ჟურნალი "ღია ბოქლომი"

ვერცხლის ქუჩაზე არსებულ ეკლესიაში ნაგავი ერთი თვეა იწვის

2012-01-27T07:16:00.000-08:00

ავტორი ნინო მიქიაშვილი | "ობიექტივი"
19:25 27.01.2012
ვერცხლის ქუჩაზე არსებულ, უმძიმეს მდგომარეობაში მყოფ ეკლესიაში ნაგავი ისევ იწვის. ეკლესიის შიგნით, წლების წინ ნახევრად დამწვარ მაკულატურას ცეცხლი მიმდინარე წლის 3 იანვარს გაუჩნდა და იქიდან მოყოლებული დღემდე ვერ მოხერხდა ნაგვის გატანა და ცეცხლის ჩაქრობა, მიუხედავად იმისა, რომ იქ სახანძრო ბრიგადა თითქმის ათჯერ იყო მისული.

ეკლესიაში გაჩენილ ხანძართან დაკავშირებით გამოძიება არ დაწყებულა, რისი მიზეზიც ისაა, რომ ამ ხანძარს ზარალი არ მოჰყოლია. ეს განმარტება ძველი თბილისის რაიონის საგანგებო და გადაუდებელი სიტუაციის მართვის სააგენტოს განყოფილების უფროსის, კობა ჯოხაძისგან 21 იანვარს მივიღე. იმ წუთისთვის დასუფთავების სამსახურის თანამშრომლებს ეკლესიიდან ნაგავი გაჰქონდათ. სახანძროს წარმომადგენლებიც იქვე იყვნენ და ცეცხლის კერებს აქრობდნენ.

დღეს, 27 იანვარს მივედი და თავად ვნახე ეკლესიაში არსებული ვითარება; ფოტოები გადავიღე, რომელზეც ჩანს როგორ უკიდია ცეცხლი მაკულატურის ნარჩენებს. ვესაუბრე ეკლესიის ეზოში მცხოვრობ ქალბატონს - ჰაიკანუშა ბეროშვილს. როგორც მან მითხრა, ადამიანები, რომლებსაც ეკლესიიდან ნაგავი გაჰქონდათ, 25 იანვრის შემდეგ აღარ უნახავს - “ლაფატკები ჩემთან დააწყვეს და წავიდნენ. მას შემდეგ აღარ მოსულან“.

დავინტერესდი ამ ბოლო დღეებში რესტავრატორები ხომ არ ყოფილან მისულები. ჰაიკანუშა ბეროშვილმა მითხრა, რომ რესტავრატორები იქ არ უნახავს.

ნაგებობა უმძიმეს მდგომარეობაშია. კარი ღიაა და ნებისმიერ დაინტერესებულ ადამიანს შეუძლია მივიდეს და თავად ნახოს რა ხდება ამ წუთისთვის ვერცხლის ქუჩაზე არსებულ ეკლესიაში.

შეგახსენებთ, რომ 22 იანვარს საქართველოს საპატრიარქომ ვერცხლის ქუჩაზე მდებარე ეკლესიასთან დაკავშირებით სპეციალური განცხადება გაავრცელა, რასაც მეორე დღეს მოჰყვა კულტურული მემკვიდრეობის ეროვნული სააგენტოს განცხადება, რომელშიც ჩემი აზრით, ირიბი მინიშნებაა იმის შესახებ, რომ ეს ეკლესია ქართული არ არის. ორივე განცხადების ტექსტს უცვლელად გთავაზობთ.

საქართველოს საპატრიარქოს განცხადება:

“როგორც საზოგადოებისთვის არის ცნობილი, ახალი წლის დღეებში, თბილისის ძველ უბანში, ვერცხლის ქუჩაზე მდებარე წმ. ნიკოლოზის უმოქმედო ეკლესიაში, რომელსაც სომხები “სურბ ნშან“-ს უწოდებენ, ცეცხლი გაჩნდა და ტაძარი დაზიანდა.

ეს ფაქტი, ჩვენს გულისტკივილს იწვევს. სამწუხაროა, რომ აღნიშნულთან დაკავშირებით მასმედიაში გავრცელებული ინფორმაცია გარკვეულ ცდომილებებს შეიცავს.

საქართველოს საპატრიარქოს მიაჩნია, რომ ვერცხლის ქუჩაზე მდებარე ტაძარში უპირველესად უნდა განხორციელდეს გადაუდებელი გამაგრებითი სამუშაოები, შემდეგ კი უნდა შეიქმნას ერთობლივი კომისია, რომელიც ჩაატარებს არქეოლოგიურ კვლევებს და დადებს სათანადო დასკვნას. ამ საქმეში კი აუცილებლად უნდა მიიღონ მონაწილეობა, როგორც საქართველოს საპატრიარქოს, ისე სომხური მხარის წარმომადგენლებმა, რათა მიუკერძოებლად განისაზღვროს ტაძრის წარმომავლობა, აქედან გამომდინარე კი მისი კუთვნილების საკითხი.

ანალოგიური მიდგომით უნდა განხორციელდეს სხვა სადაო ტაძრების მეცნიერული შესწავლა და მხოლოდ ამის შემდეგ მოხდეს პარიტეტულ საწყისებზე მათი გადაცემა სომხეთში, ლორე-ტაშირის ეპარქიაში, საქართველოს ეკლესიისთვის, საქართველოში კი, სომხური მხარისთვის”.

კულტურული მემკვიდრეობის დაცვის ეროვნული სააგენტოს განცხადება სააგენტო “ინტერპრესნიუსმა“ 23 იანვარს გაავრცელა:

"2011 წელს "სურბნიშანის" საპროექტო დოკუმენტაციის შექმნა კულტურული მემკვიდრეობის დაცვის ეროვნულმა სააგენტომ დააფინანსა. "საქართველოს იკომოსმა" მოამზადა და წარმოადგინა "სურბნიშანის" სრული პროექტი, რომელიც საფუძვლად დაედება ძეგლზე ფიზიკური სამუშაობის დაწყებას. ამ ეტაპზე მიმდინარეობს ტერიტორიის დასუფთავებითი სამუშაობი, რომელსაც ახორციელებს ქალაქ თბილისის მერია. ძეგლისა და მისი ტერიტორიის გაწმენდის შემდეგ "სურბნიშანის" ჩამოშლილი სვეტის აღდგენითი სამუშაოები დაიწყება. ტაძრის კარიბჭესა და ინტერიერში მოეწყობა ძალოვანი ხარაჩოები, რომელიც ძეგლის უსაფრთხოებას უზრუნველყოფს", - აცხადებენ კულტურული მემკვიდრეობის დაცვის ეროვნული სააგენტოში.

სააგენტოში ასევე განმარტავენ, რომ ქვეყანაში ძეგლთა რეაბილიტაცია მათი რელიგიური კუთვნილების განურჩევლად ხორციელდება. უკანასკნელ წლებში, ამ მიმართულებით რამდენიმე ათეული პროექტი განხორციელდა, მათ შორის მომზადდა ნორაშენის საპროექტო დოკუმენტაცია და კვლევითი არქეოლოგიური სამუშაობის პარალელურად, გადაუდებელი გამაგრებითი სამუშაო, მოღნისის ეკლესიაში შესრულდა“.

როგორც ძველი თბილისის რაიონის საგანგებო და გადაუდებელი სიტუაციის მართვის სააგენტოს განყოფილების უფროსმა, კობა ჯოხაძემ აღნიშნა, ეკლესიაში გაჩენილი ხანძრის ჩასაქრობად პირველად 3 იანვარს მივიდნენ:

“რამდენიმე წლის წინ ამ ეკლესიაში ხომ ხანძარი იყო?! კომუნისტებისდროინდელი მაკულატურა ეყარა. მაშინ ხანძარი ჩავაქრეთ, მაგრამ როგორი რაღაცაა იცით - შეიძლება ეკიდოს ცეცხლი, ზემოდან წყალი ასხა, მაგრამ ამას შედეგი არ მოჰყვეს. გამგეობას საქმის ვითარება გავაცანი - ნაგავს თუ არ გავიტანთ, ცეცხლის ჩაქრობას ისე აზრი არ ექნება-მეთქი. ის, რასაც უკვე მაკულატურაც აღარ ჰქვია, სიღრმეში ძალიან დიდი რაოდენობით არის, ფარული წვა მიდის და შემდეგ სადღაც ამოხეთქავს ხოლმე.

გამოძიება, როგორც ასეთი არ დაწყებულა, რადგან ეს არის ნაგავი და არაფერ ფასეულობას არ წარმოადგენს. ამიტომაც ამას ზარალი არ შეიძლება დაერქვას; ზარალი როცა არ არის, გამოძიება არ მიმდინარეობს. სხვათა შორის კონტრდაზვერვაც შემოგვეხმიანა, საპატრიარქოც დაგვიკავშირდა“.

ეკლესიაში ჩამოშლილია სვეტი, რაზეც კობა ჯოხაძე ამბობს, რომ ეს ახლანდელი პრობლემა არ არის - “ეს ძველი პრობლემაა. შენობა ავარიულია. მას ალბათ, ძალიან დიდი ხნის წინ ჩაუტარდა გამაგრებითი სამუშაოები, ბეტონი იყო ჩასხმული, რომელიც გახეთქილი გახლდათ და ჩამოინგრა, სიძველის გამო და არა ხანძრის გამო. ჩვენ რომ ვმუშაობდით იმ პერიოდში ჩამოინგრა, მაგრამ ვიმეორებ, რომ ეს ხანძრის გამო არ მომხდარა“.

ჩემს კითხვაზე - ხანძარი როგორ შეიძლებოდა გაჩენილიყო? კობა ჯოხაძემ ასეთი პასუხი გასცა - “უსახლკაროები, ბომჟებს, რომ ეძახიან, შეიძლება შედიოდნენ და ხანძარიც ამიტომ გაჩნდა. არ ვფიქრობ, რომ ეს არის წინასწარგანზრახულობის შედეგი“.

| ეკლესია ვერცხლის ქუჩაზე. 27.01.2012 |

“ბათუმში აზიზიეს მეჩეთი აღსდგება“ – თურქეთის კულტურის მინისტრი

2012-01-27T06:36:00.001-08:00

ავტორი ნინო მიქიაშვილი | "ობიექტივი"
19:06 27.01.2012
“გარდა ამისა, ახალციხეში რაბათისუბანში მდებარე აჰმედიეს მეჩეთის აღდგენაც დაიწყება და ამასთან დაკავშირებით შეთანხმება უკვე არსებობს. მეჩეთების აღდგენა თურქეთთან არსებული იმ შეთანხმების ფარგლებში მოხდება, რომლითაც ისტორიულ ქართულ პროვინციებში ქართული არქიტექტურული ძეგლების აღდგენა-რესტავრაცია უნდა მოხდეს“

დღეს თურქულენოვან პრესაში თურქეთის კულტურისა და ტურიზმის მინისტრის, ერთუღრულ გიუნაის მიერ გაკეთებული განცხადება გავრცელდა, რომლის ასლი და ქართული თარგმანი მომაწოდა “ლეიბორისტული პარტიის“ აჭარის რეგიონალური ორგანიზაციის თავმჯდომარემ, დავით რობაქიძემ.
უცვლელად გთავაზობთ თურქულენოვან პრესაში გამოქვეყნებული სტატიის ქართულ თარგმანს:
“ბათუმში აზიზიეს მეჩეთი აღსდგება“, – გუშინ, ანკარაში საქართველოს კულტურის მინისტრთან შეხვედრის შემდეგ განაცხადა თურქეთის კულტურისა და ტურიზმის მინისტრმა, ერთუღრულ გიუნაიმ.

ადგილის გამოყოფასთან დაკავშირებით შეხვედრები დამატებით გაიმართება.
მისივე თქმით, საკითხი ამჟამად, საქართველოს კულტურის მინისტრ ნიკოლოზ რურუასთან უკვე განიხილება. მან კმაყოფილებით აღნიშნა, რომ ორმხრივი ურთიერთობები პოლიტიკის, ეკონომიკის, ვაჭრობისა და ტურიზმის სფეროში, კულტურის სფეროში ურთიერთობების გაღრმავებასაც მოიცავს.
გარდა ამისა, ახალციხეში რაბათისუბანში მდებარე აჰმედიეს მეჩეთის აღდგენაც დაიწყება და ამასთან დაკავშირებით შეთანხმება უკვე არსებობს. მეჩეთების აღდგენა თურქეთთან არსებული იმ შეთანხმების ფარგლებში მოხდება, რომლითაც ისტორიულ ქართულ პროვინციებში ქართული არქიტექტურული ძეგლების აღდგენა-რესტავრაცია უნდა მოხდეს.

ქართველი სპეციალისტები კი, გიუნაის განმარტებით, თურქეთში ეკლესიების აღდგენაში მიიღებენ მონაწილეობას და ამ საკითხთან დაკავშირებით ორივე მხრიდან უკვე არსებობს თანხმობა.
მიმდინარე წელს საქართველო–თურქეთის დიპლომატიური ურთიერთობის 20 წლისთავი სრულდება და ამასთან დაკავშირებით გარკვეული საზეიმო ღონისძიებები გაიმართება“.

ტელეფონის მომხმარებლებს ანგარიშიდან 20 ან 50 თეთრი ჩამოეჭრებათ!

2012-01-27T05:54:00.000-08:00

ავტორები: თეონა ისაშვილი, თეონა ბალავაძე
17:59 27.01.2012
პარტია „სალომე ზურაბიშვილი-საქართველოს გზა“ „112“–ის სერვისის ტარიფის დაწესების გასაჩივრებას სასამართლოში აპირებს, ამ საკითხზე დღეს გამართულ სპეციალურ ბრიფინგზე პოლიტიკური მოძრაობის ახალგაზრდული ორგანიზაციის თავჯდომარე მამუკა ბალიაშვილმა განაცხადა:

„აღნიშნული ისეთივე უკანონო და აბსურდული გადაწყვეტილებაა, როგორიც დენის და დასუფთავების გადასახადის ერთმანეთზე მიბმა“.

შეგახსენებთ, რომ 2012 წლის პირველი იანვრიდან ამოქმედდა საქართველოს პარლამენტის მიერ 2011 წლის 24 ნოემბერს მიღებული კანონი, რომლის თანახმადაც ყველა ფიქსირებული, გეოგრაფიული ან არაგეოგრაფიული ზონის და მობილური სატელეფონო მომსახურების მიმღებ აბონენტს მოუწევს სსიპ „112“–ის მომსახურეობის საფასურის გადახდა.

თითოეულ აბონენტს ყოველთვიურად 5 ლარის გახარჯვის შემთხვევაში - 20 თეთრი, ხოლო იურიდიულ პირებს - 50 თეთრი ჩამოეჭრებათ, მიუხედავად იმისა გამოიყენებენ თუ არა ისინი არსებულ მომსახურებას.

დაისაჯონ სანდროს მკვლელები!!! შეწყდეს პატიმართა წამება

2012-01-27T02:34:00.000-08:00

14:41 27.01.2012
წინააღმდეგობის მოძრაობა და მედია–კავშირი „ობიექტივი“ 2012 წლის 28 იანვარს 13:00 საათზე აწყობს საზოგადოებასთან შეხვედრას, სახელწოდებით –„გავიცნოთ ერთმანეთი“.

„შეხვედრა ითვალისწინებს იმ ადამიანების მობილიზაციას, ვისაც გული შესტკივა საპატიმროებში არსებულ კანონდარღვევებზე. კერძოდ: მსჯავრდებულთა ცემაზე, წამებასა და მათ მიმართ არაადამიანურ მოპყრობაზე. ერთად დავგეგმოთ ღონისძიებები საპატიმროებში არსებულ კანონდარღვევებთან დაკავშირებით. აუცილებელია საზოგადოების აქტივობა რათა კანონის ფარგლებში ზეწოლა მოვახდინოთ ხელისუფლებაზე“ – აცხადებენ ორგანიზატორები.

მონაწილეები იმავე დღეს, 15:00 საათზე შეუერთდებიან წინააღმდეგობის მოძრაობის მიერ დაგეგმილ აქციას რუსთაველის ძეგლთან და პროტესტით შეხვდებიან სანდრო გირგვლიანის მკვლელობიდან 6 წლისთავს.

მისამართი: ძმები კაკაბაძეების ქ. N 2; კინოს სახლი, მე 2–ე სართული. (მეტრო რუსთაველთან).

დღეს წმინდა ნინოს ხსენების დღეა

2012-01-27T01:37:00.000-08:00

13:06 27.01.2012
საქართველოს მართლმადიდებელი ეკლესია, დღეს მოციქულთა სწორის, წმინდა ნინოს ხსენების დღეს აღნიშნავს. წმიდა ნინო წარმოშობით კაბადოკიის ქალაქ კოლასედან იყო. მისი მამა – ზაბულონი საფრანგეთის განმანათლებლად ითვლება. მოციქულთა სწორი ქალწული ნინო საქართველოში, დაახლოებით, 323 წელს ჯავახეთის მთებით შემოვიდა. მას ღვთისმშობლის მიერ ბოძებული ვაზის ჯვარი ეპყრა ხელში.

წმიდა ნინო ფარავნის ტბასთან ორი დღე შეჩერდა და მეთევზურთაგან მირთმეული საკვებით ძალა მოიკრიბა. დასასვენებლად მიწაზე მიწოლილს ძილში ბრწყინვალე კაცი ეჩვენა, რომელმაც დაბეჭდილი წერილი მისცა და უთხრა, რომ წერილი წარმართთა მეფისთვის მიერთმია, რადგანაც ამისთვის იყო მოვლენილი. წერილის თავში რომაულად იესოს სახელი ეწერა და, როგორც მოსეს ქვის ფიცრებზე, ათი სიტყვა იყო დაწერილი.

ქართველთა განმანათლებლისა და მოციქულთა სწორის, წმიდა ნინოს ქადაგებით, საქართველოში ქრისტიანობა სახელმწიფო რელიგიად 326 წელს გამოცხადდა. ამ დროს სამეფო ტახტი მეფე მირიანსა და დედოფალ ნანას ეპყრათ.

წმიდა ნინოს ხსენებას საქართველოს ეკლესია წელიწადში ორჯერ დღესასწაულობს: 1(19) ივნისს მისი საქართველოში შემოსვლა აღინიშნება, ხოლო 27(14) იანვარს - გარდაცვალება.

ხელისუფლება ქართულ ანბანს „გარდაცვალების“ ძეგლს უდგამს

2012-01-26T09:49:00.000-08:00

ავტორი ეკა სარალიძე | “ობიექტივის“
21:53 26.01.2012
თითქოს და არაფერია საგანგაშო ამ ერთობ უწყინარ წერილში მავანთათვის, ვისაც საქართველო მართლაც დემოკრატიის მანათობელი შუქურა ჰგონია, მაგრამ ვინც ფიქრობს, რომ ქვეყანა ზარზეიმით თვალწინ გვენგრევა, მათთვის მორიგი წუხილის მიზეზი გახდება. მკითხველმა თავად განსაჯოს რა ხდება დღეს საქართველოში და როგორ ატყუებს ხელისუფლება საკუთარი ქვეყნის მოსახლეობას, რომელიც წლებია უკვე სიღატაკის ზღვარს მიღმა ცხოვრობს.

გთავაზობთ 2011 წლის 29 დეკემბერს, ესპანურ გაზეთ „Las Provinsiales“-ში (რომელსაც ქართულად ასე ჰქვია - პროვინციალები)გამოქვეყნებული სტატიას სათაურით „არნომ“ საქართველოში ააშენა 131 მეტრის სიმაღლის კოშკი“, რომელიც ჩემი თხოვნით ქართულად გადათარგმნა ესპანეთში მცხოვრებმა ერთ-ერთმა ჩვენმა თანამემამულემ. საყურადღებოა ის, რომ ამ სტატიაში საქართველო მოხსენიებულია „ბალკანეთის ქვეყნად“.

„არნომ“ საქართველოში ააშენა 131 მეტრის სიმაღლის კოშკი“

ინდუსტრიულმა საწარმომ „ტოლეროსეტრა“ ახლახან საქართველოს ქალაქ ბათუმში ააგო 131 მეტრის სიმაღლის კოშკი, რომელსაც ეწოდება ALFABETIK TOWER (ანბანის კოშკი) და რომელიც საზეიმოდ, ოფიციალურად გაიხსნება 31 დეკემბერს. გახსნას საქართველოს რესპუბლიკის პრეზიდენტი მიხეილ სააკაშვილი დაესწრება.

ამავე დღეს, ღია ცის ქვეშ, პარკში, რომელსაც ეწოდება „MIRAKALE PARK SQUAR" და კოშკის ქვეშ ათასობით მსმენელის წინაშე მომღერალი ხულიო იგლესიასი იმღერებს.

კოშკის ასაშენებლად „არნომ" გამოიყენა 1500 ტონა ფოლადი მეტალიკატი. კოშკის მშენებლობა რამდენიმე თვე მიმდინარეობდა და მის აშენებაში მონაწილეობდნენ „ოპერატორები“ და „ტექნიკოსები“, რომელნიც ბალკანეთის ამ ქვეყანაში გადაბარგდნენ.

კოშკი წარმოადგენს ცილინდრის ფორმას, რომლის საფუძველს 30 მეტრის დიამეტრი აქვს. ამ ცილინდრის საყრდენის შიგნით მდებარეობს მეორე ცილინდრი, 8 მეტრის დიამეტრის, რომელშიც მოთავსებულია კიბეები და ლიფტი პანორამული ხედვით და რომელსაც აჰყავხარ კოშკის მწვერვალზე, სადაც მდებარეობს მოძრავი რესტორანი და საიდანაც არის ლამაზი ხედი ქალაქისა, ზღვისა და კავკასიის შთამბეჭდავი მთებისა.

ALFABETIK TOVER(ანბანის კოშკი) მნიშვნელობა გამოიხატება იმაში, რომ კოშკი მთელ სიმაღლეზე მორთულია ქართული ანბანის 33 ასოთი; თითოეული ასო 6 მეტრის სიმაღლისაა და აქვს დამოუკიდებელი განათება (ესპანური გაზეთი „Las Provinsiales“ 2011 წლის 29 დეკემბერი)“.

ზემოხსენებულ ესპანურ გამოცემაში სამწუხაროდ, დასახელებული არ არის წყარო, რომელზე დაყრდნობითაც გამოცემა წერს, რომ საქართველო არის „ბალკანეთის ქვეყანა“. საინტერესოა ვინ მიაწოდა ესპანურ პრესას ამგვარი ინფორმაცია, ან რატომ, რა მიზნით არის საქართველო „ბალკანეთის ქვეყნად“ მოხსენიებული. ნუთუ, მსოფლიოში ასეთი ეკონომიკური „წინსვლით“ განთქმული სახელმწიფო ესპანელი ჟურნალისტისთვის ცნობილი არ არის?!

ანბანის კოშკთან დაკავშირებით ესპანურენოვანი გამოცემისგან განსხვავებულ ცნობებს გვაწვდიან ქართულენოვანი ინტერნეტგამოცემები: „commersant.ge“ და „netgazeti.ge“.

„commersant.ge“ 2011 წლის 11 ნოემბერს ამავე გამოცემაში გამოქვეყნებულ სტატიაში აღნიშნულია:

„ქართულ ეიფელის კოშკად მონათლული ბათუმის ანბანის კოშკის მშენებლობისთვის აჭარის ბიუჯეტიდან 64 მილიონი იხარჯება. კოშკის ბოლო სამ სართულზე რესტორნის, ტელესტუდიის და ობსერვატორიის გაკეთება იგეგმება. ქართული ანბანის ოცდაცამეტივე ასო ბათუმში სპეციალურად აგებულ ანბანის კოშკზე უკვე დაიწერა მხედრულად, ასომთავრულად და ნუსხურად.

ანბანის თითოეული ასოს სიგრძე დაახლოებით 7 მეტრია. კოშკი დაახლოებით 130 მეტრი სიმაღლისაა. ნაგებობის თავზე მინის სფეროა განთავსებული. პროექტის მიხედვით, სფეროში მბრუნავი რესტორანი უნდა იყოს. იგი ერთ ბრუნს ერთ საათს მოანდომებს. ბათუმის მერიაში ვარაუდობენ, რომ კოშკის მშენებლობა 2011 წლის ბოლოს დასრულდება. კოშკის პროექტი საქართველოს პრეზიდენტმა 2010 წელს გახსნა”.

2011 წლის 8 აგვისტოს „netgazeti.ge“ ბათუმის ანბანის კოშკზე ასეთ ინფორმაციას აქვეყნებს:

„ბათუმის მერიაში ვარაუდობენ, რომ კოშკის მშენებლობა 2011 წლის ბოლოს დასრულდება. ანბანის კოშკის არქიტექტორი ესპანელი ალბერტო დომინგო კაბოა. მისი არქიტექტურით ქუთაისში მალე პარლამენტის შენობა აიგება. ანბანის კოშკის მშენებლობისთვის ესპანურ კომპანიას, შპს „GMD DOMINGO Y LAZARO INGENIEROS S. L“-ს ბათუმის მერიამ 59 მილიონი გადაურიცხა. მერია საქართველოს მთავრობის განკარგულებას დაეყრდნო და გამარტივებული შესყიდვის ფორმა გამოიყენა“.
ერთი წლით ადრე, 2010 წლის 31 ოქტომბერს „netgazeti.ge“ მკითხველს აუწყებს, რომ ბათუმის კოშკს ააშენებს ქართული კომპანია (და არა ესპანური!!!):

„პროექტი ბათუმის მერიის ბიუჯეტიდან დაფინანსდა და მისი მშენებლობა 5 თვეში უნდა დასრულდეს. ანბანის კოშკს ქართული კომპანია „მაგისტილი" ააშენებს. მშენებლობებზე 100-მდე ადგილობრივი დასაქმდება“.

ზემოხსენებულ ინტერნეტგამოცემებში ნათლად ჩანს ურთიერთგამომრიცხავი ინფორმაციები, ბიუჯეტიდან გამოყოფილ თანხებზე და, ასევე, ესპანურ სამშენებლო კომპანიაზე. საინტერესო სწორედ ისაა, რომ საინფორმაციო საშუალებებისთვის ინფორმაციის მიმწოდებელი წყარო ტყუილის რამდენი ვერსიით აბრუებს საქართველოს მოქალაქეებსს და ასევე მსოფლიოსაც. დიდი ფიქრი არ სჭირდება პასუხს კითხვაზე – რატომ? იმიტომ, რომ საქართველოს ხელისუფლება არ თვლის საჭიროდ ზუსტი ანგარიში ჩააბაროს ხალხს, რადგან სიცრუე ჩვენი ქვეყნის მოსახლეობისთვის საკმაოდ კარგი საკვებია.

ესპანური სამშენებლო კომპანია „არნო“ გაერთიანებულია საწარმო „ტელეროსეტრაში“ და მისი ხელმძღვანელი ალბერტო დომინგო კაბო გახლავთ. მკითხველმა უნდა იცოდეს, რომ სააკაშვილის მიერ ათასჯერ ნაქები და საქართველოში არქიტექტორად წოდებული ალბერტო დომინგო კაბო პროფესიით გზის მშენებელი ინჟინერია და საკუთარ სამშობლოში ირონიულად „კავკასიიის კალატრავად“ მოიხსენიებენ, ვინაიდან მას ესპანეთში ბათუმის კოშკის მსგავსი არაფერი აქვს აგებული. ეს ინფორმაცია ესპანეთში მცხოვრებმა ჩვენმა თანამემამულეებმა მოგვაწოდეს.

„2010 წლის 26 მაისს თბილისში თავისუფლების მოედანზე საზეიმოდ ბრწყინვალების საპრეზიდენტო ორდენით დაჯილდოვდა ალბერტო დომინგო კაბო - ბათუმისა და ანაკლიის, თბილისის გმირთა მემორიალის და საქართველოს ახალი პარლამენტის შენობის პროექტის შექმნისთვის“, - წერს „netgazeti.ge“ 2010 წლის 26 მაისს.

კვლავ მივუბრუნდეთ ესპანურენოვან გამოცემა „Las Provinsiales“-ში 2011 წწლის 29 დეკემბერს გამოქვეყნებულ სტატიას, სათაურით „არნომ“ საქართველოში ააშენა 131 მეტრის სიმაღლის კოშკი“. სტატიაში აღნიშნულია:

„ანბანის კოშკი გახლავთ საწარმო „არნოს" მიერ საქართველოში შექმნილი მესამე ნაგებობა. ცოტა ხნის წინ და რეკორდულ მოკლე დროში (თვენახევარი), ამავე ზღვისპირა ქალაქ ბათუმში ააგეს გიგანტური თაღი THE DOOR OF BLAK ESA (შავი ზღვის ჭიშკარი), რომელიც 35 მეტრი სიმაღლის, 26 მეტრი სიგანის და 200 ტონის სიმძიმისაა და მიმართულია შავი ზღვისაკენ; შეღებილია საქართველოს დროშის ფერებით, როგორც პორტში შემავალი სიმბოლო.

უფრო ადრე „არნომ" ქალაქ თბილისში ააგო TORE DE HERIOS (გმირთა მემორიალი); გიგანტური ქანდაკების სიმაღლეა 50 მეტრი; წარმოადგენს მსოფლიოში ყველაზე დიდ ნაგებობას „მეტაკრილატით" და ეძღვნება საქართველოს გმირების ხსოვნას“ (ესპანური გაზეთი „Las Provinsiales“ 2011 წლის 29 დეკემბერი)“.

ესპანელ კოლეგას, ალბათ, დაავიწყდა იმის მიწერა, რომ არქიტექტორად წოდებულ დომინგო კაბოს მიერ აშენებული „ანბანის კოშკი“ საქართველოში ყველაზე ძვირად ღირებული შენობა იქნება.

გმირთა მემორიალზე დამატებითი ინფორმაცია ჟურნალისტმა ნინო მიქიაშვილმა მომაწოდა, ის ჯერ კიდევ ორი წლის წინ ცდილობდა თბილისის მერიაში გაერკვია რა თანხა უჯდებოდა მემორიალის აგება სახელმწიფოს. მიქიაშვილის მიერ მომზადებულ სტატიაში სათაურით „მაგისტრალზე მიბმული გმირთა ხსოვნა“, თბილისის მერიის მიერ მიცემულ კომენტარში აღნიშნულია:

„გამომდინარე აქედან, მემორიალის ასაგებად ცალკე არ გამოცხადებულა პროექტების შესარჩევი კონკურსი. ტენდერი მაგისტრალზე იყო გამოცხადებული და ესპანელი არქიტექტორიც ამ პროექტის ფარგლებში შეირჩა. მთლიანობაში ამ პროექტისთვის 80 მილიონი ლარია გამოყოფილი, რომელიც მოიცავს ვაკე–საბურთალოს დამაკავშირებელ ახალ მაგისტრალს და გმირთა მოედანზე ესტაკადას. 30 მილიონი 2009 წელს ბიუჯეტიდან გამოიყო, როდესაც მშენებლობა დაიწყო და დანარჩენი 50 მილიონი 2010 წლის ბიუჯეტიდან გამოიყოფა...“, – ასეთი სიტყვიერი განმარტება მოგვცეს მერიის პრესსამსახურის წარმომადგენლებმა, როდესაც მემორიალისთვის დახარჯული თანხით დავინტერესდით.

სანამ სიტყვიერ განმარტებებს მივიღებდით, მერიის პრესსამსახურიდან ასეთი შინაარსის ინფორმაცია გადმოგვიგზავნეს – „გმირთა მოედანზე, ლითონის კონსტრუქციისა და მეტაკრილატის პრიზმებისგან შემდგარი 48 მეტრი სიმაღლის „გმირთა მემორიალი“ საქართველოს ერთიანობისთვის ბრძოლაში, 1921 წელს იუნკერების, 1924 წლის აჯანყების მეთაურების, 1992-93 წლებში აფხაზეთში და 2008 წლის აგვისტოში რუსეთის აგრესიის შედეგად დაღუპულ მეომართა ხსოვნას ეძღვნება. კოშკის მეტაკრილატის პრიზმებზე ყველა იმ მებრძოლის სახელი და გვარი ამოიტვიფრა, ვინც საქართველოს დამოუკიდებლობისა და ერთიანობისთვის ბრძოლას შეეწირა. მათი სახელების უკვდავსაყოფად მემორიალთან განთავსებულ კაფსულაში მათი სახელები იქნება მოხსენიებული. მემორიალი ესპანელი დიზაინერის ალბერტო დომინგო კაბოს მიერ არის დაპროექტებული.

გავრცელებული ინფორმაციით, ლითონის კონსტრუქციის გარშემო მეტალოპლასტმასია და სწორედ, ამაზეა ამოტვიფრული დაღუპული მეომრების გვარები. რადგან ეს ინფორმაცია მერიის პრესსამსახურში ვერ დავაზუსტეთ, ამიტომ ინტერნეტის საშუალებით ვეცადეთ გაგვერკვია რა მასალაა მეტაკრილატი, მაგრამ უცხო სიტყვათა ლექსიკონში, ამის მეტი ვერაფერი ვიპოვეთ: „მეტაკრილატები – მეტაკრილმჟავას მარილები ან რთული ეთერები“.

ესპანურ პრესაში გამოქვეყნებული წერილის შემდეგ მეც ვეცადე გამერკვია რა მეტალს წარმოადგენს მეტაკრილატი და რა არის მისი საბაზრო ღირებულება, რადგან ამ მეტალზე ინფორმაცია მხოლოდ ესპანურ ენაზე მოიპოვება, ამიტომ დახმარებისთვის კვლავ მივმართე ესპანეთში მცხოვრებ ჩვენს თანამემამულეებს, რომლებმაც ასეთი ცნობები მომაწოდეს:

METAKRILATO – ასე უწოდებენ ამ ქიმიურ მეტალს ესპანეთში, იწარმოება სამი ხარისხის. საშუალო ღირებულება 10 მმ. სისქე და 1 კვ.მეტრი ღირს 140 ევრო. ფასები დამოკიდებულია ამ ხელოვნური ლითონის ზომაზე , წონაზე, სისქეზე და მის ფერზე. იყენებენ თითქმის ყველაფერში - მშენებლობა, ავეჯი, ფოტოაპარტები და ისეთ ფაქიზ ნივთებშიც, როგორიცაა ჩიპები.

ჩვენ არავინ და არასდროს გვეტყვის თუ რა თანხა იხარჯება ისეთ პომპეზურ ნაგებობებში, როგორიცაა ე.წ. გმირთა მემორიალი, შავი ზღვის კარიბჭე და ბათუმის ანბანის კოშკი. ამას ხომ საავტორო, სამაკეტო და თავად მშენებლობის ხარჯებიც ერთვის? ავტორებიც და მშენებლებიც უცხოელები არიან და 100 ლარისთვის, გნებავთ, 1000 ლარისთვის საქართველოში რომ არავინ ჩამოვა, ესეც ხომ ცხადია?!

თუკი ძეგლს ქართულ ანბანს უდგამენ, მაშინ ესპანურ ენაზე დაწერილ წერილშიც რატომ არის მითითებული ყველა ნაგებობის სახელი ინგლისურად?! თუკი ეს ცნობა უცხოელი ჟურნალისტისთვის საქართველოს რომელიმე სახელმწიფო უწყებიდან არ არის მიწოდებული, მაშინ ესპანელმა ჟურნალისტმა ესპანელებისთვის გასაგებ ესპანურ ენაზე რატომ არ დაწერა და რატომ მიუთითა მათი სახელები ინგლისურად?! შეიძლება მკითხველმა ეს მორიგ ახირებად ჩამითვალოს, მაგრამ ის, რაც დღეს ჩვენს სკოლებში ხდება, საფუძველს მაძლევს ვიფიქრო, რომ ხელისუფლება ქართულ ანბანს „გარდაცვალების“ ძეგლს უდგამს.

„გმირთა მემორიალის გახსნის დღეს, იმ ესპანელმა არქიტექტორმა წამოაყრანტალა: „მე შემსრულებელი ვიყავი და შევასრულე; არც იდეა იყო ჩემი და არც არაფერი, ყველაფერი სააკაშვილს ეკუთვნოდაო”, - ესაა კიდევ ერთი ამონარიდი სტატიიდან სათაურით „მაგისტრალზე მიბმული გმირთა ხსოვნა“.

სწორედ საქართველოზეა ნათქვამი „უძაღლო ქვეყანაში კატებს აყეფებენო“.

ზუგდიდში რადიო „ათინათის“ ანძა გაძარცვეს

2012-01-26T03:02:00.000-08:00

15:09 26.01.2012
რადიო „ათინათმა“ FM-სიხშირეზე მაუწყებლობა ნაწილობრივ შეწყვიტა. რადიოს მოსმენა შესაძლებელია მხოლოდ ზუგდიდის ცენტრში და ისიც დაბალი ხარისხით. ამის მიზეზად რადიოს მთავარი პროდიუსერი გურამ როგავა ანძის გაძარცვას ასახელებს.

როგავას ინფორმაციით, წუხელ ურთას მთაზე რადიო „ათინათის“ ანძა გაძარცვეს. მოპარულია კაბელები, რამაც რადიოს მაუწყებლობის შეწყვეტა გამოიწვია. ინციდენტი 25 იანვარს, 20:30 საათისთვის, მოხდა. მომხდართან დაკავშირებით რადიო „ათინათმა“ უკვე მიმართა შესაბამის ორგანოებს. დეტალებს გამოძიება დაადგენს.

როგორც რადიოს ხელმძღვანელობა ამბობს, მათთვის უცნობია, როდის განახლდება სრულფასოვანი მაუწყებლობა. ამჟამად მიმდინარეობს ტექნიკურ ჯგუფთან კონსულტაციები. რადიოს მოსმენა კი დროებით შესაძლებელია ინტერნეტში, რადიოს ბლოგზე www.radio-atinati.blogspot.com, სადაც განთავსდება გადაცემების ჩანაწერებიც.

აღსანიშნავია, რომ რადიო „ათინათი“ ერთადერთი რეგიონული რადიომაუწყებელია, რომელიც სრულად ფარავს დასავლეთ საქართველოს, ასევე, აფხაზეთის ტერიტორიას. რადიოს მილიონზე მეტი პოტენციური მსმენელი ჰყავს.

"საქინფორმი"

22 წლის გიორგი ოქროპირიძე გამოძიებამ დაზარალებულად ცნო

2012-01-25T11:50:00.000-08:00

ავტორი ნინო მიქიაშვილი | "ობიექტივი"
02:00 25.01.2012
ყოფილი წყალბურთელი, ამჟამად მსჯავრდებული გიორგი ოქროპირიძე, რომლის ცემა-წამების შესახებ არაერთი წერილი გამოქვეყნდა, გამოძიებამ დაზარალებულად ცნო, მაგრამ არა მისი წამების ფაქტზე, არამედ, სამსახურებრივი უფლებამოსილების გადამეტების მუხლით. ამ სიახლის შესახებ ოქროპირიძის დედის, ცირა გოდერძიშვილისგან შევიტყვე.

ოქროპირიძის უფლებების დამცველი ადვოკატის, მანანა კობახიძის განმარტებით, როგორც წესი პროკურატურა მსგავს ფაქტზე გამოძიებას იწყებს არა წამების, არამედ უფლებამოსილების გადამეტების კუთხით და შემდეგ სტატისტიკურ მონაცემებში უთითებს, რომ წამების არც ერთი ფაქტი არ მომხდარა.

ფსიქო-რეაბილიტაციის ცენტრმა “ემპათია“, რომლის ხელმძღვანელი მარიამ ჯიშკარიანია, გიორგი ოქროპირიძის წამების ფაქტზე სტამბულის პროტოკოლის მიხედვით (საერთაშორისო სტანდარტი, რომლის მიხედვით იწერება დასკვნა) მომზადებული დასკვნა დადო. პატიმრის დედის, ცირა გოდერძიშვილის განმარტებით, სწორედ ამ დასკვნის საფუძველზე მოითხოვა წამების ფაქტზე გამოძიების დაწყება ოქროპირიძის ერთ-ერთმა ადვოკატმა, მიხეილ ღოღაძემ, რომელიც ამავდროულად “ახალგაზრდა იურისტთა ასოციაციაში“ მუშაობს, მაგრამ პროკურატურამ გამოძიება არა წამების ფაქტზე, არამედ უფლებამოსილების გადამეტების მუხლით (333-ე მუხლის პირველი ნაწილი) დაიწყო, გიორგი ოქროპირიძე დაზარალებულად ცნო და ხელმეორედ დაკითხა.

თუ გამოძიება ზემოხსენებული მუხლის მიხედვით დამნაშავეს გამოავლენს, მას 3 წლით თავისუფლების აღკვეთა, ან ამავე ვადით საქმიანობის ჩამორთმევის, ან თანამდებობის დაკავების უფლება შეეზღუდება.

კიდევ ერთი სიახლეა - 25 იანვარს საქალაქო სასამართლოს მოსამართლემ, ნინო ყანჩაველმა წარმოებაში არ მიიღო გიორგი ოქროპირიძის ადმინისტრაციული საჩივარი, რომლითაც პატიმარს ციხის N18 სამკურნალო დაწესებულების დირექტორის N106 განკარგულება ჰქონდა გასაჩივრებული, სასურსათო ბარათის შეზღუდვასთან დაკავშირებით. ოქროპირიძის უფლებების დამცველი ადვოკატის, მანანა კობახიძის განმარტებით, მოსამართლემ კანონი არასწორად განმარტა და საჩივრის ნაცვლად სარჩელის შეტანა მოითხოვა:

“რაც აბსურდია, რადგან კანონში საჩივრის შეტანაა მითითებული, მაგრამ რადგან გვინდა, რომ სასამართლომ ამ უკანონობაზე იმსჯელოს, იძულებულნი ვართ სარჩელი წარვადგინოთ“.

მოსამართლის მითითებით სარჩელის შეტანა შვიდ დღეში უნდა მოხდეს. წინააღმდეგ შემთხვევაში სასამართლო ზემოხსენებულ ფაქტზე აღარ იმსჯელებს. ამასთან, მანანა კობახიძის თქმით, სარჩელის შეტანა დაკავშირებულია ბაჟის გადახდასთან და კიდევ იმასთან, რომ სასამართლომ სარჩელში წარმოდგენილი საკითხი სამი ან ხუთი თვე შეიძლება არ განიხილოს, მაშინ, როცა ერთთვიანი ადმინისტრაციული სახდელი ოქროპირიძეს უკვე მოხდილი აქვს (სასურსათო ბარათის შეზღუდვის ათვლა 22 დეკემბერს დაიწყო).

“პროცესზე გიორგის ჰკითხეს - “სასურსათო ბარათის შეზღუდვის ვადა ხომ ამოწურულია და რაზე ასაჩვრებო?“ მან მიუგო - “მე არაფერი დამიშავებია, შინაგანაწესი არ დამირღვევია და გამომდინარე აქედან, არ მინდა ჩემს პირად საქმეში ეს უკანონო ადმინისტრაციული სახდელი დაფიქსირებული იყოსო“. ამ ფაქტთან დაკავშირებით გიორგის თანასაკნელები დაკითხეს და მათ დაადასტურეს ის, რომ ჩემს შვილს შინაგანაწესი არ დაურღვევია.

მის პროვოცირებას ახდენდა ექთანი სახელად ნანა, რომელიც მას აიძულებდა უზმოზე მიეღო ისეთი წამლები, რომლის დალევა ჭამამდე დაუშვებელია. სწორედ ამ ექთნის მიერ მოწყობილი პროვოკაციის შემდეგ გიორგის სამკურნალო დაწესებულების ადმინისტრაციის წარმომადგენლები შეუვარდნენ და მისი ცემა-წამება დაიწყეს“, - ამბობს ცირა გოდერძიშვილი.

ასევე:

სააკაშვილის ციხეში 22 წლის წყალბურთელი აწამეს
ციხის სამკურნალო დაწესებულებაში ცემა-წამებით გიორგი ოქროპირიძესაც “უმკურნალეს“
“ეს არის ჩემი განაჩენი ერთადერთი შვილის ცემა-წამებისთვის“ - პატიმარ გიორგი ოქროპირიძის დედა
წამების ექსპორტი
ქართულ ციხეებში პატიმრების ცემა-წამება 2012 წელსაც გაგრძელდება

პატიმარი ზვიად ადეიშვილი ციხის ადმინისტაციის მხრიდან მძიმე ზეწოლას განიცდის

2012-01-25T11:10:00.000-08:00

ავტორები თეონა ბალავაძე, თეონა ისაშვილი
00:06 25.01.2012
მედია-კავშირ “ობიექტივს” მსჯავრდებულ ზვიად ადეიშვილის დედა ელისო ესებუა დაუკავშირდა, რომელის შვილიც სასჯელს გლდანის მე-18 სამკურნალო დაწესებულებაში იხდის. ქალბატონის განცხადებით პატიმარი დაავადებულია ტუბერკულოზის მულტირეზისტენციური ფორმით, იმყოფება ძალიან მძიმე მდგომარეობაში და ზურაბ რუხაიას ადმინისტრაციის მხრიდან განიცდის ფსიქოლოგიურ და ფიზიკურ ზეწოლას.

ეისო ესებუა: “20 იანვარს, დაახლოებით 4 საათისთვის ჩემმა შვილმა სამკურნალო დაწესებულებიდან დამირეკა და მთხოვა მასთან მედია-კავშირ “ობიექტივის” ადვოკატი ჯუმბერ მილორავა შესულიყო. ორშაბათს 12 საათისთვის ამანათის შესაგზავნად დაწესებულებაში მივედი, თუმცა შეგზავნილი ამანათი 5 საათისთვის ყოველგვარი კომენტარის გარეშე უკან გამომიბრუნეს; სამშაბათს კი, როდესაც მასთან ადვოკატი უნდა შესულიყო, ზვიადმა დამირეკა და მითხრა, რომ მოულოდნელად დაინიშნა სასამართლო პროცესი, რომელიც არ შედგა. ”

25 იანვარს ზურაბ ადეიშვილი დილით 11 საათზე 6 ბადრაგის თანხლებით სასამართლოზე წარადგინეს. ელისო ესებუა ამბობს, რომ ზურაბს ადამიანის გამომეტყველება აღარ ჰქონდა - წვერგაუპარსავი, თმაგაწეწელი და ძალიან გამხდარი იყო; მას გამიზნულად არ აძლევდნენ წამალს, რაც იწვევდა გაუსაძლის ტკივილებს, მარტოობის შიშს და ჰალუცინაციებს.

მე-18 სამკურნალო დაწესებულების დირექტორის ზვიად რუხაიას განცხადებით, მსჯავრდებულ ადეიშვილს ბრალი ედებოდა დისციპლინარულ დარღვევაში, რის გამოც პატიმარი წამლების მიწოდებაზე უარს უცხადებდნენ. ამავე დროს ზვიად რუხაიამ პატიმრის ადვოკატი დედის გინებით მოიხსენია და დაიმუქრა, რომ მას პატიმრობა არ ასცდება.

ელისო ესებუას თქმით, მის შვილთან ყოველდღე შედიოდნენ, ემუქრებოდნენ, დასცინოდნენ და იმ ზომამდეც კი მიიყვანეს, რომ ადეიშვილმა არაერთხელ სცადა თვითმკვლელობა. პლუს ამას, ადეიშვილს მისი ადვოკატის დაკავებითაც ემუქრებოდნენ.

პატიმრის დედა აცხადებს, რომ ზვიად ადეიშვილის მიზანმიმართული დევნა ხორციელდება, რაც იმაში გამოიხატება, რომ ადეიშვილს, რომელსაც სასჯელის სრულ მოხდამდე 7 თვე აქვს დარჩენილი, ცდილობენ პატიმრობის ვადა გაუხანგრძლივონ და ამით მასზე შური იძიონ.

"ობიექტივი"

ბაგრატის ტაძარს გადახურავენ და ამას იუნესკო არ შეეწინააღმდეგება

2012-01-25T10:32:00.000-08:00

ავტორი ნინო მიქიაშვილი | "ობიექტივი"
17:06 03.01.2012
რუსეთის მიერ ოკუპირებულ საქართველოს ტერიტორიაზე, კერძოდ აფხაზეთში ილორის ეკლესიისა და ბედიის მონასტრის ხელყოფის ფაქტთან დაკავშირებით ჩვენს ქვეყანასა და მის ფარგლებს გარეთ ატეხილი ხმაურის ფონზე შემოგვაპარეს ბაგრატის ტაძრის ე.წ. რეაბილიტაციის პროცესის დასრულების მორიგი ვადა - 2012 წლის შემოდგომა.

“ძალადოდობა კულტურული მემკვიდრეობის წინააღმდეგ; ქართული კულტურული მემკვიდრეობის მიზანმიმართული ამოძირკვა; ბარბაროსობა და სიველურე“, - ასე აფასებენ ხელისუფლებისა და მასთან ასოცირებული პოლიტიკური ძალის წარმომადგენლები იმას, რაც ოკუპირებულ აფხაზეთში არსებულ ქართული კულტურული მემკვიდრეობის ძეგლებთან - ილორის ეკლესიასა და ბედიის მონასტრასთან მიმართებაში ხდება.

ქართული კულტურული მემკვიდრეობის ამ ორ ძეგლს პირვანდელი სახე ოკუპანტებმა დააკარგვინესო, - აცხადებენ და ამ დროს, არაოკოპირებულ საქართველოში არა ოკუპანტები, არამედ ქართველი სპეციალისტები აგრძელებენ ბაგრატის ტაძრისთვის პირვანდელი სახის დაკარგვის პროცესს.

24 იანვარს ბაგრატის ტაძარზე მიმდინარე ე.წ. სარეაბილიტაციო სამუშაოები კულტურის მინისტრთან, ნიკა რურუასთან ერთად დაათვალიერა კულტურული მემკვიდრეობის დაცვის ეროვნული სააგენტოს გენერალურმა დირექტორმა, ნიკა ვაჩეიშვილმა. სწორედ ამის შემდეგ გავრცელდა ინფორმაცია ბაგრატის ტაძრის ე.წ. სარეაბილიტაციო სამუშაოების დასრულების ვადის შესახებ.

დავინტერესდით რაიმე სიახლე ხომ არ იყო გამოქვეყნებული კულტურული მემკვიდრეობის დაცვის ეროვნული სააგენტოს ვებგვერდზე და სიახლეების ნუსხაში ერთი საინტერესო განცხადება აღმოვაჩინეთ. რატომ ვერ გეტყვით, მაგრამ გასული წლის ივლისის სიახლე სააგენტოს ისე აქვს შეფუთული და წარმოჩენილი, როგორც გუშინ მომხდარი ამბავი!

საქმე ეხება 2011 წლის ივლისში პარიზში გამართული მსოფლიო მემკვიდრეობის 35-ე სესიაზე მიღებულ დოკუმენტს, რომლის შინაარსი 2011 წლის 26 აგვისტოს გამოვაქვეყნე სათაურით - იუნესკომ ბაგრატზე მორიგი დასკვნა გამოაქვეყნა.

ახლა ყოველგვარი კომენტარების გარეშე გთავაზობთ 2012 წლის 23 იანვარს, კულტურული მემკვიდრეობის დაცვის ეროვნული სააგენტოს ვებგვერდზე გამოქვეყნებულ ინფორმაციას და 2011 წლის 26 აგვისტოს, ჩემს მიერ მომზადებული მასალის იმ ნაწილს, რომელშიც სრულადაა წარმოდგენილი იუნესკოს სესიაზე მიღებული დოკუმენტი, რომელიც ბაგრატის ტაძარს ეხება. ვაჩეიშვილის უწყების მიერ გამოქვეყნებულ ინფორმაციით ცხადი ხდება, რომ ბაგრატის ტაძარს შემოდგომამზე გადახურავენ ; იუნსეკოს 35-ე სესიაზე მიღებული დოკუმენტით ირკვევა, რომ გადახურვის პროცესს იუნესკო არ შეეწინააღმდეგება, ოღონდ, ეს გადახურვა მსუბუქი კონსტრუქციის უნდა იყოს.

www.heritagesites.ge - ამ მისამართზე შეგიძლიათ წაიკითხოთ კულტურული მემკვიდრეობის ეროვნული სააგენტოს ინფორმაცია ბაგრატის ტაძართან დაკავშირებით:

“იუნესკოს 35-ე სხდომაზე ბაგრატის ტაძრის სარეაბილიტაციო პროგრამა დადებითად შეფასდა

2012 წელს ქვეყნის ერთ-ერთი მნიშვნელოვანი მოვლენა კულტურულ მემკვიდრეობის სფეროში, ბაგრატის ტაძრის სრული რეაბილიტაცია იქნება.

ერთიანი საქართველოს სიმბოლოს - აღდგენილი ბაგრატის ტაძრის გახსნის ღონისძიება 2012 წლის შემოდგომაზე გაიმართება.

ბაგრატის ტაძარი, როგორც ქვეყნის გამაერთიანებელი მეფის ბაგრატ III-ის სახელთან დაკავშირებული ქართული არქიტექტურის შედევრი, ქართველი ხალხისათვის ღირშესანიშნავი და უნიკალურია. წლების განმავლობაში ტაძრის აღდგენასა და რეკონსტრუქციას საზოგადოების როგორც საერო, ასევე სასულიერო ნაწილი, უცვლელად ითხოვდა.

2005-2007 წელს კულტურული მემკვიდრეობის დაცვისა და რეაბილიტაციის სახელმწიფო პროგრამის ფარგლებში მოხდა ბაგრატის ტაძრის კვლევითი-არქეოლოგიური სამუშაოები. ამავე პერიოდში, სახელმწიფოს დაფინანსებით განხორციელდა ტაძრის გეოლოგიური და კონსტრუქციული მდგრადობის კვლევა. 2008 წელს მომზადდა ძეგლის კონსტრუქციული გამაგრების სრული პროექტი.

წლების განმავლობაში, ძეგლთა დამცველთა მთავარ თავსატეხსა და ამოცანას წარმოადგენდა ტაძრის იმ მეთოდოლოგიით აღდგენა, რომელიც ამავდროულად უძველეს ტაძარს მსოფლიო მემკვიდრეობის სტატუსს შეუნარჩუნებდა.

2011 წლის 19-29 ივნისს, პარიზში გამართულ იუნესკოს რიგით 35-ე სხდომაზე ბაგრატის ტაძრისა და გელათის სარეაბილიტაციო პროგრამის მსვლელობა დადებითად შეაფასეს.
იუნესკოს კომიტეტის 34 სესიის გადაწყვეტილების შესაბამისად, ამ ეტაპზე, იკრომის, იკომოსისა და იუნესკოს ექსპერტების აქსტიური მონაწილეობით და კონსულტაციით სრულდება ბაგრატის ტაძრის სრული რეაბილიტაციის კონცეფციის შემუშავება.

კონცეფციის მიზანია პირველ რიგში, დაცული იყოს ძეგლის ინტერესები, დაკმაყოფილდეს საზოგადოების მთავარი მოთხოვნა ძეგლის აღდგენასთან დაკავშირებით, შემუშავდეს ძეგლის ინფრასტრუქტურული კონცეფცია თანამედროვე სტანდარტებით, რაც საბოლოო უზრუნველყოფს ბაგრატის ტაძრის ამოღებას საფრთხის ქვეშ არსებული ძეგლების ნუსხიდან“.

ინტერნეტში ამ სათაურით - “იუნესკომ ბაგრატზე მორიგი დასკვნა გამოაქვეყნა“ შეგიძლიათ მოიძიოთ სტატია და წაიკითხოთ 35-ე სესიაზე მიღებული დოკუმენტი, რომელიც ასეთი შინაარსისაა:

“ბაგრატის ტაძარი და გელათის მონასტერი (საქართველო) (C 710)

გადაწყვეტილება: 35 COM 7A.29

მსოფლიო მემკვიდრეობის კომიტეტი,

• განიხილა დოკუმენტი WHC-11/35.COM/7A.Add
• გაიხსენა 34-ე სესიაზე მიღებული გადაწყვეტილება 34 COM 7B.88 (ბრაზილია, 2010)

1.მიესალმება ყველა სამუშაოს შეჩერებას ბაგრატის ტაძარზე, ისევე, როგორც სარეაბილიტაციო პროგრამის წინსვლასა და გელათის მონასტრის კონსერვაციის გენერალურ გეგმას;

2.კმაყოფილებით აღნიშნავს, რომ იმატა კოორდინაციამ ქართულ ეკლესიასა და სამოქალაქო ხელისუფლებას შორის, გამნტკიცდა ერთობლივი საქმიანობა და გაუმჯობესდა რელიგიური და სასულიერო მსოფლიო მემკვიდრეობის საკუთრების მართვა საქართველოში;

3.აგრეთვე აღნიშნავს, რომ სახელმწიფო მხარემ დანიშნა ბაგრატის ტაძრის კონსულტანტად არქიტექტორი კონსერვაციის დარგში, და რომ ქართველი ინჟინრები მუშაობენ სამ-ფაზიანი მიდგომის გამოყენებით, ბაგრატის ტაძრის, როგორც დაცული სივრცის, სრული რეაბილიტაციისთვის;

4.ყურადღებას მიაპყრობს საერთაშორისო კონსულტანტის მოსაზრებას, რომ ბაგრატის ტაძრის დაუსრულებელი სტრუქტურული მდგომარეობა არაა მდგრადი, რომ შესაძლებელია არ იყოს მისაღები იმის გაუქმება, რაც ახლახან აშენდა, რადგან ჩარევები თითქმის შეუქცევადია და რომ არსებული ბეტონის სვეტებზე მცირეწონიანი სახურავი შეიძლება დაიდგას;

5.დაჟინებით თხოვს სახელმწიფო მხარეს განავითაროს ბაგრატის ტაძრის სარეაბილიტაციო სტრატეგია, რომელიც გააუქმებს ახლახან ჩატარებული სამუშაოების მაქსიმალურ რაოდენობას; შესაძლებლობის ფარგლებში გააერთიანებს ფრაგმენტებს იმ ადგილებზე, სადაც ისინი კედლების ნაწილებს ქმნიან; უზრუნველყოფს ნებისმიერი მცირეწონიანი სახურავის დადგმას, შენობის მოხაზულობის გათვალისწინებით, რაც იქნება მსგავსი იმისა, როგორიც შესაძლოა ადრე იყო და დატოვებს ტაძრის შიდა ნაწილს მოუბათქაშებლად;

6.თხოვნით მიმართავს სახელწიფო მხარეს, წარუდგინოს რეაბილიტაციის სტრატეგია მსოფლიო მემკვიდრეობის ცენტრს, მრჩეველთა საბჭოს შეფასების მისაღებად, ნებისმიერი ვალდებულების აღებამდე;

7.აგრეთვე, თხოვნით მიმართავს სახელწიფო მხარეს, რათა მოიწვიოს გაერთიანებული მსოფლიო მემკვიდრეობის ცენტრის/COMOS რეაგირების მონიტორინგის მისია, საკუთრების კონსერვაციის საერთო მდგომარეობის შესაფასებლად და ბაგრატის ტაძრის სარეაბილიტაციო სტრატეგიის მიდგომების განსახილველად;

8.გარდა ამისა, თხოვნით მიმართავს სახელწიფო მხარეს 2012 წლის 1 თებერვლისთვის წარუდგინოს მსოფლიო მემკვიდრეობის ცენტრს განახლებული ანგარიში, საკუთრების კონსერვაციის მდგომარებისა და ზემოაღნიშნულის განხორციელების შესახებ, მსოფლიო მემკვიდრეობის კომიტეტის 36-ე სესიაზე განსახილველად.

იღებს გადაწყვეტილებას, მსოფლიო მემკვიდრეობის საფრთხეში მყოფი ძეგლების სიაში დატოვოს ბაგრატის ტაძარი და გელათის მონასტერი (საქართველო).

მსოფლიო მემკვიდრეობის კომიტეტის 35-ე სესია. პარიზი, საფრანგეთი, 2011 წლის 19-29 ივლისი“.

ფოთის შესასვლელში საავტომობილო გზა ჩაკეტილია [video]

2012-01-25T06:03:00.000-08:00

18:06 25.01.2012
ფოთის შესასვლელში საავტომობილო გზა საპატრულო პოლიციას აქვს ჩაკეტილი. ფოთი–სენაკის მიმართულებით საავტობილო მიმოსვლა შეზღუდულია.

ამ წუთებში საპატრულო პოლიციას მდინარე რიონიდან სატვირთო მანქანა ამოაქვს, რომელიც წყალგამყოფი ხიდიდან სავარაუდოდ გუშინ გადავარდა.

შემთხვევას მსხვერპლი არ მოჰყოლია, მძღოლი და მისი თანმხლები პირი მსუბუქად დაშავდნენ.

საპატრულო პოლიციის ინფორმაციით,საავტომობილო მიმოსვლა რამდენიმე საათში აღდგება.

tspress.ge

ხობის გამგებლის მოადგილედ რევაზ წულაია დაინიშნა

2012-01-25T05:51:00.001-08:00

წყარო ლაივპრესი
17:06 24.01.2012
ხობის მუნიციპალიტეტის გამგებელმა გოგა ღურწკაიამ დღეს გამართულ თათბირზე უწყების თანამშრომლებს მისი ახალი მოადგილე წარუდგინა.

რევაზ წულაია, რომელიც მანამდე ხობის მაჟორიტარი დეპუტატის, გოდერძი ბუკიას ბიუროს ხელმძღვანელობდა, გამგეობაში, კულტურის, სოციალურ და ტერიტორიულ ერთეულებთან ურთიერთობის საკითხებს გაუწევს კოორდინირებას.

რევაზ წულაიამ გამგებლის მოადგილის თანამდებობაზე რალა ჩემია, მას შემდეგ შეცვალა, რაც ყოფილმა მოადგილემ სამსახურიდან წასვლის შესახებ განცხადება დაწერა და ადმინისტრაციული სამსახურის საქმის წარმოების განყოფილების უფროსად დაინიშნა.

44 წლის ვასილ ყურაული ქალაქის ტიპის კლინიკაში, რომ გადაეყვანათ, ალბათ, გადარჩებოდა

2012-01-24T07:42:00.000-08:00

ავტორი ნინო მიქიაშვილი |"ობიექტივი"
19:56 03.01.2012
გლდანში არსებული N8 საპყრობილიდან, რომლის გვერდზეც არის მსჯავრდებულთა და ბრალდებულთა N18 სამკურნალო დაწესებულება (ამ ორ დაწესებულებას ერთიდაიგივე შესასვლელი აქვს), გასულ შაბათ-კვირას 3 პატიმარი გამოასვენეს. ერთ-ერთი მათგანი 44 წლის ვასილ ყურაული გახლდათ. ის სასჯელს 2011 წლის 11 მარტიდან საარყე ქვაბის ქურდობისთვის იხდიდა; 3 წლით თავისუფლების აღკვეთა ჰქონდა მისჯილი.

ტელეფონით ვესაუბრე: ადვოკატ მამუკა ნოზაძეს; ვასილ ყურაულის დეიდას, ბებისა ხუციშვილს და მისი უფლებების დამცველ ადვოკატს, მაგული გოგოლაძეს. ნათესავი ამბობს, რომ პატიმარი ნაცემი და გაუბედურებულია, ხოლო ადვოკატი მხოლოდ პატიმრის ჯანმრთელობის მძიმე მდგომარეობაზე ამახვილებს ყურადღებას; ადვოკატი მამუკა ნოზაძე კი, რომელიც ამავდროულად უფლებადამცველია, მიიჩნევს, რომ ყურაულის ოჯახმა კომპენსაცია უნდა მოითხოვოს, რადგან სახელმწიფომ ვერ უზრუნველყო ეფექტური მკურნალობა და ჯანმრთელობის უფლების დაცვა.

კვირას, 22 იანვარს დღის მეორე ნახევარში შემატყობინეს, რომ შაბათ ღამეს გლდანის ციხიდან ორი პატიმარი გამოასვენეს. რადგან დასვენების დღე იყო, დეტალების დაზუსტება ვერ შევძელი. ორშაბათს შევიტყვე, რომ წინა დღეს ამავე საპატიმრო დაწესებულებიდან კიდევ ერთი პატიმარი გამოასვენეს. სარწმუნო წყარომ გარდაცვლილების შესახებ იცოდა მხოლოდ ის, რომ ერთ-ერთი ძალიან ახალგაზრდა, დაახლოებით 22 წლის იყო.

ჩემს ხელთ არსებული ინფორმაციის გადამოწმება რამდენიმე ადამიანს ვთხოვე; მათ შორის ერთ-ერთი ადვოკატი მამუკა ნოზაძე გახლდათ. ორშაბათს, დღის მეორე ნახევარში მას ხელმეორედ შევეხმიანე და მისგან გავიგე ერთ-ერთი გარდაცვლილის და მისი უფლებების დამცველი ადვოკატის ვინაობა. როგორც მამუკა ნოზაძემ მითხრა, მსჯავრდებული ვასილ ყურაული მძიმე ავადმყოფი იყო.

“ეს პატიმარი რეანიმაციაში იყო მოთავსებული. მისი ადვოკატი ჩემგან იღებდა კონსულტაციებს; სამჯერ დაწერა განცხადება ქალაქის ტიპის კლინიკაში გადაყვანის მოთხოვნით, მაგრამ ადმინისტრაციამ არ გაითვალისწინა. როგორც პატიმრის თანასოფლელმა მითხრა, ვასილ ყურაული სასჯელს საარყე ქვაბის ქურდობისთვის იხდიდა. აქედან ჩანს სახელმწიფოს პოლიტიკა წვრილმან დანაშაულზე როგორ წირავენ ხალხს. ხომ შეიძლებოდა ზარალის ანაზღაურების შემდეგ ეს ადამიანი გამოსაცდელი ვადით გამოეშვათ?! აი, ეს არის ნულოვანი ტოლერანტობის შედეგი. მაშინ, როცა ვისაც ფული აქვს და საშიში დამნაშავეა, ყველას გარეთ უშვებენ. ანუ დღეს არის მდიდრების სამართალი“, - ამბობს ადვოკატი მამუკა ნოზაძე და იქვე დასძენს, რომ ვასილ ყურაულისთვის თავიდანვე, რომ ემკურნალათ, სავალალო შედეგი არ დადგებოდა.

“მსჯავრდებულთა და ბრალდებულთა სამკურნალო დაწესებულებაში, რომ გადაიყვანეს, მისი მდგომარეობა უკვე დამძიმებული იყო. ციხეებში საერთოდ არანაირი სამედიცინო მომსახურება არ არსებობს; მხოლოდ მედიკამენტის მიწოდება არ არის ეფექტური მკურნალობა. ვასილ ყურაულის ოჯახმა აუცილებლად უნდა მოითხოვოს კომპენსაცია, რადგან სახელმწიფომ ვერ უზრუნველყო ეფექტური მკურნალობა და ჯანმრთელობის უფლების დაცვა. იმედია საზოგადოებრივი მოძრაობა პატიმართა სიკვდილიანობის და შექმნილი მძიმე მდგომარეობის თაობაზე პროტესტს მაინც გამოხატავს. ეს ყველას მოვალეობაა. არანაირი მნიშვნელობა არა აქვს, თუ ვინ არის გარდაცვლილი“, - ამბობს მამუკა ნოზაძე.

მასთან საუბრის შემდეგ ვასილ ყურაულის უფლებების დამცველ ადვოკატს, მაგული გოგოლაძეს დავურეკეთ. მან გვითხრა, რომ ვასილ ყურაულის საქმეში მოგვიანებით ჩაერთო. ადვოკატის განმარტებით, ვასილ ყურაული ქსნის საპატიმროდან ციხის სამკურნალო დაწესებულებაში 2012 წლის 5 იანვარს, “ვეტებროვაზილარული უკმარისობის“ დიაგნოზით გადაიყვანეს. ადვოკატის განმარტებით ვასილ ყურაული 2011 წლის 11 მარტს დააკავეს, მასთან საპროცესო შეთანხმება გააფორმეს და 3 წლით თავისუფლების აღკვეთა მიუსაჯეს.

რაც შეეხება იმას, ვასილ ყურაულს ჰქონდა თუ არა ჯანმრთელობის პრობლემები დაკავებამდე, ადვოკატი მაგული გოგოლაძე ამბობს, რომ მისი დაცვის ქვეშ მყოფს დაკავებამდე “ვენების ვარიკოზული დაავადება“ აწუხებდა. ქსნის საპატიმროში ყოფნისას კი ჯანმრთელობის მდგომარეობა გაურთულდა და ადვოკატის მიერ დაწერილ განცხადებაზე რეაგირება მეორე დღესვე მოახდინეს - “ქსნაში ვიყავი, ავადმყოფის სანახავად. განცხადება იქვე დავწერე და პატიმარი ციხის რესპუბლიკურ საავადმყოფოში მეორე დღესვე გადაიყვანეს“.

კითხვაზე - პატიმარი ნაცემი ხომ არ იყო? ადვოკატ მაგული გოგოლაძის პასუხი ასეთია:

“პატიმარს რამდენიმეჯერ შევხვდი და არანაირი ცემის კვალი არ ეტყობოდა. ყველანაირი მკურნალობა უტარდებოდა. აპარატზე იყო შეერთებული, ხელოვნურ სუნთქვაზე ჰყავდათ გადაყვანილი. მას თავის ტვინის ანთებითი პროცესი ჰქონდა. ჩემთვის არ უთქვამს, რომ ვინმემ სცემა. ნაცემი რომ ყოფილიყო, მივმართვადი “ემპათიას“ და სახალხო დამცველს, მაგრამ ნაცემი ნამდვილად არ იყო.

სანამ სამკურნალო დაწესებულებაში გადავიდოდა, მაშინაც არ უთქვამს, რომ ვინმემ სცემა, ან ვიღაცამ რაღაც დაუშავა. უბრალოდ, მუხლი ჰქონდა დაშავებული, სახსრები აწუხებდა. ქსანში, რომ შევხვდი, მითხრა “ხშირად ვიქცევი სახსრების გამოო“. ვეტებროვაზილარული უკმარისობის დიაგნოზი, რომ დაუდგინდა, ქალაქის ტიპის კლინიკაში გადაყვანის მოთხოვნით განცხადებები დავწერე და დავტოვე. 20 იანვარს ექსპერტიზის ბიუროსთან ხელშეკრულება გავაფორმეთ, სასამართლო-სამედიცინო ექსპერტიზა დღეს, 23 იანვარს უნდა ჩატარებოდა, მაგრამ კვირას მისი ოჯახის წევრებმა დამირეკეს და მითხრეს გარდაიცვალაო“.

რამდენიმე კითხვაზე გარდაცვლილი პატიმრის დეიდამ, ბებისა ხუციშვილმა ასეთი პასუხი გამცა:

ცხედარი რა მდგომარეობაშია?

ბებისა ხუციშვილი: ძალიან ცუდ მდგომარეობაშია.

არის თუ არა ნაცემი?

-ნაცემიც არის და ყველაფერი, ალბათ.

რამდენი წლის იყო?

-44-ის.

რა აწუხებდა, რატომ იყო ციხის საავადმყოფოში?

-თავი აწუხებდა ისე, რომ გიჟდებოდა, მაგრამ ყურადღება არავინ არ მიაქცია. სულ ტყუილები დაწერეს. დღეს ექსპერტიზა უნდა ჩაგვეტარებინა და გუშინ თქვეს მოკვდა, დაიღუპაო. ბოლოს როდის შევხვდით? - სულ მანდ ვიყავით, მაგრამ ვინ შეგვახვედრა?! გვეუბნებოდნენ, არც ადვოკატის შესვლა შეიძლება და არც არავისიო. უსინდისო დირექტორი, დავწერ და ვიტყვი. მაგას მაინც მოვუვლი. 2-მეტრიანი ბიჭი იყო და ახლა გამხდარი და გაუბედურებულია.

"ობიექტივის" კვლევის შედეგებს "წინააღმდეგობის მოძრაობა" გამოეხმაურა

2012-01-24T05:42:00.000-08:00

17:48 24.01.2012
მედია-კავშირ "ობიექტივის" მიერ ჩატარებული კვლევის შედეგებს დღეს "წინააღმდეგობის მოძრაობა" გამოეხმაურა.

მოძრაობის ლიდერის, დავით თარხან-მოურავის განცახდებით, ის, რომ კვლევის თანახმად, "წინააღმდეგობის მოძრაობამ" მაღალი რეიტინგი აჩვენა, არავის გაბრაზების საგანი არ უნდა გახდეს.

"კვლევამ აჩვენა, რომ დღეს საზოგადოების რეალური მხარდაჭერა მხოლოდ ბიძინა ივანიშვილს აქვს. მისი რეიტინგი ყველა დანარჩენის ჯამურ რეიტინგს აღემატება. ჩვენი, 4-5%-ის გამო გაბრაზებულებს მინდა ვუთხრა: ნუ ბრაზობთ. "წინააღმდეგობის მოძრაობა" არ წარმოადგენს პოლიტიკურ პარტიას, ის მხოლოდ საზოგადოებრივი მოძრაობაა. მეტსაც გეტყვით, საკუთარ თავს პოლიტიკოსად საერთოდ არ მოვიაზრებ, არც პრეზიდენტობის პრეტენზია მაქვს, არც პრემიერ-მინისტრობის და არც პარლამენტის თავმჯდომარეობის. როგორც მითხრეს, კვლევის ფარგლებში "წინააღმდეგობის მოძრაობა" ხალხმა დაასახელა და საზოგადოების თხოვნით მოხვდა გამოკითხვის ანკეტაში", - აცხადებს თარხან-მიურავი.

მედია-კავშირ "ობიექტივის" მიერ ჩატარებულმა გამოკითხვამ, რომელიც 2011 წლის 13-დან 15 დეკემბრამდე მიმდინარეობდა, ქვეყნის მასშტაბით საზოგადოების წინასაარჩევნო განწყობები ასახა. კვლევის პირველი შედეგები გუშინ გამოქვეყნდა. კვლევის თანახმად, ლიდერი ორგანიზაცაა "ქართული ოცნება", მეორე პოზიციაზეა "ნაციონალური მოძრაობა", ხოლო მესამე ადგილზე – "წინააღმდეგობის მოძრაობა".

გამოკითხვა ჩატარდა თბილისში, ქუთაისში, რუსთავში, ზუგდიდში, ბათუმსა და მთლიანად აჭარაში, ადიგენში, ასპინძაში, ახალქალაქში, ახალციხეში, ახმეტაში, ბოლნისში, ბორჯომში, გალში, გარდაბანში, გორში, თეთრიწყაროში, თელავში, მარნეულში, სენაკში, საჩხერეში, ყვარელში, ხაშურში. სულ გამოიკითხა 3 263 ადამიანი.

"ქართული ოცნება" ლიდერია!

2012-01-23T03:38:00.000-08:00

15:59 23.01.2012
"ღია ბოქლომი" გთავაზობთ მედია–კავშირ "ობიექტივის" მიერ საქართველოს დიდ ქალაქებში ჩატარებული გამოკითხვის შედეგებს. მოქალაქეებმა სულ 20 კითხვას უპასუხეს. ამჯერად, „ობიექტივი“ ავრცელებს პასუხებს პირველ ოთხ კითხვაზე:

1. „არის თუ არ ქვეყანაში თავისუფალი და სამართლიანი საარჩევნო გარემო?“ - გამოკითხულთა 17.0%–ს მიაჩნია, რომ ქვეყანაში თავისუფალი და სამართლიანი გარემოა, 72.66%ფიქრობს, რომ ასეთი გარემო არ არის, 9.62%–მაარ იცის, 0.64%–მა კი შეკითხვას არ უპასუხა.

2. 15.29% მხარს უჭერს დეპუტატთა რაოდენობის გაზრდას 150–დან 190–მდე, 69.1% – მხარს არ უჭერს, 15.26%–მა არ იცის, მხარს უჭერს თუ არა, 0.33% –მა შეკითხვას არ უპასუხა.

3. 2012 წლის საპარლამენტო არჩევნებში მონაწილეობის მიღებას აპირებს 81.33%, 8.15% არ აპირებს, 9.86%-ს არ გადაუწყვეტია, 0.61%-მა შეკითხვას არ უპასუხა.

4. შეკითხვაზე - „2012 წლის საპარლამენტო არჩევნებში მონაწილეობის უფლება რომ მიეცეს ყველა პარტიას და საზოგადოებრივ მოძრაობას,გთხოვთ დაასახელოთ რომელს დაუჭერდით მხარს?“ – პასუხები ასე განაწილდა:

1. „ქართული ოცნება“ (ბიძინა ივანიშვილი) – 62.12%
2. „ერთიანი ნაციონალური მოძრაობა“ (მიხეილ სააკაშვილი) – 13.37%
3. „წინააღმდეგობის მოძრაობა“ (დავით თარხან-მოურავი) – 4.81%
4. „თავისუფალი დემოკრატები - ჩვენი საქართველო“ (ირაკლი ალასანია) – 3.34%
5. „ქრისტიან–დემოკრატიული მოძრაობა“ (გიორგი თარგამაძე) – 3.12%
6. „ახალი მემარჯვენეები“ (დავით გამყრელიძე) –2.35%
7. „ლეიბორისტული პარტია“ (შალვა ნათელაშვილი) – 2.23%
8. „მრეწველობა გადაარჩენს საქართველოს“ (გოგი თოფაძე) – 1.28%
9. „ეროვნული ფორუმი“ – 1.07%
10.„სახალხო კრება“ – 0.92%
11. „დემოკრატიული მოძრაობა–ერთიანი საქართველო“ (ნინო ბურჯანაძე) – 0.79%
12. „მწვანეთა პარტია“ (გია გაჩეჩილაძე) – 0.77%
13. „ეროვნულ-დემოკრატიული პარტია“ (ბაჩუკი ქარდავა) – 0.73%
14. „საქართველოს რესპუბლიკური პარტია“ (დავით უსუფაშვილი) – 0.73%
15. „ქართული პარტია“ (ირაკლი ოქრუაშვილი) – 0.33%
16. „კონსერვატიული პარტია“ (ზვიად ძიძიგური) –0.27%
17. „საქართველოს გზა“ (სალომე ზურაბიშვილი) – 0.24%
18. „ხალხის პარტია“ (კობა დავითაშვილი) – 0.24%
19. „ქართული დასი“ (ჯონდი ბაღათურია) – 0.15%
20. „ტრადიციონალისტთა კავშირი“ (აკაკი ასათიანი) – 0.06%

შეკითხვას არ უპასუხა გამოკითხულთა 1.08%-მა.

სულ გამოიკითხა 3 263 ადამიანი. მათგან – 49% მამაკაცი, 51% – მანდილოსანი. გამოკითხულთა 36% 18–30 წლამდე ასაკისაა, 47% - 30–60 წლამდე, 17% 60 წელს აღემატება. გამოკითხულთა 21% მუშაობს, 37% უმუშევარია, დანარჩენებმა არ გაამხილეს, მუშაობენ თუ არა.

მამუკა გობეჩიას 1 წლით პატიმრობა ელის

2012-01-22T09:46:00.000-08:00

ავტორი ნინო მიქიაშვილი | "ობიექტივი"
21:52 22.01.2012
მედია-კავშირ “ობიექტივის“ ერთ-ერთ დამფუძნებელს, მამუკა გობეჩიას, რომელიც ამავდროულად “წინააღმდეგობის მოძრაობაშია“ გაერთიანებული, ერთი წლით თავისუფლების აღკვეთა ემუქრება. გობეჩიას ბრალი ხულიგნობასა და საზოგადოებრივი წესრიგის დარღვევაში ედება. თბილისის საქალაქო სასამართლოში გამწესრიგებელი სხდომა 24 იანვარსაა დანიშნული.

საქმე ეხება ხუთი თვის წინ - 2011 წლის 11 აგვისტოს, ფილარმონიასთან არსებულ გაჩერებაზე ავტობუსის ყვითელფორმიან კონტროლიორთან მომხდარ ინცინდენტს.

წინამდებარე სტატია ეყრდნობა საქმის მასალებს, რომელსაც თავიდან ბოლომდე გულდასმით გავეცანი. ადვოკატობა და იურიდიული განათლება არ არის აუცილებელი იმისთვის, რომ საქმის მასალებში სიცრუის შემცველი ცნობები აღმოაჩინო და დარწმუნდე იმაში, რომ გამოძიება ყვითელფორმიანი კონტროლიორის სასარგებლოდ მიმდინარეობდა.

მაგალითად, თუ არა სიცრუე, მაშინ რა ჰქვია იმას, რომ ვერის ბაღთან, გაჩერებაზე მყოფმა ერთმა ყვითელფორმიანმა დაინახა როგორ ჩამოვარდა ავტობუსიდან მეორე ყვითელფორმიანი კონტროლიორი?!

მნიშვნელოვანია ის, რომ კონტროლიორებმა ინცინდენტის დროს საპატრულო პოლიცია კი არ გამოიძახეს?! არამედ, პრობლემის გადაწყვეტის ქუჩურ მეთოდს მიმართეს - ერთმა მეორეს დაურეკა მომეშველეო. ამასობაში მათთან პოლიციაც მივიდა მამუკა გობეჩია ყვითელფორმიანი კონტროლიორების ოცმეთაურ პაატა დოლიძესთან ერთად განყოფილებაში გადაიყვანეს.

ზემოხსენებული ინცინდენტის დროს დაზიანებები კონტროლიორმაც მიიღო და მამუკა გობეჩიამაც, მაგრამ გამოძიებამ დაზარალებულად შპს თბილისის სატრანსპორტო სამსახურის ოცმეთაური პაატა დოლიძე ცნო. ექსპერტიზის დასკვნაში წერია, რომ მამუკა გობეჩიას აღენიშნებოდა: “სისხლნაჟღენთი მარცხენა მხრის შუა მესამედში, გარეთა გვერდით ზედაპირზე; ნაჭდევები - მარცხენა მუხლის სახსრის წინა ზედაპირზე და მარჯვენა წინამხრის წინა ზედაპირზე ქვედა მესამედში“.

რაც შეეხება პაატა დოლიძის დაზიანებებს, ექსპერტიზის დასკვნაში მითითებულია, რომ ოცმეთაურს დაუზიანდა: “მარცხენა ფეხის კოჭის არე და მარჯვენა ხელის ნეკა თითი“ და მიიღო ტვინის შერყევა. დოლიძეს მოწმედ უდგებიან მისივე ასე ვთქვათ ხელქვეითები - დავით შენგელია და ჯემალ შერმადინი, რომელთა ჩვენებები ერთმანეთს გაჭრილი ვაშლივით ჰგავს. გამოძიებამ მომხდარიდან სამი თვის შემდეგ დაკითხა ავტობუსის მძღოლი, რომელიც ამ კონკრეტულ ინცინდენტზე არაფერს ამბობს, მაგრამ აღნიშნავს, რომ მსგავსი ინცინდენტები ხშირად ხდება და გამომდინარე აქედან, 2011 წლის 11 აგვისტოს მომხდარის შესახებ არაფერი ახსოვს.

მოწმეები (შენგელია, შერმადინი) და დაზარალებული აღნიშნავენ, რომ ინცინდენტს უამრავი ადამიანი შეესწრო, მაგრამ საქმის მასალებიდან ჩანს, რომ კონტროლიორს მოწმედ, არც ერთი მათგანი დაუდგა. ჩემი აზრით, ალბათ, იმიტომ რომ ფილარმონიასთან არსებულ ავტობუსების გაჩერებაზე კონტროლიორების უმეტესობა გამორჩეულად უტაქტოდ და აგრესიულად იქცევა; ისინი ავტობუსებში ადიან და სანამ ყველა მგზავრს არ შეამოწმებენ, მძღოლებს წასვლის უფლებას არ აძლევენ; როცა ეკითხები რატომ აფერხებენ მოძრაობას, ამაზე ვერაფერს გპასუხობენ.

დადგენილებაში პირის ბრალდებულად ცნობის შესახებ, რომელიც 2011 წლის 15 აგვისტოთია დათარიღებული, მამუკა გობეჩიას “ქმედება გამოიხატა შემდეგში“:

“...ავტობუსში ავიდა შპს თბილისის სატრანსპორტო კომპანიის თანამშრომელი, კონტროლიორი პაატა დოლიძე და მამუკა გობეჩიას მოსთხოვა მგზავრობის ბილეთის ჩვენება. ამ უკანასკნელმა პაატა დოლიძეს უმიზეზოდ, ხულიგნური ქვენაგრძნობით მიაყენა სიტყვიერი შეურაცხყოფა, ხოლო მას შემდეგ, რაც მათ შორის დაიძაბა ურთიერთობა, მამუკა გობეჩიამ პაატა დოლიძეს ძალადობით მიაყენა ჯანმრთელობის დაზიანება. კერძოდ, დაარტყა ხელი სახის არეში.

შექმნილი ვითარების გამო მამუკა გობეჩიას ძალადობრივი ქმედებით უხეშად დაირღვა საზოგადოებრივი წესრიგი და გამოხატა საზოგადოებისადმი აშკარა უპატივცემულობა, ვინაიდან მამუკა გობეჩიას ხულიგნური ქმედებით შეჩერდა ავტობუსის მოძრაობა და დაირღვა საზოგადოებრივი წესრიგი“.

დაახლოებით იგივეს იმეორებს თავის ჩვენებაში დაზარალებული პაატა დოლიძე - ბილეთი ვთხოვე, მაგრამ გობეჩიამ ბილეთი ჯიბეში ჩაიდო, მითხრა, არ მაქვს ბილეთი, არც ავიღებო და შემდეგ შეურაცხყოფაზე გადავიდაო.

“ამის შემდეგ მე ამოვიღე მობილური ტელეფონი და დასახმარებლად უნდა დამერეკა ჩემი თანამშრომლისთვის და თან კიდევ ერთხელ მოვუწოდე მოქალაქეს რათა აეღო ბილეთი... უცნობი მამაკაცისათვის რაიმე სახის შეურაცხყოფა არ მიმიყენებია. მას ვთხოვდი, რომ აეღო ბილეთი, რაზეც ის გახდა აგრესიული, მომაყენა ფიზიკური და სიტყვიერი შეურაცხყოფა. კითხვაზე გიპასუხებთ, რომ როდესაც უცნობმა მამაკაცმა ხელი მკრა და ჩამოვარდი ავტობუსიდან, დაცემისას მივიღე მარცხენა ფეხის კოჭის არეში დაზიანება. ასევე დაცემისას დავარტყი თავი და დამიზიანდა მარჯვენა ხელის ნეკა თითი“, - წერს ჩვენებაში დაზარალებული პაატა დოლიძე.

საქმის მასალების მიხედვით, შსს ქალაქ თბილისის მთავარი სამმართველოს ძველი თბილისის სამმართველოს მე-3 განყოფილების უბნის ინსპექტორ-გამომძიებელი, ნიკა თავხელიძე 2011 წლის 11 აგვისტოს ინციდენტს თავის თანამშრომელ ნიკოლოზ არევაძესთან ერთად შემთხვევით შეესწრო, რის შემდეგაც მამუკა გობეჩია და პაატა დოლიძე, “სიტუაციის გარკვევის მიზნით“ ძველი თბილისის მე-3 განყოფილებაში გადაიყვანეს.

მაშინ, როცა ინცინდენტი მოხდა, კონტროლიორი დავით შენგელია სამსახურებრივ მოვალეობას ქუჩის გადაღმა, ვერის ბაღთან ასრულებდა, საიდანაც N51 სკოლასთან არსებულ გაჩერებაზე ასეთი რამ დაინახა(!):

“დავინახე მოპირდაპირე მხარეს არსებულ მელიქიშვილის ქუჩაზე არსებულ გაჩერებაზე როგორ ჩამოვარდა ავტობუსიდან ჩემი სამსახურის ჯგუფის უფროსი პაატა დოლიძე. მალევე შევხედე, რომ პაატას, რომელიც იყო ასფალტზე წაქცეული, ჩემთვის უცნობი მამაკაცი მიუახლოვდა და ზემოდან დაუწყო ცემა. მე წავედი მათი მიმართულებით და გადავკვეთე კოსტავას ქუჩა“.

სანამ დოლიძესთან შენგელია მივიდოდა, მანამდე მას შერმადინი მიახლებია. ასე ამბობს შენგელია თავის ჩვენებაში, რომელშიც ჩემი აზრით ერთი დიდი ტყუილი წერია - როგორ შეიძლებოდა დაენახა ვერის ბაღთან არსებულ გაჩერებაზე მყოფ ადამიანს, ქუჩის მეორე მხარეს ავტობუსიდან ადამიანის გადმოვარდნა?! ავტობუსის კარი ხომ სკოლის მხარეს უყურებს და არა ვერის ბაღს?! შენგელია ხელმეორედ გასული წლის 13 დეკემბერს დაკითხეს, მაგრამ ამჯერად გადმოვარდნის ამბავი აღარ გაუმეორებია; მეორე ჩვენებაში მხოლოდი ის თქვა, რომ ასფალტზე დავარდნილი ოცმეთაური დაინახა, რომელსაც “ზემოდან აჯდა ვიღაც ჩემთვის უცნობი მოქალაქე, რომელსაც პაატასთვის ხელი ჰქონდა მოჭერილი და ურტყამდა...“ ვნახოთ, შენიშნავს თუ არა მოსამართლე ამ მნიშვნელოვან დეტალს.

იმის დასადასტურებლად, რომ მოწმეების ჩვენებები ერთმანეთს ჰგავს, ერთ მაგალითს მოგივყვან - კონტროლიორი ჯემალ შერმადინი (ისევე, როგორც შენგელია) აღნიშნავს: “ჩემი თანამშრომელი პაატა დოლიძე იყო დავარდნილი ასფალტზე და ზემოდან აჯდა ვიღაც ჩემთვის უცნობი მოქალაქე, რომელსაც პაატასთვის ყელზე ჰქონდა მოჭერილი ხელი და ურტყამდა“.

გამოძიებამ მამუკა გობეჩია სამჯერ დაკითხა - 2011 წლის 11 და 18 აგვისტოს მოწმის სტატუსით, ხოლო 2011 წლის 15 დეკემბერს - ბრალდებულის. გობეჩია აცხადებს, რომ უდანაშაულოა და შესაბამისად, თავისი უფლებების დასაცავად ბრძოლას აპირებს. ჩვენებაში ამბობს, რომ ბილეთი აღებული ჰქონდა და რომ ინცინდენტი კონტროლიორის პროვოცირებულია:

“კონტროლიორმა დაახლოებით მეტრანახევრის მანძილიდან მომთხოვა სამგზავრო ბილეთი, რომელიც ვაჩვენე, ისე, რომ მისთვის აღნიშნული ბილეთი არ გადამიცია. ამის დანახვაზე მითხრა, რომ აღნიშნული ბილეთი იყო ძველი. მე კონტროლიორის ამ განცხადებით გავღიზიანდი და თავი ვიგრძენი შეურაცხყოფილად, რაზეც მე ბილეთი ჩავიდე ჯიბეში და ვუთხარი, რომ ბილეთს მას არ წარვუდგენდი; მოვუწოდე რომ მას გამოეძახებინა საპატრულო პოლიცია და მხოლოდ ამის შემდგომ წარვუდგენდი ბილეთს. ამის შემდგომ მე მივუახლოვდი სალარო აპარატს, რა დროსაც მე კონტროლიორმა მითხრა, რომ თავი დამენებებინა ძველი ბილეთებით სიარულისათვის. მე მას ვუთხარი, რომ რომ მიცნობდე, ასეთ შეურაცხყოფას არ მომაყენებდი-მეთქი და კონტროლიორის თვალწინ ავიღე კიდევ ერთი სამგზავრო ბილეთი. ამის შემდეგ კონტროლიორმა მითხრა, რომ აღნიშნული ავტობუსის ბილეთი, რომ გქონოდა, ახალს აღარ აიღებდიო და ყურში ჩამჩურჩულა “გაგიცნობ კი არა ისეთს აირტყავო“...

აი, ამის შემდეგ დაიწყო ინცინდენტი, რაშიც გობეჩიას განმარტებით მონაწილეობა ოცმეთაურთან ერთად სხვა ყვითელფორმიანებმაც მიიღეს - “დამიწყეს ცემა, ზოგმა ფეხით, ზოგმა ხელით. მირტყამდნენ სახის, ზურგისა და მუცლის არეში...“

მამუკა გობეჩია უფლებებს მედია-კავშირ “ობიექტივის“ ადვოკატთა ჯგუფის წევრი ჯუმბერ მილორავა იცავს, რომელმაც ძველი თბილისის რაიონული პროკურატურის პროკურორის, გიორგი შაფათავას გამომძიებლის აცილების შუამდგომლობით მიმართა, რაც პროკურორმა არ დააკმაყოფილა; ყველაფერი რიგიანად და ლაზათიანად გამოიძია, თქვენი შუამდგომლობა უსაფუძვლოაო, - მიწერა ადვოკატ ჯუმბერ მილორავას. ახლა ჯერი მოსამართლეზეა - რამდენად რიგიანი და ლაზათიანი იქნება მის მიერ წაყვანილი სხდომები და ბოლოს, მის მიერ მიღებული გადაწყვეტილება, ამას თვალ-ყურს მივადევნებ და აუცილებლად გაცნობებთ.

მურმან დუმბაძე: “მეზღვაურების ოჯახებს კუდ-მა აუკრძალა იმის თქმა, თუ როგორ ჩააღწიეს სომალიდან სტამბულამდე“

2012-01-22T05:54:00.000-08:00

ავტორი ნინო მიქიაშვილი | „ობიექტივი“
18:02 22.01.2012
“სვანეთთან ერთად დატბორვა აჭარის სოფლებსაც ემუქრება, თუ ამ რეგიონებში გიგანტურ ჰესებს ააშენებენ“, - გვითხრა საზოგადოებრივი ორგანიზაცია “ემსახურე საქართველოს“ თავმჯდომარემ, მურმან დუმბაძემ. ხუთი დღის წინ მან ხელვაჩაურის რაიონში თავად ნახა ის ადგილი, სადაც თურქული მხარე თავისი მუშა-ხელისთვის კოტეჯებს აშენებს. ამასთან დუმბაძე სომალელი მეკობრეების ტყვეობიდან გამოხსნილ ქართველ მეზღვაურებსაც შეხვდა.

იმაზე, თუ რა გაფრთხილება მისცა კუდ-მა მეზღვაურების ოჯახის წევრებს; აჭარის რომელი სოფლები დაიტბორება; რას მივიღებთ გიგანტური ჰესების აშენების სანაცვლოდ და რა უნდა გაკეთდეს იმისთვის, რომ ჩვენს ქვეყანას ზიანი არ მიადგეს, მურმან დუმბაძესთან ჩაწერილი ინტერვიუდან შეიტყობთ.

რა ინფორმაცია გაქვთ მეზღვაურების გათავისუფლებაზე?

მურმან დუმბაძე: მოხარული ვარ, რომ ქართველი მეზღვაურები თავისუფლები არიან, მაგრამ ვწუხვარ იმის გამო, რომ ტყვეობიდან მათი გამოხსნის საქმეში ქართული სახელმწიფოს წვლილი მინიმალურია. გათავისუფლებული15 მეზღვაურიდან რამდენიმეს შევხვდი, რადგან მათთან პირადი ურთიერთობა და ნაცნობობა მაქვს. პირდაპირ გეუბნებით და შეგიძლიათ შავი შრიფტით დაბეჭდოთ - მეზღვაურების ოჯახებს კუდ-მა აუკრძალა იმის თქმა, თუ როგორ ჩააღწიეს სომალიდან სტამბულამდე. მათ უთხრეს, რომ კრინტი არ უნდა დაეძრათ იმაზე, თუ ვინ მივიდა გემთან, როგორ მოხდა მათი გათავისუფლება, როგორ გადასცეს 15 ქართველი მეზღვაური და მათთან ერთად 3 თურქი ერთი გემიდან მეორეზე, რომელ ქვეყანაში ჩაიყვანეს და ასე შემდეგ.

მეზღვაურების ტყვეობისას თურქეთის რესპუბლიკის პრემიერ-მინისტრი ერდოღანი სომალიში იმყოფებოდა, რასაც მიხეილ სააკაშვილი გორის ცნობილი კადრების შემდეგ ვერ გააკეთებდა. სომალიში თურქეთის საგარეო საქმეთა მინისტრიც იყო ჩასული. მკითხველი დამეთანხმება, რომ სომალიში ვერც ჩვენი საგარეო საქმეთა მინისტრი ჩავა. სომალიში სტუმრობის მიზეზი მეზღვაურების ტყვეობიდან გამოხსნა, რომ იყო, ეს ერდოღანმა ოფიციალურადაც განაცხადა. პლუს ამას, მე მაქვს ლონდონიდან მიღებული ინფორმაცია, რომლის თანახმად დიდი ბრიტანეთის დედაქალაში მეზღვაურების საკითხთან დაკავშირებით რამდენიმე სადაზღვევო კომპანიის წარმომადგენლები შეიკრიბნენ.

თქვენ ოფიციალური ინფორმაცია გაქვთ?

-ეს არ არის ოფიციალური ინფორმაცია - მეზღვაურების გათავისუფლების ამბის გახმაურებამდე რამდენიმე დღით ადრე, ლონდონში მოღვაწე ჩვენმა თანამემამულეებმა შემატყობინეს, რომ დატყვევებულების გათავისუფლებაზე მოლაპარაკებები მიდიოდა. საქმე იმაშია, რომ გემთფლობელი ბერძენია და გემი, მისი ეკიპაჟი და ტვირთიც დაზღვეული გახლდათ. ბერძნული მხარის აქტიურობით სადაზღვევო კომპანიები შეიკრიბნენ და გადაწყვეტილება მიიღეს, რომ ეს ხალხი უნდა გათავისუფლებულიყო.

მეზღვაურებს ადენის ყურეში ბულგარულმა სამხედრო გემმა მიაკითხა. ეკიპაჟშიც ბულგარელები იყვნენ. ჩვენი მეზღვაურები ბულგარული გემით კენიაში ჩაიყვანეს, კენიიდან სტამბულში და ამას მოჰყვა სააკაშვილის ზარ-ზეიმი.

ვინ გადაიხადა მეზღვაურების გამოსახსნელი თანხა, რა თქვეს ამაზე მეზღვაურებმა?

-თანხის ანაზღაურების საკითხში თურქეთი სადაზღვევო კომპანიებთან გარანტორად გამოვიდა. ერთი კვირით ადრე დატყვევებულ მეზღვაურებს მეკობრეებმა უთხრეს, რომ მათ გემი მოაკითხავდა და წაიყვანდა. ანუ სანამ ხალხი გაიგებდა, მანამდე ერთი კვირით ადრე იცოდნენ მეზღვაურებმა, რომ ათავისუფლებდნენ. ასე რომ როცა სტამბულში ერდოღანმა და სააკაშვილმა განცხადებები გააკეთეს, იქ თურქეთის პრემიერ-მინისტრმა სააკაშვილს მადლობა გადაუხადა, არა ამ ტყვეების გამოხსნისთვის, არამედ ტრანსპორტირებისთვის - გათავისუფლებული მეზღვაურების ტრანსპორტირება სააკაშვილმა უზრუნველყო, ოღონდ სტამბულიდან ბათუმამდე. ჩვენდა სამწუხაროდ, მხოლოდამხოლოდ აი, ეს არის ქართული სახელმწიფოს წვლილი.

რა სიახლეებია აჭარაში გიგანტური ჰესების აშენების კუთხით?

-მდინარე მაჭახელაზე ორი ჰიდროელექტროსადგურის აშენების შესახებ ახალი ტენდერი ენერგეტიკის სამინისტრომ რამდენიმე დღის წინ გამოაცხადა. თითოეული ჰესის სიმძლავრე 20-დან 25 მეგავატამდე უნდა იყოს. ამ ტენდერის გამოცხადება ფორმალურად მოხდა, რადგან პრაქტიკული სამუშაოები დაწყებულია.

5 დღის წინ ხელვაჩაურის რაიონში, სოფელ აჭარისწყალში ვიყავი. ეს ის ადგილია, სადაც 3 მდინარე: მაჭახელა, აჭარისწყალი, ჭოროხი ერთდება და ჭოროხად გადაიქცევა. სოფელ აჭარსიწყალს, ისევე, როგორც ხერთვისს და მირვეთს დატბორვა ემუქრება, თუ გიგანტურ ჰესებს ააშენებენ. სოფელ აჭარისწყალში გარკვეულ ადგილას, მინდორზე, სადაც ადრე რუსის ჯარი იდგა, ახლა თურქული მხარე თავისი მუშა-ხელისთვის კოტეჯებს აშენებს.

მოკლედ, იქ, სადაც 70 წელი რუსის ჯარი იდგა, ახლა თურქი დადგება - გამალებული მშენებლობა მიდის; ე.წ. სენდვიჩის ტიპის მასალისგან საცხოვრებელ სახლებს აშენებენ. თურქეთის მოქალაქეები, რომლებიც ამ სახლებში იცხოვრებენ, საპროექტო სამუშაოებს შეასრულებენ და შემდეგ გეგმის განხორციელებას დაიწყებენ.

თურქული მხარე 2008 წლიდან აქტიურად მუშაობს ჭოროხზე, მაჭახელასა და აჭარისწყალზე გიგანტური ჰესების ასაშენებლად, რაც რეგიონის მოსახლეობას ეკოლოგიურ საფრთხეს შეუქმნის. მოგეხსენებათ, აჭარა სასოფლო-სამეურნეო სავარგულების თვალსაზრისით მცირემიწიანია, მოსახლეობა ძირითადად ამ მდინარეების გასვწრივ ცხოვრობს. გავრცელებული ინფორმაციით გიგანტური ჰესების აშენების საქმეში ნორვეგიელებიც ჩართულები არიან, ჯამში 300 მეგავატი სიმძლავრის ჰესებს აშენებენ.

ამას ემატება თურქების მიერ მდინარე ჭოროხზე 120 მეგავატზე მეტი სიმძლავრის ჰესის აშენება, მდინარე მაჭახელაზე 2 ჰესის აშენება, რომელთა სიმძლავრე ჯამში 50 მეგავატი იქნება და მთლიანობაში ჯამურად სადღაც 500 მეგავატამდე გამოდის. ამ საქმეში 700 მილონამდე დოლარის ინვესტირებას აპირებენ. ანუ უზარმაზარ ტერიტორიას, ჩვენი ქვეყნისთვის უმნიშვნელოვანეს მდინარეებს ხელში ჩალის ფასად უგდებენ.

რას ჰპირდებიან ადგილობრივ მოსახლეობას?

-მათ უთხრეს, რომ ერთ კვადრატულ მეტრზე 8-დან 12 ლარამდე გადაუხდიან, რაც იმას ნიშნავს, რომ განზრახულობა სისრულეში მოსაყვანად მზადდება. მაგალითად, ჭოროხის მდინარეზე ჰესის აშენების შედეგად 250 ჰექტარი მიწა დაიტბორება. ეს არის ორნახევარი კვადრატული კილომეტრი. ნამდვილი ბათუმი (შემოერთებების გარეშე) 5 კვადრატული კილომეტრია და ორნახევარი კილომეტრის დატბორვა ნახევარი ბათუმის დატბორვას ნიშნავს.

რა სარგებელს მიიღებს საქართველო ამ გიგანტური ჰესების აშენებით?

-ერთადერთი პირობაა - გიგანტური ჰესების აშენების შემდეგ საქართველოს 10 წლის განმავლობაში 4 თვით (ყოველი წლის ოქტომბრიდან თებერვლამდე) საბაზრო ფასებში მიღებულ ელექტროენერგიას გამოიყენებს. დანარჩენი თვეებში მოხდება ამ ელექტროენერგიის ექსპორტი თურქეთის და სხვა ქვეყნების მიმართულებით და ესეც მხოლოდ 10 წელი! ინვესტორი ექსპორტის გადასახადს არ გადაიხდის, რადგან ქართული კანონმდებლობით ექსპორტი არ იბეგრება. ასე რომ, ეკონომიკური თვალსაზრისით ჩვენს ქვეყანას კატასტროფული შედეგი ექნება. მიგრაცია დაიწყება, ხელვაჩაურის რაიონში ტყეები, სოფლები (მარადიდი, კირნათი, მირვეთი აჭარისყალი, ერგე) დაიტბორება, მდინარეში თევზი გაწყდება.

ნორვეგიელები, რომლებიც აჭარისწყლის მიმართულებით 2009 წლიდან საპროექტო სამუშაოებს ასრულებენ, ქედისა და შუახევის რაიონების სიღრმეში შევიდნენ. აჭარისწყალზე დაახლოებით 300 მეგავატი სიმძლავრის 4 ჰესის აშენებაა დაგეგმილი!

ხედავთ თუ არა პოლიტიკურ ინტერესს, ჰესების მშენებლობის მიღმა?

-ცხადია ვხედავ, განსაკუთრებით თურქეთის მხრიდან - უცხო სახელმწიფო აჭარის ტერიტორიას, საქართველოსთვის მნიშვნელოვან მდინარეებს ხელში იგდებს და ჩვენ რა გავლენა გვექნება და როგორ მოვიხმართ ამ მდინარეებს, კაციშვილმა არ იცის. თურქეთი ბათუმს ეკონომიკურად უკვე დაეპატრონა და ახლა აჭარის ტერიტორიის სიღრმეშიც შედის. არჩევნები ახლოვდება და საქართველოს ხელისუფლება მხოლოდ უეცარი, ერთჯერადი თანხის მიღებაზე ფიქრობს.

გამოსავალს რაში ხედავთ?

-სვანეთთან ერთად დატბორვა აჭარის სოფლებსაც ემუქრება, თუ ამ რეგიონებში გიგანტურ ჰესებს ააშენებენ. ჩვენი ქვეყნისთვის დამღუპველი გიგანტური ჰესების აშენების პროექტი უნდა გავაპროტესტოთ - ერთადერთი ბერკეტი ამ პრობლემის გახმაურებაა.

და ხმაურით როგორ შეაჩერებთ გიგანტური ჰესების მშენებლობას?

-მაგალითად, ხმაურით შევაჩერეთ ე.წ. აზიზიეს მეჩეთის მშენებლობა ბათუმში. დარწმუნებული ვარ მოსახლეობის აბსოლუტური უმრავლესობა მხარს დაგვიჭერს. იმ დეტალების ირგვლივ, რაზეც ზემოთ ვისაუბრე, ხალხი ინფორმირებული არ არის. ბათუმში ჩასვლისთანავე დავიწყებ კარდაკარ სიარულს, მოსახლეობას საქმის ვითარებას გავაცნობ - წინააღმდეგობა უნდა გავუწიოთ, ერთმანეთს მხარში უნდა დავუდგეთ, ეს ხელისუფლება უნდა შევცვალოთ და გიგანტური ჰესების აშენების პროექტი ჩავშალოთ.

მილიონი «ნა ვერტილე», ანუ «вот я и миллионер - сбылись мечты идиота...»

2012-01-21T08:46:00.000-08:00

ავტორი დავით მხეიძე
17:06 03.01.2012
რადგანაც სააკაშვილის ხელისუფლების ერთ-ერთი «საამაყო მიღწევა» ის არის, რომ ჩვენი ახალგაზრდების უმრავლესობა საყველპურო რუსულთანაც კი მწყრალად არის, მათთვის «მოვთარგმნი» ქართულად წერილის სათაურად აღებულ ოსტაპ ბენდერის ცნობილ ფრაზას ილია ილფისა და ევგენი პეტროვის გენიალური რომანიდან «ოქროს კერპი»: «და აი, მე მილიონერი ვარ _ ასრულდა იდიოტის ოცნებები...». რამ გამახსენა მსოფლიოს უპირველესი აფერისტი და ავანტიურისტი ოსტაპ ბენდერი? რამ და, ბიძინა ივანიშვილის მიერ გადარიცხულმა მილიონებმა პარტნიორი პარტიების ანგარიშებზე.

უფრო სწორად იმან, რომ, კობა ხაბაზის ინიციატივით მიღებული უკუქმედების ძალის მქონე კანონის გამო, თუ როგორი ფაციფუცით დაიწყეს ამ ფულის ათვისება, რამაც საზოგადოების უმრავლესობაში ცალსახად უარყოფითი ემოციები გამოიწვია...

რა თქმა უნდა, საზოგადოებას ისიც კარგად მოეხსენება, რომ თანამედროვე პოლიტიკაში უფულოდ ვერაფერს მიაღწევ, მაგრამ ივანიშვილის გამოჩენამდე ოპოზიციის გახვრეტილ ჯიბეში, როგორც გენიალური ვასო გოძიაშვილი იტყოდა, «თაგვები რომ პოლკა-მაზურკას ტანცაობდნენ», ახლა კი ბიძინას ფულებით, პირველ რიგში, ძვირადღირებულ ჯიპებს ყიდულობენ, რბილად რომ ვთქვათ, უხერხულია...

რატომ? რატომ და ისევ ილფ-პეტროვს თუ დავიმოწმებთ: «ავტომობილი ფუფუნება კი არა, გადაადგილების საშუალებაა». თუმცა მაშინ, როდესაც ამას ამბობდნენ, ანუ დანჯღრეული «ანტილოპა გნუს» ეპოქაში, წარმოდგენა არ ჰქონდათ, რომ დადგებოდა დრო, როდესაც ავტომობილი, ფუფუნების საგანიც გახდებოდა და პრესტიჟის ნიშანიც, რადგან, როგორც იტყვიან, მანქანაც არის და მანქანაც...

ანუ სად ჩემი 19 წლის ფორდი და სად კობა დავითაშვილის «პრადო», «პოლნი ნავაროტებით და ბლატნოი ნომრებით»?!

სწორედ ისეთ მრავალათასიან ჯიპებში ჩადეს ერთი ადგილი, რის გამოც ცოტა ხნის წინ მიშნაცების მაღალჩინოსანთ ამუნათებდნენ _ შედარებით იაფ მანქანებს აღარ კადრულობენ, საბიუჯეტო, ანუ ხალხის ფულს, ჰაიჰარად ხარჯავენო!

ახლა მავანი მეტყვის, ესენი ბიძინას ფულებს ხარჯავენ და რა ჩვენი საქმეაო.

არა, ბატონო! ასეთი მიდგომა მხოლოდ ბიძინას ქველმოქმედების მიმართ შეიძლება იყოს(?) სწორი, მაგრამ, როდესაც საქმე «ქართული ოცნების» დაფინანსებას ეხება, რომელსაც ასე სასოებით შეჰყურებს (ჯერ კიდევ შეჰყურებს) საქართველოს უმეტესი ნაწილი, დიახაც გვაქვს უფლება, ვიკითხოთ, თუ ვინ, რამდენს და რისთვის ხარჯავს!

ეგეც არ იყოს, რამდენად ზნეობრივია, რომ ამ გაჭირვებულ-დამშეულ ქვეყანაში ივანიშვილის ხელგაშლილობით სარგებლობ და ქართულ ოცნებაზე უწინ საკუთარ ოცნებებს ისრულებ?! ან ნათესავი არა გყავს, ან გაჭირვებული ნაცნობი?.. შედარებით იაფი მანქანები გეყიდათ და დანარჩენი იმათთვის მიგეცათ ან სიონთან გაგევლოთ და მოწყალება გაგეღოთ...

ამ მანქანების «საგაზე» უფრო ამაზრზენი ხელფასების წინსწრებით აღება, ანუ ერთი წლის თანხების ათვისების ამბავი იყო.

სამწუხაროდ, საზოგადოების აბსოლუტური უმრავლესობა იმდენად ვერ არის პოლიტიკურად «გრამატნი», რომ, მიუხედავად გამხმარი კუჭისა და გახვრეტილი ჯიბისა, მიხვდეს, რომ ოპოზიციას ხელისუფლებაზე ნაკლები კი არა, ხშირად უფრო დიდი მადაც შეიძლება ჰქონდეს და ყველაზე მთავარი _ ხალხმა არ იცის, რომ ასეთი მადა იმიტომ აქვთ, რომ მთელი წლის მანძილზე «ხალხზე ზრუნვისგან» გამოფიტული ორგანიზმი ახალ წელს მაინც შეივსონ გოჭ-საცივ-გოზინაყის კალორიებით.

იქ «რესპების დედოფალმა» თინა ხიდაშელმა დაახეთქა: 20 ათასი ავიღეო; აქ დავით ზურაბიშვილს ჰქონია ხელფასი «დესიტ ტიშიო». აქედან გამომდინარე, «რესპების» ისეთ ღლავებს, როგორებიც ძმები ბერძენიშვილები ან თინიკოს მეუღლე, დავით უსუფაშვილი არიან, ხომ აზრზე ხართ, რამდენი «ტიში» ექნებათ?

მოკლედ, თბილისური ჟარგონით თუ ვიტყვით _ «обнаглели фраера», ანუ აგულავდნენ რა ჯერ კიდევ გუშინ პოლიტიკურ მორგში მყოფი «სვეტსკი ლიბერასტები». არადა, რომ არა ბიძინა ივანიშვილის უცნაური და მოულოდნელი არჩევანი (რის გამოც, რაც დრო გადის, სულ უფრო დრტვინავს ეროვნულ-ტრადიციულ-მართლმადიდებლური ღირებულებების სულისკვეთების ქართველი საზოგადოება), დღეს «რესპები» უკვე კაი ხნის ბალზამირებულები იქნებოდნენ და მალე ვინძლო პოლიტიკური ორმოციც გადაგვეხადა «მადლიერ» ქართველ ხალხს მათთვის.

მაგრამ ყველას მაინც კობა დავითაშვილმა «მოუჯოკრა»: მეო, დასამალი არაფერი მაქვსო და საახალწლოდ გაახარა ცოლშვილი ჯერ ახალთახალი ჯიპით, მერე ადგა და საკუთარ თავს 5000-ლარიანი საახალწლო პრემიაც გამოუწერია. «პახოდუ პიესი», არც მისი ორკაციანი ხალხის პარტიის რაიონული შეფ-მოადგილეები დაივიწყა და, შესაბამისად, მათაც 1000 და 500 ლარებით მიულოცა ახალი წელი.

მოკლედ, მადაც ამას ჰქვია, ძმაო! ჰოდა, მოდი და ნუ გაგახსენდება ის ცნობილი «ნავერტელე», რაშიც ერთ მარნეულელ თუ ბოლნისელ გოიმ მემწვანილეს «დვაცატ ტიში» შეაწერა, მაგრამ თურმე ჯერ სადა ხარ! აგერ ბიძინა ივანიშვილმა «მილიონ სჩემტო» არ ჩაურიცხა?!

აქედან გამომდინარე, ამოცანა გვეკითხება: რამდენი ჯიპი და «ნავერტილე» მოუვა ხალხის პარტიის ბელადს «მილიონ სჩემტოთი»? პასუხის გაცემას ნუ იჩქარებთ, ერთი შეხედვით, უმარტივეს კითხვაზე, რადგან ეს პრაქტიკულად შეუძლებელია და აი რატომ:

დავუშვათ, ჯიპებისა და ასეტრინის მიახლოებითი საბაზრო ფასი დავადგინეთ. იმასაც გაგიმხელთ, რომ ის «სჩემტო» 100 ათასია. მაშ, მეტი რა არის საჭირო?

როგორც ყველასათვის ნაცნობი ტავარიშჩ საახოვი იტყოდა, «ა, ნეთ, თარაფიცა ნე ნადა», რადგან იმ «მილიონ სჩემტოს» ბუღალტერიც და მოლარეც თავად კობა დავითაშვილია, ანუ ხალხის პარტიის შეფის მადაზეა დამოკიდებული იმ ამოცანის ამონახსნი და გაიგე ახლა შენ, ხვალ რამდენ «ნავერტელეს» მიირთმევს, ანუ რამდენ შამფურ ზუთხის მწვადს გამოუყვანს წირვას ბატონი კობა, ზეგ კი «ლამბორჯინი დიაბლო» რომ მოუნდეს, რას შობი მერე?

ჰა, ხომ ვიყავი მართალი, ჩემო მკითხველო _ არც ისე ადვილია «ნავერტელეს» ამოცანის ამოხსნა-თქვა!

ჰო, მაშარაფის ხარჯებზე არაფერი მითქვამს...

P.S. სახუმაროდ და საქილიკოდ ნამდვილად არ გვაქვს საქმე. «ქართული ოცნების», პირადად ბიძინა ივანიშვილის მიმართ საზოგადოების არც თუ უმნიშვნელო ნაწილში სკეპტიციზმი დღითიდღე მატულობს.

სამწუხაროდ, ასეა ეს და ამის დაუნახაობა დღეს-ხვალ შეიძლება ისეთ დამარცხებად მოევლინოს ქვეყანას, როგორსაც ვერანაირი ოცნებები ვეღარ უშველის.

კობა დავითაშვილის ნავერტელეს კიდევ აიტანდა კაცი, არც ზვიად ზიძიგურია დიდი უბედურება, მითუმეტეს _ ირაკლი ალასანია, რომელიც იქნებ ყველაზე მეტი სიმპატიით სარგებლობს საზოგადოებაში, მაგრამ რესპუბლიკელები?

ერთი ქართული ანდაზის არ იყოს, «ვირს პიტნა ეჯავრებოდა და ცხვირში ტენიდნენო», ასეა ჩვენი და რესპების საქმე!

ანუ ბოლო 20 წლის მანძილზე ქართველმა ხალხმა არაერთხელ უთხრა უარი რესპუბლიკელი ინტელექტუალების ლიბერასტულ იდეოლოგიას, რადგანაც ეს იგივეა, რაც თავისუფლების ინსტიტუტის (ან პირიქით? და მართლაც ვირები ვიქნებით, თუ მაგათ ოდესმე ვენდობით) იდეოლოგია. ამიტომაც ვერ ასცილებია მათი რეიტინგი 2-3 %-ს სამართლიან თუ გაყალბებულ არჩევნებში!

ამიტომ ბატონ ბიძინას, უნდა თუ არა, მოუწევს, აუხსნას ქართველ საზოგადოებას, თუ რატომ გვტენის ცხვირში პიტნას.

თუ არა და, ქართველი ერი მხოლოდ ბიძინას ხათრით მხარს ვერ დაუჭერს თავისუფლების ინსტიტუტის ყლორტებს (თუ პირიქით?), რესპუბლიკურ პარტიას!

"საქართველო და მსოფლიო"

"სოლიდარობა - მედიის თავისუფლებისთვის" დამფუძნებლებმა მემორანდუმს ხელი მოაწერეს

2012-01-20T05:26:00.001-08:00

17:06 20.01.2012
მედიაგაერთიანების "სოლიდარობა - მედიის თავისუფლებისთვის" დამფუძნებლებმა მემორანდუმს ხელი მოაწერეს. 14-მა მედიასაშუალებამ შუალედური ხელმოწერა მედიაკავშირ "ობიექტივის" სტუდიაში დღეს გააფორმა.

როგორც "ინტერპრესნიუსს" საქართველოს პრესის ასოციაციის ხელმძღვანელმა და გაზეთ "რეზონანსის" მთავარმა რედაქტორმა ლაშა ტუღუშმა განუცხადა, მემორანდუმზე ხელმოწერის მსურველ ორგანიზაციებს ვადა 1 თებერვლამდე აქვთ, რის შემდეგაც, მასთან შეერთება მხოლოდ მემორანდუმზე ხელმომწერი ყველა მედიასაშუალების თანხმობის შემთხვევაში იქნება შესაძლებელი.

მედიაგაერთიანებამ, "სოლიდარობა - მედიის თავისუფლებისთვის" მემორანდუმი 9 იანვარს გამოაქვეყნა.

"ჩვენ, ამ მემორანდუმზე ხელისმომწერი მედიაორგანიზაციები – "ასავალ-დასავალი", "ალია ჰოლდინგი", ტელეკომპანია "მაესტრო", "მედიაპალიტრა", "ვერსია", "პრესაგე.ტვ", "ობიექტივი", "რეზონანსი", "ღია ბოქლომი", "საქართველოს ხმა", ვაცხადებთ, რომ საქართველოში 2003 წლიდან დღემდე ხელისუფლება მიზანმიმართულად ზღუდავდა და ზღუდავს თავისუფალი მედიასაშუალებების (ტელე-რადიო და ინტერნეტმაუწყებლები, გაზეთები, ჟურნალები, საინფორმაციო პორტალები) საქმიანობას და დამოუკიდებელი მასმედიის კონტროლის მიზნით, იყენებდა და იყენებს ფინანსური, ფსიქოლოგიური, მორალური და პოლიტიკური ზეწოლის მეთოდს. აქედან გამომდინარე, ვთანხმდებით - მემორანდუმის ხელმოწერიდან ერთი კვირის ვადაში დავაფუძნოთ არასამთავრობო ორგანიზაცია, რომელშიც პირადი სურვილის საფუძველზე გაწევრიანდება ქვეყანაში მოქმედი ყველა დამოუკიდებელი მედიასაშუალება, მათი უშუალო მფლობელების, გამომცემლების, რედაქტორებისა და ჟურნალისტთა კორპუსის მონაწილეობით. მემორანდუმის ხელმომწერი მედიასაშუალებების საქმიანობის მთავარ ამოცანად ვსახავთ ერთ კონკრეტულ მიმართულებას - არასამთავრობო ორგანიზაციაში შემავალი მედიაორგანიზაციების დაცვას ხელისუფლების უკანონო ქმედებისაგან, ხოლო რომელიმე წევრი მედიასაშუალების წინააღმდეგ ხელისუფლების უკანონო მოქმედებების, ზეწოლის, თავდასხმის შემთხვევაში, ვიზიარებთ პასუხისმგებლობას, არასამთავრობო ორგანიზაციაში შემავალმა მედიასაშუალებებმა ვიმოქმედოთ ერთობლივად, როგორც ქვეყნის შიგნით, ისე საერთაშორისო ასპარეზზე.

ჩვენ ვთანხმდებით, რომ რომელიმე ერთ მედიასაშუალებაზე თავდასხმა აღვიქვათ, როგორც სხვა დანარჩენებზე თავდასხმა.

გაერთიანება სოლიდარობის პრინციპით იცავს მხოლოდ მასში შემავალ წევრ–ორგანიზაციებს.
მედიაგაერთიანება არაწევრი მედიაორგანიზაციების დაცვის თაობაზე გადაწყვეტილებას იღებს ინდივიდუალურად.

ჩვენი მემორანდუმი ღიაა საქართველოში მოქმედი ყველა დამოუკიდებელი მედიასაშუალებისათვის, რომელიც იზიარებს საფრთხის შემთხვევაში საერთო, სოლიდარული მოქმედებების პრინციპს, რაშიც ვგულისხმობთ - საერთო ტაქტკისა და სტრატეგიის შემუშავებას საფრთხის ქვეშ მდგომი მედიასაშუალების დასაცავად, საინფორმაციო კამპანიის უზრუნველყოფას, მშვიდობიანი მანიფესტაციების, მიტინგების, საქველმოქმედო და სხვა ტიპის აქციების ორგანიზებას, საერთაშორისო ორგანიზაციებთან, საელჩოებთან კომუნიკაციის დამყარებას, მოქმედებების დაგეგმვასა და განხორციელებას ქვეყნის ფარგლებს გარეთ, ევროსტრუქტურებში, უფლებადაცვით და ჟურნალისტთა საერთაშორისო ორგანიზაციებში, რომელთა ოფისებიც განთავსებულია ბრიუსელში, სტრასბურგში, პარიზსა და ჟენევაში;

მემორანდუმზე ხელმოწერა მოხდება 2012 წლის 1 თებერვალს, დღის 13:00 საათზე, მედიაკავშირ "ობიექტივის" დიდ დარბაზში.

მედიაგაერთიანებაში გაწევრიანება ხდება ყველა დამფუძნებელი მედიაორგანიზაციის თანხმობით. თუ რომელიმე გაზეთს, ჟურნალს, ტელე და რადიო არხს, ინტერნეტპორტალს, მედიაგაერთიანებაში გაწვრიანების სურვილი გაუჩნდება 2012 წლის 1 თებერვლის შემდეგ, გაერთიანებაში შემავალი მედიასაშუალებები ამ წინადადებას განიხილავენ და გადაწყვეტილებას ერთობლივი შეთანხმების საფუძველზე მიიღებენ. ამასთან, გამოყენებული იქნება ვეტოს პრინციპი. გაერთიანებაში შემავალი ერთი რომელიმე წევრი მედიაორგანიზაციის უარის შემთხვევაში, არ მოხდება ახალი წევრის მიღება, ხოლო ორგანიზაციიდან წევრთა გარიცხვის საკითხი გადაწყდება წესდების თანახმად, ხმათა უმრავლესობით.

წარმოდგენილ მემორანდუმთან შემოერთების შემდეგ, კონკრეტული მედიასაშუალებები დააფუძნებენ პროფილურ არასამთავრობო ორგანიზაციას, რომელიც შეიმუშავებს წესდებას, დააკომპლექტებს ორგანიზაციულ სტრუქტურას და განახორციელებს საქმიანობას", - ნათქვამია მემორანდუმში.

პროტესტი შინაური მაწანწალა ცხოველების ცეცხსასროლი იარაღით დახოცვის გამო [video]

2012-01-20T02:39:00.000-08:00

14:49 20.01.2012
ქუჩა არ არის სასაკლაო! ნუ ნადირობთ ქუჩაში! აქ ბავშვები თამაშობენ, უფროსები - ნადირობენ! ასეთი შინაარსის ტრანსფარანტები გამოიტანეს დღეს ზუგდიდელებმა ქალაქის ცენტრში, სადაც რამდენიმე დღის წინ ზუგდიდის მუნიციპალიტეტის გამგეობის ზედამხედველობის სამსახურის წარმომადგენლებმა შინაური ცხოველები, კერძოდ ღორები ცეცხსასროლი იარაღით დახოცეს.

აქციის ორგანიზატორმა მოქალაქე გოჩა ლაგვილავამ ზედამხედველობის სამსახურს მოუწოდა შეცვალოს შინაური ცხოველების წინააღმდეგ ბრძოლის მეთოდები. ქუჩაში გამვლელი რიგითი მოქალაქეების მსგავსად, აქციის მსვლელობას ზუგდიდის მუნიციპალიტეტის ზედამხედველობის სამსახურის უფროსი ლევან მესხიაც აკვირდებოდა.

საზოგადოებრივი თავშეყრის ადგილას შინაური მაწანწალა ცხოველების ცეცხსასროლი იარაღით დახოცვის ამსახველი ვიდეომასალა ინტერნეტგამოცემა „ლაივპრესმა“ გაავრცელა. სწორედ ამ კადრების გავრცელების შემდეგ გადაწყვიტეს მოქალაქეებმა მშვიდობიანი აქცია მოეწყოთ ზუგდიდის ბულვარში.

livepress.ge

ახალი მედიაგაერთიანების წევრები მემორანდუმს ხელს მოაწერენ

2012-01-19T12:09:00.000-08:00

00:061 20.01.2012
დღეს, 20 იანვარს, 13 საათზე მედია-კავშირ „ობიექტივის“ დიდ დარბაზში ახალი მედიაგაერთიანება „სოლიდარობა- მედიის თავისუფლებისთვის" წევრები მემორანდუმს მოაწერენ ხელს.

მემორანდუმს უკვე შეუერთდნენ გამოცემები „ასავალ-დასავალი“, „რეზონანსი“, მედია ჰოლდინგები „პალიტრა მედია“, „ალია ჰოლდინგი“, „ობიექტივი“, ტელეკომპანია „მაესტრო“, რადიო „საქართველოს ხმა“, ინტერნეტპორტალი „presage.tv“.

დღეს მედიაგაერთიანებას ჟურნალი „ღია ბოქლომიც“ შეურთდება.

„ჟურნალი „ღია ბოქლომი“ მზადაა, შეუერთდეს ტელეკომპანია „მაესტროს“ დამფუძნებლის, მამუკა ღლონტის მიერ ინიცირებულ მედიაგაერთიანებას. საქართველოში მედიის წარმომადგენლები ხელისუფლების თავდასხმის ობიექტი ყოველდღიურად ხდებიან, ამიტომ მედიასოლიდარობა უმნიშვნელოვანესია. მისასალმებელია, რომ გაერთიანება ღიაა საქართველოში მოქმედი ყველა დამოუკიდებელი მედიასაშუალებისათვის, რომელიც იზიარებს საფრთხის შემთხვევაში საერთო, სოლიდარული მოქმედების პრინციპს“, – განუცხადა „ობიექტივს“ „ღია ბოქლომის“ რედაქტორმა ილია ჩაჩიბაიამ.

ბონდო მძინარაშვილი, „ობიექტივის“ დამფუძნებელი: „დამოუკიდებელი მედიასაშუალებების გაერთიანება აუცილებელია, რადგან ხელისუფლებამ თავისი პროპაგანდის მეშვეობით არამხოლოდ ხალხის საინფორმაციო ვაკუუმში მოქცევა შეძლო, არამედ მედიაზე ზეწოლაც წარმატებით განახორციელა. ვინც „ნაცმოძრაობის“ დიქტატს არ ექვემდებარება, ყველას მიმართ ავლენენ აგრესიას და სამართალდამცავი თუ ფინანსური სტრუქტურები მედიის წინააღმდეგ მიზანმიმართულად მოქმედებენ. ჩვენ ვფიქრობთ, რომ გაერთიანებით უფრო ადვილად მოვიგერიებთ ამ შემოტევებს. სამომავლოდ კი ხელისუფლება უნდა ვაიძულოთ, როგორც ერთ-ერთმა ჩვენმა კოლეგამ აღნიშნა, საერთოდ გავიდეს მედიიდან და ჟურნალისტებს მისცეს თავისუფლად მუშაობის საშუალება“.

ორგანიზაციაში „სოლიდარობა - მედიის თავისუფლებისათვის“ გაწევრიანება ყველა მედიასაშუალებას შეუძლია „მათი უშუალო მფლობელების, გამომცემლების, რედაქტორებისა დაჟ ურნალისტების მონაწილებით“. თუმცა გაწევრიანებას დამფუძნებლების სრული თანხმობა სჭირდება.

ახალი მედიაორგანიზაციის დაფუძნების იდე ამამუკა ღლონტს ტელეკომპანია „მაესტროში“ შექმნილი პრობლემების დროს გაუჩნდა.

"ობიექტივი"

დავით თარხან-მოურავი და ირმა ინაშვილი ჯონ ქჯაერს შეხვდნენ

2012-01-19T11:22:00.000-08:00

23:30 19.01.2012
19 იანვარს, დღის 12 საათზე, ბრიუსელში, ევროკომისიის საგარეო საქმეთა გენერალურ დირექტორატში „საერთო-სახალხო წინააღმდეგობის მოძრაობის“ თავმჯდომარე დავით თარხან-მოურავი და მედია-კავშირ „ობიექტივის“ ხელმძღვანელი ირმა ინაშვილი ევროკომისიის უკრაინის, მოლდოვეთის, ბელორუსიისა და სამხრეთ კავკასიის ქვეყნებთან ურთიერთობების ხელმძღვანელს ჯონ ქჯაერს შეხვდნენ, საქართველოს მიმართულების ხელმძღვანელს პელ ლეენერსონს და საერთაშორისო ურთიერთობების ოფიცერს კატერინა ლოპოს.

შეხვედრაზე სამი საკითხი განიხილეს:

1.საქართველოში მედიის მდგომარეობის დამძიმება, რომელიც გამოწვეულია ახალი საკანონმდებლო ცვლილებებით;

2.საქართველოში პოლიტპატიმრებისა და ზოგადად პატიმრების მდგომარეობა და პატიმართა შეუდარებლად დიდი რაოდენობა;

3.საქართველოში ამომრჩეველთა რეალური რაოდენობის დადგენა და სამართლიანი არჩევნების ჩატარების შესაძლებლობა.

ქართული მხრიდან შეხვედრას, ასევე, ესწრებოდნენ მერაბ ბლადაძე და გიორგი ფოფხაძე. დეტალურ ინფორმაციას ამ და ევროსტურუქტურების სხვა მაღალჩინოსნებთან შეხვედრების თაობაზე მედია-კავშირი „ობიექტივი“ დავით თარხან-მოურავისა და ირმა ინაშვილის თბილისში დაბრუნებისთანავე, 21 იანვარს გაავრცელებს. ამავე საკითხს დაეთმობა „ობიექტივის“ ღამის სტუდიის პირდაპირი ეთერი.

"ობიექტივი"

ზუგდიდის ცენტრში ცხოველების მასიურ ჩაცხრილვას გააპროტესტებენ

2012-01-19T08:10:00.000-08:00

20:023 19.01.2012
ხვალ, 11:00 საათზე, ზუგდიდის ცენტრალურ ბულვარში, გაიმართება აქცია, რომლითაც ზუგდიდელები მოითხოვენ, დამთავრდეს ქალაქის ბულვარში შინაურ ცხოველებზე ნადირობა.

შეგახსენებთ, 16 ნოემბერს ზუგდიდის ცენტრში, შინაური ცხოველები ცეცხლსასროლი იარაღით დახოცეს. ამ ფაქტის მოწმე უამრავი ადამიანი იყო, მათ შორის მცირეწლოვნები. აქციის ორგანიზატორის, გოჩა ლაგვილავას განცხადებით, აქციის მიზანია, შეახსენოს ხელისუფლებას, რომ მსგავსი ფაქტები აზიანებს ბავშვების ფსიქიკას.

„საქართველოს აქვს პრეტენზია იყოს ევროპული ქვეყანა, მაგრამ მენტალურად და ზნეობრივად ისევ შორს ვართ ევროპისგან. ცეცლსასროლი იარაღით ქალაქის ცენტრში „ნადირობა“ სამარცხვინო და მიუღებელია. “-ამბობს გოჩა ლაგვილავა.

აქციის მონაწილეები ზუგდიდის ცენტრში, იმ ადგილას, სადაც შინაური ცხოველები დახოცეს რამდენიმე წუთით მშვიდობიან მსვლელობას მოაწყობენ. ზუგდიდელები გამოვლენ ქუჩაში ტრანსფარანტებით ხელში, რომელზეც იქნება შემდეგი შინაარსის წარწერები:

ქუჩა არ არის სასაკლაო! ნუ ნადირობთ ქუჩაში!

აქ ბავშვები თამაშობენ, უფროსები - ნადირობენ!

მოვითხოვთ, დამთავრდეს ზუგდიდის ბულვარში შინაურ ცხოველებზე ნადირობა!

აქციას ქალაქის უცხოელი სტუმრებიც უერთდებიან. როგორც ერთერთი უცხოელი სტუმარი, პოლონელი სტანისლავ ბრუდნოჰი ამბობს, ვერავინ წარმოიდგენს, რომ პოლონეთში, ქალაქის მთავარ მოედანზე გამოცხადდეს ლეგალური ნადირობა შინაურ ცხოველებზე. „მსგავსი ფაქტები შელახავს საქართველოს იმიჯს ცივილიზებულ სამყაროში “-ამბობს ბრუდნოჰი.

ხვალინდელ აქციას პოლონური მედიაც გააშუქებს. ინფორმაცია ზუგდიდის ცენტრში მომხდარი ვანდალური ფაქტის შესახებ დაეგზავნება საერთაშორისო ორგანიზაციებს.

იხილეთ ვიდეო: http://boqlomi.blogspot.com/2012/01/video_16.html

საკონტაქტო ინფორმაცია: 599 559 519 - გოჩა ლაგვილავა

რა 4 ძირითადი მიზეზის გამო ხვდება ობამა სააკაშვილს. "ობამამ კარგად შეისწავლა, რომ სააკაშვილისთვის მთავარია მასთან სურათის გადაღება.."

2012-01-19T04:54:00.000-08:00

"რეზონანსის" მასალების მიხედვით
16:57 19.01.2012
"ეს, რა თქმა უნდა, მართლაც მნიშვნელოვანი შეხვედრაა, ამაზე ორი აზრი არ არსებობს, მაგრამ ამ შეხვედრაზე დამოკიდებული არ არის საქართველოს მომავალი. ცალსახად არის მნიშვნელოვანი შეხვედრა, მაგრამ საქართველოს მომავალი და არჩევნების ბედი დამოკიდებულია ქართველ ხალხზე და და მის ნებაზე, იმაზე, თუ როგორ მოიქცევიან არჩევნებისას.

თავად შეხვედრაზე შეიძლება ითქვას, რომ ასრულდა ოცნება სააკაშვილისა, - როგორც იქნა, ობამა ხვდება მას ოფიციალურად", - აცხადებს პოლიტოლოგი პაატა ზაქარეიშვილი გაზეთ "რეზონანსისთვის" მიცემულ ინტერვიუში, სათაურით "ამერიკის პრეზიდენტი ხვდება საქართველოს და არა - სააკაშვილს / პაატა ზაქარეიშვილი: "ობამამ კარგად შეისწავლა, რომ სააკაშვილისთვის მთავარია მასთან სურათის გადაღება და არა ქვეყნის ინტერესები".

"ამდენ ხანს ყველა შეხვედრა იყო არაოფიციალური, ობამა არ ხვდებოდა სააკაშვილს, როგორც ამერიკის პრეზიდენტი საქართველოს პრეზიდენტს. ეს შეხვედრა მნიშვნელოვანია, მაგრამ მას თავისი მიზეზები გააჩნია. პირველ რიგში ამის მიზეზია ის, რომ ამერიკის კონგრესმა მიიღო გადაწყვეტილება, საქართველოს მიჰყიდოს იარაღი და ობამამ ორი კვირის წინათ ეს ამოიღო ბიუჯეტიდან. ანუ ძალიან უხერხულ მდგომარეობაში ჩაგვაგდო ჩვენ. ჩვენმა მეგობარმა სახელმწიფომ ჩათვალა, რომ საქართველოსთვის იარაღის მიყიდვა არ არის პრიორიტეტული და ამით, რა თქმა უნდა, ყველაზე სერიოზული დაძაბულობა შეიტანა საქართველოს და ამერიკას შორის. ამიტომ მგონია, რომ ამ შეხვედრით ობამას უნდა გამოასწოროს ეს სიტუაცია. ობამამ კარგად შეისწავლა, რომ სააკაშვილისთვის მთავარია მასთან სურათის გადაღება და არა ქვეყნის ინტერესები. ამ პრობლემას ობამა მარტო სურათის გადაღებით მოაგვარებს", - აღნიშნავს გამოცემის კორესპონდენტთან საუბრისას პაატა ზაქარეიშვილი.

"მეორე მიზეზი არის ის, რომ ამერიკაში მოდის არჩევნები. შესამაბისად, ობამამ მოახერხა რა რუსეთთან პოლიტიკის გადატვირთვა და მეგობრული ურთიერთობის დამყარება, დასცილდა საქართველოს. რამდენადაც რესპუბლიკური პარტია მაკეინისა და ბუშის მეთაურობით საქართველოს იყენებდნენ რუსეთის წინააღმდეგ, ამის მერე კი ობამამ გადატვირთა ურთიერთობა რუსეთთან და მათ გაღიზიანებას თავი დაანება, ზუსტად იგივე გაღიზიანება მოახდინა საქართველოს მიმართ. წინასაარჩევნი კამპანიისას რესპუბლიკელები დაიწყებენ ლაპარაკს ამერიკაში, რომ ობამამ მოახდინა ამერიკელების ერთგული მოკავშირეების დისტანცირება. ამიტომ, ობამა, ხვდება რა სააკაშვილს, ამით ოპონენტებს უკეტავს სალაპარაკოს - აი, ხომ ვხვდები სააკაშვილსო. ანუ, ამით ანეიტრალებს რესპუბლიკელების აგრესიას, რაც ბუნებრივია, გადამჭრელი არ იქნება, მაგრამ გავლენას მოახდენს საზოგადოებაზე", - განაგრძობს რესპონდენტი.

"მესამე მიზეზი არის ირანი. რეგიონში ვითარება სულ უფრო იძაბება,. რეგიონის ყოველი მოთამაშე, ვინც ესაზღვრება ირანს, სომხეთი, აზერბაიჯანი, თურქეთი, ერაყი, - ყველას აქვს მეტ-ნაკლებად კარგი დამოკიდებულება ირანთან და არავინ არ აპირებს, ჩაერთოს ირანის საწინააღმდეგო სერიოზულ პროცესებში. ერთადერთი შეიძლება იყოს სააკაშვილი, რომელიც მზად არის, ოღონდ ობამასთან სურათი გადაიღოს, რომ ფეხებზე დაიკიდოს საქართველოს ინტერესები და პერსპექტივები და მოემსახუროს ამერიკას ირანის წინააღმდეგ. მე მგონი, ობამას სჭირდება დღეს სააკაშვილისგან მიიღოს იმაზე მეტი, ვიდრე ამას მიიღებს რეგიონის სხვა ქვეყნებიდან. მე მგონი, საქართველომაც უნდა მიბაძოს თურქეთს და ნეიტრალური პოზიცია აირჩიოს, რადგან ობამები და სააკაშვილები მოდიან და მიდიან, საქართველო და ირანი კი რჩება და ჩვენ გვჭირდება მომავალ პერსპექტივაში ამ ქვეყანასთან უკეთესი ურთიერთობა", - მიიჩნევს პოლიტოლოგი.

"მეოთხე მიზეზი ამ შეხვედრისა, რა თქმა უნდა, საქართველოში მიმდინარე პროცესები და არჩევნებია. დარწმუნებული ვარ, ამერიკა მომავალშიც დაეხმარება სქართველოს, რომ აქ ჩატარდეს ნორმალური, სერიოზული დემოკრატიული რეფორმები და არჩევნები და და ეს ოთხი მიზეზი განაპირობებს ამ შეხვედრას. რა თქმა უნდა, ხელისუფლება ამ შეხვედრას გააფორმებს, როგორც მათ მიმართ პატივისცემას, მაგრამ ჩვენ უნდა დავინახოთ, რომ ეს არის ხალხის მიმართ პატივისცემა და თუნდაც იმის მიმართ პატივისცემა, რა პროცესებიც დღეს მიდის საქართველოში. დღეს გაჩნდა რეალური ალტერნატივა სააკაშვილისა და სწორედ ამ ფონზე ხვდება ობამა სააკაშვილს, რათა შეახსენოს რომ მისთვის დემოკრატიას დიდი მნიშვნელობა აქვს. დემოკრატიულად არჩევნების ჩატარება კი ნიშნავს, რომ ისეთი სერიოზული ოპონენტის მიმართ, როგორიც არის დღეს ბიძინა ივანიშვილი, წარიმართოს დემოკრატიული და კანონიერი ბრძოლა და არა ისეთი, როგორიც დღესაა", - ამბობს პაატა ზაქარეიშვილი.

"სააკაშვილი ამ შეხვედრას ივანიშვილის წინააღმდეგ, რა თქმა უნდა, გამოიყენებს. ჩვენ ხომ თოვლის ბაბუასი გვჯერა რაღაც ასაკამდე, მერე ხომ აღარ გვჯერა? სააკაშვილის ძალა არის იქამდე, სანამდეც არის თოვლის ბაბუის ძალა, ანუ ვიდრე გვჯერა მისი. თუ არ დაიჯერებ, ეს ყველაფერი აორთქლდება, როგორც თოვლი გაზაფხულზე. არ უნდა მოვუსმინოთ და დავიჯეროთ და მორჩა, გათავდა. მისი ძალა არის მხოლოდ ხალხის დაბოლებასა და მოტყუებაში. როგორც ხშირად ჩვენ შვილებს ვეუბნებით, რომ თოვლის ბაბუა არსებობს, ასე სააკაშვილიც ატყუებს ხალხს, ოღონდ ბოროტი განზრახვის გამო. ის რომ საზოგადოების ნაწილს სააკაშვილის გულწრფელად სჯერა არის ტრაგედია. ვიდრე ხალხს სჯერა მითების და ზღაპრების, ჩვენ არ გვეშველება არაფერი", - დასძენს რესპონდენტი და შეკითხვას - "იმ ყველაფრის ფონზე, რაც ხდება დღეს, როგორია შანსები საპარლამენტო არჩევნებზე?" - პასუხობს:

"საკმარისი დრო რჩება მობილიზაციისთვის. შანსებს რაც შეეხება, შანსები არის 60/40-ზე ივანიშვილის სასარგებლოდ, ანუ მთლიანად ოპოზიციის სასარგებლოდ - მის გარდა, სხვებიც ხომ არიან იქ".

presage.tv

სააკაშვილის რეზიდენციასთან ერთი აღშფოთებული სვანი მივიდა

2012-01-16T07:42:00.000-08:00

ავტორი ნინო მიქიაშვილი | "ობიექტივი"
19:47 16.01.2012
მესტიის ცენტრში, ახლახანს დამონტაჟებული თამარ მეფის ძეგლის აღების მოთხოვნით, ავლაბარში, მიხეილ სააკაშვილის რეზიდენციასთან დაანონსებულ აქციაზე სულ სამი ადამიანი მივიდა. მათგან ერთი ამ აქციის მოთავე, კლარა შუკვანი იყო. აქციას სააკაშვილის რეზიდენციის კანცელარიიდან გამოსული მეოთხე ადამიანიც შეურთდა - შუახნის მამაკაცი, რომელიც თავისი პრობლემის გამო ზესტაფონიდან ჩამოვიდა, სააკაშვილთან განცხადების შესატანად. ვიდეოკამერა, რომ დაინახა იქაურობას გაეცალა.

კლარა შუკვანმა ხელში მეგაფონი დაიჭირა და კიდევ ერთხელ გაიმეორა დაახლოებით ის, რაც 13 იანვარს ჩემთვის მოცემულ ინტერვიუში თქვა - ძეგლი ღამით, ქურდულად დადგეს; სვანეთში ხალხს სჯერა, რომ ამ სიმახინჯის მესტიაში დადგმის თაობაზე სააკაშვილმა არაფერი იცის, თორემ ამას არ დაუშვებდაო. შუკვანს ხელში ძეგლის გადიდებული ფოტოები ეჭირა და მოითხოვდა მოაშორეთ ეს სიმახინჯე სვანეთსო.

სანამ კლარა შუკვანი მეგაფონით საუბარს დაიწყებდა, მასთან დაცვის თანამშრომელი მივიდა, რაციით ხელში და დაინტერესდა ვინ იყო მეგაფონიანი ქალბატონი და რას ითხოვდა. პასუხის მიღების შემდეგ დაცვის თანამშრომელმა რეზიდენციის შესასვლელთან გადაინაცვლა. აქციის სამი მონაწილიდან ერთი სვანეთში მცხოვრები ინგლისელი იყო, რომელიც სვანებს რამდენიმე წელია ინგლისურ ენას ასწავლის. იგი ქართულად მშვენივრად საუბრობდა; ხელში ფოტოაპარატი ეჭირა და სურათებს იღებდა.

აქციის გასაშუქებლად ხუთი ჟურნალისტი ვიყავით მისული და ერთმანეთს იმას ვეკითხებოდით, ღირდა თუ არა ამ ქვეყანაში ცხოვრება და ამ კონკრეტულ შემთხვევაში აქციის შესახებ მასალის მომზადება. ჩემი მკითხველის წინაშე თავი ვალდებულად ჩავთვალე დამეწერა ის, რაც ვნახე; ანუ ის, რაც ამ აბზაცის ზემოთ წაიკითხეთ. მეტი დასაწერი არც არაფერი იყო.

ახლა რაც შეეხება მკითხველისთვის დაპირებულ ოფიციალურ ინფორმაციას, იმ ძეგლთან დაკავშირებით, რომელიც მესტიის ცენტრში დაიდგა. 13 იანვარს მომზადებულ მასალაში სათაურით - “აღშფოთებული სვანები ორშაბათს სააკაშვილის რეზიდენციასთან იკრიბებიან“, აღნიშნული იყო კულტურის სამინისტროს დაპირების შესახებ, რომ ძეგლთან დაკავშირებულ კითხვებზე პასუხს ორშაბათს მივიღებდით. ასეც მოხდა.

უცვლელად გთავაზობთ ჩემს მიერ გაგზავნილ კითხვებზე კულტურისა და ძეგლთა დაცვის სამინისტროს საზოგადოებასთან ურთიერთობის სამმართველოდან მოსულ პასუხებს:

რა ჰქვია მესტიის ცენტრში დადგმულ ძეგლს და რას იტყვით მის შინაარსზე?

-თამარ მეფე.

ვინ არის ძეგლის ავტორი?

-ძეგლის ავტორი არის ვაჟა მელიქიშვილი, ხოლო ასლის ავტორი პაატა გიგაური, ჯგუფთან ერთად.

რა მასალის გამოყენებით და რომელ წელს შეიქმნა ეს ძეგლი?

-ბრინჯაო, შეიქმნა 2011 წელს.

როდის დაამონტაჟეს ზემოხსენებული ძეგლი მესტიის ცენტრში?

-2011 წლის 28 დეკემბერს.

სად იდგა, სანამ მესტიის ცენტრში დადგამდნენ?

-არსად.

ადასტურებთ თუ არა გავრცელებულ ინფორმაციას, რომლის თანახმადაც ძეგლი ადიგენში იყო ჩატანილი, მაგრამ მოსახლეობის წინააღმდეგობის გამო იქ ვერ დაამონტაჟეს?

-ეს ინფორმაცია არ შეესაბამება სიმართლეს.

რა ნიშნით შეირჩა ეს ძეგლი? კონკურსი იყო გამოცხადებული, თუ რაიმე სხვა ღონისძიების შედეგად გადაწყდა მისი მესტიაში დამონტაჟება?

-სამინისტროში წარმოდგენილი იქნა პროექტი, რომლის მოწონების შემდეგაც გადაწყდა მისი დაფინანსება. ძეგლის განთავსებაზე გადაწყვეტილება მიიღო საქართველოს კულტურისა და ძეგლთა დაცვის სამინისტრომ, რისთვისაც შესაბამისი ხელშეკრულება გაფორმდა ავტორთა ჯგუფთან.

| თამარ მეფის "ძეგლი" მესტიაში |

ზუგდიდელებისთვის უჩვეულო საახალწლო სანახაობა [video]

2012-01-16T07:34:00.000-08:00

19:06 16.01.2012
"ათინათის" flesh mob show

რადიო „ათინათმა“ ძველით ახალი წელი ზუგდიდელებს „flesh mob show“-თი მიულოცა.

„ათინათის“ ოფისთან რადიოს თანამშრომლებმა და ასოციაციის წარმომადგენლებმა ქორეოგრაფიული წარმოდგენები გამართეს.

აქციის დასრულების შემდეგ, „ათინათის“ თანამშრომლებმა გამვლელებს ტკბილეული დაურიგეს.

ასოციაცია „ათინათის“ დირექტორის, რუსუდან ყალიჩავას თქმით, „flesh mob show” მსოფლიოსთვის უცხო ხილი არ არის, მაგრამ ჩვენი ქალაქისთვის სიახლეა.

ასოციაცია “ათინათი“ ზუგდიდელებს მსგავსი სიურპრიზების მოწყობას მომავალშიც პირდება.

შეგახსენებთ, რომ „flesh mob show”-ს დროს ორგანიზაციები ხალხმრავალ ადგილას იკრიდებიან და მოულოდნელად მართავენ წარმოდგენას. რითაც საზოგადოების ყურადღებას იქცევენ.

tspress.ge

ზუგდიდის ცენტრში შინაური ცხოველები ჩაცხრილეს [video]

2012-01-16T07:22:00.000-08:00

19:00 16.01.2012
საზოგადოებრივი თავშეყრის ადგილას შინაური ცხოველები ცეცხლსასროლი იარაღით დახოცეს

ზუგდიდის ბულვარში დღეს „მაწანწალა ღორების“ ლიკვიდაცია ცეცხლსასროლი იარაღით მოახდინეს. ზუგდიდის მუნიციპალიტეტის გამგეობის, კომუნალური სამსახურის უფროსის მოადგილემ, თენგიზ გოგოლიშვილმა „ლაივპრესს“ განუცხადა, რომ „მაწანწალა ცხოველების ლიკვიდაცია უკვე 6 წელია ცეცხლსასროლი იარაღით ხორციელდება“.

მისივე თქმით, შინაური ცხოველების მეპატრონეები გაფრთხილებული არიან, რომ პირუტყვის ქუჩაში გამოჩენისთანავე გამგეობა მკაცრ ზომებს მიმართავს. „ჩვენ არ დავუშვებთ, ქალაქში მწვანე ნარგავების განადგურებას“, - ამბობს თენგიზ გოგოლიშვილი. მისივე განმარტებით, ცენტრალურ ქუჩებში ნაპოვნი მსხვილფეხა შინაური ცხოველების მეპატრონეებს პირველ ჯერზე 100 ლარის, ხოლო განმეორების შემთხვევაში 200 ლარიანი ჯარიმის გადახდა მოუწევთ. „ზუგდიდ-დასუფთავების“ სამსახურის წარმომადგენლების თქმით, ცეცხსასროლი იარაღით დახოცილ ცხოველებს ნაგავსაყრელზე ყრიან.

livepress.ge

პატიმარ ბარათაშვილის 45-დღიანი წამება შეწყდა, დამნაშავეები არ დაუსჯიათ

2012-01-15T10:30:00.000-08:00

ავტორი ნინო მიქიაშვილი | "ობიექტივი"
22:35 15.01.2012
მსჯავრდებულ კახაბერ ბარათაშვილის 45-დღიანი ცემა-წამება დასრულდა - პატიმარი გლდანის N18 სამკურნალო დაწესებულებიდან რუსთავის N17 საპატიმროში გადაიყვანეს. ამის შესახებ “ობიექტივს“ მსჯავრდებულის უფლებების დამცველმა ადვოკატმა, კახაბერ მუმლაძემ და არასამთავრობო ორგანიზაცია ყოფილი პოლიტპატიმრები ადამიანის უფლებებისათვის თავმჯდომარემ, ნანა კაკაბაძემ უთხრეს.

კახაბერ ბარათაშვილის წამების შესახებ ნოემბრის ბოლოს ნანა კაკაბაძისგან შევიტყვეთ. 28 ნოემბრიდან მოყოლებული პატიმარი არაერთხელ სცემეს და აწამეს, რის შესახებაც პირველი სტატია სათაურით “პალატიდან საავადმყოფოს მორგში ჩაიყვანეს, სასტიკად სცემეს, თან ვედრებით წყალს ასხამდნენ, გაუპატიურებით ემუქრებოდნენ“ 2011 წლის 29 ნოემბერს გამოვაქვეყნეთ და იქიდან მოყოლებული დღემდე პატიმრის მდგომარეობის შესახებ ინფორმაციას მკითხველს ვაწვდიდით.

მსჯავრდებულ ბარათაშვილზე ჩვენს მიერ მომზადებული და გამოქვეყნებული მასალების მოძიება ამ სათაურებითაა შესაძლებელი: “პატიმარს 28 ნოემბერს გაუპატიურებით ემუქრებოდა უსაფრთხოების სამსახურის უფროსი, გიორგი ავსაჯანიშვილი“; პატიმარ ბარათაშვილის საქმეზე სახალხო დამცველმა პროკურატურას მიმართა; პატიმარმა კახაბერ ბარათაშვილმა მშრალი შიმშილობა გამოაცხადა; “ნაოპერაციევ პატიმარს დირექტორმა თავზე დააფურთხა და თანამშრომლებს უბრძანა ბარათაშვილისთვის ყოველდღე იგივე გაეკეთებინათ“.

“ობიექტივის“ ეთერში კოტე ინაშვილმა პატიმარ ბარათაშვილის საქმეს არაერთი გადაცემა მიუძღვნა; გაზეთ “რეზონანსში“ ამ თემაზე ეკა ბასილაიამ სტატია გამოაქვეყნა.

ადვოკატი კახაბერ ბარათაშვილი ემადლიერება ყველა იმ უფლებადამცველს, ჟურნალისტს და არასამთავრობო ორგანიზაციას (განსაკუთრებით “ყოფილი პოლიტპატიმრები ადამიანის უფლებებისათვის“, “ემპათიას“ და “ახალგაზრდა იურისტთა ასოციაციას“), რომლებმაც პატიმრის წამების შეწყვეტაში თავიანთი აქტიურობით წვლილი შეიტანეს. ადვოკატი გამორჩეულ მადლობას უხდის სახალხო დამცველს, გიორგი ტუღუშს და სახალხო დამცველის აპარატის პრევენციის სამსახურის ხელმძღვანელს დანიელ მგელიაშვილს, “იმ გულისხმიერებისა და ყურადღებისთვის, რაც მათ კახაბერ ბარათაშვილთან მიმართებაში გამოიჩინეს“.

წამების შეწყვეტის მიუხედავად, ადვოკატი და მისი დაცვის ქვეშ მყოფი, ცემა-წამებაში მონაწილე პირების დასასჯელად სამართლებრივ ბრძოლას აგრძელებენ; კახაბერ მუმლაძე ამბობს, რომ საქართველოში სამართალს თუ ვერ იპოვნიან, ევროპულ სასამართლოს საჩივრით მიმართავენ.

“გლდანის N18 სამკურნალო დაწესებულებაში ამ 45 დღის განმავლობაში პატიმარს დაბანის უფლება შეზღუდული ჰქონდა; ამ ხნის მანძილზე არცერთხელ არ გაუყვანიათ ჰაერზე; არ აძლევდნენ კოვზს და საჭმელს ჯამით უდგამდნენ, ისე, როგორც ცხოველს; გარკვეული პერიოდი ფსიქიურად დაავადებული პატიმრების საკანში ჰყავდათ; 35 დღე სამაარტოო საკანში გაატარა, სადაც 24 საათის განმავლობაში პროჟექტორი ანათებდა და თვალის მოხუჭვის საშუალება არ ჰქონდა; მის საკანთან 24 საათის განმავლობაში ბადრაგი მორიგეობდა და ყოველ 15 წუთში ეხმიანებოდა, ალბათ იმიტომ, რომ გაეგო პატიმარი ცოცხალი იყო თუ მკვდარი“, - ამბობს კახაბერ მუმლაძე და ჩვენი თხოვნით, კიდევ ერთხელ ასახელებს იმათ გვარებს, ვინც ბარათაშვილის წამებაში (გაშიშვლებული პატიმრის მორგში ჩაყვანა, ცემა, გაკოჭვა, ცივი წყლის დასხმა, გაუპატიურებით მუქარა, თავზე დაფურთხება) მონაწილეობდნენ:

“პატიმარმა პიროვნულად მხოლოდ სამი მათგანი ამოიცნო: N18 სამკურნალო დაწესებულების ყოფილი დირექტორი ვაჟა ცხვედიანი; ამავე საპატიმროს უსაფრთხოების სამსახურის ყოფილი უფროსი გიორგი ავსაჯანიშვილი და სოციალური სამსახურის უფროსი ზურაბ ბულბულაშვილი“.

კახაბერ ბარათაშვილს გათავისუფლებამდე 11 თვე დარჩა. “ყოფილი პოლიტპატიმრები ადამიანის უფლებებისათვის“ წარმომადგენელი ნანა კაკაბაძე ბარათაშვილისა და ქართველი ფოტორეპორტიორების საქმეების მსგავსებაზე საუბრობს:

“ფოტორეპორტიორები, რომლებმაც 26 მაისს მშვიდობიანი აქციის დარბევისას ფოტოები გადაიღეს, ხელისუფლებამ დააპატიმრა და თავიანთ თავზე ააღებინა ჯაშუშობის ბრალდება. ამაზე ლამის მთელი მსოფლიო ფეხზე დადგა, ფოტორეპორტიორები გაათავისუფლეს, რაც ჟურნალისტებმა გამარჯვებად შეაფასეს.

ბარათაშვილის საქმე ამ მასშტაბის არაა, მაგრამ ადამიანი აწამეს, ღირსება შეულახეს, საწოლში აფურთხებდნენ, გაუპატიურებით ემუქრებოდნენ, თირკმელში კენჭის გავლით დაავადებულ ადამიანს ცივ წყალს ასხამდნენ, მორგში ჰყავდათ ჩაგდებული, გაუპატიურებით ემუქრებოდნენ, გააშიშვლეს, ტანსაცმელი ჩამოართვეს და მას შემდეგ, რაც ბარათაშვილის საქმეში სახალხო დამცველის ოფისი, გარკვეული არასამთავრობო ორგანიზაციები და ჟურნალისტები ჩაერთვნენ და მსჯავრდებულის ოჯახმა მიმართა ევროკავშირის, ამერიკისა და საფრანგეთის ელჩებს, ამას შედეგად მოჰყვა ის, რომ ეს ადამიანი საწამებელი ობიექტიდან დააბრუნეს იმ საპატიმრო დაწესებულებაში, სადაც ადრე იყო; ანუ რუსთავის N17 საპატიმროში.

არ ვიცი როგორ შევაფასო, რა დავარქვა ამას, წარმატება?! ვთვლი რომ გასაკეთებელი წინ არის - გამოძიება უნდა ჩატარდეს და კონკრეტულმა დამნაშავეებმა პასუხი უნდა აგონ. პატიმართან მარიამ ჯიშკარიანის ხელმძღვანელობით “ემპათიას“ ექსპერტები იყვნენ შესულები და უახლოეს დღეებში დასკვნას დადებენ, რის შემდეგაც სხვა დოკუმენტებთან ერთად ბარათაშვილის საქმეს გადავუგზავნით ევროსაბჭოს წამების საწინააღმდეგო კომიტეტს და გაეროს სპეციალურ მომხსენებელს წამების საკითხებში“.

“ეს არის ჩემი განაჩენი ერთადერთი შვილის ცემა-წამებისთვის“ - პატიმარ გიორგი ოქროპირიძის დედა

2012-01-15T09:57:00.000-08:00

ავტორი ცირა გოდერძიშვილი
22:06 16.01.2012
“ობიექტივს“, “პრესაგე.ტვ“-სა და “ღია ბოქლომის“ რედაქციას - მადლობას გიხდით იმ თანადგომისათვის, რომელიც ჩემი უდანაშაულო და ნაწამები შვილის საქმესთან დაკავშირებით გამოიჩინეთ; გიგზავნით ჩემს მიერ მომზადებულ წერილს და გთხოვთ, დაბეჭდოთ. ვფიქრობ, ამ წერილით ხელს შევუწყობთ გიორგის დაცვას მოსალოდნელი საფრთხისგან.

ჩემი შვილი 13 იანვარს მოინახულა ჩვენი ოჯახის, გიორგის უფლებების დამცველმა ერთ-ერთმა ადვოკატმა, ირაკლი ზაქარეიშვილმა. მან შეგვატყობინა, რომ 12-ში საღამოს რვა საათზე (არასამუშაო საათებში!) გიორგისთან იმყოფებოდა გამომძიებელი ზურაბ სამხარაძე. მან მოითხოვა დამატებითი ჩვენების მიცემა, იმაზე, რომ თითქოს 9 თვის წინ ქსანში გიორგის თვალი ჰქონდა ნატკენი (რაც სინამდვილეს არ შეესაბამება!) და “ვინმემ ხომ არ გცემაო?!“ ანუ გამომძიებელი ახლა დაინტერესდა იმ ამბით, რაც არ მომხდარა.

გიორგიმ ეს უარყო და მისი ადვოკატი მოითხოვა. ის ადვოკატს არ დააკავშირეს. ამიტომ უარი განაცხადა ჩვენება მიეცა შეთითხნილ ფაქტთან დაკავშირებით. მას უკვე მიცემული აქვს ჩვენება წამების ფაქტზე და ეს გამოიძიონ!

გიორგი ოქროპირიძეს ჰყავს ოთხი ადვოკატი: დავით ჯანდიერი, რომელიც მის ინტერესებს ევროპულ სასამართლოში იცავს; მანანა კობახიძე “კონსტიტუციის 42-ე მუხლიდან“, “ახალგაზრდა იურისტთა ასოციაციიდან“ მიხეილ ღონღაძე და ირაკლი ზაქარეიშვილი, რომლებიც გიორგის ინტერესებს შიდა ინსტანციებში იცავენ. 13 იანვარს არც ერთ მათგანს არ შეხმიანებიან.

ზემოხსენებულ ფსიქოლოგიური ზეწოლის ფაქტთან დაკავშირებით გიორგიმ ადვოკატის დახმარებით სახალხო დამცველის მონიტორინგის სამსახურს შეატყობინა და მონიტორინგის ჯგუფის წევრებთან სასწრაფო შეხვედრა მოითხოვა, ვინაიდან ახლოვდება 17 იანვარი - საქართველოს მთავრობამ ევროპული სასამართლოდან გიორგის საქმესთან დაკავშირებით დასმულ კითხვებს და მკურნალობის ჩატარების საკითხს სწორედ 17 იანვრამდე უნდა გასცეს პასუხი და ამიტომ, 17-მდე დარჩენილ ნებისმიერ წუთს, საპატიმროს ადმინისტრაციის წარმომადგენლებმა პროვოკაცია შეიძლება მოაწყონ, ან ჩემი შვილის წამება გააგრძელონ, ვინაიდან იგი ისევ განთავსებულია სამარტოო საკანში, რაც წამებას და არაადამიანურ მოპყრობას წარმოადგენს სამკურნალოდ გადაყვანილი პატიმრისთვის, სადაც ასევე მას შეუზღუდეს ნორმალური კვება (ვერ სარგებლობს მაღაზიაში პროდუქტის შესაძენი ბარათით), რაც ესოდენ აუცილებელია ჰეპატიტის ინტერფერონით მკურნალობის დროს, ვერ სარგებლობს ჰაერზე ყოფნის უფლებით, რაც ესოდენ აუცილებელია მისი დაზიანებული ფილტვებისთვის, იმყოფება ანტისანიტარიაში!

გიორგი ეცადა უდანაშაულობა თავის ქვეყანაში დაემტკიცებინა, მაგრამ არაერთი უტყუარი მტკიცებულების მიუხედავად ეს ვერ შეძლო და იძულებული გახდა ადამიანის უფლებათა ევროპული სასამართლოსთვის მიემართა. სწორედ ეს გახდა მასზე განხორციელებული ფიზიკური და ფსიქოლოგიური ზეწოლის მიზეზი - მისგან საჩივრის უკან გამოტანას მოითხოვენ.

ვინაიდან სახალხო დამცველის მიერ გასული წლის 27 დეკემბერს მთავარი პროკურორისთვის გაგზავნილი რეკომენდაციის საფუძველზე დაიწყო გამოძიება N18 სამკურნალო დაწესებულების ზოგიერთი თანამშრომლის წინააღმდეგ, ახლა პროკურატურა გიორგიზე ზეწოლას გამომძიებელ ზურაბ სამხარაძის მეშვეობით ახდენს.

როდესაც სახეზეა სახელმწიფო მოხელეთა დანაშაული მრავალი მუხლით, სსს კოდექსის 59-ე მუხლის შესაბამისად, დამნაშავეებს კრებითობით უნდა მიესაჯოთ: 1.წამება (144(1) მუხლი), 2.ცემა (125-ე მუხლი), 3.ძალადობა (126 მუხლის მე-2 ნაწ.”ა” ქვეპ.), 4.გიორგის სიცოცხლისათვის საშიშ მდგომარეობაში ჩაყენება, რაც მის ჯანმრთელობას საფრთხეს უქმნის (127-ე მუხლი), 5.არაადამიანური მოპყრობა (144(3)), 6.დანაშაულის პროვოკაცია (145-ე მუხლი), 7.უდანაშაულო ადამიანის განზრახ მიცემა სისხლისსამართლებრივ (ადმინისტრაციულ) პასუხისგებაში (146-ე მუხლი), 8.იძულება (150-ე მუხლი), 9.მუქარა (151-ე მუხლი), 10.დევნა (სტრასბურგის საჩივრის გამო (256-ე მუხლი), 11.სამსახურეობრივი უფლებამოსილების ბოროტად გამოყენება (332-ე მუხლი);

12.სამსახურეობრივი უფლებამოსილების გადამეტება (333-ე მუხლი), 13.განმარტებების, ჩვენების მიცემის იძულება (არასამუშაო საათებში, ადვოკატის გარეშე (335-ე მუხლი), 14.სიცოცხლისთვის საშიში დაზიანებების მიყენების ფაქტი (ნაოპერაციევ ადგილებზე ცემა, სისხლიანი ღებინება, თავის კეფის არეში, შუბლზე დაზიანებები, ფეხის დაზიანება), ფსიქოლოგიური სტრესი (117-ე მუხლის 3 ნაწ. “გ” ქვეპ., 5 ნაწ. “გ”,”ე” ჯგუფურად, 7 ნაწ. “ ა-ბ-გ-ე-“ პუნქტით), 15.სამარტოო საკანში შეთითხნილი ბრალდებით წამება, რაც დღემდე გრძელდება, მედპერსონალის მიერ თავისი მოვალეობის შეუსრულებლობა (342-ე მუხლი - სამსახურეობრივი გულგრილობა);

16.დახმარების არგაწევა ავადმყოფისთვის (მედპერსონალის, საავადმყოფოს დირექციის მიერ განსაცდელში მიტოვება (128-ე მუხლი), 17.მედპერსონალის მიერ სათანადო და დროული დაუხმარებლობა (129-ე მუხლი), 18.ავადმყოფის განსაცდელში მიტოვება (მკურნალობის ნაცვლად ცემა-წამება და “კარცერში“ მოთავსება (130-ე მუხლი), 19.საშიში ინფექციური გადამდები დაავადებებით - შიდსით, ტუბერკულოზით დაავადებულებთან განზრახ მოთავსება – შიდსის, ტუბერკულოზის განზრახ შეყრის მიზნით ( 131-132-ე მუხლები)!

ჩვენ ხომ სამართლიან საქართველოს ვაშენებთ?! ჰოდა, ეს არის ჩემი განაჩენი ერთადერთი შვილის ცემა-წამებისთვის! ვნახოთ, ზემოთ ჩამოთვლილი მუხლებიდან რომელი ან რამდენი მუხლით წარმართავს პროკურატურა გამოძიებას და რამდენად მიუკერძოებელი იქნება. ამით დავრწმუნდებით არსებობს თუ არა სამართალი, რამდენი მუხლით დაისჯებიან სამკურნალო დაწესებულების თანამშრომლები, სად-ის წარმომადგენლები და მედპერსონალიდან ის კონკრეტული პირები, რომლებიც თავიანთ პროფესიულ მოვალეობას არ ასრულებენ და მონაწილეობას იღებენ წამებაში! ამ გამოძიებით ნათელი გახდება იცავს თუ არა სახელმწიფო 22 წლის ახალგაზრდის საქართველოს კონსტიტუციით გარანტირებულ ადამიანის უფლებებს!

ზემოთ ჩამოთვლილი დანაშაულებრივი ქმედებები, სიცოცხლის მოსპობის რეალური მუქარის ფონზე მხოლოდ იმ მიზნით განხორციელდა, რომ გიორგი ოქროპირიძეს უარი ეთქვა სტრასბურგის სასამართლოში შეტანილ საჩივარზე და შეეწყვიტათ ევროპული სასამართლოს მითითება ძვირადღირებულ მკურნალობაზე - ცე ჰეპატიტით ჩემი შვილი ღუდუშაურის სახელობის კლინიკაში, ცეცხლსასროლი დაზიანებების და ჩატარებული ოპერაციების შემდეგ დაავადდა.

“კარცერში“ მოთავსებითა და მედიკამენტების ნაცვლად ცემა-წამებით მკურნალობის გამო გიორგის ჯანმრთელობა გაუუარესდა, წონაში საგრძნობლად დაიკლო. “კარცერში“ სუნთქვა უჭირს, ასთმური შეტევები დაეწყო, ცემის მერე ფილტვებისა და ღვიძლის ტკივილი აწუხებს, ცემის შემდეგ კოჭლობს, არ აქვს პირადი მოხმარების ჰიგიენური საშუალებები, შეეზღუდა და ვერ სარგებლობს კომუნიკაციის საშუალებებით. შეეზღუდული აქვს ჰაერზე გაყვანა, სრულფასოვანი კვება, რადგან ვერ სარგებლობს სასურსათო ბარათით, რაც ესოდენ აუცილებელია მისი ჯანმრთელობისთვის.

მას სიცოცხლისათვის საშიში, მძიმე ცეცხლსასროლი დაზიანებები აქვს ფილტვის, ღვიძლის, პერიტონიუმის, დიაფრაგმის. მისი გლდანის N18 დაწესებულებაში ყოფნა, სადაც მას მიადგა, როგორც ფსიქოლოგიური, ისე ფიზიკური დაზიანებები და სადაც ამჟამად ისევ “კარცერშია“, განგრძობადი დანაშაული, წამებაა!

სახალხო დამცველმა 2011 წლის 27 დეკემბერს სასჯელაღსრულების დეპარტამენტის უფროსის, დავით ჭაკუასადმი მიწერილ რეკომენდაციაში პირდაპირ მიუთითა, რომ გიორგი ოქროპირიძე სასწრაფოდ უნდა ყოფილიყო გადაყვანილი სხვა (უსაფრთხო!) დაწესებულებაში, სადაც მას ჩაუტარდებოდა ცე ჰეპატიტზე დაწყებული მკურნალობა.

ეს რეკომენდაცია დღემდე არ შესრულებულა. ჩემი შვილი ისევ იქ იმყოფება, სადაც აწამეს და მასზე ფსიქოლოგიური ზეწოლა გრძელდება, ვინაიდან ადამიანის უფლებათა ევროპული სასამართლოდან 2011 წლის 9 სექტემბერს მოსული წერილით გახდა ცნობილი, რომ საქმე მიიღეს და რომ კომუნიკაცია განხორციელდა საქართველოს მთავრობასთან, რომელსაც დაევალა 2012 წლის 17 იანვრამდე გარკვეულ კითხვებზე პასუხის გაცემა და ამავდროულად, გიორგისთვის მკურნალობა ცე ჰეპატიტზე.

ახლოვდება 2012 წლის 17 იანვარი და “სტრასბურგელად” წოდებული გიორგი ოქროპირიძე ნაწამებია, იმის გამო, რომ იბრძვის სამართლიანობის, თავისი უდანაშაულობის აღსადგენად და არ გამოაქვს საჩივარი სტრასბურგის სასამართლოდან!

აღშფოთებული სვანები ორშაბათს სააკაშვილის რეზიდენციასთან იკრიბებიან

2012-01-14T08:11:00.000-08:00

ავტორი ნინო მიქიაშვილი | "ობიექტივი"
20:49 14.01.2012
ავლაბარში, მიხეილ სააკაშვილის რეზიდენციასთან სვანები ორშაბათს იკრიბებიან. მათი მთავარი მოთხოვნაა მესტიას სასწრაფოდ მოაშორონ ახლახანს დადგმული თამარ მეფის ძეგლი, რომელსაც სიმახინჯედ მოიხსენიებენ და აცხადებენ, რომ ამგვარი ძეგლის დადგმა არის, როგორც ჩვენი ერისთვის საფიცარი თამარ მეფის, ისე თავად ქართველების შეურაცხყოფა.

სვანების შეკრების ინიციატორია კლარა შუკვანი, რომელიც ამჟამად ადვოკატია, ხოლო ახლო წარსულში ეროვნული მოძრაობის აქტივისტი იყო და აქტიურად გამოდიოდა ხუდონჰესის მშენებლობის წინააღმდეგ. იგი მესტიიდან 12 იანვარს დაბრუნდა; 13-ში რედაქციაში მოვიდა და ძეგლის ფოტოები მოიტანა. გთავაზობთ კლარა შუკვანთან ჩაწერილ ინტერვიუს.

კლარა (თამარ) შუკვანი: სვანეთში მამიდის წლისთავზე ვიყავი ჩასული. შობის ღამეს მესტიის სეტის წმინდა გიორგის სახელობის ეკლესიაში წავედი და ამ დროს დავინახე რაღაც უსახური სიმახინჯე, რომელიც დაახლოებით სამი კვირის წინ, ღამით შემოუტანიათ, დაუმონტაჟებიათ. “სააკაშვილმა არ იცის ამ სიმახინჯის შესახებ, თორემ, ის ამას არ გააჩერებსო“, - დილით ასეთი “გონიერი“ ტყუილი გაავრცელეს აღშფოთებულ ხალხში და დღემდე ამით კვებავენ მესტიელებს.

გამომდინარე აქედან გადავწყვიტე ორშაბათს, 16 იანვარს სააკაშვილის რეზიდენციასთან მივიდე და იმ ადამიანებთან ერთად გავაპროტესტო მესტიაში სიმახინჯის დადგმა, რომლებიც აღშფოთებული და შეურაცხყოფილნი არიან წმინდა თამარ მეფის და მთელი ქართველის ერის შეურაცხყოფის გამო. ვიწვევ ყველას - მობრძანდით, ერთად გავაგებინოთ სააკაშვილს, რა სიმახინჯე დაამონტაჟეს მესტიის ცენტრში და მოვითხოვოთ ეს სიმახინჯე სასწრაფოდ მოაშორონ მესტიას.

ანუ, თქვენც ფიქრობთ, რომ ძეგლის დადგმის შესახებ სააკაშვილმა არაფერი იცის?

- როგორ გეკადრებათ?! მე ძალიან კარგად ვიცი, რომ სააკაშვილის ნებართვის გარეშე სვანეთში ჩიტიც ვერ შეფრინდება, ისეა ყველაფერი გასამხედროებული.

რას ამბობენ მესტიელები, როგორ აღიქვამენ ამ ძეგლს?

- ამ სიმახინჯეს სახელს ვერავინ არქმევს. ძეგლის დადგმის მეორე დღეს მისი ავტორი ჩამობრძანებულა, მაგრამ ხალხის რისხვისა და აღშფოთების შესახებ, რომ გაუგია, იმ წუთში გაქცეულა აეროპორტში და თვითმფრინავით თბილისში წამოსულა.

კულტურის სამინისტროში ინფორმაციის გადამოწმება ვცადე. პრესსამსახურის უფროსმა მითხრა, რომ ძეგლის შესახებ დეტალურ ინფორმაციას ორშაბათს მივიღებ. სოციალურ ქსელში გავრცელებული ცნობით კი თამარ მეფე მშობიარე ცხენზეა შესმული.

- პირველად მესმის. ვიმეორებ - სვანეთში ამ ძეგლს სახელს ვერავინ უძებნის. რაღაც ჯუჯა, საშინელებაა; ერთხელ, რომ შეხედავ, მეორედ შეხედვა არ მოგინდება.

მესტიის სეტის ადგილას სასტუმროს მშენებლობა დასრულდა?

- არ დასრულებულა. დეტალებზე ვერაფერს გეტყვით, რადგან ამ ე.წ. ძეგლით ისე ვიყავი აღშფოთებული, რომ სხვა რამისთვის ყურადღება არ მიმიქცევია. ვუყურებდი და ჩემს თვალებს არ ვუჯერებდი, რომელმა ადამიანმა გაბედა ასეთი სიმახინჯის შექმნა!

მგზავრობის დროს შევიტყვე, რომ ზემოხსენებული ძეგლი თავიდან ადიგენის რაიონში ჩაუტანიათ, მაგრამ იქაური მოსახლეობა აღშფოთებულა და ძეგლის დადგმა ვერც გაუბედიათ. მერე სად ჰქონდათ გადანახული, ღმერთმა უწყის. ეს ხელისუფლება ქურდების წინააღმდეგ ბრძოლით თავს იწონებს და ამ დროს “ნაციონალები“ ქურდებივით თვითონ იქცევიან.

მიხეილ სააკაშვილი უწმინდესის არც ერთ ლოცვა-კურთხევას არ ასრულებს, მაგრამ ძალიან ახლო მეგობრობა და ურთიერთობა აქვს მეუფე კალისტრატესთან და ეგებ ჰკითხოს შეიძლება თუ არა წმინდანებისთვის ძეგლის დადგმა. ქება-დიდების ნაცვლად მეუფემ ეგებ დაარიგოს, თორემ, რომ აქებს, მძვინვარდება და ქართველების წინააღმდეგ უფრო მეტ უბედურებებს სჩადის.

ვინ არის ძეგლის ავტორი?

- ძეგლის ავტორის შესახებ თბილისში დაბრუნების შემდეგ შევიტყვე; ეს არის ვაჟა მელიქიშვილი. თბილისში, მუზეუმის წინ ერთი მახინჯი ქანდაკება იდგა - შეხედავდი და დასკვნას ვერ გამოიტანდი, ქალის ქანდაკება იყო თუ კაცის. მაშინ გავიგე, რომ ავტორს ეს ქანდაკება საკუთარი დედისთვის მიუძღვნია. როდესაც მელიქიშვილის ნამუშევრებს ინტერნეტის საშუალებით გავეცანი, აღმოჩნდა, რომ წლების წინ მუზეუმის წინ მდგარი სიმახინჯის ავტორიც ის ყოფილა.

ამ ქანდაკებებში შეიძლება ისეთი სიღრმეა, რომ მე და თქვენ ვერ ვწვდებით.

- ამ სფეროში სპეციალური განათლება მიღებული არ მაქვს, მაგრამ აღქმის უნარი გამაჩნია და წმიდა მეფე თამარის შეურაცხყოფის უფლებას, არც მელიქიაშვილს მივცემ და არც სააკაშვილს, ვინც არ უნდა იყოს შევაკვდები.

მესტიის სეტზე მშენებლობა, რომ დაიწყეს, ამაზე სვანები პროტესტი კი ჰქონდათ, მაგრამ მშენებლობა არ შეჩერებულად.

- ეშინოდეთ იმათ, ვინც სეტის ხელყოფაში მონაწილეობა მიიღო. ეს არის წმინდა ადგილი, რომელსაც ყოველთვის აკურთხებდნენ. ამ მოედანზე დაუშვებელი იყო რაიმე გასართობი ღონისძიების ჩატარება, ან მშენებლობა. ამ მოედანზე ხდებოდა ბრძოლის წინ ჩვენი ჯარის დალოცვა. ეს მოედანი იყო მესტიის წმინდა გიორგის სახელობის ეკლესიის, უძლიერესი სალოცავის ეზო.

1995 წელს, წინასაარჩევნოდ შევარდნაძე მესტიაში ჩამოვიდა. ფარისევლებმა ეკლესიაში შესვლა იციან, თითქოს დიდი მლოცველები და მორწმუნეები იყვნენ და იქ შემობრძანდა. ჩანთაში ერთი კვერცხი მქონდა, ამოვიღე, ხელში დავიკავე და ტაძრიდან, რომ გამოვიდა, სვანური წესით ასეთი რამ ვუთხარი - რამდენადაც სამართლიანი იყო ქართველი ერის წინაშე, იმ სიმართლით გატაროს უფალმა. თუ მართალი იყო, ამ კვერცხივით მთელი იყავი. თუ არადა ასე გამსკდარიყავი-მეთქი და მივახეთქე ეს კვერცხი ეკლესიის კედელს (გარედან).

შევარდნაძეს გული წაუვიდა, შაქარმა აუწია, მთელი უბედურება დაემართა - თვითმფრინავში რომ ჩასხდნენ, თქეში წამოვიდა და ჭექა-ქუხილი, რომ დაიწყო, შევარდნაძე და მისი თანხმლები პირები 3 საათი ჰაერში ტრიალებდნენ. იძულებული გახდნენ მესტიაში დარჩენილიყვნენ. იმ ღამეს გრგვინვა იყო, ცა ჩამოიქცა. მეორე დღეს მესტიიდან მანქანებით წავიდნენ, მაგრამ გზაზე შეფერხდნენ და სანამ ტრაქტორი არ მიაშველეს, გზა ვერაფრით გაკვალეს. ასეთი რა დამწყევლა იმ სვანის ქალმაო, - უთქვამს. მას შემდეგ სვანეთში არ ჩამოსულა. ის, რაც გიამბეთ, ჩემი ძალით არ მომხდარა და ჰკითხოს სააკაშვილმა თავის სულიერ მამას რა განცდები ჰქონდა იმ პერიოდში.

სააკაშვილი სვანეთის დატბორვაზე ხელს თუ არ აიღებს, კარგი არაფერი მოელის. გარკვეულ სოფლებთან ერთად ლახამულას წმინდა გიორგის სალოცავი იტბორება და ამას წმინდა გიორგი არ აპატიებს; ისეთი რისხვა იცის, ისეთი რისხვა, რომ ჩრდილოეთ კავკასიიდან მონღოლ-თათრების შემოსევა რომ იყო, მოსახლეობას ეკლესიის ეზოში დაუჩოქია და დახმარება უთხოვია - მტერი შენი ცეცხლით და მახვილით მოგვაშორეო;

ისეთი ცეცხლის წვიმა წამოსულა, რომ მტრის ჯარისკაცები და ცხენები დაუდვნია და მათგან მხოლოდ ნალები და ლურსმნები დარჩენილა, რაც დღემდე იმ ტაძარში სიმბოლურად ინახება. სააკაშვილი თუ დაინტერესდება, წავიდეს და მოინახულოს მტრის ურიცხვი ლაშქრიდან დარჩენილი ლურსმნები და ნალები.

| თამარ მეფის "ძეგლი" მესტიაში |

„მიყვარს სმა და მიყვარს ჭამა...“[video]

2012-01-13T02:40:00.000-08:00

ავტორი გვანცა გიორგობანი | presage.tv
14:49 13.01.2012
შობის დღესასწაული წყალტუბოელებს ახალი კლინიკის გახსნით მიულოცა. მანამდე მარნეული იყო, შემდეგ, გურია, მცხეთა... ყველგან „ევროპული სტანდარტის“ თანამედროვე, კლინიკა გახსნა. მართალია, ევროპისგან განსხვავებით, ქართულ კლინიკებში, ხშირად, სამედიცინო, თანამედროვე აპარატურა ჩამოტარებითაა და ლენტის გაჭრიდან რამდენიმე საათში ისე აქრობენ, თითქოს, არც არაფერი ყოფილა, მაგრამ ეს არაფერი, წინ უამრავი ტურნეა - არჩევენებამდე 100 ახალი საავადმყოფოს გახსნა უნდა მოესწროს და ესაა მთავარი.

და კიდევ, მთავარია ის, როგორ ხვდებიან მიხეილ სააკაშვილს ყველა რეგიონში ადგილობრივი ხელისუფლების მიერ მობილიზებული „ტაშისმკვრელები“. კარგია თუ - ცუდი, ფაქტია, სააკაშვილის ყოველი ტურნე რეგიონებისთვის ერთი დღეა - სასწაულისა.

სასწაულია აბა რა, როცა შენი სტუმრობის წინ ტყეში ნადირს მუსრს ავლებენ და ცაში - ფრინველს, შენ კი, ამ ყველფერს იმდენად მცირე დროში შეგიძლია მუსრი გაავლო და თან, სტომაქში რამდენიმე ბოთლი ლიმონათიც სულმოუთქმელად ჩაიცალო, რომ შენმა დაცვამ არა თუ დანაყრება, სუფრასთან მოკალათებაც ვერ მოასწროს. მერე კი, ისე წამოხტე სუფრიდან, რომ პირდაფჩენილმა, ადგილობრივმა მოკვდავებმა იმის გააზრებაც ვერ მოასწრონ რა უბედურება დატრიალდა მათ თავს.

მოკლედ, მიხეილ სააკაშვილის წინასაარჩევნო, ყველა ტურნე გაჭრილი ვაშლივით გავს ერთმანეთს და თვითმხიველებიც ერთი და იგივე ამბებს ყვებიან.

დღევანდელი ჩვენი რესპოდენტიც, წყალტუბოდან ერთი ასეთი ტურნეს თვითმხილველია. ვერ შეგპირდებით, რომ მის ვინაობას გაგიმხელთ, იმიტომ, რომ ეს, ჩვენი მხრიდან, დანაშაულის ტოლფასი იქნება და იმედია, „მედიაეთიკოსები“ შეგვინდობენ ცოდვას.

ნურც იმას იკითხავთ როგორ შევძლებთ დამაჯერებლობა შევძინოთ ანონიმურად მოყოლილ ამბავს, რადგან იმაზე უფრო დიდი მტკიცებულება, ვიდრე ამ რამდენიმე წლის წინ მიხეილ სააკაშვილის გურიაში სტუმრობა იყო (ალბათ, გახსოვთ თეატრალური რეკვიზიტებით გაწყობილი გურული ოდა), არ მოგვეძევება.

ასე რომ, დაპირებისმებრ გთავაზობთ ერთი წყელტუბოელი ადამიანის მონაყოლს და უნდა დაიჯეროთ თუ არა - თავად გადაწყვიტეთ, განსაკუთრებით მას შემდეგ, რაც სტატიის ბოლოს, სტუდია GNS-ის მიერ მომზადებულ სიუჟეტს თვალს კიდევ ერთხელ გადაავლებთ, აი იმას, გურულებზე, რომელზეც ზემოთ მოგახსენებდით.

მაშ ასე, ახლა კი ამბავი:

- მიხეილ სააკაშვილი წყალტუბოს შობა-დღეს სტუმრობდა. ახალი საავადმყოფო გახსნა. უფრო სწორად, ძველი გარემონტდა თანამედროვე დონეზე.

საავადმყოფო კარგად არის გაკეთებული?

- კი, ნორმალურად არის გაკეთებული, მაგრამ სამედიცინო დანადგარები, როგორც იცით, ერთი რაიონისთვის აქვთ ნაყიდი და როგორც ყველა რაიონში ხდება, საავადმყოფოს გახსნისთვის მოიტანეს, დაალაგეს, გვაჩვენეს, რომ მუშაობს და მერე მოხსნეს და სხვა რაიონის საავადმყოფოსთვის შეინახეს. მარტო საწოლებს ტოვებენ, სხვა, რაც სერიოზული და ძვიფასია თან მიაქვთ.

წყალტუბოდანაც უკვე წაიღეს?

- კი, მოაქვთ და მიაქვთ... გადაუღებენ და წაიღებენ, ყველგან ასე ხდება... ხაშურშიც იგივე გააკეთეს, საავადმყოფო რომ გაიხსნა რამდენიმე წუთის მერე აღარაფერი დატოვეს, ყველაფერი გაიტანეს.

ავადმყოფებიც ხომ არ მოყავთ და მიყავთ?

- ავადმყოფები ალბათ, საწოლებზე დარჩნენ... თუ იმათაც არ დაარბენინებენ აქეთ-იქეთ. მოკლედ, ასე გახსნეს საავადმყოფო, ხოლო მერე ლტოლილებისათვის აშენებული რამდენიმე კორპუსიც დაათვალიერეს. წყალტუბოში ეს ადგილი ჭაობის სახელწოდებით არის ცნობილი, რადგან ადრე, იქ სილოსი მოყავდათ, წყლიანი ადგილია. ახლა კი კორპუსები ჩადგეს და ხალხმა უნდა იცხოვროს სინესტეში და უბედურებაში. წყალტუბო წვიმიანი ადგილია, ერთი წვიმა და ყველაფერი დაიტბორება. დაახლოებით ისე გააკეთეს, რაც ე.წ. გეტოებში - წეროვანში.

ის ხალხი ვინ იყო, ვინც სააკაშვილს შეეგება?

- ნაწილი წყალტუბოელები იყვნენ, ნაწილი სხვა რაიონებიდან ჩამოიყვანეს. ხალხი ძირითადად, მობილიზებული ყავდათ სკოლებიდან - მოსწავლეები და მასწავლებლები. არმისვლის შემთხვევაში, ყველა მასწავლებელი გააფრთხილეს, რომ სამსახურს დაემშვიდობებოდნენ. ისინიც იძულებულები იყვნენ, რომ მისულიყვნენ. ცალკე ყავდათ რამდენიმე ადამიანი, რომლებიც მიშას უნდა დახვედროდა, სიტყვაც წინასწარ იყო შეთანხმებული და ისიც განსაზღვრული იყო კისერზე ვინ ჩამოეკიდებოდა და რას ეტყოდა. ერთ-ერთი ვინც მიშას შეეგება შუა ხნის მამაკაცია, ყოფილი ცეკვის მასწავლებელი, რომელსაც „შრომა“ რამდენიმე წუთში დაუფასეს და სახლში თანამედროვე ტექნიკა აუტანეს, პლაზმური ტელევიზორი და რაღაც რაღაცეები.

მაგრამ ყველაზე მეტად წყალტუბოელებს, ალბათ, პრეზენტაციის დასკვნითი ნაწილი დაამახსოვრდებათ. მოკლედ, სახელისუფლებო ტელევიზიებმა მიშას ვიზიტი რომ გადაიღეს, რა თქმა უნდა, სახელმწიფო ბიუჯეტის ხარჯზე დიდი ღრეობა გაიმართა, რესტორანში 80 კაცზე გაიშალა სუფრა. სუფრა იყო ძალიან მაღალი დონის, რა თქმა უნდა, იმერლები თავს არ შეირცხვენდნენ და საირმის ტყეებში ნანადირევი შვლის მწვადებიდან დაწყებული, დათვის ხორცის მწვადებით დამთავრებული ყველაფერი იყო. ბატონი პრეზიდენტიც იქ ბრძანდებოდა და რამდენიმე წუთის განმავლობაში, ორი ხელით და ათი თითით მოასწრო დანაყრება. მიშამ ამ რამდენიმე წუთში მოასწრო მინიმუმ ოთხი, მაქსიმუმ ხუთი ბოთლი ლიმონათის პირდაპირ ბოთლიდან მუცელში ჩაპირქვავება, ყოველგვარი ჭიქის გარეშე.

თუმცა, „ქეიფი“ სულ რამდენიმე წუთი გაგრძელდა. ხალხი გაკვირვებული უყურებდა პრეზიდენტს. ყველაზე საინტერესო ის იყო, რომ საკუთარი დაცვა, რომელიც თან ახლდა პრეზიდენტს, ის ის იყო, სუფრას უნდა მისხდომოდა, რომ მიშა უცებ წამოხტა და გაიქცა. დაცვაც იძულებული გახდა გაქცეულიყო და ხალხს ყველაზე მეტად ისინი შეეცოდა. ჯერ იყო და მთელი დღე უკან დაზდევდნენ და მერე, დაღლილ, მშიერ ხალხს ჭამაც არ აცალა. იქ დარჩენილ ნაციონალებს, გამგეობის წევრებს, ქალაქის საპატიო მოქალაქეებს შორის ეს ამბავი შაყირის საგანი გახდა. ასე დამთავრდა წყალტუბოში მიშას სტუმრობა და როგორც იტყვიან ბოლოს, კრება დარჩა მხიარული.

თავად წყალტუბოელებს როგორი განწყობა აქვთ?

- ძალიან დიდი იმედით ელოდებიან, რომ ამ ქვეყანაში რაღაცა შეიცვლება. ის განწყობა, რაც ეკრანებზეა, ეს არის ყველაფერი ხელოვნური. რა თქმა უნდა, აქა-იქ მიშას მხარდამჭერები ყავს, მაგრამ ისინი არიან აბსოლუტურ უმცირესობაში. მეტსაც გეტყვით, წყალტუბოში დღეს სირცხვილია, რომ ვინმემ ხმამაღლა გამოხატოს მიშას მიმართ მხარდაჭერა. უბრალოდ, ხალხი მუშაობს და მასზე აუგი ხმამაღლა რომ თქვან, სამსახურებს დაატოვებინებენ. წყალტუბო ძალიან ღარიბი რაიონია, სულ ტყულილია, რომ ამბობენ სასტუმრო გაიხსნა, ტურისტები ჩამოდიან და აყვავდა ქალაქიო, არაფერი ეგეთი იქ არ ხდება. წყალტუბოში ერთი სამხედრო სანატორიუმი იყო, რომელიც ნგრევის პერიოდშიც როგორღაც შეინარჩუნეს და მაშინაც კი ფუნქციონირებდა. დღეს ეს სანატორიუმი მხოლოდ შეაკეთეს, ავეჯი გამოცვალეს. გარდა ამისა, აპირებენ ცნობილი მეშახტეთა სანატორიუმი გაარემონტონ, რადგან როცა პარლამენტი ქუთაისში გადავა, დეპუტატებისთვის გამოყონ საცხოვრებლად.

„მწვანეთა პარტია“: თურქეთი მტკვრის გადაკეტვას აპირებს

2012-01-12T04:46:00.000-08:00

ავტორი თამუნა წიკლაური | ტრიბუნა.ge
14:57 12.01.2012
„მწვანეთა პარტიის“ ცნობით, თურქეთი „ბეშიქ ჰაიას“ წყალსაცავების კასკადის მშენებლობის მოტივით, მდინარე მტკვრის გადაკეტვას თურქეთ-საქართველოს საზღვართან აპირებს.

„პროექტის განხორციელების შემთხვევაში ჰიდროსადგურებზე გამოყენებული მდინარე მტკვრის წყალი საქართველოში აღარ წამოვა და გადაინაცვლებს მდინარე ჭოროხის კასკადის ბოლო წყალსაცავების - „კილიჩისა“ და „ისპირის“ შესავსებად. შესაბამისად, მდინარე მტკვრის წყალი ჭოროხის საშუალებით კასპიის ზღვის ნაცვლად შავ ზღვაში მოხვდება,“– აცხადებენ მწვანეთა პარტიის წევრები.

მათივე თქმით, „თურქული პროექტის“ განხორციელების შემთხვევაში, მთელი წლის განმავლობაში, მდინარე მტკვრის კალაპოტი თურქეთის საზღვრიდან 5 კილომეტრის მანძილზე მშრალ ხევად იქცევა.

„მწვანეთა პარტია“ მიმართავს საქართველოს, თურქეთის, აზებაიჯანის, გაეროს შესაბამის სტრუქტურებს, ევროკომისიას და ევროპის პარლამენტს, არ დაუშვან პროექტის განხორციელება, რადგან, გარდა ეკოლოგიური და ეკონომიკური პრობლემებისა, წყლის ხელოვნურად შექმნილმა დეფიციტმა შესაძლოა, სახელმწიფოებს შორის დაძაბულობა გამოიწვიოს.

„მდინარე მტკვარი ამიერკავკასიის ყველაზე დიდი წყლის არტერიაა, რომლის წყლის რესურსები მთელი ამიერკავკასიის რესურსების 30%-ს აღწევს.ის მნიშვნელოვანია განსაკუთრებით საქართველოსა და აზერბაიჯანისათვის. შესაბამისად, წყლის რესურსების შემცირება გამოუსწორებელ დარტყმას მიაყენებს არა მხოლოდ საქართველოს,არამედ აზერბაიჯანსაც“ - აცხადებს „მწვანეთა პარტიის“ ლიდერი გიორგი გაჩეჩილაძე.

პატიმარ მირზაშვილის წამების ფაქტზე პროკურატურამ გამოძიება დაიწყო

2012-01-11T05:26:00.000-08:00

ავტორი ნინო მიქიაშვილი | "ობიექტივი"
17:36 11.01.2012
ხვალ, 12 იანვარს პროკურატურა მძიმედ დაავადებულ პატიმარს, ნიკოლოზ მირზაშვილს მისი წამების ფაქტთან დაკავშირებით მოწმის სახით დაკითხავს. ეს ინფორმაცია მირზაშვილის უფლებების დამცველმა, ადვოკატმა მამუკა ნოზაძემ მოგვაწოდა. იგი მიიჩნევს, რომ წამების ფაქტზე გამოძიების დაწყება საქართველოს პროკურატურას ევროპული სასამართლოს წინაშე თავის გასამართლებლად სჭირდება.

შეგახსენებთ, რომ 37 წლის ნიკოლოზ მირზაშვილი, რომელიც სიმსივნითა და ტუბერკულოზითაა დაავადებული, ევროპული სასამართლოს მითითებით სასჯელს იხდის მსჯავრდებულთა და ბრალდებულთა N18 სამკურნალო დაწესებულებაში; იქ, სადაც პატიმრების ცემა-წამება ტრადიციადაა ქცეული.

მირზაშვილის წამების ფაქტზე ორი მასალა (9 და 15 დეკემბერს) მოვამზადე და გამოვაქვეყნე, რომელთა ნახვა ინტერნეტში შემდეგი სათაურებითაა შესაძლებელი: პატიმარი ნიკოლოზ მირზაშვილი მორგში ჩაიყვანეს, “დასკოჩეს“ და სცემეს; პატიმარ მირზაშვილს ემუქრებიან - “გაჩერდი, თორემ, ჩამოგახრჩობთ და ვიტყვით, რომ თავი ჩამოიხრჩე“.

როგორც ადვოკატი მამუკა ნოზაძე ამბობს, მირზაშვილის წამების ზემოხსენებული ფორმების გამოყენების მთავარი მიზეზია ის, რომ მსჯავრდებულს ევროსასამართლოში აქვს საჩივარი შეტანილი, მის საქმეზე კომუნიკაცია დასრულებულია და ახლა ის ევროსასამართლოს გადაწყვეტილების მოლოდინშია.

ნიკოლოზ მირზაშვილის მორგში ჩაყვანასა და წამებას წინ უძღვოდა მტრედებისთვის პურის ნამცეცების დაყრა. ეს ამბავი 2011 წლის 12 ნოემბერს მოხდა. ანუ მირზაშვილმა მტრედებს პური 12 ნოემბერს დაუყარა, რასაც მისი მორგში ჩაყვანა და სასტიკი მეთოდებით წამება მოჰყვა, რის შესახებამც მისი უფლებების დამცველმა, ადვოკატმა მამუკა ნოზაძემ 2011 წლის 8 დეკემბერს, მსჯავრდებულის მოძღვრისგან შეიტყო.

საქმე იმაშია, რომ მირზაშვილმა ადვოკატთან დაკავშირება ვერ შეძლო. ადვოკატი მამუკა ნოზაძე ჩვენთან საუბრისას აღნიშნა, რომ მსჯავრდებულთა და ბრალდებულთა N 18 სამკურნალო დაწესებულებაში მყოფი მისი დაცვის ქვეშ მყოფები და მათ შორის მირზაშვილი მასთან დაკავშირებას იმის გამო ვერ ახერხებენ, რომ ამაზე დაწესებულების ადმინისტრაციამ ადვოკატის ტელეფონი დაბლოკა. სხვათა შორის, ჩვენთან საუბრისას გარკვეული დაწესებულებების ადმინისტრაციის მიერ ტელეფონის დაბლოკვის შესახებ სხვა ადვოკატებმაც აღნიშნეს.

რაც შეეხება ხვალ ნიკოლოზ მირზაშვილის დაკითხვას - როგორც ადვოკატმა მამუკა ნოზაძემ გვითხრა, 11 იანვარს, 14 საათზე ტელეფონით დაუკავშირდა თბილისის პროკურატურის ანტიკორუფციული საგამოძიებო სამსახურის გამომძიებელი ზურაბ სამხარაძე და ნიკოლოზ მირზაშვილის დაკითხვის თარიღი შეუთანხმა.

“შევთანხმდით, რომ 12 იანვარს, დღის მეორე ნახევარში ნიკოლოზ მირზაშვილს მოწმის სახით დავკითხავთ, რადგან მოქმედი საპროცესო კოდექსით, ყველა პირი მოწმის სახით იკითხება. საქართველოს მთავარ პროკურატურას არაერთხელ (2011 წლის 12 და 20 დეკემბერს; 2012 წლისს 3, 6 და 9 იანვარს) მივმართე, რომ გამოძიება დაწყებულიყო მსჯავრდებულთა და ბრალდებულთა სამკურნალო დაწესებულების ადმინისტრაციის წარმომადგენელთა მხრიდან მირზაშვილის წამების ფაქტების გამო.

სამწუხაროდ, მოქმედი სისხლის სამართლის საპროცესო კოდექსით, გამოძიების დასრულების არანაირი ვადა არ არის დაწესებული. ვფიქრობ, რომ პროკურატურა ფორმალურ მოვალეობას მოიხდის - დაკითხავს მირზაშვილს და მისი მოქმედება ამით ამოიწურება. არსებობს დიდი ალბათობა, რომ პასუხისგებაში არ მისცემენ დამნაშავეებს და ჩემს განცხადებებზე ტრადიციულ პასუხს გამცემენ - მომწერენ, რომ გამოძიება მიმდინარეობს. მე დაველოდები პროკურატურის ქმედებას და შემდეგ ევროპულ სასამართლოს საქმის ვითარების შესახებ ვაცნობებ“, - ამბობს მამუკა ნოზაძე.

მისივე აზრით, პროკურატურამ გამოძიება იმის გამო დაიწყო, რომ მირზაშვილის წამების თაობაზე ევროპულ სასამართლოს დაუყოვნებლივ აცნობა - “პროკურატურაში ეს იციან და ევროპული სასამართლოს წინაშე თავი, რომ გაიმართლონ, ამის გამო გამოძიება დაიწყეს“.

წამების ექსპორტი

2012-01-10T07:39:00.000-08:00

ავტორი ნინო მიქიაშვილი | "ობიექტივი"
19:45 10.01.2012
პატიმრების წამების ბოლოდროინდელი მეთოდები - მედიკამენტების ნაცვლად ცემით მკურნალობა, თავზე დაფურთხება, მორგში ჩაყვანა, გაშიშვლება, გაკოჭვა, ცემა და გაუპატიურების მცდელობა (რასაც გლდანის N18 სამკურნალო დაწესებულებაში დღემდე იყენებენ), ახლა ალბათ, რუსთავის ნახევრად ღია და დახურული ტიპის თავისუფლების აღკვეთის N16 დაწესებულებაში დაინერგება. ამის თქმის საფუძველს მაძლევს მორიგი საკადრო ცვლილება, რის შესახებაც ადვოკატ მამუკა ნოზაძისგან შევიტყვე.

პატიმრების ცნობილი მწამებელი, გიორგი ავსაჯანიშვილი, რომელიც გლდანის N18 მსჯავრდებულთა და ბრალდებულთა სამკურნალო დაწესებულების უსაფრთხოების სამსახურს ხელმძღვანელობდა, ამავე დაწესებულების ყოფილმა დირექტორმა, ვაჟა ცხვედიანმა რუსთავის N16 დაწესებულებაში გადაიყვანა.

საკადრო ცვლილებების შესახებ ინფორმაციის გადამოწმება ვცადეთ სასჯელაღსრულების, პრობაციისა და იურიდიული დახმარების საკითხთა სამინისტროს პრესსამსახურის ხელმძღვანელთან, თეა სუხიშვილთან. “სასჯელაღსრულების დეპარტამენტში დავრეკავ და გავარკვევ. დღის ბოლოს შემეხმიანეთ“, - გვითხრა მან, მაგრამ მორიგ სატელფონო ზარს აღარ უპასუხა.

მსჯავრდებულთა და ბრალდებულთა N18 სამკურნალო დაწესებულების ადმინისტრაციის ყოფილი და ამჟამინდელი წარმომადგენლების: ვაჟა ცხვედიანის, გიორგი ავსაჯანიშვილის, ალექსანდრე თოლორდავასა და ზურაბ ბულბულაშვილის “საგმირო საქმეებზე“ ჩვენს ვებგვერდზე (და არა მარტო აქ) არაერთი სტატია გამოქვეყნდა. მსჯავრდებულებმა: მალხაზ არქანიამ, კახაბერ ბარათაშვილმა, ნიკოლოზ მირზაშვილმა, გიორგი ოქროპირიძემ, დენის ყვარელაშვილმა, ნიკოლოზ მირზაშვილმა და ზურაბ ბოსტოღანაშვილი ზემოხსენებულ პირები ღიად ამხილეს; მათ სახალხო დამცველის რწმუნებულებს ახსნა-განმარტებები მისცეს, საქართველოს მთავარ პროკურატურას, ევროპულ სასამართლოს საჩივრებით მიმართეს, მაგრამ ჯერჯერობით არავინ დაუსჯიათ.

ადვოკატი მამუკა ნოზაძე აცხადებს, რომ საქართველოს მთავარი პროკურატურა დამნაშავეებს მიზანმიმართულად მფარველობს.

“ჩემი დაცვის ქვეშ მყოფმა პირებმა: დენის ყვარელაშვილმა, ზურაბ ბოსტოღანაშვილმა და ნიკოლოზ მირზაშვილმა 2010 და 2011 წლების მანძილზე არაერთხელ მიმართეს საქართველოს მთავარ პროკურორს თხოვნით, რომ დაწყებულიყო გამოძიება ვაჟა ცხვედიანის და N18 სამკურანო დაწესებულების ადმინისტრაციის წარმომადგენლების: გიორგი ავსაჯანიშვილის, ალექსანდრე თოლორდავასა და ზურაბ ბულბულაშვილის მიმართ, მაგრამ სამწუხაროდ, მთავარი პროკურატურა დამნაშავეებს მიზანმიმართულად მფარველობს. დღემდე არ დაწყებულა გამოძიება ზემოხსენებული მსჯავრდებულების მიმართ ჩადენილ დანაშაულზე და არც დაიწყება.

საქართველოში უკანონობის ჩადენა მთავრობის მითითებით ხდება, რადგან ყველა პირს საჩივარი ევროპულ სასამართლოში აქვს. თითოეულ საქმეზე კომუნიკაცია დასრულებულია და ამჟამად გადაწყვეტილებას ველოდებით“.

მამუკა ნოზაძის თქმით, ვაჟა ცხვედიანმა ძალიან ბევრ პატიმარს უარი ათქმევინა ევროპულ სასამართლოში შეტანილ საჩივარზე:

“და ახლა ცხვედიანი იგივე საქმიანობის და დანაშაულების გასაგრძელებლად რუსთავის N16 დაწესებულებაში გადაიყვანეს. იქ ძალიან ბევრია ისეთი პატიმარი, რომელსაც ევროპულ სასამართლოში საჩივარი აქვს შეტანილი და ახლა მათზე გაგრძელდება ზეწოლა“.

ის რომ ვაჟა ცხვედიანი რუსთავის N16 დაწესებულებაში გადაიყვანეს და ის, რომ მან თან წაიყვანა გიორგი ავსაჯანიშვილი, ამის დანამდვილებით თქმა შეიძლება, მაგრამ ცხვედიანი დირექტორად დანიშნეს თუ მოადგილედ, ეს სამწუხაროდ, ვერ დავაზუსტე - გავრცელებული ინფორმაციით, ცხვედიანი დაწესებულების დირექტორის მოადგილედ დაინიშნა. პატიმრები კი ამბობენ, რომ დირექტორად გადაიყვანეს და არა მოადგილედ. ამ საკადრო ცვლილებების შესახებ სასჯელაღსრულების სამინისტროსა და დეპარტამენტის ვებგვერდებზე ინფორმაცია გამოქვეყნებული არ არის.

“გიორგი ავსაჯანიშვილი ცხვედიანმა წაიყვანა და რა თანამდებობაზე დანიშნა, ჯერ უცნობია. თუმცა, ეს ფაქტი თავისთავად ყურადსაღებია“, - ამბობს მამუკა ნოზაძე და იქვე დასძენს, რომ მისი დაცვის ქვეშ მყოფების წამების ფაქტებზე მორიგი საჩივარი საქართველოს მთავარ პროკურატურაში კვირის ბოლოს შეაქვს - “სხვათა შორის, მთავარ პროკურატურას ყვარელაშვილისა და მირზაშვილის საქმეებზე მიმდინარე წელს სამჯერ (3, 6 და 9 იანვარს) მივმართე, მაგრამ რეაგირება არ მოუხდენიათ. მიუხედავად ამისა, მათ არ მოვასვენებ“.

დაშინებული დაზარალებული და ჩიხში შესული გამოძიება

2012-01-10T00:07:00.000-08:00

ავტორი ნანა ფაჟავა | presage.tv
12:13 10.01.2012
„ბრალდების მხარე ცდილობს მოწმეების და მათ შორის დაზარალებულის ჩვენებებს მისცეს ერთი კალაპოტი, როგორმე მოაქციოს ერთ ლოგიკურ ჯაჭვში. თუმცა, ეს მას ძალიან უჭირს, არ გამოსდის, მაგრამ ამაში, სამწუხაროდ, ხელს უწყობს სასამართლო.“-ასეთი განმარტება გააკეთა ზუგდიდის რაიონული სასამართლოს შენობიდან გამოსულმა ადვოკატმა შალვა შავგულიძემ, რომელიც ადამიანის მკვლელობის მცდელობაში ბრალდებულის, სენაკის მუნიციპალიტეტის საკრებულოს ოპოზიციური ფრაქციის წევრის, რევაზ ხულორდავას ინტერესებს ამავე სასამართლოში იცავს.

შალვა შავგულიძემ ხულორდავას ბრალდების საქმეზე ზუგდიდის რაიონულ სასამართლოში დაწყებული არსებითი განხილვის მიმდინარეობა ისეთივე უკანონოდ შეაფასა, როგორც წინასწარი გამოძიება და წინასასამართლო განხილვის სხდომა. მისი განცხადებით მოსამართლე რომან ხორავამ 5 იანვარს გამართულ სასამართლო სხდომაზე დაცვის მხარის მიერ დაყენებული არცერთი შუამდგომლობა არ დააკმაყოფილა. მან ადვოკატებს უფლება არ მისცა სხდომების სრული აუდიო-ჩაწერა განეხორციელებინათ.

შალვა შავგულიძე, ადვოკატი: „სასამართლო სხდომაზე დავაყენეთ შუამდგომლობა და მოვითხოვეთ ბრალდების მხარის მოწმეების იმ ჩვენებების გამოქვეყნებაც, რომელიც მათ გამოძიებას მისცეს, რადგან ამ ჩვენებებს შორის არსებითი განსხვავება არსებობს. ვითხოვდით ასევე კითხვების დასმას, რომელიც განსხვავებებთან დაკავშირებით პასუხს გაგვცემდა. სამწუხაროდ, ეს შუამდგომლობაც არ დაგვიგმაყოფილა სასამართლომ. სასამართლო ასევე ხშირად ხსნიდა დაცვის მხარის მიერ დასმულ შეკითხვებს, რომელიც კანონის მიხედვით არ იყო მოსახსნელი, მაგრამ არ იყო ხელსაყრელი ბრალდების მხარისათვის.“

სასამართლო პროცესზე დაკითხულმა დაზარალებულმა დავით მგალობლიშვილმა ხულორდავას მკვლელობის მცდელობაში დასდო ბრალი და განაცხადა, რომ იგი ბერულავების სახლთან ურთიერთშელაპარაკების ნიადაგზე დაჭრეს. მართალია, რევაზ ხულორდავა მას „მუცელში დანის გაყრის დროს არ უნახავს, მაგრამ ხმის ტემბრი ეცნო.“

თავად რევაზ ხულორდავამ დღევანდელ პროცესზე განაცხადა, რომ მას მგალობლიშვილთან არანაირი ურთიერთობა არ ჰქონდა: - „მგალობლიშვილი სუფრასთანაც კი არ მჯდარა, ჩვენ რომ იქ ვიყავით, მაშინ, ტელევიზორის ანძას აკეთებდა. ჩვენი წამოსვლის შემდეგ მოუტანიათ 1,5 ლიტრი არაყი და დამთვრალან,“- განმარტა ბრალდებულმა.

შალვა შავგულიძე, ადვოკატი: „დაზარალებულმა დავით მგალობლიშვილმა დღეს სასამართლოს გამოძიების პროცესში მიცემული ორი ჩვენებისგან აბსოლუტურად განსხვავებული ჩვენება მისცა. მან ფაქტობრივი გარემოებებიც განსხვავებულად აღწერა. სასამართლომ ამ შემთხვევაშიც არ მოგვცა გამოგვექვეყნებინა გამოძიების ჩვენებები და დამატებითი კითხვებით დაგვეზუსტებინა, საბოლოოდ, დაზარალებული მისი ჩვენების რომელ ნაწილს მიიჩნევს ჭეშმარიტად. როგორც ჩანს, მასზე სერიოზული ზეწოლა ხორციელდება, სხვაგვარად ამ განსხვავებებს ახსნა არ აქვს.

მრჩება მყარი შთაბეჭდილება, რომ სასამართლო ამ საქმეზე არ ცდილობს ჭეშმარიტების დადგენას. სასამართლო ცდილობს როგორმე დაადასტუროს წარდგენილი ბრალდება და რევაზ ხულორდავა დამნაშავედ სცნოს განზრახ მკვლელობის მცდელობაში, რომელიც მას რეალურად არ ჩაუდენია, არ იმყოფებოდა იმ ადგილზე, სადაც ეს დანაშაული მოხდა. მაშინ, როცა სისხლის სამართლებრივ ბრალდებას არ აქვს სამართლებრივი საფუძველი და ბრალდებული არის ოპოზიციური ფრაქციის წარმომადგენელი, ერთადერთი ლოგიკური დასკვნა არსებობს, საქმე გვაქვს პოლიტიკურ ბრალდებასთან.“

რევაზ ხულორდავა სენაკელმა სამართალდამცავებმა 20 ნოემბერს, მოქალაქე დავით მგალობლიშვილის მკვლელობის მცდელობის ბრალდებით დააკავეს და ორთვიანი წინასწარი პატიმრობა შეუფარდეს. დანაშაულის დამტკიცების შემთხვევაში ხულორდავას 7-დან 15 წლამდე პატიმრობა ემუქრება. ადმინისტრაციული წესით დაკავებულია და პატიმრობაში იმყოფება ასევე ხულორდავას ძმა, მალხაზ ხულორდავა. ადვოკატების ინფორმაციით, მისი დაკავება ძმის ბრალდების საქმეში დამოუკიდებელი გამოძიების ჩატარებას უკავშირდება, რომელსაც თავად აწარმოებდა.

რევაზ ხულორდავას დაკავებისა და სასამართლო პროცესების დეტალებზე presage.tv უკვე წერდა. (http://www.presage.tv/?m=society&AID=8205) – (http://www.presage.tv/?m=society&AID=8904) ზუგდიდის რაიონულ სასამართლოში ხულორდავას საქმეზე არსებითი განხილვა 18 იანვარს განახლდება.

სააკაშვილის ციხეში 22 წლის წყალბურთელი აწამეს

2012-01-09T15:55:00.000-08:00

ავტორი ილია ჩაჩიბაია
04:20 10.01.2012
თბილისის მსჯავრდებულთა და ბრალდებულთა 18 სამკურნალო დაწესებულებაში ახალი წელი კიდევ ერთი პატიმრის წამებით "აღინიშნა". საქართველოს წყალბურთელთა ეროვნული ნაკრების წევრი გიორგი ოქროპირიძე, რომელიც შსს მიერ შეთითხნილი ბრალდებით სასჯელს იხდის, კალმახელიძის ციხის ჯალათების მორიგი მსხვერპლი აღმოჩნდა. "ამას არ უნდა ექიმი, ცოტა დაიცალოს სისხლისგანო" – ასე "ამხნევებდნენ" სიკვდილის პირას მყოფ 22 წლის ბიჭს დაწესებულების თანამშრომლები.

უფრო კონკრეტულად, მასზე განხორციელებული ზეწოლის შესახებ გიორგი ოქროპირიძე იმ წერილში ყვება, რომელიც მისმა დედამ ცირა გოდერძიშვილმა მოგვაწოდა:

გიორგი ოქროპირიძე: – რამდენიმე დღის წინ ჩემი განთავსების ადგილზე (თერაპიული განყოფილების N5 საკანი) მომინახულა ამავე დაწესებულების სოციალური სამსახურის უფროსმა, ზურაბ ბულბულაშვილმა, რომელმაც გადმომცა პირადი ჰიგიენის ნივთები (ტუალეტის ქაღალდი, სარეცხი საპონი). ამავე დროს მან მითხრა, რატომ არ მოაწერე ხელი თავის დროზე საკითხს, სადაც ეწერა, რომ თითქოს მე დავარღვიე სარეჟიმო მოთხოვნები. აღნიშნულზე განვაცხადე, რომ ვითხოვდი პასტას, ფურცელს, ადვოკატთან შეხვედრას და რაიმე განსაკუთრებული და უკანონო მოთხოვნა მე არ მქონია. ასევე ვუთხარი - რატომ მღუპავთ? რაზეც პასუხად მივიღე - "შენ დაღუპვა აწი ნახე" და დაამატა, რომ ყველაფერი ისე იქნებოდა სასამართლოშიც, როგორც ადმინისტრაციის წარმომადგენლები განუცხადებდნენ მოსამართლეს და კიდევ უფრო დამძიმდებოდა ჩემი მდგომარეობა. ზურაბ ბულბულაშვილი კიდევ ერთხელ დამემუქრა სანქციების დამატებით. ამის შემდეგ იგი წავიდა.

მიუხედავად ჩემი არაერთი თხოვნისა, ამ დრომდე გარდა ტუალეტის ქაღალდისა და სარეცხი საპნისა, არ მაქვს პირადი ჰიგიენის ნივთები, რის გამოც სრულფასოვნად ვერ ვახერხებ საკვებისთვის განკუთვნილი ჭურჭლის გარეცხვას. გატეხილია კოვზი, თუმცა არ მაძლევენ ახალ კოვზს. მთელი დღე-ღამის განმავლობაში ჩემს საკანში ანთებულია ელექტრონათურა. ასევე არ მიკეთებენ გადახევევას ჭრილობებზე და არც მედპერსონალი მოსულა ჩემთან ორი დღეა.

ჩემს სისხლის სამართლის საქმესთან დაკავშირებით და ჯანმრთელობის პრობლემების გამო, ამა წლის აპრილში ევროსასამართლოს მივმართე. აქვე გაცნობებთ, რომ დაკავების დღეს ვიყავი დაჭრილი ფილტვის, ღვიძლის და დიაფრაგმის არეში, რის გამოც ღუდუაშაურის სახელობის საავადმყოფოში ჩამიტარდა ქირურგიული ოპერაცია, რის შემდეგაც დავვადდი ვირუსული ცე ჰეპატიტით. ა.წ. ოქტომბერში ევროსასამართლოდან ჩემს განცხადებასთან დაკავშირებით გამოიგზავნა მითითება, რათა ჩამტარებოდა მკურნალობა. ამის გამო ამა წლის 1 დეკემბერს თბილისის N1 დაწესებულებიდან გადმომიყვანეს N18 სამკურნალო დაწესებულებაში.

შეყვანისთანავე ჩაგვამწკრივეს კედელთან, რის შემდეგაც დაწესებულების რეჟიმის სამსახურის უფროსმა, ალექსანდრე თოლორდავამ დამიწყო სიტყვიერი შეურაცხყოფის მოყენება, რაც გამოიხატებოდა გინებაში, როგორც ჩემი მისამართით, ასევე სტრასბურგის ევროსასამართლოს მისამართითაც. მიწოდებდნენ ინტრიგანს, ვინაიდან საჩივარი მაქვს შეტანილი ევროსასამართლოში.

ამავდროულად, შეურაცხყოფის მოყენება დამიწყო დაწესებულების უსაფრთხოების სამსახურის უფროსმა, გიორგი ავსაჯანიშვილმა, რომელიც მაგინებდა. მან ასევე მკითხა თუ რა სასჯელი მქონდა და რისთვის ვიყავი გადმოყვანილი სამკურნალო დაწესებულებაში, რაზეც მე გავეცი ამომწურავი პასუხი, რის შემდეგაც მან მითხრა, რომ "დროებით გაქვს 13 წელი და დროებით გაქვს ცე ჰეპატიტიო“ და დამემუქრა სანქციის დამატებით, ხერხემლის დაზიანებით და კიდევ სხვა დაავადებების შეყრით. ასევე დაამატა, რომ ისე მცემდა, რომ სხეულზე არ შემეტყობოდა დაზიანებები და ექსპერტიზა ვერაფერს დაადასტურებდა. აღნიშნულზე მე ვკითხე თუ რით დავიმსახურე შეურაცხყოფა, რაზეც მიპასუხეს, რომ სტრასბურგითო.

ამის შემდეგ გამიყვანეს დაწესებულების ზედა სართულზე ასასვლელებთან, სადაც ჩამიტარეს ჩხრეკა, სადაც კვლავ ასე უმიზეზოდა განაგრძეს ჩემი სიტყვიერი შეურაცხყოფა და მუქარა, რასაც დაემატა ფიზიკური შეურაცხყოფა, რაც გამოიხატა სილების გარტყმაში, თავისა და სახის არეში. ამის შემდეგ ჩამომართვეს სპორტული სვიტერი, ბლოკნოტი და წამიყვანეს მიმღებში, სადაც გავიარე აუცილებელი სამედიცინო პროცედურები, რის შემდეგაც მორიგე კონტროლიორმა ამიყვანა დაწესებულების მე-3-ე სართულზე, ქირურგიულ განყოფილებაში. მომათავსეს N18 საკანში, სადაც ჩემს გარდა იმყოფებოდა კიდევ ორი მსჯავრდებული, რომლებიც დაავადებულნი არიან მძიმე ფორმის დაავადებებით, როგორიც არის ღვიძლის ცეროზი, ტუბერკულოზი და შიდსი.

ერთ დღეს, დაახლოებით შუადღის პერიოდში გიორგი ავსაჯანიშვილმა გამოაღო ჩემი საცხოვრებელი საკნის "კორმუშკა" და დამიძახა, რათა გავსულიყავი საკნიდან. გამოვედი საკნიდან და შევედი ჩემი საკნის მოპირდაპირე მხარეს და ოდნავ მარჯვნივ მდებარე საორდინატორო ოთახში, სადაც მითხრა - "არ გეგონოს სტრასბურგით რამე გაგივა“. მომაყენა სიტყვიერი შეურაცხყოფა, რაც გამოიხატა გინებაში, ხოლო შემდეგ კვლავ გამარტყეს სილები, თავისა და სახის არეში. ავსაჯანიშვილს თან ახლდა ალექსანდრე თოლორდავა, რომელიც ასევე იღებდა მონაწილეობას ჩემს შეურაცხყოფაში...

ამის შემდეგ, ყვირილით და გინებით შემიყვანეს ჩემს საკანში. მორიგე ოფიცრებმაც დამიწყეს აგდებული ლაპარაკი და იყვნენ გამოწვევაზე... ამავდროულად აგდებით და არაეთიკურად მეპყრობოდა ერთ-ერთი ექთანი, სახელად ნანა, რომელიც მიყვირის გამუდმებით და ასევე მაყენებს შეურაცხყოფას, განსხვავებით სხვა მედპერსონალისგან, რომლებიც საკმაოდ კარგად და თავაზიანად მეპყრობიან.

ამა წლის 14 დეკემბერს გამიყვანეს სასეირნოდ და დასარეკად, მაგრამ ტელეფონით ვისარგებლე დაახლოებით 2 წუთი, რის შემდეგაც აპარატი გაითიშა და ვერ ვისაუბრე გათვალისწინებული 15 წუთით. ამის გამო ვთხოვე მორიგეს, რომ მოეცათ უფლება დამერეკა სხვა აპარატიდან, რა დროსაც მოვიდა დაწესებულების ორი თანამშრომელი, ერთ-ერთი იყო თოლორდავა, რომელმაც აგდებით მითხრა - "დაგარეკინოს სტრასბურგმაო".

ახალი წლის დღეებში კვლავ იღება ჩემი საკნის "კორმუშკა" და მეძახის ზემოაღნიშნული ექთანი ნანა, რომელმაც მითხრა, რომ უნდა დამელია წამალი, რაზეც მე ვუთხარი, რომ ჯერ საუზმე არ იყო დარიგებული და ამ პრეპარატის მიღება საჭირო იყო საკვების მიღების შემდეგ (პროფესორ ქესაშვილის დანიშნულებით), რაზეც ექთანი ლანძღვით გაბრუნდა და მითხრა, რომ საერთოდ აღარ მომიტანდა წამალს...

საკანში გინებით შემოვარდა ალექსი თოლორდავა, რომელმაც გაშლილი ხელი დამარტყა კეფის არეში და ძალის გამოყენებით გამიყვანა საკნიდან და შემიყვანა საორდინატოროში, სადაც კვლავ რამდენჯერმე გამარტყა და მომაყენა სიტყვიერი შეურაცხყოფა. ამის საპასუხოდ მე მოვითხოვე საწერი კალამი, ფურცელი, ადვოკატთან და სახალხო დამცველის რწმუნებულთან შეხვედრა, რამაც იგი უფრო გააშმაგა და უფრო გამწარებულმა დამიწყო ლანძღვა-გინება. ამის შემდეგ თოლორდავამ მისცა მითითება მორიგეს, რომ შევეგდეთ მარტო ისეთ საკანში, სადაც ლოგინის მეტი არ იქნებოდა არაფერი.

იმავე დღეს საღამოს საათებში საკანში შემოვიდა ზურაბ ბულბულაშვილი, რომელმაც განმიცხადა, რომ დავარღვიე სარეჟიმო მოთხოვნები. თუმცა, რა დავარღვიე, არ განმიმარტა, რის გამოც ერთი თვე მეკრძალებოდა დაწესებულების მაღაზიით სარგებლობა. ამასთანავე მან მოითხოვა ხელის მოწერით დამედასტურებინა ყოველივე ეს, რაზეც უარი განვუცხადე და მოვითხოვე ადვოკატთან და სახალხო დამცველის რწმუნებულთან შეხვედრა, რის საპასუხოდაც იგი დამემუქრა და წავიდა. იმავე დღეს ცემის შედეგად ვაღებინე სისხლი.

ამოვიდა სოციალური სამსახურის უფროსი ზურაბ ბულბულაშვილი, რომელმაც მითხრა, რომ დავარღვიე სარეჟიმო მოთხოვნები, რაც ითვალისწინებდა ორ თვემდე ადმინისტრაციულ სანქციებს, რაზეც მე კვლავ ვკითხე, თუ რა დარღვევაში მედებოდა ბრალი. მან მიპასუხა, რომ სასამართლო გამოიტანდა ისეთ გადაწყვეტილებას, რომელიც გაამართლებდა დაწესებულების ადმინისტრაციის პოზიციას და შემიფარდებდნენ ადმინისტრაციულ სახდელს. მან ასევე დაამატა რომ "ახლა გიშველის სტრასბურგიო“ და წავიდა, ხოლო წასვლამდე კვლავ დამემუქრა, რადგან მე კვლავ უარი ვუთხარი საქმეზე ხელის მოწერაზე, რომ თითქოს მე დავარღვიე სარეჟიმო მოთხოვნები.

მალევე ამოვიდნენ დაწესებულების თანამშრომლები, რომლებმაც გადამიყვანეს შენობის მეორე სართულზე, თერაპიულ განყოფილებაში, N#5 საკანში, სადაც დგას ერთი საწოლი, ოთახი აღჭურვილია ვიდეოკამერით და სადაც გამუდმებით ანთებულია ელექტრონათურა, რომელსაც არც ღამე აქრობენ. ყოველივე ზემოაღნიშნულის გამო ვიყავი უკიდურესად განერვიულებული, ვითხოვდი ადვოკატთან შეხვედრას, პასტას და ფურცელს, რაც არ დამიკმაყიფილეს და პროტესტის ნიშნად (რაც გამოწვეული იყო ჩემს მიმართ განხორციელებული ზეწოლებით) ყელის და მარცხენა ზედა კიდურის არეში მივიყენე თვითდაზიანებები.

დაახლოებით ერთი საათი არ მოიყვანეს ექიმი, ხოლო როდესაც მოიყვანეს, ისევ უკან გააბრუნეს – "ამას არ უნდა ექიმი, ცოტა დაიცალოს სისხლისგანო“. დავკარგე საკმაო რაოდენობით სისხლი. ამავდროულად კვლავ მემუქრებოდნენ დაწესებულების თანამშრომლები. ცოტა ხანში დამაწყებინა კანკალი. მკვეთრად გაუარესდა ჩემი მდგომარეობა, რის შემდეგაც ამიყვანეს მე-4 სართულზე, ქირურგიულ შესახვევში და მარცხენა ზედა კიდურის ჭრილობაზე დამადეს 4 ნაკერი.

დეკემბრის ბოლო დღეებში, დილით შემოვიდნენ საკნის გასაჩხრეკად. საკანი იყო სისხლში მოსვრილი. ამ დროს გიორგი ავსაჯანიშვილმა და თოლორდავამ მითხრეს, რომ თუნდაც სისხლისგან ბოლომდე დავცლილიყავი, ვერ მივიღებდი ადვოკატთან შეხვედრის უფლებას – დამემუქრნენ მოკვლით, დაინვალიდებით და მითხრეს, რომ ყოველივე ამას დააბრალებდნენ სუიციდის მცდელობას.

დაახლოებით 14.30 წუთისთვის წამიყვანეს სასამართლოზე, სადაც ბრალდების მხარედ გამოდიოდა ავსაჯანიშვილი, რომელმაც ვერანაირი დასაბუთება ვერ მოახდინა მის მიერვე მოყვანილი ფაქტების. ასევე ვერ უპასუხა ჩემი ადვოკატის დავით დადიანის მიერ დასმულ შეკითხვებს. ყოველივე ეს განვუცხადე მოსამართლეს და ვითხოვე დახმარება, რადგან ჩემს ჯანმრთელობას და სიცოცხლეს ემუქრებოდა საფრთხე და ვითხოვე სხვა დაწესებულებაში გადაყვანა. მიუხედავად ყველაფერი აღნიშნულისა, სასამართლომ დამაკისრა ადმინისტრაციული სახდელი ერთი თვის ვადით, რასაც მე არ ვეთანხმები და მსურს გავასაჩივრო.

სასამართლოდან სასჯელაღსრულების დაწესებულებაში დაბრუნებისას, გზაში თან მახლდა გიორგი ავსაჯანიშვილი, რომელმაც მითხრა, რომ საქმეში მიწერია თვითმკვლელობის მცდელობა და დამემუქრა, რომ "გიპოვნიან მკვდარსო". აღნიშნულზე, მინდა განვაცხადო, რომ სუიციდის მცდელობა არ მქონია არასდროს, არც ახლა და არც მომავალში არ ვაპირებ თავის მოკვლას. ჩემი ერთადერთი მოთხოვნაა გადამიყვანონ სხვა დაწესებულებაში, რადგან N18 დაწესებულებაში ჩემს სიცოცხლეს და ჯანმრთელობას ემუქრება საფრთხე, ამავე დაწესებულების თანამშრომლების მხრიდან" – ამბობს გიორგი ოქროპირიძე.

| გიორგი ოქროპირიძე |

საახალწლოდ ბათუმი პროტესტის ნიშნად ფეხსაცმელებით მოირთო

2012-01-08T23:13:00.000-08:00

ავტორი ილია ჩაჩიბაია
11:22 09.01.2012
ბათუმში ელექტროგაყვანილობის ხაზებზე ჩამოკიდებული ფეხსაცმელები უკვე რამდენიმე კვირაა ქალაქში ჩასული სტუმრების გაოცებას იწვევს. ადგილობრივმა მოსახლეობამ ელექტროენერგიის საფასურის ზრდა ამ ფორმით გააპროტესტა და ხელისუფლებას საახალწლოდ ქალაქის მორთვის საკუთარი ვერსია შესთავაზა. სააკაშვილის საქართველოში, აჭარელები, იმ იმედით, რომ ასტრონომიული სიჩქარით ბათუმის ქუჩებში მონავარდე ქვეყნის პირველ პირს ფეხსაცმელი თავში დაეცემა, უპრეცედენტო აქცია წამოიწყეს. "იქნებ სააკაშვილს თავში ან თვალში მაინც მოხვდეს ჰაერში გამოკიდებული ფეხსაცმელები და შეიგნოს, რომ გვიჭირს, გვშია და ელექტროენერგიის უზარმაზარ ფასებს ვეღარ ვუმკლევდებით", – ამბობენ ბათუმელები.

გვესაუბრება მოძრაობა „ემსახურე საქართველოს“ თავმჯდომარე მურმან დუმბაძე:

–როდესაც მოსახლეობას ძალიან უჭირს და უზარმაზარ ელექტროენერგიის გადასახადს იხდის, პროტესტის ასეთი ფორმა გასაკვირი არ არის. როდესაც ოჯახების უმეტესობას შემოსავალი არ გააჩნია და კომუნალური ხარჯები ძალიან დიდია, ხალხს ერთადერთი გზა რჩება: ასეთი ფორმით მაინც მიახვედროს ხელისუფლებას, რომ ქვეყნაში ძალიან მძიმე ვითარებაა. სააკაშვილი გაიძახის, აშენდა აჭარაო ეს არის ფარსი და ტყუილი!

მივესალმები მოსახლეობის ასეთ აქტიურობას, ხელისუფლებამ ერთხელ და სამუდამოდ უნდა შეიგნოს, რომ ჰიდრორესურსებით მდიდარი ქვეყანაში ელექტროენერგიის უზარმაზარი გადასახადი არ უნდა არსებობდეს. ქალაქის ცენტრი მოსახლეობის ხარჯზეა განათებული. ევროპაში ყველთვის ცდილობენ ელექტროენერგია ეკონომიურად მოიხმარონ, აქ კი პირიქით ხდება.

ბატონო მურმან, როგორ შეხვდა ბათუმი 2012 წელს?

–წინასაახალწლო მზადება ხელისუფლებისთვის არის სტანდარტი, ეს არის აბრჭყვიალებული ქალაქის ცენტრი, ბულვარის და სანაპიროს ტერიტორია. პრაქტიკულად დანარჩენი ქალაქი არის არეულ-დარეული. უკვე მეოთხე წელია მიმდინარეობს ბათუმის „მშენებლობა“. სააკაშვილის დაპირება იყო, რომ ქალაქის რეკონსტრუქცია 2010 წლის თვითმმართველობის არჩევნების პერიოდში უნდა დასრულებულიყო, მაგრამ დღემდე არ დაადგა საშველი სამუშაოების დასრულებას. ერთი მეხუთედი ნაწილის გარდა არაფერი გაკეთებულა. ახალ წელს ბათუმი ძველებურად შეხვდა. აქ არაფერი შეცვლილა. გასულ წელს ხელისუფლებამ ენრიკე იგლესიასი ჩამოიყვანა და ახლა ხულიო იგლესიასი გაუძღვა საახალწლო ტაშ-ფანდურს. კონცერტებში მილიონები იხარჯება, მაშინ როდესაც ბათუმელთა აბსოლუტური უმრავლესობა უმუშევარია, ხალხი 2012 წელთან შესახვედრად მზად არ იყო და სააკაშვილთან ერთად საზეიმოდ არავის ცხელოდა. აჭარელებს უნდათ დღესასწაულს საკუთარ ოჯახებში შეხვდნენ, მაგრამ სამუშაო ადგილები არ არის და ბათუმელთა უმრავლესობა თურქეთში სამუშაოდ გადაიხვეწა. ადამიანებს არანაირი პერსპექტივბა არ გააჩიათ. ზეიმობს მხოლოდ ის, ვინც სახელმწიფო სამსახურშია დასაქმებული და 31 იანვარს იგლესიასის კონცერტს დაესწრო. უბრალო ბათუმელებს ძალიან უჭირთ და 2012 წელს ღარიბულად შეხვდნენ.

–„ნაციონალურ ტელევიზიები“ ყოველდღიურად ატრიალებენ კადრებს, როგორ გულმხურვალედ ხვდებიან სააკაშვილს ბათუმში, ნამდვილად ასე ძალიან უყვართ მიშა აჭარაში?

–ამასწინათ, მიხეილ სააკაშვილი ბათუმის უპოვართა სასადილოში მივიდა. ეს გახლდათ დადგმული სპექტაკლი, რომელსაც აჭარის და ცენტრალური ტელევიზიები პირდაპირ ეთერში გადასცემდნენ. იქ ვმნახე ერთი ქალბატონი, რომელიც თავს მოხუცებულთა სასადილოს აქტიურ მომხმარებლად ასაღებდა და სააკაშვილის მიმართ საქებარ სიტყვებს არ იშურებდა. მინდა გითხრათ, რომ ამ ქალს ბათუმის ცენტრალურ ნაწილში 3-ოთახიანი ბინა აქვს. სწორედ ასეთი ხალხი დაყავთ პიარისთვის განკუთვნილ შეხვედრებზე! არც ერთი ადამიანი, რომელიც პირდაპირ ეთერში გამოჩნდა, ღატაკთა სასადილოში არ დადის. კამერების წინ მოულოდნელად რამე უხერხული შეკითხვა არ დაისვას, ისეთი ადამიანებს აჩვენებენ, ვისაც ასეთი სასადილოები არ სჭირდებათ.

–რამდენიმე დღის წინ ბათუმში, მემედ აბაშიძის ქუჩაზე ღიად დატოვებულ საკანალიზაციო ჭაში ბავშვი ჩავარდა, რომელიც დედასთან ერთად ტროტუარზე მიდიოდა. ბავშვი დაშავდა. ნუთუ, ბათუმის ქუჩები კვლავ დიდხანს უნდა იყოს გადათხრილი და დამახინჯებული?

–ბათუმის წყალ-კანალიზაციის გამართვისთვის თანხა გერმანულმა ორგანიზაციამ გამოყო, მაგრამ ხელისუფლებამ რესტავრაცია ვერა და ვერ დაასრულა. ჩემი ინფორმაციით, აღნიშნულ სამუშაოებს ვანო მერაბიშვილის ფირმებში დასაქმებული არაკვალიფიციური კადრები ასრულებენ. სწორედ ამიტომ ჭიანურდება მშენებლობის პროცესი. სააკაშვილის პიარკამპანია, რომ ბათუმი აყვავდა, აშენდა და გალამაზდა, არის ხელისუფლების მორიგი ტყუილია. ვიმეორებ, რომ ქალაქის მნიშვნელოვანი ნაწილი დანგრეული და გაპარტახებულია.