თუ ხელისუფლება ჩემს დაპატიმრებას გადაწყვეტს, ეს ძვირად დაუჯდება , _ ამის შესახებ, "დემოკრატიული მოძრაობა - ერთიანი საქართველოს" ლიდერმა ნინო ბურჯანაძემ დღეს, "პალიტრა TV-რადიოს" ეთერში განაცხადა.
გაზიარება
[16:26 15-04-2011]
მისივე თქმით, მის გვერდით ბევრი მოტივირებული ადამიანია და ხელისუფლება ყველა მათგანს ვერ დააპატიმრებს. "არც მე და არც ჩემი მეუღლე არაფერს ვაკეთებთ, რაც წინააღმდეგობაში მოდის კანონთან. ჩვენ ქვეყნისა და ხალხის წინაშე მართლები ვართ და არაფრის გვეშინია. თუ ამას გაბედავენ, ძვირად დაუჯდებათ", _ განაცხადა ბურჯანაძემ.
გაზეთი "საქართველოს რესპუბლიკა" ანონიმურ წყაროზე დაყრდნობით წერს, რომ ხელისუფლება სახალხო კრების მოღვაწეობით უკმაყოფილოა და მათ წინააღმდეგ ფართომასშტაბიან კამპანიას გეგმავს. გაზეთის ინფორმაციით, მათ შორის იგეგმება ნინო ბურჯანაძის დაპატიმრებაც.
interpressnews.ge
