალდო”, “პედრო”, “დონალდო”, “პედრო”... – ყველანი ბავშვობიდან მოვდივართ.

რაც შეეხება პროექტ “საქანელას”, მე მომწონს ეს იდეა და მომწონს ეს პროექტი. დარწმუნებული ვარ, პროექტი იქნება წარმატებული. მთავარია, ახლავე ვთქვათ უარი ნეპოტიზმზე და პროტექციონიზმზე. უნდა დასაქმდნენ ნამდვილი პროფესიონალები, რომლებსაც მსგავსი პროექტების განხორციელების გამოცდილება გააჩნიათ. მაგალითად, ხათუნა გოგორიშვილი. ხათუნამ უაღრესად მაღალ დონეზე რამდენჯერმე ჩაატარა “კრუსელი” და ვფიქრობ, არც “საქანელას” ჩატარება გაუჭირდება.

“ტრამპი ყველაზე ცნობილი ბრენდია მსოფლიოში და ეს სახელი საქართველოს შემდგომში მეტ ინვესტიციას მოუტანს”, - განაცხადა ქობალიამ. “კოკა კოლა” და თემურ ჭყონია დაავიწყდა. თურქული კრედიტის შესახებ არაფერი სმენია.

იურიდიულ საკითხთა საპარლამენტო კომიტეტის სხდომაზე საკონსტიტუციო ცვლილებების პროექტის წარდგენისას ავთანდილ დემეტრაშვილმა განაცხადა, რომ იგი მთავრობისთვის უნდობლობის გამოცხადების პროცედურის დახვეწის მომხრეა. ანუ, როდესაც პროცედურა დაიხვეწება, გვექნება დახვეწილი პროცედურა. მაგალითად, ლადო ვარძელაშვილი მივა პარლამენტში, პარლამენტი მას გამოუცხადებს უნდობლობას და გიგი წერეთელი ხელკავით გაიყვანს დარბაზიდან. არსებული პროექტით კი არასანდო მინისტრებს პარლამენტიდან პანღურით აძევებენ.

ეს ყველაფერი თამაში მგონია...

ამერიკის საერთაშორისო რესპუბლიკური ინსტიტუტმა (IRI) „პოლიტიკური თამაშების“ მონაწილეებს სერტიფიკატები გადასცა. პროექტი USAID-მა დააფინანსა. “პროექტის მიზანია, ახალგაზრდა პოლიტიკოსებმა გამოიმუშავონ პოლიტიკური დებატების კულტურა, შეძლონ საკუთარი პოზიციების წარმოჩენა და მათი დაცვა” - აი, ასეთი მიზანი აქვს ამ პროექტს. მასში რვა პოლიტიკური პარტია და ორი არასამთავრობო ორგანიზაცია იყო ჩართული. საინტერესოა, როგორ შეარჩიეს ეს პარტიები და ეს არასამთავრობოები. მკურნალობა ავადმყოფს სჭირდებაო და, ალბათ, ყველაზე უკულტუროები აარჩიეს, ისეთები, პოზიციიდან პოზიციაზე რომ ხტუნაობენ, რადგან საკუთარი არ გააჩნიათ. მაგას ჰქვია “პოლიტიკური თამაშები” და არა იმას, USAID-მა რომ დააფინანსა.

საუბრისა და მოსმენის კულტურა თუ არ გაქვს და პოზიცია თუ არ გაგაჩნია, მობრძანდი ბატონო და პრინტერზე ამოგიბეჭდავ სერთიფიკატს: “ეძლევა ათას პოზიციაზე გადამხტარს”.

ზემოთ ვთქვი, დიღმის ტყე-პარკს კიდევ დავუბრუნდები-მეთქი. ნიუსი: “არასამთავრობო ორგანიზაციებმა დიღმის ტყე-პარკის დასაცავად აქცია გამართეს. ღონისძიება ფონდ “ღია საზოგადოება - საქართველოს”, „კავკასიის გარემოსდაცვითი არასამთავრობო ორგანიზაციების ქსელის“, “საქართველოს ახალგაზრდა იურისტთა ასოციაციის”, “ადამიანის უფლებათა ცენტრისა” და ანა გაბრიაძის საინიციატივო ჯგუფის მიერ იყო ორგანიზებული. გარემოსდაცვით აქციას იაპონიის ელჩი საქართველოში მასაიოში კამოჰარა ესწრებოდა. აქციაიის მონაწილეებს ორგანიზატორებმა დურიგეს გულსაბნევები, წარწერით – “გადავარჩინოთ დიღმის ტყე-პარკი”.

აქ შეცდომაა. სინამდვილეში გულსაბნევზე აწერია Save Digomi Forest. ეს გულსაბნევი ახლა წინ მიდევს და სიამოვნებით დავცქერი, რადგან დიღომში ვცხოვრობ და “ლივერპულთან” ერთად “ნოტინგემ ფორესტის” ქომაგიც ვარ.

“ამ აქციით არასამთავრობოები ეწინააღმდეგებიან თბილისის საკრებულოს გასული წლის 11 სექტემბრის გადწყვეტილებას, რომლითაც დიღმის ტყე-პარკს რეკრეაციული ზონის სტატუსი მოეხსნა” - თქვა საქართველოს მთავარმა სოროსელმა, ქალბატონმა.
დალოცვილებო, თურმე ერთი წელია, რაც ტყეს სტატუსი მოუხსნეს და სად იყავით აქამდე? გრანტს ეძებდით? სად ეძებდით – 37-ე პარალელზე?! თუ ეგრეა, მაშინ ჰო, მაშინ ჰო...

მეგობრები გამინაწყენდებიან და, შესაძლოა, ფაშისტიც კი მიწოდონ, მაგრამ რა ვქნა – სხვანაირად ვერ ვამბობ, რბილად ვერ ვსაუბრობ.

“შემოწმების მასალებიდან დგინდება, რომ თითქმის 12 მლნ ლარი ამ კომპანიებზე განაწილებულია უკონკურენტო “ტენდერების” გზით. ასეთი”ტენდერები”, როგორც წესი, რბილად რომ ვთქვათ, გარიგებების შესაძლებლობას იძლევა” - საკრებულოს თავმჯდომარის მოადგილეს, ზურაბ აბაშიძეს შეუძლია რბილად საუბარი. მაგის ადგილას ცოტა სხვანაირად ვიტყოდი და კულტურულ-სერთიფიცირებულები დამცინებდნენ – დებატების კულტურა არ გაგაჩნიაო. ვაღიარებ – არ გამაჩნია. და, ამიტომაც, გადავიდეთ კულტურის ამბებზე.

რუსთავქალაქობის დღესასწაულზე, 9 ოქტომბერს რუსთავში ცნობილი გერმანული ჯგუფი ”Modern Tocking” ჩამოვა. ჯერჯერობით, ზუსტად არ არის ცნობილი, რა დაჯდება “ლუი, ლუი, ლუი”-სა და “იუ არ მაი ჰართ, იუ არ მაი სოულ” (“ჩემი გული ხარ, ჩემი სული ხარ”) ცოცხლად მოსმენა, მაგრამ საუბარია 20 ათას დოლარზე. რუსთავის საკრებულოში უკვე წუწუნებენ, ძვირიაო, მაგრამ მინდა შეგახსენოთ, ნუგზარ ერგემლიძისა და გია როინიშვილის შენახვა ბევრად უფრო ძვირი ჯდება.

საქართველოს მთავრობა პოპულარულ ტელეარხთან - MTV, მოლაპარაკებებს აწარმოებს. მოლაპარაკება ბათუმში ყოველწლიური როკფესტივალების გამართვას შეეხება. თურმე, მას შემდეგ, რაც მალტაში ფესტივალი ტარდება, მალტას ყოველწლიურად დამატებით ათობით ათასი ტურისტი სტუმრობს და მალტელები ხიზილალას კოვზებით მიირთმევენ. “Black Eyed Peas, Lady Gaga და ენრიკე იგლესიასი წარსულში მალტის კონცერტებზე მთავარ ნომრებს ასრულებდნენ” - წერს ვინმე მოლი კორსო.

სულ რომ ოზი ოზბორნი ჩამოვიდეს, ბათუმის როკ-ფესტივალზე მთავარ არიას მაინც ნინა წკრიალაშვილი იმღერებს თუ, რა თქმა უნდა, იმ დროისთვის, სოხუმამდე ერთი ბილეთი არ ექნება აღებული.

სხვათა შორის, მიშამ გაეროს მაღალი ტრიბუნიდან გენდერულ თანასწორობაზეც ისაუბრა: ჩვენ ბედნირები ვართ რომ საქართველოში რევოლუცია, როგორც კაცმა ასევე ქალმა რეფორმატორებმა მოახდინეს... ვცდილობთ რაც შეიძლება მეტი ქალი იყოს პარლამენტში, ასევე უფრო მეტი ქალი გვაყვს მთავრობაში”. არა, ძმაო, ამ მცდელობას მიშას მართლა ვერავინ დაუკარგავს. ვერც იმას დავუკარგავთ, რომ საქართველოში ქსენოფობია ქსენოფილიით იცვლება, მაგალითს კი თავად პრეზიდენტი გვაძლევს.

სტატია, რომელიც საქართველოში ქსენია სობჩაკის ვიზიტის შესახებ მოგვითხრობს, ქსენია სოკოლოვას დაუწერია და მალე გამოქვეყნდება. ანონსმა უკვე იხილა დღის სინათლე. “მიხეილ სააკაშვილი კი აღფრთოვანებულია იმით, რომ მაგალითად რომელიმე ახალგაზრდა დასავლელ არქიტექტორს იცნობს და მას რაიმეს შეუკვეთავს. ან მაგალითად, იგი ფიქრობს – ასეთი კარგი, 28 წლის გოგონაა და მოდი, ეკონომიკის მინისტრად დავნიშნავ” - წერს ქსენია სოკოლოვა. “ასეთი დაბღვერილი ბიჭია და მოდი თავდაცვის მინისტრად დავნიშნავ” – ალბათ, ასე დაინიშნა ირაკლი ოქრუაშვილი. “რუსეთის მოქალაქეა და მოდი საგარეო საქმეთა მინისტრად დავნიშნავ” - ეს გრიგოლ ვაშაძის დანიშვნის ჩემეული ვერსიაა”.

“ლეიბორისტული პარტია” საკონსტიტუციო კომისიის წევრებისთვის მაღალი ანაზღაურებებისა და სამთავრობო პრივილეგიების მინიჭებას აპროტესტებს და ვერც ამჩნევენ, რა დახვეწილები არიან.

დახეთ, როგორი დახვეწილია გია მურღულია: “პირველ სკოლაში ხვალ სოციალურ ქსელ “ფეისბუქელთა” პოეზიის საღამო გაიმართება. როგორც “ინტერპრესნიუსს” ღონისძიების ორგანიზატორმა გია მურღულიამ განუცხადა, ასეთი საღამოს მოწყობის იდეა “ფეისბუქზე” გაჩნდა, როდესაც გაირკვა, რომ ამ სოციალური ქსელის მომხმარებლებს საკმაოდ საინტერესო ლექსები აქვთ”.

მურღულიას რა ენაღვლება – ხვალ პრეზიდენტად ნოღაიდელი რომ მოჯდეს, მაშინვე “ადნაკლასნიკელების” პოეზიის საღამოს მოაწყობს და თუ “ფეისბუქელებს” 20-25 სტრიქონით ზღუდავს, “ადნაკლასნიკელებს” პოემებს დაუბეჭდავს - “ოდა პუტინს”, “ხოტბა “გაზპრომს”, “ქებათა ქება ჟირინოვსკის”. ისე, “ადნაკლასნიკელების” პოეზიის საღამოს მოწყობას სააკაშვილის მმართველობის პერიოდშიც არ გამოვრიცხავ.

ლევან გაჩეჩილაძე, კოკა გუნცაძე და ეროსი კიწმარიშვილი ირაკლი ოქრუაშვილს შეხვდნენ. ისხდნენ, ღვინოს სვამდნენ და ტელევიზორში “რემბოს” უცქერდნენ. გაჩეჩილაძე ღვინის ხარისხზე საუბრობდა, კიწმარიშვილი მაუწყებლობის ხარისხს აფასებდა, ოქრუაშვილი კომპეტენტურად დასცინოდა სტალონეს. რას აკეთებდა გუნცაძე?
რაც არ ვიცი – არ ვიცი. რაც არ ვიცი, იმაზე არ ვსაუბრობ. სწორედ ეს არის პოლიტიკური დებატების კულტურა.

“ერთადერთი, რაც ჩემს პირად მიღწევად შეიძლება ჩაითვალოს, ის არის, რომ, ცოტა წონაში დავიკელი”, _ განაცხადა საქართველოს პრეზიდენტმა მიხეილ სააკაშვილმა ნიუ-იორკის უნივერსიტეტში გამოსვლისას”.

ამას ჰქვია პოლიტიკური პასუხისმგებლობის თავიდან აცილების მცდელობა. როცა ერთ უმშვენიერეს დღეს ყველას პასუხს მოთხოვენ, მიშა იტყვის, მე რა შუაში ვარ, მე მხოლოდ წონაში ვიკლებდიო. მიშამ იცის სად, როდის და რა თქვას.

ვერ შეეკამათები – კაცი წონაში იკლებდა. და ვინ სუქდებოდა?

ბენდუქიძე – იუდა!!!

წავედი.

წ.ა.დ. (წავედი ავჭალაში დასალევად) გაგულისდები ხანდახან: ამნაირი ქალაქიაო და მის მეტი არ უნდათ აფერი, არ იჭერენ აქანე და თუ არ დეიჭერენ უსაბუთობაზე, ხო ეგდება სანამ მიატანს, არადა გაგიშალენ პასპორტი, გევიდა ვიზა და ხარ მაინც აქანა, პანღური და შეგაჟენდნენ თვითმფრინავში, წაი შენ სახშიო. ბოდიში, პანღურს ვინ გაკადრებს, პადრუჩქით შეგიყვანენ.
(აკა მორჩილაძე, Maid In Tiflis)
“ვერსია”, presa.ge

რედაქტორის რჩევით




 
 
 

ეკა ბესელია: ილია ჩაჩიბაიამ სამეგრელოში ძალიან მნიშვნელოვანი საქმე გააკეთა – პროცესი დაიძრა [video]

ავტორი obieqtivi.net15:20 22.05.2012მედია-კავშირ „ობიექტივის“ პირდაპირ ეთერში, ჟურნალისტ ილია ჩაჩიბაიას საავტორო გადაცემაში, პოლიტიკური კოალიცია „ქართული ოცნების“ ერთ-ერთმა ლიდერმა ეკა ბესელიამ სამოქალაქო სოლიდარობის აუცულებლობაზე ისაუბრა.ბესელიამ გადაცემის...



ბრალდებულ სერგო ჩაჩიბაიას სასამართლო პროცესზე გულის შეტევა დაემართა

17:06 09.04.2012პატიმრობაში მყოფი „თავისუფალი დემოკრატერბის“ წევრის, სერგო ჩაჩიბაიას სასამართლო პროცესი ბრალდებულის ჯანმრთელობის მდგომარეობის გაუარესების გამო გადაიდო. როგორც ჩაჩიბაიას ადვოკატმა შალვა შავგულიძემ ჟურნალისტებთან საუბრისას აღნიშნა, ბრალდებულს...


რეპორტაჟი ჩაშლილი გეიაღლუმიდან [video]

ავტორი ნინო მიქიაშვილი16:47 17.05.2012თბილისის 51-ე საჯარო სკოლასთან შეკრება პირველის ნახევარზე დაიწყეს. ტაქსიდან ფერადი დროშებით ხელში ოთხი ახალგაზრდა გადმოვიდა. ბიჭს ყურზე საყურე და ხელში პლაკატი ეჭირა - “მეც გეი ვარ“. ვინ ხართ-მეთქი ვკითხე და ორგანიზაცია...


ჰომოფობიის წინააღმდეგ ბრძოლის დღისადმი მიძღვნილ აქციაზე ფიზიკური დაპირისპირება მოხდა

17:06 17.05.2012ჰომოფობიის წინააღმდეგ ბრძოლის საერთაშორისო დღისადმი მიძღვნილ აქციაზე, რომლის მონაწილეები, მათივე თქმით, ”არატრადიციული სექსუალური ორიენტაციის ადამიანების მიმართ სიძულვილს” აპროტესტებენ, ფიზიკური დაპირისპირება მოხდა. აქციის მონაწილეები...


ირაკლი ალასანიამ საქართველოს მოსახლეობას დამოუკიდებლობის დღე ზუგდიდიდან მიულოცა

13:06 26.05.2012კოალიცია "ქართული ოცნების" ერთ–ერთმა ლიდერმა ირაკლი ალასანიამ საქართველოს მოსახლეობას დამოუკიდებლობის დღე ზუგდიდიდან მიულოცა. "მინდა მთელ საქართველოს მივულოცო დამოუკიდებლობის დღე. 26 მაისი არის სახელმწიფოებრივი ზეიმი", - განაცხადა მან.დღესვე,...



53 სკოლის მოსწავლეების „მადლობა ბატონ ტარას შავშიშვილს!“ [video]

18:05 24.05.2012გუშინ, ინტერნეტსივრცეში, კერძოდ სოციალურ ქსელებზე გავრცელდა ვიდეორგოლი, რომელიც თბილისის 53-ე სკოლის მოსწავლეების მიერაა გადაღებული. ვიდეო ერთგვარი პოლიტიკური პერფორმანსია და როგორც საზოგადოების დიდი ნაწილი თვლის ის არსებულ სივრცეში,...



ბაჩო ახალაია საცხოვრებლად ზუგდიდში გადადის და 150 000 დოლარად შეფასებულ 6 სახლს ყიდულობს

19:24 22.05.2012"ბაჩო ახალაია, ფაქტობრივად ზუგდიდში გადმოვიდა საცხოვრებლად. ყოველ ღამეს ბაჩო ახალაია ზის რესტორანში - ან "დიარონში" ან "მენძელში" ან "დარიალში", თვრება და მერე იწყებს ოპოზიციის გინებას. შეშინებული მიმტანები ვერ მიდიან ბაჩო ახალაიასთან,...



მოსკოვში გენერალი რომან დუმბაძე მოკლეს [video]

მოსკოვში საქართველოს შეიარაღებული ძალების ყოფილი გენერალი, ბათუმის 25-ე ბრიგადის ექსმეთაური რომან დუმბაძე მოკლეს. რუსული მედიის ცნობით, დუმბაძე საკუთარ სახლთან ახლოს, რუბლოვსკაიას გზატკეცილზე, მოტოციკლიდან დაცხრილეს. დამნაშავეები შემთხვევის ადგილიდან...



„შავფაროსნებმა“ და სტუდენტებმა ხელისუფლებას ვადა 31 მაისამდე მისცეს

ავტორი ნინო მიქიაშვილი13:06 05.05.2012დავით-გარეჯის დასაცავად გამართულ მსვლელობაში ორი ათასზე მეტმა ადამიანმა მიიღო მონაწილეობა. მათ შორის 90% სტუდენტები იყვნენ. ასი ათასიან მსვლელობასაც შეშურდებოდა ის მუხტი, რომლითაც მანიფესტანტებმა გაიარეს გზა ვაკის...



„ქართული ოცნების“ ხობის ოფისის ხელმძღვანელზე თავდასხმა განხორციელდა [video]

ავტორი ნანა ფაჟავა, ხობიდან16:33 20.05.2012კოალიცია „ქართული ოცნების“ ხობის ოფისის ხელმძღვანელს, მამუკა ქარდავას თავს ოთხი უცხო მამაკაცი დაესხა. ინციდენტი სოფელ ნოჯიხევთან წუხელ, ღამის 2 საათისთვის მაშინ მოხდა, როცა ქარდავა ხობის ცენტრში მდებარე კოალიციის...

ნანული ვახანია: მკვლელებო! ნუ ფიქრობთ, რომ შეგრჩებათ, წყეულიმც იყავით!

ავტორი ილია ჩაჩიბაია22:58 30.05.2012საქართველოს სასჯელაღსრულებისა და პრობაციის სამინისტროს ადგილობრივი საბჭოს გადაწყვეტილება, პოლიტპატიმარ ვლადიმერ ვახანიასთვის ვადაზე ადრე გათავისუფლებაზე უარის გამოცხადების თაობაზე, თბილისის სააპელაციო სასამართლოში...



ირაკლი ალასანიამ ზუგდიდში მოძრაობის ახალი წარმომადგენელი წარადგინა

15:06 25.05.2012ირაკლი ალასანიამ "ქართული ოცნების" სამეგრელოს ოფისის ახალი ხელმძღვანელი წარადგინა, რეგიონულ ორგანიზაციას მერაბ ქვარაია უხელმძღვენელებს. ამ პოსტზე ის სერგო ჩაჩიბაიას შეცვლის, რომელსაც კვლავ პატიმრობაში იმყოფება.პრესკონფერენციაზე ალასანიამ...



„ვერ ჩაგვრეცხეს, ვერ გვაქციეს მუმიებად! ყველა ღირსეული კაცი და ქალი აქ დგას“

ავტორი ნინო მიქიაშვილი13:06 05.05.2012პოლიტიკური კოალიცია „ქართული ოცნების“ ორგანიზებით გამართულ აქციაზე, სახელწოდებით „ჩვენ ვიწყებთ“, პუშკინის ქუჩიდან თავისუფლების მოედანი და შემდეგ რუსთაველის გამზირი, ოპერის კუთხემდე (ყოფილ „ციცინათელასთან“) ხალხით...



მეუფე იაკობი: “ჩვენი ეკლესიის შვილები ამ აღვირახსნილობის ქადაგებას არ შევურიგდებით“ [video]

ავტორი ნინო მიქიაშვილი17:08 28.05.2012ყოვლადწმიდა სამების საპატრიარქო ტაძარში, 27 მაისს, წირვის დასრულების შემდეგ, იქ შეკრებილ მრევლს გარდაბნისა და მარტყოფის ეპისკოპოსმა, მეუფე იაკობმა ქადაგებით მიმართა, რომელშიც ის გამოეხმაურა თბილისში ე.წ. გეიაღლუმის...



მომაწოდეს ინფორმაცია, რომ მე, ირმა ინაშვილს, შესაძლოა, დამეჯახოს ნასვამ მდგომაროობაში მყოფი პირის ავტომანქანა

17:00 30.05.2012მედია-კავშირ „ობიექტივის“ საგანგებო განცხადებაგვსურს საჯაროდ განვაცხადოთ, რომ უკანასკნელი ერთი თვის განმავლობაში „ობიექტივის“ ხელმძღვანელობა და წამყვანები ხელისუფლების ძალოვანი სტრუქტურების მხრიდან სხვადასხვა ტიპის ზეწოლის ქვეშ ვიმყოფებით.სისტემატური...



გვაიძულებენ, რომ ბავშვები ვითომდა ჩვენი ნებართვით გადავიყვანოთ უპატრონო ბავშვთა სახლებში

20:16 01.06.20121 ივნისს ბავშვთა დაცვის საერთაშორისო დღეს უფლებადამცველსა და ჟურნალისტს კოტე ინაშვილს ქალთა N5-ე კოლონიიდან პატიმარი დედები დაუკავშირდნენ და მათი ბავშვების გაუსაძლისი მდგომარეობის შესახებ აცნობეს.როგორც ინაშვილმა „ობიექტივის“ პირდაპირ...



გარემოვაჭრეებმა ბაქრაძე დააბნიეს – "ვის მისცემთ არჩევნებში ხმას რა მნიშვნელობა აქვს?!" [video]

13:06 06.06.2012ზუგდიდელი გარემოვაჭრეები, რომლებიც უკვე რამდენიმე დღეა გუბერნიის შენობის წინ საპროტესტო აქციებს მართავენ, სამეგრელოში ვიზიტად მყოფ პარლამენტის თავმჯდომარეს დავით ბაქრაძეს შეხვდნენ.შეხვედრა დაუგეგმავი იყო და ბაქრაძეს გარემოვაჭრეების პრობლემებისთვის...



გარემოვაჭრეებმა საპროტესტო მსვლელობა შეწყვიტეს და ზუგდიდში დაბრუნდნენ [Video]

17:06 08.06.2012გარემოვაჭრეებმა თბილისისკენ საპროტესტო მსვლელობა ჯანმრთელობის გაუარესების მიზეზით შეწყვიტეს და ზუგდიდში დაბრუნდნენ. სამდღიანი მსვლელობის შემდეგ 7 გარემოვაჭრე საზოგადოებრივი მოძრაობა „დაიცავი საქართველოს“ წევრმა კახა მიქაიამ რამდენიმე...



გორთან ახლოს „მაესტროს“ ჟურნალისტის, ია თინიკაშვილის მანქანას ესროლეს

11:55 09.06.2012დაუდგენელმა პირებმა „მაესტროს“ ჟურნალისტის, ია თინიკაშვილის მანქანას ცეცხლი სოფელ ბერბუკთან გაუხსნეს. ჟურნალისტი სოფელ ახრისიდან გორის მიმართულებით ბრუნდებოდა, როცა მის მანქანას ტყვიები მოხვდა და მინები ჩაიმსხვრა.ია თინიკაშვილი ახრისში...



ოზურგეთის აქციაზე მიმავალ სენაკელებს ხელისუფლება ძალადობით დაუპირისპირდა [video]

ავტორი ნანა ფაჟავა, სენაკი13:06 20.06.2012კოალიცია „ქართული ოცნების“ მიერ ოზურგეთში დაგეგმილ აქციაზე სენაკელი მხარდამჭერები ვერ მოხვდნენ. 17 ივნისს, სამეგრელოდან გურიაში ვერც კოალიციის სენაკის ოფისის წევრები გადავიდნენ. მათი ნაამბობიდან ირკვევა, რომ...

სააკაშვილის ცრუ დემოკრატია და მართვის საბჭოური სისტემა

ავტორი მარიამ თოდაძე15:21 12.03.2012როდესაც ქვეყნის მართვის ავტოკრატიულ სტილზე ვსაუბრობთ და სააკაშვილის ცრუ დემოკრატიაზეც დავამატებთ ხოლმე ორიოდე სიტყვას, რჩება შთაბეჭდილება, რომ საზოგადოების დიდი ნაწილისთვის მაინც არ არის გასაგები, რომ დემოკრატია ხალხის...



ზუგდიდში, რამდენიმე მისამართზე, სამხედრო ფორმიანი ადამიანები მალულად ბინადრობენ [video]

ავტორი ნანა ფაჟავა17:06 21.03.2012Presage.tv კიდევ ერთ ვიდეო მასალას გთავაზობთ, რომელიც ზუგდიდში რუსთაველის ქუჩაზე, ერთ-ერთ სახლშია გადაღებული. აღნიშნულ მისამართზე სამხედრო პირების საეჭვო გადაადგილების შესახებ ინფორმაცია ზუგდიდელებმა მოგვაწოდეს. ჩვენ...



ილია ჩაჩიბაია: „გასაიდუმლოებული სამხედრო შტაბები სამეგრელოს თითქმის ყველა სოფელშია განთავასებული“

14:57 25.03.2012„ობიექტივის“ წამყვანისა და ჟურნალ "ღია ბოქლომის" მთავარი რედაქტორის ილია ჩაჩიბაიას განცხადებით, ხელისუფლებამ სამეგრელოში ჩამოყალიბებულ უკანანო შეირაღებულ ფორმირებებში მეთერთმეტე კლასელი მოსწავლეებიც ჩართო.როგორც „ობიექტივის“ პირდაპირ...



წალენჯიხის ბავშვთა სახლში უსაფრთხოების პირობების დარღვევა უბედური შემთხვევის მიზეზი გახდა

15:36 27.04.2012წალენჯიხის ბავშვთა სახლში უსაფრთხოების პირობების დარღვევა უბედური შემთხვევის მიზეზი გახდა; ერთ-ერთმა აღსაზრდელმა სხეულის სერიოზული დაზიანება მიიღო – ეზოში უყურადღებოდ დატოვებული ნაჯახით მარცხენა ხელის არათითის I და II ფალანგი მოიჭრა....



გოდერძი ჩოხელის ოჯახი საქართველოს დატოვებას ფიქრობს [video]

ავტორი მანანა ნოზაძე20:00 30.04.2012გოდერძი ჩოხელის ოჯახი საზღვარგარეთ წასვლას არ გამორიცხავს. ამის შესახებ ცნობილი მწერლის, რეჟისორისა და სცენარისტის მეუღლემ ნინო მელაშვილმა-ჩოხელმა Presage.tv-სთან საუბარში განაცხადა. მისი თქმით, საქართველოს დატოვება...



„ნაციონალური“ უფასო სასადილო ხობში ისევ გამოჩნდა [video]

ავტორი ნანა ფაჟავა22:38 02.05.2012„ერთიანი ნაციონალური მოძრაობა-უფასო სასადილო მზრუნველობ ამოკლებულთათვის“ -2005 წლიდან ასეთი წარწერა ქვეყნის მასშტაბით თითქმის ყველა ქალაქის იმ ობიექტებს ამშვენებდა, სადაც მმართველმა პარტიამ „საქველმოქმედო“ პროექტის განხორციელება...


დღეს, კიდევ ერთი მსჯავრდებული თენგიზ ბელქანია გარდაიცვალა

18:04 04.04.2012 სასჯელაღ სრულების # 18 სამკურნალო დაწესებულებაში კიდევ ერთი მსჯავრდებული, თენგიზ ბელქანია გარდაიცვალა, რომელიც სასჯელს ნარკოტიკული ნივთიერების შეძენა-შენახვისთვის იხდიდა.პატიმრის ადვოკატის, მათე ხარჭამაძის განცხადებით, ბელქანიას 8 წელი...



„სააკაშვილის საქართველო მხოლოდ ცენტრალური მაგისტრალის გასწვრივ ვითარდება“ [video]

18:08 07.04.2012ირაკლი ალასანია სამეგრელოში შეხვედრებს განაგრძობს. დღეს, კოალიცია „ქართული ოცნების“ ერთ-ერთი ლიდერი ირაკლი ალასანია ჩხოროწყუს რაიონის სოფელ კირცხის მოსახლეობას შეხვდა.ირაკლი ალსანიას განცხადებით, ეს სოფელი პრაქტიკულად საძოვრების გარეშეა...



ველოტრასას დადიანების ბაღი ეწირება [video]

ავტორი ნანა ფაჟავა12:11 09.05.2012ველომანიამ იმერეთიდან სამეგრელოშიც ჩამოაღწია. ქუთაისის შემდეგ ზუგდიდიც გაველოტრასდება და მიხეილ სააკაშვილის ცნობილ ფრაზებს: „ველოსიპედი ევროპული და ამავდროულად, ჯანსაღი ცხოვრების წესის მნიშვნელოვანი და განუყოფელი ნაწილია“,...



ლაზიკაში იუსტიციის სახლის მშენებლობა დაიწყო [video]

ავტორი თამარ ზანთარაია14:06 09.05.2012სოფელ ანაკლიის „პატრიოტთა ბანაკის“ სიახლოვეს, ახალი ქალაქის ლაზიკის ტერიტორიაზე იუსტიციის სახლის მშენებლობა დაიწყო. ლაზიკამდე მისასვლელი საავტომობილო გზის ნაწილი ეკალბარდებისგან უკვე გაკაფულია. ახალქალაქის დანარჩენი...